அதன் பின் மூன்று நாட்கள் எப்பொழுதும் போல செல்ல அன்று அந்த பயிற்சி வகுப்பின் இறுதி நாள் ஆகும் . அன்றைய நாள் என்றும் போல பயிற்சிகளும் தேர்வுகளும் முடிய அந்த பயிற்சி மையத்தின் உரிமையாளர் வந்து அந்த பயிற்சியில் பங்குபெற்ற அனைவருக்கும் வாழ்த்து தெரிவித்து விட்டு அங்கேயே மதிய உணவை முடித்து விட்டு செல்லுமாறு பணித்தார் .

சஞ்ஜீவின் கண்களோ நொடிக்கொருமுறை அதுல்யாவை தொட்டு மீள அவனின் மனமோ அவனே அறியாதோர் தவிப்பை சுமந்திருந்தது . அவளோ இது எதுவும் கருத்தில் பதியாமல் மேகாவுடன் சிறிது பேசியபடி ஐஸ்கிரீம் உண்டு கொண்டிருந்தாள்.

மேகா ஆவலுடன் பேசியபடி இருந்தவள் எதேர்ச்சியாய் சஞ்சீவை நோக்க அவன் பார்வை நொடிக்கொருமுறை அதுல்யாவை தொட்டு மீள்வதை கண்டு கொண்டாள் .

அவளிற்கும் சஞ்சீவிற்கும் அதுல்யாவினால் ஒரு சில தருணங்களில் பேச்சுக்கள் நடந்துள்ளது எனில் அவளோ அவனோ அத்தனை அதிகமாக உரையாடியதில்லை . உரையாடியதில்லை என்றாலும் அவன் மேல் ஒரு அண்ணனின் பிம்பம் மேகாவின் மனதில் தோன்றி இருந்தது .

மேகா " நீ இங்கயே இரு அத்து எனக்கு ஒரு கால் பண்ணனும் " என்று விட்டு வெளியே சென்றவள் செல்லும் முன் சஞ்ஜீவிற்கு கண் காட்டி விட்டு செல்ல சஞ்ஜீவ் அவளில் செய்கையில் அதிர்ந்தாலும் பின் மெல்லிய புன்னகை அரும்ப அதுல்யாவின் புறம் சென்றான் .

அவளோ அவனின் புறம் சிரிப்புடன் திரும்பியவள் " என்ன டீச்சர் சார் இங்க ?" என்று கேட்டபடி ஐஸ்கிரீம் சாப்பிட

அவனோ அவளை பார்த்து சிரித்தவன் " அதான் கோர்ஸ் முடுச்சுட்டியே அப்பறோம் என்ன டீச்சர் சார் " என்று கேட்க

அவளோ " ஆமா ஒரு வழியா இந்த ரூல்ஸ் ராமானுஜன் கிளாஸ்ஸஸ்லேந்து இனி எஸ்கேப் ஆயிட்டே . இன்னைக்கு ஏதாவது plans இருக்கா உங்களுக்கு ?" என்று கேட்டபடி ஒரு icecreamai எடுத்து அவனிடம் நீட்ட

அவனும் புன்னகையுடன் வாங்கி கொண்டவன் " ஏன் கேக்குற ?" என்று கேட்க

அவளோ " அதில்ல நாளைக்கு ஊருக்கு போறேன்ல அப்பறோம் ரிசல்ட் வந்துரும் VIT எண்ட்ரன்ஸ் clear பண்ணிட்டேன் எப்படியும் அப்பா வேலூர் VIT ல தான் சேர்ப்பார் . அதான் உங்களோட மேகாவோடலாம் ஒரு டின்னர் போகலாம்னு நெனச்சேன் இனி எப்போ பார்ப்போம்னு தெரியாதுல " என்று கூற

