Chloe's POV

Matapos kong makapagdamit at makapagayos ng sarili ay dali-dali na rin akong bumaba nang maalala ang kalagayan ni Air. Pagbukas ko ng pinto ay nagsusuot na ito nung damit niya kagabi kaya naman agad kong hinablot iyon at binigyan siya ng damit na kinuha ko mula sa kwarto ni Mravin.

"Ang bilis mo namang nakapag-shower. Heto, magpalit ka. Amina iyang mga damit mo," sabi ko sa kanya sabay hablot sa damit niya. Hindi ko man lang alam kung saan nagshower ito. Basa na kasi ang buhok niya at mukhang paligo.

"I don't need that--"

"Hep hep! Shut up. Nasa bahay ka namin kaya susundin mo ang gusto ko," pigil ko sa kanya saka ako naglakad palabas ng kwarto. Bago ko pa isara ang pinto ay pumihit akong muli paharap sa kanya. "Bilisan mo, late na late na tayo!"

Dumiretso na ako sa labas ng bahay at pumasok sa loob ng kotse ni Air. Nang maka-upo ako ay inilabas ko ang phone ko saka ako nagtext kay Ake.

To Ake:

Pupuntahan kita mamaya. Sorry about last night Babybear. Keep safe. I love you.

Message sent

Sumunod na ginawa ko ay tinawagan ko si Eos.

"Hello? Damn! Chloe! Anong nangyari sayo?! Bakit hindi ka nagtext kagabi?! Hinahanap ka sa akin ni Ake. Nagpunta siya sa bahay niyo kagabi pero wala naman daw tao. Nasaan ka?!" Sunod sunod na litanya ni Eos dahilan para mapa-kunot noo ako. Masakit kaya sa tenga masigawan!

Teka, nagpunta kagabi sa bahay si Ake? Psh! Paano niya akong makikita eh nandoon kami sa guest room sa baba. Sa ilalim kasi iyon ng hagdan kaya tago.

"Sorry sorry. Papunta na ako ng school. Magpapaliwanag ako mamaya. Late na ba ako?" Tanong ko.

"No. Wala tayong klase this morning pero pumasok ka, hihintayin kita rito," aniya.

"Okay okay. See you later," sabi ko saka ko binaba ang linya.

Ini-start ko na ang sasakyan nang makita ko si Air. Agad naman 'tong pumasok sa passengers seat at hindi na nakipagtalo na ako ang magda-drive. Wow! Baka wala pa siya sa mood makipagtalo.

Agad kong pinaandar ang sasakyan at mabilis na nag-drive papuntang school. Ilang minuto lang ay nasa school na kami. Nang lingunin ko si Air ay nakahawak pa rin ito sa may seatbelt niya at para bang takot na takot.

"Sorry, kailangan natin magmadali." Sabi ko sa kanya saka ako lumabas ng sasakyan niya. "Halika na!" Yaya ko sa kanya bago ko isinara ang pinto.

Tuloy tuloy ako sa paglalakad paakyat sa classroom namin. Pagbukas ko ng pinto ay nakita ko roon sina Eos, Ayeka, Kai..

"Ake?" Bulalas ko. Patakbo naman siyang lumapit sa akin saka niya hinawakan ang balikat ko.

"Saan ka galing? Anong nangyari? Bakit--"

Natigilan sa pagsasalita si Ake nang malingon ito sa likuran ko. Lumingon din ako roon para makita kung ano ang nakita niya. Tss! Sino pala. Si Air.

"Magkasama kayo?" Tanong ni Ake habang salitan niya kaming tinitignan.

"Look, something happened yesterday. Kasama ko si Air--"

"Hey. Huwag kayong magisip ng kung ano-ano. Tinulungan niya ako kahapon," putol sa akin ni Air. "I was sick yesterday. Nasa bahay nila kami."

"Ginagago mo ba ako? Nagpunta ako sa bahay nila kagabi!" Singhal ni Ake kay Air. Halatang inis ito.

"Ake, he's telling the truth. Nandoon kami sa guest room sa baba kaya hindi mo kami nakita. Inaapoy siya ng lagnat kagabi, I'm so sorry kung hindi ko kayo nasagot. Lalo na ikaw. I'm so sorry Babybear." Hinawakan ko ang kamay ni Ake saka ko iyon bahagyang pinisil. "Huwag ka ng magalit, please?"

Bumuntong hininga si Ake saka ito umiling. Tinabig niya ang kamay ko saka niya ako niyakap.

"Don't ever do that again! And please Chloe, alam ko kung gaano ka kabait, but still, he's a guy. Madalas ka pa man ding walang kasama sa bahay niyo. Do you trust him that much?" Rinig kong sabi ni Ake.

"I trust Air Ake. Saka sa lagay niya kagabi, sigurado naman akong wala siyang magagawang masama sa akin. Parang hindi mo naman alam kung anong klaseng babae ako," biro ko.

"Pero babae ka pa rin! Damn it!" Seryosong sabi ni Ake kaya naman napanguso na lang ako.

