Sukoon ke do pal aur kal ke andhere mein,
Waqt ki garmahat aur sawaalon ke ghere mein,
Jarurat ki jung aur armaano ke dere mein,
Zindgani chal rhi hai..maana aaj thodi bigdi hai, lekin kal phir sambhal lege,
Aakhir zindagi hi toh hai, jo bhi hoga sambhal lege!

Ghadi ki suiyon jaisa rishta tha Sameer aur Naina ka, kabhi milte hai toh, kabhi nhi, par haan humesha ek saath jude rehte hai. Kabhi khushiyon ke lamho mein toh kabhi dard ke palo mein.

After Naina's insistence, Sameer starts to work with his father.  Days passed with short sessions of his work and long sessions of his love.

In Naina's College
Naina is walking in the college corridor. That is when someone pulls her into an empty class, placing his hand on her mouth.

Naina- Sameer..tum
Tum aam logon ki tarah kabhi seedhe tarike se nhi aa sakte.

Sameer- Madam..hum aashiq log toh aise hi aate hai.

Naina- Ohh..Mr. Aashiq, ab apni aashiqui bandh kijiye aur btaiye yahan kyu aaye ho.

Sameer- Bhul gayi mera Romance Period ka time ho rha hai.

Naina- Hato..aur kuch sujhta nhi hai na tumhe. Aur lagta hai tum bhul gaye ki tumhare Office Period kab ka shuru ho chuka hai.

Sameer- Kya Naina, School mein Padhai Padhai karti rehti thi, ab Kaam Kaam karti rehti ho. Kabhi Pyaar Pyaar bhi kar liya karo

Naina- Tum jo ho karne ke liye.

Sameer- Naina..aaj mujhe poora ek mahina ho gaya kaam karte hue, toh..

Naina- Toh..toh kya.

He gets something out of his pocket and makes her wear the pendant having the initials of their names.

Naina- Sameer..yeh..

Sameer- Mana karne ke baare mein sochna bhi mat.

He incline towards her and closes the hook of the chain.

Naina- Sameer..main khud kar..

Sameer- Jab sabke samne woh baandhuga tab bhi yeh hi kahogi.

Naina- Kya?

Sameer- Arey woh hota hai na kale kale motiyon wali chain.

Naina- Mangalsutra..buddhu.

Sameer- Tum samajh gayi na Mrs. Buddhu.

Naina- Sameer..tumne baki sab ke liye kuch liya. Apne Mummy Papa ke liye, Swati ke liye aur tumhari Nani ke liye aur Munna, Pandit.

Sameer- Mujhe laga hi tha ki tum mujhe yeh kahogi. Isliye maine Homework milne se pehle hi apni Teacher ka sab kaam kar diya hai. Ab toh dogi na mujhe 100 mein se 100 number.

Naina- Na, 100 mein se 105. 5 extar number tumhare is pyaar ke liye.

Naina holds the pendant worn around her neck, Sameer leans towards her and kisses the pendant.

Sameer- Bas extra number hi milege ya kuch aur bhi..

She looks at him angrily.

Sameer- Kuch aur abhi rehne hi dete hai..Haina Naina.

She lifted her heels and kissed on his cheek.

Naina- Ab khush.

Sameer- Agar main tumhe roz aise hi gift du, toh roz mujhe yeh milega.

Naina- Jee nhi, aur yeh pendant ki wajah se nhi hai. Yeh tumhare Office jaane ke liye tha.

Sameer- Woh toh main roz gaya hoon. Toh us hisab se toh 30 din ke hue..

Naina- Maheshwari Ji zara break lagaiye apni calculations par. Aur waise bhi zyada lalaach karna buri baat hota hai.
Ab Office jao aur wahan apna dusra mahina bhi poora karo.

