Pyaar mein har mulaqaat khaas hoti hai lekin aakhri mulaqaat sabse khaas. Kyuki yeh kahani ka rukh palatne ki taqaat rakhti hai. Aisi hi mulaqaat ko taiyaar the Sameer Naina. Ab yeh mulaqaat unke dard par marham lagayaegi ya unka aur dard badhayegi, yeh toh waqt btayega.

In Sameer's House

Munna- Khana khaya Sameer ne?

Swati- Nhi khaya, 15 din se yehi haal bna kar rakha hai, itne din se unki aawaaz tak nhi suni. Agar kuch sunai deta hai toh bas yeh dard bhare gaane.
Mujhe toh darr lag rha hai ab. Mujhse bhai ki aisi halaat dekhi nhi ja rhi.

Munna- Yeh sab us Naina ki wajah se hua hai.
Pehle bhi usi ki wajah se apna bhai sab chod chad kar chala gaya tha, lekin is baar toh jeete jee mar chuka hai.
Pata nhi kab us Naina ke pyaar ke jaal se bahar niklega Sameer. Jabki usne toh kabhi isse pyaar kiya hi nhi tha.

Then, Pandit arrives back from his Trip.

Munna- Tu kab aaya vapis aur Preeti kahan hai.

Pandit- Raat ko hi aaya tha. Aur subah jaise hi pata chala Sameer ke baare mein yahan aa gaya. Preeti bhi Naina se milne gayi hai.
Maine toh mana kiya tha use, lekin woh maani nhi. Naina ko  Sameer ke saath aisa nhi karna chahiye the.

Swati- Tum dono bina poori baat jaane kyu unhe blame kar rhe ho.
Kya pata unki koi majboori rhi ho.

Munna- Tu nhi janti use. Har baar usi ki koi majboori hoti hai aur dukhi hota hai humara bhai.

Otherside
Naina- Kaisi hai Preeti. Aur Pandit kaisa hai.

Preeti- Kyu kiya tune aisa Naina. Pata hai baki sab log tere baare mein kitna galat soch rhe hai.

Naina- Preeti..kya fark padta hai.

Preeti- Chal maan liya, unse fark nhi padta, Sameer se toh padta hai na. Tujhe pata bhi hai kya haal ho gaya hai uska, jinda laash ban chuka hai. Na hasta hai, na bolta hai. Teri tarah apni normal life nhi jee rha woh wahan.
Mujhe toh lagta hai Naina tune shayad kabhi usse pyaar kiya hi nhi tha, agar kiya hota toh kabhi uska aise dil na todti. Bol na ab chup kyu baithi hai.

Naina- Bas kar Preeti. Manti hoon maine Sameer ke saath galat kiya, lekin khud ke saath bhi kuch shi nhi kar payi hoon. Patthar nhi hoon mai, Mujh mein bhi nami hai. Apna dard baya nhi karti, shayad itni si kami hai.
Aur rhi baat Sameer ki kuch dinon baad bhul jayega woh yeh sab.
Main college ja rhi hoon, baad mein milti hoon.

Naina stops her tears and leaves.

Preeti- Ab pyaar nhi karti Sameer se.

Naina- Pyaar karna hi kaafi kahan hota hai, qismat bhi toh honi chahiye.

Preeti- Ek baar mil le usse. Kyuki tum dono ko hi is mulaqaat ki jarurat hai.

Naina- Is baar nhi kar payugi main uska samna. Bahut mushkil se sambhala hai khud ko, usse phir se mili toh toot jayugi.

Sameer's VO
Pyaar mein na do tarah ke log hote hai. Ek mujh jaise, jo khaana peena chodkar, sad songs bajakar, poori duniya ko bhulakar apne aap ko char deewaron mein baba ki tarah daadhi badhakar khud ko qaid kar lete hai. Aur dusre hote hai Naina jaise. Jo sabko apna dard dikha kar apne dil ko toota hua nhi dikhana chahte balki woh akele mein rote hai aur apni kabra bnate hai.

At Night (Sameer's Room)
Vivek(angrily)- Yeh kya haal bna rakha hai tumne apna Sameer.

Vishakha- Rehne dijiye Vivek,  pareshaan hai woh kisi baat se. Aaram se baat karte hai.

Vivek- Khud Pareshaan hai toh iska matlab hume pareshaan karega.
Aur tum Munna Pandit dost ho na iske, samjhao ise.
Ki agar yahan rehna hai toh mere hisaab se rehna padega. Isse acha toh yeh wahan Mumbai mein hi tha, kum se kum is ghar ki shanti toh bani hui thi.

