பெரியவர்கள் இருவரும் ஏமாற்றத்துடன் , முகம் வாட , லீலாவதியோ ஆற்றாமையில் அழுக ஆரம்பித்திருந்தார் ,
நாளைக்கு எம்புள்ள (ஜெயராம்) கல்யாணத்துக்கு வற்ரவங்களுக்கு என்னசொல்லி சமாளிக்கப் போறானோ , அவன் மகன் ஆசப்பட்டுட்டான்னு அவங்க வாசலுக்குப் போனதுக்கு இப்படி நம்ப வச்சு ஏமாத்தீட்டாளே ! இந்த கல்யாணத்த வைச்சுட்டு எம்புள்ள கெடந்து தவிக்குறானே ! ... என்று அழ ஆரம்பித்தார் .

ஜெயராம் , " அம்மா நீங்க அதெல்லாம் எதுவும் நினச்சு ஃபீல் பண்ணாதீங்க அமைதியா இருங்க ... நான் சமாளித்துக்கொள்கிறேன் , என்று அருகில் வந்து சமாதானப்படுத்த லீலாவதியோ ஜெயராம் மீதே மயங்கிச் சரிந்தார் , அவர் மயக்கம் கண்ட ஜெயராமும் ஜீவியும் லீலாவதியை எழுப்ப , தேவி , அம்மா , என்னம்மா ஆச்சு என்று , லீலாவதியின் அருகில் வர , ஜெயந்தி தண்ணீர் கொண்டு வந்து முகத்தில் தெளித்தார் ,

ஒட்டு மொத்தக் குடும்பமும் பதட்டதில் இருக்க லிலாவதி கண்கள் மெல்லத்திறந்தார் , ஜெயராம் தாமதிக்காமல் அருகில் உள்ள ஹாஸ்பிட்டலுக்கு அழைத்துச் செல்லும் பொருட்டு , நீங்க யாரும் வரவேண்டாம் நானும் ஜெயந்தியும் மட்டும் அம்மாவ கூட்டீட்டு போய்டு வர்றோம் , என்றார் , என்றாலும் பாலா , தேவி , ஜீவி , ராஜாங்கம் , என அனைவரும் ஹாஸ்பிடல் சென்றனர் , செந்தூரி மண்டபத்தில் இருந்த கார்த்திகிற்கும் ஃபோன் செய்தாள் ,

ஜெயந்தியும் தேவியும் லீலாவதியைச் டாக்டரிடம் அழைத்துச்செல்ல , ஜெயராம் , பாலா , தாத்தா என மூவரும் ரிஷப்சனில் உள்ள இருகையில் அமர்ந்தனர் .

ஜீவிக்கு , பாட்டி உடல் நிலை சரிஇல்லாமல் இருப்பதும் , தாத்தாக்கள் இருவரும் செய்வதறியாது குழப்பத்தில் இருப்பதும் , ஜெயராமும் ஜெயந்தியும் , செந்துவின் திருமணம் நின்றதில் கலக்கமாக இருப்பதும் , என இந்த நிகழ்வுகளைப் பார்க்க பார்க்க ஜீவியின் மனம் நிலையில்லாமல் தவிக்க , பாட்டி தாத்தா கேட்டு மறுத்தது ஏனோ அவளுக்கு குற்ற உணர்ச்சியால் இதயம் பதட்டபட ஆரம்பித்திருந்தது ..

ஜெயராம் தன் பக்கத்தில் அமர்ந்த ஜீவியின் முகம் வாடி சோர்வடைந்து இருந்ததைப் பார்த்தவர் , கரிசனத்துடன் வினவினார் .

" ஏன்டா நீ ஏன் ஹாஸ்ப்பிட்டல் வந்த ? அதான் மாமா யாரும் வரவேணாம்னு சொன்னேன்ல ... பாரு முகமெல்லாம் டல்லா இருக்கு நீ பாலா கூட வீட்டுக்குப் போய் ரெஸ்ட் எடுடா , வீட்ல இருக்க பிரச்சனையெல்லாம் பார்த்து நீ பயந்து போயிருக்க , பாட்டியும் தாத்தாவும் ஏதோ ஆசையில அப்படிக் கேட்டுட்டாங்க , நீ அதெல்லாம் நினைச்சு ஃபீல் பண்ணாத , என்றார் ஜீவியின் தலைவருடடி ...

ஜீவி " இல்ல மாமா நான் செந்து மாமாவ மேரேஜ் பண்ணிக்கிறேன் , என்றாள் கண்ணீர் ததும்ப ..

