اسعد الله مساء متابعيني بكل خييير

🌸🌸🌸🌸🌸🌸🌸🌸🌸🌸🌸🌸

#لا_ياصديقي

#محطة_السادس_والعشرين

#بقلمي_سارة_المجيد

شهلاء .. شنوووووووووو يمممه شنوووو بلمزرعة تباتون شاهين .... يبووووووو عزززززة العزاج شهلاء ..عدكم بلاوي مصخمة اتريد ترجع لسوالفك شاهين هااااا ..حنيت لماضيك شاهين هاااااا حنيت اعترف اليوم اكلب الدنيا عليك والله اسود عيشتك واحرك المزرعة عليكم

شاهين ..عزززة اتسودنت المراة خررب حظي ولج هدئ اعصابك يمعلم شحاته 😂

شهلاء .. لا تتشاقة رواحي واصلة لخشمي والقران احرك البيت هسه ...لا ليش احرك البيت حرامات ..خو اقتلك خلاص واطب بيك مؤبد وارتاح

شاهين ..اصخام انووب مؤبد لا حبيبي غلطانة اعدام تروحين 😂

شهلاء ..مو مشكلة خلي يعدموني المهم اخلص من بلاويك السودة راح اتموتني ناقصة عمرررر 😤

شاهين ..خررب غيرتج هههههه انت بس اهدئ يمعلم شحاته .. وافهمك 😂

شهلاء ...شتفهمتي متكولي شتفهم جاي تتمندل وتريد تقشمرني حتى تبات بالمزرعة وتعيد امجاد الماضي الاسود مالتك كل عقلك اقبل ها ..

شاهين ...لالا ادري بيج حبابه وتقبلين بنت گلبي انتي ميهلج افشل ويه الولد 😂

شهلاء ...ابدددددد لو تنكلب الدنيا ماقبل المزرعة جانت لمصايبكم مخليها واذا رحت معناتها عندك شي شاهين لتخبلني والله احرك روحي واخلص منك😭

شاهين ..ول يابه خليني احجي خررب يومج شراح يسد حلكها 😖

شهلاء ..ولك ماتحمل اشوفك رايح للمزرعة مااااااااا 😭
بهل لحظة خمط شفايفي بحلكو وسد حلكي كلي اشششششش كاافي 😳

شاهين ..خررب يومها سطرت راسي شفتها اتصيح سديت حلكها بحلكي ادري بيها تجفل من هاي الحركة وتسكت 😂
كتلها اشششش كااافي خليني احجيلج من اروح فدوة لهل حلك ههههههه

شهلاء ...نعم تفضل فهمني تفضل😒😒

شاهين ..اي عفيه بحبيبتي هيج اريدج حبابه وتسمع كلام فدييت مريتي 😘

شهلاء ..اي خووش يله احجي 😒😒

شاهين ..ههههه اي شوفي الجرد حبيبي مطلوب ولازم اعرف راسي من رجلية .. وهم اخذ عاد الارباح ..

وباجر اخذج على احسن مطعم .. واعشيج بي 😉.. وهداية اخرى غير معلومه 🤔

شهلاء .. اي قشمرني .. قشمرني 😒
.
شاهين .. اقشمرج شنو ..
ولج انتي نفسي الصاعد والنازل انتي دكات هل گلب .. انت حبيبة عمري .. انتي الروح والرية وكل الناس عارية 😂

شهلاء .. ضحكت ..كتلو اممممم اووووف منك شاهين انت مصيبة محد يكدرلك من تريد تقنع الواحد تعرف شلون تفر راسو فر ...حياااال هههه

شاهين .. حبيبي لان انتي تحبيني .. واني احبج .. ف كلامي كبل يوصل لقلبج وانتي تفشين 😂

شهلاء ..اووويلي عليك ..اووك ماشي .. روح بس بشرط

شاهين .. امري يا عمري انتي .. موافق من هسه شمايكون الشرط ههههه

شهلاء .. ماشي .. اتصل بيك بكل وكت .. شوكت ما يعجبني وتجاوبني ع سريع ..وياويلك وياسواد ليلك من تتاخر ومتجاوب ...
ويالله كون متجاوب اكول عندو شي ..

واخابر عمي جاسم والله واسويلك فضيحة واخلي يجيبني للمزرعة ويا حتى الكفك

شاهين .. هههههه يمممه والكعبة اتخوفين 😂 مااااشي تدللين صار من عيوني هاي قبل هاي وبستها من خديها هههههه

شهلاء .. خير ان شاء الله .. شتحتاج عشة اسويلكم

شاهين .. تسلم ايدج حبيبي راح اسوي قوزي بلمطعم

شهلاء .. هاي هيه عجل

شاهين ..اتقربت عليها كتلها زين انطيني شي شياتين شو ميبستها عليه ولج لازم ترضين رجلج لان رايح للمزرعة وكذا والشيطان شاطر بعد لاتخليني فاقد الحنان والرومانسية اي كتلج بعد 😏

