#لا_ياصديقي

#المحطة_السابعه

#بقلمي_سارة_المجيد

غرور ..كتلها شنو يعني

السحارة ..شعره من راسو .. قطعة من ملابسو ..

غرور ..اني عاد من رادت مني السحارة هل امور سويت هل شغلات كدام علاء ومثلت علي دور المتأثرة وشمرت نفسي علي كطعت ملابسو بهستريه وجريت شعرو اخذت قطعة من ملابسة ضميتها جوه ملابسي .. وجريتو من راسو حتى اخذ خصلة من شعرو ..

هه عبالو غرور تتأثر هل شكل 😏 ..

في مكان اخر

نرجع لعلاء المسكين ..

علاء .. افكر بحل لموضوعها .. ورجعت لشغلي ثاني يوم واني بالي مشغول وحتى شغلي كوه اسوي ..

خالد ..ها ولك علاء .. شو مو على بعضك بس لا عاشك يول هههههه ..

علاء ..فزيت ع صوتو تايحجي ويايه اني كتلو ها استادي ..

خالد ..شنو ها ولك بالك وين .. احجي وياك ما ترد ..

علاء ..لا استادي ماكو شي مشاكل عائلية ..

خالد ..خير .. محتاج فلوس .. محتاج شي كول لتستحي ..

علاء ..اني بگلبي اكولو يا كلب .. تدعي البرائة يا مجرم .. تسوي نفسك انسان وديع وانت هاتك اعراض الناس يا حقير ..

هوه صاح بيه مره اللخ ..لك علاء هييييي .. ولك والله وضعك ابد مو عاجبني .. كتلو لا استادي ممنون منك ما محتاج شي .. و مشيت ..

خالد .. هذا علاء ابد وضعو مو مريح .. شو مكلوب حالو صار شكم يوم .. بس لا ورى شي

علاء .. رجعت اكمل شغلي .. ورجعت للبيت وره ما خلص الشغل وكعدت اتصل بلليل ك العادة امووووت يله حصلتها وهم يا دوب كلمتين تحجي وتقفل الخط .. واني اكول ميخالف اعذرها .. الي مرت بي مو شوية

غرور .. هذا من كل عقلو يخابر ويتطمن عليه .. هوه اني خلي الحك اجاوب الشباب الي تخابر .. والله يالله ..

ما يكول هذا المكياج وهل لبس يوميا شكل والعطور الزينه منين داجيبها ...

بس يله اسم رجال اخذو واظل عايشة بحياتي مثل ما يعجبني ويا هذا الاثول لا يحل ولا يربط ..

علاء .. وبدينه نتواعد كل فتره نتشاوف بلمزرعة .. بس اني ما فكرت ابد حتى الزم ايدها .. اخاف لا اجرح مشاعرها .. واحساسها خطية ..

احاول ان ابتعد عن اي شي يزعلها .. واغلب وقتنه جنه نسولف عن حياتنه .. وجنت احجيلها ع شاهين وشقاوتو ..

وشلون بلاخير تصرف ويايه .. وهيه تشجعني تكولي هذا شاهين اناني ويكرهك .. وزين ما سويت ..

هذا سمعانه بي ابو مشاكل شجابك علي .. انت حباب وفقير .وبعدين شنو اكو بشر يتشاقة هشكل ..

بلكت طلعت طلقة صحيحة .. شيكول قابل .. اني اكولك شيكول .. حشاك حبيبي حشاك .. جلب ومات ..

علاء ..هيه كالت حبيبي ورجعت تراجعت .. كالت ها العفو زلت لسان لا تزعل ..

غرور .. اني خفت من هذا شاهين يرجع علاقتو بعلاء ويكشف حقيقتي ويخربو عليه .. وبقيت اوز ب علاء على شاهين حتى يكرها بلزايد بعد ماريد يرجعون صداقتهم لان هل شي مو من مصلحتي .. و تعمدت اكول هل حجاية لعلاء حتى اشوف ردت فعلو

علاء .. هيه كالت هشكل .. اني اصفريت .. انعكد لساني كمت اتلعثم احمريت من الخجل وهيه خدودها وردت واندارت استحت .. وكامت اجت يمي

غرور ..اليوم تنغصت الك بعصير زبيب .. كلت محد يضوكو غيرك وحلفت يمين محد يشربو الا انت 🙄..