அதைக்கேட்ட ஜெயராம் துணுக்குற்று ,
" என்னடா , பாட்டி உன்னை செந்துவ மேரேஜ் பண்ணிக்க சொல்லிக் கேட்டாங்க , ஆனா நீ மறுப்பு சொன்னதால்தான் பாட்டிக்கு உடம்புசரியில்லாம போயிருச்சுன்னு , பயந்து , செந்துவ மேரேஜ் பண்றேனு சொல்றியா ? அதெல்லாம் பாட்டிக்கு ஒன்னும் இல்லடா ப்ளட் ப்ரஸ்சர் தான் ... நீ பயப்படாத , மேரேஜ்லாம் பெரிய விஷயம் யாரு கம்பல்ஷன்லயும் பண்ணக் கூடாதுடா .... என்றார்...

அதைக் கேட்ட ஜிவிக்கு கண்களில் ததும்பிய கண்ணீர் வடிய , விசும்பலோடு பேசஆரம்பித்தாள் , இல்ல மாமா , என்னால உங்க யாரையும் இப்படிக் கவலை முகமா பார்க்க முடியல , இன்றைக்கு காலைல இருந்தே உங்க யார் முகத்திலும் சிரிப்பே இல்ல , வீடே நிம்மதி இல்லாம இருக்கு , பாட்டிக்குக் கூட உங்க , கவலைலதான் இப்படி ஆகிடுச்சு , நான் முதன் முதல்ல வந்தபோது ஜெயம் இல்லம் , ரொம்ப ஹேப்பியா இருந்தது , ஆனா இன்றைக்கு அந்த சந்தோஷம் எல்லாம் தொலைஞ்சிடுச்சு , இந்த நிமிஷம் , எனக்குன்னு தனியா எந்த விருப்பு வெறுப்பும் இல்ல மாமா, நீங்க எல்லாரும் என்னோடு எப்பவும் ஹேப்பியா பேசிச் சிரிச்சாப் போதும் , என்று ஒரு குழந்தை போல அழுது கொண்டே மொழிந்தவளை தன் தோளோடு சாய்த்து சமாதானப்படுத்தினாலும் , ஏனோ அவருக்கும் , அவளது பேச்சில் கண்கலங்கவே செய்தது ....
ஆனாலும் அவள் கூறியதில் உண்மை இருக்கவே செய்தது அவள் வரும்போது குடும்பம் சந்தோஷத்தின் உச்சத்தில் இருந்தது , இதே அவள் இந்த வீட்டின் மருமகளாகி விட்டால் சந்தோஷமும் நிரந்தரமாகி விடும் ,

செந்தூவிற்கும் இவள் மீது அலாதி அன்பு இருக்கிறது .. இவளுக்கும் ஆகாஷ் கூறியது போல செந்து மீதும் அன்பு இருக்கிறது , இந்த ஆழ்ந்த அன்பு ஒன்றே போதும் இனிய இல்லறத்திற்கு , இந்த அன்பின் முன்னால் செந்தூரனில் இருக்கும் ரஷ்மியின் நினைவுகள் நிச்சயமாக செயலிழந்து விடும் , என்று நினைத்தவர் ஜீவியை தன் வீட்டுமருமகளாக்க வேண்டுமெனத் தீர்மானித்தார் ...

ஜீவி செந்துவை மணம்புரிகிறேன் எனக் கூறக் கேட்ட ராஜாங்கத்திற்க்கு , தேவதை வரம் தந்தது போல் இருந்தது , ஆனால் பாலாவுக்கோ தன் மகள் முடிவு அதிர்ச்சியளித்தது , வேறொரு பெண்ணை மனதில் நினைததுக் கொண்டிருப்பவனை எப்படி , என் மகளுக்கு மணம் முடிப்பேன் ... என் குழந்தை ஒட்டுமொத்த குடும்பத்தின் நிம்மதியை மனதில் வைத்து , இந்த முடிவை எடுத்திருக்கிறாள் , குடும்பத்தின் நிம்மதி கிடைப்பது ஒருவழியில் மனதுக்கு ஆறுதல் அளித்தாலும் , மகளை நினைத்துப் பரிதவித்தான் .

செந்தூரி ஃபோன் செய்ததும் , மண்டபத்திலிருந்து , ஹாஸ்பிட்டலுக்கு வந்த , கார்த்திக்கும் , செந்தூவும் , பாட்டியைப் பற்றி ஜெயராமிடம் கேட்க வந்தவர்கள் கண்ணாடிக் கதவைத் திறந்து உள்ளே நுழைய எத்தனித்தப்போது , ஜீவி பேசியதைக் கேட்க நேர்ந்தது , கார்த்திக்கிற்கு மருமகளின் கண்ணீர் கவலைதந்தாலும் , செந்துவை திருமணம் செய்து கொள்கிறேன் என்றது , சந்தோஷத்தைத் தந்தது ...