شهلاء ...ياااا عززززة لا ويكولها بوجهي 😱
شو عجل ماخليك تروح وصيح علاء هنا سووا الجرد بالبيت وطلعه للمزرعة ماكو زين 😤😤

شاهين ..لالالا دخيل ربج والله اني حباب ماعندي شي ولج اصلا امووت عليج وهسه اشوفج شلون 😂..دفعتها ع الجرباية وجيتت فوكاها وووووووووو

((عندما أغار عليك لايعني أنني أشك في أخلاقياتك 😏
بل لأنك احد خطوطي الحمراء ولا أريد من أحد ألاقتراب منك ابدااا😌✋))

بمكان اخر

علاء .. ثاني يوم كعدت وبوست مرومه وامها ههههه
وطلعت للشغل جمعت الدفاتر .. والوصولات .. وحطيتهن بجنطة وحطيتهن بلسيارة حتى لا انساهن ..

و بنص اليوم الظهر .. اتصل شاهين عليه .. اكد الموعد وكتلو هاي هيه تمام .. اطلع من الشغل امر للبيت بس ابدل واجيك للبيت ..

كالي هاي هيه .. وكملت الشغل من قبل لا تعزل الدوائر لان اسوي كشف حساب بلمبلغ الي موجود بلمصرف ..

وسويت الكشف وكملت .. ورجعت للبيت كعدت وياهم تغديت وكذا .. غرور معقوجة .. بس غلست ههههه .. المغرب بدلت وطلعت على شاهين .. وركبنه اني ويا سويه ورحنه للمطعم اخذنه الاكل الي موصي علي شاهين ..

ونزل شاهين اشترة كرزات وبيبسي واشترة حتى نساتل وجبس .. كالي حتى نعلكها 😂 .. ورحنه للمزرعة نزلنه وكعدنه .. واول شي كال شاهين خلي نضرب الاكل قبل لا يبرد ..

اوراقك لاحكين عليها .. تعشينه وكملنه وكعدنه نضحك ونسولف .. وبلشنه بلجرد .. صارت السعة تقريبا بل 11 دكت زوجة شاهين حجت شوية وسدتو .. وشاهين يضحك .. ورجعنه كملنه الجرد ..

حسابات وكذا .. ما اطولها عليكم .. لان هوه مو بس المعمل .. اني وكيلو صرت بكل شغلة .. ف صارت الساعة 12 الا 5 .. كال شاهين تتراهن .. كتلو على شنو ..

شاهين ..خلال 5 دقايق يدك تلفوني ..

علاء ..اي توقتو ويدك 🤔 ..

شاهين ..لا .. يجيني اتصال .. زوجتي تدك عليه

علاء .. ههههه شمدريك ..

شاهين ..تتراهن 🤔..

علاء ..لا حرام الرهن ..

شاهين ..انتظر وشوف ..

علاء ..صدك .. ساعة 12 ضبط دك التلفون .. كالي ها .. شكتلك 😂 ..راح طلع بره حتى يحجي وياها

شهلاء ..جنت احوص بالبيت طكت روحي بالي مشغول شغلت التلفزيون جان فلم هندي دحجت شوية وكمت طفيتو ضجت ..

تالي كلت خلي اتصل ع شاهين ابو الدكايك خررب يومو شسوه بيه اليوم شلون راح انام وحدي هسه لو رايحه لبيت اهلي هفففففف ...

والله صارت ب12 دكيت عليه رأسا رد ويضحك كتلو ها عيني شو تضحك شكو متضحكنه وياك 🙄

شاهين ..هههههههه والله جنه بطاريج كتلو لعلاء هسه مرتي تدك عليه ب12 وصدك جنتي بكلبي عبالك ودكيتي 😂

شهلاء ..هههههه اهاااا عجلي شكاعد اتسوون هسه

شاهين ..والله حبيبي كملنه الجرد وسوينه الحسابات كملنه باجر الصبح اني بحظنج ياحلوة😉

شهلاء ..ههههه ان شاءالله يعمري لاتتأخر بداعتي لان اصلا مراح اكدر انام اله تجي للبيت وانام بحظنك

شاهين ..ماشي حبيبي ان شاءالله يله اروح يم الولد عيب عايفو

شهلاء ..ماشي حبيبي الله وياك

علاء ..كملنه الجرد .. والارباح ممتازة .. وخيييير من الله .. خير جثيير .. كيف شاهين واني هم كيفت لان ما فشلت شاهين .. وكنت محط للثقة .. والله ضحك شاهين ..

شاهين .. والله عفية عليك علاء .. بارك الله بيك .. خوش شغل مشتغل ..

علاء .. هذا واجبي اخوية .. اني براتبي كاعد اشتغل ما الي فضل بلي سويتو

شاهين .. عجل دحج .. باجر الصبح تطلع تسحبلي المبلغ الفلاني ..

علاء .. زين والباقي من الارباح هلكد يبقى شنو راح تسوي بي ..

شاهين .. هذني حلال عليك .. تستاهلهن والف عافية عليك

علاء ..اني انصدمت .. المبلغ جبير .. ما اريد اذكر ارقام .. هذا رزق ناس وما ينحجى بي .. المهم المبلغ جبير .. كتلو لا شاهين .. اني داخذ راتبي هذا حقي ..