علاء ..طلعت من جنطتها مطاره زغيره وفرغت العصير بكلاص .. وهيه جايبة عصير برتقال الها من دنكت برز صدرها من فتحة ثوبها اني هنا انتهيت اتخردلت عيوني وكفت مدري شصار بحالي

جسمي كام يرجف مسحت وجهي ودنكت راسي اخذت الكلاص .. وشربنه العصير وكعدنه نسولف ونضحك ..

ورجعتها .. وما خابرت لان كلت عليش اخابر وادوخ نفسي بعد .. دنتشاوف ونسولف ونتفق ع موعد الثاني .. نمت ..

وجان بنص الليل افز وجع بطني مصاريني دتتكطع .. انكلب يمنه وانكلب يسره ردت اموت من الوجع ..

اجوي اهلي يركضون خير كتلها لا ماكو شي يمكن مستبرد .. اخذت حباية مال مغص ورجعت نمت ..

غرور .. نطتني السحارة شلون المي فد شي .. كالت هاي تحطين اله قطرات بلعصير وتخلي يشربة للعصير كلو ..

وخلال 3 ايام .. راح يكوم يموت روحو جوه رجليج .. اني فرحت بلي كالتو .. خصوصا اني عرفت معلومات هواي من هذا الفطير ..

اسم امو واسماء عائلتو كلها .. كلشي يحجي صرت اني صندوق اسرارو الاثول ..

علاء ..شو كمت اكعد الصبح اصخن واحس بدوخة بيه .. اعتذرت من خالد كتلو اليوم ما اكدر اجي للشغل .. وبقيت بلبيت يومين .. بس كمت احس بشعور غريب ..

كمت اكعد بلليل اصيح باسم غرور كمت اكل اشوفها بماعوني .. اباوع بلمراية اشوفها بمرايتي .. الناس كلها طلعت من راسي بس بقى اسم غرور بعقلي .. كلت اتخبلت ..

داومت للشغل واني اشوف خالد اريد اكطعو بسنوني .. ومتنك علي ما اجاوبو بس بكلمه من يحجي والبسو ..

المغرب .. صاحني كالي روح جيبها .. اني شلون صب عليه بانزين من كال هيج جسمي كلو كام يرجف وعركت ..

خالد ..مو داحجي وياك شبيك صفنت روح جيب غرور ..

علاء ..اني امشي بخطوات متثاقلة .. ورحت جبتها والدرب كله اني وياها غزل .. وضحك وهيه شتكولي اني ما اكدر اكولها لا .. ينعكد لساني ..

جان عندي استعداد اذا تكولي اقتل خالد اقتلو وبدم بارد همين .. جيت وصلتها للمكتب ..

وبقيت اني احس نار مشتعلة بداخل جسمي .. ما تحملت دكيت الباب وره شوية عليهم .. طلع خالد كالي ها شبيك .. كتلو ها .. بس ااا بس اااا .. كالي بس شنو احجي .. كتلو بس اريد احجي وياك بموضوع ..

خالد ..بله هذا وكت موضوع علاء .  خليها بعدين ..

علاء ..مو موضوع مهم

خالد ..اي بله احجي شنو موضوعك المهم ..

علاء ...اااااا ..

خالد ..وتالي وياك هم رجعت تمتمت ... علاء شنو قضيتك .. صارحني ..

علاء ..لا ماكو ماكو شي .. اسف خاف ضوجتكم ..

خالد ..امشي بعد لا توكف هنا يم الباب .. بس من اصيحك تجي افتهمت ..

علاء ..ااااي ان شاءالله و رحت اني وكفت بعيد بس اني مشتعل بقلبي نار .. بس شسوي اني مو بيدي اني ضعيف مو حمل مشاكل .. والجبن عاميني ..

