Teri zindagi mein meri zindagi
jo thodi aur hoti,
Meri khushi mein teri khushi phir aur hoti.

Teri baahein aaj bhi meri
baahon mein hoti,
Meri baaton mein teri baatein agar thodi aur hoti.

Jeet jaate har jung,
Bana jaate ishq ki misalle,
Teri hasti mein meri hasti
agar thodi aur hoti.

Aaye darmiyaan dilon ke..
Hoti kiski aisi mazaal,
Teri koshisho mein meri koshishe agar thodi aur hoti,

Tham jaati lehre,
Farishte paar lagate kashti,
Meri fariyaad mein teri fariyaad jo thodi aur hoti.

Kehte hai zindagi aur maut upar wale ke haath mein hai, use na toh aap badal sakte hai aur na main. Par yeh maut toh sirf ek pal ki hoti hai..sirf ek pal. Lekin humari choti si is zindagi mein aise bahut se pal aate hai jo is maut se bahut bade hote hai. Kehte toh yeh bhi hai ki hum sab toh rangmanch ki kathputliyaan hai jinki dor upar wale ki ungliyoon mein bandhi hai. Lekin hume apna har kirdaar poori tarah se nibhana hota hai..poora nibhana hota hai. Sameer aur Naina ki ki bhi  yehi kahani thi, maut ke aa jane se pehle zindgai ko bas thoda aur jee lena chahte the.

Kanji- Naina Bhabhi..Didi aur Bhaiya milne aaye hai neeche aapse.

Hearing the names of those two, she goes downstairs with a smile, where a boy and a girl in their early 20s touch her feet as soon as Naina comes down.

Naina- Arey Ganga, Sagar..kya kar rhe ho..mana kiya hai na ki roz roz aise per mat chua karo.

Sagar- Aapke per chuuna, aapka aashirwaad lena toh humara haq banta hai. Aap hume likhna seekhati hai Mam, sahi mayno mein jeena seekhati hai, yeh seekhati hai ki kaise apne ehsaaso ko lafzo mein piroya jata hai. Toh is lihaaz se apne Guru ke per toh chuu hi sakte hai hum.

Ganga- Aur nhi toh kya..aur phir har roz ki shuruat aapki blessings se hoti hai toh din acha guzarta hai. Aapko nhi maloom lekin pichle ek saal mein humari zindagi badal di hai aapne aur aapke aashirwaad ne.

Naina- Aur tum dono ne meri. Ek saal pehle tumne mujhe girte hue sambhala tha..us din agar mujhe kuch ho jata toh shayad main apni zindagi ko hi kho deti.

Flashback starts.
Two pair of arms holds Naina at the right time and saves her from falling the stairs.

Ganga- Aap theek hai na. Aap bahut ghabrayi hui lag rhi hai.

Naina- Main yeh dawaiyaan..

Sagar- Mujhe bata dijiye main le aata hoon.

Ganga- Aur aap mere saath chaliye. Par pehle apne yeh aansoo ponchiye.

Naina- Nahi..wahan Sameer..uski Surgey..

Ganga- Hum dono hai aapke saath jab tak unki Surgery nhi ho jati. Aur phir woh bhi toh hai..Gaanu Ji.

Sagar- Iska matlab hai Ganpati Ji..yeh unhe pyaar se Gannu Ji bulati hai.

They both holds Naina's hand and makes her sit. And stayed with her for the whole time, despite being a stranger, they supported like her owns.
Flashback ends.

Naina's VO
Kuch naazuk lamhe aise aate hai zindagi mein jahan aap chahte ho ki aapka koi haath pakad le, aapko bas koi thaam le. Us waqt jab Sameer apni zindagi se ladd rha tha, main bhi ladd rhi thi..khud se. Lekin phir do ajnabiyon ne mujhe meri ladaai mein ladne ki himmat di, mera haath pakad ke, mujhe thaam ke. Anjaane the woh, bilkul hi ajnabi, bilkul paraye..par apno se zyada apne lage, aaj tak lagte hai. Woh mere liye aur main unke liye. Shayad un dono mein apne bacche khojne lagi thi main, wohi bacche jinhe apne Maa-Baap ki us nazuk daur mein bhi yaad nhi aayi thi.
Khair Ganga aur Sagar..apne naamo ki tarah hi mere andar ke khalipan ko apne apnepan se bhar gaye the. Kabhi kabhi anjaan log bure nhi hua karte..balki woh toh aapki zindagi mein kuch is tarah daakhil hote hai ki aapki zindagi ka hi ek hissa ban jaate hai, na bhul paane wala kissa ban jaate hai.

