ഒരു അലർജിക്കഥ....

(സ്വന്തം അനുഭവകഥ)

"ഓ! പിന്നെയും അലർജിയായോ?....
ഇത്തവണയെന്താ?...." 🧐

RMO പുരികമുയർത്തി ചോദിച്ചു....

"ഇത്തവണ വില്ലനായത് ഒരു ദോശയാണ്...." ഞാൻ ആത്മഗതിച്ചു....😕

"ഇക്കണക്കിന് പോയാൽ വെല്ല കഞ്ഞിയും പച്ചവെള്ളവും കുടിച്ചാൽ മതി...😂😂😂 അതാ സിസ്റ്ററിന് സേഫ്..... അവില് കഴിച്ചോ..."

"ഉം.... "😅😅

'' കുറച്ച് സമയം കൂടി നോക്ക് കണ്ണ് ശരിയായില്ലെങ്കിൽ ഇന്ജക്ഷൻ എടുക്കാം... 👍"

ഈ കോവിഡും ചീവിടുമൊക്കെ ചീറിപ്പാഞ്ഞു നടക്കുന്ന സമയത്ത് PPE ഉപേക്ഷിച്ച് കാഷ്വാലിറ്റിയിൽ ഇരിക്കുന്നതിനേക്കാൾ നല്ലത് ഡ്യൂട്ടി കഴിഞ്ഞ് ആളൊഴിഞ്ഞ സ്വന്തം ഡിപാർട്ട് മെൻ്റിൽ ഇരിക്കുന്നതാണെന്ന് ഞാൻ തീരുമാനിച്ചു...🤔

എൻ്റ സീറ്റിന് മുകളിലുള്ള എല്ലാ ലൈറ്റുകളും ഓഫ് ചെയ്ത് ഒറ്റയ്ക്കിരുന്നപ്പോൾ ചിന്തിക്കാനൊന്നുമില്ലാത്തതു കൊണ്ടാവണം ഞാനൊന്ന് പുറകോട്ട് ചിന്തിച്ചു.... 🤔ഈ അലർജിക്കഥയുടെ.... സോറി... ഇടക്കിടെ വരുന്നത്കൊണ്ട് തുടർകഥയുടെ തുടക്കം എവിടന്നായിരുന്നു???🤔

കൂട്ട്കാരുമൊത്ത് പാടത്തെ മണ്ണിലും ചെളിയിലും വെള്ളത്തിലും കുത്തിമറിഞ്ഞ് വെയിലും കൊണ്ട് സൈക്കിളും ചവിട്ടി നടന്ന കാലം.....😍
അന്നൊന്നും ഈ കഥാപാത്രം അഥവാ അലർജി വന്നതായെനിക്കോർമ്മയിലേ ഇല്ല.... പിന്നെവിടന്ന്?

വല്ലപ്പോഴും വന്നു പോകുമായിരുന്ന തുമ്മലും ചുമയും തുടർകഥയായപ്പോൾ അന്നാണ് PHC യിലെ ഡോക്ടർ പറഞ്ഞ് കേട്ടത്!

" ഈ കുട്ടിക്ക് ഡസ്റ്റ് അലർജിയാണ്...."

അങ്ങനെ വീട്ടിലെ പൊടിയും ഞാനും ശത്രുക്കളായി....

അങ്ങനെ കുറേകഴിഞ്ഞപ്പോ വിവാഹം കൊണ്ട് ജീവിതം വിശാല കൊച്ചിയിലേക്ക് പറിച്ചു നട്ടു....

പിന്നത്തെ കഥ പറയണോ?

വീട്ടിലെ പൊടി.....

വീട്ടിൽ അടുപ്പ് കത്തിച്ചൂടാ...

കടുക് താളിച്ചൂടാ...

മുളക് താളിച്ചൂടാ.....

വീട്ട് കാര് വെട്ടിലായിന്ന് പറഞ്ഞാൽ മതിയല്ലോ? തുമ്മുമ്പോൾ പുറത്ത് വരുന്ന സൂഷ്മ കണങ്ങൾ അഥവാ മൂക്കട്ട വീട്ടിൽ എല്ലാവർക്കും പൊതുവേ അലർജിയായത് (അറപ്പായത് ) കൊണ്ട് അടുക്കള കാണാതൊത്തു...😂😂😂

പിന്നെ അലർജിയുടെ ലിസ്റ്റ് വലുതാവാൻ തുടങ്ങി...🥺

നാരങ്ങ...
ഓറഞ്ച്..
പൈനാപ്പിൾ...
ചിങ്ങൻപഴം...
മുന്തിരി.... അങ്ങനെ ഒരു കാലത്ത് പ്രിയപ്പെട്ട തെല്ലാം അലർജിയായി...🥺

പിന്നെ മരുന്നുകൾ അലർജിയാവാൻ തുടങ്ങി..