وارجع اتذكر ايام شاهين واتحسر .. اكول لو اشكيلو جان حلها الي لهاي المشكلة .. بس هذا اناني ما يستاهل حتى صداقتي ..

طلعت هيه وركبت .. وبلسيارة تكعد تشكي من خالد وشلون جوه يعذبها وياخذ منها الي يريدو ويأذيها ... واني قلبي يتكطع ..

ونروح نكعد بلمزرعة وهم تشكيلي منو وتحجي على شاهين .. وتكولي علاء احنه ما النه غير بعض انت غدرك صديقك واني غدرني الانسان الوثقت بي ..

حاولت تتقرب الي بحركات اغراء .. بس اني رفضت .. كتلها اني مو وحش حتى استغلج ..

و وراها ايضا دز خالد عليها بلمكتب .. وايضا كالي ابقى بعيد .. اني من ناري حرت شنو اسوي ..

كعدت اجمع حجار واشمر فوك ع سطح ع جام .. يطلع خالد يركض .. اكولو يمكن جهال .. مره ادفع عليهم الباب وافوت فجئة .. مره ادك الباب زهكتو ..

خالد .. علاء كام يتصرف بصورة مو طبيعية هيه تجي غرور علاء يكوم يسوي شغلات ما بيها داعي مره يفتح الباب يكول نسيت مفاتيحي مره يدك الباب يكولي لازم نبدل تايرات للسيارة ..

ديحاول شلون ما جان يخرب مزاجي .. شكيت ان علاء .. عندو شي مع غرور .. وقررت ان اراقبهم ...

علاء .. كمت اسوي شغلات ما بيها معنه .. يوميا مسوي مشكلة ويطلع خالد يركض .. وبده يضوج ويطردني اوكف بلشارع .. واني عادي المهم ضوجتو وراح يعوفها وهيه ترجع ويايه ..

ويوم من الايام .. كتلو استادي امي محتاجة دوه .. ورايح اني من وكت للبيت ..

رحت اني طاير اخذت غرور وبوجهي للمزرعة .. و هماتين عشة وسوالف وضحك .. ورجعت رجعتها .. ثاني يوم وجان خالد يصيحني ..

خالد ..علاء اليوم عود بلكت تجيب غرور ..

علاء ..وفعلا نفس الوقت رحت جبتها وهيه صعدت بلصدر .. وبنص الطريق تعرضتنه سيارة .. واذا خالد نازل من السيارة

خالد ..هااا علاء .. ماشاء الله مركبها بلصدر ..والبارحة بلمزرعة مال شاهين المجيد .. اي ليش لا ..شعندك انت وياها ولك  ..

علاء ..اني وغرور بقينه بس نبلع برياكنه ..

خالد ..امشي رجعها والحكني للمعمل قشمر ...

علاء ..رحت اني رجعتها بس خفت اروح للمعمل .. رجعت للبيت .. والليل كلو خايف .. وارجف من خالد .. خاف يضربني .وخاتل جوه البطانية ..

ثاني يوم ما رحت للشغل ..اجه خالد عليه الظهر للبيت دك الباب .. طلعت امي علي كالها مرحبا خاله اريد علاء .. صاحتني .. اني كتلها منو يوم ..

كالت خالد وليدي ابو الشغل .. اني جمد الدم بعروكي .. كلت هذا جاي يموتني .. طلعت والرجفة الي بجسمي زادت عليه .. كوه امشي واتجه بلحيطان ..

لكيت خالد خزرني من شافني ..

خالد ..ها علاء البارحة ما جيت واليوم ما جيت شنو فلمك ..

علاء ...اتتتت تفضل ..

خالد ..اسمع ولك اني ما جاي اتضيف .. داسئلك ليش ما جيت ..

علاء ..شفتو اتعصب ..كتلو استادي اريد ابطل من الشغل ..

خالد .ليش .. شصار ..

علاء ..ميخالف استادي ..اني مابيه حمل شغل

خالد ..اخاف من وره هاي الخايسة غرور ..