شاهين .. انجب يول .. جم مره كايلك هاي الفلوس ما تجيب الرجال .. ولك انت اخو دينتي وخويي .. ويكفي امانتك ويايه .. باجر اخذهن وفرح اهلك بيهن وبنتك ..

علاء .. والله يا شاهين ما عاد اعرف جمايلك وين اوديها .. وشلون اردلك جزء زغير منهن .. والله فضلك عليه وعلى اهل بيتي و لولد ولدي

شاهين .. لا باطل عليك .. الشكر لله .. الله سبحانو هوه الرزاق ..وهو مالك الملك .. واحنه مجرد ادوات بلدنيا ..

والبشر ضلت بيدو شلون يصرف فلوسو على الخير كان او على الشر .. والحمدلله والشكر الخير جثير ..
وانت صاحبي واقرب صديق الي

علاء .. خجلتني بهذا حجيك وتصرفاتك وياي ..وداعتك حتى اخوي مامسويها وياي

شاهين .. اهووووو .. بله ما تسد بوزك .. احنه جايين نتعلل ونضحك .. لو اكعد اصير براسك سيد ..

كوم كوم جيبلنه الكرزات والحلويات وحطهن بنص الكعدة .. خلي نستلم الناس قشابة 😂

علاء ..والله وصارت سهره من العمر ضحك و ذكريات نسولف بيها .. وزوجة شاهين كل الليل خطية تتصل ..

وشاهين يشاقيها يكوللها اي هسه علاء شاد وصلة وكاعد يركص .. واني احجي علي .. وخلصناها ضحك

صدك يعني عن جد ليلة من العمر صارت و خلينه روسنه ونمنه
كعدنه الصبح كالي شاهين تروح تكعد بلباب مال المصرف تجيبلي الفلوس على البيت .. لان اذا تأخرت انكتل واجيك مزورك 😂 ..

وانت هم لا تروح اليوم للشغل روح اخذ اهلك و طلعهم واشتريلهم ونسهم خطية .. صير شوية رومانسي يحظي ..

كتلو ماشي هسه رايح .. وطلعت للمصرف .. سحبت الفلوس كلها .. انطيت شاهين فلوسو واخذت اني فلوسي ..

وكلت خلي اروح للبيت اخذ بنصيحة شاهين .. هم افرحها لغرور .. وهم اليوم اطلعهم لكازينو واعشيهم .. واشتريلهم الي يحتاجونه ..

وديت الفلوس لشاهين .. وطلعت للبيت الساعة تقريبا 10 ونص الصبح .. فتحت الباب بلمفاتيح العندي ادحج بلصالة ماكو احد .. صحت يا غرور وينج .. غرور طلعت من الغرفة مال النوم مخطوف لونها .. كالت ها .. علاء .. كتلها اي علاء .. شبيج شو لونج مخطوف ..

غرور .. ها .. لا بس جفلت لان ما توقعتك تجي انت كلت راح اطلع للشغل مناك ولليل يله تجي ..

علاء .. هههههه اي صحيح .. بس جردنه الارباح وكملنه وشاهين انطاني مبلغ .. كلت اليوم ما اداوم اريد اطلعكم اعشيكم واونسكم اليوم ..

كيفت كالت .. تسلم حبيبي الله يطول بعمرك .. كتلها يله اريد ابدل وامدد شوية شاهين ما يخلي احد ينام .. كل شوية مفززني ..

مره يحطلي بين اصابعي كلينسه ويحركها واكعد اكمز من الوجع مره يطوط باذني .. اصلا اذا ابات يمه 3 ايام يشيلوني على الشماعية ..

غرور ..ضحكت .. كتلو يالله انتوا اصدقاء وشقة بينكم عادي ..

علاء ..استغربت ما ضاجت وحجت على شاهين .. كلت بقلبي اي .. الفلوس ..تغير النفوس ..

المهم كتلها سوينه ريوك نتريك شي جوعان و طبيت للغرفة جيت كاعد اغير ملابسي .. طلعت تراكسود من الكنتور ..

اسمع فد شي يون بلكنتور .. اتلفت شنو هذا .. غرور طبت للمطبخ كاعد تسوي ريوك .. ضليت ادور على هذا الصوت شلون فد شي يهتز ..

مادري شنو هوه .. سكت عفت السالفة وكملت تبديل ملابسي رجع الصوت نفسو ..اتخبلت شنو السالفه شنو هل صوت عجيب

كمت ابحوش بلكنتور وجان اصعد فوك الكنتور .. وجانت الصدمة الي خلتني انصرع 😳..

البارت بعدو ماخلص التكملة انتظروني ب8 بالليل انزلو ان شاءالله ...مكدرت اكملو لضروف خاصة

يتبع ...

-
‏يا صديقي ..
و إن حاربتك الدّنيا و مافيها ستجدني سندًا لك في شدّتك ، قنديلًا في عتمتك ، ستجدني دومًا بجانبك ، لا تخف. 🖤

#سارة_المجيد🌹