Na jaane kitne beej boye,
Kuch mitti mein
dabkar hi sookh gaye.
Kuch ankur bankar phoote bhi,
Par dekhkar dhoop rooth gaye.

Jo ziddi the woh datte rahe,
Ek umeed ki tarah badhte gaye.
Ek beej se patti bane,
Patti se phir paudhe saje.
Ek tezz hawaa ka jhonka aaya,
Kuch nazuk paudhe toot gaye.

Aayi phir jab basant reetu,
In phoolon mein
kuch paudhe lage.
Par woh phool nikle kamzor,
Khilne se pehle hi murjha gaye.

Pal bhar mein duniyaa mein kitna kuch ho jata hai na. Humesha behti nadiyaan, jharne, baarish, upar udte aawara badaal, saamne uthti dhund, kahin naya aagaaz, kahin purana anjaam. Sab apni raftaar se chalta rehta hai. Shayad zindagi ka mazaa yuhi chalte rehne mein hai. Kyuki zindagi kabhi rukti nhi, bas chalti rehti hai. Sameer Naina ki zindagi ki tarah, par kya woh vakai chal rhi thi?

In morning, Sameer was sitting in the garden of the house with his eyes closed, Naina comes and sat besides him. While looking and then caressing his wrinkled face, a drop of tear falls from Sameer's eye. But before it could vanished completely, she places her lips on it and sucks the drop. On opening his eyes, he held her hand tightly in his grip.

Naina- Main kahin nhi ja rhi, jo itna kaske haath pakda hai. Ab kya bas aise hi dekhte rahoge, kuch kahoge nhi.

Sameer- Peeche baj toh raha hai tumhara Radio..sab kuch toh keh rha hai.

He rotates the volume knob of radio to its right and increases the volume.

Yuh to akela hi aksar..gir ke sambhal sakta hu main,
Tum jo pakad lo haath mera.. duniya badal sakta hu main,
Maanga hai tumhe
duniyaa ke liye,
Ab khud hi sanam
faisala kijiye.
O mere..dil ke chain
Chain aaye mere dil ko
duaa kijiye.

He picks up the newspaper but gets blank on recalling that miserable day.

Naina- Kya hua Sameer.

Seeing the advertisement scene of an old man with his child sitting on the shoulders, she understood.

Naina- Father's Day.

Sameer- Aaj hi ka din tha na Naina..dekho ek saal ho gaya. Kaise guzara humne yeh waqt ya phir yeh kahe ki kaata.

Flashback starts.
Sameer- Naina main kya keh rha tha, Samose toh bana hi rhi ho..saath mein Imli ki chatni bhi honi chahiye na.

Naina- Imli ki chatni.
Lo pakdo kadchi, tum samose fry karo, main chatni banati hoon.

Sameer- Meri?

Naina- Imli ki..mere Buddhu.

Sameer- Aaj badi jaldi maan gayi.

Naina- Aaj tumhara special day jo hai. Aur phir chatni ke bina samose ache nhi lagte.
Waise tum ache Retire hue ho Office se, mera kaam badh gaya hai. Roz nayi nayi farmaiyshe. Kabhi yeh, kabhi woh.

Sameer- Ab Retire toh hona hi tha na, humare bacche jo bade ho gaye, shaadi ho gayi hai ab unki. Ab se sab zimmedariyaan unki. Aur phir bahut kar liya maine vyapaar, ab se karuga sirf pyaar hi pyaar. Wah..kya rhyming hai.

Naina- Tumhare pyaar ke liye mera hai saaf inkaar, koshish bhi kari toh padegi maar.

Sameer- Kya Naina..saara mood hi kharab kar deti ho.

Naina- Lo samosa chakho, mood phir se sahi ho jayega.
Aur bacche jab Office se aaye toh thode se surprised reactions de dena. Pichli baar ki tarah unke father's day ke surprise par paani mat pher dena. Ek kaam karna aise dikhana ki tumhe pata hi nhi hai ki aaj Father's Day hai..aur acting achi karna warna tumhari beti pakad legi.

Sameer- Acha mere baccho ki Maa. Waise itna khayal unka rehta hai, thoda sa mera bhi rakh liya karo.

Naina- Offo..chatni banayi toh hai, aur kya karu.

Later, they heard some loud noises of quarrel, coming from the hall.

Sameer- Yeh toh Prem aur Maina ki aawaz hai na. Ab kis baat par ladd rhe hai yeh dono.