"Opo. Sorry na po." Sabi ko na lang sa kanya saka ko siya itinulak palayo. Hinawakan ko ang mga pisngi nito. "Sorry talaga Ake, emergency lang talaga iyong kagabi kasi nga inasikaso ko si Air."

Napapikit si Ake saka ito nagpakawala ng malalim na hininga. Nang magdilat siya ay bumaling siya kay Air.

"Learn to take care of yourself! Hindi iyong aasa ka sa girlfriend ko!" Tiim bagang na sabi niya kay Air.

"Are you stupid? Can I even control my body if I'm that weak? Akala ko ba nursing student ka?" Ngumisi si Air. "What a dumbass!"

Ay! Ano ba yan! 'Tong bunganga talaga ni Air!

"You done?" Walang reaksyong tanong ni Ake kay Air.

"May kailangan pa ba akong sabihin?" Nakangising sabi ni Air.

"Na lalayuan mo na ang girlfriend ko." Tiim bagang na sabi ni Ake kay Air.

"Hey," suway ko kay Ake.

"Layuan ang girlfriend mo? Girlfriend mo pa lang siya. Hindi mo pa siya asawa." Nakangising sabi pa rin ni Air.

"Air, stop!" Suway ko kay Air.

"Things that are mine, stays mine." Seryosong sabi ni Ake kay Air saka niya ako hinapit sa bewang at hinalikan sa labi.

Napaungol ako nang gawin niya iyon dahil sa pagkabigla. Idagdag pang, masakit kaya! Tumama iyong ngipin niya sa lips ko eh, ouchy!

Saglit lang ang halik na iyon pero agad na nanlambot ang tuhod ko. Napayakap tuloy ako sa leeg niya at napasandal sa dibdib ni Ake. Pumikit ako dahil sa hiyang nararamdaman ko, but deep inside, shemays! Kinikilig po ako! Waaah!

Iniangat ni Ake ang baba ko dahilan para magtama ang mga mata namin. Napakagat ako sa ibabang labi ko ng sandaling iyon dahil sa hindi ko malaman ang gagawin.

"Kissing her? That's it? Tsk!" Ani Air kaya nalalingon kami ni Ake sa kanya. "Eh kung sabihin ko sa iyong nahalikan ko na ang girlfriend mo? Ibig bang sabihin pag-aari na natin siyang dalawa?" Nakangising sabi niya.

Ang sumunod na pangyayari ang hindi ko inaasahan. Biglang sinuntok ni Ake sa mukha si Air dahilan para mapatakip ako sa bunganga ko. Nagtuloy lang silang nagpalitan ng suntok ng sandaling iyon hanggang sa maalala kong kagagaling lang sa sakit ni Air.

"Ake! Tama na!" Awat ko kay Ake na siyang nasa ibabaw ni Air ngayon. Ilang sandali pa ay nagpalitan naman sila ng pwesto. "Air! Hindi ka pa magaling! Ano ba! Itigil niyo na iyan!" Awat kong muli.

Sinubukan na ring tumulong nina Eos, Kai at Ayeka pero talagang hindi sila papaawat. Nakaramdam na ako ng inis ng sandaling iyon. Parang lahat ng dugo ko ay umakyat sa ulo ko dahilan para hilahin ko ng buong lakas patayo si Air saka hinila ang balikat niya. I flipped him as I pulled his arm forward. Nang bumagsak siya ay si Ake naman ang inis na pinatayo ko saka ko hinila ang kamay niya at inilagay sa likod niya. Pinatid ko siya sa kaliwang paa niya dahilan para sumubsob siya sa lupa ng nakadapa.

"Sige. Mag-away pa kayo. Dadaan muna kayo sa akin!" Singhal ko sa kanilang dalawa. Nakita ko ang pagdudugo ng ilong ni Ake habang si Air naman ay nagdurugo ang bibig. "Dali tayo!" Inis na hamon ko pa sa kanilang dalawa.

Ang nonsense kasi eh! Sinong hindi maiinis?! Kunot noo lang akong nakatingin sa kanila habang silang dalawa ay masamang nakatingin sa akin.

"Hindi niyo ako madadaan sa mga titig niyong ganyan! Tusukin ko iyang mga mata niyo eh!" Inirapan ko silang dalawa saka ko pinagpagan ang damit ko.

Makaalis na nga! Mga buwiset! Kaya ayokong naiinis eh! Kapag ganitong naiinis ako, hindi ko makontrol! Pisti! Ang sakit nila sa bangs!

Sa library ako dinala ng mga paa ko ng sandaling iyon. Kumpara sa high school library namin dati ay mas maliit lang ito. Hindi kasi ito ang main library. Library lang ito ng fine arts department. Naglakad ako sa pinakadulo ng library at sa pagitan ng dalawang book shelves ako naupo gaya ng dati.

Air Moon's POV

What the hell was that?! Babae ba iyon?!

Sapo ang pisngi ko ay dahan dahan akong tumayo. Sa totoo lang ay masama pa rin ang pakiramdam ko. Gago lang kasi 'tong boyfriend ni Chloe! Masyadong mayabang! Kinginang 'yan! Pikon ang putspa!

