காலைச் சூரியனின்
மஞ்சள் ஒளி உடுருவிய 
மரக்கிளைக் கூட்டினைப் போல,

மாலையில் கூடு
வந்தடையும் பறவைகளின்
கூச்சல் போல ...

வீடு நிறைந்த உறவுகளால்
மாளிகை அழகிய கூடானது
பாசப்பறவைகளின் வருகையால்..

புலர்ந்த பொழுதினில் ,
மலர்ந்த உறவுகள் நிறைந்தது
பாலாவின் இல்லத்தில் மட்டுமல்ல
ஜீவியின் உள்ளத்திலும்தான் .

அருணாச்சலம் , ராஜாங்கம் , லீலாவதி , ஜெயராம் குடும்பம் , கார்த்தி குடும்பம் , கணேஷ் குடும்பம் , இா்ஃபா , ஸ்வேதா , மான்ஷா , நித்தின் என அனைவரும் நிறைந்திருக்க , செந்திலின் குடும்பத்தை எதிர்பார்த்திருத்தனர் , சிறிது நேரத்திற்க்கெல்லாம் செந்திலும் தன் குடும்பத்தோடு வந்துவிட ,

ஜீவிகா " ஹேப்பி பர்த்டே ரதி செல்லம் " என ரதியை அணைத்து வாழ்த்துக் கூற , அவளைத்தொடரந்து கணேஷ் , ப்ரியசகி , தேவி , பாலா , என அனைவரின் வாழ்த்தும் தொடர்ந்தது ...
 
செந்தில் சுரபி தம்பதியின் மகள் ஸ்வீட் 16 அடி எடுத்துவைக்கும் ரதி , பளிங்கு முகமும் , பால் சிரிப்பும் , பவளக் கண்மணிகளும் , எனக் குழந்தை முகம் மாறாத  இவளுக்கு ,  தாத்தா ரகுநாதபூபதி யின் முதல் எழுத்து ' ர ' வையும் , கடைசி எழுத்து  ' தி ' யையும் சேர்த்து  பாலா வைத்த பெயர்தான் ரதி ... இவளுக்கு அடுத்து 13 வயதில் தம்பி ரமீ , அதேபோல் , தாத்தா பாட்டியின் முதல் எழுத்துக்களைச் சேர்த்து ரமீ என்று பெயர்சூட்டினான் .

கணேஷிம் பாலாவும் பிறந்தநாள் கொண்டாட்டத்திற்கான ஏற்பாடுகளைச் செய்திருந்தனர் , பிறந்தநாள் கொண்டாட்டம் காலை உணவு , என பரபரப்புக்கள் அடங்கி ஆங்காங்கே பேச்சுச் சத்தங்கள் மட்டும் கேட்ட வன்னம் இருந்தது , இர்ஃபா நட்புகள் ஒருபுறமும் , தங்களுக்குள் அறிமுகமாகிக் கொண்ட ரதி , அனன்யா , அஸ்வதி என இவர்கள் ஒருபுறமும் .. மகளிர்  ஒருபுறமும்  பாலா நட்புகள்  ஒருபுறமும் என வீடு மனங்களின் மணம் வீசும் மலர்ச் சோலையானது .

                 ப்ரியசகி   கணேஷ்

பாலா கணேஷிடம் , " என்னடா ஏதோ டீப் திங்கிங்ல இருக்கமாதிரி இருக்கு , எனக்கேட்க , கணேஷ் ,
" அதெல்லாம் ஒன்னும் இல்லடா ,  எல்லாம் உன்னோட பாசமலராலதான் இந்த திங்கிங் " என்றான் .

அதைக்கேட்டு சிரித்த பாலா  " ப்ரியா மேல எந்த தப்பும் இருக்காது , நீதான் ஏதோ பண்ணீருக்க சொல்லு , என்ன பன்ன ? ... என்றான் .

" அது தெரிஞ்சா , கைல கால்ல விழுந்தாவது பாவ மன்னிப்பு வாங்கிரமாட்டனா ? ஏன் கோபமா இருக்கான்னு எனக்கே தெரிலடா , வாய் விட்டு சண்டை போட்டாக்கூடப் பரவாயில்லை , மெளனமா இருந்தே இம்சபன்றாடா .. நான் என்ன பண்ணேன்னு எனக்கேத்  தெரியல , காலைல கார்ல வரும்போது கூட  ஒரு வார்த்தை பேசலை, எனக்கு அவ பேசலைனா மனசு ஏதோ அமைதி இல்லாம இருக்குடா " என்று புலம்பித்தள்ளிக்கொண்டிருந்தான் .