செந்தூவிற்கோ ஜீவியின் கண்ணீர் மனதை ரணமாக்கியது , மேலும் இவளை , தன்னைத்திருமணம் செய்யச் சொல்லிவேறு கட்டாயப்படுத்தாத குறையாகக் கேட்டிருக்கிறார்கள் , என்று தெரிந்தவுடன் , அவன் கோபம் உச்சம் தொட்டது ,

பாட்டியைப் பரிசோதித்ததில் பெரிதாக எந்தப் பிரச்சனையும் இல்லை , ப்ரஸர் டேப்லட்ட ஸ்கிப் பண்ணாம எடுத்துக்கச் சொல்லூங்க என்றார் .

ஜெயராமும் கார்த்திக்கும் , ராஜாங்கத்திடம் " அப்பா செந்துவிடம் ஜீவிய கல்யாணம் பண்ற விஷயமா , நீங்க எதுவும் பேசவேண்டாம் , நாங்கள் அவனிடம் பேசிக்கொள்கிறோம் " , எனக்கூற , அதற்க்கு ராஜாங்கம்
" இல்லப்பா நீங்க செந்தூவிடம் பேசுவது சரி வராது , நானே பேசிக்கொள்கிறேன் , நீங்க அமைதியா இருங்க ..." என்றார் ,

ஜெயராம் , " இல்லப்பா நீங்க ஏற்கனவே கோபமாக பேசியதற்க்கே செந்து உங்களிடம் கோபத்தில இருப்பான் , என்று இழுக்க ...."

ராஜாங்கமோ " நீ கவலைப்படாதப்பா , நான் கோபத்தில் பேசவில்லை , அவன் கோபத்தை தூண்டத்தான் அப்படிப் பேசினேன் , அப்படீ நான் பேசவில்லை என்றால் இன்நேரம் அவன் கொல்கட்டா போயிருப்பான் , நான் நினைச்ச மாதிரி ஜீவிக்கும் அவனுக்கும் கல்யாணம் பேசமுடியாது ... இப்பவும் வீட்டுக்குச் சென்றவுடன் அவனே ஆரம்பித்துவிடுவான் , நீங்க அமைதியா இருங்க நான் பேசிக்கொள்கிறேன் இப்போதைக்கு அவனோட கோபம்தான் நமக்கு சாதகமா இருக்கும் , அவன் என்னை எப்படி நினைத்தாலும் , பரவாஇல்லை , ஆனா என் பேரன் கல்யாணம் நின்னுபோனதால அவனை யாரும் குறைச்சு பேசிவிடக்கூடாது , ராஜங்கத்தோட பேரன் எப்பவும் தலை நிமிர்ந்து நிற்கனும் , அதுதான் எனக்கு வேண்டும் , என்றார் .

ஹாஸ்பிட்டலில் இருந்து பாட்டியைக் கூட்டிக்கொண்டு அனைவரும் வீடு வந்து சேர ... அதற்காகவே காத்திருந்தது போல செந்து , ராஜாங்கத்திடம் " தாத்தா ஏன் ஜீவியிடம் என்னைக் கல்யாணம் செய்துக்கச் சொல்லிக்கேட்டீங்க ? " என்றான் ,

" ஆமா கேட்டேன் , அதற்கென்ன ?

" என்ன தாத்தா இப்படிக் கேட்கறீங்க , ரஷ்மிய நினைச்சுட்டு ஜீவி கழுத்துல தாலி கட்டவா ? " என்றவனிடம் ,

" உன்னை யாரும் ரஷ்மிய நினைச்சுட்டு ஜீவி கழுத்தில தாலி கட்டச் சொல்லல ...ரஷ்மிய உன் நினைப்புல இருந்து தூக்கி எரிஞ்சுட்டு என் பேத்தி கழுத்துல தாலி கட்டுன்னு சொல்றேன் " என்றார் ,

" தாத்தா ஜீவி சின்னப் பொண்ணு , பாவம் அவள் , நீங்க எல்லாரும் கல்யாணம் நின்னு போச்சேன்னு கவலைப் படுறீங்கன்னு உங்க எல்லாரோட சந்தோஷத்திற்காக , அவள் என்னைக் கல்யாணம செய்ய சம்மதிச்சுருக்கா ... "

