Jaruri Nahi hai, Ishq mein bahon ke Sahare hi mile,
Kisi ko jee bhar kar mehsoos karna bhi toh Mohabbat hai!

Rishta khatam ho sakta hai, lekin mohabbat nhi. Mohabbat jtane ke liye saath hona jaruri nhi, kuch kahaniyaan durr rehkar bhi mukamaal hoti hai, rehne walo ki duriyon mein bhi mohabbat kayam rehti hai.
Aisi hi ajeeb dastaan thi Sameer Naina ki jo shuru toh duriyon se hui hai lekin khatam nazdekiyon ke saath hogi.

At Railway Station
After meeting Naina, Sameer is waiting for his train at the station.
Naina's diary is still in his hand, his eyes still wants to see her. There is still a dilemma in his heart as to whether or not to read her diary. How will he feel after knowing about the person whom his love, loves so much. But he opens the diary, finally decides to read it.

Sameer(to himself)- Yeh itne saare panne khali kyu chode hue hai.

He gets something written after a few blank pages.

"Yeh saare panne maine janbhuj kar khali chode hai, yeh woh anmol pal hai mere zindagi ke jo maine tumhare saath jiye the, chahat toh yeh hi thi ki inhe tumhara saath hi likhugi, tumhare saath dobara jiyugi. Lekin har chahat haqeeqat bane yeh jaruri nhi, yeh aaj tumse judaa hokar jaan rhi hoon. Mere pyaar ko manzil beshak nhi mil payi, par safar bahut haseen tha kyuki tum the usme mere saath. Shayad tumhare saath bitaye gaye meri zindagi ke sabse khoobsurat pal dobara laut aate, mere woh School ke din shayad dobara laut aate. I love those days, those moments and you. I Love Him."

Sameer(to himself)- Matlab Naina jisse pyaar karti hai woh humare School ka hi tha. Use bhi meri tarah hi School mein pyaar hua, fark hai toh bas itna ki mujhse nhi hua. Hai kon yeh, aur agar itna pyaar karti hi thi toh School chodkar kyu gayi thi.

"Aaj mera naye School mein pehla din tha, sab kuch tha wahan siway tumhare. Pata nhi maine tumse aisa pyaar kyu kiya jisme na izhaar tha na hi vishwas. Na tumhare dil mein mere liye kuch tha aur na hi mere lafzon par tumhare liye kuch. Yahan tak ki bharose ki dor bhi nhi thi jo hume dobara jod pati, tabhi toh logon ne mujhe tumhari zindagi mein teesra insaan ka darja de diya tha aur tum chup rahe the. Kyu tumne us din Sunaina ke samne kuch nhi kaha. Shayad kehte bhi kyu main thi hi kon tumhari.
Mana humara pyaar wahan poora nhi ho paya lekin meri is kahani mein hum dono humesha saath rahege. Humare naam yahan ek saath honge. I Love You Forever..."

Sameer(to himself)- Kiski baat kar rhi hai Naina aur yeh Sunaina beech mein kahan se aa gayi. Yani main bhi us kamine ladke ko jarur janta hoyuga.

He now starts reading the diary with even more curiosity, to find about that person.

"Happy Birthday"

Sameer(to himself)- Yeh birthday wish..yeh date, yeh toh meri birthdate hai.

"Humesha School mein tumhe samne se wish karti thi, lekin pehli baar tumhe aise wish kar rhi hoon, phir bhi khush hoon ki sabse pehle main tumhe wish kar payi. Aaj kitne dino baad tumhari aawaz suni, phone par hi shi, maine toh kuch nhi kaha lekin tumhari aawaz sunkar dil ko tasaali mili. Umeed hai mere bina kuch kahe hi tum tak tumhari wish aur mere woh pyaar ke teen shabd pahunch gaye honge.
HAPPY BIRTHDAY SAMEER AND I LOVE YOU."

It would not be wrong to say that he was completely shocked by reading his name in her diary.