பாலா " ஹம்... நீ நல்லா யோசிச்சு பாருடா , ஒரு வேளை நீ ஏதாவது செய்றேன்னு சொல்லி , செய்ய மறந்துட்டியா ? என யோசனையாய்க் கேட்க ,

" அப்டிலாம் இல்லடா " என்று குழம்ப ,

" ம் ப்ரியா வோட பர்த்டே , அப்புறம் உங்க வெட்டிங்டே ... இந்த மாதிரி எதுவும் மிஸ் பண்ணீட்டியா?.... " என பாலா குறிப்பிட ,

" ம்ஹூம் ....  என்று புருவம் சுருக்கியவன் ,  ஏதோ ஞாபகம் வந்தவனாய் " டேய்  ! இன்றைக்கு என்ன தேதி ? என்றான் சற்றே வேகமாய் ,

பாலா தேதியை சொல்லவும் , ஓ ... மறந்துட்டேன் என்று , தலையைப்  பிடித்தான் கணேஷ் ,

என்னடா ? என பாலா கேட்க ..

" டேய்  இன்றைக்கு  எங்களோட 1st மீட் அனிவர்சரி டா " நாங்க வெட்டிங் டே  , பர்த்டே  கூட பெரிசா செலிப்ரேட் பண்ண மாட்டோம் பட் 1st மீட் அனிவர்சரியத்தான் செலிப்ரேட் பண்ணுவோம் என்றான் ,

ஓ, நீயும் ப்ரியாவும் காலேஜ் பஃங்சன்ல மீட் பண்ண வீடியோ கூட வச்சிருப்பியே ! அதுவா ?
ஹம் ... சூப்பர்டா,  ஓகே விடு , இதை நீ முன்பே ஞாபகம் வைத்து சொல்லி இருந்தா , ரதி பரத்டே அன்னைக்கு கெட்டுகதர்னு ப்ளான் பண்ண மாதிரி , இந்த அனிவர்சரியும் ப்ளான் பண்ணிருக்கலாம் , ஓகே இப்பவும் ஒன்னும் டைம் ஆகிடல , நீ போய் ப்ரியாவைச் சமாதானப்படுத்து , மத்ததை நான் பார்த்துகுறேன் என்றவன் , டேய் உன்னோட மொபைல கொஞ்சம் கொடு என்று அதில் உள்ள அவர்களின் வீடியோ , ஃபோட்டோஸை ஜீவிகாவுக்கு அனுப்பினான் ,

நண்பர்கள் மூவரில்  கடைசியாக திருமணம் நடந்தது  கணேஷுக்குத்தான் , 27 ல் காதலிக்க ஆரம்பித்து 31 ன் தொடக்கத்தில் திருமணம் இரண்டு வருடம் கழித்துப் பெண்குழந்தை யதுநிதி 12 வயதாகும் பட்டாம்பூச்சி , பிறகு ஆண் குழந்தை  6 வயதாகும் பிரத்யு , என்ற அழகான வாழ்கை பயணம் இவர்களுடையது .

வழக்கம் போல ஸ்வேதாவும் மான்ஷாவும் எந்தச் சூல்நிலையிலும் தனக்கான உலகத்தை விட்டு எட்டிக்கூட அக்கம் பக்கம் பார்க்காமல் , சின்னச் சின்ன சண்டைகளில் லயித்திருந்தனர் , உலகத்தின் கடைசி சாக்லேட் இதுதான் என்பது போல் ஒரு சாக்லேட்டுக்காக சண்டைபோடுவதும் , ஜீவிகா ரெசின் ஆர்ட் மூலம் செய்த கீ ஜெயின் , ஃபோட்டா ஃப்ரேமை பார்க்க , " இருடி நான் பார்த்துட்டு தாரேன் , என்றும் , இது எனக்கு , இது உனக்கு என.. சண்டைபோட்டுக்கொண்டும் இருக்க , இடையில் நித்தின் கீ ஜெயினைப் பறிக்க , அவனை பிடிக்கும் முயற்சியில் ஸ்வேதாவும் மானுவும்   அங்கு வந்த செந்தூரனின் மீது மோதிவிட்டு , அண்ணா சாரி , சாரி , என்று மீண்டும் அவர்கள் வேலையைத் தொடரவும்... இதையெல்லாம் பார்த்துக் கொண்டிருந்த இர்ஃபா
"இதுகளுக்கெல்லாம் மூனு வயசுக்கு மேல மூளை வளர்ச்சியே இல்லபோல "  என மனதுக்குள் கருவிக்கொண்டும் , கண்களால் அவர்களைக் கட்டுப்படுத்திக்கொண்டும் இருந்தான் ,

