Tera Mera Rishta kya,
Tune ab tak socha kya?
Kagaaz bheega ashko se,
Isse zyada likha kya.
Isse zyada kaha kya,
Ki dil ki har baat bayaa,
Un Kasme-Vaado ka kya,
Saath dekhe sapno ka kya.
Tera kaha sir aankhon par
Par bol..Tera Mera Rishta kya?

Ek pal lagta hai rishta judne mein aur ek hi pal lagta hai use tootne mein. Lekin saalon lagte hai use bnaye rakhne mein. Aur yeh baat Sameer aur Naina se behtar koi nhi jaan sakta. Jinhone pyaar ko bante bhi dekha hai aur bikharte bhi.

After Engagement, At Sameer's House
Sameer- Maa, main Nani aur Mamaji ko Dehradoon Airport par chod aaya hoon. Wahan toh mausam bhi shi tha toh ab tak toh unki Flight bhi take off kar gayi hogi.

Sameer sees everyone's blank faces.

Sameer- Kya hua, kuch baat hai kya.

Prabha- Woh toh tujhe zyada pata hoga Sameer.

Sameer- Kehna kya chahte ho aap.

Vishakha- Tu Naina ko kab se janta hai.

Sameer- Maa, yeh aap..aap jaante ho na ek hafte pehle hi hum dono..

Vishakha- Sirf Sach sunna hai mujhe, is baar teri koi kahani nhi.

Sameer- Maa..meri baat toh suno pehle.

Vishakha- Kab se janta hai tu use.

Sameer- 15 saal se, School ke time se.

Prabha- Dekh liya didi, main sach keh rhi thi ki yeh dono sirf humare saamne natak kar rhe hai. Love Marriage ko Arrange Marriage ka naam dekar humare saath khilwad kar rhe the. Acha hua woh toh maine in dono ki baatein Sagai ke baad sun li thi.
Ab toh vishwas ho gaya aapko meri baat ka.

Vishakha- Pasand karta tha us ladki ko toh yeh drama karne ki kya jarurat thi. Yeh jhooth bolkar rishta jodna, hum sab ko bewkoof bnana, hume dhokha dena, humare bharose ke saath khelna. Yeh sab kya tha Sameer.

Sameer- Maa aap aisa kyu rhe ho.

Prabha- Didi apne Sameer ko kehke kya fayda. Yeh sab us ladki ka hi kiya dhara hoga.

Sameer- Naina naam hai uska.

Vishakha- Sameer, kya galat keh rhi hai Bhabhi. Jo ladki is ghar mein kadam rakhne se pehle itna bada jhooth bol sakti hai, tujhse yeh jhootha natak karwa sakti hai. Woh aage jakar na jane kya kya karegi.

Vivek- Jab apna hi sikka khota ho Vishakha, toh us bahar ki aayi ladki ko kya dosh dena.

Prabha- Arey pata nhi kab se ise fasa rakha hoga apne jaal mein.
Yahan tak ki Mummy Ji ko bhi.

Sameer- Nani ko beech mein lane ki jarurat nhi hai, unhone jo kiya mere liye kiya. Aap logo ki tarah nhi hai woh, hume samajhti hai, humare pyaar ko samajhti hai.

Prabha- Pata nhi kya jaduu kiya hua hai jo tab se yeh usi ki bhasha bole ja rha hai. Main toh kehti hoon Didi, abhi bhi der nhi hui hai.

Sameer- Der nhi hui hai matlab.
Chahte kya hai aap log.

Vishakha- Apni Sagaai ki Angoothi nikal.

Sameer- Kyu?

Vishakha- Yeh Rishta nhi ho sakta ab. Main kal hi vapis kar aayugi un logon ko. Aise jhoothe logon ke saath mujhe koi rishta nhi rakhna.

Sameer- Maa, manta hoon mujhse galti hui hai. Maine jhooth bola hai. Lekin isme Naina ki koi galti nhi hai. Use toh kuch pata bhi nhi tha. Yeh sab jo kiya hai maine kiya hai.

Vishakha- Aur iske peeche wajah kon thi. Woh ladki hi na.
Maan leti hoon teri baat ki use kuch nhi pata tha, par jab pata laga tab bhi toh tujhe galat karne se nhi roka. Balki tere galat mein usne barabar saath diya.

Sameer- Maa aap samjho jara. Uske gharwale is Love Marriage ke liye shayad kabhi na mante.

Vishakha- Toh uske gharwalo ke liye tune apne gharwalo se jhooth bola. Aisi ladki ke liye toh main bhi kabhi nhi manti jo mere hi bete ko mujhse hi jhooth bolne par majboor kar de.

Sameer- Haan bola jhooth, because I Love Her. Pyaar karta hoon usse, uske bina jeene ki..soch bhi nhi sakta. Aur aapko bhi toh pasand thi na woh.

Vishakha- Haan jab tak uski asliyat nhi pata thi.

Sameer- Wah, kuch der pehle tak aapko usme koi kami nhi dikh rhi thi. Kyu..kyuki use aap logon ne mere liye pasand kiya tha. Ab jab pata chala ki Naina meri pasand hai toh uska asli rang dikh gaya aap logon ko, woh aapke liye aapki Bahu se ek ladki ban gayi.

Vivek- Kaise baat kar rhe ho tum apni Maa se.

Sameer- Shi keh rhe ho aap, mujhe aise baat nhi karni chahiye. Bura laga na aapko ki maine Maa se aise baat ki.
Mujhe bhi lag rha hai jab se aap log Naina ko bhala bura kehte ja rhe ho.
Jaise aap apni Patni ke baare mein kuch nhi sun sakte, main bhi uske baare mein kuch nhi sun sakta, phir chahe woh koi bhi ho.

Vishakha- Shaadi nhi hui hai teri ab tak aur na kabhi hogi. Kaan khol ke sun le yeh baat.

Sameer- Shaadi toh meri Naina se hi hogi. Aap Haan karo ya Na.

Vishakha- Abhi tak toh woh is Ghar ka hissa tak nhi bani hai, aur is ghar ke hisse karne lag gayi hai. Rishtey tod hi diya aakhirkaar usne.

Sameer- Konse rishtey jo aaj tak kabhi poori tarah se jude hi nhi the, unhe kya todegi woh.

Vishakha- Sameer aur behas karne ki koi jarurat nhi hai. Maine faisla le liya hai Naina se teri Shaadi nhi hogi, woh is ghar ki bahu nhi banegi. Yeh mera aakhri faisla hai.

