Pyaar tha, phir bhi koi naam nhi tha;
Ehsaas tha, par use bandhe rakhne ke liye rishta nhi tha;
Ibaadaat thi, par koi izhaar nhi hua tha;
Duaa bhi thi, par sath nhi tha.
Bahut kuch tha Sameer Naina ki mohabbat mein par bahut kuch nhi bhi tha.
Ek taraf woh abhi bhi apni kahani ko lekar doraahe par khade the, vhi dusri taraf ek dusre ke liye mar mitne ko bhi taiyar the.
Ab yeh bepanaah pyaar nhi tha toh aur kya tha.

Sameer's VO
Intezaar; bahut bhari shabad tha meri aur Naina ki zindagi mein.
Kyuki humne pyaar karne ki gustaakhi toh kar di thi par abhi bhi bahut se pal aise the jinka hume besabri se intezaar tha.
Intezaar tha hume apne ishq ke izhaar ka,
Intezaar tha humari mohabbat ko qubool karne ka,
Intezaar tha dooriyon ko kum karne ka,
Intezaar tha toh bas  khamoshiyon ko khushiyon mein badalne ka.
Aur isi intezaar ko khatam karne ki duaayein maang rhi thi Naina, isi intezaar ko mitane ki ibaadaat kar rha tha main.
Aur is intezaar ki asli keemat toh mujhse behtar koi nhi jaan sakta.

In Naina's House
Is baar pehli baar Naina ke ghar Ganpati utsav manaya ja rha hai aur aaj Ganpati Visarjan ka din hai.

Naina(to Lord Ganpati)-
Bappa is baar pehli baar aap humare ghar par aaye ho. Aapne mujhe meri life mein bahut kuch diya hai. Bas ek duaa aur mangti hu aaj aapse mujhe mera Sameer de do, uska sath, uska pyaar mujhe de do.
Maine suna hai ki aapke kaan mein agar kuch bhi sache mann se maango toh aap woh jarur poora karte ho.
Toh please Gannu ji mujhe mera pyaar de do. Bas meri yeh duaa qubool kar lo.

Tabhi Naina Ganpati ji ke aage sir jhukati hai aur wahan rakha sindoor uski maang par lag jata hai.

Naina(to herself)- Thank You Bappa. Is sindoor ne mera pyaar ka rang aur bhi pakka kar diya hai.

Otherside
At Sameer's House
Vishakha- Sameer jara baat sun.

Sameer- Han maa bolo.

Vishakha- Delhi se tumhare cousins aa rhe hai toh unhe tum Rishikesh ache se ghuma dena aaj. Aur swati ko bhi le jana par apni choti behan ko tang mat karna.

Sameer- Thik hai maa. Main aur Swati chale jate hai.

At Laxman Jhula, Rishikesh

Sameer- Kaisa laga humara Rishikesh.

Rohan(cousin brother of Sameer)- Wah bhai tu toh ab Rishikesh ka hi ho gaya hai.
Lagta hai ab Delhi tere dil mein na rhi.

Sameer- Dil mein toh ab koi aur hi hai.

Deepika(cousin sister of Sameer)- Kon hai bhaiya.

Sameer- Huh..
Dil mein toh yeh shehar hai, yeh Ganga maa, yahan ki vaadiyaan, yahan ke log, mera school, mere friends aur...
(inaudinly)- Naina.

Rohan- Aur kon hai bhai.
Bta..bta..

Sameer- Aur..aur tum log.

Rohan- Really?

Sameer- Ab yeh sab chod, pehle ache se ghum le.

Deepika- Sameer Bhaiya, Swati Didi maine suna hai ki yahan agar is river mein agar aap koi wish maangke sikka dalo aur woh sikka agar yeh  bacho mein se koi dhund le toh woh wish poori ho jati hai.
Aisa sach hai kya.

Swati- Sach ka toh pata nhi. Kyu na try kar lete hai.

Rohan- Han shi hai chalo wish mangte hai aur coin dalte hai.

Swati- Sameer bhai aap bhi Wish mangoge na.

Sameer- Tu janti hai na Swati ki main in sab cheezon mein nhi manta.

Swati- Par bhai ek baar karne mein kya ja rha hai.
Please please please please bhai.

Sameer- Acha baba karta hu.

