Love is joy only if both feels right and same for each other.

Durriyon ke intezaar ke baad, Khamoshiyon aur Chuppiyon ke baad, Shikwe aur Shikayton ke baad; Baari thi, pyaar ke tyohar ki, Ishq ke iqraar ki, ek kahani ke saar ki.

The next day when Naina wakes up in the morning, she is able to feel Sameer, probably because of his jacket.

Naina(to herself)- Yeh Jacket..matlab Sameer bina iske hi chala gaya, kulfi ban gayi hogi uski toh..Par kal raat kitna khush tha Honeymoon ko lekar, par  shayad maine zyada hi tang kar diya tha use.

She wrapped her arms around that jacket, just as she hides herself into his embrace.
She gets up from there and opens her Diary to penned down something in it.

Log mere khush rehne ki wajah,
Sochne lage hai,
Yeh chehra itna khila kyu hai,
Puchne lage hai,
Toh..sabko bata du kya?

Kaise zindagi ko ab gale lagati hoon,
Kaise har waqt main dil se muskurati hoon,
Na chahat koi, Na darr koi,
Main har khushi,
Main har sukoon,
Ab tujh mein hi paati hoon,
Toh..sabko bata du kya?

Ab tujh mein main dikhu,
Mujh mein tu dikhe,
Mohabbat kar li hai maine tujhse rajj rajj ke,
Toh..sabko bata du kya?

Itni khushi pehle kabhi mehsoos hi nhi hui thi, jitni aaj ho rhi hai. Saalon ka dard, woh judaai ke pal, woh saare aansoo meri aaj is hassi ke saamne chote lag rhe hai.
Ab toh tumhari yaad bhi nhi aati mujhe Diary, tumhara Competitor jo aa gaya hai, mere jeevan ka saathi, mera humsafar jisne zindagi ka safar mujhe jeena seekha diya hai. Meri adhuri si zindagi ka ek poora khwaab nazar aata hai, Sameer se hi shuru, aur Sameer par hi khatam,  bas yehi samajh aata hai.

Preeti- Naina..aaj ke din kya tu padhne likhne baith gayi hai. Yaad hai na aaj Sangeet hai tera. Aur yeh Jacket..

Naina- Haan woh Sameer ki hai, yahin reh gayi thi, ek kaam karti hoon Suitcase mein hi daal deti hoon.

Preeti- Acha teri Packing ho gayi na. Sab samaan rakh liya.

Naina- Haan baba, almost sab ho gaya hai.

Preeti- Aur Honeymoon ki packing ho gayi hai.

Naina- Tu bhi shuru ho gayi.

Preeti- Bhi matlab, aur kon shuru hua. Ohh acha Sameer.
Acha bta na tune sab rakh liya hai na Honeymoon ke liye. Aur woh toh rakhi hai na.

Naina- Woh kya?

Preeti- Arey wohhhh..

Naina- Preeti..Wohhhh..matlab kya?

Preeti- Nighty..aur kya.

Naina- Chee..main yeh sab nhi paati.

Preeti- Par behan Honeymoon par toh payegi na. Main toh kehti hoon aaj hi jakar le aa. Aur thodi sexy si liyo.
Sameer toh khush hi ho jayega tujhe us mein dekhkar.

Naina- Sameer mujhe in kapdo mein bhi dekhkar khush hi hota hai. Main nhi lene wali yeh sab.

Preeti- Naina baith idhar, aur meri baat dhyaan se sun is mamle mein mere pass tujhse zyada anubhav hai. Toh meri baat maan aur wohhhh jakar kharid aa.

Naina- Par Preeti main kaise..

Preeti- Sameer ke liye itna toh tu kar hi sakti hai, woh tujhe khush rakhne ki kitni koshish karta hai.
Toh jayegi na.

Naina- Par mujhe leni nhi aati, matlab maine aaj tak li nhi kabhi.

Preeti- Aise toh Shaadi bhi tune pehle kabhi nhi ki hai, par kar rhi hai na.
Toh kharidegi na.

She nods her head quietly.

Otherside
Munna- Bhai Switzerland se seedha Ooty, kya tarakki ki hai tune.

Pandit- Haan, aur jab itne ke liye taiyaar ho hi gaya tha toh Family Honeymoon ke liye bhi maan jata. Isi bahane hum bhi ghum aate tere aur Bhabhi ke saath.

Sameer- Bas karo ab tum dono, aur sirf Destination badli hai, baki Honeymoon toh waisa hi rahega. Samjhe, ab jao jakar booking ka dekh lo.

Pandit- Woh toh hum dekh hi lege bhai, par tu apne Honeymoon par woh lejana mat bhuliyo.

Sameer- Woh..

Pandit showed some photographs of Nighties on his phone.

Sameer- Ohh..

Pandit- Samjha.

Munna- Shi keh rha hai Ponga, ladkiyon ke bharose rahega toh tera Honeymoon toh samjho gaya.

Sameer- Tujhe bada pata hai ladkiyon ke baare mein.

Pandit- Par mujhe toh pata hai na, mana mere pass tere jaisi Hero jaisi shakal nhi hai. Par mere pass ek chiz hai, jo tere pass nhi hai.

Sameer- Kya?

Pandit- Anubhav..aur usi anubhav se keh rha hoon ja jakar woh Bhabhi ke liye kharid aa.

Sameer- Kitna ajeeb lagega Pandit agar main lene jayug toh, ek kaam karta hoon Online mangwa leta hoon.

Munna- Haan aur pata lage teri us Online Delivery se pehle tera baccha deliver ho gaya.

Sameer- Kya bol rha hai Munna.

Pandit- Shi toh keh rha hai Chenu, tere Honeymoon se pehle chahiye woh, Honeymoon ke baad nhi.

Sameer- Matlab tum log chahte ho ki main khud jayu woh lene.

Munna- Ji.

Sameer- Aur Naina ko kahu woh Honeymoon par paane ke liye.

Pandit- Ji.

Sameer- Kaccha kha jayegi Naina mujhe.

Munna- Bhai..idhar baith aur ek kaam kar zara sa aage ki soch.
Shaadi ke baad tera Honeymoon.

Pandit- Ooty ki haseen vaadiyan..

Munna- Wahan ka five star hotel.

Pandit- Aur Hotel mein special suite.