Naina- Shaadi ho gayi hai in dono ki lekin abhi bhi baccho ki tarah ladte hai. Jarur tumhare liye surprise par hi debate kar rhe honge. Chalo dekhte hai.

Otherside
Maina- Aap apni baat par hi add gaye hai, samajh kyu nhi rhe hai.

Prem- Samajhne ki jarurat tujhe hai, aur phir yehi mera final decision hai.

Maina- Aap jante the ki yeh Project main handle karne wali thi, tabhi iske liye mana kar rhe hai.

Prem- Tujhe jo sochna hai, tu soch. Tujhe jo karna hai, tu kar.

Maina- Pata nhi Papa ne bhi aapko kya sochke company ka head banaya hai. Aise manmaani karke Business nhi hua karte.

Prem- Tu seekhayegi ab mujhe.

Maina- Jab incapabale logon ko aisi position mil jaati hai, toh seekhana padta hi hai.

Naina- Maina, Prem..tum dono abhi gusse mein ho, isiliye bina soche samjhe kuch bhi bol rhe ho.

Maina- Aap toh humesha se inhi ki side leti aa rhi hai. Isiliye aap toh beech mein mat hi padiye. Aapko toh inka galat bhi sahi lagega. Aapke kehne par hi Papa ne jarur inhe Company Head banaya hoga.

Sameer- Woh mera faisla tha..Princess. Prem bada hai, uske pass zyada experience hai.
Aur phir jo bhi problem hai, hum baith ke sab sort out karege na. Mujhe batao Prem..hua kya hai.

Prem- Agar aapko hi sab kuch sort out karna hai toh mujhe yeh position kya sirf naam ke liye di hai.

Naina- Yeh kaise baat kar rha hai Prem tu apne Papa se.

Sameer- Aur Prem..aisa kuch nhi hai. Decision toh tum hi loge. Main toh sirf help..

Prem- Help..mat kijiye..Please. Aur aisa hi toh chal rha hai, warna aap har decision ke liye Maina ko authorizer nhi banate. Kitne dino se bardasht kar rha hoon. Arey shaadi ho chuki hai uski, toh apni family par concentrate kare..yahan kya hai uska.

Naina- Yeh bhi usi ki family hai. Aur Prem yeh sab humne isilye kiya tak tum dono mutually sab kuch decide karo. Dono milkar faisle lo.

Prem- Sach toh yeh hai Mumma ki aap logon ko trust hi nhi tha mujh par, afterall aap dono ka khoon jo nhi thehra.

Naina- Kya bol rha hai tu yeh.

Prem- Sach..jo ki kadwa hai.

Maina- Aur jis sach ko hum sab jante hue bhi nakarte aa rhe hai. Agli baar mujhe apni family ka aaina dikhane se pehle aap isi sach ko yaad kar lena.

Sameer- Tum dono choti si baat ka batangad kyu bana rhe ho. Office ki baat hai na, ghar tak kyu ghaseet rahe ho.

Maina- Shuruat toh aapne hi ki thi na Papa.
Galat kya keh rhe hai yeh, aapki asli vaaris toh main hi hoon na. Aapka khoon, aapki beti. Inka kya pata kiska khoon hai, aur kiska..

Sameer- Stop it..Maina. Bahut bol li ho tum. Now just stop it.

Prem- Bolne dijiye ise, jo aap sab ke mann mein hai bas vhi toh iski zubaan par hai. Bachpan se lekar aaj tak aapne ise zyada pyaar kiya hai, kyuki yeh aapka apna khoon tha aur main nhi. Aaj haq ki baat aayi toh aapne sirf naam ke liye mujhe ek bada auda de diya, jabki saare haq ise. Ek baar sochkar dekhiye ki kya aap vakai mere liye bhi wohi pita ban paye hai, jo aap Maine ke bane hai. Aap logon ko sirf society mein dikhana tha, acha banna tha..ki aapne ek anaath bacche ko adopt kara hai, us par apna sab kuch luta diya hai. Jabki sacchai toh yeh hai..sabke saamne hai. Sochke dekhiyega, ehsaas ho jayega ki aap kitne bure baap hai.

Naina- Bas..

In anger, Naina raises her hand to slap Prem, but stops in mid as remembers her own words, "Aaj ke baad kabhi nhi maarugi use, chahe kuch ho jaye. Samjhayugi, daantugi par haath nhi uthayugi kabhi bhi apne bacche par. Dekhna ek acchi Mumma banugi uski main."

Prem- Maariye na, ruk kyu gayi.
Sacchayi se saamna ho gaya isiliye. Aur sachayi yehi hai ki aap chahkar bhi mere asli Maa-Baap kabhi nhi ban sakte.