Sameer's VO
Apne ishq ko paane ke liye zindagi mein kuch banna padta hi hai. Tabhi toh isi ishq ne ek laparvaah Sameer ko zimmedar bna diya tha. Waise isi ishq ne Naina ko bhi badal ke rakh diya tha tabhi toh badi badi baatein karne wali Meri Naina mere saamne chaar saal ke baachon jaisi zidd karti thi aur main bhi unhe khushi khushi poora karta tha. Shi mein Pyaar bhi kisi jaduu se kum nhi hota hai, tabhi toh kitna kuch badal ke rakh deta hai.

In Night at Sameer's House.
Sameer(to himself)- Itni kyu yaad aa rhi hai mujhe uski. Abhi toh mila tha.
Call karta hoon.

But she does not pick up his phone.
He calls again and again, but she does not pick up his call every time. He decides to go to her house.

Standing Outside of Naina's House
Sameer(to himself)- Raat ke 2 baje kyu phone uthayegi mera, is waqt toh so rhi hogi woh. Bas ek baar use dekh lu, toh main bhi so payuga.

Sameer climbs through the pipe and enters Naina's balcony and sees Naina crying by covering her face in a pillow.

Sameer(slowly)- Naina..

Naina- Sameer.

He slowly come closer, hugged her and kissed her forehead. She started crying in his arms.

Sameer- Mujhe lag hi rha tha ki tum theek nhi ho. Naina..tum..

Naina- Mu..mujh..mujhse na..nahi hoga..Sameer.

Sameer- Naina..ro ro ke kya halaat bna li hai tumne apni.

Naina-Ma..main..ma..mar..jayu..gi..tum..tumhare bina..Sameer..main mar..

Sameer- Shh..chup ab aur nhi royogi samjhi. Aur mere bina kyu rahogi tum. Main hoon na tumhare saath Naina aur humesha rahuga.

He make her lay down and sit beside her.

Sameer- Naina..tumhe pata hai na mujhe yeh aansoo tumhari aankhon mein bilkul ache nhi lagte. Phir kyu roti ho.

He tries to gets up to give her water, but she grabs his shirt tightly. She hold his waist and lays her head near his lap. He gently strokes her hair.

Naina- Mujhe chodkar mat jana kahin..Sameer.

Sameer- Main kahin nhi ja rha Naina. Sirf Paani..

Naina- Nhi chahiye mujhe kuch. Bas tum yahin raho.

Naina's VO
Kabhi kabhi hum sabhi bas ek shaks ko apni zindagi mein chahte hai jo humesha humara saath de, jo humesha humse kahe ki tumhe har waqt majboot banne ki jarurat nhi hai; aisa shaks jo humesha aapke paas hi ho phir chahe woh raat ke do baje ho ya din ke, aisa shaks jo aapke chehre par muskaan dekhne ke liye bas kuch bhi karne ko taiyar ho, aisa koi shaks jo aapke andhere ateet ko jante hue bhi aap hi ke saath ek sunehra sapna dekhna chahta ho. Mera apna 'koi shaks', Mera Sameer. Jo mujhe mere ache hasne se lekar mere bure rone tak ko janta hai, jo mere dil mein kisi khaas kone ka haqdaar nhi hai kyuki woh mere dil ka haqdaar hai.
Woh bina kahe mere pass tha us din jab mujhe kisi apne ki hi jarurat thi, shayad apno ki hi shikayat karne ke liye. Usne tab mujhse koi sawaal jawaab nhi kiya, bas mera haath tham kar, mujhe kaskar apni baahon mein baitha raha tab tak jab tak mere chehre par use aansuon ki jagah hasi nhi dikhi. Mere liye jitna sukoon uski baaton mein tha utna hi sukoon uski baahon mein bhi tha. Aakhir uski aankhon mein dekhna mera sabse bada chain hai, uski hasi meri sabsi badi khushi hai, uski god mein apna sir rakhna mere liye sabse bada aaram hai, uski baahein mera ghar hai, aur woh khud meri duniyaa.

Sameer- Tum phir rone lagi. Acha ek kaam karo jitna rona hai ek baar mein ro lo, lekin promise karo uske baad kabhi nhi royogi.

