#عشگ_بصراوي

#بارت٤٠

ريهام

دخل علي وشايل مسواك و كيس شفاف بي علبة حليب

گلبي فرح من شافه هوا شايل بيت عمي شافني صفن بوجهي اعرف فاچئته انداريت على صوت هديل
جبت الحليب ليش طولت ابني جاع
ومالابسة حجاب علي صاح بيها
اخذي حليب و صعدي الغرفتج
تعجبت بدل ميكللها لبسي حجاب كللها صعدي الغرفتج وانه قبل مانخطب من اول متحجبت لو شاف شعره من راسي يهد عليه البيت
ذبيت علاوي على القنفة
ومااعرف شديصير كتله
؛؛من شوكت علي غيرته ترضى وحده من نسوان اخوته مفرعه گدامه
اقترب مني وگلي
؛؛ريهام ليش جيتي مو كتلچ جايكم اليوم افهمج شغلة ....
قاطعنه صوت هديل صاحت بعلي
؛؛شتفهمها ؟!! احجي شتكللها مرت اخوية غصبتها تزوجني والا احرمها من ابنها ....
يما گلبي انمرد الدنيا وگفت بيه
مدااعرف شديصير صحت بهديل
؛؛علي ميسويها اكيد كذب تردون تخربون بيه علي بحياته مخدعني ولا كذب عليه اندريت على علي اريده يكلي كذب اتوسل بي واضرب صدره واصيح
؛؛علي كذب والله متسويها ضربت حيل
؛؛ كلي السمعته كذب محد تسجل بسمك غيري اني مرتك و بس ؛؛؛
وبقى ساكت مدنك راسه وانه شغت
؛؛لك علي شبيك ساكت راح اموت
اااااااااااحجي
صاحت بيه هديل
؛؛شبيج نايمه على اذنج والماي تمشي من جواج
هذا خطيبج التموتين عليه ويموت عليج
هاي حقيقته واحد كذاب ومنگوع بالنذاله من راسة الاساسة محترم گلبي ملجوم رجلي اخذوا مني وماشفته حرموني منه ودفنو قبل مااشمه واشبع منه سبوعين مانتظر وعقد عليه
لج تكولين راح تموتين .....صاحت بيه
؛؛انننننه الميته هديل ماتت من ٣اشهر دفنوها وي مصطفى انتهت حتى ابني مااكدر اشيله مثل الاوادم كل مااذكر شون جبروني على حماي اموت الف موته
خالتي زهرة صاحت بيها
سكتي يهديل لا تحركين البيت كافي
كمت اشهك وابجي
علي سكت الكل وصاح بيها
؛؛اخذي ابنج وصعدي كافي تخربطين انتي متعرفين اهلج اشرادوا ولا تعرفين ليش هيج راد ابوي
اندار علي
؛؛يي يرهام انه تزوجتها بس ماتصيلي مره لحد ما اموت انتي مريتي وبس وتبقى فقط على ورق مسجله علي
ابوي راد تبقى هنا واهلها مايطالبون بيها وتنحرم من ابنها لان مايربى ابن مصطفى بغير بيت ابو واذا تطلع وحدها من دون طفل
گعدنه اهلها فهمناهم مارادوا خير
ابن عمها صاح بوجوهنه
بيا صفة تبقى بدون رجال وشيخهم گال
؛؛ ترجع ويردون يطوها لابن عمها جاي محزم ياخذها......
ماتحملنه اخوي مانشف ماي اترابه
ومرته اهلها يزوجوها لهل سگط يندك بعرضنه
مرت اخوي شرفي وعرضي وتبقى بهل بيت ماتفرق عن خواتي مااصدلها برمشة عين امانة مصطفى تضل بالحفظ وصون لحد مايكبر ابنها والقرار قرارها تعوفه لو تبقى ويا ....
من دخلت لهل بيت صارت وحده من بناته ابوي مايرضى تطلع وتعوف ابنها بهل عمر