Sameer(to himself)- Main. Mera naam..
Tum mujhse..yani main hi woh ladka tha jisse tum..
Kaha kyu nhi. Btaya kyu nhi Naina tumne aaj tak.
Har saal birthday par 12 baje call aata tha, lekin main kabhi samajh hi nhi paya ki woh tum thi. Tum bhi mujhse pyaar karti thi woh bhi shayad mujhse bhi pehle se, shayad mujhse bhi zyada.
Meri ek khamoshi ki wajah se tum mujhe chod kar chali gayi thi Naina, us Sunaina ki baaton mein aakar. Main samajh kyu nhi paya pehle.
Hume us khata ki sazaa mili Naina jo humne kabhi kiya hi nhi tha. Aaj agar main tumse na milne aata toh mujhe toh tumhari yeh unkahi kahani ka kabhi pata hi nhi chalta.

Railway Announcement for Train is made for Passengers traveling from Rishikesh to Mumbai.

Sameer(to himself)- Yeh train meri manzil nhi hai ab. Na hi kabhi hogi. Meri manzil tum ho Naina, humesha se tum hi thi. Lekin maine sab barbaad kar diya.
Meri ek khamoshi ne tumhe mujhse 8 saal ke liye durr rakha tha. Aaj vhi galti main dohrane wale tha. Is baar chala jata toh na jane yeh zindagi hume dusra mauka deti bhi ya nhi.
Par ab nhi, aaj ke baad kabhi nhi, Jaan de dunga par tumhe kabhi khudse durr nhi jaane dunga.
Main sochta tha ki sirf main tumhare bina mar mar ke jee rha tha lekin tum..

He reads further with tear filled eyes.

"Aaj tumhe saalon baad Exam Center mein dekha tha, Board Exams ke liye, tumhari do pal ke liye jhalak dekhkar arse baad dil ko sukoon pahuncha tha. Waise toh har waqt chehre par ek muskurahat leke ghumti thi, taki kisi ko mere ghaav na dikhe. Lekin aaj tumhe dekhke chehre par sach mein muskaan aayi. Bas tumhe Sunaina ke saath dekhke is dil ko phir se thoda sa dard hua tha. Par maine ab apne is bewkoof dil ko ache se samjha diya hai ki tum mere kabhi the hi nhi. Lekin agle janam mein main tumhe kisi ka nhi hone dungi. Abhi se keh deti hoon main tumhe."

Sameer(to himself)- Main hunesha se tumhara hi tha Naina, kabhi kisi aur ladki ke baare mein socha tak nhi hai maine. Tumhare alawa na koi thi, na koi hogi. Sirf tum hi ho aur koi nhi.
Ek baar aakar keh diya hota, apna dil khol kar tumhare aage rakh deta.
Pagal ho tum jo agle janam ka intezaar kar rhi ho. Hum is janam mein hi saath honge, aane wale har janam mein saath honge. Ab kabhi koi Sunaina ya koi aur hume durr nhi kar payega. Na chahte hue bhi tumhare dil ko dard diya hai maine, ab iska humdard bhi main hi banuga.

"Aaj phir se dekha tumhe apni gali mein aur is baar tumne bhi mujhe dekha tha. Hum dono ki nazre ek dusre par thehri hui thi, agar kuch nhi thehra tha toh woh waqt tha jo tumhe apne saath mujhse durr le gaya tha. Pata nhi kya kya soch rhe hoge tum mere baare mein ki kaisi jhalli ladki hai jo tel lagaye nightsuit mein  gali ke beech mein buddhi ke baal kha rhi hai. Par mujhe kahan pata tha ki tum mujhe aaj dekhne wale ho. Pata hota toh saara shringaar karke aati. Shi mein pyaar mein pagal hi bna diya hai tumne mujhe."

Sameer(to himself)- Aur tumne mujhe apne pyaar mein pagal bna diya hai. Us din meri nazar sirf tumhari nazar mein hi kho gayi thi, aur kuch dekh hi nhi payi yeh. Tumhari yeh saadgi hi tumhara shringaar hai Naina, tumhari yeh aankhein hi kaafi hai mere dil ko dhadkane ke liye, jaise us din dhadka gayi thi.

"Aaj kitne saalon baad tumhare baare mein kuch pata chala Sameer. Tum shayad Sunaina ko pasand nhi karte the, yeh sunkar acha laga, lekin tum School mein sabse chupkar roya karte the, yeh jaankar acha nhi laga. Kyu karte the aisa."

