#لا_ياصديقي

#المحطة_الخامسة_والعشررين

#بقلمي_سارة_المجيد

مساؤؤؤؤ عسل ع قلوبكم حبايب گلبي

🍯🍯🍯🍯🍯🍯🍯🍯🍯🍯🍯🍯

علاء ..ما اتصل شاهين بلليل .. ثاني يوم اتصلت اني بي .. اريد افتهم
رد منو كتلو ها شاهين شو ما رديتلي خبر على السفرة شوكت نطلع

شاهين .. والله يا علاء لا تزعل مني .. بس والله المراة شوية تعبانه .. تدري خطار طاب وطالع وتعبت خطية .. تجامل هذا وذاك ..واتسوي اكل وتشيل وتحط

علاء .. ادري ليش يا شاهين تتعذر ..كل ما اعزمك شنو هل تصرف منك مو حلو

شاهين .. مو شي مهم يا صديقي .. هسه انت عوفها على التساهيل والرهام .. ليش حاط بيني وبينك هل رسميات ..

علاء .. لا انت تستنكف تكعد ويانه لان احنه فقرة

شاهين .. يول انت ليش ما تفتهم .. وحجيك كلو تلوص صاير .. طول عمرنه احنه ناكل من ماعون واحد .. لا تصير اثول وتنجر وره حجي النسوان .. كبر عقلك شوية

علاء .. صفنت .. كلت شلون عرف هل حجي حجي غرور .. كتلو ومنو كالك هذا حجي نسوان

شاهين .. ههههههه .. عبالك اني ما اعرفك من انته تحجي .. ومن تحجي بلسان مرتك .. تره اني افتهم حيل زين .. واسمع مني يا اخوي .. نصيحة للزمن تفيدك

علاء .. اي بله يا كبير الحكماء

شاهين .. هههههه اي استهزء .. ماشي راح اعبرها الك .. المهم اسمع .. المراة .. راح تجي تكرض براسك وتثرم بصل اشكال اشكال .. مره تحجي على اهلك مره تحجي عليه مره على اي شخص ممكن يكون بحياتك ..

انت لا تجادلها .. ولا تدخل وياها بنقاش عقيم .. صدكني ما راح تطلع بنتيجة .. لان هيه من راح تحجي راح تكون مؤمنه بلي كاعد تكولو او عدها هدف من ورى ..

انت بس كوللها اي .. وسد الموضوع .. وانت سوي الي انت تشوفو صح ..مو الي هيه كاعد تكولو الك ..خليها لهاي النصيحة براسك .. تمام وصلتك الفكرة

علاء .. ماشي ياشاهين افتهمت .. بس لا تزعل عليه بعد ما اعزمك

شاهين .. هسه كتلك شيل هل تكلفة البينه .. بنتك اكثر حاجة من الاكل الي راح تحطة النه .. خوش

علاء .. خوش خوش .. يله مع السلامه
وسديت التلفون .. صح اني ضجت من رفض شاهين للعزيمه ..

بس كلت اكيد شاهين يأويلي .. ما يريدني اخسر .. هشكل افتهمت من كلامو .. يله هاي هيه .. ورحت لشغلي وكعدت بلمعمل ..

وقوت علاقتي ويا غرور .. ونسيت الي صار واستقرت علاقتنه .. ومشت بدون حتى مشاكل بينه .. وكامت تروح لاهلها مرات الصبح هيه ومريم .. من اطلع لشغلي اوصلها ..

وبلليل من ارجع امر عليها .. وحالنه الحمدلله صار زين .. وضعنه المادي تحسن .. و بدت مريومه تكبر .. وشاهين تعلق بيها حيل ..

كام كل شكم يوم يدز عليها .. ويشتريلها اشكاااال والوان .. ملابس وحتى يدزلها حليب صناديك يشتري ويدز وياها ..

لدرجة اني كمت اخجل .. لان هوه مشى على زواجو تقريبا 8 اشهر وما صار عدهم طفل .. ف شفتو متعلق بمريم .. بس شاهين أبد ما عتب عتبة بيتي ولا داس البيت ..

هل شي بصراحة جان لغز محيرني .. حتى من يجي عليه للبيت ما يطب يبقى كاعد بلسيارة ..