؛؛يعلي انه طالعة درت وجهي وطلعت اركض ريما حاولت توكفني صديتها وطلعت

ماتحملت اصدك هل كلام مااكدر والله مستحيل

اتقبل علي تملكه غير وبأي صفة جانت تخبلت درت

وجهي وطلعت من حوشهم مامستوعبة گلشي يصير حوالية
ركضت بالشارع ويركض وراي علي يريد يهديني ما وگفت امشي وامسح دموعي وگفت تگسي ومو عوايدي اصعد وحدي بتكسي بس عمود اخلص منه
ومايلحكني كرهته كلشي ولا يكذي علي ويخليني امام الامر الواقع ليش ماگلي جان حاولت لتفهمه بس من كذب نهى گلشي انه الردته وانه هل وقت مااريده ولا الي نفس بيه كرهني بحياتي استغل حبي
بالسيارة واشهك بجي ابو تكسي رجال جبير گلي

؛؛عمو ناوشي من ايدي هل بطل شربي ماي وان شاءالله محلوله شغلتج لا تبجي

؛؛بجيت بالزايد وماشربت ماي ماتنحل شغلتي انه انتهيت اسمع وراي صوت هورنات انداريت علي لاحكني ويهورن لابو تكسي يوكفه گتله
؛؛عمو لا توكف امشي بسرعه دليته بيتي
تذكرت اخابر على عهد ....وانصدمت چنطتي ماكو
شكد مامشوشة مااعرف وگعت وين بيت عمي لو وكعت بالشارع مني من ركضت لان ماشفت شي گدامي صدمتي وگفت عقلي ضربت گصتي وين اخر شي عفتها ...اذكر اخر مرا شايلتها بيدي بيت عمي معقولة من ضربت علي وگعتها يي اكيد بقت هناك

انداريت على شباك السيارة علي اقترب بسيارته  ومطلع راسه من الجامه يصيح بالتكسي

؛؛اوكف .....ااااااوكف

ريهااااام وگفي التكسي

خوف ابو التكسي

؛؛بوية هذا رجال يصيح راح اوگف

؛؛لا عمو دخيل الله لا توكف

؛؛بوية هذا رجال منو شيريد منج

؛؛عمو هذا رجلي وخلاف بينه مااكدر احجي ويا الموضوع صعب حيل ماينحجي

؛؛بوي ربي يحلها الج .....
شني مايكون موضوعج سلمي لربج يحلها

دنكت راسي ودموعي تنزل شني اكول لامي وعهد شيكلولي هذا الكتلتي روحج علي طلع مزوج وانتي مو دارية

رفعت راسي على صوت علي بصف التكسي لزك ويشحط ويانه نزلت الجامه وصحت بي

؛؛روح گافي لاحكني مااريدك ....

؛؛ولچ شني ماتردين منو ....
وگففففففف كتلك وگف گلمتين احاجيها وروحي

؛؛مااسمع ولا حرف منك شني تحجي بعد
اي توضيح مااريد انه عرفت الازم اعرفة وشكد غبية طلعت اشكرك عرفتني انه منو بالنسبة الك

رفعت الجامة واتوسل بالسايق ميوگف
واعتذرت منه
؛؛عمو والله خجلانه منك زحمتك وياي

؛؛بنيتي خلي انزلج اتفاهمي ويا هذا يضل زوجج

وماناوي يهدج

مااشوف الا گطع الطريق گدامنه

شحط ابو للتكسي وگف نزل وگرب من سيارة عيونه حمر

هد علي الجام  ويصيح

؛؛فتحي الباب .....افتحي لا اطكها افلش الجام  وانزلج

ابو تكسي خاف منه نزل الجامه وصاح بي

؛؛لا صيح وانه منزلها ... اندار علي

؛؛يله بنيتي نزلي حتى كروة مااريد

علي طلع فلوس ودخل ايده من جامه اطاه فلوس واجه فتح الباب وابجي جرني من ايدي ونزلني وميته بجي جرني لسيارته
وانه معنده ماامشي صاح بيه

؛؛شني تردين تفضحيني بالشارع عبالهم خاطفج امشي صعدي اگبالي لا اهدج واجورج بالسيارة

صحت بي

؛؛يعلي انه تصيح بوجهي وتهددني

؛؛ريهام لا صعدين الدم براسي وتفوريني عليج
اگره العناد والمرادد گتلج صعدي مثل الاوادم اخذج الاهلج وافهمهم انتي من ورا اعصابج ماكادره تستوعبين ليش سوينه هل شكل

علي هدني انه تخبلت ومو صاحية داافتهم شتكول ولا اريد افتهم...فتح السيارة بگوا وشمرني بيها وسد الباب وينافخ صعد وصاح بيه