علاء ..اني من كال هيج اشتعلت بنار .. كتلو احترم نفسك .. لا تكول خايسة .. شو اني كلت هيج هوه كعد بلكاع من الضحك ..

خالد ..الظاهر مقشمرتك بسوالفها ..

علاء ..تفضل هذا سويج سيارتك .. واني ما اشتغل عند شخص مثلك .. وتفضل من غير مطرود .. هوه بقى صافن ودار وجها ومشه .. صح اني خسرت شغلي لاكن حسيت بقوة من حجيت هاي الحجايتين ...

مشى خالد ... ورجعت طبيت للبيت .. ومددت بفراشي .. صفنت بيني وبين نفسي كلت شو خالد لا حجه .. لا ردلي لا كالي ليش سويت هيج ليش طالع وياها .. مجرد ابتسم وراح.. بعدين كلت مشكلتو هل نذل الخسيس ..

عبالو اعراض الناس لعبة .. ما اتحمل لازم اكوللها لحبيبتي غرور على الموقف السويتو .. حتى تحس بشجاعتي .. وتنعجب بيه ..

لزمت التلفون وادك ادك ادك على رقمهم كلو مشغول وراها دك .. جاوبت هيه .. كلت بقلبي شنو محد يجاوب غيرها .. شنو كاعده يم التلفون .. كتلها هلوو غرور ..

غرور ..هلو منو ..

علاء ..استغربت شنو متعرف صوتي شبيها 😕
كتلها علاء شبيج ..

غرور ..هاا هلو علاء .. ما متعودة تتصل هيج وقت ..

علاء .. اهاا اي صح بس ردت اكولج على شي مهم صار اليوم ..

غرور ..اي كولي ..

علاء ..لا مو مال تلفون لازم اشوفج واحجيلج بلتفصيل ..

غرور ..اليوم ما اكدر علاء .. عندي شغل بلبيت هواية .. وظهري مكسور

علاء ..ما اتحمل ما اشوفج .. اريد اشوفج .. هيه ضحكت شلون ضحكة شريرة مبطنه ..

غرور ..هااااا علاء .. تشتاقلي .. شنو تحبني علاوي

علاء ..اني تلعثمت .. كتلها ها مادري .. هيه ضحكت بصوت عالي كالت شبيك .. كولي .. كتلها هسه من نلتقي احجيلج ..

غرور ..امممممم باجر زين ..

علاء ..امري لالله .. باجر باجر .. كعدت لا شغل لا عمل بلبيت افتر مرات اطلع اتمشة على الشاطي اتذكر شلون جنه نتعلل ونضحك اني وشاهين واتذكر مكان كعدتنه ..

وشلون جنه ما نتفارك ولا ساعة .. ونسولف ونضحك .. دمعت عيوني على صديقي الراح ..

كعدت اشمر حصو على المي .. واني اتذكر ادق اللحظات .. واعاتب نفسي مرات .. واعاتبو الو .. كأنما كاعد بصفي هوه ..

احاجي واجاوب عنو .. كمت اتذكر شلون من الطلاب بلمدرسة يستهانون بيه .. وهو يوكف بوجهم ويكوللهم علاء اخوية .. والي مجرد يفكر ان يجرحة بكلمة والله يحسب الله ما خالقو ..

جان يرجع للبيت ملابسو ملخة واني ملابسي نضيفة ..من عركاتو لخاطري .. وامو جانت ترزلو يوميا جاي هشكل ..

ما يكول اني جنت ادافع عن علاء .. خاف احد منهم يستصغرني .. هنا اني عيوني فاضت بدمعها وصرت ابجي واعيط مثل المراة ..

حسيت بقيمة صديقي من فقدتو .. حسيت شلون تبهذلت يم خالد وشلون انهانيت ..بس شاهين لزمني شغل ومزرعة وفلوس وما يوم حاسبني على درهم وكالي وين وشكد الي وشكد الك .. شكد انطي حصتو ياخذها ويمشي ..