واطلعلو اني وياخذني .. نروح مرات نكعد بكوفي شوب نسولف ونتبادل الكلام ..

اني اسولفلو الي ديصير بحياتي وبيتي .. بس هوه ادحج بعينو اسرار جثيييير .. بس هذا شاهين من يوم عرفتو .. اوصفو الكم مثل البحر .. متروووس اسرار ..

بس محد يكدر يعرفها .. غيرو هوه .. وبنفس الوقت .. اذا كان هادئ تشعر بحنينه .. لكن اذا هاج .. الله يستر منو ..

ف هذا شاهين .. غامض باعماقة .. اسف اذا طولت عليكم بلوصف .. بس اني كاعد احجي عن صديق حياتي ..

ومشت الايام على هل وضع .. و يوم بلليل .. اني تعشيت وكملت .. كلت لغرور
اكولج غرور اني شوية انوب اطلع اتعلل تحتاجين شي

غرور .. اووووف يا علاء .. يعني النهار كله انت بلشغل وانوب بلليل هم ما اشوفك شطلعت هاي

علاء .. ههههه حبيبي شسوي .. غير اريد اجمعلكم انتي و مريومه واسويلكم مستقبل وبيت وحياة مرتبة

غرور .. يعني البيت ما يجي غير بلليل والتعليلة .. كمت اضووووج والله .. وانت محرم عليه الموبايل لا اخابر احد ولا اروح ولا اجي .. مكابلة هل تلفزيون

علاء .. موضوع التلفون ما نتناقش بي ماشي .. وهسه شنو الي تردينه مني

غرور .. اممممم .. اكول وما تزعل

علاء .. كولي لا ما ازعل

غرور .. هههههه حبيبي .. ليش ما كل ما تروح للشغل توصلني يم اهلي .. ومن ترجع تاخذنه اني ومريم .. مو احسن ..

عليش كاعده بلشقة وحدي ومحد يمي اذا يصير شي او احتاج شي .. شكلت

علاء .. اممممممم .. يعني يوميا تروحين

غرور .. اي اي حبيبي ههههه

علاء .. لا عاد مو يوميا .. بين يوم ويوم .. روحي .. شدعوة يوميا

غرور ... هههههه ماشي يروحي .. تأمر انت واني انفذ

علاء .. هههههه حيالة .. يله اني طالع اتعلل

غرور .. الله وياك حبيبي ههههه

علاء ..وصارت غرور تروح بين يوم ويوم على اهلها .. واني اروح لشغلي .. وكامت كل شوية دك من تلفون امها ..

تستأذن .. اروح للسوك اشتري مادري شنو .. واروح اشتري مادري ايش .. واني كمت انحرج كدام عمال المعمل ..

شنو هل كد تدك مرتك عليك .. انوب هيه تدك .. تضل تسفط سوالف .. وتلزمني ساعة حجي .. يبووووو .. يمعوده ما روحي ..

انتي مو كاعد تطلعين ويا اختج .. روحي عليش كل شوية تدكين وحجي حجي تشلعين كلبي وكدام العمال بلمعمل ..
شيكولون عليه قابل ..

غرور ..اي شسوي انت خانكني .. واخاف اطلع وما اكولك وانت تزعل عليه ..

علاء ..لا يمه ما ازعل بس فكي ياخه مني ..

غرور ..يله ماشي عيني بعد ما اخابرك .. باي
.
علاء ..وراحت .. واستمر الوضع هشكل .. فتره تقريبا 3 اشهر .. ويوم من الايام .. صار عندي الجرد السنوي مال المعمل ..

صار شكم شهر ائخر بي يتعب .. وشاهين يلح عليه واني اكنسل بيها ..
وبلتعليلة

شاهين .. علاء .. يابا هيمته تسوي الجرد السنوي مو راح تحول السنة الثانية وانت ما مسوي

علاء .. والله يا شاهين ما ليه خلك .. هاي ينرادلها كعده نهارين

شاهين .. هسه انت عليش .. جيب الدفاتر والوصولات .. وتعال بلمزرعة .. نتعلل ونبات هناك وحدنه .. ونسويهن اني وياك

علاء .. يعني نبات هناك 🤔🤔

شاهين ... اي اي يول .. هم نعيد امجاد الماضي .. وهم نجردهن .. ونتعلل تعلوله صباحية .. لوووو تخاف لا تنكتل ما تكدر تبات 😉

