Ishq ka asli mazaa, chupke chupke hi hai. Bechaini aur Bekarari ke saath hi hai.
Love ko Arrange banane ki Arrangement toh sareaam ho gayi thi par Ishq ki Arrangement toh Chupke Chupke hi hoti hai.

On Phone
Sameer- Tum taiyar nhi hui ab tak, jaldi karo na Naina. Maine tumhe raat ko hi bta diya tha ki aaj tumhe mere ghar aana hai.

Naina- Kya jarurat thi Sameer ek aur jhooth bolne ki, kal toh waise bhi Sagaai par milna hi hai na hume. Toh aaj jaruri tha kya milna.

Sameer- Haan jaruri tha. Aur mujhe dekhna tha ki tum kal sagaai mein kya pehenne wali ho.

Naina- Tumhe kab se itna interest aane lag gaya ladkiyon ki shopping mein.

Sameer- Ab tumse milne ke liye main yeh bhi bardasht kar sakta hoon.

Naina- Achaa. Aa rhi hoon, lekin durr durr rehke hi baatt karege hum dono. Thik hai.

Sameer(to himself)- Tum aao to pehle.

Naina- Thik hai Sameer.

Sameer- Haan theek hai, par jaldi aana.

Naina(to herself)- Pata nhi yeh Sameer bhi roz kitne Plan bnata hai. Roz naya jhooth yaad karna padta hai. Aur in jhooth se aasan toh meri books ke chapter hi hote hai.

In Sameer's House
Naina along with Bela come to Sameer's House for shopping of their Sagaai. Naina touches everyone's feet.

Vishakha- Jeeti raho. Andar aao. Ab toh yeh tumhara hi ghar hai.

Naina's VO
Sagaai, Shaadi, Rishta judne ki khushi mein main ek baat toh bhul hi gayi thi ki mera purana sab chutne wala hai. Mere ghar ka pata badalne wala tha. Us din ehsaas hua ki mai pehli baar jis ghar mein kadam rakh rhi hoon, woh hi mera asli ghar hai. Ek pal ke liye toh aankhein bhar aayi thi, par phir Sameer ko apne saamne khada paya. Jisse aankhon mein pani ki jagah phir se ek chamak aa gayi thi.

Sameer comes from his room and seeing Naina, a big smile appears on his face. He touches Bela's feet and passes by Naina murmuring something to her.

Sameer(slowly, to Naina)- Ab tumhare bhi per chune hai kya.

Swati- Bhabhi, pata hai main kab se aapka wait kar rhi thi.

Sameer(to himself)- Main bhi.

Naina- Kaisi ho Swati tum.

Swati- Main toh humesha ki tarah badhiya hoon.

Nani- Ab baithne bhi do use.

Prabha- Par main toh abhi tak mili hi nhi aapki laadli Naina se, Mummy Ji.

Nani- Haan toh us bacchi ko baithne toh de, phir mil liyo jitna milna hai.

Everyone settles down, meanwhile Shopkeeper shows some Sarees and Dresses to them.

Prabha- Arey Sameer tu yahan aurton mein kyu baitha hai. Ja apne kamre mein jakar aaram kar. Isse accha toh aaj tu Office hi chala jata.

Bela- Haan Damaad Ji, agar aapko kuch kaam hai toh aap chale jaiye.

Sameer- Nhi, aisa kuch kaam nhi hai. Main baithta hoon na yahan.

Prabha- Kya karega tu yahan baithke, tune thodi Saree pehanni hai.
Aur yeh toh maine dekh hi liya ki teri pasand zyada khaas nhi hai.

Sameer- Mami Ji, mujhe toh laga tha meri choice bhi bikul Mama Ji jaisi hai. Ekdum badhiya aur khaas.

Prabha- Acha mazaak kar leta hai tu bhi.
Ja ab apne kamre mein.

Naina also gestures him to go to the room, to which he reluctantly agrees.
After a while, Naina receives Sameer's message.

Sameer's Message- Main upar tumhara intezaar kar rha hoon, kuch bhi kehke aa jana.

Naina's Message- Main nhi aa payugi, Sameer..samjho na.

Sameer's Mesaage- Mujhe kuch nhi pata, tum aa rhi ho matlab aa rhi ho.

Prabha- Dekh rhi ho didi, kaise aapki bahu kabse apne Phone par hi lagi hui hai. Shaadi se pehle yeh haal hai, shaadi ke baad pata nhi kya rang dikhayegi.

Vishakha- Bhabhi hoga kuch kaam, dekhiye Swati bhi toh tab se Phone par hi baat kar rhi hai.