Sameer- Toh mera bhi faisla sun lo, agar is ghar ki bahu nhi ban sakti woh, toh yeh ghar bhi mujhe nhi chahiye. Agar aap log use accept nhi kar sakte toh mujhe bhi bhul jaiye.

Vishakha- Pagal ho gaya hai, us ladki ke liye yeh ghar chodega, humse rishta todega.

Sameer- Rishta tudwane ki shuruat aapne ki hai.

Vivek- Yeh mat bhulna Sameer ki sirf Ghar nhi chutega, kaam paisa sab chutega.

Sameer- Janta tha main. Lekin aap bhi sun lijiye ki agar Naina nhi toh kuch bhi nhi.

Vishakha- Pagal ho gaya hai tu uske pyaar mein. Tujhe kya lagta hai tera saath degi woh. Mujhe toh nhi lagta. Jiske liye tu sab chod ke janne ke liye taiyaar hai, kya woh tera khali haath kabhi tham payegi. Itni bewkoof toh nhi hai woh, Practical soch hai uski. Teri tarah sirf dil se nhi sochti, balki dimag se sochti hai.

Sameer- Ho sakta hai aap shi keh rhi ho. Par main yeh bhi janta hoon ki woh mera saath kabhi nhi chodegi kisi halaat mein bhi nhi. Aur chinta mat kijiye aap khali haath nhi honge mere. Itni kabiliyat rakhta hoon ki use chhat de saku, use kisi chiz ki kumi na hone du.

Prabha- Sameer, tu us ek ladki ke liye apne Maa-Baap ko chodne ke liye taiyar ho gaya hai.

Sameer- Woh Maa-Baap bhi toh apne bete ki khushi nhi dekh pa rhe hai. Nhi dekh pa rhe hai ki meri jaan basti hai us ek ladki mein.

Vishakha- Haan nhi dekh pa rhe hai hum teri yeh bewkoofi, teri yeh galat zidd main kabhi poori nhi kar sakti.

Sameer- Aapse zidd karna maine bachpan mein hi chod diya tha.
Main aur Naina kabhi aisa koi naya rishta nhi jodna chahte the, jiski neev purane rishton ko todkar bani ho.
Lekin aap logo ne mere liye koi aur raasta hi nhi choda.

Vishakha- Sameer, phir se soch le.

Sameer- Agar baat chunne ki hi hai na Maa, toh Naina aur kisi aur ke beech mein main humesha Naina ko hi chunuga. Aaj bhi aur aane wale har kal mein bhi. I am Sorry agar aapko isse bura lage, par main sab chod sakta hoon lekin Naina ko nhi, kabhi nhi.

He starts leaving from there but stops.

Sameer- Aur haan, humare rishtey ko todne ki na koi galat baat aur na koi galat koshish, main bardasht karuga. Aur umeed karta hoon aap log aisa kuch karege bhi nhi.

He touches everyone's feet and goes to pack his belongings.

Swati- Bhai, mat jayo na.

Sameer- Jaana toh padega, aur tu rote hue bilkul achi nhi lagti.

Swati- Apna khyaal rakhna.

Sameer places his hand over Swati's head, and leaves his house.

Sameer(to himself)- Kahan jayu is waqt, Hotel hi chala jata hoon. Baki Kal subah sochuga kya karna hai.

That's when two people arrive on a bike from behind.

Sameer- Tum dono yahan kya kar rhe ho.

Munna- Swati ka phone aaya tha, btaya usne sab.

Pandit- Chal baith ja ab.

Munna- Mere ghar chal rha hai tu.

Sameer- Nhi yaar, main nhi ja payuga.

Pandit- Pagal mat ban aur chupchap chal.

Munna- Dekh rha hai Ponga, ab itni bhi dosti nhi rhi kya.

Sameer- Aisa kuch nhi hai. Tum log jante ho yeh baat. Tere Gharwale kya sochege Munna.

Munna- Gharwale ghar par honge toh kuch sochege. Bahar gaye hue hai. Ab toh chal, tujhe humari Dosti ki kasam.

In Munna's House
Munna- Kya soch rha hai bhai.

Sameer- Ghar ke baare mein. Jald se jald mujhe koi ghar kharidna padega.

Munna- Hum sab hai tere saath Sameer.

Sameer- Janta hoon.
Acha Munna koi Job Vacancy ka pata hai tujhe. Kaisi bhi chalegi abhi ke liye.

Munna- Tu naukri karega.

Sameer- Ab itne paise nhi hai ki Ghar bhi le payu aur Kaam bhi jama payu. Mumbai ka kaam bandh karke jo Paise bache the, usse sirf Ghar ka kharcha hi manage ho payega. Aur is waqt kaam se zyada jaruri Chhat hai.

Munna- Yaar Sameer, sab sahi ho jayega. Tu itna mat soch.

Sameer- Agar sahi hona hi hota, toh kuch galat hota hi nhi.

Munna- Yaar tere gharwale maan jayege. Tu dekhiyo.

Sameer- Nhi manege, agar manna hi hota toh aaj shayad main yahan na hota.
Chod tu yeh sab.

Munna- Bhabhi ko btaya tune.

Sameer- Nhi yaar, aaj hi toh Sagaai hui hai, aaj hi kaise..
Par mujhe pata hai woh sabki tarah mera saath nhi chodegi.

Munna- Chal tu bhi aaram kar le ab.

Sameer's VO
Waqt kitni tezi se guzarta hai, yeh mujhe us din pata chala tha. Us ek din mein mujhe sabse badi khushi mili thi, Naina. Aur usi ek din mein mujhe sabse bada ghum bhi mila tha, Family chutne ka.
Dikha nhi rha tha par dukh toh ho rha tha. Is baat ka ki kitni aasani se rishtey chut jaate hai, is baat ka ki jinke saath saalon se rha, unhone kuch palo mein saath chod diya tha, is baat ka dukh ho rha tha ki apni ek zidd mein aake un sab ne rokne ki koshish tak nhi ki.
Janta tha ki mere rishtey kamzor the, par kya itne kamzor the ki ek jhooth bhi nhi seh sakege.
Ho sakta hai mera woh faisla galat lage; Maa-Baap ko chodna aakhir galat hi hai par apne Pyaar ka saath chodna woh bhi toh koi shi nhi hai. Kaise chod sakta tha uska saath jise kuch ghanto pehle Angoothi mein bandh kar aaya tha. Maine us din Naina ko chuna tha, sabke upar. Maine us din ek rishta nibhaya tha, baki rishtey todkar. Maine sirf ek saath maanga tha, baki sabka saath chodkar. Maine Pyaar ka haath thama tha, Parivaar ka haath chodkar. Nhi janta tha ki shi hone wale hoon ya galat, par itna jarur janta tha ki Naina se durr hone ke khayaal se hi darr lag rha tha, toh use chodne ke khyaal ko kaise sach kar sakta tha.
Purane raaste chod toh aaya tha par naye raaston ka kuch pata nhi tha. Makaan kharidne ki aukaat bachi thi, par Ghar bnane ke raasta nhi pata tha. Paise kamane ka tarika aata tha, par Sukoon kamane ka raasta nhi pata tha.
Naina ko har khushi dene ki chahat thi, par Khushiyaan batorne ka raasta nhi pata tha.