؛؛مابقيتي واحد ماحجيتي علينه الوادم اكلتنه بعيونها چا انتي من تصيحين ماتكولين شارع واضب الساني اكو بيت واحجي

دنكت راسي وابجي ويعيد عليه 

؛؛رايد افهمج واحد اثنين اثلاث ....يابنت الناس انه تزوجتها لگن وحق لا اله الا الله مارايدها ولا فديوم تدني روحي عليها هي وابنها بصوب وانه وياج بصوب

؛؛لا تجمعني وياك انت وحدك بصوب وانه طلگني ماتكدر تطلگها طلگني

شحط السيارة واندار عليه

؛؛طلاك ماكو لو على جثتي انه عشتكتج انتي وبس وللموت مااهدج

؛؛يعلي الموت اهون عليه من تتزوج غيري وفوك هذا تزوجتني وماكتلي عليها ليش يعلي
انه مو من حقي اعرف لو انت حر بحياتك وانه مالي قرار بحياتي

شغل السيارة وصدني وبقيت اصيح بي واريده يهدني وصلني لللبيت صاح بيه انزل
فتحت الباب وطكيتها حيل

وركضت للبيت ادك حيل ركض وراي
فتح عهد الباب من شفته طكيت بجي

دخلت جوا ويريد يعرف شصار صاح بعلي

؛؛شصاير ؟!!ريهام ليش تبجي ؟؟!

؛؛يخوي خلي افهمك

اندريت وصحت بيهم
؛؛ماكو شي يتفاهم انتهي كلشي مااريده العلي
عهد گله يطلگني

؛؛شبيچ يرهام شكو ليش الطلاك مصار يومين عاقدين شصاير ؟!

قاطعنه علي يكمل كذبه ويخترعله كذبه جديده

؛؛يعهد ريهام فهمتي غلط وصار سوء تفاهم

صحت بي

؛؛عهد انه افهمك استاذ علي مزوج وانه مااعرف

؛؛شني شتكولين زواج ايش
اندار على علي

؛؛شني تكول ريهام شمخربط انه حاس عليك بس انتظرت اليوم التفهمك ريهام وهي تعوفك وتهدك ماتكول اخوي وگف بوجه حبي وحرمني منه

؛؛يعهد انت تححجي هل شكل من دون ماتفهم
شبقى على غرب

؛؛شفهم فهمني ؟!

يعهد انه تزوجت مرت مصطفى بس عقد لا يزوجوها اهلها وتنحرم من ابنها ردناها تبقى ويا لحد ما يكبر واطلكها تشوف حياتها لكن هل وقت هذا طفل محتاجها انت خلك مكاني يخوي شسوي

؛؛ يعلي فاهمك ومقدر السويته مصطفى اخوي ولو لا وكفته وياي حاما علي ماچان واكف بحيلي اليوم
لگن تصرف الغلط الصار من ضميت علينه هل سالفه وماحجيتها گبل ماتعقد على ريهام وتاخذ شورها انت ماخليت النه قيمه من ضميت علينه

اندار عليه

؛؛يرهام بسج بچي انه اخوج واكف وياج
شني تردي

؛؛يعهد چا شني بنظره شني قيمتي
من اولها غدرني وضم علي
تاليها شلون ويا تصفى

؛؛يرهام انه شلون تصفى وياي مو فهمتج
وكتلج تضل مرت اخوي وانتي الوحيدة مريتي ماعندي غيرج وانه غرفت هيج ردج وماگتلج البارحة اطيتج خبر اكلج اليوم وافهمكم

؛؛يعلي افهمني دااحترك وناري تجويني فكرة وحدة گبلي مسجلة عليك تجوي گلبي

؛؛علي عوفيها هل وقت تهدء ولا تضغط عليها وانه ريهام عندي بالدنيا اخيتي الوحيده ماارفضلها طلب رادتك وگفتة وياها وعافتك وياها
ماتوصللها ولا تحاجيها الا بموافقتها مااردها الك لو تنطبك السما على الگاع واخر گلام عندي

؛؛يعهد گول الله واستهدي بي ريهام بالها مشوش انت افهمني

؛؛خلص انتهى

سمعو اخر كلامهم ودخلت الغرفتي شبعت بجي

احس دم بحلكي شكد ما انقهرت وبجيت ماوثق بحبي ولا كلي لان محبني من الاساس

بدلت ولفيت راسي ونمت ابجي حيل الى مااعرف يا وقت نمت گعدت على صوت امي اطتني جهازها