Munna- Aur usme tu aur Bhabhi.

Pandit- Woh bhi sirf tum dono, sabse durr..

Munna- Aur..

Pandit- Aur..aur toh apna bhai samajh hi gaya hoga.

Sameer- Main jata hoon lene.

At Garments Shop
Saleswoman- How can I help you Mam?

Naina- Umm..Nightwears honge aapke pass.

Saleswoman- Yes Mam.
Nightsuits mein bahut variety hai.

Naina- Nightsuit nhi, woh mujhe kuch aur..matlab mujhe..Nighty hai aapke yahan.

Sameer also comes in another side of the same section of the same shop.

Sameer- Nighties hai aapke pass.

Salesman- Aapko chahiye.

Sameer- Haan..nhi matlab mujhe meri Wife ke liye chahiye.

Salesman- Sir Length? Short ya Long.

Sameer- Short.

Otherside
Saleswoman- Mam Length kaisi chalegi.

Naina- Length?

Saleswoman- Short ya long.

Naina- Long hi dikha dijiye.

Saleswoman- Aur kaise design mein dikhayu.

Naina- Acha sa dikha dijiye kuch bhi.

The saleswoman looks at the mehandi of Naina's hands.

Saleswoman- Mam Newlywedded ke liye dikha deti hoon.

Naina- Ji.

Then after a little hesitation Naina shortlist some pieces.

Saleswoman- Mam udhar dusri taraf aur bhi variety hai humare pass, main aapko woh bhi dikha deti hoon.

Naina(To herself)- Kahan phas gayi main, Bhagwan ji ab aap hi meri koi help karo. Par aap bhi is matter mein kya kar sakte ho.

Naina goes to the shop's otherside without paying much attention and that's when collides with someone.

Naina- Sorry..tum..
Tum yahan kya kar rhe ho Sameer.

He gulped on seeing Naina in front of him while her gaze falls onto the Nighties placed before him.

Sameer- Naina..woh..yeh sab mera nhi hai. Yeh toh mujhse pehle koi dekh rha hoga shayad.

Salesman- Sir yeh aapki Wife ke liye Nighties, bilkul waisi jaisi aapne maangi thi. Short Length, Tight fitting aur Satin ki lace wali.

Sameer- Maine maangi, nhi Bhaisahab maine kab maangi aapse.

Salesman- Abhi aapne hi toh mangwayi thi. Yeh saare pieces toh aapko pasand nhi aaye the.
Yeh dekhiye main saare colours le aaya hoon, yeh Black, Red, Blue aur yeh Pink.
Konsi pack karu.

Sameer(to Naina)- Naina, dekho gussa mat hona. Woh toh bas Honeymoon ke liye..aur kuch nhi.
Naina..tum..

Naina(to Salesman)- Bhaiya, yeh Pink colour mein Satin ki lace wali pack kar dijiye inke liye.

She leaves from there staring him.

Sameer- Naina..suno toh..

Saleswoman- Mam, yeh Newly weds ke liye special pieces aaye hai Nighties mein. Aap dekh lijiye.

Naina looks at Sameer with blushed face.

Sameer- Toh tum bhi yahan..

Naina- Woh main..main na..Sameer jaisa tum soch rhe ho waisa kuch nhi hai.

Saleswoman- Mam, agar yeh nhi pasand aayi toh jo aapne shortlist ki thi un mein se dekh dijiye..

Naina- Nhi chahiye ab, ho gaya hai.

Sameer(to Saleswoman)- Excuse me, aap yeh saare pieces mere Bill mein add kara dijiye.

Saleswoman- Ok Sir.

Naina- Sameer..tum..

Sameer- Future use. Ab Honeymoon ke baad bhi toh jarurat pad sakti hai.

Naina- Main ja rhi hoon..

Sameer- Naina..

Naina- Ab kya hai.

Sameer- Lift..

Naina- Maang rhe ho ya Offer kar rhe ho.

Sameer- Jaisa tum chaho..

Naina- Chalo.

Sameer- Waise ek baat aur kehni thi.

Naina- Kya?

Sameer- Tumhara chehra toh abhi se bikul Nighty ke shade se match kar rha hai.
Honeymoon par kya hoga tumhara.

Naina- Mujhe nhi chahiye tumhari Lift.

Sameer- Acha aaj aur nhi cheduga, baki Honeymoon ke liye chod deta hoon.

With a lot of teasings and blushings, both reaches to their house.

Sameer's VO
Us din ek shabd ka matlab mujhe aur Naina ko bahut ache se samajh aaya tha, woh tha Anubhav..jo hum dono ke pass hi nhi tha. Haan..par humare doston ke pass bhar bhar ke tha. Tabhi toh bin maange hume muft mein baant rhe the. Aur usi Anubhav ne Mujhe aur Naina ko Nighty kharidna sikha diya tha. Lekin sirf kharidna sikhaya tha, na use pehanna sikha paye aur na mujhe use pehnwana sikha paye.
Ab kuch baatein khud ke anubhav se hi aati hai.

In evening, Naina and her family reaches to sangeet function organized by Sameer's side, where they warmly welcomes everyone.

Anand- Sameer, inse milo, yeh Naina ke Tauji aur Taiji hai.

Sameer- Namaste Tauji, Taiji.
Aaiye aap log, waise Taiji aap toh mere saath chaliye pehle.

Beena- O Bai! Kyu bhala.

Sameer- Woh Naina bta rhi thi ki aapko Golgappe bahut pasand hai. Toh khaas aapke liye rakhwaye hai. Toh khane toh bante hai na.

Beena- Golgappe.

Sameer- Pasand hai na aapko.

Beena- Bikul nhi, maine khane chod diye.

Sameer- Kab se.

Beena- Kal se.

Naina couldn't stop her laugh seeing the banters between the two.

Beena- Ek kaam kariye Damaad ji aap Naina ko khila dijiye. Main zara sabse mil leti hoon.

Sameer(to Naina)- Toh aaj konse Golgappe khana pasand karegi Mrs. Maheshwari.

Naina- Bhaang wale chodkar, koi bhi chalege Mr. Maheshwari.

Sameer- Abhi aata hoon.

Having found Naina alone, Mamiji comes to her.
Naina greets and touches her feet.