Kanji- Naina Bhabhi, yeh Postmaster ek khat deke gaya hai..aapke naame se. Par bhejne wale ka naam hi nhi likha is par.
Ajeeb hai na is zamane mein bhi koi chitthi likhta hai.

Naina- Ajeeb nhi Bhaiya, jarur koi Buddhu hi hoga.

Going in the room, she tore the envelope and starts reading the letter, "Itni shiddat se maine tumhe paane ki koshish ki hai, ki har zarre ne mujhe tumse milane ki saazish ki hai." Smilingly, she shakes her head in disbelief.

Naina(to herself)- Buddhu.

Sameer- Exclusively tumhara..

Sameer comes all of a sudden and stands behind her, covers her eyes beneath his palm.

Naina- Dara hi diya tumne mujhe. Humesha aise hi darate ho. Kabhi yuh achanak se peeche se aake, toh kabhi woh Attack..

Sameer- Arey kuch nhi hoga ab mujhe. Ekdum Fit hoon main. Woh toh ek chota sa Heart Atatck tha, dekho aaya aur chala gaya.

Naina- Chota sa nhi tha. Jakar Doctors ki Report padho.

Sameer- Reports ko goli maaro, pehle yeh batao yeh chitthi padhi tumne.

Naina- Haan chitthi, isi ke baare mein toh puchne aayi thi. Ek hi ghar mein rehte hai hum, ek hi kamre mein in fact..aise chitthi kon likhke bhejta hai Sameer.

Sameer- Tumne hi toh kaha tha do din pehle ki koi tumhe yaad nhi karta ab. Dekho main karta hoon na. Aur yeh chitthi is baat ka saboot banke rahegi humesha.

Naina- Kya kya soojhta rehta hai tumhe bhi Sameer. Kabhi STD booth par jakar aadhi raat ko call karte ho, kabhi kisi ke haath koi gift bhijwa dete ho, aur pichle hafte kya kiya tha..

Sameer- Kya kiya tha?

Naina- Acha..toh ab yaad hi nhi aa rha hoga Janab ko. Radio Station jakar kavita gungunane lag gaye the..jo mere saath saath poore shehar ne suni thi.
Aur usse pichle hafte..

Sameer- Haan haan yaad aa gaya usse pichle hafte ka, usse pichle mahine ka, usse pichle janam ka..sab yaad aa gaya.

Naina- Magar yeh Fruits khane kabhi yaad nhi rehte tumhe. Kab ss rakh ke gayi hoon, chalo khao abhi..2 minute mein poori plate khali chahiye mujhe.

Sameer- Tum gussa karte hue bilkul woh lagti ho.

Naina- Woh kya..

Sameer- Arey kya bataya tha Sagar ne..haan Sweetipie.

Pulling her cheeks gently, he teases her.

Naina- Cutiepie..Ganga ne sikhaya tha mujhe.
Chalo chodo ab mujhe.

Sameer- Nah..mann nhi hai abhi chodne ka.

Naina- Toh kya karne ka mann hai.

Sameer- R for Romance.

Naina- R for Retirement ki age mein R for Romance acha nhi lagta. Balki R for Rules ache lagte hai. Isiliye yeh fruits khatam karo, aur phir R for Rest..

To stop her non-stop chatters, he fills her mouth with a piece of fruit. And then starts eating.

Sameer- Woh kya hai na jhootha khaane se pyaar badhta hai.

Naina- Abhi bhi badhane ki jarurat hai kya..R for Mr. Romeo.

Sameer- Of course my Juliet.

Sameer's VO
Zindagi ko kareeb se toh bahut baar dekha tha..anginat lamho mein. Lekin maut ko jab pehli baar dekha toh us din laga jaise sab chutt rha ho..dhadkan, saansein, zindagi, mohabbat, aur Naina. Maut ek aisi dastak ki tarah hai jo yeh bata deti hai ki paasa kabhi bhi palat sakta hai. Jeevan ka anth, maut ki shuruat kabhi bhi ho sakti hai. Isiliye jab bhi mauka mile..jee lena chahiye thoda maut ke aane se pehle, jism ki aakhri umeed tak, aur rooh ki aakhri saans tak. Phir Rajesh Khanna sahab kehke gaye hai ki babumoshaye..zindagi badi honi chahiye, lambi nhi. Aur use bada banane ke liye jaruri hai ki har chota lamha jeeya jaye.