شفت علي مدري كم مرا داك عليها تذكرت جهازي ماكو وصارة بثمانية بالليل

فتحت الخط اول ماسمعت صوته دموعي تجري

؛؛يرهام افهمني ماگتلج خوفي اخسرج
ماتعرفين علي الموت مايخوفه گلبه خايف عليج ومارايد اخسرج
....انتي متعرفين شني بالنسبة الي بوسط الموت الفظ احبچ
مسحت دموعي ورديته

الحب من تخلي قيمة للتحبة وتكبره بعينك مو بس لفظ احبك الحب افعال يعلي و انت خسرت حبي من ضميت علي

سديت الخط مااتحمل كلامه

امي گعدت وحجيتلها الصار
مارضت ارجعله كالت
هذا انتظر يتأكد تصيرين بجناحه ويحجي عمود لا تفكين حلكج ويا وتعوفي ......وخلي ابالج سعاد ...شون لعبت بعقل جلال وخلفت منه وهديل بعدهي صغيرة وحلوة ليش مايريدها بعدين تحلي بعيونه ويحلالها رجلي تكلج يما هاي شغلة بالزايد تطول كم سنه و تنسى لحد مايكبر ابنها معلگته لعلي
ضربت رجلي وگلتلي يما عبري الشط من اوله قبل مايغركج وتكولين يما مانصحتيني گدامج دراستك وحياتج والف واحد يتمناج .
الله يصبرج يايما ابوج لحد مامات ماعنده غيري

سمعت كلام امي وتجاهلت گلبي وفكرت بعقلي
هي حتى حجاب ماتلبس گدامه يعني رايدته رجلها هاهيه صار عنده عائله وديهتم بيهم مااريده بعد يلتهي بيهم وينساني

گتلها عن مبايلي دكت على خالتي زهرا وانصدمنه
كلتلها ماكو جنطه يمهم انه بس خفت على مبايلي صور النيشان ومفرعه لا توگع بيد احد

گلت لعهد يدور عليه انه ماباقية هنا راچعه لبغداد

كلي يكول لاصدقاءة كل تدور عليه ويخبر الشرطه 

ثاني يوم طلعت من صبح وي عهد يوصلني لبغداد شفت يم الباب راگن سيارته ونايم بيها طلبت من عهد اشوفه من دون مااحسسه انه يمه
قربت من سيارته وبقيت اباوع عليه ودموعي تجري ليش حبيته وضرب گلبي صديته ومشيت
بيج قصص عراقيه حقيقيه من واقعنا.روعه الطائي
اخذني عهد لبغداد بقيت مدمعه الى ان نمت بالسيارة طريق طويل افتح عيني اسئله انه وين وارجع اغفى الى ان وصلت لبيت عمتي عهد كال مااخبرها شي ولا اكول لاحد قبل مااخذ قرار القاطع

استقبلتني وتهلهل

؛؛يما جتي العروس هله ومية هلا

بوستني وتتعذر مگدرت تجي ودازيلها صورنه
فرحانه كلش وانه گلبي محترك

شكول للعالم ادخل على ضره لو صديقاتي بالكليا شيحجون عنه

عهد اترخص يشوف دانه ويرجع للبصرة

عافني بيت عمتي وانه تعبانه دخلت الغرفتي مشتاقتلها صار فترة عايفه عمتي

عزلتها اتناسى جرحي

وكعدت وي عمتي تجرني بالحجي وتريد تعرف شبيه

بقيت صافنه ومالي خلك احجي

اصرت تعرف شلون ملون الحفلة منو اجه وفلانه جتي ومنو جتي حجيتلها ارتاحت كتلها عندي دوام تگعدني صبح لان جهازي مبيوك

نمت وكعدت الصبح قررت اغير حياتي
ماكو علي يوكف بوجهي ولا احد اسمحله يدخل بيه
بدلت وخليت ميكياج خفيف ورتبت نفسي شي طويل للرگب وبنطلون
گان مانعني البس الا جبة طويلة متعصب وياي ولا نقطة مكياج يجيني للكلية يمسح وجهي
ماكو بعد مااصور اله عين يوگف اگبالي بعد السوا

طلعت وشفت عمتي مسوية ريوك بسيط على گدنه انه وياها شربت چاي واكل واني واگفة لفة چبن خلصت قبل مااطلع  بست راسها احسه من حنان امي