Prabha- Haan haan, khush raho.
Waise aaj toh theek thak kapde paye hai tune. Sameer ne dilwaye honge jarur.

Naina- Mere Papa ne dilwaye hai.

Prabha- Toh matlab beti ko chaar jodi kapde mein hi vidaa toh nhi karege. Kuch toh dege saath mein.

Naina- Mamiji, mere Mummy Papa apni beti de rhe hai, isse badi daulat unke liye koi nhi hai. Par phir bhi jitna de sakte hai, usse zyada hi apni beti ko dene ki koshish karege.

Sameer- Kya dene ki baat ho rhi hai.

Naina- Woh..kuch nhi Sameer.

Prabha- Haan..main toh bas Naina Bahu ke kapdo ki tareef kar rhi thi.

She lefts leaving Sameer and Naina alone.

Sameer- Puchuga toh bhi tum mujhse chupane ki koshish karogi, isiliye is baar puchuga nhi ki unhone kya kaha hai par itna jarur kahuga ki Taiji ho ya Mamiji, Rishtedaari mein thodi Teachergiri tumhe kabhi kabhi dikhani chahiye.

Naina- Toh dikha du..

Sameer- Go ahead and All the best.

Naina- Mamiji.

Prabha- Kya hai.

Naina- Mamiji woh ek baat toh main kehna bhul hi gayi.
Woh aapko saree bahut achi hai.

Prabha- By God achi toh honi hi thi, Bombay se li hai woh bhi poore 25 hazaar ki.

Naina- 25 hazaar, aap toh mazaak bhi bahut acha karti hai Mamiji.

Prabha- Kehna kya chahti hai tu.

Naina- Arey same to same saree maine yahan Rishikesh ki ek dukaan mein dekhi thi woh bhi 2,500 ki.

Prabha- 2,500..tujhe yeh saree 2,500 ki dikhti hai.

Naina- Sach mein, Mamiji ab bhala main aapko jhooth kyu bolugi. Maine toh aapko isiliye bta diya ki kahin aapka saalon ka banaya hua Standard ek hi din mein..aap samajh rhi hai na.
Aur phir log kya kahege ki Ladke ki eklauti Mami aur 2,500 ki saree.

Prabha- Tu shi keh rhi hai, main badal kar aati hoon ise.

Naina- Ji, lekin phir aapka yeh Makeup aur Hairstyle, woh bhi toh badalna padega. Ab Matching hona chahiye na sab.

Prabha- Main jati hoon, sab badal kar aati hoon.

Naina- Aaram se aaiyega.

After she left, Sameer came.

Sameer- Not Bad Mrs. Maheshwari, First Attempt ke hisab se acha tha.

Naina- Zyada ho gaya na, ab Mamiji ko phir se taiyar hona padega. Sangeet function bhi miss ho jayega unka.

Sameer- Toh yehi toh chahiye tha. Aur kuch zyada nhi hua hai. Abhi toh ek aur Action Replay banta hai. Aur is baar main bhi tumhare saath unke thode maze le lunga.

Naina- Toh is baar Saree ka Rate 1500 theek hai.

Sameer- Umm..1200 kaisa rahega.

Naina- Chalo ab nhi toh humara Sangeet function bhi miss ho jayega.

They both sit together, and on the other side, Preeti and Pandit goes on stage for anchoring.

Pandit- Good Evening Beautiful Ladies..

Preeti- And Gentlemen..

Pandit- Haan haan unhe bhi. Toh aaj ki shaam ki shuruat karte hai unhi se jinka yeh Sangeet hai. Yani ki mera Bhai Sameer aur humari Pyaari Bhabhi Naina.

Preeti- Haan par tum dono vhi apni jagah par baithe raho. Kyuki aaj ki shaam hai sirf tum dono ke naam.
Toh dil thaam ke baithyega kyuki aaj hum aapko Un Dino mein lekar jaane wale hai.

Pandit- Toh..Yeh Un Dino Ki Baat Hai..

Preeti- Na..Na..Na.. Inki kahani hum sirf btayege nhi balki dikhayege bhi.

Pandit- Aur sunayege bhi, aur thoda sa nachayege bhi.

Preeti- Aaiye sunate hai aapko ek anokhi Prem Kahani, sirf aur sirf humari zubani.

Pandit- Ek tha Sameer aur Ek thi Naina, aane hi wali thi inke milan ki raina.

Meanwhile, Swati and Munna reaches to Stage dreesed up in a School Uniform.

Sameer- Yeh Toh Munna Swati hai.

Naina- Mujhe toh School wale Sameer Naina dikhayi de rhe hai.

Suno sunaaoon ek kahani,
Jab aati hai rut pe jawani.
Tab banti hai prem kahani,
Prem kahani mein,
Ek ladka hota hai,
Ek ladki hoti hai.
Kabhi dono haste hain,
Kabhi dono rote hain.

Preeti- Pehli baar kuch yuh takraye ek dusre se, phir kabhi reh na paye bin ek duje ke.

Munna and Swati collides with each other in the same way as years ago Sameer and Naina met for the first time.

Tumse milke,
Aisa laga tumse milke,
Armaan hue poore dil ke.
Aye meri jaan e wafa,
Teri meri meri teri ik jaan hai.
Saath tere rahenge sada,
Tumse na honge juda.

Naina- Kuch yaad aaya.

Sameer- Humari woh pehli mulaqaat kaise bhul sakta hoon.

Pandit- Pehli pehli si mulaqaat thi, pehli pehli si baat thi, baat kya karte kuch khabar hi nhi thi, shayad yeh pehle pyaar ki pehli shuruat thi.

Preeti- Par jante hai inki is pehli mulaqaat mein Sameer ke mann me konsa gaana baj rha tha.

Pandit- Konsa?

Ek ladki ko dekha to aisa laga,
Ek ladki ko dekha to aisa laga,
Jaise khilta gulaab,
Jaise shaayar ka khwaab,
Jaise ujali kiran,
Jaise van mein hiran,
Jaise chaandni raat,
Jaise nagme ki baat,
Jaise mandir mein ho
ek jalta diya,
Ek ladki ko dekha to aisa laga.

Naina- Tumne kabhi btaya nhi.

Sameer- Toh..Ab bta du..

Naina- Performance dekho chupchap.

Preeti- Aur jante hai humari Naina ke mann mein konsa gaana baj rha tha Sameer ko dekhke.