அவன் கைகளோ ஒரு நொடி icecreamai அலைவதை நிறுத்தி அடுத்த நொடியே " ஓஓ VIT நல்ல காலேஜ் தான் டேக் கேர் ... எனக்கு இன்னைக்கு ஆபீஸ்ல ஒர்க் இருக்கு வர முடியாது " என்று கூற

அவளோ சற்றே முகம் சுருக்கியவள் " என்ன இப்டி சொல்றீங்க .... ஒரு நாள் தான ஈவினிங் கூட வேணாம் டின்னெர்க்காச்சு வாங்களேன் " என்று கேட்க

அவனோ மறுத்து " இல்லம்மா " என்று கூற வந்தவன் அவள் அவனின் கை பிடித்து " எனக்காக ப்ளீஸ்... " என்று கண்கள் சுருக்கி கேட்ட விதத்தில் கரைந்தே விட்டான் . அவன் தலை தானாக சரி என்று ஆட அவளோ கண்கள் ஒளிர ஒரு முறை அவன் கையில் அழுத்தத்தை கூட்டியவள் " அப்போ சரி அப்டியே சக்தி அண்ணாவையும் கூப்டுட்டு வாங்க " என்று கூறியபடி மேகாவை தேடி துள்ளலுடன் சென்று விட அவனோ ஒரு பெருமூச்சை விட்டு ஓட்டப்பந்தயத்தில் சீறிப்பாயும் குதிரையை போல் தாளம் தப்பி துடித்த இதயத்தை சமன் செய்தான் . அவன் ஒன்றும் விடலை பருவத்தில் இருக்கும் ஆண்மகன் அல்லவே தனக்குள் நிகழும் மாற்றங்கள் புரியாமல் இருக்க.

கண்கள் மூடி தன்னை நிதானித்தவன் தன் குடும்ப சூழலை கண் முன் நிறுத்தி தன்னுள் எழும் சலனங்கள் அனைத்தையும் மூட்டை கட்டி வைத்தான் .

அப்படியே அலுவலகம் சென்றவன் சக்தியை பார்த்து முறுவலிக்க சக்தியும் அவனை பார்த்து சிரித்தான் . சக்தி " என்னடா இன்னைக்கு தான அதுல்யாக்கு லாஸ்ட் டே ஆப் கோச்சிங் . என்ன சொல்றா " என்று கேட்டபடி வேலையே துவங்க

சஞ்ஜீவோ தனது கணினியை பார்த்து வேலை செய்தபடியே " இன்னைக்கு ஒர்க் சீக்ரம் முடுச்சுட்டு பெர்மிஸ்ஸின் மெயில் பண்ணிரு அவ வெளிய டின்னெர்க்கு கூப்டு இருக்கா " என்று பேசியபடி வேலை பார்க்க

சக்தியோ ஒரு நிமிடம் நிதானித்து அவனை பார்த்து சிரித்தவன் " ஒரு நாள் ஆபீஸ் லீவ் போட்டா சலரி டிடெக்ட் பண்ணிருவாங்கனு காய்ச்சலோடு ஆபீஸ் ல சுத்துற திருவாளர் சஞ்ஜீவா பேசுறீங்க " என்று கேட்க

சஞ்ஜீவோ காதிலேயே விழாதது போல் வேலை பார்த்துக்கொண்டிருக்க சக்தி " இப்போ நா பேசுனது உனக்கு கேக்கல அப்டி தான மச்சான் " என்றபடி வேலை பார்க்க துவங்கி விட்டான் . சஞ்ஜீவ் என்றும் அப்படி தான் அவனாக நினைக்காத வரை அவன் மனதில் இருப்பதை உணர்ந்து கொள்ளவும் முடியாது கேட்டாலும் கூற மாட்டான் .

சக்தியும் அவனும் தத்தம் வேலையை முடிக்க சஞ்ஜீவ் வேலை முடித்தாக வேண்டுமென்று தேநீர் கூட குடிக்க எழவில்லை .

