இதோ மேலே இருக்கும் youtube வீடியோவில் ரைட் கார்னர் settings அருகில் உள்ள  YouTube வார்த்தையை ஜஸ்ட் கிளிக் செய்து Watch on Youtubeல்  வீடியோவை பார்க்கும் பொழுது கீழே இந்த நேரடி அத்தியாயத்திற்கான லிங்க் கொடுக்கபட்டிருக்கும். கொஞ்சம் சிரமம் பார்க்காமல் ரெண்டே ரெண்டே க்ளிக்கில் அழகாக படித்து மகிழ்வீர்களாம்.

______________________________________

உடல் முழுவதும் மெல்லிய சிலிர்ப்பு விரவி ஓட உள்ளிருந்து பிறக்கும் உணர்வுகளின் கொந்தளிப்பால் ஒரு கணம் கண்களை மூடி தன்னை நிதானித்த பரத் மெல்ல இமைகளை பிரித்து ரித்திகாவின் முகத்தை நோக்கினான்.

அவள் கவலையுடன் அவன் முகத்தின் போராட்டங்களை பார்த்திருக்க இதழ் விரித்து மென்மையாக முறுவலித்தான் பரத்.

"ஆர் யூ ஓகே?" என்றாள் மெதுவாக.

"பக்கா!" என்று கண்சிமிட்டியவனை கண்டதும் நிம்மதி பெருமூச்சுடன் பளீரென்று மலர்ந்தாள்.

"அப்பொழுது போகலாமா?" என்றாள் விழிகள் மின்ன.

"இன்னும் நீ ஓடிப்போய் பசங்களை தயார் செய்யவில்லையா?" என்றவன் அதட்ட கலகலவென்று நகைத்தபடி ஓடினாள் அவள்.

உடலும், உள்ளமும் புத்துணர்வை தத்தெடுத்திருக்க மெல்லிய உற்சாகத்துடன் சிறுவர்களை நெருங்கியவனை அவர்களோடு இணைந்து ஆரவாரமாக வரவேற்ற ரித்து, அனைத்து சிறுவர்களிடமும் அவனை முறையே அறிமுகப்படுத்தி வைத்தாள்.

"ம்... இவர் தான், தி கிரேட் மிஸ்டர்.பரத் சீனிவாசன்..."

"ம்ம்... ஷ்..." என்று அவளை அடக்கியவன், "ஹேய் க்யூட் ப்ளேயர்ஸ்! ஐ ஆம் பரத், ஷல் ஐ ஜாயின் வித் யூ?" என அமர்க்களமாக வினவினான்.

அவனின் அறிமுகத்தில் குதித்து கொண்டாடிய பிள்ளைகள், யேய்... என கத்தியபடி, கண்டிப்பாக அண்ணா என்று அவனை ஆவலுடன் வரவேற்றார்கள்.

அடுத்து இரு அணிகளாக பிரிக்கும் நேரம், நான் உங்களுடன் தான் விளையாடுவேன் என ரித்திகா அடம்பிடிக்க, நோ வே... இரண்டு பெரியவர்களும் ஆளுக்கொரு அணியில் இருப்போம் என்று முடித்து அணிகளை பிரித்தான் பரத்.

அவள் முகத்தை சுளித்து பழிப்பு காண்பிக்கவும் நகைத்தவன் டாஸ் போடலாம் உங்களுக்கு என்ன வேண்டும் என கேட்க, மீண்டும் முரண்டுப் பிடிக்க ஆரம்பித்தாள் அவள்.

"ம்... எது விழுந்தால் என்ன? உங்கள் டீம் தான் நிச்சயம் ஜெயிக்கும்!" என்று சிணுங்கினாள்.

"ஏய் லூசு... இப்படி சொன்னாய் என்று தானே நன்றாக விளையாடும் அனைத்துப் பசங்களையும் உன் அணியில் சேர்த்தது. அப்புறம் இன்னும் என்ன?" என்று அதட்டினான்.

"ஆங்... எத்தனை பேர் இருந்தாலும் நீங்கள் ஆப்போஸிட் டீம் தானே!"

"ஐயோ அக்கா... அவர் சொல்வதுப் போல் நீ நிஜமாகவே லூசு தான். நாங்கள் வெரிகுட் ப்ளேயர்ஸ் எல்லாம் உன் அணியில் தானே இருக்கிறோம்!" என்று முறைத்தான் தமிழ்.

"ஏன்டா உங்களுக்கும் இன்டர்நேஷனல் ப்ளேயருக்கும் வித்தியாசம் இல்லையாடா?" என்று வாயை விட்டாள் ரித்து.

"என்ன?" என்று சிறுவன் விழிக்க, இவளை... என பல்லைக் கடித்த பரத் அவனிடம், "ஒரு நிமிடம் இருடா கண்ணா வருகிறேன்!" என அவளின் கரம்பற்றி இழுத்துக் கொண்டு தள்ளிச் சென்றான்.

- part to be continued on www.deepababuforum.com