" அதத்தான் நானும் சொல்றேன் அந்த சின்னப் பொண்ணுக்கு இந்த குடும்பத்து மேல இருக்குற அக்கறைல கொஞ்சம் கூட உனக்கு இல்லைன்னு "

" தாத்தா நான் ஜீவி கழுத்துல தாலி கட்டுனா , அது நான் ஜீவி ரஷ்மி இரண்டுபேருக்கும் செய்ற துரோகம் "

இதைக்கேட்ட கார்த்தி செந்துவைக் கேள்வியாய் பார்க்க , அந்தப் பார்வையின் உள் அர்த்தம் புரிந்தவனுக்கு , ஏதோ ஒன்று உறுத்த ... தன் எதிரே சோபாவில் அமர்ந்திருந்த தன் தங்கைகள் இருவரையும் " அனி , அஸ்வதி இரண்டுபேரும் உங்க ரூமுக்கு போங்க எனறு கூற ... அவர்கள் இருவரும் ஏன் என்று யோசித்துக் கொண்டிருக்க , மீண்டும் கோபத்தின் உச்சத்தில் அழுத்தமாகக் கூறினான் , " உங்க இரண்டு பேரையும் உள்ள போங்கன்னு சொன்னேன் " என்றுகூற , இருவரும் இடத்தைக் காலிசெய்தனர் ...

செந்து கார்த்திக்கிடம் ,
" இப்பக் கேளுங்க சித்தப்பா , மனசுல நினைக்கிறத கேளுங்க " என்றான் ,

அவர் ஏதும் பேசாமல் மெளனிக்கவே ...

" தெரியும் நீங்க என்ன நினைச்சீங்கன்னு , நான் ரஷ்மியிடம் எல்லை மீறீட்டேன்னு சந்தேகப்பட்றீங்க , அதனாலதான் துரோகம்னு நான் சொன்னதும் அப்படிப்பார்தீங்க , சித்தப்பா எனக்கு வயசுக்கு வந்த இரண்டு தங்கச்சிங்க இருக்காங்க , இந்த நிலமைல நான் காதலிக்கிற பொண்ணிடம் அப்படி நடந்திருப்பேன்னு எப்படி சித்தப்பா நினைக்கலாம் , நான் துரோகம்னு சொன்னது , ரஷ்மிய நினைச்சுட்டு , ஜீவி கழுத்துல தாலி கட்றதையும் , ரஷ்மி க்கு அவளோட கஷ்டத்தில் கூட நின்னு உதவி செஞ்சு , காத்திருந்து கல்யாணம் செய்யாம , அவளோட சூழ்நிலையக் காரணம் காட்டி ஜீவியக் கல்யணம் பண்றதையும் தான் " , என்றான் .

பொறுமை இழந்த ராஜங்கம் , " இங்கபாரு செந்து , சூழ்நிலையக் காரணம் காட்டி கல்யாணத்தை நிறுத்தினது நாங்க இல்ல , ரஷ்மிதான் , அந்தப் பொண்ணு அவளோட பிரச்சனைக்கு உதவலாம்னு நினைச்சாலும் வேணாம்னு சொல்லுது , பிரச்சனையெல்லாம் முடிச்சுட்டு செந்துவ கல்யணாம் பண்ணிக்கோன்னு சொன்னாலும் கல்யாணமே வேணாம்னு சொல்லுது, அதோட ஒரு பொண்ணுக்கு துரோகம் பண்ற அளவுக்கு இங்க யாரும் கல்நெஞ்சுக்காரங்க இல்லை ,
நீ ஜீவியக் கல்யாணம் பண்ணிக்கறதா இருந்தா மட்டும்தான் ... என்று முடிப்பதற்க்குள் வேகமாக இடைமறித்த செந்து ,

" ஹம் ...சொல்லுங்க தாத்தா ஜீவிய கல்யாணம் பண்ணிக்கறதா இருந்தா மட்டும் தான் இங்க இருக்கனும் , இல்லை என்றால் வீட்டை விட்டு வெளியில போகனும் , அதைத்தானே சொல்ல வந்தீங்க ... நான் போகிறேன் , இப்பவே வீட்டை விட்டு வெளிய போகிறேன் " என்று நகர முட்பட்டவனை .. ராஜங்கத்தின் குரல் தடுத்தது ..

" செந்து நான் இன்னும் பேசிமுடிக்கலை ... நீ ஜீவிய கல்யாணம் செய்யவில்லை என்றால் , நானும் உன் பாட்டியும் இங்க இருக்க மாட்டாம் , கோயம்பத்தூருக்கே போயிருவோம் , நான் இறந்தால் கூட கொள்ளி வைக்கிற உரிமை உனக்கு இல்ல , இதுதான் என்னோட முடிவு , இப்ப நீயே சொல்லு நான் இங்க இருக்கவா போகவோ ?