Pandit- Konsa?

Ude jab jab zulfe teri,
Ho ude jab jab zulfe teri,
Kavaariyo kaa dil machle,
Kavaariyo kaa dil machle,
Jind meriye..
Oh jab aise chikane chehare,
Oh jab aise chikane chehare,
Toh kaise naa najar phisle,
Toh kaise naa najar phisle,
Jind meriye..

Naina- Aisa kuch nhi tha.

Sameer- Matlab mere baal tumhe pasand nhi hai.

Naina- Mujhe haath tak toh lagane nhi dete.

Preeti- Pehle pyaar ka pehla ehsaas, Dil ke pass aur behad khaas. Badhti dhadkane, Rukti saans, Aane wale the yeh dono ek dusre ke thode pass.

Pehli pehli baar
mohabbat ki hai,
Kuch na samajh mein,
Aaye main kya karoon.
Ishq ne meri aisi haalat ki hai,
Kuch na samajh mein,
Aaye main kya karoon.

Swati(as Naina)- Yeh Notes..Tumhe Test ke liye chahiye the.

Munna(as Sameer)- Thank You.. woh main tumhari yeh Notebooks rakhwane mein Help kar du.

Sameer- Ek dusre se baat karne ke bas bhane dhundte rehte the.

Naina- Main ya tum.

Sameer- Koi toh thi jo poora period bas mujhe dekha karti thi, mere liye Notes bnaya karti thi aur Exam mein mujhe jo Cheating bhi karaya karti thi. Woh shayad tum hi thi.

Naina- Aur koi tha jo mujhe kabhi Sunaina toh kabhi Kartik se bachaya karta tha. Mujhe rota dekh kabhi mujhe chedta toh kabhi mujhe hasaya karta tha. Woh shayad tum hi the.

Pandit- Do anjaan dheere dheere badhe ek dusre ki ore, na jane kab bandh gayi inke prem ki yeh dor.

Chhoti chhoti raatein,
Lambi ho jaati hain.
Baithe bithaaye yunhi,
Neende kho jaati hain.
Dil mein bechaini,
Aankhon Mein
intezaar hota hai,
Jab kisi ko kisi se
pyaar hota hai.

Preeti- Kacha par saccha rishta bana jaise Ganga ka Pani, Naina hi toh thi Sameer ke sapno ki Rani.

Sapne mein milti hai,
O kudi meri sapne mein
milti hai.
Sara din ghunghate mein
bandh gudiya si,
Akhiyon mein ghulati hai.

Sapne mein milta hai,
O munda mera sapne mein milta hai,
Sara din sadkon pe
khaali rikshe sa,
Peechhe peechhe chalta hai.

Sameer- Roz mere sapne mein aaya karti thi tum.

Naina- Aur aaj haqeeqat ban tumhare saath hoon.

Pandit- Bachpan dooba pyaar mein, phir aayi jawaani,
Chutta saath, Toote sapne, bas baat hai yehi batani.

Preeti- Intezaar tha bada lamba ek duje ke bin, guzari raatein aur udaasi bhare din.

Ajeeb daastaan hai yeh,
Kahan shuru kahan khatam?
Yeh manzilein hain kaun si?
Na woh samajh sake na hum.

Sameer holds Naina's hands and blinks his eyes in assurance.

Naina- Woh 8 saal ki duriyaan hume aaj itna nazdeek le aayi hai Sameer.

Sameer- Kyuki woh duriyaan kabhi dilon mein thi hi nhi.

Preeti- Phir aayi ek raat toofaani, Waqt ne li ek karwat aur pahunchi Mumbai ki aur kahani,
Khoya pyaar phir se mila, phir se juda, bas yehi hai inki kahani.

Dheere Dheere Se
Meri Zindagi Mein Aana,
Dheere Dheere Se
Dil Ko Churaana,
Tum Se Pyaar Hume Hai
Kitna Jaane Jaana,
Tumse Milkar
Tumko Hai Bataana.

Naina- Kisne socha tha 8 saal baad tumse milugi toh seedha gale hi laga lungi.

Sameer- Waise maine socha tha.

Naina- Jante ho main asal mein Mumbai kyu aayi thi.

Sameer- Seminar ke liye.

Naina- Jee nhi, tumhe vapis Rishikesh lane ke liye.

Sameer- Acchaaa, aisa vapis layi ho tum ki ab chahkar bhi tumse durr nhi ja sakta.

Pandit- Thodi haa, thodi naa ke baad juda ek rishta roomani,
Sang the Dost, Parivaar aur..

Preeti- Aur Pyaari Nani.

Pyaar hua iqaraar hua hai,
Pyaar se phir kyu darta hai dil.
Kehata hai dil rasta mushkil,
Maalum nahi hai kaha manzil.

Sameer- Kitna tadpaya tha tumne mujhe, ek I Love You kehne ke kiye.
Rishikesh to Mount Abu.

Naina- Ab Pyaar ka asli mazaa bhi toh tadap ke baad hi aata hai.

Pandit- Lekin, kintu, parantu the inke saath, Chootne lage in dono ke jab haath.
Mohabbat mein judaa Maut ke darr ka jazbaat, Par inke Pyaar ne di us Maut ko bhi maat.

Naina- Sameer..

Sameer- I Love You Too..

Preeti- Kuch mulaqaat, aur bahut saari baat, Aur ban gaya umar bhar ka saath.

Pandit & Preeti(Together)- Bas yehi thi Sameer Naina ke ajab prem ki gazab kahani, Jinke ishq ki daastan humnne hai maani.

Sameer- Lagta hai kisi ne Diary likhte likhte apne Sangeet ki Script bhi likh daali.

Naina- Tumhe pata chal gaya yeh bhi.
Par sirf shabd mere the, Idea in sab ka hi tha.

Sameer- Maan lete hai, Lekhika Ji.

Naina- Aaj ke din bhi naam rakhoge mere.

Sameer- Pehle din se rakh rha hoon, aur zindagi bhar rakhta rahuga.

On stage, both Munna and Swati ends their performance.

Chal Pyaar Karegi,
Haan Ji Haan Ji.
Mere Saath Chalegi,
Naa Ji Naa Ji.

And then Pandit and Preeti drags both Sameer and Naina to the stage.