பின் எட்டு மணி போல் எழுந்தவர்கள் வெளியே வர சஞ்ஜீவ் அதுல்யாவிற்கு செய்தி அனுப்பினான் " எங்கே டின்னர் ?" என்று

அதற்கு அவளோ பெசன்ட் நகர் kfc வந்துருங்க " என்று கூறினாள் . பெசன்ட் நகர் அவர்களின் அலுவலக வளாகத்திலிருந்து 4 கிலோமீட்டரே தொலைவில் தான் இருந்தது . அங்கே சென்றார்கள் . அவர்களை எதிர்நோக்கும் விதமாக மேகாவும் அதுல்யாவும் எதிரெதிரே அங்கே அமர்ந்திருந்தனர் .

அதுல்ய அவர்கள் இருவரையும் நோக்கி கை அசைத்தவள் வருமாறு செய்கை செய்து விட்டு மேகாவுடன் சென்று அமர்ந்து கொண்டாள் .

சக்தி " ஏன்மா டின்னெர்னோனே எங்கேயாச்சு ecr கிட்ட கூட்டிட்டு போவணு பாத்தா இப்டி 4 கிலோமீட்டர் தள்ளி இருக்குற இடத்துக்கு கூப்டுடியேமா " என்று கூற

அதுல்யாவோ " லாங்கா போயிருக்கலாம் ணா ஆனா பாவம் சஞ்ஜீவ் ஏற்கனவே காலைல கோச்சிங் குடுத்துட்டு அங்கேயும் வந்து வேலை பார்த்து tiredaa இருப்பாரு கூட கொஞ்சம் அலைக்கழிக்க வேணான்னு தான் " என்று கூற சஞ்ஜீவின் கண்கள் அவளின் புரிதலில் ஒரு முறை ஒளிர்ந்து பின் நிர்மலமானது .

பின் அவர்களுக்கான ஓர்டர்களை வாங்கிக்கொண்டவர்கள் சிறிது சாப்பிட்டபடி உண்ண மேகலாவின் கண்களும் சக்தியின் கண்களும் ஒருவர் அறியாமற் மற்றொருவரின் மேல் ஆர்வமாக படிந்தது .

சக்தி " அதுல்யா உன் friend ஏதும் மௌன விரதத்துல இருக்காங்களா வந்ததுலேந்து சிக்கென சாப்பிட மட்டும் தா வாய தொறக்குறாங்க " என்று கேட்க

மேகாவோ " தெரியாதவங்கடலாம் பேசுறதில்ல " என்று கூற

சக்தியோ " அச்சச்சோ வாய் தான் பேச முடியாதுனு நெனச்சேன் கண்ணும் தெரியாதா இவ்ளோ பெருசா முன்னாடி உக்காந்துருக்கேன் தெரியலைனு சொல்றீங்க " என்று கூற

மேகாவோ அவனின் கேலியில் சிரிப்பு வந்தாலும் முயன்று முறைத்து " ஜோக் ஆ நல்லாவே இல்ல " என்று கூற

சக்தி அதற்கும் " ஆமாங்க kfc முன்ன மாதிரி நல்லாவே இல்ல " என்று கூற அவர்கள் இருவருக்கும் முட்டிக்கொள்வதை ஆர்வமாக பார்த்த

அதுல்யா சஞ்ஜீவின் கையை சுரண்டியவள் " செம்ம என்டேர்டைனிங்கா இருக்குல்ல " என்று கேட்க

அவனோ அவளை செல்லமாய் முறைத்தவன் " அங்க ரெண்டு பேர் சண்டை போடுறது உனக்கு என்டர்டைனிங்கா இருக்கா ?" என்று கேட்க

அவளோ " ப்ச் உங்களுக்கு இதுலாம் புரியாது ஜீவா சண்டைல ஸ்டார்ட் ஆகுற relationships தான் ஸ்ட்ரோங்கா இருக்கும்னு ஒரு ஸ்வாமிஜி சொல்லிருக்காங்க " என்று சொல்ல