Naina- Sameer..suna tumne yeh kya keh rha hai, samjhayo na ise..

Maina- Kya chahti hai aap. Yeh sab kuch aapki wajah se hi toh ho rha hai. Saalon pehle bhi aapne yehi kiya tha..yeh rona dhona karke, inhe jabardasti humari family ka hissa bana diya tha. Arey aapka ek miscarriage hi toh hua tha, lekin iska matlab yeh nhi ki bina soche samjhe aap bas kisi ko bhi adopt kar lege. Aapki ek galti ka natija hi toh hum aaj tak bhugat..

Before she could say anything else, Sameer slaps his daughter in rage for the first time in his life.

Maina- Aapne mujhpar haath uthaya, Papa.

Naina- Kya kar rhe ho Sameer. Beti hai meri.

Maina- Aap..aap ki wajah se ho rha hai sab kuch. Aaj aapki wajah se hi pehli baar Papa ne mujh par haath uthaya hai.

Sameer- Aur agar ek baar phir se tumne apni limits cross ki, toh phir se maruga. Tum dono ka dimag kharab ho gaya hai kya. Bacche ho tum dono hi humare aur ek samaan ho. Manta hoon hum kisi ek ko apna pyaar zyada dikha dete hai, par iska matlab yeh nhi ki hum dusre se pyaar nhi karte.

Naina- Prem, Maina..tum dono ko realize bhi ho rha hai ki aaj ek dusre se yuh ladkar, tum apne parivaar ko kho rhe ho. Humari parvarish ko gaali de rhe ho. Hum ache Maa-Baap hai ya nhi, yeh main nhi janti, lekin hum bure Maa-Baap nhi hai.

Naina was about to cupped her daughter's cheeks, but she jerks her hand badly. While Prem also shows his hand to Sameer when he tries to comes closer to him.

Prem- Please bandh kijiye yeh sab. Yeh jhoothi humdardi, yeh aapka so called pyaar, yeh nataak.

Naina- Tumhe yeh sab nataak lag rha hai.

Maina- Nataak nhi hai toh kyu bachpan se in par zyada dhyaan deti aa rhi hai. Jab se inki sachaai sabke saamne aayi hai, aapka jhukaav achanak se inki taraf badh kyu gaya hai. Yeh natak nhi toh aur kya hai.

Sameer- Kyuki Naina Maa hai uski, aur apne bacche ke jakham par bas Maa ke pyaar ki patti lagane ki koshish karti rehti thi.

Prem- Toh chaliye ek baar phir se apna pyaar dikha dijiye..Mumma. Aap dono ko is ghar mein shanti hi chahiye na, toh aaj ek aakhri kaam aur kar dijiye.

Naina- Chahta kya hai tu.

Prem- Batwara.
Kar dijiye hisse..is ghar ke, business ke, property ke, saari jaydaad ke.
De payegi ek anaath ko apna sab kuch. Kar payege batwara.

Naina- Batwara.

Maina- Yehi best solution hai. Baant dijiye sab kuch. Kar hi dijiye hisse. Khatam kijiye sab kuch.

Naina- Sab kuch tum dono ka hi toh hai. Iske baad bhi kya baatne ki jarurat hai.

Prem- Kya hua..nhi baant paye na. Nhi de paye na apna sab kuch kamaya hua ek anaath ko.

Naina- Agar tum dono ko isi se khushi milti hai toh yehi sahi. Kal subah hote hi main aur Sameer apna sab kuch tum dono ke naam..

Sameer- Ek minute Naina..tum dono ko batwara karna hai paise, jaydaad, ghar, business..sab cheezon ka. Toh yeh bhi bata hi do aaj ki tumhare Maa Baap kiske hisse mein aayege. Prem tumhare, ya phir Maina tumhare.
Kya hua, ab tum dono kyu chup ho gaye. Batao na kiske hisse mein aayege tumhare yeh Maa-Baap. Ya phir inke bhi hisse karoge.
Batwara chahiye tumhe toh, hisse chahiye..kitna aasan hai na tumhare liye in sab ko do bhaago mein baant dena, kabhi socha hai kitna mushkil tha humare liye in sab ko ek karna..yuh jode rakhna.
Aaj is ek din mein tum dono ne humari saalon ki parvarish ko fail kar diya, apne Maa-Baap ko fail kar diya.
Aur Naina tum kyu ro rhi ho, in baccho ke liye. Inhe sirf inke hisse chahiye, inhe inke Maa-Baap nhi chahiye. Inke liye aansoo mat bahao jinhe tumhari aansuon ki parwaah tak nhi hai. Us bete ke liye toh bilkul nhi jiska itna kuch karne ke baad bhi tum aaj tak uski sagi Maa nhi ban payi. Aur us beti ke liye bhi nhi jiske liye tumhare aansoo dard jhalkane ka nhi balki blackmail karne ka zariya hai.
Ek solution tum dono ne hume diya tha..batware ka. Ek solution main tumhe deta hoon. Yeh property, ghar, business, paise ya phir tumhara yeh Baap.