Sameer(to himself)- Shukar hai tumhe pata toh chala ki maine Sunaina ko kabhi pasand hi nhi kiya tha. Aur rhi baat tumhare sawaal ki toh uska jawab toh tum khud hi ho. Tumhara na hona kab mere aansuon ke hone ki wajah ban gaya tha, mujhe bhi nhi pata chala tha Naina.

"Aaj College ke aakhri din ek ladke ne mujhe propose kiya Chit likhkar, par maine uski chit aur dil ke tukde tukde kar diye, pata nhi maine shi kiya ya nhi. Lekin tumhare alava kisi aur ke baare mein main soch bhi nhi sakti Sameer. Yeh hi nhi aaj toh maine ghar par bhi sabko apna shaadi na karne ka decision bta diya, sabka dil toda aaj maine. Aakhir toota hua dil, dusro ke dil todne ke alava kar bhi kya sakta hai."

Sameer(to himself)- Acha hua tumne us ladke ko inkaar kar diya, nhi toh khamakha mujhse peet jata. Himmat bhi kaise hui uski meri Naina ko propose karne ki.
Mujhe nhi maloom tha ki tumhari ab tak shaadi na karne ki wajah main hoon. Aur maine tum par yuhi chilla diya ki tum kisi aur ko pyaar karti ho. Jabki tum toh humesha se hi meri thi aur aage bhi rahogi meri dulhan bankar. Tumhari shaadi na karne ka decision toh main badal kar rahuga, lekin tumhari marzi se. Dulhan toh tum banogi lekin sirf meri.

"Kitne waqt baad lag rha hai jaise kuch acha hone wala hai, par mujhe meri qismat par vishwas nhi hai."

"Kaha tha na maine ki kuch acha hone wala hai, par mujhe nhi pata tha ki woh acha tumse juda hoga. Saalon baad mujhse mile bhi toh kaha, mere shehar se milon durr. Pehli baar ghar se itni durr aise akele bahar gayi thi, aur dekho yahan Mumbai mein bhi tum mil gaye mujhe. Tumhare saath Mumbai mein bitaye gaye woh do dino ne mujhe meri zindagi lauta di. Tumse saalon baad waise hi takrana jaise School ke pehle din takrayi thi, pehli baar kisi ladke ke itne kareeb aana, uske gale lagna, uski gaadi ki front seat par baithna, uske saath Baarish mein pehli baar chai peena, uske haathon mein haath daalke Juhu beach ghumna, uske saath woh flight aur tfain ka safar. Har pal behadh khoobsurat tha, jante ho kyu, kyuki tum the usmein mere saath. Bas ek baat achi nhi lagi thi jab tum roye, tumhare aansoon nhi dekh kar pa rhi thi, tumhe apne parivaar ke liye tadapta hua nhi dekh pa rhi thi. Lekin ab aisa nhi hoga, kyuki tum yahan Rishikesh mein ho. Is baar tumhara shehar badalna sabke liye acha hoga, khaskar tumhare liye."

Sameer(to himself)- Shi likha hai tumne, is baar mera shehar badalna meri life ka best decision tha. Kyuki yahan aakar mujhe sirf mera parivaar hi vapis nhi mila balki mera pyaar bhi mila hai. Lekin main kya karne ja rha tha, main phir se yeh shehar chodne chala tha. Par tumne aisa nhi hone diya. Tumhari yeh diary, isme likhe gaye har lafz ne mujhe yahan rok hi diya Naina.

"Sameer I am Sorry. Tumhe toh mujhse nafrat karni chahiye, main isi layak hoon. Aur main iske liye taiyaar bhi hoon. Tumhare pyaar ki haqdaar toh main waise bhi nhi hoon, shayad nafrat ki ban payu.
Sapne mein bhi aisa khayaal nhi aaya tha ki ek din tumhare aansuon ki wajah main banugi, lekin mein bani. Tumhara dil todna pada, kyuki apne parivaar se kiya gaya vaada nhi tod sakti thi. Unka vishwas nhi tod sakti thi, isliye tumhe chodna pada. Apne pyaar ya parivaar mein se ek ko chunne ka faisla main kabhi nhi le sakti thi. Isliye maine humare pyaar ke rishte ko janam hi nhi lene diya tumhe Na bolkar, taki kal ko jab woh badhne lagta toh mujhe khud apne haathon se uska gala na ghotna padta. Manti hoon aaj tumhe dukh hoga, lekin yeh dukh aane wale us dukh se kum hoga jab main tumhe na chunke apne parivaar ko chunti.
K