دعتلي وطلعت يم الباب نزعت الحلقة المالها وجود بحياتي

فتحت باب الحوش
اباوع على جهة اليمين واليسار

تأكدت ماكو علي ملاحكني

صعدت للخط مشتاقة للبنات

وگل تسئلي على التغير اكتفيت بالصمت

ماكو شي احجي فقط صرت اوعى واگبر

وصلت للجامعة بداية المرحلة الثانية
قوس جامعة بغداد حلمي الحققته
امشي بين حدايقها لحد ماوصلت للكلية

شفت مهند نفس وضعه مامتغير گشخه اخر مديل نظارته معلگة بقميصة و نقالين بيده زائد مفاتيحه ....
وگل البنات اتباوع علي وضاربهن عرض الحايط يباوع  بحذائه

استغليت مامنتبه عليه دخلت للقسم من دون ميلاحظني هاله صار اكبالي
وفرحتها ماواسعتها حضنتني وبوستني
وتسىلني شهل غيبة وين اختفيت

رديتها

على الله ماكو شي جديد على حطت ايدج

همستلي شونج وي علي ماكو تطورات
ماحجيتلها شي واشمتهن عليه

هنا گلهن يتمنن زلة على بنية ديشمتون

صداقة بالكلية ماحصلت عدل
رديتها
؛؛لا ماكو دخلت للمحاظرة وگعدت اگلب بدفتري انتظر الاستاذ
انداريت اعدل كعدتي وشفت بالستول اليمي مهند گاعد شوكت اجه ماشفته اشرلي سلم وگلي

؛؛ريهام شونج شخبارج مشتاقين

انصدمت بگلامة عيونه تلمع ويگلي مشتاق انه ماناطيته مجال يحجي وياي بهل طريقة
رديته رسميات

؛؛تمام الحمدلله
وصديته اشخبط بالدفتر لحد مأچه الاستاذ

التهيت محاظرات
ورجعت اتهرب من مهند لكن دائما الكا بكل مكان اروح وكافتريا يتقصد يتحجج بهالة ويگعد يمنا على اساس هوا حاظر الايام الفاتت يشرحلنه ويسولفون

الى ان طلعت من گلية مشيت مسافة نص ساعه سوالف وي هالة ويمشي ويانه للخط

صعد سيارته وصعدت خط

صح اضحك واحجي وياهم بس داخلي بركان هايج 

رجعت من گلية وكارهه كلشي

مدااصدك علي سوه هل شكل بيه

تنكتب وحده غيري على اسمه قبلي

لا ياربي اتمنى كذب

اريده اطلك واخلص منه للحقير

ادفر بلباب واصيح حقير اكرهك

ياربي ليش علقني بي وتركني بعذابةةة

تنافخت وخذت نفس ورديته

دخلت للبيت فارغ

شفت عمتي كاتبة ورقة ...

رهوووم سمعي ولج رايحه اتسوك وي خالتج ام خالد
لا عبالج هذا عقد عليج ادخلي لبيتي من وراي

عهددد يموتج ويموته فتهمتي انتظروا للعرس لا اردج لاهلج

لا والله گلش خفت من تهديد عمتي

عساس اني رايدته كون اقتله بيدي

دخلت لغرفتي خذت ملابسي اسبح تعبانه من دوام

ووكارهه كلشي

فتت للحمام خلعت ملابسي وابجي جوا دوش

ياربي اريد اموت واخلص

مااسمع الا واحد يصيح ويهجم اباب لحمام

سديت دوش اسمع عمتي لولا

يربي هذا صوت علي شبي يصيح تخبل اشجابه
عهد مايرضى يجي ورايد يطلگنه

صحت بي
شرايد رد للبصرة يم مرتك انه مافيدك

؛؛لچ رهووووم فتحي لباب لا اكسره على راسج

؛؛ماافتح رد لاهلك اني لو اموت مااشوفك ولا اريدك

كام يضرب قوي مابقى دم بجسمي

خذت برنص ولبسته ووضليت بره الباب خايفه

لا يكسرها خلي اموت ولا يطخني

؛؛كتلج فتحي الباب لا اهجم البيت على راسج

؛؛اطللللع من بيت لا تجي عمتي عايفتلي تهديد متدخل لبيتها

؛؛لا لا تورثيني اذا ورا باب وخري من صوبها كاسرها واليوم اعرف هذا شعده وياج

؛؛منو تقصد ؟!!..