Oh Chal Pyaar Karegi,
Haan Ji Haan Ji.
Oh Mere Saath Chalegi,
Naa Ji Naa Ji.

Naina pulls her hand from Sameer's grip and shakes her head.

Naina- Sameer..sab log hai yahan par.

Sameer- Toh..

Meanwhile, he lifts her up in his arms.

Are Tu Haan Kar Ya Naa Kar,
Teri Marzi Soniye.
Hum Tujhko Utha Kar
Le Jayenge,
Doli Mein Bitha Kar
Le Jayenge.

Preeti- Yeh mat sochiyega ki shaam khatam ho gayi hai.

Pandit- Kyuki Sangeet ki yeh shaam toh abhi shuru hui hai.
Ab bulate hai apne bade bujurgo ko.

Vivek- Bujurg kise bola.

Anand- Abhi toh hum jawaan hai.

Bela- Aur nhi toh kya.

Vishakha- Toh dikhate hai inhe ab hum apna kamaal.

Both of their parents come on stage for their show.

Kyon aage peechhe dolte ho Bhanwron ki tarah,
Kyon dekhte ho mujhko yun Besabron ki tarah.
Kya mere deewane ho
nahi nahi,
Kya koi parwaane ho
nahi nahi,
Kya mere deewane ho,
Kya koi parwaane ho,
Kaam kya hai mujhse
Itna keh do ji zara.
Bol de pyar hai,
khaamosh kyon hai khada,
Hum agar hote
toh bol diya hota.

Everyone is getting off stage after dancing, but Anand and Bela stop there to say something.

Anand- Samajh nhi aa rha kaise kahu, kyuki dil mein bahut kuch hai kehne ke liye, lekin is samay dil bhara hua hai.

Bela- Humari beti, humari Naina kab itni badi ho gayi hume pata hi nhi chala. Shayad betiyaan zyada hi jaldi badi ho jati hai.

Anand- Betiyaan..chidiyon ke jhund si chehchati hai

Bela-  Betiyaan..pangdandiyon par neele peele aanchal udd aati hai.

Anand- Betiyaan..hassi thitholi kar sabka mann behlati hai.

Bela- Betiyaan..aangaan ki tulsi bankar ghar ko mehkati hai.

Anand- Betiyaan..paani si dhara ki tarah behti chalti hai.

Bela- Betiyaan..kisi bhi makaan ko ghar bnati hai.

Anand- Meri beti..aage nhi keh payuga.

The two come down and hugs Naina, whose tears did not stop at all.

Naina- Papa..

Bela- Bhagwan jhooth na bulaye ji, aaj ke din koi nhi royega.

Anand- Pehle tum toh apne aansoo poncho Bela.

After the two sat down, Sameer gives his handkerchief to Naina.

Sameer- Ponch lo, achi nhi lagti aise tum.

Naina- Ab bhi mujhe rota hue nhi dekh sakte na.
Toh kyu likhi thi aisi kavita jisse main ro du Kavi Mahashay.

Sameer- Tumhe bhi pata chal gaya.
Par sirf shabd mere the, idea Mummy Papa ka hi tha.

Naina- Acchaaa.

Naina's VO
Woh Sangeet ki shaam mein khushi ke pal bhi the aur gham ke lamhe bhi. Chehre par ek badi muskuruhat bhi thi aur aankhon mein paani bhi. Naina Sameer ke saath saath ek Lekhika aur ek Kavi, in dono ka sangeet bhi toh tha us shaam.
Ehsaas hi nhi hua tha ki kab sabse chupte chupate Diary likhne wali Naina ne khud ke Sangeet ke liye apne kahani ke bol likh diye the. Aur Sameer jo apni pyaar wali shayriyaan mujhe akele mein sunaya karta tha, kab ek Maa Baap aur Beti ke rishtey ke jazbaaton ko kavita bnakar sabke saamne jaahir karne laga tha.

Pandit- Ab shaam ko anjaam dene ka waqt aa gaya hai. Aur uske liye humare Original Sameer Naina ko stage par aana hoga.

Preeti- Ab toh bta do konse gaane par Perform karne wale ho tum dono.

Naina- Thoda suspense hume bhi bnane do. Subah se tum sab ne bnaya hua tha.

Naina(to Sameer)- Toh chale Mr. Kavi.

Sameer(to Naina)- Chaliye Mrs. Lekhika.

He held her hand and moved to stage. And Music begins for their Performance.

Yeh Un Dino Ki Baat Hai,
Jab Ishq Sachcha
Hua Karta Tha.
Yeh Un Dino Ki Baat Hai,
Jab Ishq Mein Padna
Acha Hua Karta Tha.
Rahi Man Rahi Man
Yeh Preet Re,
Jaane Naa Maane
Ye Reet Re.

Kyu Chupke Se Tujhe,
Mudkar Aksar Dekh Lu.
Kyu Tere Kareeb Mein Hi,
Ab To Main Rahoon.
Tujh Se Milke Bichad Jaanaa
Buraa Lagta Hai,
Kyu Khush Ho Jati Hoon
Jab Kabhi Tu Hasta Hai.
Rahi Man Rahi Man
Yeh Preet Re,
Jaane Naa Maane
Ye Reet Re.

Yeh Un Dino Ki Baat Hai,
Yeh Un Dino Ki Baat Hai.

After their dance, everyone claps and hoots for them. They are about to come down from the stage.
But suddenly, a voice echoed there.

Someone- Ruko..

Sameer- Sweetheart..

Naina- Nani..kya hua.

Nani- Main toh abhi tak nachi hi nhi apne bacchon ke sangeet par.
Oh Dhol wale, baja kuch jor shor se.

The beats of Dhol starts ringing. Every member present there joins them.

While dancing Sameer realises that Naina is not present there with them.
He goes off the stage to find her and sees that she is drinking water sitting in a lonely place.

Sameer- Naina..

As she turns, he founds that she is heaving breathing deeply.

Sameer- Kya hua hai tumhe, aur yeh aise.. Tum baitho aaram se.

Naina- Sameer..main theek hoon bilkul. Woh toh Dance karte karte thak gayi thi bas aur kuch nhi.

Sameer- Tum chalo Doctor ke pass abhi.

Naina- Kya..abhi. Sameer kuch nhi hua hai mujhe.