செந்தூரன் " அதெப்படி தாத்தா உங்களால இப்படி ஒரு நிமிஷத்தில தூக்கி எரிஞ்சு பேசமுடியுது என்றான் .

தூக்கி எரிஞ்சது யாரு , நீயா ? நானா ? ஆமா நீ ஆறு மாசமே பழகின ஒருத்திக்காக , அதுவும் உன்னை வேணாம்னு தூக்கி எரிஞ்ச ஒருத்திக்காக , ஒட்டுமொத்த குடும்பத்தையும் உதறிட்டு போறேன்னு சொன்னியே ... அதைக் கேட்ட அப்பவே நான் செத்துட்டேன் ... என்றவரின் குரல் தழுதழுத்தது ....

செந்து .. சற்றே கண்களை மூடி தன்னை ஆசுவாசப்படுத்திக் கொண்டு ,

" அப்பா .. நான் ஜீவிய கல்யாணம் பண்ணிக்கிறேன் " என்றான்.

ஒட்டு மொத்தக் குடும்பமும் ஒரு நொடி ஆச்சர்யத்தில் மூழகியது ... அந்த நல்லிரைவை தாண்டிய வைகறையிலும் , உறங்காமலிருந்த உறவுகள் கிறங்காமல் உற்ச்சாகமடைந்து நிச்சயதார்தம் மற்றும் திருமணத்திற்க்கான ஏற்ப்பாடுகளைச் செய்ய ஹாலில் இருந்து இடம் பெயர , அங்கே செந்துவும் ஜீவியும் மட்டுமே இருக்க ,

ஜீவி ஹாலின் ஒரு சுவற்றில் சாய்ந்தவாறு நின்று கொண்டிருந்தாள் , அவள் மனம் செந்துவை நினைத்துத் தவித்துக்கொண்டிருந்தது , ' செந்து மாமாவின் வாழ்கையில் அவர் அனுமதி இன்றி நுழைந்து விட்டோம் , ரஷ்மி அக்காவின் இடத்தில் எனை எப்படி , ஏற்றுக்கொள்வார் ? ,
இதுவரையில் அன்பால் ஆராதனை செய்தவன் , இனி என் மீது வெறுப்பைக் காட்டினால் நான் என்ன செய்வேன் .. ரஷ்மி அக்காவின் பிரச்சனைகள் ஓய்ந்தபின் ரஷ்மி அக்காவும் மாமாவும் சேரந்து வாழ இருந்த வழியை அடைத்துவிட்டேனே ... அவனது ஒரு துளி கோபமும் , எனைக் கொன்று விடுமே ! நான் என் செய்ய ? ' இவ்வாறு சிந்தனையின் வசம் நின்றவள் ,

" ஜீவிகா .... " என்ற செந்தூவின் கோபம் ஏந்திய அழுத்தமான அழைப்பில் ஒரு நொடி திடுக்கென்று துணுக்குற்றாள் ....

அதிர்ந்து அவனை நோக்கியவளின் கண்கள் மிரண்டு பதட்டமடைய ... அதைப் பார்த்த செந்து ... தன்னைத்தானே நொந்துகொண்டு , சற்றே தன்னை ஆசுவாசப்படுத்தி .... பின் அமைதியாக அழைத்தான் ..
" ஜீவிமா இங்க வா .. " என்ற அழைப்பில் அருகில் வந்தவள் கலங்கிய கண்களோடும் , சத்தம் வராத வார்தையாலும் " சாரி மாமா .. "
என்றாள் ...

அவளின் பயத்தைக் கண்டவன் , அவளின் கரம் பிடித்துத் தன் கரங்களுக்குள் வைத்தான் , அவளின் முகம் விழுந்து விளையாடிய கேசம் ஒதுக்கி , ஏன்டா இப்படிப்பண்ண ? ஏன் மேரேஜ்கு சம்மதிச்ச ? என அவள் கண்கள் பார்த்துக் கேட்டான் .

கண்கள் கலங்க தயக்கத்தோடு பேச ஆரம்பித்தாள் , " வீட்ல எல்லாரும் உங்க மேரேஜ் நின்னுபோச்சுன்னு கவலையா இருந்தாங்க மாமா , அதோட மேரேஜ் நின்னா உங்க இமேஜ் போயிரும் , அது பிஸ்னஸ்கும் குடும்பத்திற்கும் நல்லதில்லைன்னு தாத்தா சொன்னாங்க .. அதான் சம்மதிச்சேன் என்றவளைப் பாவமாய்ப் பார்த்தான் ...