Prabha- Didi, Bahu aur beti mein kuch toh fark rakhiye.

Bela- Ji kuch baat hai kya.

Vishakha- Nhi nhi woh bas..

Prabha- Naina beta agar Phone dekhna ho gaya ho toh Saree ko bhi ek baar dekh lo.

Naina- Sorry Mami Ji.

Again her phone beeps, but she distracts everyone's attention by showing her chosen saree.

Naina- Mujhe yeh wali pasand hai.

Prabha- Itna halka rang. Kuch bhari chunna chahiye na, aakhir Maheshwari khandaan ki bahu banne wali ho tum.

Sameer's message comes to her phone again. But this time she secretly messages him.

Naina's Message- Sameer baar baar Message bhej kar tang mat karo mujhe.

Sameer(to himself)- Main tang kar rha hoon ise, ek toh ise yahan bulane ke liye itne taam-jham kiye. Upar se mujhe hi suna rhi hai. Abhi btata hoon ise.

Sameer puts songs on TV and increases its volume.

Aaja shaam hone aayi,
Mausam ne li angdaai.
Aaja shaam hone aayi,
Mausam ne li angdaai
To kis baat ki hai ladaai,
Tu chal main aayi.

Prabha- Didi yeh Sameer ke kamre se aawaz aa rhi hai na. Itna uncha gaana kon sunta hai, lagta hai aaj mere kaan ke parde faad ke rahega yeh.

Naina(to herself)- Mat karo na Sameer yeh sab, main kaise aayu ab tumse milne sabke saamne.

Sameer increases the volume again and plays another song.

Intaha ho gai,
Intezaar ki,
Aai na kuchh khabar,
Mere yaar ki,
Ye hamen hai yaqeen,
Bevafa vo nahin,
Phir vajah kya hui,
Intezaar ki..

Vishakha- Ja Swati jara Sameer ko bol ke aa TV ki aawaaz kum karne ko.

In Sameer's Room
Swati- Bhai kya kar rhe ho. Kyu itni zyada volume karke baithe ho.

Sameer- Jakar apni Bhabhi se puch.

Swati- Bhai aap phir lad baithe unse.

Sameer- Tu na zyada mat bola kar. Ja jake yeh Chit Naina ko de aa.

Swati- Umm..Love Letter. Kya baat hai.

Sameer(to himself)- Waise toh badi Topper banti phirti hai, aur jahan dimag chalana chahiye vhi nhi chalati.
Aane do, phir btayuga.

In Hall
Swati gives Sameer's chit to Naina.
S

he gasped after reading that.
" Agar 5 minute mein tum upar nhi aayi toh tumhari kasam main sabke saamne tumhe utha kar le jayuga aur uske baad sabko jawaab bhi tum hi dogi."

Bela- Kya hua tujhe.

Vishakha- Arey Naina, tumhe kuch chahiye kya.

Naina- Nhi..matlab haan. Yeh woh saree..try..jayu.

Prabha- Didi..aapki bahu haklati bhi hai kya.

Vishakha- Bhabhi kya bol rhi hai aap.

Bela- Naina..saaf saaf bol.

Naina- Woh..Paani milega Please.

After drinking about half a jug of water, she sighs in relief.

Prabha- Didi..ajeeb hai yeh ladki. Aise pani pee rhi hai jaise saalon se pyaasi ho.

Bela(to Naina)- Bas kar Naina, aur kitna paani peeyegi.

Naina- Woh main yeh keh rhi thi ki main yeh Sarees try karke dekh lu, uske baad finalise karti hoon. Toh main jayu try karne.

Vishakha- Haan haan kyu nhi, upar jakar kar lo tum.

She hurriedly get up with heap of Sarees with her, due to which her foot is also entangled in them.

Prabha- Sambhal kar jaana, pata lage kahin giri padi ho. Kal sagaai hai tumhari.

Naina- Ji Mamiji.

Prabha(to Vishakha)- Bhabhi aap pakka hai na is ladki ke liye.

Vishakha- Aap zyada hi soch rhi hai Bhabhi. Dheere dheere seekh jayegi.

She reaches upstairs looking for Sameer's room. That's when he pulls her by her arm.

Sameer- Acha hua tum 5 minute khatam hone se pehle hi aa gayi, nhi toh mujhe neeche aana padta.

Naina- Kya baccho wali harkatein hai yeh Sameer. Pata hai neeche sab mere baare mein kya soch rhe honge. Itna bura impression toh kabhi School mein Teachers ke samne bhi nhi pada hoga mera.