Sameer- Mujhe kuch nhi sunna, tum bas chalo.

Naina- Sameer sab pareshan ho jayege.

Sameer- Par mujhe tasaali ho jayegi. Aur kisi ko kuch pata nhi chalega, Munna Pandit sambhal lege. Tum bas chalo.

Naina- Sameer..main theek..

Sameer- Maine kaha hai na chalo.

He is driving with a blankless face, while she is just looking at him.

Naina- Sameer..

Sameer- Kuch chahiye..theek ho na tum.

Naina- Haan. Aur tum?

Sameer- Kya?

Naina- Kuch nhi.

She holds his hand that is on steering.

Naina(to herself)- Tumhara yeh darr, yeh ghabrahat mujhe dara rha hai Sameer. Phir se vhi Sameer dikh rha hai mujhe jo mere saath Hospital mein hota tha. Pata nhi kyu ab tak tum un sab se bahar nhi aa paye ho.

After meeting the doctor and satisfying themselves, both of them sat in the car to return.

Naina- Dekh liya, main keh rhi thi na ki main bikul theek hoon.
Ab toh manoge, Doctor ke kehne ke baad.

Sameer- Doctor ne tumhe zyada thakne ke liye mana kiya hai, woh nhi suna tumne.

Naina- Tum shayad bhool rhe ho kal meri shaadi hai, isliye tum mujhe nachane gaane se rok nhi sakte.

Sameer- Tum bhi shayad bhool rhi ho ki ek mahina nhi hua hai tumhari Surgery hue.
Aur Naina main tumhe kisi cheez ke liye rok nhi rha, bas apna khyaal rakhne ko keh rha hoon.

Naina- Gaadi roko.

Sameer- Naina.

Naina- Sameer..gaadi roko aur utro neeche.

Sameer- Ab kya hua.

Naina- Tumhe kya hua hai. Idhar dekho meri taraf.
Main theek hoon Sameer, bikul theek..ab mujhe kuch nhi..

He takes her in his embrace without letting her speak further.

Sameer- Main nhi kho sakta Naina tumhe phir se. Woh saare lamhe meri aankhon ke saamne aa jaate hai, jab tum saalon pehle School chodkar, mujhe chodkar gayi thi, jab tum kuch mahino pehle mera pyaar chodkar gayi thi, jab tum kuch din pehle apni zindagi chodkar ja rhi thi.
Is baar main tumhe kahin nhi jane de sakta, kuch nhi hone de sakta, tumhe khud se durr nhi hone de sakta.

Seeing his pain and fear of losing her, she rubs his back to calm his worries.

Naina- Main kahan ja rhi hoon ab tumhe chodkar Sameer, tumhare bina reh payugi kya.

Sameer- Main sab kuch bardasht kar sakta hoon, par tumhe khona nhi..

Naina- Kahin nhi jayugi, kabhi nhi jayugi tumhe chodkar. Sach mein.

He moves away from her and turns his face as he didn't want to show her his tears anymore.

Sameer- Naina, I want Nothing, but you. Kuch nhi chahiye mujhe tumhare alawa.

Naina- And, I want everything with you. Mujhe sab kuch tumhare saath chahiye.
Janti hoon tum kya mehsoos kar rhe ho, samajhti hoon mujh par baar baar bharosa karke thak gaye ho. Par aaj mujh par nhi bas mere pyaar par bharosa kar lo.

Kal shaadi ke 7 vachan toh hum ek dusre ko dege hi, par usse pehle aaj shaadi se pehle tumse main kuch vaade karna chahti hoon, woh vaade jo sirf Pyaar ko nibhane ke liye hai, kisi rishtey ke liye nahi.

Sameer- Naina, tum par aur tumhare pyaar par bharosa hai. Inki koi jarurat nhi hai.

Naina- Par mujhe hai. Isiliye aaj yeh vaade kar lene do mujhe tumse. Aur in vaadon ke saath saath jo yeh kuch kadmo ki durri bhi bachi hai na humare beech, unhe mitane do.
Sameer Main vaada karti hoon tumse ki main tumhara saath kabhi nhi chodugi, kisi halaat mein tumse pyaar karna nhi chodugi.

She takes her first step forward towards him.

Naina- Mera dusra vaada ki agar humare beech kabhi yeh pyaar kho bhi gaya, toh use vapis lane ki har koshish karugi, par pyaar ka saath kabhi nhi chodugi.

Again she takes a step towards him.

Naina- Mera teesra vaada Sameer ki main sirf tumse nhi balki poori zindagi tumhare is dil se pyaar karugi.

She walks her third step.

Naina- Mera chautha vaada kal ko agar tum kisi galat raaste par chale bhi jaate ho toh vahan se tumhe main vapis layugi, par tumhe chod kar kabhi nhi jayugi.

She takes a fourth step towards him.

Naina- Mera paanchva vaada ki tumhare shi mein tumhara saath dungi, aur tumhara galat tumhe btayugi humesha.

With this, she takes her fifth step.

Naina- Mera chhatha vaada in vaado ke baad bhi agar koi durri humare beech kabhi aa gayi toh uska fark humare pyaar par kabhi nhi padega. Jitna pyaar tumse aaj karti hoon usse zyada aane wale waqt mein karugi.

She takes her sixth step.

Naina- Sameer..Mera saatva aur aakhri vaada ki tumhare liye, humare pyaar ke liye mujhe kuch bhi karna hoga toh main karugi, kabhi peeche nhi hatugi.

With this last word of promise , she takes that last step and ends the distance between the two.

Naina- Because I Love You, I Love You Sameer.

He pulled her and wrapped her into his arms. She was the whole blissful world for him that he could conatain within his arms.
To the world, both were small, but for each other, they were the big world they could run into everytime and at anytime.

Sameer- Jab tum apni in pyaari pyaari aankhon mein dher saara pyaar bharkar, mera haath pakad kar, aankhon mein aankhein daal kar kehti ho ki tumhe mujhse pyaar hai aur tum sirf meri ho aur main sirf tumhara hoon, us manzar par meri sau zindagiyaan kurbaan hai Naina. Uske baad kuch aur kehne ki jarurat hi nhi bachti. Tumhare yeh teen shabd kehna hi mere liye kaafi hota hai, mera darr mitane ke liye kaafi hota hai. Aur tumhare yeh 7 vaadon ke baad tumne mera sirf darr hi nhi kum kiya, balki mera pyaar ko bhi saat guna badha diya hai.