Vivek leaves in anger, Visakha also goes after him.

Mundit- Sameer sambhal yaar khud ko. Suna na tune Uncle ne kya kaha. Aakhir kab tak apna yeh haal bna kar rakhega.

Sameer- Sahi kaha unhone pehli baar. Main kal hi chala jayuga yahan se. Waise bhi ab mera yahan kuch nhi hai.

Swati- Bhai aapne kaha tha is baar aap hume chodkar kahin nhi jayoge.

Munna- Han Sameer, har baar us Naina ke liye tu hume chod jaata hai.

Pandit- Haan Sameer, ek insaan ke liye tu bakiyo ko nhi bhula sakta.

Sameer- Tum log chahte ho na ki main pehle jaisa ban jayu. Toh mujhe jaane do yahan se. Yeh shehar hi mere liye shayad shi nhi hai.

Munna- Bhul kyu nhi jaata tu use.

Sameer- Roz sochta hoon ki use bhul jayo, Aur roz yehi baat bhul jaata hoon main. Bahut koshish kar rha hoon lekin nhi bhula pa rha. Bhulao bhi kaise, pyaar kiya tha maine usse. Use nhi hua toh kya, mera pyaar toh sacha tha.
Munna Pandit Aaj usne rulaya hai, jisne muskurana sikhaya tha.
Jaane do mujhe yahan se. Mat rokna ab mujhe. Tumhe humari dosti ki kasam.

Sameer weeps and hugs Munna Pandit.

Sameer's VO
Mera woh dard Naina ke mana karne ki wajah se nhi tha, woh toh isliye tha ki use mujhse pyaar nhi hua, ek pal ke liye bhi nhi hua. Usne mera sirf dil nhi toda tha, woh umeed bhi todi thi jo meri jeene ki wajah ban gayi thi, jo mere is shehar mein lautne ki wajah bani thi, jo mujhe mere parivaar ke kareeb lane ki wajah bani thi. Shayad log shi kehte hai, rishte dard nhi dete, na hi pyaar dard deta hai, agar koi dard deta hai toh woh hoti hai unse judi umeedein.

At Naina's House
Bela- Naina aaj badi late aayi.
Chal aaja tera manpasand khana bnaya hai.

Naina- Haan Mummy woh College ke baad Ghat par gayi thi. Aur bhook nhi hai mujhe aaj. Aap rakh do main subah kha legi.

Anand- Naina, dekh main teri favourite Ice Cream laya hoon.

Naina- Papa aaj mann nhi hai. Baad mein kha lungi.

Anand- Koi baat hai kya. Tu khush toh hai na.

Naina- Haan Papa mujhe kya hona hai, main toh khush hoon, dekho hass bhi rhi hoon. Aap log bhi na zyada hi sochte ho. Bas thak jaati hoon aajkal, isliye aisa lag rha hai.

Anand- Jaa jaakar aaram kar le.

Naina silently weeps a lot, hiding her face in the pillow.

Naina(to herself)- Thak gayi hoon main, roz jhooth bol bol ke. Roz sabke samne jhootha hass hass ke. Roz khush hone ka dikhawa karte karte thak gayi hoon. Tumhare dil ke saath khel kar thaak gayi hoon main Sameer.
Shayad hum dobara kabhi mile hi na hote, kum se kum jeene ke liye ek umeed toh hoti hai humate pass. Ab toh us umeed ne bhi saath chod diya.

Without each other both are dying, both in their own ways.

Naina's VO
Sameer ke pyaar ne mujhe kuch aur sikhaya ho ya nhi, lekin mujhe Acting karna jarur sikha diya tha. Tabhi toh har ek se itni aasani se jhooth bol pa rhi thi. Ghar par har waqt muskurane ki acting, Preeti ke samne kuch fark na padne ki acting, aur Sameer ke samne usse pyaar na karne ki acting. Lekin sachai toh yeh thi ki bikhar gayi thi main us waqt, bas apne aap ko samete hue baithi thi. Shi kehte hai Toot jaata hai us waqt insaan, Jab woh kisi ko kho bhi nhi sakta, Aur uska kabhi ho bhi nhi sakta. Mere saath bhi yehi tha. Mujhe dukh sirf apna pyaar khone ka nhi tha balki apne pyaar ka dil todne ka bhi tha. Kaisa lagta hoga na jab aap apni hi story ke villain ban jayo. Main bhi vhi thi.