அவனோ புருவம் உயர்த்தி " அதுல்யாநந்தா ஸ்வாமிகளா ?" என்று கேட்க அவளோ மண்டையை உருட்டினால் ஆம் என்பதை போல் . அவள் தலைமுடியை களைத்து விளையாட எழுந்த கைகளை கஷ்டப்பட்டு அடக்கியவன் உதட்டில் துளிர்ந்த சிரிப்புடன் தனது பர்கரை சாப்பிட்டவன் அவள் எலும்பு பகுதியை சாப்பிட தெரியாமல் கையால் பிய்த்து சாப்பிடுவதை பார்த்து தனது புறம் இருந்த சதைப்பற்றான துண்டை அவளிடம் நகர்த்தியவன் அவள் போராடிக்கொண்டிருந்த எலும்பு பகுதியை தான் வாங்கிக்கொண்டான் .

அதை கண்டவள் கண்ணில் மின்னலுடன் " ஹே தேங்க்ஸ் ஜீவா எனக்கு இந்த எலும்பு சுத்தமா சாப்பிடவும் தெரியாது சாப்பிடவும் வராது .... தேங்க்ஸ் " என்று கூறி சாப்பிட சஞ்ஜீவ் அவளின் சிரிப்பில் தானும் சிரித்தவன் அவள் கையால் பிய்த்து வைத்து கறிதுண்டென்று விகல்பம் பாராமல் உண்ண அவர்கள் செய்கையில் மற்ற இருவரும் தான் குழம்பி அமர்ந்தனர் .

மேகாவும் சக்தியும் ஒருவரை ஒருவர் பார்த்து கொள்ள அவர்கள் இருவருமோ எதையும் கருத்தில் கொள்ளாது பேசியபடி சாப்பிட்டனர் . சாப்பிட்டு முடித்த பில் வந்ததும் சஞ்ஜீவ் தனது பாக்கெட்டை எடுக்க அதுல்யாவோ அவன் கையை பிடித்தவள் " ஹலோ இது நா குடுக்குற farewell ட்ரீட் நீங்க pay பண்ணாதீங்க " என்று கூற அவள் கூறிய farewell ட்ரீட் அவளின் பிரிவை உணர்த்த முகம் கசங்கிய சஞ்ஜீவ் சடுதியில் தன் இயல்பான முகத்தை மீட்டுக்கொண்டான் . இவை சக்தியின் கண்ணில் இருந்து தப்பவும் இல்லை.

சாப்பிட்டு வெளியே வரும்போச்சுது மேகாவின் தந்தை அவளை வந்து கூட்டி சென்று விட அதுல்யாவோ " அண்ணா என்ன வீட்டுக்கு கூப்டு போகுறீங்களா ? அத்தை cabla வராதான்னு சொல்றாங்க " என்று கூற சஞ்ஜீவின் பார்வை என்னிடம் கேட்காமல் அவனிடம் முதலில் கேட்கிறாயே என்பதை போல் அதுல்யாவிலேயே அதிக நேரம் படிவதை கண்ட சக்தியோ " மச்சான் எனக்கு கொஞ்சம் வேலை இருக்கு நா முடிச்சுட்டு வந்துருறேன் நீ அதுல்யாவை கூட்டிட்டு வீட்டுக்கு கெளம்பு ." என்று கூறி விடைபெற

அதுல்யாவோ சஞ்ஜீவை பார்த்தவள் " உங்களுக்கு ஓகே வா ?" என்று கேட்க சஞ்ஜீவ் சட்டென்று தோன்றிய கோபத்தில் " ஏன் உன் நொண்ணன் கூட தான் போவியா ?" என்று கேட்க