Naina- Toh tum bhi kaho.

Sameer- Kya, yeh 7 vaade.

Naina- Nhi buddhu, woh 3 shabd.

Sameer- I Love You Moti!

Naina smacks his chest playfully.

Sameer- Ahh..lagta hai Naina.
Ek kaam karo ek vaada aur karo ki apne pati ko kabhi maarogi nhi. Tumhara mazaak wala thappad bhi bahut zor ke lagta hai

Both parted unwillingly from each other and sat in car to drive back.
Naina played the Radio button and both smiled on hearing the lyrics of the song.

Sameer- Bas isi ki kumi reh gayi thi.

Sathiya tune kya kiya,
Beliya ye tune kya kiya,
Maine kiya tera intezar,
Itna karo naa muje pyar,
Itna karo naa muje pyar

Sathiya tune kya kaha,
Beliya ye tune kya kaha,
Yu na kabhi karna intezar,
Maine kiya hain tumase pyar,
Maine kiya hain tumase pyar.

Sameer- Maine kiya hai tumse pyaar.

Naina- Itna karo na mujhe pyaar.

Naina's VO
Shaadi ke 7 vachan toh har rishtey mein maujud hote hai par humare rishtey mein Pyaar ke 7 vaade bhi the. In vaadon se Sameer ka mujhe kho dena ka darr khatam toh nhi hua tha, par kum jarur ho gaya tha. Kyuki yeh darr toh uske saath saalon tak tha. Lekin in vaadon ki wajah se hi main uske darr se lad paati thi aur apne pyaar ko shiddat se nibha bhi paati thi.

After a while, they returned back to the venue and then from there to their houses.

At Naina's House
B

ela- Naina beta kapde badal kar jaldi soja, phir kal Shaadi ki bhaag daud mein bikul samay nhi milega.
Waise bhi aaj is ghar mein aakhri raat hai na teri, toh ache se aaram kar.
Theek hai, main jaati hoon.

As the door of her room shuts, Naina tries to ponder over the meaning of the words.

Naina- Aakhri raat..is ghar mein, sabke beech mein.

Contemplating more on this, a tear rolled down her cheek.
That's when she saw a little girl, a shadow of her own childhood, who is calling her. Naina holds the hand of that little one, who takes her to show the years she spent there.

Naina(to herself)- Yeh kamra, yeh bed, yeh almirah, yeh dressing, yeh Study Table, meri yeh books. Sab chhut jayega kya.
Inke saath hi toh badi hui hoon main, lekin aaj is kamre mein meri yeh aakhri raat hai, is samaan ke saath aakhri raat hai.

After a while the little girl drags Naina with her to show every corner of the house.
Seeing that, Naina reminsced those moments, that she spent in her own house where she will not be there tomorrow.

Naina(to herself)- Yeh ghar, isse judi yaadein kaise chod kar jayu. Itne saalon ke bitaye gaye lamho ko ek raat mein kaise sametu.

Later, they go to their parent's room, where the little Naina goes and sits onto the bed in the middle of her parents.

Flashback Starts.
Little Naina- Papa, mumma ko bolo na mujhe bhi yeh Black motiyoon wali chain paani hai.

Bela- Naina..beta kaha na jab tu badi ho jayegi tab ek ladka aayega, bikul rajkumar jaisa aur tujhe yeh pehnakar apne saath le jayega.

Anand- Haan, aur tab humari gudiyaa dulhan banegi, uski Shaadi hogi aur apne rajkumar ke saath woh phir chali jayegi.

Little Naina- Aap dono nhi chaloge mere saath.

Bela- Nhi, tujhe akela jana hoga uske saath.

Little Naina- Par main kyu jayugi, woh Rajkumar aa jayega mera saath. Phir hum sab saath rahege.

Anand- Par woh Rajkumar ke bhi toh Mummy Papa hoge, unhe chod kar kaise aayega woh.

Little Naina- Toh main apne Mummy Papa ko chodkar kaise jayugi. Mujhe nhi karni Shaadi, nahi jana kisi Rajkumar ke saath.

Both Anand and Bela doesn't answer her back, just smiled on her daughter's talks.
Flashback ends.

Anand- Naina, darwaje par kyu khadi hai, kuch chahiye kya.

She quickly rushes to him and hugs her father.

Baba ki rani hoon
Aankhon ka pani hoon,
Baba ki rani hoon
Aankhon ka pani hoon,
Beh jaana hai jise
Do pal kahani hoon.

Bela- Kya hua, ro kyu rhi hai Naina.

Naina- Mujhe nhi jaana aapko chodke, is ghar ko chodke.

Bela- Tune toh dara hi diya tha hume. Aur aise thodi bolte hai.

Naina- Main nhi reh payugi aap dono ke bina.

Anand- Toh phir Sameer ka kya hoga. Woh kaise rahega.
Chal aansoo ponch, tu toh mera strong baccha hai, haina.

Bela- Aur nhi toh kya, thode din lagege phir dekhna tujhe humari yaad bhi nhi aayegi.

On hearing this, she embraces her mother in her arms and sobs uncontrollaby.

Amma ki bitiya hoon
Aangan ki mitiya hoon,
Amma ki bitiya hoon
Aangan ki mitiya hoon,
Took took nihare jo
Pardesi chithiya hoon.

Naina- Aap bhul jayoge mujhe kya.

Bela- Apni beti, apni jaan ko koi kaise bhul sakta hai.

Anand- Naina, tujhe pata hai sirf ladkiyaan hi kyu apna ghar parivaar chodkar jati hai, kyuki unhi mein yeh taqaat hoti hai.
Itni himmat hum ladko mein nhi hoti.
Chal ab jakar soja, kal khaas din hai na tera.

Naina- Main yahin soyugi aaj, aap dono ke saath.

Bela- Acha chal, aaj humare saath hi so ja, jaise bachpan mein soti thi.

Both Bela and Anand strokes her hairs until she falls asleep.

Bela- Bhagaan jhooth na bulaye ji, aap ro kyu rhe hai.

Anand- Kal meri beti mujhse durr ho jayegi.