In evening at Ganga Ghat
Naina- Ab kahan ja rhe ho.

Sameer- Vhi humesha ki tarah..tumhare liye kuch special lane.

Naina- Kahin nhi ja rhe tum, Diabetes hai tumhe Sameer. Jalebi-Rabri nhi khayoge tum. Thoda toh dhyaan rakho karo apni Health ka. Doctor ne in sab ke liye mana kiya hai na. Kuch Healthy khana chahiye tumhe..lekin nhi, tum kyu sunoge meri. Biwi thodi hu tumhari, dushman hoon main toh.

Sameer- Nainaaaaa..main Jalebi-Rabri lene nhi ja rha tha. Befaltu mein itna lamba bhashan suna diya.

Naina- Jalebi-Rabri nhi, phir toh pakka Kulfi-Falooda lene ja rhe hoge..haina. Lekin woh bhi nhi khayoge tum. Pata hai kitna meetha hota hai us mein Sameer.

Sameer- Bassss..No Jalebi-Rabri, No Kulfi-Falooda, sirf tumhara "Healthy" option. Ab khush.

Naina- Pakka na.

Sameer- Haan meri Biwi cum Dushman.

Naina- Acha suno..

Sameer- Aur kuch..

Naina- Bas jaldi aana.

Sameer- Kitna darti ho Naina. Abhi aaya.

As he goes, her eyes brimmed with tears, reminiscing the hard times. Memories protects Moments that have made you who you are today. They have no voice yet they have a lot to say.

Naina(to herself)- Sahi hi kehte ho tum Sameer ki main bahut darti hoon. Haan darti hoon..tumhe khone se, tumhare mujhse durr chale jaane se, is khayal se ki tumhare bina yeh zindagi ek pal bhi kut payegi kya.
Aur apna yeh darr main tumhe dikha bhi nhi sakti.

A while later, he brings one coconut water; her so called healthy option and ultimately saves himself from a long speech on unhealthy food.

Naina- Haan yeh bilkul Helathy hai.

Sameer- Aur Romantic bhi.

Then shows two straws to her and mischievously smirks.
After completing her healthy and his romantic option, Sameer tooks Naina's hand and places in parallel to his.

Sameer- Janti ho Naina yeh ungliyaan bilkul humare rishton ki tarah hoti hai. Har ungli ek alag rishte ko darshati hai. Yeh angootha bilkul humare Parents ki tarah hota hai..ekdum majboot..baki sab ungliyon se alag lekin sabse jaruri; yeh Index Fingers humare Bhai-Behan aur Dost jaise hoti hai..jaise ladte waqt sabse zyada kaam aati hai waise hi manane mein bhi; yeh Middle Finger hum khud hote hai..sab ungliyon se ghiri hui..jaise hum khud apne rishton se humesha ghire hue rehte hai; yeh Ring Finger yani humara humsafar..aur batane ki jarurat nhi hai kyu..aakhir iski nass dil tak jo jaati hai; aur yeh sabse choti ungli bilkul humare baccho ki tarah..rishton mein sabse chote lekin sabse kareeb.

Naina- Yeh sab kyu keh rhe ho, main kuch samjhi nhi.

Sameer- Ek kaam karo..apne dono haath jodo aur ab apni is middle wali ungli ko mod do.
Ab ek ek karke baki ungliyon ko ek dusre se durr karne ki koshish karo. Dekho yeh angootha kitni aasani se alag ho gaya, kyuki na chahte hue bhi ek na ek din humare Maa-Baap humara saath chod hi dete hai. Yeh Index Finger bhi bahut aasani se alag ho jati hai, kyuki beette waqt ke saath humare Bhai-Behan, Dost apni apni life mein busy jo ho jate hai. Yeh sabse choti ungli yani bacche yeh bhi saath chod hi dete hai. Aur is baat se toh tum bhi ab inkaar nhi karogi. Ab bachi yeh Ring Finger, alag karne ki koshish karo ise.

Naina- Nhi ho rhi.
Agar jabardasti aur karne ki koshish bhi kari toh dard hoga.