ya mujhe meri zindagi mein dono nhi mil sakte. Kya mera pyaar aur mera parivaar, dono meri zindagi mein ek saath nhi ho sakte. Shayad is zindagi mein nhi. Iskiye aaj ke baad humari dastaan ko in panno par bhi nhi utarugi. Apni kahani is Diary ko bhi nhi sunayugi. Kya matlab un do namo ka saath likhne ka, jab unhe durr karne ka kaaran main hoon. Khatam ho hi gaya Sameer Naina ka pyaar jo kabhi shuru hi nhi hua tha. Shayad yeh pyaar khatam hone se pehle yeh zindagi khatam ho jati, toh zyada sukoon pahunchta. Ab toh Intezaar hai mujhe zindagi ke aakhri panne ka, suna hai anth mein sab theek ho jata hai."

Sameer was able to feel Naina's pain by touching the marks of her tears falling on the pages.

Sameer(to himself)- Na toh yeh Pyaar khatam hua hai Naina, na yeh zindagi, aur na hi yeh humari kahani ka anth hai, yeh toh shuruat hai humare ishq ki. Isi zindagi mein yeh Pyaar mukamaal hoga. Main adhura hoon tumhare bina, humari kahani adhuri hai humatr pyaar ke bina. Lekin hum poore honge, humara pyaar poora hoga, humari kahani poori hogi. Main poora karuga, tumhara haath pakad ke. Tumhe mera Pyaar bhi milega aur tumhara Parivaar bhi. Na ab tumhare liye koi kashmakash hogi, na hi koi bandhan. Na ab koi dil tootega, na koi vaada. Aur yeh mera vaada hai tumse. Pyaar nibhana itna bhi aasan nhi hai, khud ki khushiyon ko marna padta hai samne walie ki khushiyon ke liye. Lekin tumne nibhaya, par ab Pyaar karna main tumhe sikhayuga. Na koi lakeer, na koi taqdeer, na kisi ka bura irada, na kisi ka vaada ab hume ek hone se rokega. You will get every happiness that you deserve, Naina. And I will give you, I swear.

Otherside
Naina is looking at her and Sameer's photo which they took in Mumbai.

Naina(to herself)- Ab toh tumhari tasveer ko aaina bna liya hai maine, ab har pal khud ko tum mein hi dekhti hoon.
Kyu chale gaye tum. Khud se durr kiya tha sirf, lekin tum toh is shehar se hi durr chale gaye.
Is baar hum dono hi haar gaye Sameer. Phir se humari kahani adhuri reh gayi.

In Sameer's House
Swati- Bhaai..aap..aapki train..

Sameer- Woh toh gayi par main nhi. Ab nhi jayuga main.

Swati- Sach.

Munna- Aur aisa kaisa ho gaya.

Pandit- Yaar tujhe toh khush hina chahiye ki yeh phir se Mumbai nhi gaya.

Munna- Main khush hoon ki yeh vapis nhi gaya. Bas iske rukne ki wajah phir se Naina na ho.

Sameer- Shi keh rha hai Munna tu. Naina ne hi mujhe roka hai, uske pyaar ne mujhe roka hai.

Swati- Bhai woh mili thi aapse.

