"வெல்கம் , வெல்கம் , would-be ஆராதனா அன்பினியன்." என வரவேற்க, அமுதனின் வரவேற்பில் வெளியே நின்ற ஆராதனாவிற்கு அவள் ஒருங்கிணைத்த தைரியம் எல்லாம் நொறுங்கி கை கால் எல்லாம் உதற ஆரம்பித்தது.

அவனின் வரவேற்பில்  மேஜையின் மீது இருந்த தன் இரண்டு கால்களையும் நகர்த்தி அதன் நடுவே தெரிந்த அழகான பெண் உருவத்தை பார்த்தான், அவன்.

ஆராதனா முன் இரண்டு பாதங்களுக்கு நடுவே தரிசனம் தந்த அன்பினியனை பார்க்க அவனின் பார்வையில் மேலும் உடல் நடுங்கி போயிற்று.

அவள் உடல் நடுங்குவதை பார்த்தவன் இளக்காரத்துடன் ஒரு வெற்றியை புன்னகையை அவளை நோக்கி சிந்தினான்.

மெதுவாக காலை கீழே இறங்கியவன் தன் இரு கைகளையும் கோர்த்து முன்னே நீட்டி சொடக்கு இட்டவன் கையை அவன்  பேன்ட் பாக்கெட்டில் வைத்துக் கொண்டான்.

"நீ தான் ஆராதனா. என்னோட லவ்வர். அப்படித்தானே?" அவள் அருகே வந்தவன் அவனை சுற்றிக் கொண்டே சொல்ல மேல் மூச்சு கீழ் மூச்சு வாங்கினாள்.

"என்ன மச்சி, உன்னோட லவ்வர்ன்னு சொல்ற.  இப்படி சந்தேகமா கேட்கிற?" என தீனா அவனிடம் கேட்டான்.

" நான் என்ன மச்சி பண்ணட்டும். எனக்கு லவ்வர் இருக்கிறதே ரெண்டு நிமிஷத்துக்கு முன்னாடி தான் எனக்கே தெரியும்.

அதுவும் பின்னாடி இருந்து பார்த்ததால முகம் தெரியவே இல்ல. அதான் இப்ப பாக்குறேன்."என அவனுக்கு பதில் அளித்தவன் திரும்பி ஆராதனாவை உச்சி முதல் பாதம் வரை பார்த்தான்.

"என்ன மச்சி குழப்புற புரியிற மாதிரி சொல்லு."

" மச்சி, தீனா நமக்குலாம் லவ் பண்றதுக்கு தகுதியிருக்கனும்னு சொன்னதெல்லாம் யோசிச்சுட்டே வந்துட்டிருக்கும்போது இவ என் லவ்வர்ன்னு  ஜூனியர்ஸ் கிட்ட சொல்லிகிட்டு இருந்தா."

"நான் சொல்லல....." என ஆராதனா பதற டேபிளின் மேலிருந்த புத்தகங்களை எடுத்து அவள் காலடியில் தூக்கி வீசினான், அன்பினியன்

"நான் பேசும்போது குறுக்கே பேசக்கூடாது. இது உனக்கு ஃபர்ஸ்ட் அண்ட் லாஸ்ட் வார்னிங்க்." என  அவள் முகத்தின் முன் விரல் நீட்டி எச்சரிக்கை விட அவள் எச்சிலை விழுங்கிக் கொண்டாள்.

அவளது மருண்ட பார்வையும் நடுங்கும் உடலும் கலங்கிய கண்களும் திருப்தியை தர தீனாவிடம் திரும்பினான்.

"அதான் மச்சி , இவ என்னோட லவ்வர்னு அவகூட நின்றிருந்த ஒருத்தி காட்டி சொல்லுச்சு. இதுவும் அது சொன்னதுக்கு மண்டையா மண்டைய ஆட்டுச்சு.