؛؛لچ گلبه مهند شعنده يراسلچ وداكه دهن ودبس ويا

؛؛لا تحجي علي گلمه مااسمحلك ومحاجية وي مهند كد سلام بالكلية

لبست بساع تراكسودي

وارجف منه

ضل يضرب لباب حيلل

ويصيح ..

؛؛,اني اعلمج تكليله راح اطلك

؛؛مو ابن ابو ليطلقچ

ضرب لباب حيل طكها وجرني

؛؛لج حسابج يمي ولا استحيتي تحجين ويا

كل كلامج شفته ودااراقبچ من تراسي

ماخلاني احجي ضب شعري خييل ودفعني على لفراش هوا مخبل وايده وضرب حتى بدون ميفتهم

وگعلي ضرب ويفرگ شفايفي ميخليني اتحجه دفعته ورجعت اضرب بي

؛؛انه التضربني ملخت رگبته بأظافيري وگعلي ضرب واضرب

واصيح ...انه ماحاجية ويا والله محاجية دفعته والله تمد ايدك اكل لحمك والله والهي انتفك

مبايلي بالبصرة انباك مني ماعندي جهاز امين احجي وي عالم

اقترب مني عيونه حمر وي شيطان متخاوي

؛؛وانه ليش مااعرف

؛؛وانت منو دتعرف انت عندك مرتك روح الها

شون الك عين تاخذ مرت اخوك روح اشبع بيها 

ضب شعري وگلي

الف مرا گتلج ابوي فرضها علي لان هي وابنها مايرضى يربى يم غرب واهلها رادوا يردوها ويشمتون لوادم علينه عافو ابن اخوهم
بيج قصص عراقيه حقيقيه من واقعنا.روعه الطائي
؛؛ماافتهم ولا اقتنع وانه مااريدك منو يكول ماانت بايك جهازي وتلزم علي حجي تهددني بي

انكول صدگ مبيوك جهازج

وبالجامعة مراقبج ساحل روحه وراج وكاظيتها سوالف ويا تگليلي مجرد سلام

؛؛علي ماابررلك اطلع من بيت عمتي راح ترد

؛؛لا تخافين امأمن انه انتظرت عمتي  تطلع

واحد من يشتلغون وياي راح يفرها بغداد مو يوصلها للسوك انه مطي تعليمات تكسي التاخذه يضل يفرها

؛؛يي اطلع ماعندك شي وياي روح وتسوي فضل تطلگتي واخلص منك

گام يتقدم خطوه وارد ارجع خطوا چيت اشرد

چرني من شعري ودخلني للغرفه وطبك لباب حيل

همسلي
؛؛اطلگج بس رايد اشوه هل وجه لمعذبني

مايباوعه واحد غيري ويخيل علي

؛؛دفعته وچعني راسي من ايده منبته بشعري

؛؛محد. مخيل عليه ومهند زميلي وبس

خله ايده على شفايفي

؛؛اشش ولا گلمه زميلچ مو ..ليش انه ارضى زملاء عندج  

؛؛ترضى ماترضى هوا زميلي

وعادي نحجي ويشرحلي كلش مؤدب وماعنده هل سوالف

؛؛يي ماعنده هل سوالف حقج ماتعرفين رجال شيدور براسة من تحاجي مرا

اليوم تمنيت بنص الكلية اهد عليج انتي ويا

شون تحجين ويباع على شفايفچ

؛؛لا تكذب ممباوع هاي تخيلاتگ محد يسوي هيج..صحت بي ...
مححححد

دفعته عني ويرجع يتقدم وادفع بي دفعني صوب لفراش وگعت جرني من خوانيگي

ويهدد

؛؛انه صابر عليج ومافارك حلگج اگول هاي امانة عمي ومااريد ااذيها بس طلعاتج من شوري فورتني عليج

كل يوم اكول لا اهدها تهديء وتردلي

بس شكلج ماتجين الا بالعين حمرة

رديت كمشته من ياخته جاي بملابس الدوام

؛؛كرهتك بعد لعيوني مااريدك

هدني وكام يفتح حزام بنطرونه حزام عسكري شثخن

ويباعلي من فوك ليجوا خوفني منه

گلبي راد يوگع

اقترب مني وشاده بيده يفر بي همسلي

؛؛تردين امشي عليچ لو تكليله لعهد موافقه مااطلك

؛؛منا خوفي من حزامه ومنا خوفي من عهد وعصبيته شيكول علي كل يوم براي كتله مااريده مااكدر ارجع واكله موافقه اكمل ويا