علاء .. لا ما اخاف اخاف شنو

شاهين .. دشوف وجهك صار ترفك من هسه كل شوية ينطي لون .. لو تروح تكوللها شسوي .. لازم تنام بلانعاش 😂

علاء .. اهوووووو .. جم مره كتلك بطل هذا الشقة يضوجني

شاهين .. اي اي .. الخوف يجزي .. هسه اني هم متزوج وكاعد اكولك امشي نروح .. شوف اني شلون ما اخاف 😂

علاء .. اي لا ما تخاف .. تجي للتعليله تسحسل😏

شاهين .. يول .. اكو مثل يكول .. (( الميخاف من مرتو مو رجال)) .. ف اني لازم اصير رجال وحباب هم 😂

علاء .. كاعد تحجي صدك انت شاهين

شاهين .. ما تنجب .. ولك اني من يا وكت اخاف .. زلم بشورابها .. تراعد من تسمع حسي .. تاليتها اخاف من مراة ..

بس من اني احترم مشاعرها او احترم رأيها .. مو معناها خوف .. معناها ان هذه الانسانه عزيزه عليه حيل .. وبعدين لا تنسى لازم انطيها قيمتها ..

لان قيمتها كدام الناس هيه من قيمتي .. وهيه مرايتي كدام المجتمع .. لازم شخصيتي تنعكس على شخصيتها يا اخويه

علاء .. شدعوووة .. صاير فيلسووووف .. هيج يسوي الحب😂

شاهين .. الحب كلشي يسوي .. مو انت صرت شاحوذ من وره الحب .. والقمل مله راسك وجربيت من ورى الحب نسيت لو اذكرك 😂

علاء .. لا تذكرني .. الله لا يعودها .. متت جوع .. كمت اشوف اصبع الصوصج قوزي 😂

شاهين .. عجل خوووش فكرة .. باجر عشانه قوزي بلمزرعة .. وتجي غصبا ما عليك .. واذا ما جيت .. والله افضحك بلتعليله فضيحة ..

اكوللهم يخاف من مرتو وتشك حلكو .. والبارحة اني متواعد ويا وما جاني .. ولكيتها رابطتو بلمحجر مال الدرج .. ويصيح النجدة انقذوني 😂

علاء .. لا يالله والله العظيم تسويها انت 😂

شاهين .. بداعت ابويا اسويها وافضحك فضيحة الكالك 😂

علاء .. عجل باجر جاي جاي هاي هيه

شاهين .. عفية .. صير رجال نشمي .. هالله هالله

علاء .. ان شاء الله .. يله اني رايح للبيت

شاهين .. ولك شو من وكت رايح .. تريد تروح تتلوك 😂

علاء .. اي رايح اتلوك .. ارتاح 😒

شاهين .. من حقك اخي الكريم .. متزوج ومن حقك تتلوك 😂

علاء .. ههههههه ديله في امان الله

شاهين .. الله وياك ههههه
رجعت للبيت .. تلكتني غرور .

غرور.. ها شو من وكت ..

علاء .. والله جيت اسولفلج .. باجر ما راح ارجع للبيت بلليل ..

غرور .. صخام وين تريد تروح .. وين تريد تبات علاء

علاء .. على كيفج .. باجر عندي جرد .. ولازم نكعد اني وشاهين نجرد الدفاتر والوصولات .. ونتأخر بلليل .. وحظر تجوال شيجيبني .. وثاني يوم اطلع الصبح عاد للشغل واجيج بلليل عكب باجر ..

غرور .. اممممممم وين ابيت شاهين تبقون تبات هناك..

علاء .. ها .. اي اي بيت شاهين ..

غرور .. امممممم .. يعني مو بلمزرعة ..

علاء .. لا شعدنه بلمزرعة .. ههههه

غرور .. ضحكتك صفرة .. وراك مصيبة

علاء .. ههههه لا ماكو شي .. باجر اوديج على اهلج ضلي باتي هناك يمهم

غرور ..ها لا ما اروح .. مريضة واني ومرت اخوية متعاركات ما اريد اشوفها لهاي الحية ..

