Sameer Naina ki jo kahani Class 4th se shuru hui thi woh ab Class 10th tak pahunch chuki hai. Class 10 jo har school student ke liye sabse important class hoti hai usi tarah yeh class Sameer Naina ki zindagi ko bhi ek naye mukaam par pahunchane wli thi.
Is ek saal mein inke sath bahut kuch hone wala tha; aisa kuch jisse sab badalne wala tha. Inki zindgiyaan, inke jajbaat, inki dosti, inka pyaar sab kuch. Sameer Naina ek dusre ke kareeb ane wale the aur sath hi ek dusre se juda bhi hone wale the isi ek saal mein.
Ab tak inki life mein jo kuch bhi hua chahe Naina ka school mein first day ho, ya Sameer ka Rishikesh mein aana ho, chahe in dono ka ek dusre se takrana ho ya inki pehli mulaqat ho, chahe inki pehli baar baatein karna ho, ya inka pehla school trip ho, chahe Munna, Pandit, Preeti aur Swati jaise Pyaar ke farishte ho ya phir Sunaina aur Kartik jaise Pyaar ke dushman ho, chahe Pyaar aur Pasand ki uljhan mein fasna ho, chahe inka ek dusre ke sath Pyaar bhare lamhe jeena  ho ya phir inki Pyaar bhari jalan ho, chahe inka Pyaar ka dard ho ya Pyaar mein ek dusre ka sang ho. Sab hua inke sath par ab jo hona hai is ek saal mein aur is ek saal ke baad woh inke itne saalo ki bani hui Pyaar ki neev ko hila kar rakh dega. Aur is sab ki shuruat us saal ke pehle hi din ho chuki thi.

Naina's VO
Woh ek saal aaj bhi meri yaadon me taaja hai. Kitna kuch hua tha us ek saal mein mere aur Sameer ke sath.
Kahin baar sochti hu ki un dino humara Pyaar kitna majboot hua tha par sath hi utna kamjor bhi ho gaya tha.
Jis tarah School ke pehle din main aur Sameer ek dusre se takraye the, humari nazre ek dusre se takrayi thi, humare dil ek dusre se takraye the usi tarah us class ke bhi pehle hi din phir se kuch takrane wala tha aur woh thi humari soch, humari feelings aur humara pyaar.

In Classroom on First Day of Class 10
Sir- Aaj hum litearture mein apna first chapter start karege Students.
Aur iske baare mein aap sabne suna hoga. Iska naam hai 'Romeo and Juliet- A Love Story'.

All Students- Wow!

Romeo Juliet ka naam sunke Sameer Naina ek dusre ko dekhte hai. Kyuki love birds ko aaj ek love story jo sunne ko milne wali thi.

Sir- Toh yeh story William Shakespeare ne likhi thi.
Is story ke main characters the Romeo and Juliet.
Romeo Juliet pehli baar ek Italian party mein mile hote hai jahan unhe ek dusre ko dekhte hi Pyaar ho jata hai.

Yeh sunke Sameer Naina ko apna School ka pehla din yaad aa jata hai jab woh pehli baar ek dusre se mile the aur kahin na kahin unhe bhi ek dusre ke sath Pyaar ka ehsaas ho gaya tha.

Sir- Ab Romeo Juliet ko pehli mulaqat mein ishq toh ho gaya tha par unhe yeh bhi pata tha ki dono ke hi parivar ek dusre ke dushman the.
Isi wajah se Juliet ke bhai aur Romeo ke beech ladai hui jahan Romeo ne use maar diya aur woh shehar chod kar chala gaya.
Aur phir jante hai students kya hua.

All Students- Kya Sir.

Sir- Ab in dono ka pyaar hi aisa tha ki kahan yeh ek dusre ke baigar reh sakte the. Toh jab Romeo shehar chod ke gaya toh Juliet ne socha ki kyu na woh apna maut ka jhootha drama karke apne Romeo ke sath bhaag jaye. Par Romeo ko is baare mein kuch nhi pata tha aur use Juliet ki nakli maut ka drama bhi sach laga. Tabhi toh Juliet se dur rehne ke khayaal se hi usne jehar pi liya. Aur jab Juliet apne us drame se bahar aayi aur use pata laga ki Romeo ab nhi rha toh Juliet ne bhi suicide kar liya.
Yeh dono vhi khatam ho gaye par aaj tak inki kahani humare andar zinda hai.

Kahani sunne ke baad Sameer Naina  ek dusre ki taraf dekhte hai par is baar dono ke ehsaas alg alg hote hai.