எனக்கு செம காண்டு போய்  ஒன்னு விடலாம்ன்னு தான் நினைச்சேன்.

அப்பதான் தீனா சொன்னது ஞாபகத்துக்கு வந்தது.

நமக்கு தகுதி இல்ல ன்னு சொல்றதுக்கு கூட ஒரு தகுதி வேணும்.

அதான் நம்ம தகுதியை காட்ட இவளோட லவ்வ அக்ஸப்ட்  பண்ணிட்டேன். "

ஆராதனாவின் காதலை அவன் ஒப்புக் கொண்டுவிட்டான் எனக் கூற ஆராதனா அதிர்ந்து வாயை திறக்க போக, அவனின் முறைப்பில் வாயை மூடி கொண்டாள்.

அவளை நெருங்கியவன்,

" நான் முடிவு பண்ணிட்டேன், நீதான் என்னோட லவ்வர்." என கூற அவள் திருதிருவென முழித்தாள்.

" உனக்கு ஓகே தானே?" என அவளை பார்த்து கேட்டான்.

" இல்ல நீங்க தப்பா புரிஞ்சிருக்கிறீங்க. நான் உங்கள காதலிக்கலாம் இல்ல. என் பிரண்ட் என்னை காப்பாத்துறதா நினைச்சு ஏதேதோ சொல்லிட்டா. என்னால அந்த நேரத்தில அவங்க கிட்ட சொல்ல முடியல. அவ்வளவுதான் மத்தபடி எதுவுமில்லை." என தட்டு தடுமாறி கூற, அன்பினியனோ வாய் விட்டு சிரித்துக் கொண்டிருந்தான்.

"வெயிட் . வெயிட்.  ஏன் இவ்வளவு பதட்டம்? முதல்ல உக்காரு." என தீணாவை பார்க்க தீனா ஒரு சேரை அவளின் அருகில் போட அவள் தோள் மேல் கையை வைத்து அவளை அழுத்தி நாற்காலியில் உட்கார வைத்தான்.

மீண்டும் தீனாவை பார்க்க தீனா மற்றொரு சேரை அவளின் முன் பக்கம் போட அதை திருப்பி போட்டு அதில்  உட்கார்ந்தான், அன்பினியன்.

" இங்க பாரு. நான் இதுவரைக்கும் யார்கிட்டயும் இவ்வளவு பொறுமையா பேசினது இல்ல. அது எனக்கு வரவும் வராது.

நீ சூப்பரா இல்லனாலும் சுமாரா இருக்க. என் முதுகு பின்னாடி கூட என்னை யாரும் எதுவும் சொல்ல கூடாது.

அப்டி என்னை பத்தி யாரும் சொன்னா எனக்கு பிடிக்காது.

அதற்கு நான் இடம்கொடுக்க மாட்டேன். இப்ப எனக்கு ஒரு லவ்வர் வேணும்.

இனி ஒரு பொண்ண தேடி காதலிக்கிறது எல்லாம் என்னால முடியாத காரியம்.எனக்கு அது செட்டும் ஆகாது.

அதனால தான் உன்னை செலக்ட் பண்ணி இருக்கேன். நீ  உன்னை காப்பாத்திக்க என்னை லவ் பண்ண சொன்னதுக்கு தண்டனையா எடுத்துக்கிட்டாலும் சரி.

இல்ல என்னோட கட்டளையா எடுத்துக்கிட்டாலும் சரி. இனி நீதான் என்னோட லவ்வர் புரிஞ்சுதா.  புரியலையானாலும் உன்னோட மூளைக்குள்ளே தட்டி புரிய வச்சுக்கோ." என அவள் தலையை தட்ட அவள் பதறி எழுந்தாள்.

"உட்காருடி." என்ற அன்பினியனின் சத்தத்தில் தொப்பென நாற்காலியில் அமர்ந்தாள்.