" ஹம்.. என்னால உனக்குத்தான் கஷ்டம் , என்ன ஜீவிமா? என்றான்..

" அப்படிலாம் இல்ல மாமா , நீங்களும் , வீட்ல எல்லாரும் ஹேப்பியா இருந்தாப் போதும் " என்றவளிடம் ,

" சரி ஜீவிமா உனக்குன்னு எந்த விருப்பும் வெறுப்பும் இல்லைன்னு சொன்ன , ஏன் ஜீவிமா ? உனக்குன்னு ஒரு வாழ்கை இருக்கு , எதிர்காலம் இருக்கு அதை ஏன் நீ யோசிக்கல ..." என்றான் .

" எப்படிச் சொல்வது உன்னிடம் , என்னுடைய ஒரே விருப்பம் நீதானென்று .... நீயே இல்லையென்றான பிறகு , உன் இதயத்தில் எனக்கு இடம் இல்லை என்றானபிறகும் ,
வெறுமை நிறைந்த மனதில் வெறுப்பிற்க்கும் விருப்பிற்க்கும் என்ன வேலை ? மனதில் நினைத்தவாறு ...
அவள் மெளனம் சாதித்தாள் ...

வைகறைக் காற்றில் மங்கள இசை கலந்து திருமண மண்டபத்தின் சூழ்நிலையை சுகந்தமாக்கி விடியற்க்காலையை வரவேற்றுக் கொண்டிருந்தது ,நிறுத்திவைக்கப்பட்டிருந்த நிச்சயதார்த்தம் மீண்டும் நடைபெற ஆயத்தமானது ,

திருமணத்திற்காக வந்திருந்த செந்திலுக்கும் கணேஷிக்கும் , ஜீவியின் விஷயம் தெரியவர ..

செந்தில் அதிர்ச்சியும் கோபமும் ஆட்கொள்ள பாலாவை வார்த்தைகளைக் கோர்த்து வசைபாடித் தீர்த்தான் ,

" டேய் பாலா தெரியமத்தான் கேட்கிறேன் , உனக்கும் உன் பொண்ணுக்கும் மனசுல பெரிய தியாகின்னு நினைப்பா ? இன்னொரு பொண்ண காதலிச்சு கல்யாணம் வரைக்கும் , வந்திருக்கான் , அதுவும் அந்தப் பொண்ணுக்காக வீட்டைவீட்டுப் போற அளவுக்குப் போய்ருக்கான் , அவனை நம்பி எப்படிடா ஜீவிய அவனக்கு கல்யாணம் பண்ண சம்மதிச்ச , ஆனா ஒன்னு நீ என்றைக்கு திருப்பூருக்கு வந்தியோ அப்பத்தில் இருந்தே உன்னோட சுயபுத்திய இழந்திட்ட , இது ஜீவிமாவோட வாழ்கைப் பிரச்சனை , சாதாரனமாவே ஜீவி , ரோட்ல யாரவது கவலையா போய்டு இருந்தாக்கூட அய்யோ பாவம்னு இரக்கப்படுவா , இதில்வேறு வீட்ல எல்லாரும் அவளக் கண்ணீர் கடல்ல மூழ்கடிச்சுருப்பாங்க ... அப்புறம் அவ என்ன பண்ணுவா , இப்படித்தான் முடிவெடுப்பா ! " என்றான் செந்தில் .

" அப்படியெல்லாம் இல்லடா , யாரும் அவள ஃபோர்ஸ் பண்ணல , ஜஸ்ட் எங்க மாமனார்தான் , கேட்டாங்க , அவளாத்தான் செந்துவ மேரேஜ் பண்றேன்னு சொன்னா " , என்றான் பாலா .

" டேய் அவச்சின்னப் பொண்ணுடா அவளுக்கு , வாழ்கைனா என்னனு தெரியுமா ? .. நீதான் தடுத்துருக்கனும் , நாளைக்கே செந்து விரும்பின அந்த பொண்ணு வந்து நின்னாலோ , இல்ல செந்து அந்த பொண்ண மறக்க முடியலைன்னு சொன்னாலோ என்னடா பண்ணுவ ?.." என்றான் செந்தில் .

