Dekhte dekhte hi us ek saal ka bhi aadha safar khatam hone ko tha jis ek saal ne sab badal ke rakh diya tha. Aur is padaav par Sameer Naina ki zindagi mein ek aur musibaat inka baahein failaye intezaar kar rhi thi aur woh the EXAMS.
Par yeh musibaat inse zyada toh Munna, Pandit aur Preeti ke liye bhayank thi.

In Sameer's House
Pandit- Ae chenu mera toh dimag hi ghoom gaya itna padh ke.

Munna- Itna?

Pandit- Han bhait poore dedh page padhe hai maine.

Munna- Wah bhai dedh page kya baat hai.

Sameer(laughingly)- Bas bhi karo ab tum dono. Agar aise page hi ginte rhe phir toh ho gyi padhai.
Aur waise bhi abki baar toh mujhe bhi darr lag rha hai is paper se.

Mundit- Kyu bhai tu humse toh hoshiyaar hi hai.
Aur agar tu hi darega toh humara soch kya hoga.

Sameer- Yaaro is baar sach mein kuch nhi aata mujhe.
Aur yeh ratta toh mujhse kabhi lagta hi nhi.

Mundit- Shi keh rha hai tu.
6 mahine se rat-ratke sirf Subject ka naam hi yaad hua aur kuch nhi.

Sameer- Yeh sab chodo aur yeh socho ki kal ke paper mein pass kaise honge hum.

Tabhi Vivek kamre mein aata hai.

Vivek- Wah beta wah. Aur tumse umeed bhi kya kar sakte hai.
Aaj tak waise bhi tumne koi acha kaam toh kiya nhi bas Fail hone ki hi kami reh gayi thi.

Sameer- Ek minute maine kaha ki mujhe sirf darr lag rha hai abhi tak main fail hua nhi hu.

Vivek- Han toh jab fail hoke ghar aayoge tab tumse baat karuga main.
Mujhe toh kahin baar sharam aati hai tumhe apna beta kehne mein.

Vishakha- Vivek yeh aap kya keh rhe hai.
Kyu baat ka batangaad bna rhe hai.

Vivek- Main baat ka batangaad bna rha hu Vishakha.
Sirf tumhari wajah se Sameer aaj aisa ban gaya hai.

Vishakha- Sirf meri wajah se?
Aapko apni galti nhi dikhti ki jab hume aapki sabse zyada jarurat thi aap yahan the hi nhi.

Vivek- Han toh kaam se hi gaya tha koi aish karne nhi gaya tha.

Vishakha- Kya pata kya kaam tha.

Vivek(angrily)- Vishakha...

Sameer- Bas kijiye aap log.
Meri wajah se lad rhe hai na toh main hi yahan se chala jata hu.

Mundit- Sameer ruk toh shi.

Sameer- Munna Pandit tum apne ghar jayo. Aur meri tension mat lo main thodi der baad vapis aa jayunga.

At Ganga Ghat
Sameer apne ghar se nikal ke Ganga Ghat par jata hai.
Naina bhi wahan hoti hai roz ki tarah.
Dono opposite sides baithe hote hai. Aur is baar in dono ke beech hoti hai Ganga Maiyaa aur yeh toh vhi jane ki inke faasle kam hoge ya badhege.

Sameer(to himself)- Aaj ghar par jo kuch bhi hua Maa Papa ke beech usne mujhe phir se dorahe par khada kar diya hai.
Pehle woh Romeo Juliet wali kahani, aur roz roz ghar par Maa Papa ke beech ki yeh ladaiyaan, aisa lag rha hai sab mujhe ek hi baat keh rhe ho ki main aur Naina ek dusre ke liye nahi bane ho. Jab usse pyaar hua tha toh itni himmat thi par ab jab usi pyaar ko nibhane ki baari hai toh main peeche hat rha hu.
Kabhi kabhi toh aisa lagta hai jaise hum dono is nadi ke do kinare jaise ho gaye hai jo ek dusre ko dekh toh sakte hai, mehsoos toh kar sakte hai par kabhi ek sath mil nhi sakte.
Ab toh is pyaar se darr lagne laga hai ki kahin main aisa kuch na kar du jisse kal ko Naina ko usse takleef ho.
Jitna usse dur jata hu utna apne aap ko uske kareeb pata hu aur jitna uske kareeb rehta hu utna usse dooriyaan bnane lagta hu.