Sameer- Abhi bhi tumhe sabki padi hai. Aur main kab se tumhara intezaar kar rha hoon uska kuch nhi.
Intezaar chodo itni mushkil se jo sabko pataya ghar par shopping karne ke liye uski bhi qadar nhi hai na tumhe.
Jao vhi jakar sabke saath baitho.

Naina- Pakka jayu neeche.

Sameer- Hadd hai.

He looks at her angrily. But she stops him by holding his hand.

Naina- Naraaz ho gaye.

Sameer- Puch toh aise rhi ho jaise tumhe koi fark padta hai. Ruthne ka haq toh sirf tumhare pass hai aur manane ka kaam mera hai.

Naina- Acha baba Sorry na. Itna kya gussa karna.
Abhi bhi nhi mane kya.

She also follows the same idea and plays a song for him.

I Am Very Very Sorry,
Tera Naam Bhul Gayi
Tujhse Tha Kuch Kam,
Wo Kam Bhul Gayi
I Am Very Very Sorry,
Tera Naam Bhul Gayi
Aaj Milan Ka Wada Tha,
Sangam Ka Irada Tha
Aaj Milan Ka Wada Tha,
Sangam Ka Irada Tha
Itana Jaruri Kam Kaise Bhul Gayi,
I Am Sorry
I Am Very Very Sorry...

Sameer- Dekha aaj Ms. Topper ne bhi mere idea ki cheating kar hi li.

She playfully hits on his chest, and finds something in his pocket.

Naina- Yeh kya hai tumhari jeb mein.

Sameer- Tumhari Ring.

Naina- Dikhao na.

Sameer- Kal.

Naina- Dikhao na Sameer..mujhe dekhni hai.

Sameer- Kyu..tumhe bhi meri pasand par doubt ho rha hai.

Naina- Par jo marzi kaho meri pasand better hai.

Sameer- Hogi tumhari Better..par meri Best hai. Aur iska jeeta jagta saboot toh mere saamne hi khadi hai.

She blushes amd he holds her in his embrace.

Naina- Yeh tumhara kamra hai na.

Sameer- Umm..nhi. Humara. Acha hai na meri tarah aur dekho Books se bhara bhi nhi hua hai.

Naina- Meri books ko kuch mat kehna.

Naina is watching the room and everything in it carefully.

Sameer- Ab itna kya dekh rhi ho is kamre ko.

Naina- Sab badal jayega na kuch mahino mein.
Tumhare liye, mere liye, yahan tak is kamre ke liye bhi.

Sameer- Haan ab is kamre ki har subah aur har raat mein khushiyaan bhari hogi.
Ab kisi ko yahan is takiye ko Naina samjhke nhi sona padega, kyuki tum hogi yahan. Ab kisi ko tumhari photo ko yahan baithke chupke se nhi dekhna hoga, kyuki tum hogi yahan. Ab kisi ko is kamre ke sannate ko nhi sunna padega, kyuki tum hogi yahan. Ab ek bekarar dil aur khali kamre ko uski dhadkan mil jayegi, kyuki tum hogi yahan.

Naina- Bas pyaar wali baatein banwa lo tumse.

Sameer- Tum na bas thoda sa pyaar kar lena, zyada main kar liya karuga.

Naina- Pehle shaadi toh ho jaane do.

Sameer- Humari mohabbat sacchi hai, aur ek din humari shaadi pakki hai.

Naina- Kitni filmy line thi. Chalo ab tum jao yahan se mujhe Saree try karni hai.

Sameer- Toh kar lo maine konsa tumhe pakad ke rakha hai.
Waise tum yeh Saree pehnogi, toh ekdum Aunty lagogi aur mujhe bhi Uncle bana dogi phir.

Naina- Achi toh hai Sameer.

Sameer- Tum na rehne hi do, main tumhare liye choose karuga.

Naina- Tumhe Saree ke baare mein kuch pata bhi hai.

Sameer- Saree pehanne wali ke baare mein toh sab pata hai na.

After a lot of debates and disserations, he finally chooses for her.

Naina- Yeh wali pakka hai na. Ab phir se change mat karna.

Sameer- Pehle pakar toh dikhao.

Naina- Par tum phir se koi shararat nhi karoge. Tum na thodi durr jakar khade ho jayo.

Sameer(slowly)- Masterni kahin ki.

Naina- Maine suna.

She is engaged in draping her saree while he is occupied with her thoughts only.

Naina- Sameer..
Sameer..kahan khoye hue ho.
Safety pin hoga kya.