செந்தில் கேட்டதற்கு , பாலாவிற்குப் பதில் , கணேஷ் ஆரம்பித்தான் ,
" அப்படியெல்லாம் நடக்க வாய்ப்பே இல்லை , செந்து ஜீவிக்கு ஒருபோதும் துரோகம் பண்ண மாட்டான் , அப்படி செந்துவே ரஷ்மியைத் தேடிப்போனாலும் , அந்தப் பொண்ணு ஏத்துக்க மாட்டா , சோ நீ இதல்லாம் நினைச்சு நீயும் குழம்பி , பாலாவையும் குழப்பிவிடாத ..." என்றான் கணேஷ் ...

" அதெப்படிடா நீ பாரத்தமாதிரி அவ்வளவு உறுதியா சொல்ற ? " என்றான் செந்தில் .

" ஆமா பார்த்ததாலதான் சொல்றேன் ,"
என்றான் கணேஷ் .

செந்திலும் பாலாவும் கேள்வியாய் கணைஷைப் பார்க்க ...

கணேஷ் தொடர்ந்தான் , " டேய் பாலா நீ கால் பண்ணி ரிஷப்சன் கேன்சல்னு சொன்னபோது , நான் காரணம் கேட்டதுக்கு , ஆக்சிடன்ட்னு சொன்ன , ஏற்கனவே ரஷ்மி , வர்றதுக்கு ஒரு நாள் டிலேன்னு வேற சொன்ன , அதுதான் எனக்கு எங்கையோ இடிக்கிற மாதிரி இருந்துச்சு , யாரவது இந்த ஆக்சிடன்ட்டுக்குப் பின்னாடி இருக்காங்களோன்னு , டவுட் இருந்தது , அதனால்தான் அந்த ஆக்ஸிடன்ட் கேஸ் பத்தின டீட்டைல்ஸ் கேதர் பண்ணினேன் ,

ரஷ்மிக்கு பிஸ்னஸ்ல எதிரிகள் இருக்காங்கன்னும் , பட் ரஷ்மி பர்ஸ்னல் லைஃப் , பிஸ்னஸ் , சோசியல் ஆக்டிவிட்டின்னு எதிலையும் குறை கண்டுபிடிக்க முடியாதுன்னும் சொல்றாங்க .. அதோட ராகுல் ஆக்சிடன்ட் ஆனதுக்கு முதல் நாள் நைட் மீட்டிங் முடிஞ்சு பார்டி பண்ணிருக்கார் , மறுநாள் காலைல கார் டரைவ் பண்ணும் போது மைல்ட் ஹாாட்அட்டாக் அதுதான் கார் பேலன்ஸ் இல்லாம , கொண்டுபோய் மரத்தில மோதிருக்கார் காரோட டோர் ஓப்பனாகி கிழே விழுந்த இடத்தில் ஏதோ மரத்தடில கல் இருந்து தலைல வேகமா பட்டிருக்கு .. அவரு க்ரிடிக்கல் பொஷிசன்லதான் இருக்காருன்னு சொன்னாங்க ..ரஷ்மிக்கு , கம்பனி மற்றும் அவங்க அக்கா ஃபேமிலின்னு பொறுப்பு இருக்கறதால்தான் தன்னோட மேரேஜையே வேணாம்னு சொல்லீருக்காங்கன்னு சொல்றங்க , நான் விசாரிச்ச வரைக்கும் அந்தப் பொண்ணு சுயநலமா யோசிக்கிற பொண்ணு இல்லடா நீங்க இரண்டு பேரும் , தாராளமா நம்பலாம் , என்றான் கணேஷ் .

சிறிது நேரத்திற்க்கெல்லாம் நிச்சியதார்த்தம் ஆரம்பிக்க , மங்கள ஒலியுடன் , மேடையில் பரப்பப்பட்ட தாம்பூலங்களும் பெண்ணின் வீட்டார் , மாப்பிள்ளை வீட்டார் இன இரண்டு குழுக்களாகப் பிரிந்து அமர்ந்து , நிச்சயதார்ததப் பத்திரிக்கை வாசித்து , தாம்பூலம் மாற்றிக் கொள்ளவதற்க்காக மணப்பெண்ணின் தாய் மாமனையும் , மணமகனின் தாய்மாமனையும் அழைக்க ,

மாப்பிள்ளை யின் தாய்மாமாவான பாலாவும் , பெண்ணின் தாய் மாமனான ஜெயராம் மற்றும் கார்த்திக்கையும் தாம்பூலம் மாற்றிக்கொள்ளச்சொல்ல ,