Next Day
Sameer along with Munna and Pandit, looking for a house to buy.

Munna- Kiska Phone tha.

Sameer- Naina ka, subah se taal rha hoon use.
Par ab toh shayad woh bhi samajh rhi hai ki kuch baat hai.

Pandit- Toh bta de na Bhabhi ko sab, Sameer.

Sameer- Yaar ek baar ghar pakka ho jaye toh sab bta dunga.

Broker- Agar yeh ghar pasand hai toh Final kare ise.
Main shaam tak kagaaz bhi taiyar karwa dunga.

Sameer- Thik hai aap ise pakka kijiye. Aur Token Amount main Transfer kar dunga aur Baki ki Payment Cheque se ho jayegi.

Broker- Toh theek hai aap yahan Sign kar dijiye, main Registration ki formalities poori karwa deta hoon.
And Congratulations.

Sameer- Thank You.

Mundit- Badhai ho Bhai, tera Ghar pakka ho gaya.

Sameer- Naina ko acha lagega na, humara naya ghar.

Pandit- Kyu nhi acha lagega, tu dekhiyo Bhabhi kitna khush ho jayegi is ghar ko dekhke.

Munna- Aur nhi toh kya, sab shi hoga dekhliyo tu.

Sameer- Acha chal main Naina ko lekar aata hoon, uska College bhi khatam hone wala hoga.
Acha Munna, teri gaadi le jayu. Woh meri..

Munna- Le bhai Chabi.

Sameer- Thanks.

After Sometime
Naina- Sameer, kahan ja rhe hai hum.
Aur tum yeh aaj Munna ki car leke kyu aaye ho. Tumhari gaadi kahan hai

Sameer- Woh.. meri gaadi, kitne sawaal puchti ho tum. Aur kaha na Naina Surprise hai, phir kyu baar baar puch rhi ho ki kahan le ja rha hoon.

Naina- Kab se bas Surprise ke naam par idhar udhar ghuma rhe ho.

Sameer- Thoda sabar rakho, dekhna acha lagega tumhe.

After a while, the two stop in front of a house, perhaps their new home.

Naina- Kiske ghar ja rhe hai hum. At least yeh toh bta do.

Sameer- Tum pehle andar toh chalo.

Naina- Tumhare kisi Relative ka ghar hai.

Sameer- Pehle btao ghar kaisa laga. Acha hai na, dekho bada bhi hai aur Khula bhi hai.

Naina- Sameer kiska ghar hai yeh.

Sameer- Humara.

Naina- Tumne naya ghar kharida, kab aur kyu. Aur baki sab maan gaye shift hone ke liye. Par pehle wala ghar bhi toh acha tha.

Sameer- Naina Humara ghar matlab..mera aur tumhara.

Naina- Matlab.

Sameer- Iska ek hi matlab hota hai. Shaadi ke baad hum dono yahin rahege.

Naina- Aur baki sab.

Sameer- Naina main humare baare mein baat kar rha hoon.

Naina- Aur main sabke baare mein puch rhi hoon. Kahan hai baki sab aur yeh ghar kharidne ka kya matlab hai.

Sameer- Naina sabko sab pata chal gaya tha humare baare mein toh..

Naina- Toh kya Sameer..

Sameer- Toh maine woh ghar chod diya.

Naina- Tum..tumne ghar chod diya. Aise kaise chod sakte ho apne parivaar ko.

Sameer- Woh log mujhe tumhe chodne ko keh rhe the.

Naina- Toh tumne unhe chod diya.
Sameer woh log gussa honge, unki jagah koi bhi hota toh woh yhi karta.

Sameer- Nhi karta Naina, maine sab soch samajh ke kiya hai.
Kal hi Sagaai hui hai humari, kaise keh sakte hai woh mujhe tumse rishta todne ke liye, yeh jante hue ki main tumse kitna pyaar karta hoon.
Apna pyaar pane ke liye Ek jhooth hi bola tha na, koi aafat toh nhi aa gayi thi.
Tumhe kal tak pasand karte the, lekin yeh jaanne ke baad ki tum meri pasand ho, tumhe napasand karne lag gaye.

Naina- Sameer..meri baat suno. Woh log abhi naraaz hai..

Sameer- Sirf naraazgi hoti na Naina toh mujhe ghar chodna na padta, sirf naraazgi hoti toh kaam dhanda na chodna padta. Sirf naraazgi hoti toh woh log meri khushi aur tumhe mujhse cheenne ki koshsih nhi karte.

Naina- Sameer yeh galat hai. Aise rishte nhi nibhaye jaate.

Sameer- Kuch galat nhi hai, aisa aaj nhi toh kal hona hi tha.
Tum chodo yeh sab aur chalo main tumhe poora ghar dikhata hoon.

She stops him and nods her head in no.

Naina- Konsa ghar. Yeh sirf ek makaan hai mere liye.
Mujhe koi fark nhi padta ki kitna bada hai ya kitna chota, fark padta hai toh sirf isse ki yahan rehne wale log kitne khush hai.
Aur yahan koi khush nhi reh sakta. Na main, na tum.

Sameer- Main khush hoon.

Naina- Woh toh tumhari aankhein bta hi rhi hai ki tum kitne khush ho.
Ab zidd chodo aur apne asli ghar vapis chalo.

Sameer- Naina tumhe yeh sab koi mazaak lag rha hai.
Tumhe ek baat samajh nhi aa rhi ki maine woh ghar chod diya hai aur apne us Parivaar ko bhi. Aur tum bhi jitni jaldi is sach ko apna logi utna acha hai.

Naina- Sameer tum jante ho na, Pyaar aur Parivaar mein se main kabhi kisi ek ko na pehle chun payi thi aur na aaj chun sakti hoon. Phir chahe woh Parivaar mera ho ya tumhara. Mujhse nhi hoga yeh.
Main ja rhi hoon yahan se.