ആൻ്റി ബയോട്ടിക്ക് അമോക്സിലിൻ ആണ് ആണാദ്യം അലർജിയായത്

വേദനയുടെ മരുന്നുകളായ
മെഫനാമിക്ക് ആസിഡും
ഡെക്ലോഫെനാക്കും അലർജിയായി...
വീണ് കാലിൻ്റ ലിഗമെൻ്റും പൊട്ടിച്ച് കരഞ്ഞുകൊണ്ട് കയറിവന്നപ്പോൾ സഹതാപം തോന്നി ടെസ്റ്റ് എടുത്ത് അലർജിയാവില്ലന്ന് ഡോക്ടർ കയ്യിലടിച്ചു ഉറപ്പ് തന്ന ട്രമഡോൾ വരെ അലർജിയായി...😳
ശ്വാസം മുട്ടിന് കഴിക്കുന്ന അസ്താലിൻ....
അലർജി വരുമ്പോൾ എനിക്ക് ആദ്യം വരുന്നത് ശ്വാസം മുട്ടാണ്..... അതിനുള്ള മരുന്നുവരെ അലർജി..... 🧐

എൻ്റ ഒരവസ്ഥ!😔

മട്ടൻ...
ചെമ്മീൻ....
ഞണ്ട്....
അയല....
നീണ്ട ലിസ്റ്റ് ഉണ്ട് ഇറച്ചിയുടെയും മീനിൻ്റയും
കാറ്റഗറി....🙃

ഓരോ തവണ അലർജിക്കിൻജക്ഷനെടുക്കാൻ കൂടെ വന്ന് വന്നൊടുക്കം ഹോസ്പിറ്റൽ കാണുന്നതെ കെട്ടിയവനലർജിയായി! 🤣

ഫുഡ് കളർ അലർജി
ചില പ്രിസർവേറ്റീവ്സ് അലർജി....🤣

പാക്ക്ഡ് ഫുഡിനോട് നോ പറയാൻ കാരണം വേണോ?

വന്ന് വന്ന് സ്വന്തം മുടി പോലും അലർജിയായി...😂

ഒരിക്കൽ മുടിയഴിച്ച് ഒതുക്കിയപ്പോൾ തുടങ്ങിയ തുമ്മൽ ഒതുക്കാൻ സ്ട്രാപ്പ് മാറി അലർജിയുള്ള അതേ മരുന്ന് കഴിച്ച് അലർജിയായ കഥയും ബാക്കി...😂

ഓരോ തവണ അലർജിയാവുമ്പോഴും പ്രാണവായുവിനോടുള്ള ആസക്തി കൂടും😨

ഓരോ ഇൻജക്ഷനും കഴിഞ്ഞാൽ മണിക്കൂറുകളോളും ബോധം കെട്ടുറക്കം...😴

ഒരാഴ്ചയോളം നീണ്ട് നിൽക്കുന്ന ക്ഷീണം...🤧

പെട്ടന്നുള്ള ഭാരം കൂടൽ...🧟‍♀️

വായും നാക്കും തൊണ്ടയും പൊട്ടി പുണ്ണുവരിക...😡

കയ്യിലും കാലിലും വേദന...😱

അങ്ങനെ കഷ്ടപ്പാടിൻ്റ കഥ ബാക്കി...😱

ഇതെല്ലാം കാണുന്ന നാട്ടുകാർ വീട്ടുകാർ കൂട്ടുകാർ കുടുംമ്പക്കാർ കുട്ടികൾ ഇവർക്കെല്ലാം വൻ കോമഡി...😤

" നീയൊക്കെ ഇവിടെയൊന്നും ജനിക്കേണ്ടതേ അല്ല !"🤭

"ഇതിൻ്റ യൊക്കെ വല്ല കാര്യവുമുണ്ടോ?"😓

"നീയൊക്കെ വെറും ഷോ പീസാണ് "👎

അങ്ങനെ നീണ്ട് പോകുന്നു ശവത്തിൽ കുത്ത്!🤯🤯

NB: ഇങ്ങനെ അലർജിയായി ഇപ്പോൾ ഒരു റസ്റ്റോറൻ്റിൽ കയറിയാൽ ഒരു കോഫി മാത്രം മതി എന്നാണ് മിക്കവാറും പറയുക....
"ഇനി അതെപ്പോഴാണോ അലർജിയാവുക... "😅

സുമി അസ്ലം PT😅