Sameer- Haan..woh side mein cupboard hai na wahan hoga.

He lets it out but then he realizes something.

Sameer- Naina..tum ruko main deta hoon.

Naina- Arey main le leti hoon na.

Sameer- Nahi. Tum yahin ruko.

He brings safety pin for her. She raises her eyebrows asking about the matter.

Sameer- Kya?

Naina- Kya chupa rhe ho.

Sameer- Kuch nhi. Tum bhi na Naina...

She goes to the cupboard and opens it after which she is surprised to see.

Sameer- Ab hasna mat inhe dekhkar.

Naina- Yeh itni saari photos..yeh saari cheezein Sameer.

Sameer- Ab tum nhi thi toh tumhari Photos se hi kaam chalana padta tha. Mera bas chalta toh poore kamre mein laga deta, lekin is Cupboard mein chupake hi rakhna pada. Aur rhi baat in cheezon ki toh yeh toh sabse khoobsurat nishaniyaan hai humare pyaar ki.

Naina- Mujhe dekhni hai..abhi.

Sameer- Abhi..neeche nhi jaana.

Naina- Is waqt sabse keemati khazana mere saamne hai toh main neeche kyu jayugi.

Sameer- Chalo..
Yeh Notes..yaad hai tumne diye the mujhe bana kar.

Naina- Pehli baar kisi ke ke liye bnaye the.

Sameer- Par maine inhe kabhi padha hi nhi, bas inhe dekhta hi rehta tha.

Naina- Tabhi main sochu, har Paper mein tumhe Cheating karne ki jarurat kyu padhti thi.
Acha..yeh kya hai.. Chocolate.

Sameer- Tumne mujhe apne birthday par diya tha. Sabko ek hi diya tha toh mujhe do kyu.

Naina- Tum zyada special the na.
Par tumne ise ab tak sambhal kar rakha hai..ab toh iski Expiry date ko bhi expire hue saalon ho gaye honge.

Sameer- Haan toh..yaadein toh expire nhi hui na.
Acha yeh dekho yeh Rose..Valentines Day, yaad aaya.

Naina- Mujhe hi pata hai kaise chupte chupate ise toda tha maine School Garden se aur tumhare bag mein rakha tha.
Lekin tumhe pata chal gaya tha ki yeh maine diya hai.

Sameer- Shak toh ho gaya tha us waqt lekin tum aise kisi ladke ko Rose dogi is baat par shak tha. Lekin phir bhi ise phenkne ka kabhi dil nhi kiya.
Yeh T-Shirt yaad hai.

Naina- Ise kaise bhul sakti hoon, pehli baar tumhe Handsome jo bola tha ise pehna hua dekh.

Sameer- Waise yeh baat toh tum bhi manti ho na ki main bachpan se hi Handsome tha.

Naina- Apni tareef baad mein abhi aage badho. Yeh Script..us Play ki hai na jo tumne likha tha.

Sameer- Haan specially tumhare liye. Aur tumne dusra role choose karke poore play ki band baja di thi.

Naina- Par isi play ki wajah se maine tumhe pehli baar I Love You bola tha. Acting karte karte sach mooh se nikal gaya tha.

Sameer- Aur us ek pal mein main kitna khush ho gaya tha, yeh main hi janta hoon.
Acha yeh dekho yeh School Magazine.
Tumhare chakkar mein pehli baar kuch likha tha.

Naina- Yeh toh mere pass bhi hai aur isme chapi tumhari Photo bhi. Pata hai tumhari us Photo ko main roz dekhti thi.

Sameer- Ab bhi dekhti ho.

Naina- Nhi, woh kya hai na ab Photo wala woh baccha har pal mere saath hi hota hai.

Sameer- Yeh Kurta sabse special hai mere liye aur is par tumhare haathon ke nishan. Yaad hai Holi ka din aur rango se bhare tumhare haath.

Naina- Woh din bhi bahut special tha Sameer..pata nhi tumhe ehsaas hua tha ya nhi ki..

Sameer- Maine galti se tumhari maang mein rang bhar diya tha.

Naina- Pata hai poori raat us rang ko chukar tumhe mehsoos kar pa rhi thi.
Lekin uske baad sab badal gaya tha. Main durr ho gayi thi tumse.

Sameer- Lekin phir saalon baad mil bhi toh gayi mujhe.
Acha yeh dekho..yeh humari Juhu Beach wali Titanic pose wali photo.

Naina- Agar main kabhi Mumbai us Seminar ke liye nhi aati toh hum kabhi nhi mil pate.