Both Prem and Maina didn't utter a word, and when Naina looks towards Sameer, the hurt was clearly evident in his eyes.

Sameer- Mil gaya mujhe tum dono ka jawaab. Chalo Naina.

Naina- Nhi Sameer..yeh aise nhi hai. Abhi gusse mein hai na..bas isiliye.
Bolte kyu nhi ho tum dono. Itna mushkil hota hai kya apne Papa ko chunna, apne Maa-Baap ko chunna.

Sameer- Naina..bas, aur kuch mat kaho inse.

Naina- Kaise na kahu Sameer, inhe haq chahiye na apna, pehle karz toh utaar de.
Ek Maa ka karz, haan..Maina tumhe apni kokh mein nau mahine tak rakhne ka karz, aur Prem tumhe apne seene se saari umar lagaye rakhna ka karz, yeh sab toh tum dono kabhi chahkar bhi nhi utaar payoge. Lekin ek baap ka karz bhi utaar payoge kya.

Sameer- Naina..nhi.

Naina- Sameer..inhe ehsaas toh hone do ki apne jis Papa ko yeh aaj chun tak nhi pa rhe hai, inke usi Papa ne aaj tak inke liye kya kya nhi kiya hai. Inhe ehsaas karwane do ki jis pita ke liye inke mann mein aaj izzat nhi bachi hai, us pita ne inhe izzat dilane ke liye aakhir kya kya kiya hai.
Toh sun Prem, aur kaan khol kar sun meri baat. Apne jis Papa par aaj tu ungli utha rha hai na ki woh tujhe aaj tak sage bete ka darja aur pyaar nhi de paye, toh yeh bhi jaan le ki aaj tak usi Papa ne tujhe kya kya diya hai.
Poori duniyaa se ladd gaya tha yehi Baap tere liye jis din tu humari life mein aaya tha. Ek pal ke liye main dagmaga gayi thi ki tujhe apnane ka faisla sahi hai bhi ya nhi. Lekin tab tere isi Papa ne jise tu aaj chun nhi pa rha hai, usne tujhe chuna tha, mujhse kaha tha ki Naina aaj se yehi humara beta hai..aur yehi humara sach hai. Us din tere Papa ne bina duniyaa ki parwaah kiye tujhe chuna tha.
Aaj teri wajah se jis shaks ki aankhon mein aansoo hai, janta hai vhi shaks roz Office se thaka haara lautne ke baad tere rone par tujhe apni baahon se alag tak nhi karta tha.
Yeh 6 feet ka kadd lekar jo tu aaj itna bada ban gaya hai na, tujhe pehli baar chalna seekhane wale, daudane wale, cycle se lekar gaadi seekhane wale yeh tere Papa hi the.
Aaj jis baap ke saamne teri yehi itni lambi zubaan nikal rhi hai, woh baap tere mooh se niklane se pehle teri choti se choti, badi se badi har farmaish poori karta tha. Bina is baat ki parwaah kiye ki jeb mein paise hai ya nhi.
Jis pita ki aaj tu izzat nhi kar pa rha hai, usi pita ki wajah se aaj tu itna kaabil ban paya hai ki log tujhe izzat dete hai.
Kya nhi kiya hai Sameer ne tere liye. Kabhi baap hone ke naate tujhe padhaya, likhaya, toh kabhi dost bankar tere saath khela.
Aaj tak teri har zidd poori ki, aur shayad tere Papa aaj teri yeh batware ki zidd bhi poori kar dege. Lekin yeh sab pakar, tu kho dega apne usi Papa ko jiska karz tu na aaj, na kal aur na apni poori zindagi mein kabhi utaar sakta hai.
Sameer ko toh tune keh diya ki woh ek acha baap nhi ban paya, tera saga pita nhi ban paya. Par aaj main kehti hoon ki tu bhi humara kabhi apna nhi ban paya hai. Tu paraya tha aur aaj tak paraya hi hai, Prem.