Next Day
Vishakha- Mat ja na Sameer.
Pichli baar jab gaya tha toh saalon baad vapis aaya tha. Pata nhi is baar jayega toh kab laut ke aayega. Mat jaa.

Sameer- Maa jaana toh tha hi, bas Pandit ki shaadi ke liye aaya tha, ab vapis toh jaana hoga.

Preeti- Mujhe baat karni hai tumse Sameer.
Toh tumne decide kar hi liya hai jaane ka. Par tumhe nhi lagta ki tumhe apne sawaalon ka jawab leke jaana chahiye yahan se.

Sameer- Matlab.

Preeti- Dekho main tumhe yahan rokne nhi aayi hoon. Kyuki mujhe pata hai ki ab tum yahan kisi ke kehne par bhi rukne toh wale nhi.
Lekin jaane se pehle apne un sawaalon ka jawab toh leke jao Naina se. Kya sach mein uske Na ki wajah tumse pyaar na karna tha. Tumhe sach mein lagta hai ki usne tumse ek pal ke liye bhi Pyaar nhi kiya. Agar woh tumse pyaar nhi karti thi toh tumhe apne itne pass aane hi kyu diya. Agar woh tumse pyaar nhi karti thi toh kyu uski aankhon mein woh chamak aa jaati thi tumhe dekh ke. Agar woh tumse pyaar nhi karti thi toh kyu tumhare hone ya na hone se affect hoti hai. Yeh kaisa pyaar hai tumhara Sameer, jo apne pyaar ka sach bhi nhi jaan paya.

Pandit- Preeti bas kar..nhi milega Sameer ab Naina se.

Preeti- Kyu..aakhri baar milne mein dikkat hi kya hai. Agar rishtey ko khatam karna hi hai toh Aakhri mulaqqat toh jaruri hai na. Hai na Sameer.

Munna- Sameer koi jarurat nhi hai. Tu jana chahta hai na toh chala ja yahan se lekin bina usse mile.
Aur hum aa rhe hai tere saath Station tak tujhe chodne.

Preeti(to herself)- Ek baar mila do inhe Bhagwan ji, aakhri baar hi shi par milwa do inhe ek dusre se. Shayad yeh mulaqaat inhe ek dusre se durr na le jakar inhe ek dusre ke pass le aaye.

At Rishikesh Railway Station
Everyone puts a stone on their heart and leaves Sameer at the station.

Railway Announcement is made. We apologise to passengers awaiting for the Train No. 19020 Dehradun Express from Rishikesh to Mumbai as it is running approximately 6 hours late. Sorry for the inconvenience.

Sameer(to himself)- Aaakhri mulaqaat hi shi Naina, main miluga tumse. Un sawaalon ka jawab leke bina yeh shehar nhi choduga main. Aur is baar main sirf sach sunuga.

At Naina's House
It is raining and Naina remembers the moments she spent with Sameer in Mumbai.

Naina(to herself)- Baarish tumhare bina bhi hoti hai Sameer, Magar ismein sirf paani barasta hai, ishq nahi.
Kaash humari mohabbat bhi mukamaal ho pati Gannu Ji.

Doorbell rings.

Naina- Sam..

Sameer(smilingly)- Hi Naina!

Naina gets shocked by seeing Sameer.

Sameer- Kya hua andar bhi nhi bulaogi. Ya akeli ho isliye bulana nhi chahti.

Naina- Tumhe kaise...

Sameer- Abhi tumhare Mummy Papa ko bahar jaate hue dekha tha toh socha tumse ek baar mil lu.

Naina- Kaise ho tum?

Sameer- Ekdum badhiya. Aur tum?
Main bhi kaise sawaal kar rha hoon. Tum toh pehle se bhi zyada khush nazar aa rhi ho. Raho bhi kyu na Tumhe haq hai apni duniya mein khush rehne ka,
Mujh jaise ka kya, meri toh Duniyaa hi tum thi.

Naina- Sameer meri baat...

Sameer- Naina main yahan tumse koi baatein karne nhi aaya hoon. Ek aakhri mulaqaat karne aaya hoon. Yeh shehar chodkar ja rha tha toh socha...

Naina- Tum ja rhe ho?

Sameer- Kyu nhi jaana chahiye tha. Socha aakhri baar us insaan se milta jayu jo mujhe yahan lane ka sabse bada karaan bani thi.