அதுல்யாவோ " அப்பாடா எங்க ரூல்ஸ் ராமானுஜம் ஒரு பையனும் பொண்ணும் ராத்திரி பைக்ல போறதுலாம் தப்புனு cab ஏத்தி விட்ருவீங்களோனு நெனச்சே ... பரவால்ல கொஞ்சம் கம்மியான ரூல்ஸ் ராமானுஜம் தான் போல " என்றபடி அவனுடன் நடக்க அவனோ தான் இவ்வாறு உரிமையுடன் என்று கோபிக்க ஆரம்பித்தோம் என்று தன்னை தானே கேள்வி கேட்டு கொண்டவன் முகத்தில் எதையும் பிரதிபலிக்காமல் அவளுடன் நடக்க அவளோ கண் முன் பறந்து வரும் சோப்பு நுரை பப்பிலை கண்டவள் கண்கள் விரிய அதை குத்தி விளையாடினாள்.அடுத்தடுத்து அவ்வாறு ஒவ்வொரு bubblesaai அவள் குத்திக்கொண்டிருக்க . அவளின் விரிந்து மலர்ந்த முகத்தை பார்த்தவன் அங்கே ஓரத்தில் இருந்த சோப்பு நுரை இருக்கும் bottlegalai பார்த்தவன் சென்று அவளிற்கென்று ஒன்று வாங்கி வர அவள் இன்னுமே அங்கே அவள் முன் பறந்து கொண்டிருந்த சோப்பு நுரைகளை குத்தி விளையாடிக்கொண்டிருந்தாள் .

அவளின் அருகில் சென்று குரலை செறுமியவன் வாங்கிய போது எழாத தயக்கம் கொடுக்கும் போது எழ அவளோ அவன் கையில் இருந்த நுரையை கண்டவள் கண் விரிய அதை காட்டி " எனக்கா ?" என்று கேட்க அவனும் சிரிப்புடன் தலை அசைத்து அவளிடம் நீட்ட

அவளோ ஆசையாய் அதை வாங்கிக்கொண்டவள் " தேங்க்ஸ் ஜீவா அம்மாட்ட கேட்டா இன்னும் சின்ன புள்ளையா நீ அப்டினு வாங்கியே தர மாட்டாங்க " என்று கூறியபடி அதில் இருப்பதை எடுத்து ஊத அந்த இரவில் வாகனங்களில் இருந்து வரும் வெளிச்சம் மட்டுமே அவள் ஒரு பக்க முகத்தை பளபளக்க வைக்க ஒரு கருப்பு நிற அனார்கலி சுடிதாரில் விரித்து விடப்பட்ட கூந்தலில் தேவதையென மிளிர்ந்தவளை கண்களின் வழி மனதில் நிரப்பிக்கொண்டான் சஞ்ஜீவ் ..... மனதில் இது தற்காலிக பருவமழைச்சாரல் என்று தெரிந்தும் எழும் சிலிர்ப்பை அடக்க தான் முடியவில்லை அந்த 24 வயது ஆண்மகனுக்கு .

அவள் சிரிப்பை ரசித்தவன் அவளின் கையை பற்றி " போதும் வீட்டுக்கு போகலாம் நேரமாச்சு " என்று கூற அவளும் மறுபேச்சின்றி அவன் பின் பைக்கில் அமர்ந்து அவனின் தோளை பற்றிக்கொண்டாள் பிடிமானத்திற்காக . அந்த நீண்ட விரல்களின் மெல்லிய அழுத்தத்தில் புன்னகைத்தவன் இருக்கும் நிமிடங்களை பொக்கிஷமாய் மனதில் சேமித்தான் ... பெயரிடாது.... வரைமுறைக்குள் அடக்காது.... மழை வரும் நேரம் அதை முழுதாய் அனுபவிக்கும் சக்கரவாகத்தின் மனநிலையில் . இருவர் நிழலும் இணைந்தே பயணிக்க வாழ்வையும் இணைக்க விதி வழி செய்ததரியாது மனதினுள் எழுந்த மழைச்சாரலை இரும்புத்திரை கொண்டு மூடினான் பொறுப்புகளில் மூச்சுமுட்டி நிற்கும் குடும்பத்தின் மூத்தமகன் .