Sameer- Mila toh tha usse par uske kehne par nhi ruka hoon main. Uske un shabdo ki wajah se ruka hoon jo usne aaj tak mujhse kabhi kahe hi nhi.
Hum galat the uske baare mein Munna. Naina ne mera dil nhi toda hai balki woh toh khud tooti hui hai. Woh mujhe kaise dukh de sakti hai jabki usne toh mere liye har baar khushi hi chahi hai. Woh ladki mujhe kya rulayegi, jo khud din raat mere liye ro rhi hai. Woh mere khwaab kaise tod sakti hai, jo khud hi khwaab dekhna bhool chuki ho. Woh mera bura kaise sochegi, jisko har duaa mein mera naam tha. Woh mujhe kya dard pahunchayegi, jo khud itne dard se guzar rhi ho.
Galat woh nhi hai, galat main hoon. Kaisa pyaar tha mera jo apne pyaar ko hi samajh nhi paya, jo samajh nhi paya ki woh kis daur se guzar rhi hai.
Haan ek galti jarur ki hai usne bhi, pyaar kiya hai, jise woh chahkar bhi poora nhi  kar payi, lekin nibhati humesha se aayi hai.
Hum apne pyaar mein itne kho  jaate hai ki yeh mehsoos hi nhi kar pate ki koi hum se bhi Bepanah, Beshumar, Behadh, Bewajah pyaar kar sakta hai, aisa pyaar jiske badle mein pyaar milne ki koi umeed hi na ho.
Mere pass mere har kadam par tum log maujud the, lekin wahan Naina akeli thi. Tum logon ko mere aansoo dikh paye, kyuki maine yeh tumse kabhi chupaye hi nhi. Lekin usne kabhi kisi ko apna dard nhi dikhaya. Main shehar badalta rha, usse durr bhagta rha, lekin woh ek hi jagah thehri hui thi, shayad isi umeed mein ki main aayuga ek din.
Aaj main fakr se keh sakta hoon ki Naina hi woh ladki hai jisse mujhe pyaar hua, jisne mujhe pyaar karna sikhaya, jisne mujhe pyaar nibhana sikhaya, jisne aaj mujhe pyaar ka shi matlab samjhaya.
Pyaar woh nhi hai jo keh kar dikhaya jaye, Pyaar woh hai jo chupkar nibhaya jaye. Pyaar woh ehsaas hai jo humesha mehsoos kiya jaye. Pyaar woh geet hai jise zindagi bhar gungunaya jaye. Pyaar woh bachpana hai jise kabhi bhulaya na jaye, Pyaar woh mandir hai, jise roz pooja jaye. Pyaar woh bhagwan hai, jise kabhi bhoola na jaye.
Asli mayno mein mujhe Pyaar aaj hi hua hai. Jab mujhe iska matlab samajh aaya hai. Aur yeh ab main use samjhayuga, jo mujhe sikhakar yeh sab bhool gayi hai.

Naina's VO
Kuch baatein kehna chahti thi, par kabhi usse keh nhi payi. Lekin phir bhi use sab samjhakar, main khud hi woh baatein samajh nhi payi. Kehte hai Ishq kiya hai toh tabahi se nhi darna chahiye aur agar tabah ho chuke ho toh jam kar ishq karna chahiye. Shayad Sameer ne yeh kaha zyada seriously le liya tha. Kyuki ab woh ek Teacher ko sikahne chala tha, aur Subject ka naam tha Pyaar, Ishq, Mohabbat.
Lekin yeh bhool gaya tha ki uski yeh Student is subject mein thodi nalayak hai.

Sameer's VO
Har kahani mein ek turning point jarur hota hai koi na koi uski wajah bhi banta hai, humari kahani mein bhi ek turning point tha lekin uski wajah koi shaks nhi tha, uski wajah ek diary thi. Woh chand alfaaz the jo Naina ne na kabhi kahe, na maine kabhi samjhe. Lekin un alfaazon ne apna kaam kar diya tha, usne Naina ki baat mujh tak pahuncha di thi, mujhe usse durr jane se rok diya tha, humare pyaar ko dobara zinda kar diya tha. Pain in her heart, And a Pen in her hand...Became the best combination for her words and for our love.

Naina ki zindagi ek khuli kitaab thi, jise woh khud nhi balki anjane mein Sameer likh rha tha. Naina humesha ek darr mein jeeti rhi, aur Sameer ek umeed mein. Naina bikhar chuki thi, Sameer use samet rha tha, Naina toot rhi thi, Sameer use jod rha tha. Naina dooriyaan la chuki thi, Sameer Nazdeekiyaan bna rha tha. Naina ki Na, Sameer ki Haan. Yehi the Sameer Naina aur unki Ajeeb Dastaan..

She is an open book,
He is the anonymous author!
She live is apprehension,
He lives in anticipation!
She shatters,
He gathers!
She demolishes,
He builds!
She makes distances,
He makes closeness!
Her ignorance,
His patience!
This is Sameer and Naina,
With their weird tales as SAMAINA!!

।।तेरे लिए।।