Sameer- Agar humari qismat mein likha tha milna toh use koi nhi rok sakta tha Naina. Yeh Agar aur magar toh har kahani ke hisse hote hai. Inke baare mein itna sochna nhi chahiye.

Naina- Itni badi badi baatein mat kiya karo Sameer Baba. Tum par zyada suit nhi karti.

Sameer- Agli chiz dekho phir.
Yeh payal..

Naina- Yeh toh meri hai..pata hai maine ise kitna dhunda tha par kahin mili hi nhi. Tumhe mil gayi thi toh mujhe lautani chahiye thi na.

Sameer- Socha tha par phir mann hi nhi kiya. Ganga Ghat par gir gayi thi tumse, shayad mere liye hi. Aur waise bhi iski khanak mujhe tumhari baaton ki kumi mehsoos nhi hone deti, isiliye tumhe kabhi vapis nhi di.

Naina- Yeh..yeh kya likha hai.

Sameer-  Mat padho, tum hasogi ise padhke. Ab mujhe tumhari tarah apni feelings ko likhna nhi aata.

Naina- Par main phir bhi padhugi.

Aaj thoda sa Pyaar jata du kya,
Tum meri ho sabko bata du kya.
Teri kalaai pakad lu main,
Meri Jaan gawaa du kya.
Mera kamra bahut udaas hai,
Izaazat ho toh teri ek tasveer laga du kya.
Tumhara sunapan kha rha hai,
Kaho toh tumhe apni baahon ka haar pehna du kya.
Tujhe likhne mein din chala gaya,
Sochne mein raat bita du kya.
Yeh zindagi ka safar bahut lamba hai,
Kaho toh tumko humsafar bana du kya.

She comes forward and hugs him.

Sameer- Naina..kabhi kabhi sochta tha main ki koi sirf mera ho, sirf mera. Jo sirf mere saath ho, jo sirf mujhe chahe, jo sirf aur sirf bas mera ho jaye. Aur dekho aaj woh sirf mera, mere pass hai.

Naina- I Love You Sameer. Aur haan mera Sameer mujhse zyada acha likhta hai.

Sameer- Kamaal hai itna pyaar.

Naina- Tumne hi toh kaha tha ki main thoda sa pyaar kar lu tum zyada kar loge.

He parted from her and inclined towards her.

Naina- Sameer..

Sameer- Hmm..

Naina- Kya kar rhe ho yeh tum..

Sameer- Vhi mera zyada wala Pyaar.

Naina- Tum..

He tooks her Saree end, covers her head with it and makes her stand in front of the mirror.

Sameer- Ab lag rhi hai meri Dulhan Perfect.

Naina- Abhi bhi nhi.

She holds his hands and makes them encircled on her waist.

Naina- Ab sab Perfect hai. Dulhan bhi aur Dulha bhi.

He also backhugs her tightly in his arms. Only then the door knocls and they quickly separate from each other.

Prabha- Naina..tu andar hai kya. Kitni der aur lagayegi.

Naina- Ji Mamiji. Abhi aayi.

Sameer- Inhe humse Problem kya hai..Na mujhe tumhare paas neeche rehne deti hai aur na tumhe mere pass upar.

She covers his mouth with her hand.

Naina- Thodi der chup raho na tum.

Sameer- Itne kareeb mat aaya karo Naina, tumhari nazron mein ulajh kar main khud ko bhul jaata hoon.

Naina- Tum na apni yeh shayri baad mein sunana.

Prabha- Arey Darwaja toh khol.
Pata nhi kya kar rhi hai itni der se.

Naina- Tum kahin chup jao.

Sameer- Naina yeh mera kamra hai na, aur main khud ke kamre mein hi chupu.

Naina- Humara kamra.

Sameer- Haan haan humara kamra. Par main kyu chupu.

Naina- Agar unhone hume aise bandh kamre mein dekh liya na toh pata nhi kya kya sochegi.

Sameer- Toh sochne do, shaadi hone wali hai humari.

Naina- Par hui toh nhi na abhi. Aur agar yahin khade rahe toh kal ki sagaai bhi nhi hogi.

Sameer- Kahan chupu phir.

Naina- Bathroom mein chup jayo.

Sameer- Shak ho jayega unhe.

Naina- Phir ek kaam karo is Cupboard mein chup jayo.

Sameer- Tum pagal..

Naina- Ab chup bhi jayo, meri photos bhi hai na tumhe Company bhi mil jayegi. Jayo ab.