Sameer- Ruko, tum kahin nhi jayogi. Suna tumne.

He holds her arm in his tight grip.

Naina- Kya kar rhe ho, Haath chodo mera. Dard ho rha hai. Tumhara yeh gussa pehle hi bahut kuch kharab kar chuka hai. Aur kuch kharab mat karo.

Sameer- Mujhe bhi dard ho rha hai, Naina. Kitni aasani se keh diya ki tum kisi ek ko nhi chun sakti.
Lekin bina chune tum yahan se nhi ja sakti. Aaj tumhe chunna toh hoga mera Pyaar ya mera Parivaar.

Naina- Kya mera mera kar rhe ho, woh Pyaar humara hai, woh Parivaar humara hai. Kaise chunu ek ko.

Sameer- Jaise maine chuna hai tumhe. Tum bahut hi Practical ho, Humesha apne dimag se hi sochti ho, dil se nhi.

Naina- Yeh kya bol rhe ho.

Sameer- Ab mere pass kuch bacha nhi hai is ghar ke alava, tabhi tumhe mujhe chunne mein Problem ho rhi hai na.
Kya hua yeh sab sunke acha nhi laga, na jane aisi aur kitni baatein sunayega mere Parivaar, humara Parivaar.

Naina- Nhi acha laga, par tumhe tumhare Parivaar se alag karne ke ilzam se behtar hai yeh baatein. Fark is baat se padta hai ki kya tum bhi mere baare mein yehi sochte ho.

Sameer- Mera jawaab tumhare jawaab pe depend karta hai.
Aaj agar tum gayi yahan se toh bahut kuch badlega Naina.

Naina- Agar aaj main yahan ruki toh bhi bahut kuch badlega Sameer.

Sameer- Jaana chahti ho toh jaayo, par phir sab khatam karke jaana padega, woh angoothi utar ke phenk...

Naina- Don't.
Bas..Aage kuch mat bolna. Don't you dare to say a word. Pagal ho gaye ho tum. Gusse mein jo mooh mein aa rha hai woh bole ja rhe ho. Kabhi ghar chod rhe ho, kabhi parivaar chod rhe ho, kabhi rishtey chod rhe ho, ab mujhe bhi chodne ki baat kar rhe ho.
Sameer..Tum apne Parivaar ke nhi ho paye toh mere kaise ho payoge.

Sameer- Haan nhi ho paya main unka aaj tak. Tumhe yeh khokhle rishtey nibhane hai, toh shauk se nibhayo. Par kaise nibhayogi, mujhse Pyaar tak toh nibha nhi payi aaj tak, Rishte kya khaak nibhayogi. Shayad isiliye aaj tak Pyaar ke tadapti aa rhi ho.

He jerked and leaves her. Both of them have their eyes filled with anger and tears.
Sameer constantly sees Naina going from there.

Sameer(to himself)- Yahan se jaane mein tumhare kadam bikul nhi hichkicha rhe na, peeche mudke dekha tak nhi. Ek pal nhi laga tha mujhe tumhe chunne mein, aur tum hi mujhe keh rhi ho ki main tumhara nhi ho payuga. Itna mushkil tha kya mujhe chunna tumhare liye.

He turned his face. She stops and turns back to see him, but sees that he is still standing back.

Naina(to herself)- Ek baar bhi rokne ki koshish nhi ki tumne mujhe. Maine pyaar nhi nibhaya..15 saal se vhi toh nibhati aa rhi hoon. Dimag ke faisle bhi dil se leti hoon. Shayad isiliye aaj tak Pyaar ke liye tadap rhi hoon. Itna aasan tha tumhare liye Rishta todne ke baare mein kehna, angoothi utarne ko kehna.

Naina's VO
Jitni shiddat se hum pyaar karna jante hai, utni hi shiddat se ladai karna bhi. Ab lada bhi toh khaas logon se hi jaya karta hai, koi paraya hota toh kab ka jaane diya hota.
Pehli baar takrane se lekar, pehli baar ek dusre ko choone tak, pehli baar haath pakadne se lekar, pehli baar gale lagane tak, pehli baar izhar karne se lekar pehli baar ladne tak; bahut kuch dekh liya tha humne. Aur agar kuch bacha tha dekhne ke liye toh woh kumi humari is pehli badi ladai ne poori kar di thi.
Us waqt beshak humare aansoo nikle the lekin aaj humari us ladai ke baare mein sochkar hasi aati hai. Kahan sagaai ke baad log ek dusre se pyaar ki meethi baatein karte hai aur kahan hum dono ek dusre se kadwe bol keh rhe the. Shayad ek dusre ki bhalai ke liye hi. Par yeh baat tab samajh nhi aayi thi hume. Aayi hoti toh aise ek dusre ko jaane na diya hota. Galti dono ki thi, ab taali ek haath se nhi bajti. Sameer ko lagta tha ki maine use nhi chuna par woh yeh nhi samajh pa rha tha ki main toh uske parivaar ko bhi nhi chod pa rhi toh use kya chod pati. Aur vhi mujhe lag rha tha ki use rishtey nibhane nhi aate. Lekin Woh toh ek din oehle juda rishta nibhana tak janta tha. Isse zyada usse aur kya umeed rakh sakti thi.

Sameer's VO
Kahan main Naina ke liye sabse ladna chahta tha aur kahan main usse hi lad rha tha.
Par tab gussa hi itna tha ki kuch aur samajh hi nhi aaya. Na use dhakka dete waqt kuch samajh aaya, na uske pyaar par ungli uthate waqt aur na hi Rishta todne ki baat kehte waqt. Bas agar kuch samajh aaya tha us waqt toh yehi ki usne mujhe nhi chuna.
Waise samajh toh meri us Topper Naina ko bhi nhi aaya tha, tabhi toh mujhe pyaar se samjhane ki jagah mujhse lad rhi thi. Shayad meri hi khushiyon ke liye.
Lekin humari is ladai ne humare aane wale kuch din bahut mushkil bna diye the. In fact sirf din hi nhi balki raatein bhi.
Kyuki us Mahabharat ke baad aag toh achi khasi laga di thi hum dono ne, haan..use bhujane ki koshish bhi ki thi. Woh alag baat thi ki Pani ki jagah Petrol se us aag ko bhuja rhe the.