Sameer- Naina, bas karo.

Naina- Kaise bas karu main Sameer. Yeh humare bacche hai, yeh kehte hue bhi mujhe aaj sharam aa rhi hai. Aaj tumne yeh thappad humari beti ko nhi maara hai, humari parwarish ko maara hai..aisi parwarish toh nhi di thi humne kabhi.
Sahi keh rhi hoon na Maina main..tum mein jaan basti hai Sameer ki, aur aaj tum hi in paise, jaydaad ko usse upar rakh rhi ho. Janti ho saalon pehle jab Sameer ke birthday par tum hum sabki life mein aayi thi na, I felt that this is the bestest gift that I could ever gave him. But no, today you proved me wrong. Sameer, this is not your bestest gift. Best gift aise hurt nhi karte, yuh rulaya nhi karte.
Jis Papa ka aaj tum haath nahi pakad pa rhi ho, usne jab pehli baar tumhe godd mein uthaya tha na..janti ho uski aankhon ki khushi ka koi thikana nhi tha. Itna khush maine usse pehle kabhi nhi dekha tha.
9 mahine bhale hi maine tumhe apni kokh mein rakha tha, par koi aur bhi tha jisne un 9 mahino mein tumhe apne dil mein basakar rakha tha. Woh aur koi nhi tumhare Papa hi the, jise tum aaj baki har chiz se upar nhi rakh pa rhi ho.
Tumhare hasne par woh hasta hai, tumhare rone par woh rota hai. Chot tumhi lagti thi, aur dard sabse pehle use hota tha. Award tum laati thi, aur garv use hota tha. Tumhari shaadi par vidaai ke khyaal se darr jata tha. Bachpan mein har raat apne seene par tumhara sir rakhkar tumhe sulata tha..kabhi gaana gakar, kabhi lori sunakar, kabhi kahani kehkar. Har shaam tumhare liye meetha laate waqt, tumhari muskuruhat se khud mein mitthas bhara karta tha. Tumhari dher saari baatein bina kuch bole bas sunta rehta tha. Woh shaks jo aaj wahan kone mein akela khada hai na, apne aansoo roke, bas sirf itna sa hi pyaar karta hai tumhe.
Haq chahiye tum dono ko bas, par pehle apne farz toh nibha lo, apne Maa-Baap ke karz toh utaar lo. Par ek baat yaad rakhna meri, yeh sab hone ke baad bhi humare mooh se tum logon ke liye koi baddua nhi niklegi, niklegi agar toh woh duaa hi hogi..beshak tum chahe hume apna saga mano ya nhi, beshak tum humse pyaar karo ya nhi.
Ek zindagi ko zindagi dene ke liye yehi woh do log hote hai jo apni zindagiyaan peeche chod dete hai. Kyuki apni zindagi ki dor woh Maa-Baap apne baccho se jod lete hai, aur woh bacche kya karte hai..waqt ke us najuk daur par jab unke Maa-Baap sabse kamjor hote hai, woh bacche unse judi dor hi kaat dete hai. Tum dono ne bhi vhi kiya hai, jiska tumhe aaj ehsaas tak nhi hai. Yeh tak nhi jante ki yeh paise, property pakar tumne kya khoya hai. Sirf Maa-Baap nhi khoye hai, ek bhai ne apni choti behan khoyi hai jo har saal uske liye apne haath se banayi Rakhi bandhti aa rhi hai, har Bhai-Dooj par uske maathe ki jagah uski naak par tilak lagati aa rhi hai. Aur us behan ne kya khoya hai..apna Bhaiyu, jise woh aaj apna Bhai tak nhi maan rhi. Woh Bhai jisne use kabhi apne Chocolates diye, toh kabhi Toys. Kabhi use bure ladko ki nazro se bachaya, toh kabhi use uske pyaar se milwaya. Woh Bhai Behan aaj sab bhul gaye hai. Isiliye aaj se apne Maa-Baap ko bhi bhul jana. Yaad rakhna toh apnw haq ko, aone hisso ko aur is batware ko.
Chale Sameer yahan se, yeh char deewarein inhe hi mubarak ho. Yeh ghar, yeh business, yeh paise, yeh haq..aaj se sab inke, siway inke Maa-Baap ke pyaar ke. Hum apni duniyaa basate hai. Jahan pyaar, paiso ke humesha upar hoga.