"Grabe! Si Chloe ba iyon? My gosh!" Rinig kong reaksyon ni Ayeka.

"Ang cool niya kaya! Haha!" Si Kai.

"This is all your fault! Stupid!" Asik sa akin nung boyfriend ni Chloe. Napangisi na lang ako at napailing. Ayoko na siyang patulan! Nakakaloko ang kingina!

"Blake, tama na. Si Chloe, ginalit niyo masyado." Si Eos.

"Bakit ako? Eh iyang gagong iyan ang nagsimula! Narinig niyo ba ang sinabi niya?! Hinalikan niya si Chloe!" Singhal nung Blake raw kay Eos.

Kingina! Bawal magbiro?!

Napailing ako ng sandaling iyon at naglakad na palayo. Wala akong panahon para sa mga ganitong bagay. Uuwi na lang ako at magpapahinga para makapasok sa part time job ko mamaya. Absent na ako kagabi, hindi pupwedeng absent na naman ngayon.

Narinig kong tinawag ako nung mga ugok pero binalewala ko na lang sila at mabilis na naglakad palayo.

Pagsakay ko ng kotse ko ay amoy ni Chloe ang nandoon. Napabuntong hininga ako at napailing. Ayaw na ayaw ko ng mga pambabaeng amoy. Mali, in general, ayoko ng mga babae!

Pero iyong Chloe? Langya! Lalake ata 'yon! Nagawa ba naman akong balibagin? Ang tinde! Daig niya pa iyong mga tibo kong kaibigan back in New York. I miss my part time job there. Tch!

Sa dinami dami naman kasi ng mapipiling exchange student ay ako pa, eh pinoy naman ako! Kung hindi ba naman tatanga tanga iyong dean namin! Sabihin ba namang mas okay daw kapag ako ang pumunta rito para maraming matutunan ang iba mula sa akin? Kingina! Eh wala namang talented dito! Ang boring! Walang challenge!

Biglang nag-pop out sa utak ko iyong mga kagrupo ko nang maisip ko iyon.

Tsk! Oo na. Okay naman sila, kaso, walang wala sila sa grupong meron ako sa NY! Well, that Chloe is fine actually, but still, mga amateur! Halatang hindi naman nila gusto ang kursong meron sila. Wala silang focus!

Papaandarin ko na sana ang sasakyan ko nang makita ko si Chloe na naglalakad palabas ng school. Napangisi ako. Pareho na pareho sila ng boyfriend niya, pikon.

Pinaandar ko ang sasakyan ko at sinundan siya gamit iyon habang naglalakad siya. Nang mapalingon siya sa kotse ko ay nginisian ko siya. Ngunit hindi gaya ng dati ang mukha niya. Walang reaksyon iyon saka siya naglakad muli. Ni hindi siya umirap gaya ng lagi niyang ginagawa.

Problema nun? Siya na nga 'tong nanakit, siya pa may ganang magalit.

Ipinark ko ang sasakyan sa tabi saka ako dali daling lumabas para habulin si Chloe. Nang maabutan ko siya ay tumigil ito saka siya tumingin sa akin. Mas nakakatakot ang mukha niya ngayon kaysa kaninang galit siya kaya naman bahagya pa akong napaatras.

"May kailangan ka?" Walang reaksyong tanong niya.

"Where are you going?" Tanong ko sa kanya.

"Mind your own business," walang reaksyong sabi nito pero nandoon ang aura niyang, 'lubayan mo ako kung ayaw mong masakatan' aura.

Cool!

"About last night, thanks by the way. Bye." Sabi ko na lang sa kanya saka ako naglakad na pabalik ng sasakyan ko.

Nang buksan ko ang pinto ng kotse ko ay siya pang lingon ko kay Chloe pero nakasakay na ito ng taxi. Napailing nalang ako saka ako tuluyang umalis sa lugar na iyon.

Habang nagmamaneho ay bigla kong naalala ang mukha ni Chloe kagabi nang makita ko siyang nakayukong nakahiga sa kama habang hawak ang kamay ko. Laking gulat ko pa nga nang makita kong nakahawak ako sa mga kamay niya nang magising ako. Pero iyong kaninang umaga ang hindi ko inaasahan. Mula sa malapitan ay kaharap ko ang mukha niya. Ang napakagandang mukha niya. Hindi ko na kailangang itanggi iyon dahil totoo naman. Sinabi ko na nga sa kanya na iyon ang mas umaangat kaysa sa talentong meron siya, na totoo namang talaga. Hindi ka kasi makakapag-focus sa talent niya, kundi sa mukha niya.

Tsk! Pero sayang ang mukhang iyon kapag hindi siya na-discover. Kapag sumama siya sa akin pagbalik ko ng New York, malaki ang posibilidad na sumikat siya at makilala.

Teka, maano kung may talent siya? Bakit ko naman siya gustong isama sa NY? Naknang! Wala na! Lokohan na 'to!

With that thoughts in my mind, mas binilisan ko pa ang pagda-drive.

TO BE CONTINUED..

Comments? ❤️