Day-1 after Fight, At Ganga Ghat
Like everyday, even today both are sitting on the Ganga Ghat as usual, but this time away from each other
The distances were not just of the place, but also gradually growing in the heart. Both look at each other and look around at the same time.

Naina(to herself)- Jab aise hi durr jakar baithna tha toh aaya hi kyu. Ego jo hai itni badi.

Sameer(to himself)- Aana hi nhi chhaiye tha, kya laga tha ki sab bhul kar gale laga legi. Ego jo hai itni badi.

Then both of them look at each other's ring and have a happy feeling for the first time in the whole day.

Sameer(to himself)- Acha hua isi Ego mein aakar Angoothi nhi utar di.

Naina(to herself)- Bada keh rha tha mujhe Angoothi utarne ko, khud toh utar nhi paya. Shukar hai kuch toh akal baki hai abhi bhi.

That's when Pandit Ji comes to offer aarti, Sameer still concentrates on Naina.  Meanwhile, he does not know that his hand is very close to the lightining diya. But he realizes as soon as he hears her cough sound.

Naina(to herself)- Abhi haath jala baithta. Ek aarti leni tak toh aayi nhi aaj tak. Ladne ke alawa kahan kuch aata hai ise.

Sameer(to himself)- Itni hi fikar ho rhi thi toh gayi kyu thi chod ke. Haath jalne ki badi chinta hai lekin jo dil jal rha hai uska kya.

Then there comes a corn seller.

BhutteWala- Bhaiya Bhutta de du.

Naina looks towards him with hopeful eyes.

Sameer- Nahi chahiye.

Hearing this, she leaves from there.

Naina(to herself)- Main kyu uth ke aayi, use toh dikha dikha ke khana chahiye tha. Janta hai mujhe kitna pasand hai, phir bhi nhi liya.

Sameer(to himself)- Meri pasand ka bada sochti hai woh jo main uski pasand ka sochu. Pata chalna chahiye use bhi apni pasand aur pyaar ke bina ek din bhi rehna kaisa lagta hai.

Naina is on the way, then she sees Panipuri Stall.

Naina(to herself)- Main kyu poora din uske liye sadti rahu, jabki use toh koi fark hi nhi padta.

In order to grabs Sameer's attention, she shouts loudly to the perosn selling Panipuri to make a plate for her.

Sameer(to himself)- Dekho toh abhi bhi khane ki padi hai. Ise kahan koi fark padta hai.

Naina(to GolgappeWala)- Bhaiya ekdum teekhi bnana.

She is constantly eating spicy Panipuris, due to which tears start coming from her eyes. While Sameer ki watching her secretely.

Naina- Aur teekhi banao, Bhaiya.

Sameer(to himself)- Jab bardasht nhi kar sakti toh kyu kha rhi hai. Jaanbhuj ke, taki iske aansu dekh ke main pighal jayu.
Par is baar main nhi pighluga.

Naina- Yeh kya diya Bhaiya aapne. Maine aapko teekhi kahi thi na, toh meetha kyu diya.

PanipuriWala- Woh ek Bhaiya kehke gaye aapko dene ke liye.

Naina- Aap teekhi lagaiye ek plate.

PanipuriWala- Mana kiya hai umhone aapko Teekha dene ke liye. Meetha bna du.

Naina- Nahi chahiye, apne unhi Bhaiya ko khilaiye.
Kitne Paise hue.

PanipuriWala- Woh Bhaiya de gaye the. Aur aapse aage ke liye bhi Paise lene ke liye mana karke gaye hai.

Naina(to herself)- Samajhta kya hai khud ko, uske haath ki kathputli hoon main. Meetha kahega toh main meetha khayu. Mera jo mann karega main woh karugi, jaise woh kar rha hai apne mann ki.

Sameer(to himself)- Aaj ke liye aur toh nhi kha payegi. Pata nhi kya samajhti hai khud ko. Jo mann mein aata hai woh karti hai chahe usse khud ko hi taqleef ho. Par mujhe bhi kya jo marzi kare, kum se kum mera peecha toh chuta.

Naina's VO
Ek dusre se ladai bhi karni thi, par baat nhi karni thi. Pyaar jatana bhi tha, par dikhana nhi tha. Parwaah bhi thi, par Naraazgi bhi thi.
Jitna pagalpan humare pyaar mein hota tha utna hi humari us ladaai mein bhi tha. Pehla din toh Silent ladaai mein guzar gaya tha, lekin abhi toh bahut kuch hona baki tha.

Day-2 after Fight, At Pandit-Preeti House
Preeti- Kab se intezaar kar rhi thi main tera Naina.

Naina- Kitna mana kiya Preeti phir bhi nhi manti na tu.

Pandit- Arey Bhabhi, aap akeli. Aapka woh late lateef mangetaar kahan hai.

Naina(to herself)- Matlab use bhi bulaya hai, mujhe pehle hi samajh jana chahiye tha. Ek kaam karti hoon yahan se chali hi jaati hoon. Warna mere saamne bhi aaya toh pata nhi kya ho jayega.

Preeti- Bta na kahan hai Jijaji.

Naina- Mujhe nhi pata. Meri baat nhi hui usse. Acha Preeti mujhe kuch kaam yaad aa gaya, main baad mein kabhi aa jayugi.

Preeti- Aise kaise. Kahin nhi ja rhi hai tu.

Naina- Samajh na, jaruri kaam hai. Thik hai baad mein milte hai.

Naina starts going from there, but only then Sameer comes from the front. She stops after seeing him.

Pandit- Arey apna bhai bhi aa gaya. Ab toh chahkar bhi kahin nhi ja payegi Bhabhi.

Preeti- Han Naina, ab toh rukna hi padega.

Sameer- Agar kisi ko jaana hai toh jaane de na Pandit.

Naina(seeing Sameer)- Preeti ab tu itna bol hi rhi thi, toh mujhe nhi jaana chahiye. Waise bhi tu shi keh rhi thi ki Rishton se badhakar kuch nhi hota.

Preeti- Maine kaha tha yeh. Shayad kaha hoga.
Chalo phir pehle Lunch kar lete hai.

Pandit- Haan pehle Pet Pooja, phir kaam duja.
Preeti..Samose aa gaye na.

Preeti- Haan, mere Samose ke liye Samose aa gaye hai.

Pandit- Meri Samosi.

Both go ahead, but Sameer Naina stops there.

Naina- Yahan koi drama karne ki jarurat nhi hai. Bahut khush hai dono. Main nhi chahti ki tumhari wajah se unki khushiyaan kharab ho.

