رجعت للبيت ...

ام مروه:ها حبيبتي شصار وين محمد ؟!

مروه: والله محمد تعرفي ميسمع كلام ،اليوم يرجع يشرب ماكو فرق مسوينه شي ...

وطبيت بغرفتي حتى غدا مااكلت جنت هوااي مقهوره بسببه وبودي اموته ...

ضليت افكر وافكر لحد منمت ....

وكعدت ع صوت ابوي وهو دايصيح ويتعارك

طلعت اشوف شنو صاير بس

لكيت عمي ديتعارك وي ابوي وهو عرف بانو محمد  يم مركز الشرطه وشارب وعرف كول شي ....

وبقه يتعارك وي ابوي ويصيح بس  أبويه  ميتحمل راسن صعد ضغطه وماعرف شصار راسن وكع

أجوا الجيران شالوا ونقلوا ع المستشفى وعمي راح وبكل برود بدون ميطمن عليه !!!!

ودينا للمستشفى وحالته صعبه وممكن صاير ويا جلطه

اني كعدت ع الكرسي اللي يم باب الغرفه ،وابجي وبودي اروح امووت محمد...

شفت محمد طب وجاي يجي وبعدين اقترب وهو يركض

شكوو؟؟شصاار هاا عمي وين

اني فقدت وماعرف شصار بيه

"انته هم الك عين تجي هااا ،كل الي صار بسبب حضره جنابك ،ابويه بين الحياة والموت بسبب اخو اللي ماسال عنه ،رووح منا ماريد اشوفك ،روووح وكمت ابجي روووح

محمد: ماشي اني سبب المشاكل راح اروح وبعد متشوفين وجهي بس المشكله مو بابوي أو بيه وصرت هيج لااا ،بسببج

انتي ...كله بسببج عرفتي ...

وراح وخلاني حاايره واني شنو الي دخل؟؟يالله

قاطع حيرتي وتشتتي صوت الدكتور

"الحمد لله عدت ع خير بس ديروا بالكم عليه "

مروه:الحمد لله ماصار شي صح ابويه صعب وياي بس يبقه ابويه مهما كان