Otherside
Naina(to herself)- Please Ganga Maiyaa kal exam hai toh sab ache se ho jaye bas.
Aur please Sameer ka paper bhi bahut ache se ho jaye beshak mera kum acha kara dena.
Jab se tum meri zindagi mein aaye ho sab kitna acha lagne lag hai Sameer. Aur yeh tumhare pyaar ka hi jaadu hai jisne mujhe aisa bna diya hai. Is kamjor Naina ko tumne, tumhare pyaar ne hi itni himmat di hai. Pta nhi kab woh lamha aayega jab humara pyaar muqamaal ho payega. Par abhi toh mujhe yeh bhi nhi pata ki tum kya sochte ho mere baare mein, is pyaar ke baare mein.

Next Day in School
Preeti- Naina aaj toh tu badi alag lag rhi hai matlab kya bolu main shabad hi nhi nikal rhe.

Naina- Bas kar Preeti. Aur yeh maska maarna bandh kar.
Aur Saaf saaf bol.

Preeti- Naina tu janti hai na is paper ka mujhe kuch ni aata aur tujhe sab kuch. Tera toh ratta bhi the best hai.
Toh mujhe zara is paper mein cheating kara diyo na, main pass ho jayugi. Please please please.

Naina- Preeti tu janti hai na ki main kisi ko bhi cheating nhi karati aur khaskar exam mein toh kabhi nhi.
Yeh meri values ke against hai. Isliye main tujhe cheating nhi kara payugi.

Preeti- Tu aur tere values.

Naina- Aur mujhe tujhpe poora vishwas hai ki tu paper mein pass ho jayegi bina meri cheating karane ke.

Naina's VO
Kitni badi badi baatein ki thi na maine us waqt. Morals, values, cheating na karana. Par mujhe kya pata tha ki yeh aakhri baar tha jab main yeh baatein bol rhi thi. Kyuki agle kuch hi palo mein main apne sari values ke against jane wali thi. Aur yeh mujhe btane ki jarurat nhi hai ki ksike liye main yeh sab karne ko taiyar thi.
Par kehte hai na Pyaar aur Jung mein sab jayaj hota hai tabhi toh us samay meri values meri mohabbat ke samne haar maan gyi thi.

At Exam Time
Sab bacche apni seats par baith jate hai. Par Sameer ka kuch aata pata nhi hota. Naina aur Sameer ki seat aamne samne hoti hai.

Naina(to herself)- Yeh Sameer ab tak aaya kyu nahi. Aadha ghanta hone ko hai aur uska kuch aata pata hi nhi hai.
Woh thik toh hoga na?

Tabhi Sameer Class mein aata hai. Aur Naina chain ki saans leti hai.
Sameer teacher se baat karta hai aur woh use aadhe ghante ka extra time de deti hai.

After some time
Naina- Mam one sheet please.

One boy(sitting behind Naina)- Naina please is question ka answer bta de.

Naina- Main na toh cheating karti hu aur na karati hu.

Boy- Fine.

Yeh sab Sameer sun leta hai.

Sameer(to himself)- Ab kisse puchu. Mujhe toh kuch nhi aata paper mein. Aur Naina toh cheating karane se rhi.

Naina- Mam one more sheet.

Sunaina(to herself)- Kitni sheet legi yeh behanji. Ab tak do extra sheets le chuki hai.

Naina(to herself)- Yeh Sameer likh kyu nhi rha. Ek toh pehle hi late aaya hai aur upar se kuch likh bhi nhi rha.

Naina(whispering)- Sameer..Sameer..

Sameer- Han bolo.

Naina- Tumhe paper mein kuch nhi aata kya.

Sameer- Huh? Tumhe kaise pata.

Naina- Woh sab chodo.
(to herself)- Ab kaise puchu isse ki main koi help karu.

Sameer(hesitantly)- Naina kya tum mujhe thode se points bta sakti ho.

Naina- Han..Yeh lo dekhlo meri sheet se.