"நான் பேசும்போது மரியாதை இல்லாம எந்திரிக்க கூடாது. எனக்கு அது பிடிக்காது." என மிரட்டி கொண்டிருக்க அவளுக்கு மேல் மூச்சு கீழ் மூச்சு வாங்கியது.

" இங்க பாரு நான் ஒன்னும் மத்தவங்க மாதிரி நிஜமா லவ் பண்ண உன்னை கூப்பிடல. ஜஸ்ட் லவ்வர் அவ்வளவுதான்.

அதுவும் இந்த காலேஜ்ல இருக்கிற வரை மட்டும்தான். நான் இந்த காலேஜ்ல இன்னும் இரண்டு இருப்பேன்.

அந்த ரெண்டு வருஷமும் நீதான் என்னோட லவ்வர். நான் ஒன்னும் உன்னை சும்மா என்னோட லவ்வரா இருக்க சொல்லல.

என்னோட லவ்வர்ன்னு சொன்னா உனக்கு இந்த காலேஜ்ல நல்ல மரியாதை கிடைக்கும்.

என் பெயரை சொல்லி நீ என்ன வேணாலும் பண்ணிக்கலாம். உனக்கு எந்த பிரச்சினை வந்தாலும் நான் பாத்துக்கறேன்.

அதே மாதிரி உன்னை யார் தொல்லை பண்ணாலும் என்கிட்ட சொல்லு. நான் பாத்துக்குறேன்.

என் பேரை சொல்லி நீ ஓசியா கேண்டீன்ல சாப்பிட்டாலும் சரி. என் பேரை சொல்லி எக்ஸாம்ல பிட்டு அடிச்சாலும் சரி. என் பேரை சொல்லி கிளாசை கட்டு அடிச்சாலும் சரி.

உன்னை யாரும் எதுவும் கேட்க மாட்டாங்க. மீறி யாராவது வாய தொறந்தா நீ தாராளமா என்கிட்ட சொல்லலாம்.

சொன்னவன் வாய் இருக்காது. நீ இந்த காலேஜ்ல ராணியா யார வேணா எப்படி வேணா ஆட்டி வைக்கலாம்.

இந்த காலேஜ் டீன்ல இருந்து வாட்ச்மேன் வரைக்கும் நீ சொன்னா எல்லாம் கேப்பாங்க.

அந்தப் பவரை நான் உனக்கு தரேன். நீ உன்னோட லவ்வரா இருக்கணும். இதுதான் நம்மளோட டீல்."

" இல்ல.... அது வந்து... இதெல்லாம்  என் அப்பாக்கு தெரிஞ்சா..."  என அவள் வாயை திறக்கும்போது கைநீட்டி தடுத்தவன்,

" அப்பாக்கு தெரிஞ்சா, ஆட்டுக்குட்டிக்கு தெரிஞ்சா, இதெல்லாம் இங்க வேண்டாம்.

நாம இந்த காலேஜ்ல மட்டும் தான் லவ்வர்ஸ்.

அதுவும் இந்த ரெண்டு வருஷத்துக்கு மட்டும்தான் லவ்வர்ஸ்.

அதுக்கப்புறம் நான் உன்னை எந்த தொந்தரவும் பண்ணமாட்டேன். அதே மாதிரி நீயும் காதல் அது இதுன்னு என் பின்னாடி சுத்தவும் விடமாட்டேன்.

ஜஸ்ட் லவ்வர்ஸ்ன்னு பேருக்கு அவ்வளவுதான்‌. காலேஜ் முடிஞ்சதும் நீ யாரோ நான் யாரோ.  அப்பா ஆட்டுக்குட்டின்னு கதை விடாம இந்த டீல்க்கு ஓகே சொல்லு பார்ப்போம்."

  நாற்காலியில் மேல் இருந்த கையை கன்னத்தில் ஊன்றி அவளின் பதிலை எதிர்பார்த்து இருந்தான், அன்பினியன்.