علاء ... ههههههه ماشي على راحتج

وفي مكان اخر

شاهين كاعد يحاول يقنع شهلاء يباتون بلمزرعة 😂

شاهين .. فتت للبيت .. لكيت حبيبتي كاعد تتفرج التلفزيون .. شافتني وكفت هيه .. جيت حظنتها
كتلها مشتاقلج حبيبي بستها من خدها افيششش يهل خدودو عبالك كيمر داكل 😘

شهلاء .. هلا حبيبي اني هم مشتاقتلك

شاهين .. تدرين حبيبي من اشوفج شذكر ..

شهلاء .. اي بله شتتذكر 🤔

شاهين .. اتذكر الربيع .. بألوانو .. بروحو .. بجوة الحلو ..

شهلاء .. الله الله حبيبي ..ياشاعر الحب والرومانسية شكد احب حجيك هههههه

شاهين .. هوه حجيي المن عجل غير الج يا روحي ولج اخخخخ اموت عليج وجان اعض خدودها

شهلاء ..اخخخ ولك اكعد راحة لتتواكح ههههه اكعد حبيبي خلي اجيبلك جاي وبسكت حتى نسولف شوية

شاهين .. لا حبيبي تسلمين والله شارب تنكر جاي بلتعليله .. هسه طن ونص حديد من جسمي تكسر 😂

شهلاء .. هههههه ماشي عجل نكعد نسولف
اكول حبيبي ليش كل ما اكولك خلي نرد الزيارة لبيت علاء متقبل شنو السبب والسر وره هل رفض ؟!

شاهين ..احم حبيبي مو مثل مدتشوفين ماعندي وقت شغلي ماخذ نص وكتي ودوامي بالجيش ماخذ النص اللاخ متكوليلي اشوكت الحك اطلع ....

شهلاء ..عجل عندك وكت للتعليلات عيني 😏

شاهين ...هههههه شسوي ياروحي هم شوية اريد انفه عن نفسي من ضغط الشغل والدوام ...

شهلاء ..هههه اوووف منك ابد متنطي لزمة الواحد عندك جواب ع كل سؤال 🙄

شاهين ..ههههه فدييتج حياتي المهم انتي عندي بالدنيا كلها ...

بقينه نسولف .. واني كل شوية اغازلها واضحكها وهيج .. ما ريد اصدمها بلمبيت بلمزرعة ..خصوصا هيه تعرف كل ماضيي الاسود 😂

شهلاء ...حجيت ويه نفسي  اشوف شاهين اليوم حييييييل مهتم ويغازل .. ويضحك بيه .. كلت بقلبي حبيبي صح يغازلني ويحبني ويشاقيني جثير ..

بس هل مره لح زايد اكيد ورا مصيبة 🤔.. حبيبي عندو حصيني اكيد ..وداعتك اله اوكع عليها .. كتلو .. حبيبي شاهين

شاهين .. يا عيون شاهين انتي ..ياعمر شاهين ... يا صمصوم قلب شاهين انتي 😂

شهلاء .. حلوة مال صمصوم جديدة ههههه .. بس انت مو ملاحظ اليوم تلح بغزلك .. شعندك حجي حبيبي .. احجي وجيبها من الاخير  تراني افهمك 😉

شاهين .. ههههههه فدوه لحلكج دومج مفتحه باللبن .. بس شلون عرفتي

شهلاء .. حبيبي انت خبز ايدي .. اذا تفكر هم اعرفك بشنو تفكر .. جيبها من الاخر حياتي وكول شعندك 😏

شاهين ..احم يالله عينه ع بلوتي ..شسمه هذا شوفي يا روحي انتي يااااعمري انتي وبستها من خدها .. كتلها انتي تدرين الجرد السنوي لازم نجردو مال المعمل ..

وعلاء مثل السبرنك .. يكمز هين ويكمز هناك .. اريد احصرو حتى نجرد ونخلص .. صار شكم شهر مأخر هل جرد

شهلاء .. اي وشنو المطلوب 🤔

شاهين ..احم . اي .. ف اريد باجر نكعد بلمزرعة نجرد ونتعلل ونتعشة هناك ونبات لان حظر تجوال يصير .. وباجر الصبح ارجعلج وهو يروح لشغلو 🙊

شهلاء ..شنوووووووووو  يمممه

وللحكاية بقية ..

استلقي وعدك ياشاهين 😂

#يتبع ...

#سارة_المجيد🌹