Sameer- Ja rha hoon, dhakke mat maaro ab.
(To himself)- Pehle din hi kamre mein aate tujhe Almaari mein bandh kar diya bete, aage jake pata nhi kahan pahunchayegi.

Naina opens the door after Sameer hides in the Cupboard, Mamiji looks everywhere suspiciously as soon as she comes in.

Prabha- Tumhe Sameer ka kamra hi mila, Saree try karne ke liye.

Naina- Woh Mami ji yeh room khula tha na toh bas isiliye.

Prabha- Acha Sameer kahan hai.

Naina- Sameer..woh..woh toh yahan nhi hai. Pata nhi kahan hai.

Prabha- Lekin kuch aawazein toh aa rhi thi.

Naina- Aawaaz..woh..shayad TV ki aa rhi thi. Chal rha tha na. Shayad Sameer bandh nhi karke gaya hoga.

Prabha- Yeh Sameer Sameer kya laga rakha hai. Sameer Ji bola kar, tera hone wala Pati hai.

Naina- Ji.

Prabha- Ji kya ache se bol.

Naina- Sameer Ji.
(To herself)- Mujhe phasakar khud aaram se baitha hoga yeh Sameer Ji ka baccha.

Prabha- Chal neeche chal, sab raah dekh rhe honge. Aur Saree pasand kar li.

Naina- Haan Mami Ji yeh wali ki hai.

Prabha- Haan yeh achi lagegi Maheshwari's ki bahu par. Waise pasand toh shi hi hai teri.

Naina coughs loudly as she leaves the room, so that he can understand that he can come out now.

Sameer's VO
Hum log bhi kitne ajeeb hai, nishaniyaan mehfooz rakhte hai hai aur logon ko kho dete hai. Tabhi toh Naina ne apne jazbaat apni Diary mein Sambhal ke rakhe the aur maine un Nishaniyon mein. Lekin hum khushkismat the ki humari nishaniyaan bhi mehfooz thi aur hum dono ka saath bhi.
Thodi si hairani jarur hoti hai sochke ki Naina ka us ghar mein, us kamre mein pehla din tha, lekin us pehle din mein hi usne pichle saare saalon ki jhalak dikha di thi. Woh cheezein jinhe main akela dekh kar kabhi roya karta tha toh kabhi hasta tha, us din Naina ke saath dekh kar, unhe pehli baar sukoon se jee bhi paya tha.

In Evening at Ganga Ghat
Naina- Ab bolo..konsa jaruri kaam tha, jo phir se milne ke liye bula liya.

Sameer- Tumhe dekhna tha, phir se.

Naina- Yeh tumhara jaruri kaam tha.

He innocently nods his head.

Naina- Sameer ab hume aise nhi milna chahiye, shaadi tak.

Sameer- Pagal ho gayi ho kya. Tum kya chahti ho main che mahine so na payu.

Naina- Acha..itne saal bhi toh mujhse bina mile so pate the na.

Sameer- Naina..tab din-raat ka kuch paata hi nhi hota tha. Tab meri raatein akelepan ki chhekhon ke saath shor karti thi aur din bheed ki chuppi mein shaant hua karte the.

She keeps her hand on his and hears his untold things too.
She places her head on his shoulder and he rested his head on hers.

Naina- Kyu saha humne itna kuch Sameer. Sirf ek baar kehna hi toh tha hume ki hum pyaar karte hai ek dusre se. Na kehke pata nhi kiske dil ko tootne se bacha rhe the. Kahin baar sochti hoon ki woh bachpan hi sahi tha, tab sirf daant toota karte the, dil nhi. Pata nhi kyu itna intezaar kiya humne ek dusre se kehne ke liye.

Sameer- Lekin tum hi kehti ho na ki intezaar ka phal meetha hota hai. Dekho na 15 saal intezaar karne ke baad kitna meetha phal mil rha hai tumhe. Itna handsome, itna charming aur tumse behadh pyaar karne wala ladka.

Naina- Kahan hai Sameer aisa ladka..please mujhe bhi milwa do usse. Acha hoga na agar kal sagai se pehle hi mujhe woh ladka mil jaye toh..

Sameer- Toh..toh kya mujhse sagai nhi karogi. Agar tumhe mujhse acha ladka mil jata toh tum mujhe chod deti.

Naina- Obviously..yeh bhi koi puchne ki baat hai. Har ladki aisa hi karegi.

Sameer- Tum..tum aisa..

Naina- Par kya hai na ek buddhu sa ladka hai use jab pehli baar hasta hua dekha tha na tab hi se bas usi ko pakka kar diya tha. Because I knew I wanted to see that smile for the rest of my life.

