வெளியே கிளம்பியவன் எங்கே செல்வது என்று அறியாமல் தன் நட்புக்களை சந்திக்க சென்றான்.

"ஹே வா மச்சி "என்றான் அவன் நண்பன் அகிலன்

"டேய் அகிலா என்ன டா எங்கேயோ வெளியே கிளம்பி எனக்காக அப்படியே இருந்துட்டியா . நான் வேணும்னா கிளம்புறேன். நீ போய்ட்டு வா அகிலன் " அதற்குள் அவன் மனைவி காபி கொண்டு வந்தவள்...

"அண்ணா இதுல என்ன இருக்கு நாங்க சும்மா அப்படியே சேட் ஐடம் சாப்பிடலானு கிளம்புனோம் வேற ஒன்னும் முக்கியமான வேலை எதுவும் இல்லை. நீங்க உக்காருங்க அண்ணா "

"நன்றி தங்கச்சி ....நீ இவ்ளோ இயல்பா பேசுறது எவ்ளோ ஹேப்பி தெரியுமா ,சரி சேட் ஐடம் தானே வீட்ல ஆர்டர் பண்ணி சாப்பிடலாம்", என்று மூவருக்கும் சேர்த்தே ஆர்டர் செய்தான்...

"ஐயோ ஆதி இருக்கட்டும் எதுக்கு டா இதெல்லாம்"

"இல்லை மாப்ளே ,தங்கச்சி ஆசை எதுக்கு கெடுக்கனும் வெளியே போய் தான் சாப்பிட முடியலை வீட்லயாச்சும் சாப்பிடட்டுமே "

"நல்ல வேலை டா ,இல்லைனா இன்னைக்கு பூரா வெளியே போய் சாப்பிட முடியலைனு புலம்பி தள்ளிருப்பா " என்று தன் மனைவியை கலாய்க்க துவங்கினான் அகிலன்.

அவர்கள் வீட்டில் சிறிது நேரம் பேசிவிட்டு வீட்டுக்கு கிளம்பினான் ஆதி. காரில் பாட்டு கேட்டுக்கொண்டு வந்தான். வரும் வழியில் ரோஜா ஒரு பால் கடை வாசலில் வந்து நிற்பதை கவனித்தான்...

"என்ன ரோஜா பால் பாக்கெட் வாங்க வந்தியா "

"ஆமாம் ஆதி.. நீங்க எங்க இந்த பக்கம்"

"என் ப்ரண்டு அகிலனை பார்க்க போயிருந்தேன் அப்படியே வர வழியில உன்னை பார்த்தேன்."

"ஓ...சரி சரி..." என்று பால் பேக்கேட் வாங்கியபடி ஏலக்காய் டீ ஆர்டர் செய்தாள் ரோஜா.

"ஆவின் ஷாப்ல ஏலக்காய் டீ சூப்பரா இருக்கும் ஆதி. டேஸ்ட் பண்ணி பாருங்க " என்று அவனுக்கு ஒரு டீ கப்பை நீட்டினாள். அவனும் அதை வாங்கி சுவைத்தவாறே அவள் கண்களை பார்த்துக்கொண்டு இருந்தான்.

"என்ன ஆதி அப்படி பாக்குறீங்க என்ன ஆச்சு எதாவது என்கிட்ட சொல்லனுமா "

"ஒன்னுமில்லை.."

"இல்லையே உங்க கண் என்கிட்ட எதையோ பேசத் துடிக்குதே ",

"அடேங்கப்பா... பயங்கர கண்டுபிடிப்பு தான் போ "

"சரி சரி நேரம் ஆயிடுச்சு நான் கிளம்புறேன்" என்று விடைப்பெற்றவளை

"ஏய் ரோஜா வா நான் உன்னை ட்ராப் பண்றேன் "

"இல்லை ஆதி நானே போய்க்கிறேன் "
"என்மேல நம்பிக்கை இல்லையா உனக்கு"என்றான் ஆதி.

"ரொம்ப பண்ணாதிங்க சரி வாங்க நீங்களே ட்ராப் பண்ணுங்க" என்றபடி காரில் ஏறிக்கொண்டாள். பின் சீட்டில் அமர்ந்தவள் முன் சீட்டில் அவன் கார் ஒட்டிக்கொண்டிருக்கும் அழகினை ரசித்துக் கொண்டு இருந்தாள்.

அவள் வீடு வந்ததும்.
"ஆதி அப்ப நான் கிளம்புறேன்",

"ஓகே ரோஜா "

ரோஜா வீட்டின் கேட்டை திறந்து உள்ளே செல்லும் வரை அங்கேயே இருந்தான்.

'சாய்ந்து சாய்ந்து நீ பார்க்கும்போது
அடடா...ஹே ஹே ' என்ற பாடல் நினைவுக்கு வந்தது. கூலிங் கிளாஸ் மாட்டியவன் காரை கிளப்பிக்கொண்டு சென்றான் ‌ என்ன மாயமோ மந்திரமோ அவன் நினைத்த பாடல் ரேடியோவிலும் ஒலித்தது. அதை கேட்டுக்கொண்டு வீடு வந்து சேர்ந்தான்...

"என்ன ப்ரோ எங்க ப்ரண்ட பாக்க போனிங்களா " என்றாள் திவ்யா தன் அண்ணன் ஆதியிடம்.

"ஆமாம் என் ப்ரண்டை பாக்க தான் போனேன் ஏன் கேக்குற "

"ம்ம் உன் ப்ரண்டு பேரு ரோஜா தானே " என்று நக்கலாக சிரித்தாள் திவ்யா.

"அடியேய் என்ன சிரிப்பு"

"ஒன்னுமில்லை"

"ஒழுங்கா சொல்லு ஏன் சிரிக்கிற "

"எதுக்கோ சிரிக்கிறேன்... உனக்கு என்ன வந்தது"

"சும்மா சிரிக்க நீ என்ன லூசா "

"நான் சும்மா எல்லாம் சிரிக்கலை மனசுல ஒன்னு நினைச்சு தான் சிரிக்கிறேன் "

"அப்படினா அது என்னது சொல்லு "

"டேய் அண்ணா நீ ரோஜா கூட கார்ல வந்தது என் ப்ரண்டு ஒருத்தி பார்த்ததுட்டு என் கிட்ட சொன்னா ,உனக்கு ரோஜா எப்டி அவ்ளோ க்ளோஸ் ஆனாள். என்ன ப்ரோ லவ்வா "

"போடி வாலு " என்று அவள் காதை திருகினான் ஆதி.

தொடரும்