Sameer- Kehna kya chahti ho tum. Main dusro ki khushiyaan cheenta hoon. Yeh kaam na tumhara hai. Na kabhi khud khush hoti ho, na dusro ko hone deti ho.

Preeti- Arey JijaJi, apni hone wali biwi se baad mein baatein kar lijiyega. Aaj apne doston se kar lijiye. Aur tu bhi andar chal Naina, ya dono yahin khade rehke baatein karte rahoge.

Both are sitting in front of each other on the dining.

Sameer(to himself)- Jaanbhuj ke mere saamne aake baith gayi hai.
Tang karne ka ek mauka nhi chodti. Main bhi nhi chodne wala. Bahut pasand hai na ise Aloo ke Paranthe, aaj ek bhi nhi khane dunga.

Sameer picks up all the Aloo Paranthas and keeps them in his plate. Everyone sees him with skeptical eyes.

Naina(to herself)- Saare Aloo ke Paranthe le gaya, ek bhi nhi choda.

Preeti- Naina tu kuch le kyu nhi rhi.

Naina- Tum log kha lo, waise bhi mera mann nhi tha.

She starts to get up from her chair, but only then he picks up a paratha from his plate and puts it on her plate. Seeing this, she sits down again.

Naina(to herself)- Aaj ek baar bhi nhi kaha khilane ko, na mujhe apne haathon se khilaya, na mere haathon se khaya. Itna kuch badal gaya kya humare beech Sameer. Itni naraazgi badh gayi ki pyaar kum padh gaya.

Both are looking at each other, but their eye contact breaks as Preeti puts sweets in front of them.

Naina- Jalebi.

Sameer(to himself)- Aaj meri uljhan durr nhi karogi, jaise us din ki thi. Itna kuch badal gaya kya humare beech Naina. Itni dooriyaan aa gayi, ki ab nazdeekiyaan lane mein bhi darr lagta hai.

Naina's VO
Dhai akshar ki baat kehne mein kitne taqleef utha rakhi thi, maine aankhon mein chupa rakhi thi aur usne hothon mein daba rakhi thi. Lekin tab na mere aansu nikle aur na uske lafz. Kyuki shayad abhi tadapna aur tadpana thoda baki tha. Ladaai ka dusra din chal rha tha, aur saath hi saath taane aur gaaliyon ka daur bhi.

Pandit- Yaar aaj koi purani film dekhte hai, purane din yaad aa jayege.

Preeti- Maine Pyaar Kiya dekhte hai.

Pandit- Sholay dekhte hai.

Preeti- Ek kaam karte hai, in dono se puchte hai.

Pandit- Haan Sameer, Bhabhi btao konsi film dekhoge.

Sameer- Jaani Dushman dekhte hai.

Naina- Sanam Bewafa kaisi rahegi.

Sameer- Naagin bhi dekh sakte hai.

Naina- Daku Mangal Singh kaisi rahegi.

Sameer- Bikul bekar.

Naina- Haan, bikul tumhari tarah.

Preeti- Ohh..bas karo tum dono.

Pandit- Kab se dekh rhe hain dono ko.

Preeti- Ab btao Love Story ya Aashiqui.

Naina- Aashiqui toh bilkul nhi.

Sameer- Na dekhni hai aur na karni hai.

Pandit- Toh matlab Love Story final kare.

Naina- Aur koi option nhi hai.

Pandit- Na Bhabhi, waise agar Film wali Love Story nhi dekhni toh apna Bhai hai, woh apni Love Story dikha sakta hai aapko.

Sameer- Bas kar Pandit, bahut baar dikha chuka hoon, par shayad itne waqt se galat shaks ko dikha rha tha.

Hearing this, Naina's eyes are filled with tears. Even he also regretted for the same.

Then a song from the film plays, listening to which some memories of both refreshes.

Ye ladki zara si deevaani lagti hai,
Mujhe to ye gudiya Japani lagti hai.
Aisi naazuk hai ye,
galti se ise koi chhule to ye toot jaaye,
Chabhi se ye chale, chabhi se ye ruke,
Chaabhi se ye hanse rooth jaaye,
Kaanch ki hai gudiya,
Aafat ki hai pudiya,
Kisi shaitaan ki nani lagti hai.

Sameer(to himself)- Acha hua thoda hasi toh shi. Waise bhi maine zyada hi bol diya tha.

Ye ladka zara sa deewaana lagta hai,
Gadi ka koi model purana lagta hai.
Aate jaate hue raste pe khade,
Bade dekhe aise deewaane.
Jahan pe bhi koi achchhi soorat dekhi,
Wahi ruke kisi bahane.
Aise hero ban ke ga raha hai koi,
Kisi naye film ka gaana lagta hai.

Naina(to herself)- Kuch yaad nhi aaya kya tumhe, yeh gaane, yeh ruthna manana, yeh ek dusre ko chedna.

More than watching the film on the TV screen, the two were engaged in watching each other.

After a while, a song plays again, and this song not refreshes any of  their old memories but refreshes their new wounds. The wounds of his shattered dreams; dream of their house.

Sameer- Dekho maine dekha hai yeh ek sapna,
Phoolon ke shehar mein hai ghar apna,
Kya sama hai tu kahan hai?

As Naina is about to step into the house, Sameer covere her eyes by placing his hands.

Naina- Main aayi aayi aayi aayi aaja.

She removes Sameer's hand from her eyes and sees the whole house at a glance, a sweet smile comes on her face. And looking at her smiling face, he smiles as well.

Sameer- Wahan tera mera naam likha hai,
Rasta nahin yeh aam likha hai.

He shows her the namepalte of their names, on which both places their hands and feels a contentment.

Sameer- Yeh hai darwaaza jahan tu khadi hai,
Andar aajao sardi badi hai.

He picks her up and enters in their house. He twirls her around in excitement.

Naina- Kaisi pyaari hai yeh
chhotisi rasoi,

She goes ahead and goes to the kitchen first.

Sameer- Hum dono hain bas dooja nahin koi.

He also follows her and hugs her back.

Naina- Is kamre mein hongi meethi baaten,

Then he shows her the room, their room.

Sameer- Us kamre mein guzrengi raaten.

He wraps her in his embrace and kissed on her head.

Naina- Yeh to bolo hogi kahan pe ladaai..

She turns away from him and asks him with a hand on her waist.

Sameer- Maine woh jagah hi nahin banai,
Pyar yahan hai tu kahan hai?

He moves closer to her, and quickly kisses her on her cheeks.