Hearing this, she starts sobbing.

Sameer- Lo kab se chup hone ko keh rha hoon, toh chup nhi ho rhi. Ek baar rone ko kya kaha tum toh ganga jamuna bahane lag gayi.

Naina(crying)- Sameer.. aaj ghar par kisi aur ladke ka rishta aaya tha. Koi Sharad naam ka ladka tha. Mummy Papa kal use bulane ki baat kar rhe the.
Mai..maine kosh..koshish ki thi unko mana karne ki, par kuch nhi keh payi unse phir se. Woh bahut khush the, main unki hasi nhi chenna chahti thi. Main unhe dukh nhi de sakti, na hi unse lad sakti hoon. Lekin..main tumhe bhi nhi kho sakti Sameer phir se.

He takes her hand lying on his heart and kissed on it. She felt some wetness near his eyes.

Naina- Sameer..tum ro rhe ho..yeh aansoo meri wajah se hai na tumhari aankhon mein.

Sameer- Nhi, Naina. Tumhare saath kisi aur ko socha hi nhi kabhi. Toh bas us khayaal se hi aankhein bhar aayi. Tumhe toh apne khayaalo mein bhi bahut khayaal se rakha hai maine lekin haqeeqat mein tumhe aaj aise bebas dekhke aansoo ruk hi nhi paye.

She get up from his hold and wipes his tears.

Naina- Tum bhi rote hue bilkul ache nhi lagte. Main tumhara peecha itni jaldi nhi chodne wali. Aur na hi humari kahani mein aur Villain banugi main. Dekhna Sameer main sab shi kar dungi kal. Aane do kal us ladke ko,  khud hi bhaag jayega mujhe dekhke.

That's when Sameer's eyes go to a medicine bottle lying near Naina.

Sameer- Naina..Tumne phir se yeh sleeping pills..

Naina- Nahi Sameer, maine socha jarur tha..par sach mein nhi lim Aur ab na hi kabhi lungi, kyuki tum ho ab se mere pass.

He holds her in his embrace and kissed on her forehead. After sometime, he tries to move.

Naina- Tum phir uth rhe ho, mujhe nhi peena paani, kaha tha na.

Sameer- Naina..mujhe jana chahiye na ab. Dekho subah hone wali hai, kya kehti ho tum use..something like brahma..

Naina- Brahma muhrat.
Phir bhi mat jao, acha lag rha hai yahan mujhe Sameer.

Sameer- Mujhe bhi.

Sameer's VO
Maa Baap bhi kitne ajeeb hote hai na apne bacche ko yeh toh sikha dete hai ki kisi ajnabi se koi cheez nhi leni, shayad kabhi yeh bhi sikhaya hota ki kisi ajnabi ko apna dil nhi dena. Agar sikhaya hota toh Naina jaisi ladki ne kabhi apna dil mujh par haara nhi hota. Kitne log hai is duniya mein jo apne maa baap ki khatir apni kahani mod lete hai, apni mohabbat chod dete hai. Par Naina chahkar bhi nhi chod payi, zindagi ka saath chod sakti thi lekin pyaar ya parivaar ka nhi. Us din hum dono ko hi samajh nhi aa rha tha ki kon kise sambhal rha hai. Main gaya tha uske aansoo ponchne, lekin apne hi rok nhi pa rha tha. Ab Aansoo bhi jante hai ki kon apna hai, tabhi toh sirf apno ke samne hi nikal aate hai.
Toot woh bhi rhi thi, toot main bhi raha tha. Sambhal woh bhi rhi thi, sambhal main bhi rha tha. Phir bhi mushkil tha kyuki us kamre mein 'tum' bhi tha, 'main' bhi tha, bas 'hum' nhi tha.
Lekin phir bhi humne ek dusre ka saath nhi choda tha. Naina ko meri baahon mein uska ghar mil gaya tha aur mujhe use tham kar us ghar mein rehne wala koi shaks. Har school mein likha hota hai ki usool todna mana hai, har bagiche mein likha hota hai ki phool todna mana hai, har khel mein likha hota hai ki rule todna mana hai, kaash pyaar mein bhi likha hota ki saath chodna mana hai. Toh shayad bahut kuch tootne se bach jaye. Kyuki jab kuch tootta hai toh bahut chubta hai, chahe woh kaanch ho, chahe woh khwaab ho, chahe woh rishta ho ya chahe woh dil hi kyu na ho.