He points to his smile and she nods yes.

Sameer- Jab aisi baatein kar sakti ho toh woh boring baatein kyu karti ho.

Naina- Main boring hoon.

Sameer- Haan..tabhi toh aise milne se mana kar rhi thi.

Naina- Haan kyuki darti hoon ki humare lakh chupane ki koshish ke bawjud bhi agar kisi ko pata chal gaya toh..

Sameer- Tumhe bas woh darr dikh rha hai, kabhi socha hai aise chupke chupke milne se mazaa kitna aata hai. Kitna Adventurous hojata hai sab.

Naina- Aur yahan kisi ne aise hume pakad liya toh..usme kitna mazaa aayega, kitna adventure hoga woh socha hai tumne.

Sameer- Toh wahan chalte hai jahan koi hume pakad nhi payega. Jahan koi nhi hoga humare alawa.

He gets up and moves his hand towards her.

Sameer- Kya hua mere saath akele jaane mein darti ho, bharosa nhi hai kya.

She grabs his hand tighlty.

Naina- Chalo, Oveeacting ki dukaan.

Sameer stops Naina after walking some distance.

Sameer- Aa gayi humari jagah jahan hume koi pakad nhi payega.
Kya..ab dekh kyu rhi ho aise.

Naina- Yeh toh vhi Ganga Ghat hai, vhi Ganga Ji hai.

Sameer- Naina..lagta hai tumahre chashme ka number badh gaya hai. Sab dikh rha hai yahan par tumhe, par yeh boat nhi dikhi tumhe.

Naina- Acha toh Boating karwayoge tum aaj mujhe. Tumhe pata hai mujhe boating karna kitna pasand hai. Isme toh sach mein mazaa aayega.

Sameer- Do minute ruko, main abhi aaya.

Naina- Ab kahan ja rhe ho.

Sameer- Tumhare liye thode aur mazaa lane.
Kulfi lene ja rha hoon..tumhe pasand hai na.

Naina- Bahut..lekin is baar main tumhare saath share nhi karne wali. Isliye apne liye bhi lekar aana.

Sameer- Aur kuch.

Naina- Jaldi aana, nhi toh meri kulfi pighal jayegi.

Sameer- Aur kuch.

Naina- Nahi..bas.

Sameer(to herself)- Kamaal hai, aaj bina toke aur koi farmaish hi nhi ki.

Naina- Sameer.

He grinned and shakes his head for his wrong assumption.

Naina- Woh..ab sir kyu hila rhe ho. Abhi toh maine kuch kaha bhi nhi.

Sameer- Bolo aur kya lana hai.

Naina- Woh kulfi ka mazaa Falooda ke saath zyaada aata hai toh..

After a while Sameer arrives and both sit on the boat with another good combination of 'Kulfi-Falooda' present over there.

Naina- Tumhari kulfi kahan hai. Tum phir nhi laye na apne liye. Kitne kanjoos ho tum Sameer.

Sameer- Ohh..main koi kanjoos nhi hoon.  Woh toh..

Naina- Ab yeh mat kehna ki pyaar badhana hai aur. Kyuki main nhi dene wali apni kulfi.

Sameer- Theek hai. Tum kha lo.

Naina gets lost in eating her Kulfi and Sameer gets lost to see her.
He holds her hair back because it was very windy and she was trying to eat.

Sameer(to himself)-
Naina..itna pyaar ho gaya hai
mujhe tumse ki ek pal bhi ab akele jeene ka dil nhi karta.

Naina- Tumhara thoda sa bhi mann nhi kar rha khane ka.

He shakes his head.

Naina- Toh meri kulfi ko kyu dekh rhe ho kabse.

Sameer- Main kulfi ko nhi, kulfi khane wali ko dekh rha tha.

He holds her hand and eats a bite of kulfi from her hand.

Sameer- Woh mujhe laga thoda sa pyaar kum pad rha tha.

He leans slightly towards her and gently wipes the kulfi on her lips with his thumb. Because of which she turns her eyes down and starts blushing a lot.

Sameer- Naina..tumhari kulfi pighal rhi hai.

Naina- Han?

Sameer- Kulfi..

Naina- Pighal gayi..khud khani hoti nhi aur mujhe bhi nhi khane dete.

Sameer- Lekin falooda bacha hai abhi.

Naina- Tum hi khao woh.