دفعني على لفراش وهمسلي

؛؛هاا شتكولين ازورگج بي لو اطيج لمبايل تحجي وي عهد موافقه ترديلي ...وهديل وابنها مااهدهم للموت

مو شيمنه امانة اخوي مااهدها بيد لغراب

ابن عمها يرد اول ما تطلك ياخذها وابوي مايرضى لا يصير دمهم لركاب

؛؛سحبت نفسي منه وعدلت هدومي

مااكدر ابقى وياك وعلى ذمتك مرا غيري ياهي لجان

علي ماحبيتك ولا احبك بالمستقبل

جرني وطلع سلاحه يمشي على چسمي من لگبتي لحد دكم تراك

؛؛شخوفج منها مرا تكعد هي وابنها لا اوصلها ولا توصلي ماتعرفين تعشك مصطفى وشكد جان يعشكها

انتي من كل عقلك انه رايدها زواج هي كلها بس عمود تبقى عدنه ماياخذونها

؛؛علي وخر سلاحك لا يطفر منك ويگتلني

انه مو اسماء لكتلتها

هديت سلاحي للكاع

من كل اتوقع هل حجي بس منج ماتوقعته

انه طلعت ورفعت راسي بريء

؛؛منو يكول ما لعبة منك وطلعت

هد علي وضربني علي شفايفي وفقد عليه كلش يتخبل من موضوع اسماء وانه لجبتها لروحي شجابني ذكرته

؛؛ولچ شخبلچ شنهل حجي

؛؛هدني من خوف مااعرف شكول انت خبلتني

وخر عني

ضليت ادفع بي وارفسه خرمشت وجها
الى ان وخر يمسح عرك

دفعته خذت عطري بصف فراشي رشيته بعيونه ضل يفرفح من عينه
ركضت صوب لباب فتحتها وكمت اركض ..

طلع وراي ضليت اركض بالجهه الثانية ويركض وراي ويمسح عينه
دخلت لغرفته ورديت لباب
بيج قصص عراقيه حقيقيه من واقعنا.روعه الطائي
مااخلي يجبرني احاجي عهد انه مااريده
خبلني بشكه وتعقيده

دفع لباب حيل ويتگاوى وياي على باب الى ان دفعني ودخل

جرني علي تخابرين هل لحظه وتكلليله موافقه على عرس

؛؛ماااحجي ويا احنه منريدك

دفعني على فراشه وفتح دكم سترته

هسا شوفين تريديني لولا بعد

سمعت صوت عمتي برا غرفه

؛؛هااا ولج رهوم رديتي للبيت شنهل اصوات

هدني وهذها بضحكه

؛؛ههههههه زين تسوين جيتي برجلچ لغرفتي

انت لتحارشتي بيه وجيتي صوب غرفتي شيخلصج من لسان عمتي

كمت ارجف عدلت ملابسي سد دكمه ويعدل نفسه طلعت من غرفة بساع

صارت بوجهي عمتي

؛؛ولچ عزا رهوم هاي شبي خدج احمر

اكول بگلبي تتكسر ايده لمدها عليه

لا عمتي ماكو شي بس تعبانه من دوام
كالت شو وخري

لا واضح من لوراج تعبج لدوام لو عليوي ماهادچ

ولك اشجابك هنا مو كتلك عوفها علي انه اقنعها تقبل بشكولك

؛؛عمتي مافدتيني بشي صار شهر

لك هاي شبي وجهك وركبك مدماية

يمسحها ويباعلي ورد صوب عمتي

؛؛عمتي هاي بزونتچ خرمشتني ماخلتني احاجيها

انجب يلماتستحي ملعون انت هم مزوركها

اهلكم عافوكم علي ابتليت بيكم  كون الزم راس براس واطكم

يله اشرد من بيتي وانه اردلك خبر

مشه ويباعلي ويمسح شفايفه اقترب مني همسلي

؛؛لا ظنين عايفج بحالج

عمتي صاحت بي

اشرد منا  

يتبع…

تصويت
#حيدور