Naina- Main aayi aayi aayi aayi aaja..
Kitna haseen hai yeh ek sapna,
Phoolon ke shehar mein hai ghar apna.
Kya sama hai tu kahan hai?

She does the same and holds him tightly.

Sameer- Main aaya aaya aaya aaya aaja

Both remain like this for a long time, with happiness and smiles lingering on their faces.

Pandit- Kahan kho gaya bhai. Cold Drink pi na. Lagta hai Film zyada hi achi lag gayi.

Sameer- Haan film aur sapne toh ache hi hote hai, bas haqeeqat achi nhi lagti.
(To himself)- Mujhe laga tha Naina tum mera saath kabhi nhi chodogi, par tumne mujhe galat saabit kar diya. Kitne sapne bunn liye the maine tumhare saath us ghar mein. Par tumne kitni aasani se sab tod diye.

After a while everyone drinks colddrinks, She intentionally drinks from his glass. But he ignores her even seeing this.

Sameer(to himself)- Is baar toh yeh ek dusre ka jhootha peena bhi humara pyaar nhi badha payega. Is baar tumne meri umeed, mera sapna toda hai Naina.

Naina(to herself)- Rishton ke tootne se acha hai ki sapna toot jaye. Zidd mein aakar sab khatam karne ki baat ki thi na tumne, janti hoon main agar bekarar main ho rhi hoon toh sukoon tumnko bhi nhi mil rha hoga.

The story moves forward, both the real one and the filmy one. With a song, and also with their pain.

Yaad aa rahi hai,
Teri yaad aa rahi hai.
Yaad aane se tere jaane se,
Jaan ja rahi hai.

Bante bante dulhan,
Preet humari uljhan ban gayi.
Mere dil ki dhadkan,
Meri jaan ki dushman ban gayi.
Kuch keh keh ke,
Mujhe reh reh ke,
Tadpa rahi hai.
Yaad aa rahi hai,
Teri yaad aa rahi hai.

Both steals glances of each other. And looking at each other, they can tell how much pain both of them are having, how much they miss each other.

Yeh rutt ki rang raliyan,
Yeh phoolon ki galiyan ro padi.
Mera haal suna toh,
Mere sath yeh kaliyan ro padi,
Ek nahi tu,
Duniya aansu barsa rahi hai.

Yaad aa rahi hai,
Teri yaad aa rahi hai.
Yaad aane se tere jaane se,
Jaan ja rahi hai.

Naina's VO
Woh gaana aisa tha jaise kisi ne jakhmo par namak chidak diya ho. Mera saath baitha tha Sameer us waqt, lekin yaad aise aa rhi thi jaise milon durr baitha ho. Shi bol the us gaane ke bhi , tabhi toh itni yaad aa rhi thi uske pyaar ki jaan nikal rhi thi. Waise uska haal bhi kuch aisa hi tha. Aankhein saaf saaf bta rhi thi uski; aakhir hum dono ek hi kashti mein jo sawaar the.

Preeti- Naina, kya ho gaya tujhe. Itna kyu ro rhi hai. Film hai sirf.

Naina hugs Preeti and starts crying more.

Pandit- Aashiqui hi shi thi. Bhai, Bhabhi ko ghar chod aa. Lagta hai woh film mein zyada hi kho gayi.
Sun bhi rha hai tu.

Sameer(seeing Naina)- Haan.

Pandit- Tu bhi ro rha hai kya.

Sameer- Pagal hai kya, main kyu royuga.

Pandit- Ja phir Bhabhi ke pass ja. Shayad tujhse hi chup hoyegi.

Preeti- Haan JijaJi, mujhse toh chup nhi hui.

Naina- Main theek hoon Preeti.

Sameer gives his handkerchief to Naina.

Sameer- Aansoo ponch lo.

Naina- Nahi chahiye.

Preeti- Hum andar ja rhe hai, phir jaise chup karana hai aap kara sakte ho.

Both Pandit and Preeti pushes Sameer and Naina towards each other.

Pandit- Kya tu bhi rumaal dekar chup kara rha hai, koi jhappi dekar chup kara.

While Pandit and Preeti goes to another room, Sameer and Naina hugs each other without holding each other. She still cries, whereas he stopped himself from taking her in his arms.

Sameer(to himself)- Please chup ho jayo Naina. Tumhe pata hai main nhi dekh sakta tumhe aise in aansuon ke saath.

Naina(to herself)- Ek baar bhi nhi thama mujhe, ek baar bhi aansoo nhi ponche mere, ab kahan gaya tumhara woh Pyaar Sameer.

Sameer- Ab bas bhi karo yeh rona.

She parted from him and sobs.

Naina- Main koi janbhuj ke nhi ro rhi. Aansoo hai apne aap hi aa rhe hai.

Sameer- Haan toh roko apne in aansuon ko. Nhi toh..

Naina- Nhi toh..nhi toh kya karoge. Mujhse Rishta todne ke baare mein toh soch hi chuke ho, ab aur kya baki reh gaya hai.

Sameer- Abhi toh bahut kuch baki hai. Lekin yahan tamasha karne ki jarurat nhi hai.

Naina- I don't care.

Sameer- Care..care kya tum toh kuch nhi kar sakti. You know what Naina, tum na pyaar ke kaabil ho, aur na hi mere saath ke.

Naina- Jaise tum na rishto ke layak ho aur na mere vishwas ke.

Sameer- I Hate You.

Naina- Even I do now and more than you.

Both turned their faces and move to their own separated paths; with tears in eyes, pain in heart, and grief on face.

Pandit- In dono ko kya ho gaya.

Preeti- Ladaai..aur kya. Yeh sab tumhare dost ki galti hai.

Pandit- Haan saari galtiyaan hum ladko ki hi hoti hai. Tum ladkiyaan toh bhagwan ho. Tunhari dost ne toh kuch kiya hi nhi hoga.

Preeti- Mera dost ko kuch kaha na toh mujhse bura koi nhi hoga.

Pandit- Haan toh mere dost ko bhi kuch mat kahiyo.

Preeti- Ek kaam karna, aaj na tum yahin Haal mein so jayo ya phir apne dost ke pass hi chale jana. Kyuki mere kamre mein aane ki sochna bhi mat.

Pandit- Par maine kya kiya.
Ladaai toh unki ho rhi thi, aur kamra mera cheen liya.