Sab baari baari coin dalte hai par kisi ka bhi coin nhi milta.
Sabke chehre latke hue hote hai.

Sameer- Kaha tha na maine kuch nhi hota yeh sab. Ab chodo yeh sab aur ghar chalo.

Rohan- Ab hum sabne kiya hai toh tujhe bhi karna toh hoga hi.

Sameer- Par main kya wish manguga.

Rohan- Kuch toh chahat hogi teri. Koi adhuri khwaish.
Bas vhi maang le.

Sameer apni aankhein bandh karta hai aur wish karta hai.

Sameer(to himself)- Aaj pehli baar aapse kuch maang rha hu.
Waise toh yeh sab main nhi manta par phir bhi aaj ek duaa mangna chahta hu.
Naina.
Aapne mujhe pyaar karne ki taqaat toh de di, bas us pyaar ko nibhane ki taqaat bhi de dijiye. Itni himmat dijiye mujhe ki main Naina ko apne dil ki baat bta saku, use apna pyaar de saku, har mod par uska sath de saku.
Bas mujhe meri Naina de do.
Yeh duaa meri qubool kar lo.

Apni wish mangke woh sikka pani mein dalta hai. Par uska sikka bhi nahi mil pata.

Deepika- Bhaiya aapka sikka bhi nhi mila. Iska matlab aapki wish bhi...

Rohan- Aisa kuch nhi hota Deepika.
Chalo ab chalte hai.
Aur Sameer tu bhi ab apna mood shi kar le.

Yeh sunke Sameer ke andar ki umeed ko ek aur jhatka lagta hai.
Sab wahan se ja rhe hote hai tabhi paani mein khada ek bachha aawaj lagata hai. Par sab wahan se chale ja chuke hote hai siway Swati ke.
Woh bachha Swati ko Sameer ka wish wala sikka de deta hai.

Swati(to herself)- Bhai bhi na yuh hi udaas ho gaye the.
Par kitne lucky hai woh ki unka sikka mil gaya. Iska matlab unki wish bhi jaldi hi poori ho jayegi.

At Night
Sameer(to himself)- Pata nhi aaj neend bhi kyu nhi aa rhi.
Aisa lag rha hai jaise mera koi hissa mujhse chut rha ho.
Aaj jo kuch bhi hua uske baad mera darr aur bhi badh gaya hai.
Har roz kuch aisa ho jata hai jo mujhe apne pyaar ke baare mein sochne par majboor kar deta hai.
Samajh hi nhi aa rha ki jab main Naina se itna pyaar karta hu toh kyu apni feelings ko lekar doubt kar rha hu.
Aakhir kyu?

Naina's VO
Hum dono kitne alag the par phir bhi ek hi duaa maang rhe the, in fact ek dusre ke liye maang rhe the, ek dusre ka sath maang rhe the, ek dusre ka pyaar maang rhe the.
Tab se lekar aaj tak maine sirf ek hi duaa maangi hai aur woh thi Sameer. Sirf uska sath chahiye tha mujhe uske baad toh agar maut bhi aa jati toh koi shikwa nhi tha.
Aur us din humari yeh duaayein qubool hui bhi. Dono ko signs bhi mile. Ek ki maang mein sindoor bharna toh dusre ka sikka milna humare liye koi choti baat nhi thi. Sab ek jaisa ho rha tha humari life mein par phir bhi ek fark tha.
Fark tha ki jahan mera pyaar par vishwas pakka ho rha tha vhi Sameer ka vishwas dagmaga rha tha.
Aur aisa hone ki wajah thi, humari life ka woh bhari shabad 'intezaar'; jo Sameer ne us din nhi kiya tha.
Uski duaa poori hui par use na pata chal saka, uski wish ka sikka dhunda gaya par use na mil saka, uska vishwaas badhna chahiye tha par nahi badh saka. Aur aisa hua kyuki usne intezaar nhi kiya.
Hum apni life mein bhi aisa hi kuch karte hai par jarurat hoti hai toh bas thode intezaar ki, thode waqt ki.

तेरे सजदे में सर है झुका तू इबादत है तू ही दुआ मौत के बाद भी जो मिले बन्दगी का सिला तो माँग लूँ तेरे लिये,
तेरे लिए, तेरे लिए, तेरे लिए, तेरे लिए

।तेरे लिए।