Bela- Kaise rahege hum iske bina, is ghar ki saari raunak, saari khushiyaan isi se toh hai.

Anand- Par Bela ek baat ki tasaali hai ki humari beti jahan ja rhi hai wahan bahut khush rahegi. Sameer bahut khayal rakhega iska, uska poora parivaar bahut acha hai.

Bela- Ji yeh toh hai, Sameer se zyada acha ladka Naina ko nhi mil sakta tha. Uski khushiyon ke liye hume use khud se durr karna padega.

Naina's VO
Meri aakhri raat thi us ghar mein, apne parivaar mein jahan maine apni zindagi ke 24 saal bitaye the. Us ek raat ne mere bitaye bahaut se saal yaad kara diya the. Mera hi bachpan meri parchai bankar, mera haath thamkar us waqt mujhe mere ghar ka har kona dikha rha tha. Tab laga ki shayad us ghar mein aisi koi jagah hai hi nhi jisse meri koi yaad na judi hui ho.
Us din ehsaas hua tha ki ek beti hona bahut mushkil hai, kyuki us beti ka ghar badal jaya karta hai, parivaar badal jaya karta hai, kuch hi palo mein uska poora sansaar badal jaya karta hai. Ek beti ke vidaa hone ke baad, uska haqdaar badal jaya karta hai.
Khwaab jarur tha Sameer ki Dulhan banne ka, par apne Maa Baap ko chodna ka khayal us khwaab mein durr durr tak nhi tha.
Pata nhi kisne betiyon ki bidaai ka dastoor bnaya hoga, kyuki jisne bhi bnaya hoga uski kabhi khud ki beti nhi rhi hogi. Kyuki mere Mummy Papa ki num aankhein us raat saaf jhalka rhi thi ki apne dil ka tukda nikal kar kisi ko dena kitni taqleef deta hai.
Par unke chehre par ek khushi bhi thi jiski wajah Sameer tha, uska mere liye saccha pyaar tha. Vhi pyaar jo mujhe apne parivaar se durr hone ke liye himmat de rha tha, apne ghar ko chodne ki taqaat de rha tha.

Otherside at Sameer's House
Munna- Chal na Sameer yaar, tere Bachelor Life ki aakhri raat hai. Kuch toh hona chahiye.

Pandit- Haan, chenu shi keh rha hai, iske baad toh tu kal shaheed ho jayega.

Sameer- Yaar kahan jayege, jaante ho na Rishikesh Dry city hai, yahan kuch nhi milne wala.

Pandit- Tu woh sab hum par chod de, Dekh abhi niklege aur Rishikesh se thodi durr ek jagah hai, vahan apna Party ka saara arrangement ho jayega, khana peena sab hai.

Munna- Haan tu bas chal fatafat.

Sameer- Acha main Fresh hokar aata hoon, phir chalta hoon.

Munna- Hum bhi tab tak bahar ka jayeza lekar aate hai.

Sameer comes out of the house after getting ready and takes his phone out cal to call Munna and Pandit, then his gaze goes to his Phone's Wallpaper of Naina's picture.

Munna- Chale bhai, sab booking bhi ho gayi hai.

Pandit- Kahan kho gaya, chale.

Sameer- Main nhi ja payuga.

Pandit- Par kyu?

Sameer- Mann nhi hai.

Munna- Abhi tak toh tera mann tha.

Sameer- Naina ki kahi ek baat yaad aa gayi thi.

Pandit- Bhabhi ki..

Sameer- Use acha nhi lagta mera yeh peena, pehli baar kuch manga tha usne mujhse Mumbai mein, tab se Smoking aur yeh Drinking  sab chod diya hai.

Munna- Par ab Bhabhi tujhe dekhne thodi wali hai.

Sameer- Baat uske dekhne ki nhi hai, baat uske bharose ki hai.
Aur Party hi karni hai na hume toh Juice peekar kar lege.

Munna- Chal Bhai teri Bachelor Life ka aakhri din Juice ke saath manate hai phir. Aur uske liye toh  Rishikesh se bahar jaane ki bhi jarurat nhi padegi.

Pandit- Par saath mein Samose hone chahiye.

Sameer- Tu kabhi nhi badalne wala na.

Pandit- Par tu poori tarah badal gaya hai Bhai.

Sameer- Shayad..sudhar gaya hoon.

Sameer's VO
Sahi kaha tha Munna Pandit ne us din ki main badal gaya hoon. Agar kuch saalon pehle wala Sameer hota toh shayad un sab cheezon ke liye kabhi mana nhi karta. Par yeh Sameer, toh Naina ka Sameer tha.
Main uske liye apna parivaar tak chodne ko taiyaar tha, yeh toh phir sirf kuch buri aadatein thi jo lagi bhi tab thi jab woh durr thi. Par ab toh woh pass aane wali thi, toh in aadaton ko toh durr jana hi tha.
Aisa nhi tha ki Naina ne mujhe badal diya tha, kyuki main khud badla tha uske liye, apne liye, humare liye. Sirf Pyaar ya Rishte ke liye khud ko badalna shayad shi nhi hai, par haan agar woh badlaav ache ke liye hai toh woh galat bhi nhi hai.
Sach kahu toh mushkil hota hai hum ladko ke liye bhi apni aadton ko chodna, apne Lifestyle ko chodna, par un ladkiyon se bahut aasan hota hai jo apna ghar parivaar chodkar humare liye aati hai.
Naina apni yaadein, apne Maa Baap, apna ghar, sab chod kar aa rhi thi mere liye, toh main apni buri aadatein toh chod hi sakta tha uske liye. Aur yeh baat us waqt uski tasveer ne hi mujhe ehsaas dila di thi, shayad tabhi mera kadam galat raah par chalne ke liye ruk gaye the.

Woh shaam, jahan ek rishtey ke judne ki khushiyaan bhi thi aur kuch rishton se bichadne ka gham bhi, apne anjaam par thi, kyuki naye din ka aagaaz jo hona tha. Ab mohabbat toh kuch aisi hi honi chahiye, jahan ek din mulaqaat ho, dusre din baat ho, aur teesre din baraat ho.

Barren Lands can be Beautiful,
Simplicity can be Soothing,
Silence can be Musical,
But only with Love..
And that Love isn't a
feeling or an emotion.
It's just that one person called LOVE..

।।तेरे लिए।।