இவர்களைத் தாண்டி  மேலே பாலாவிடம்  சிரித்த முகத்தோடே சென்ற செந்தில் " நம்ம ஜீவியோட ஃப்ரன்ஸ் ஒரே அதகலம்தான் போ " என்றான் .
" ஏன்டா என்ன பண்றாங்க ? என்றான் பாலா.

" ஜீவி ஃப்ரன்ஸ்  அந்த ரெண்டு பொண்ணுங்களும் நித்தினை துரத்தீட்டு வந்து  செந்து மேல மோதிட்டாங்க , ஆனா மோதுனது கூட பரவாயில்ல , சாரி சொல்லீட்டு "  என்று முடிக்காமல் சிரித்த செந்திலிடம் ,
 

" என்னடா சாரிசொல்லீட்டு ? " என்று கேட்டான் பாலா ,

" சாரிசொல்லீட்டு திரும்பவும் செந்துவ நகர விடமா அவன சுத்தி சுத்தி ஓடுதுங்கடா , இந்த  இரண்டு பொண்ணும்  அந்தப் பையன்ட இருக்க கீ ஜெயின வாங்க , என்று கூறிச் சிரித்தான் " .

" டேய் செந்து எதுவும்
சொல்லலேயே ? " என்றான் பாலா ,

" ம்ஹீம் அதெல்லாம் ஒன்னும் சொல்லல திரு திருன்னு முழிச்சுட்டு நின்னிட்டு இருந்தான் , ஆனா " என்று நிறுத்திய செந்திலிடம் ,

" என்னடா ஆனா ? " என்றான் பாலா ,

" ஜெயந்தி அக்காவும் ஜெயராம் மாமாவும் கூட , செந்து முழிக்கிறதப் பார்த்துட்டு  சிரிச்சுட்டுத்தான் இருந்தாங்க , உங்க மாமியார்தான் மொறச்சு பார்த்திட்டு இருக்காங்க ... " என்றான் .

இதைக்கேட்ட பாலா மேலிருந்து கீழே ஹாலை எட்டிப்பார்த்தான் , நல்லவேளையாக  ஸ்வேதாவும் மானுவும் , சுற்றுவதை நிறுத்தியிருந்தனர் ,

" சரி எங்கடா கணேஷ் ? " என்றான் செந்தில் .

" .. ஹிம்.. ப்ரியாக்கிட்ட பாவ மன்னிப்பு கேட்டு போயிருக்கான்டா , இன்றைக்கு கணேஷ் ப்ரியசகியோட 1 st மீட் டே அனிவர்சரிடா அத அவன் மறந்துட்டான் " என்றான்.

" ஹேய் , ஆமாடா !  ரதி பிறந்தநாளும் அவங்க மீட்டிங் டேட்டும்  ஒரே டேட்தான் , நானும் மறந்துட்டேன் , பாவம்டா கணேஷ் , ப்ரியாவோட மெளன விரதத்துக்கு முன்னாடி காந்தியோட சத்தியாகிரகம் கூட தோத்து போயிரும்... காலேஜ்ல ரவுடி ஹீரோ மாதிரி தெனாவெட்டா சுத்தீட்டு இருந்தான் , அப்புறம் பார்த்தா போலீஸா நின்னான் , ஆனா  ப்ரியாட்டத்தான் அடங்கி ஒடுங்கி ஸ்கூல் ஸ்டூடன்ட் ஆகிட்டான் , என்று கூறிச் சிரித்தவன் , ஓகே டா அவங்க 1st மீட் அனிவர்சரிய நாம  செலிப்ரேட் பண்ணலாம் " என்றான் ,

ஆமாடா அதான் நானும் நினைச்சேன் , அவங்க 1st மீட் வீடியோ , ஃபோட்டோஸ் ,
அப்புறம் அவங்க மேரேஜ் வீடியோல முக்கியமான இடங்கள் , அப்புறம் நாம் எல்லாரும் சேரந்து இருக்கும் ஃபோட்டோஸ் எல்லாத்தையும் சேர்த்து எடிட் பண்ணி ஒரு வீடியோவா க்ரீயேட் பண்ண சொல்லலாம் , ஈவினிங்  எஸ்டேட்ல இருக்க கெஸ்ட் அவுஸ்ல  செலிப்ரேட் பண்ணலாம் , என்றான் செந்தில் .