After a while Naina falls asleep and Sameer decides to leave. He unhugs her and makes her lay down. But she grabs his hand.

Sameer- Tum soyi nhi abhi tak.

Naina- Agar so jati toh tum chale jate na mujhe chodkar.

Sameer- Naina, abhi tum hi mujhe himmat de rhi thi na, aur ab tum hi ghabra rhi ho.

Naina- Sameer..hum alag nhi honge na kabhi?

Sameer- Tumhe lagta hai main aisa hone dunga kabhi. Naina..dekhna hum dono jald ek honge, koi teesra nhi aayega humare beech, koi judaa nhi kar payega hume, aur dekhna sab khush honge humare saath hone se, I swear on you.

He cupped her face and kissed on her nosetip.

Sameer- Tumhare toh gaal ke saath saath naak bhi laal hoti hai Naina. Pata hai is laal naak ke saath tum ekdum woh baccho wali gudiya jaisi lag rhi ho.

Naina- Tumhe toh tareef bhi nhi karni aati ache se.

He leaned towards her.

Sameer- Acha karke dikhayu abhi.

Naina- Mujhe pata hai tum kuch nhi karoge. Raat bhar tumhari baahon mein soyi rhi thi main, par tumhare pyaar ne tumhe kuch karne ki ijjajat hi nhi di na. Arey yeh kya meri tarah tum bhi laal ho rhe ho. Bas ab aur mat sharmana warna qahar hi aa jayega.

Sameer- Main jaa rha hoon ab.
(To himself)- Aur ruka toh pakka mujhe bhi apni tarah laal karke chodegi.

Naina- Suno..sambhal kar jana. Aur ghar pahunch kar call kar dena.

Sameer- Jo hukum mere aaka.

Naina's VO
Kehte hai chodne wale chod jaate hai mukaam koi bhi ho, nibhane wale nibha jate hai halaat koi bhi ho. Sameer ne humesha nibhaya hai har mukaam mein, har halaat mein. Us raat sharmaya bhi tha woh, hasa bhi tha woh aur roya bhi tha woh. Kehte hai ladke rote nhi hai; par aisa kyu..jab taqleef sabko hoti hai toh aansoo bhi sabke hi aayege. Kisi ke jaane se fark unhe bhi padta hai, zimmedariyon ka bojh sabse zyada unki khwaishyo ko maarta hai, tanhaiyaan sabse zyada unhe hi khaati hai. Shayad tabhi uske us dard ne mere dard ko bahut chota kar diya tha. Main uske liye jitna karu, kaafi nhi hai, usne toh mujhe dobara muskurana sikhaya hai. Kisi ke saath hasne mein konsi badi baat hai, saamne jiske jee bhar ke ro sake, mujhe rota dekh, khud jo ro pade, usme hi toh Humsafar wali baat hai. Bina jaahir kiye jo dard samajh jaye, usme hi toh Humdard wali baat hai.
Us din ke baad se humara pyaar jitna ek dusre ke liye badha tha, utni hi nafrat bhi badhi thi Sharad naam ke har insaan ke liye. Maafi mangti hu har us insaan se jiska bhi naam Sharad ho, par pata nhi kyu lekin yeh naam sunkar hi hum dono ka para humesha badh jaya karta tha.

After he left, she open her Diary and starts writing in it.