That same Boy- Thank U Naina.

Sameer Naina dono hasne lag jate hai.

Naina- Aur bhi btayu kya Sameer.

Sameer- Hmm..thoda sa aur..

Naina- Lo dekh lo.

Mam(angrily)- Naina..tum cheating kar rhi ho.

Naina- No Mam. Main..toh..

Tabhi Naina Sameer ki taraf dekhti hai.

Naina- Sorry Mam.

Mam- Matlab tum cheating kar rhi thi. Lao apni sheet aur jao yahan se.

Naina- Par Mam.

Mam- I said go.

Naina Sameer ko helplessly dekhte hue chali jati hai.

Sameer(to himself)- Meri wajah se bechari Naina phas gyi. Pata nhi uska paper poora bhi hua hoga ya nahi.

Outside of Exam Hall
Naina(to herself)- Pata nhi Sameer ko aur kuch aata bhi hai ya nhi.
Idea!

Naina mam se kuch puchne ke bahane phir se exam hall mein jati hai.
Aur vapis jate waqt Sameer ke pass ruk jati hai aur apne laces bandhne ka drama karti hai.

Naina- Ab jo points bta rhi hu  fatafat likh lo.

Sameer- Huh?

Naina- Arey likho.

Naina use sare points btati hai.

Mam- Naina tum gyi nhi ab tak.

Naina- Mam bas ja rhi hu. Woh laces nhi bandh rhe the.

Naina Sameer ko smile pass karke wahan se chali jati hai.
Aur darwaje ke bahar hi wait karti hai jab tak Sameer ka paper khatam nhi hota.

Aur jaise hi Sameer bahar aane lag jata hai Naina peeche mudke wahan se jane lagti hai.

Sameer- Naina ruko.

Naina- Tumhara paper kaisa hua?

Sameer- Bahut acha ho gya. Tumne jo btaya tha.
By the way Sorry, meri wajah se tum aaj phas gyi aur tumhara paper bhi shayd chut gaya.

Naina- Arey tum sorry kyu bol rhe ho. Mera paper toh kab ka ho gaya tha. Main toh bas extra questions kar rhi thi.
Isliye tum sorry mat feel karo.

Sameer- Acha sorry nhi Thank You toh bol sakta hu.

Aur woh Naina se handshake karne ke liye apna hath aage badhata hai.
Par Naina ke hath books se bhare hote hai isliye woh usse hath nhi mila pati.

Sameer- Koi baat nhi. Par Thank You once again.

Naina- Its ok.

Dono wahan se chale jate hai.

Naina(to herself)- Yeh books bhi ab meri dushman ban gyi. Tabhi toh inki wajah se aaj Sameer se hath bhi nhi mila payi.
Par ek baat toh achi hui ki uska paper ache se poora ho gaya. Thank You Gannu Ji.

Sameer's VO
Shi mein un dino ki baat hi kuch aur thi tabhi toh us waqt cheating ke liye kisi technology ya smartphones ka istemaal nhi hota tha balki aapka pyaar hi aapka smartphone ban jata tha.
Aur mere liye yeh Pyaar wali Cheating aur bhi khaas thi kyuki yeh cheating Naina ne jo karayi thi. Woh Naina jo kabhi apne morals ke khilaaf nhi jati thi, woh Naina jisne apni Best friend Preeti ko mana kar diya tha; usne us waqt mujhe cheating karwayi,   usne sirf apna paper hi nhi dikhaya ya sirf points hi nhi btaye balki tab tak mere sath rhi jab tak mera paper complete nhi hua.
Woh ladki jo kabhi jhooth nhi bolti thi, usne teacher ke samne apne laces tie karne ka aisa bhana bnaya ki mujh jaisa insaan bhi hairaan reh gaya tha.
Pata nhi is pyaar ne Naina ko kitni himmat de di ki woh yeh sab karne se ek baar bhi nhi dari aur dusri taraf main usi pyaar se, usi Naina se bhaag rha tha. Pata nhi kyu apne sabse keemati rishte ko apni hath se ret ki tarah fisalne de rha tha, yeh jante hue ki humara pyaar us Ganga ke hi tarah pavitra aur sacha tha.

।तेरे लिए।