Again, Doorbell rings. A neighbor comes to her house.
And as that neighbor leaves Naina sees that Sameer is not ther.

Naina- Yeh kahan gaya.

Sameer- Yahan hoon.

Sameer answers from Naina's room.

Naina- Tum mere kamre mein...

Sameer- Mujhe is waqt yahan tumhare saath akele dekhti toh baatein bnati. Dekha tha kaise darr gayi thi tum Doorbell sunte hi.
Tumhe meri parwah nhi hai, mujhe hai..aaj bhi..utni hi..Naina.

Naina- Tum kuch loge?

Sameer- Jawaab.

Naina- Kya?

Sameer- Ek glass pani milega.

Naina goes out of the room to get water, while Sameer is watching Naina's room. Then Sameer's gaze turns to Naina's diary, as he goes to open the diary off, the diary falls from his hand.
As soon as Sameer picks up her diary, he looks at a page on which 'I Love Him'  it is written.

Sameer(to himself)- Yeh I Love Him, yeh Naina ne likha hai, lekin kise. "Him" kon hai yeh. Toh yeh wajah thi Naina tumhari Na ki. Tum kisi aur se pyaar karti thi. Jis sawaal ka jawab tumhare mooh se sunne aaya tha main, woh tumhari Diary ne de diya. Tumhari aankhon ka woh oyaar mer liye nhi kisi air ke liye tha. Kaise kar sakti ho tum kisi aur se pyaar.

Naina- Paani..

Sameer comes out of his trance after hearing Naina's voice and secretly puts the diary back on the table immediately.

Naina- Sameer..paani.

Sameer's VO
Us waqt main cheekh cheekh ke apne aap ko btana chahta tha ki bewkoof yeh Him tu hi hai. Ab bas khud se jalna bandh kar aur Naina ko gale laga kar uske izhaar ka jawab de. Lekin tab yeh Him ki mystery ka mujhe pata nhi tha, bas pata tha toh apna Angry mode on karna.

He is still watching her with a blank face.

Sameer- Sach kahu Naina toh tumhare haath se toh paani peene ka bhi mann nhi kar rha.

A lone tear escape from her eye.

Sameer- Ohh..kya ho gaya. Bura lag gaya. Lagna bhi chahiye. Lekin tumhare toh itni si baat par aansoo nikal aaye. Socho mera kya haal hua hoga. Tum shayad soch bhi nhi sakti. Kyuki us dard ko mehsoos karne ke liye pehle dil tudwana padta hai.
Naina, tumhara bhi kabhi dil toote, tumhe bhi woh dard ho jisse main guzra hoon, tumhe ehsaas ho jisse tum pyaar karte ho usse durr jaana kya hota hai, tumhe bhi toh pata lage ki pyaar ka dard kya hota hai.
Lekin tumhe toh main yeh baddua bhi nhi de pa rha, janti hoon kyu, kyuki tumse pyaar jo kiya tha maine. Lekin tumne nhi kiya mujhse, ek pal ke liye bhi nhi kiya. Karti bhi kaise kisi aur se jo pyaar karti ho. Kisi aur se..

Naina- Tum yeh kya..

Sameer- Hairaan kyu ho rhi ho. Itne din yehi sochta rha ki tumhe mujhse aakhir pyaar kyu nhi hua. Par mujhe kya pata tha ki mere is sawaal ka jawab aisa hoga. Agar kisi aur ko pasand karti hi thi toh mere dil ke saath kyu khelti rhi. Mere itne kareeb kyu aayi jab tum pehle se kisi aur ki thi.

Naina- Stop it. Bahut bol chuke tum. Jo mooh mein aa rha hai bol rhe ho. You know what tumhe jo sochna hai socho, I don't care.

Sameer- Ofcourse, Why would you care about me now?
Apne Aashiq se jo fursat nhi mili hogi. Tumhe pata hai Naina tum is paani ki tarah ho. Bahar se dikhne mein ekdum saaf lekin andar se kitni maili ho yeh main hi janta hoon.

Sameer presses the glass of water hard, causing it to break and blood comes out of his hand. Naina holds his hand.

Naina- Sameer Pagal ho gaye ho kya.

Sameer- Haath chodo mera.

Naina- Khoon aa rha hai.

Sameer- Toh..

Naina- Bas..bahut ho gaya tumhara. Chup chap baitho yahan.

