Like the clouds..
take time to rain,
The Love..
takes time to shine,
At the end..
both will soothe the soul!

School ka pehla din tha, nayi umang aur masti se bhara hua tha, ek hadsaa jo hone ko tha, kisi ko shayad pyaar jo hone ko tha, kahin dhoop chaon si roshni thi, kahin madhosh hawaa bhi, lekin koi is baat se anjaan tha ki koi ajnabee apna hone ko tha..School ka woh pehla din baahein khol ke khad tha.

Naina's VO
Rishikesh; meri aur meri kahani ki shuruat hui thi mere hi pyaare se shehar se jo kehne ko toh ek chota sa shehar hai par mere liye kisi Paris ya London se kum nhi hai. Is shehar ki khoobsurati ko shabdo mein byaan nhi kiya ja sakta aur yahan ki Ganga Maiyaa usi khoobsurati mein char chand lagati hai. Ganga Ghat, Gagan aur Geeton ki yahan moorat hai, isiliye mera shehar itna khoobsurat hai.

Aur isi chote se shehar mein chote chote sapne dekhne wali main yani Naina rehti thi jiska apne naye school ka pehla din ya yuh kahiye Rishikesh ke pehle International School mein uska pehla din..behadd khas hone wala tha..sabse khas.

Aaj bhi mujhe woh din ache se yaad hai jab main pehli baar choye se shehar ke itne bade school mein kadam rakh rhi thi. Do choti bandhe hue, aankhon par mote mote glasses wale chashma lagaye hue, school uniform pehne hue, peeche bhari bharkam sa School Bag tange hue, haath mein Water Bottle thame hue, darte ghabrate hue akele aage badh rhi thi.
Mann mein ek alag si hulchul machi hui thi, dil itni jor se dhadak rha tha mano Playground ke 100 chakkar laga liye ho. 100 chakkar aur woh bhi maine.. manna thoda mushkil hai.
Par yeh dil dhadakna sirf naye school ki wajah se tha ya phir abhi aur bhi kuch naya hone wala tha..
Kyuki mujhe tab nhi pta tha ki woh din sirf mere School ka pehla din nhi tha, sirf Books ka pehla Chapter nhi khulne wala tha balki meri zindagi ka ek naya Chapter shuru hone wala tha, ek naya padaav jab sab badalne wala tha meri life mein, uski life mein, humari life mein.

In Classroom
Naina- May I Come in Mam.

Mam- Yes, So she is new admission - Naina Aggarwal.
Naina, you can sit with Preeti and Sunaina.

Naina sits down with them and tells about herself. In that one meeting, a new relationship is formed between two people. The friendship bond that was being formed between Naina and Preeti at that time.

But maybe someone else did not liked that growing bond so much and it was Sunaina; the most stubborm and vicious girl.

Naina's VO
Kahani mein Hero Heroine ho aur Villain na ho toh kaisa lagta hai na jaise bina tadke ke dal, jaise bina patakhe ke diwali, jaise bina Mogambo ke Mr. India. Vhi Tadka, vhi patakha, vhi Mogambo thi Sunaina jo apni umar se kahin zyada aage thi, kahin zyada chalak thi. Par kehte hai na Ram ka astitatva bhi tabhi dikhta hai jab Ravan hota hai.
Waise us waqt koi Ramayan toh nhi chal rhi thi, haan par jo chal rha tha usse mujhe bahut darr lagta tha aur woh tha Maths ka Period. Mujhe toh aaj tak yeh samajh nhi aaya ki yeh Maths apni problem khud kyu nhi solve kar leta. Waise thi toh main Topper par mera aur Maths ka 36 ka aankda tha. Bikul waise jaise mera aur Sunaina ka hone wala tha.
Par phir aaya mera Favourite Period; Recess.
Sach kahu toh School se zyada pasand thi mujhe wahan ki Canteen, wahan ka khaana. Aaj bhi jab bhi yaad karti hoon toh mooh mein paani aa jata hai. Ab bhukkad kahiye ya Foodie, par yeh mera pehla pyaar tha. Lekin jald hi dusra banne wala tha.
Us waqt Recess ki Bell bajte hi mere kadam aise udte the jaise main koi Hawaa ka Jhonka hoon. Waise ek Hawaa ka Jhonka aur bhi tha jo badi tezi se meri taraf hi badh rha tha, apne saath Pyaar ki dher sari bauchar lekar.
Par usse pehla sabka Favourite aur mere liye sabse Boring Period aa gaya tha; Games Period.
Boring isliye kyuki na toh mujhe khelna pasand tha aur na kisi ko khel chodkar mere saath baithna. Tabhi toh Games Period mein jab sab khel rhe hote the main apni Best Friend ke saath hua karti thi; meri Best Friend yani meri Books. Games period mein bhi books..par aisi hi thi main.