Sir- Toh yeh kahani thi Romeo aur Juliet ki jahan woh ek dusre ke liye hi jiye aur ek dusre ke liye hi mare.
Inki kahani sache pyaar ke liye ek misaal hai. Pyaar hona toh bahut aasan hota par use nibha pana mushkil hota hai. Par Romeo Juliet ne use nibhaya. Par yeh sab aaj hona thoda mushkil hai. Toh students yeh kahani yhi khatam hui. Aur meri baat hamesha yaad rakhna ki jab bhi ise padhoge toh apne dimag se mat padhna balki dil se padhna.

Naina(to herself)- Kitni achi kahani thi ise sunne ke baad toh mera pyaar par vishwas aur pakka ho gaya hai.
Sameer ka toh pata nhi par ab main samjh chuki hu ki meri Sameer ke liye jo feelings hai woh sacha Pyaar hi hai.
I truly love him.
Yeh kahani sunne ke baad toh ab mujhe poora yakin ho gaya hai apne Pyaar par.

Otherside
Sameer (to himself)- Kitna kuch kiya tha Romeo Juliet ne ek dusre ke liye yahan tak ek duje ke liye jaan bhi gawa di.
Yeh hi toh hota hai sachha pyaar toh phir jo main Naina se karta hu woh kya hai.
Kya main woh sab Naina ke liye kar payuga jo Romeo ne apni Juliet ke liye kiya tha.
Do I truly love her?
Yeh kahani sunne ke baad toh mera Pyaar par se hi yakeen dagmagane laga hai.

Dono kahani ke baare mein soch rhe the jahan ek taraf Sameer ke mann mein apne pyaar ko leke kahin sawaal khade ho gaye the toh vhi dusri taraf Naina ko apni uljhano ke jawab mil chuke the. Kahni toh ek hi thi par kisi ke liye woh sawaal leke aayi toh kisi ka jawab banke aayi.

Class ke baad sab bacche ek sath baithe hote hai.

Preeti- Behan kya kahani thi aaj ki. Mazaa hi aa gaya.

Mundit- Shi keh rhi hai pata nhi hume humari Juliet kab milegi.

Preeti- Aur pata nhi mujhe mera Romeo kab milega. Aur tujhe bhi Naina.

Naina (Seeing Sameer)- Par mujhe toh mera Romeo mil chuka hai.

Preeti- Kya kaha?

Naina- M..ma..main yeh keh rhi thi ki woh story ke character wale Romeo se hi mujhe pyaar ho gay hai.
Kitna sacha tha uska pyaar apni Juliet ke liye. Haina.

Yeh sunte hi Sameer Naina ki tarf dekhta hai aur use phir se apne Pyaar par doubt hone lagta hai.

Mundit- Han sacha toh tha unka pyaar warna aaj ke zamane mein kon aise kisi ke liye jaan de sakta hai.
Kyu Sameer shi kaha na humne.

Sameer(loudly)- Bas..
Kya laga rakha hai tum sab ne. Aur koi topic nhi hai kya tum sabke pas aaj baat karne ke liye ya sirf Romeo aur Juliet ke baare mein hi baat karni hai. Aur yeh sab baatein kahaniyon mein hi achi lagti hai real life mein nhi.

Yeh kehkar woh wahan se uthkar chala jata hai. Use nhi pata hota ki jo woh keh kar gaya kya woh use khud manta bhi tha ya nhi. Par Naina ko Sameer ka kaha hua ek ek shabad uske dil par khanjar ke jaisa laga.

Sameer's VO
Nahi janta tha ki kya ho gaya tha us waqt mujhe ki main apne Pyaar par hi vishwas nhi kar pa rha tha. Shayad darr gaya tha Romeo Juliet ki kahani sunke ki kya main apni Naina ka Romeo kabhi ban bhi payuga ya nhi. Par tab main yeh bhool gaya tha ki har kahani alag hoti hai, har kirdaar alag hota hai, har mohabbat alag hoti hai, aur uska aagaj aur anjaam bhi alag hi hota hai. Par tab main yeh sab nhi samajh paya tha.
Par Naina ko apne pyaar par poora yakin tha ya yuh kahiye ki woh kahani sunke toh uska yeh vishwas aur bhi pakka ho gaya tha. Aur mera vishwas hil gaya tha.
Kise pata tha ki class ka pehla hi din Naina ko apne pyaar mein aur majboot bna dega aur mujhe mere pyaar mein kamjor.

Yeh toh abhi us ek saal ki shuruat hai jisne pehle hi din Sameer Naina ke liye do alag alag raahein bna di thi. Abhi toh poora saal baki hai jisne inke Pyaar ko majboot bhi kiya aur kamjor bhi.

।तेरे लिए।