Sameer- Tumhe lagta hai main tumhari koi bhi baat manuga.

Naina- Maanni padegi. Main first aid kit leke aati hoon. Tab tak kuch aur pagalapan kiya toh mujhse bura koi nhi hoga.

Naina goes to another room to get first aid kit. Sameer's eyes again go to Naina's diary. Then she comes.

Naina- Haath dikhao apna.

Sameer is still seated angrily and does not move his hand towards Naina.

Naina- I said Haath aage karo.

Hearing this, he puts his hand forward, Naina blows on his wound.

Sameer- Koi dard nhi ho rha hai mujhe, toh apni yeh jhuthi hamdardi jakar kisi aur ko dikhana.

Both are looking at each other, their eyes were filled with tears. The difference was that Sameer's tears were of anger and Naina's tears were of helplessness.

Naina(to herself)- Sameer mujhse jo kehna hai keh lo par apne aap ko chot mat pahunchayo. Mat jao durr sabse, mujhse. Mat jao phir se us duniyaa mein jahan tumhara apna koi nhi hai. Tum mujhse khafa bhi rehte ho, lekin wafaa bhi karte ho.

Sameer(to himself)- Kabhi nhi socha tha tumhe aisa kahuga, lekin aaj kaha. Yeh sab kehke jo dard maine tumhe diya hai, us dard ko main bhi mehsoos karna chahta tha Naina, khud ko chot pahunchakar. Lekin jo chot mujhe tumhara sach jankar mili hai woh is chot se kahin gehri hai Naina. Ab toh tumhe pana bhi nhi chahta, lekin phir bhi khone se darta hoon.

Sameer starts leaving after getting first aid.

Naina- Sameer..jaane se pehle ek baar phir sochlo atleast apni Family aur Doston ke liye.

Sameer- Mujhe tum ya tumhari so called advice ki koi jarurat nhi hai.
Umeed karta hoon dobara tumhari shakal bhi na dekhu.

Even before she could realize that it all ended, he had left, before she could utter a world.

Naina(to herself)- Sab kuch paa liya tha ishq karke Sameer,
Agar kuch reh gaya tha toh woh tum hi the. Kaash tumhe sach bta pati ki main tumse kitna pyaar karti hoon aur humesha karti rahugi apni aakhri saans tak.

After Sameer leaves from her house, he takes out Naina's diary from his pocket which he secretly took when Naina went out of the room.

Sameer(to himself)- Khuda ko bhi pasand hai meri pasand,
Tabhi toh cheen leta hai har baar. Is baar bhi cheen liye tumhe mujhse. Aur dekho mujhse durr hokar tum kisi ko itni aasani se mil gayi. Kon hai jisse tum pyaar karti ho Naina, jiske aage tumhe pyaar nhi dikha.

Naina's VO
Shi mein Sameer ka pyaar ka paara jitna zyada tha utni hi uski bewkoofi ka bhi. Tabhi toh apne aap se hi jal rha tha. Meri diary mein sirf I love Him dekhkar use jo gussa aaya tha woh main hi janti hoon, aakhir uska shikaar main hi toh hui thi. Lekin is bewkoofi ki harkat ke baad ek samajhdari ka kaam usne kiya tha, mere dil ke saath saath meri diary bhi chura kar jo le gaya tha.
Lekin main in sab se bekhabar thi, aur uske jaane ke gum mein Lady Devdaas ban gayi thi. Bollywood ke saare sad songs hum dono ne un dino sun daale the, saari sad films dekh daali thi. Sach kahu toh bas tab meri zindagi mein inhi ka sahara tha. Kyuki mera permanent sahara toh mujhe chodkar jaa rha tha, lekin kya sach mein woh jaa rha tha. Kyuki Samerr Maheshwari ko  samajh paana mushkil hi nhi namumnkin hai.

Shayad..isliye rishton mein aakhri mulaqaat jaruri hoti hai kyuki us mulaqaat mein rishte toot toh jaate hai lekin khatam..kabhi nhi ho paate. Tabhi toh woh mulaqaat aakhri hokar bhi adhuri reh jaati hai aur adhuri mulaqaat hi toh phir se milne ka vaada hoti hai.

ज़िन्दगी गवां कर भी जो ज़िन्दगी मिले
हर ख़ुशी गवां कर भी जो इक ख़ुशी मिले
वो माँग लूँ तेरे लिए, तेरे लिए, तेरे लिए।

।।तेरे लिए।।