جنت اني مدير والناس تشتغل عندي من يوم العفتو صرت اجمع زبالة وره الناس .. وبليه قيمه همات 😢😢😢 ..

ضليت اعيط بعلو صوتي .. الناس جتي تركض عليه عبالهم بيه شي ..

اني تمالكت نفسي .. و وكفت كتلهم لا ما بيه شي بس اني مريض وصار عندي وجع .. كالوا نوصلك للبيت للمستشفى كتلهم لا ماكو داعي اني راجع ..

رجعت اتمشى بلسوك والى ما ليلت الدنيا يله طبيت البيت .. ما حجيت ويا احد تمددت ونمت .. ثاني يوم طلعت الصبح اتمشى وانتظر الوقت الي غرور تفرغ بي او الموعد حتى اروح عليها اخذها ..

صفنت اني سيارة ما عندي هسه .. جنت اركض بسيارة المعمل .. عندي شكم فلس مجمعهن جنت كمت اخذ منهن ورحت اجرت تكسي رحت عليها اخذتها وهمات ع مزرعة مال شاهين ..

واني طبعا مشتري العشة والحلويات وكلشي جايب .. وصرف وبذخ حتى ابين نفسي كدامها اني حالتي زينه .. وكعدنه سئلتني ..

غرور ..ها شنو الخبر .. ابو الحب انته وضحكت ..

علاء ..اجاني خالد البارحة الصبح للبيت ..

غرور ..اي ..

علاء ...وجان ارزلو ذيج الرزالة .. ما خليت هيه انبهتت .. اني شفتها هشكل .. كمت اكذب .. كتلها وضربتو براشدي .. وكتلو شحدك انت تندك بغرور .. والله اكسر راسك يا حيوان .. و هوه خاف وكام يرجع ليورة ...

واني ركضت اريد اضربو واهلي جلبوا بيه .. وطردوا لخالد كالوله امشي يمعود تجفه شرو هذا من يزعل الكدامو يذبحو خلاص ..

وخالد ركض ركب السيارة على سريع وانهزم .. شو ويا ما كملت كلامي هيه انفجرت ضحك .. اني ضليت صافن هاي ليش تضحك .. اختنكت من الضحك .. كتلها شبيج تضحكين ..

غرور ..هههههه ها العفو .. بس انت انت .. وأشر باصبعي عليه .. انت ضربت خالد وسويت كل هذا ... ورجعت اضحك انوب زايد ..

علاء ..اني حسيت بفشلة .. جسمي كام يرجف زاد مرضي عليه .. طلعت شيشة الدوة وراسي يصب عرك ..

وهيه ما بطلت ضحك .. شربت حباية .. وللاسف حتى ما كدرت اجاوبها .. كتلها ما نتعشة مو كافي ضحك ..

هيه كالت اوك اوك اسفة ههههه .. وطلعت العشة ورتبت الميز والاكل طبعا هيه اميره ما تتحرك ..

الاكل اني ارتبة وكلشي .. والحلويات .. وكعدنه ناكل .. وتسئلني تكولي اي ما جاوبتني .. كتلها على شنو

غرور ..البارحة سئلتك .. تحبني .. واليوم زاد فضولي اعرف من سمعت موقفك البطولي هههههه ...

علاء .. اني من كملت كلامها .. غصيت بلاكل .. هيه انوب ماتت ضحك .. وتضربني على ظهري .. حتى ابلع ..

كالت حرامات انت تموت وتضحك .. بلعت الاكل اخذت نفسي .. شربت مي .. كعدت شوية اتنفس وهيه ما بطلت ضحك .. كتلها غرور .. ااني احبج .. واموت عليج ..

هنا غرور فكرت .. غرور كالت بينها وبين نفسها .. هذا خالد هسه راح يضوج مني وبعد ما يدز عليه ..

واني احتاج مصرف وغراض .. خلي استغل هذا الغبي اضل اسحب منو فلوس اشتري اغراض براسو .. الى ما اشوف تاليها ويا شلون

#يتبع ....

#سارة_المجيد🌹