Sameer- Ab isme meri kya galti ki tumhari kulfi pighal gayi, tum hi pata nhi kahan kho gayi thi.
Abhi toh maine kuch kiya hi nhi, jab karuga tab kya haal..

Naina- Main jaa rhi hoon.

Sameer- Kaise jayogi yahan boat se..tairke. Lekin tumhe toh swimming aati hi nhi. Haan, lekin tumhe kiss karna toh aata hai, Right.

Naina- Tumhari gaadi humesha kiss par aakar kyu ruk jaati hai.

Sameer- Kyuki tumne toh apni First Kiss le li, lekin meri toh baki hai na.

Naina- Yeh sab na shaadi ke baad.

Sameer- Kiss toh main lekar hi rahuga woh bhi shaadi se pehle. Infact kal hi, humaari aadhi shaadi toh kal ho hi rhi hai.

Naina- Tum aisa kuch nhi karoge Sameer.

Sameer- Main aisa karuga Naina. Aur woh bhi kal humari Sagai par, sabke saamne.

Naina- Tumhara dimag na sach mein kharab ho gaya hai. Agar tumne aisa kuch kiya na..

Sameer- Ek minute tum mujhe challenge kar rhi ho. Phir toh tum taiyar rehna apni Second aur meri First Kiss ke liye To be Mrs. Maheshwari.

Naina- Sameer..tum na..

Sameer- Naina ghat aa gaya. Chalo main chalta hoon. Kal ki taiyari bhi toh karni hai sagaai aur Kkk..kahin saari cheezon ki.
Ab yahin mooh khol kar aise hi khadi rahogi toh..toh kal wala kaam aaj hi karna padega.

She immediately closes her mouth ans runs away from there.

Ssmeer(to himself)- Poora din mujhe darati rehti hai aur ab Ek Kiss ke naam se khud aise darr ke bhaag gayi.
Pagal hai poori, meri hi tarah.

Sameer's VO
Kehte hai zindagi waqt mein nhi, chote chote palo mein jee jaati hai. Main aur Naina bhi bas woh pal jee rhe the ya yuh kahiye un saalon ke adhurepan ko poora kar rhe the jo humne ek dusre ke bina jeeye hai. Waqt ka khaas hona jaruri nhi hai, sirf khaas ke liye waqt hona jaruri hai. Mera khaas waqt, mere khaas ke saath. Us din Naina ko Kulfi khaate dekh, uski Chatar patar wali baatein sunkar, uski baccho wali hasi dekhkar, usko apne itne kareeb pakar usse aur ishq ho rha tha mujhe. Uske saath aisa lag rha tha ki aane wala har din pichle din se zyada haseen hone wala hai.
Jaanta hoon, umar nhi thi woh ishq karne ki jisme humne ishq farmana shuru kiya tha. Lekin 9 saal ke ladke aur 8 saal ki ladki ko tab kahan kuch pata tha, isliye toh shayad tab kacchi umar mein kiya gaya ishq hum pakki umar mein nibha rhe the.

Naina's VO
Us din chaar akshar ke ek shabd ne meri har dhadkan ko zoro se dhadka diya tha. Sameer ka woh Kiss wala challenge aisa tha, jise sunkar main usse durr bhagna bhi chahti thi aur use jeetana bhi chahti thi. Main use Haan bhi nhi keh pa rhi thi aur use rok bhi nhi pa rhi thi.
Lekin us lamhe ko jeena chahti thi, sirf woh lamha hi nhi Sameer ke saath bitaya har lamha. Woh Ganga ghat humare unhi kuch lamho ka gawaah hai. Jinme pyaar tha, sukoon tha. Kuch poore hote hue khwaab the, toh kuch adhuri khwaishe bhi thi. Kuch unkahi chahtein thi, aur kuch btayi gayi hasratein. Woh Ganga Ghat par kabhi Jalebi Rabdi wala Proposal hua tha toh kabhi Kulfi Falodaa wala Chupke Chupke wala Ishq. Woh sirf ek jagah nhi thi hum dono ke liye, humare rishte ko jodne wala bandhan tha.

Ganga aur Ghat jaisa bandhan tha humara,
Main chuu lu toh,
Tumhko payu..
Tum chu lo toh,
Main tujh mein samaa jayu..

Ek perfect relationship bnani ki recipe kitni aasan hai na,
No Ego, No Secrets, Little Jealousy, Few Fights, Healthy Possessiveness, Excessive Attachment, Infinite Love and Endless Trust.
Aur ho gayi is jahaan ki best Dish taiyar.

"Lets frame every moment
and turn them into
A beautiful love story."

।।तेरे लिए।।