Sameer- Toh samjhi ab..jis tarah yeh ungli chahkar bhi ek dusre se alag nhi ho sakti, usi tarah humsafar ka saath bhi zindagi ke beech safar mein nhi chuta ja sakta hai. Aur agar chodne ki koshish kare bhi toh bahut dard milta hai.
Dheere dheere hi sahi Naina, har rishta saath chod deta hai..kuch cheen liye jaate hai, kuch apne aap hi durr ho jate hai, toh kuch hume khud se durr kar dete hai. Maa-Baap, Bhai-Behan, Dost, Bacche..ek na ek din yeh sab saath chod dete hai, lekin yeh Ring Finger wala jo rishta hai na..humsafar ke saath wala, yeh chuutte nhi chuutta. Na kisi Heart Attack se, aur na hi kisi aur wajah se. Isiliye ab se yuh darna chodo, aur bas jeena shuru karo. Woh bhi bina aansoo bahaye, aur inhe bina mujhse chupaye.

Naina- Tumhe dikh gaye.

Sameee- Haan woh ek aansoo abhi bhi atka jo hua hai..tumhari palko mein.
Ek second..

In the middle of their talk, his fingers felt the urge to help tuck her hair that came over her face. Now she doesn't know what she was upto, his love makes her forget her things.

Naina- Ab yeh kya kar rhe ho.

Sameer- Tumhe dekh rha hoon.

Naina- Mujhe kyu..saamne dekho Ganga Ji ki taraf.

Sameer- Kyu?

Naina- Kyuki..bahut dekh liya. Ab kya dekhoge..yeh safed baal, aankhon ke neeche yeh kaale ghere ya phir yeh jhuriyon wala chehra.

Sameer- Tumhe lagta hai main yeh sab dekhuga.

Sameer turns Naina to his side, covering himself from the rays of setting sun, and then pointed towards a Chaat seller to listen to a song that was being played in his Pocket Radio.

Tum ko dekha toh
yeh khayal aaya,
Tum ko dekha toh
yeh khayal aaya,
Zindagi dhoop..
Tum ghana saaya.

Aaj phir dil ne ek tamanna ki,
Aaj phir dil ko
humane samjhaya,
Zindagi dhoop..
Tum ghana saaya.

Tum chale jayoge toh sochege,
Humne kya khoya
humne kya paya,
Zindagi dhoop..
Tum ghana saaya.

Hum jise gunguna nahi sakte,
Waqt ne aisa geet kyu gaya,
Zindagi dhoop..
Tum ghana saaya.

Sameer's VO
Yeh toh samjha diya tha us shaam Ganga kinare Naina ko ki ek rishta aisa hota hai jo baki har rishtey se thoda alag, thoda zyada, thoda bada hota hai. Jo us ungli ki tarah chahkar bhi ek dusre se durr nhi ho sakta.
Magar uske baad kuch aur nhi samjha saka. Acha hua Jagjeet Singh Ji ki woh gazal baj gayi thi, warna kaise samjha pata Naina ko ki meri zindagi agar dhoop hai toh woh us dhoop mein ghana saaya, uske saath toh luu bhi thandi lagti hai, aur uske bina ped bhi chaav nhi dete. Uske saath toh khamoshi bhi baat kar leti hai, aur uske bin toh shor bhi sunai nhi deta hai. Uske saath viraan bhi khilkhilata hai, aur uske bina mehfile bhi viraan lagti hai. Uske saath se toh neem bhi meetha lagta hai, magar uske bina shahad bhi kadwa ho jata hai. Uske saath har safar acha lagta hai, aur uske bina per bhi nhi uthta hai. Uske saath har kahani sacchi lagti hai, aur uske bina har haqeeqat jhoothi ban jati hai. Uske saath hone se meri poori duniyaa chalti hai, aur uske bina toh meri poori duniyaa hi akeli pad jati hai. Meri zindagi toh usi ke saath se poori hai, warna uske bina toh meri tarah yeh bhi adhuri hai.
Safed baalon aur jhuriyon ke bawjud bhi Naina hi toh humare is rishtey ki gaanth hai jo na jane kitni doriyon ko thame hue hai. Umar ke saath ho sakta hai bhale hi pyaar jatana thoda kamjor pad jaye, par mohabbat ki dastaan toh yuh hi barkarar rehti hai, humesha jawaa rehti hai.

Love is never about breaking one full into two halves, it's always about joining two broken halves to complete one. Love isn't about having a fairytale romance. Love is being your own fairy and prince in your ordinary love tale and sometimes in your old age love tale.

।।तेरे लिए।।