தேவியோ கார்த்திக் காதில் ஏதோசொல்ல , கார்த்திக்கும் சம்மதமாய் .. தலையசைத்தான் ,

மணப்பெண்ணின் தாய்மாமன் முறைக்கு தாம்பூலம் மாற்றிக்கொள்ள கணேஷையும் , செந்திலையும் , தேவி அழைத்தாள் , அவர்கள் இருவருமே தயக்கம் காட்ட , கார்த்திக்கே மீண்டும் அவர்களை அழைத்து அமரவைத்தான் ,

ஒருபுறம் செந்துவிற்க்காக பாலாவும் மறுபுறம் ஜீவிக்காக செந்திலும் , கணேஷூம் தாம்பூலம் மாற்றிக்கொண்டனர் ,

ஜீவி , செந்து வின் நிச்சயதார்தத்திற்காய் , நண்பர்கள் மூவருக்குள்ளுமே நிச்சிய தாம்பூலம் மாற்றிக்கொள்வோம் என்று அவர்கள் நினைத்துப்பார்க்காத ஒன்றாக இருந்தாலும் ,

கார்த்திக் மனதில் தன் தங்கை மகளுக்காக தாய்மாமன் ஸ்தானத்தில் அமர முடியாமல் போனது ஏனோ ஒரு ஏக்கம் கலந்த வருத்தத்தை அளிக்கவே செய்தது ...

நிச்சயதார்த்த மோதிரம் மாற்றிக் கொள்ளும் பொருட்டு , பெண்ணையும் மாப்பிள்ளையும் அழைத்து வர , ஜீவி பட்டுப்புடவை அணிந்ததாய் வரைந்த அழகிய ஓவியம் உயிர்கொண்டதாய் நடந்துவந்தாள் ,

செந்தூரனோ , இந்த மேடை எனக்கானதில்லையே , ஏனிங்கே நான் வந்தேனென கேட்கும் மனதிற்கு பதில் சொல்லத்தெரியாமல் , ஆறடிஉயரம் கொண்ட யாக்கையும் , அந்த யாக்கை கொண்ட அகமும் அவனுக்கே அந்நியமாய் ஆனதாய் உணர்ந்தான் .

இருவருமே முகம் பார்க்காமல் விரல் பிடித்து மோதிரம் மாற்றிக்கொள்ள , நிச்சயதாரத்தம் முடிந்த சிறிது நேரத்திற்கெல்லாம் , திருமண ஏற்ப்பாடுகள் அறங்கேறி இருந்தது ,

வாழை கட்டப்பட்ட வாசல் ,
தாழை பின்னப்பட்ட தோரணம் ,
சோலையாய் வேயப்பட்ட மணமேடை ,
மனைக்கோலம் அதில் மனைப்பலகை ,
அக்னித் தேவனுக்காய் ஒமகுண்டம் ,
பிடித்துவைத்த மஞ்சள் பிள்ளையார் ,
சிவன் பார்வதிக்காய் குத்துவிளக்கு ,
மங்கள ஒலி எலுப்ப வலம்புரிச்சங்கு ,
பூரணகும்பமதைச் சூற்றித் தாம்பூலம் ,
பாலுற்றி பதித்துவைத்த முளைப்பாரி ,
மலர்கொடி சுற்றிய தூணருகே அரசாணி ,
அழகாய் கோலமிடபட்ட அம்மி ,
மங்சள்நீர் வைத்ததோர் குடத்தில் மோதிரம் ,
உருட்டி விட்டே பதம் பார்க்க தங்க மாங்கனி ,
நாதஸ்வரம் அதோடு மேளச்சத்தம் ,
என மணமேடை நிறைந்த மங்களம்
மணம் வீசிக் கொண்டிருந்தது ,

திருமணத்திற்காக அழைத்த உறவுகள் நட்புகள் என அனைவரும் வந்திருக்க , அவர்களுக்குள் மணப்பெண் மாறிய விஷயமே ஆகச்சிறந்த சுவாரஸ்யமான உரையாடலாக ஆகிவிட , முகூர்த்த நேரத்திர்க்காய் ஆவலாய் காத்திருந்தனர் , வினயின் அம்மாவிற்கோ , வாசல் வரை வந்த சம்பந்தம் கை நழுவிப் போன வருத்தம் இருந்தாலும் , நிற்கும் தருவாயில் இருந்த திருமணம் ஜீவியால் நடப்பதுவும் ஒரு ஆறுதலை அளித்தது ,

மலரில் வேயப்பட்ட மணம் பரப்பும் பிருந்தாவனம்மென இருந்த அந்த மணமேடையில் தலையாட்டிக் கொண்டிருந்த பூங்கொத்துக்கள் போட்டி ,போட்டு எட்டிப் பார்கிறது .. யாரவன் ?