இதோ மேலே இருக்கும் youtube வீடியோவில் ரைட் கார்னர் settings அருகில் உள்ள  YouTube வார்த்தையை ஜஸ்ட் கிளிக் செய்து Watch on Youtubeல்  வீடியோவை பார்க்கும் பொழுது கீழே இந்த நேரடி அத்தியாயத்திற்கான லிங்க் கொடுக்கபட்டிருக்கும். கொஞ்சம் சிரமம் பார்க்காமல் ரெண்டே ரெண்டே க்ளிக்கில் அழகாக படித்து மகிழ்வீர்களாம்.

______________________________________

ரிச்சர்டின் உணர்வுகளை படித்த தருண் விருந்தினராக வந்திருக்கும் அவனுக்கு உதவும் பொருட்டு விரைவாக பேச்சை மாற்றினான்.

"ஏய்... அவ்வளவு நேரமாக டர்பன் என பெயர் சொல்லி கையில் ஒன்றை வைத்துக் கொண்டு சுற்றினாயே எங்கேடா அது?" என்று தம்பியிடம் வினவினான்.

"ஆங்... அதை தான் இந்த பக்கி ஒரே இழுப்பில் கலைத்து விட்டாளே..."

அதுவரை ரிச்சர்ட்டின் தனிமையை எண்ணி பரிதாபத்தில் இருந்த அட்சயா, "நீ கையில் வைத்திருந்ததற்கு பெயரெல்லாம் டர்பன் என சொல்லி அதைக் கேவலப்படுத்தாதேடா!" என்றாள் நக்கலாக.

அவளை எதிர்ப்பதற்காக வேகமாக வாயை திறந்த மகனை அடக்கிய சித்தார்த், "சரி விடுங்கள்... அது இல்லையென்றால் போகிறது!" என்றான்.

"ம்... அதெப்படி நான் எவ்வளவு ஆசையாக திட்டமிட்டேன்?" என்று முகத்தை சுருக்கினான் கருண்.

"இப்பொழுது என்ன டர்பன் செய்ய வேண்டும் அவ்வளவு தானே, யூடியூப்பில் பார்த்து தெரிந்துக் கொண்டால் ஆயிற்று!" என தன் அலைபேசியில் அதற்கான தேடலை துவங்கி வீடியோவை எடுத்தான் ரிச்சர்ட்.

"ஹுர்ரே... இதுவே தான்!" என ஆர்வமாக அதைப் பார்த்து சித்துவின் தலையில் கருண் கட்டிவிட ஆரம்பிக்க அனைவரின் முகத்திலும் நகை அரும்பியது.

"ம்... மணப்பெண் ரெடி, மாப்பிள்ளை ரெடியா?" என்று கேள்வியெழுப்பியபடி மாடியின் மேல் படியில் சிந்துஜாவுடன் வந்து நின்றாள் தன்யா.

பாட்டியின் இருகரம் பற்றியபடி ஶ்ரீ, விது நின்றிருக்க, அருகில் மலர்ந்த முகத்துடன் அருந்ததியும், கமலாவும் நின்றிருந்தனர்.

- Part to be continued on www.deepababuforum.com