" ஓகே டா நல்ல ஐடியா , அப்போ
நான் கேக் ஆர்டர் பண்ணீட்டு , எஸ்டேட் போய் ஆட்கள ரெடிபன்னி கெஸ்ட் அவுஸ க்ளீன் பண்ணி டெக்ரேட் பண்ணச் சொல்றேன் , என்று பேசிக் கொண்டே இரண்டு பேரும் கீழே இறங்கி் வந்தனர் , ஹாலில் ஜெயராம் , கார்த்தி , செந்து என மூவரும் பேசிக்கொண்டிருக்க அவர்களோடு பலாவும் செந்திலும் சிறிது நேரம் பேசிக்கொண்டு நின்றனர் , அங்கே பலூனை துரத்தி ஓடிவந்த கணேஷின் மகன் ப்ரத்யுவை விழாமல் பிடித்து நிறுத்திய பாலா " டேய் கண்ணா எங்க உங்க அப்பா , அம்மா கால்ல விழுந்து சாரி கேட்டானா ? என விளையாட்டாய் கேட்கவும் , ப்ரத்யுவும் , " இல்ல அப்பா அம்மாவுக்கு  என்று மழலையாய் ஆரம்பிக்க அதற்குள் பாலா சுதாரித்து ஆஹா ஏதோ ரொமேன்ஸ் நடந்திருக்கும் போல , கணேஷ் மானத்த வாங்கிடுவான் என்றெண்ணி , அவசரமாக அவன் வாயைபொத்தி அவனை தூக்கி சோபாவில் அமரவைத்து பேச்சை மாற்றவும் , செந்து உட்பட அனைவரும் பாலவைப் பார்த்துச் சிரித்துக்கொண்டிருந்தனர் .

செந்தூவின் கண்கள் ஜீவிகாவைத் தேடியது , இறுதியில் இர்ஃபாவின் அருகில் இருப்பது கண்டு  அங்கு சென்றான் ,

" ஜீவி வாடா அப்டியே எஸடேட்டுக்கு ஒரு ரவுன்ட் போயிட்டு வரலாம் என்றான் ..."

ஹம்.. வாங்க போலாம் , என்றவள் திரும்பி நீங்க வாரீங்களா ? என  இர்ஃபா மற்றும் நட்புகளைக் கேட்க ,

மானுவும் , ஸ்வேதாவும் நானும் வர்றேன்  என்றனர் கோரஸாக ..

இர்ஃபா என்னதான்  கண்களால் கேட் போட்டு , தடுக்க நினைத்தாலும் ஸவேதாவும் , மானுவும் , அலட்சியமாய் அதை தட்டி விட்டு ஜீவியின் பின்னே சென்றனர் , வாசலுக்குச் சென்றால்  அங்கே அஸ்வதி ,
"அண்ணா எங்க போறீங்க நாங்களும் வரோம் " எனக்கூற , இவர்கள் பின்னால் வந்த செந்தில் , " செந்து ஜீப்ல இடம் பத்தாது , நீங்க நாலு பேரும் போங்க , நான் இவங்கள கார்ல கூட்டிடுட்டு வாரேன் என்றவன் ,  ரதி , அஸ்வதி , அனன்யா , என மூவரையும்  காரில் அழைத்துச் செல்ல ஆயத்தமாக ஏதோ நினைவு வந்தவனாய் , ரதியிடம் " ஆமா யதுநிதி  எங்கடா ?  போய் யதுநிதி யையும் கூட்டிட்டு வா " எனக்கூற , ரதி கணேஷின் மகள் யதுநிதியைத் தேடி அழைத்துவந்தாள் , யதுநீதி  கூடவே நானும் வருவேன் என்று செந்திலின் மகன் ரமீயும் பின் தொடர ....  இவர்கள் அனைவரையும் அழைத்து செந்தில் தேயிலைத் தோட்டத்திற்குச்  சென்றான் .