Preeti- Chal na Naina khelte hai bahut mazaa ayega.

Naina- Nhi Preeti mujhse ni khela jata tu jake khel na main yeh Book padh rhi hoon.

Sunaina- Han Preeti tum jao main yhi hu Naina ke pass.

Preeti and all the students were playing in the ground. But in Sunaina's mind, something different was cooking.

Sunaina- Naina tumse ek baat puchu tum bura toh nhi manogi.

Naina- Arey pucho na Sunaina aur tum toh meri ab dost ho toh main bura kyu manugi.

Sunaina- Naina mujhe pata chala ki tumhara koi behan ya bhai nhi hai aur pichle school mein toh tumhare zyada friends bhi nhi the toh tumhe akela mehsoos hota hoga na.

Naina- Nhi aisa toh kuch nhi hai balki ab toh mujhe aisi life ki aadat ho gyi hai aur main khush hoon aise.

Sunaina- Phir bhi poora din akele rehna sirf Mummy papa ke saath.
Shayad isi wajah se tum itni boring nature ki ban gyi ho. Waise main toh soch bhi nhi sakti aise akele rehne ki, waise is mamle mein main thodi Lucky hoon.

Naina- Par main khush hoon Sunaina aur main hamesha se aisi hi hoon tumhari language mein kahe toh boring.

Naina runs away from there with tears in her eyes while Sunaina smirks seeing this.

Sunaina(to herself)- Aakhir mujhe tumhari dukhti rag mil hi gayi. Tumne kya socha tha ki pehle din aakar hi sabki favourite ban jayogi.
Is school ki best student hamesha se hi main thi aur main hi rahugi, yani ki Sunaina Parekh.

Otherside in Washroom
She locked herself in the washroom and cries uncontrollably.

Naina(to herself)- Kyu hamesha se mere sath hi aisa hota aa rha hai.
Sunaina ne shi kaha ki main akeli hoon, main boring hoon, unlucky hoon shayad tabhi mere pass koi bhai-behan ya dost nhi hai.
Gannu ji aapne mujhe sab kuch diya duniya ke best Mummy Papa diye, aaj tak meri har wish poori ki, kisi bhi chiz ki kumi nhi hone di par phir bhi main khush kyu nhi hoom. Sab toh hai mere sath par phir bhi humesha itna akela kyu lagta hai.
Aaj mehsoos ho rha h ki mujhe bhi shayad ek dost ki jarurat hai.
Main bhi khush hona chahti hoon, main bhi sabki tarah khul ke hasna chahti hoon, main yeh boring Naina banke nhi rehna chahti. Kya main itni buri hoon ki aapne mujhe koi saathi hi ni diya na bhai-behn ke roop mein aur na hi kisi dost ke roop mein.

Naina's VO
Pehla din ko jitna khaas main banana chahti thi utna hi bura saabit ho rha tha. Aaj un baaton ko yaad karu toh shayad itna bura nhi lagta par 9 saal ki Naina ko bahut bura laga tha. Nadaan Bachpana kahiye ya Aawara Dil, par us waqt main Samajhdaari ke daldal se koso durr thi. Tabhi toh Sunaina ki baatein chub gayi thi.
Par meri chuban jald hi ek meethe dard mein badalne wali thi. Kyuki Gannu Ji se main kuch maangu aur woh mujhe na de, aisa toh kabhi hua hi nhi.

Ab hawayein apna rukh badal rhi thi, kuch toh hone wala tha jisne Naina ki zindagi ke panne palat diye...kuch aisa jise bhagwan ne khud likha ho sirf uske liye.
Ab baari hai uski zindagi ko rangne ki; hasi ke rang se, dosti ke rang se, khushiyon ke rang se, aur shayad mohabbat ke rang se..

Yaadon ki dhund mein,
Chupa hua tha ek daur,
Na chhal tha,
Na koi chhalava aur
Na koi humare alava. Masoomiyat bhara dil lekar, Kuch yuh khilkhilate hai, Bachpan ka woh pyaar,
Aao phir dil mein jagate hai.
Chalo ek baar phir se
Bachpan ka ishq nibhate hai.

।।तेरे लिए।।