Sameer's VO
Bechare Pandit aur Preeti bhi humari ladaai ki aag se bach nhi paye the. Kahan mujhe aur Naina ko bulaya tha ek saath humari ladaai suljhane ke liye aur kahan khud hi lad baithe the.
Aur humari ladaai..uska toh ek level aur badh gaya tha. Silent mode se Sound mode par jo aa gayi thi. Sound bhi aisi ki poora system hila dala tha. Ab Sagaai ke do din baad hi I Hate You sunne ko mile toh konse dil ka system shi rahega.
Un teen shabdo ke baad Humari ladaai ki dusre din ki mulaqaat aur buri jo ho gayi thi. Udaas woh bhi thi, Khamosh main bhi tha. Aankhein uski bhi num thi, Gala mera bhi bhar aaya tha. Kuch sawaal usko bhi puchne the aur kuch jawaab mujhko bhi chahiye the. Aur anth mein dono hi ek dusre se mooh pher kar chal diye.

Day-3, At Their Own House.
Munna- Ab kab tak yahan rehna ka irada hai tera.

Pandit- Aur nhi toh kya, ab toh Bhabhi se bhi lad baitha.

Sameer- Jao tum dono yahan se.
Main yahin rahuga.

Munna- Aise akele.

Sameer- Mujhe kisi ki jarurat nhi hai.

Pandit- Bhabhi ki bhi nhi.

Sameer- Nhi hai. Aur Bhabhi bolne ki jarurat nhi hai use.

Munna- Kyu ab Rishta nhi bacha.

Sameer- Nhi bacha.

Pandit- Pyaar bhi nhi bacha.

Munna- Bol ab, Pyaar bhi nhi bacha kya.

Pandit- Chod yaar, yeh nhi keh payega kabhi. Jitna marzi Naraaz ho le par Pyaar karna nhi chod sakta kabhi Naina se.

Sameer- Jao yahan se, akela chod do mujhe Please.

Munna- Sabko durr kar dega apne aap se toh jeeyega kaise. Baat kar le ek baar Naina Bhabhi se.

Sameer angrily glares him.

Pandit- Chal Chenu, abhi iska dimaag iske dil par haavi ho gaya hai. Kuch nhi samajh aayega ise.

Sameer cries a lot after they both leave.

Sameer(shouts)- Naina..
Kyu karta hoon tumse itna pyaar.
Kabhi tumhare saath ko tarsa, kabhi tumse baat karne ko tarsa, kabhi tumse ek mulaqaat ko tarsa, kabhi tumhe gale lagane ko tarsa. Aaj tumhare pyaar ke liye taras raha hoon, tumhe pyaar karne ke liye taras raha hoon. I don't know how to survive without you. Tumse alag hokar barkarar toh rahuga, par bekarar aur bejaan bhi toh rahuga. Ek baar aa jayo, phir kahin nhi jaane dunga.

Otherside
She has been looking at his photo for hours.

Naina(to herself)- Itna naraaz ho gaye ho mujhse, ki baat tak nhi karoge. Tumhari hasti hui is tasveer ko kya pata hoga Sameer ki ise dekhkar koi kitna rota hoga. Aa jao Please. Nhi aata ab tumhare bina jeena. Sameer..

She is writing her diary, not only with her words but also with her falling tears.

Bahut taqleef ho rhi hai Sameer, woh dard, woh taqleef bhi mehsoos kiya hai jab palke in aansuon se lad rhi hoti thi, jab rote-rote saansein ukhadne lagti thi, jab is duniyaa mein bewajah khud ko paati thi; lekin tumhari is naraazgi se aaj sab se zyada taqleef ho rhi hai mujhe, tumhari hi toh hoon main, naraaz na hua karo..kahan jayugi warna.
Kuch yaad nhi aata tumhe.
Meri koi baat, meri koi aadat, aankhon mein jhalakti mohabbat, kuch toh, kabhi toh, yaad tumhe bhi aata hoga na?
Mera tumse roothna, mera tumhe manana, kabhi palko par baithana, kabhi tumse hi sharmana, kuch toh, kabhi toh, yaad tumhe bhi aata hoga na?
Mera dil ka zoro se dhadakna, tumhari yaad mein woh tadapna, tumhare sang mera bacchon sa chehakna, kuch toh, kabhi toh, yaad tumhe bhi aata hoga na?

Naina's VO
Kitni ajeeb hai na yeh mohabbat ki zidd bhi, chup karwane ke liye bhi vhi chahiye hota hai jo rula ke gaya ho. Jaise mujhe chahiye tha Sameer. Aur use chahiye thi main. Yehi toh hote hai rishtey..kuch keh gaye, kuch seh gaye, kuch kehte kehte reh gaye. Main sahi tu galat ke khel mein na jane kitne rishtey beh gaye.
3 din se zyada ka waqt khatam ho gaya tha bas ladai khatam nhi ho payi thi. Koshishe bahut hui thi in kuch dinon mein par phir bhi humara Love-Hate War nhi khatam hua. Kabhi teekhi panipuri khakar main royi toh kabhi meethi panipuri khilakar usne mere aansoo rukwaye. Kabhi usne mere Paranthe liye toh kabhi maine uski Jhoothi Cold Drink pi li. Kabhi usne apna rumaal nikal ke mujhe diya, toh Kabhi main uske seene se lagke ro padi. Par phir bhi ladai nhi suljhi.
Ek poori Love Story khatam ho gayi thi, lekin humari Story mein phir se Love nhi aa paya tha. Us film ke saare gaane ga liye the humne bhi, lekin phir bhi humare sur bigde hi hue the. Ab woh gaane the bhi toh aise. Kabhi hasa gaye, toh kabhi rula gaye, aur kabhi toh toota hua khwab phir se dikha gaye the.
Ab dekhna toh yeh tha ki kon kise manayega. Kyuki naraazgi sirf lafzo mein thi, dil mein nhi. Kyuki hum dono ko hi na toh jhukne ka shauk tha, na jhukane ka, lekin haan nibhane ka shauk jarur tha. Zakham gehra jarur tha kyuki mohabbat bhi utni hi gehri thi. Tabhi toh jaane anjaane ladai gehri ho rhi thi, lekin us ladai ke baad ka pyaar..woh bhi toh utna hi gehra hone wala tha.
Waise kya lagta hai aapko kon kise manayega.

Yes they fight so much! May be because messed up knots are the most difficult to separate.

Barson ka thama khwaab tha,
Yuh pal mein hi bikhar gaya.
Rishta jo tha dil se judaa,
Jarjar Makaan sa deh gaya.
Din guzarta hai itminan se,
Par raatein hai puchti mujhe..
kya chuta, kya reh gaya.

।।तेरे लिए।।