''പച്ചയായ ഒരു മനുഷ്യജീവിതത്തിന്റെ നേർകാഴ്ച യാണ് തനൂജയുടെ കഥകളിൽ കാണാൻ കഴിയുന്നത്.ഈ ചെറുപ്രായത്തിൽ തന്നെ ആദ്യ ക്യതിക്ക് തന്നെ കേരള സാഹിത്യ അക്കാദമി അവാർഡിന് അർഹയാകാൻ തനൂജക്ക്  കഴിഞ്ഞതിൽ ഞാൻ അഭിമാനിക്കുന്നു".…
                                                          

         
                                   അച്യുതൻ മാഷ് കണ്ണട ഉയർത്തി പ്രസംഗം തുടർന്നു.തനുജക്ക്   അതുകേട്ടപ്പോൾ​ ചിരിവന്നു.പച്ചയായ ജീവിതാനുഭവങ്ങൾ... അതും ആദ്യ ക്യതിക്ക്.
ഇത്രയും കാലം താൻ കുത്തി കുറിച്ചതും മനസിൽ വിരിയിചതും ഒന്നും ആരും കണ്ടില്ല.

തന്റെ സ്വന്തം ജിവിതമാണ് ഞാൻ വരച്ചുകാട്ടിയിരിക്കുന്നത് എന്ന് ഒന്ന് വിളിച്ചു പറയാൻ അവൾക്ക് തോന്നി.പക്ഷെ താൻ ഇന്ന് തനൂജ ഭട്ട് . കേരള സാഹിത്യ അക്കാദമി അവാർഡ് ജേതാവ് . അവൾക്ക് ചിരിവന്നു.

പൊട്ടി പൊട്ടി ചിരിക്കാൻ തോന്നി . പക്ഷേ തന്റെ മുമ്പിൽ ഇരിക്കുന്ന നിറഞ്ഞ സദസ് കണ്ടപ്പോൾ അവൾ മനസ് നിയന്ത്രിച്ചു.അനുമോദന യോഗം അതിന്റെ താളത്തിൽ തന്നെ നടന്നു കൊണ്ടിരിക്കുന്നു.
''അടുത്തതായി  നന്ദി​പറയാൻ മിസിസ്: ഭട്ടിനെ  ക്ഷണിക്കുന്നു . അച്ചുതൻ മാഷ് അവൾ ക്ക് നേരെ നോക്കി.