Kitne dino baad yaad aayi hai na mujhe is Diary ki, shayad itne dino se tumhari jarurat hi mehsoos nhi hui. Pehle ki tarah raat bhar baatein aaj bhi ki maine, pehle tumse  apne pyaar ki kiya karti thi, aaj apne pyaar se hi apne pyaar ke baare mein ki thi.
Na jaane kyu duniyaa ki saari ladaiyo mein pyaar kahin na kahin shaamil hota hai. Kabhi Pyaar aur Pasand ki jung, kabhi Pyaar aur Padhai ki jung, kabhi Pyaar aur Paise ki jung, toh kabhi Pyaar aur Parivaar ki jung. Kya khoob hai, zindagi ek hai, lekin raaste do hai, jeetne wale raaste mein bhi haarna tay hi hai. Ek par jaan hai aur dusre par jahaan hai. Lekin is baar mujhe mera raasta aur manzil ka pata, pata hai.

Woh jo tasveer mein ab tak kuch adhura sa tha, usse mikar woh aaj kaamil ho gaya hai.
Har martaba jisse durr jaati thi main, bin btaye woh dil mein daakhil ho gaya hai.
Mujhe chookar, meri hi kasam kha kar gaya hai woh, jaise mera ishq aaj kaabil ho gaya hai.

Next Day
Bela- Naina..kya karti hai tu. Kaha tha na  ki aaj College se jaldi aa jaiyo, aur aaj hi itni der laga kar aayi.

Naina- Woh Library gayi thi, toh late ho gayi.

Bela- Acha woh maine tera liye ek Suit nikal kar rakha hai. Aur sun ache se taiyar hona, ladke wale shaam ko aate hi honge.

After Sometime
Bela- Isse bure kapde nhi mile tujhe pane ke liye. Jo suit nikala tha woh kyu nhi paya.

Naina- Woh Press karte waqt jal gaya tha mujhse. Aur kya kharabi hai Mummy mere in kapdo mein.
(To herself)- Apna favourite dress jala sakti hoon, par kisi aur ladke ke samne nhi pane wali main.

Bela- Tujhse kon behas kare ab. Acha ja jake Baal khule chod de apne.

Naina- Nhi, mujhe aise hi ache lag rhe hai.
(To herself)- Kisi aur ke liye khule baal kabhi nhi chodugi main.

Bela- Ab chai bna degi ya woh bhi nhi hoga tujhse. Samajh hi nhi aata mujhe tera kabhi toh itni khush rehti hai aur kabhi aisi shakal bna kar ghumti rahegi. Beta aaj thoda muskura liyo, pata lage tujhe dekhkar hi ladke wale bhaag jaye.

Naina(to herself)- Yeh hi toh chahti hoon main.

After some time, the boy and family come to Naina's house. The boy touches her family's feet.

Bela- Jeete raho beta.

Anand- Aaiye baithiye.

In Kitchen
Bela- Chai taiyar ho gayi Naina. Thodi der mein lekar aa jaiyo.

She noded with a fake smile.

Bela- Aise hi naazrei jhuka kar sharmate hue bahar aana.

Naina(to herself)- Mujhe konsa naazrein uthakar us ladke ko dekhne ka koi shounk hai.
Gannu Ji mujhe himmat dena. Aur Please sab sahi karna.

Naina comes outside and gives tea to everyone. While giving tea to the boy, her hand hits the boy's hand, she feels something strange with that touch.

Har roz naya dard seekha deti hai yeh zindagi Sameer Naina ko, ajeeb paheliyaan hai inke haatho ki lakeeron mein, tabhi toh sirf  Safar hi Safar likha hai inmein, humsafar nhi.

Her silence is intolerable for him.
His tears affect her more than her own.
Her cute gestures give butterflies in his stomach.
And his hug makes her feel warmer than her own balnket.
Both were, are and will always be enough for each other.

Jo tera hai woh tujh tak aayega,
Khuda bhi tera hi hai aakhir kab tak rulayega!

।।तेरे लिए।।