As they move ahead towards an unknown journey, Sameer heard a word 'Papa'. But when he turns his face, finds his children still standing afar from him, even not looking at him. Naina cluthches his hand firmly, then they stepped out from their own house.
Flashback ends.

Sameer- Tumne vaada kiya tha ki tum nhi royogi.

Naina- Hum kahan galat ho gaye Sameer. Kya apne bacchon se umeedein lagana galat hai.

Sameer- Yeh toh nhi janta lekin umeedon ka tootna kabhi kabhi jaruri hota hai Naina..nayi haqeeqat, naye sapno ko bunne ke liye.

Sameer's VO
Father's Day ka yeh surprise mila tha mujhe apne bacchon se us din. Ek din mein sab tabah ho gaya tha. Par pal bhar mein hi toh sab kuch badla karta hai. Mera aur Naina ka sab kuch..humare baccho se tha. Unse us din kuch aisa rishta toota, phir dobara waisa judd hi nhi paya. Bilkul us Photo Frame ki tarah..jiske tukdo ko jod rhe the hum, bina yeh yaad rakhe ki darare kahan itni aasani se bhara karti hai. Unhe roh bas jarurat hoti hai ek naye frame ki.
Lekin is dauran humne ek naya safar shuru kar diya tha kyuki Ped kabhi bhi purane patto ke girne se pareshaan nhi hua karta, woh toh humesha naye patto ko khilane mein laga rehta hai. Jo kuch bhi humne kho diya tha, woh jeevan nhi tha, balki hum naya kya pa sakte hai..wohi toh asli jeevan hai.
Aur phir is safar mein main akela kahan tha. Is ped ki jade thi uske saath..jo kaskar thaame aur pakde hue thi mujhe. Jo bas udd chali thi mere sang jaise jhonka udaa le jata hai hawaa ko apne sang. Isiliye humesha se kehta aa rha hoon khushiyon mein shareek hone ko toh duniyaa maujud hoti hai, lekin koi aisa dhundo jo tumhare gham mein bhi shaamil ho sake..meri khushi aur gham ki saathi..meri Naina.

Sameer rests his head on Naina's shoulder this time, and changes the song playing on the Radio.

Bagh ko janam
denewala baghban,
Parivar ko janam
denewala pita,
Dono hi apne khun pasine se
apne poudho ko seenchte hai.
Na sirf apne ped se,
Uske saaye se bhi
pyaar karte hai.
Kyuki use umeed hai ek roj..
Jab woh zindagi se thak jayega,
Yehi saya uske kaam aayega.

O dharti tarse,
Ambar barse,
Rut aaye Rut jaaye.
Har mausam ki
khushboo chunke,
Baghban bagh sajaye.

Bagho ke har phul ko
Apna samjhe baghban.
Bagho ke har phul ko
Apna samjhe baghban.
Har ghadi kare rakhwali,
Patti patti..dali dali
seenche baghban.
Baghban rab hai..baghban.
Baghban rab hai..baghban.

Naina's VO
Nadaan hai hum jo yeh sochte hai ki waqt guzar jata hai, waqt guzarta nhi..bas peeche chut jata hai. Yeh chaand, yeh taare, yeh sab tob sadiyon se yahin hai. Safar mein toh hum hai, jo aaj hai aur shayad kal nhi hai.
Kisi ke dukh ko samajhna aur mehsoos karne mein bahut fark hota hai. Dukh baatne par sab keh dete hai ki haan..hum samajh sakte hai, lekin kya koi use vakai mehsoos kar sakta hai. Woh dard jo seene ko cheer kar rakh deta hai. Woh dard jiske aage sirf andhera dikhta hai. Apne baccho ko apni aankhon ke saamne ladte dekhna, unhe hisso ke liye jhagdte dekhna, unse yuh alag ho jana..yeh ek aisa hi toh dukh hai jo bas tod kar rakh deta hai, jise har koi samajh jarur sakta hai lekin mehsoos bas us Maa ke saath woh ek Pita hi kar sakta hai..jo khud bhi toot gaya ho.
Par yeh zindagi kahan manti hai, kahan rukti hai..yeh toh bas yuhi chalti rehti hai. Bahut baar zindagi ladkhadane bhi lagti hai, bojh bankar girane bhi lagti hai..lekin tab sambhalna padta hai, kamal ka phool jaise khil jaya karta hai waise hi khilna padta hai. Kyuki yeh zindagi khatam hokar bhi kahan khatam hua karti hai.

Happiness can be found even in the darkest of times if only one remembers to turn on the light. Since there will always a sunrise that follows the sunset.

।।तेरे लिए।।