اسعد الله مساء متابعيني بكل خير ❤

#لا_ياصديقي

#المحطة_الثانية_عشر

#بقلمي_سارة_المجيد

شاهين ..زين .. دليني على بيتهم ونروح اني وياك نسئل عليها هناك ونتأكد من الموضوع اذا كان صدك او كذب ونسمع بأذانه ..

علاء .. جيت اكولو اي نمشي .. بس تذكرت ان غرور حلفتني ما اكول الشاهين عنها اي شي ولا ادلي بيتهم .. بكل الاحوال ..

كتلو لا شاهين يعني خومو ابويا يريد يخدعنه .. بس اني احبها .. اعشكها .. ومهما تكون اني راضي بيها ..

شاهين ..لا علاء ميصير .. هذا نسب مو لعبة .. وسيدنا الرسول عليه افضل الصلاة والسلام يكول (( اياكم وخضراء الدمن .. قالوا وما خضراء الدمن يا رسول الله .. قال .. المراة الحسناء في منبت السوء )) ..

ف يا صديقي .. الديرة مليانه بنات شابات وبنات حمولة .. وانت ما شاء الله عليك .. شاب ومرتب وعندك شغل .. ليش تشمر نفسك بهيج مستنقع يجوز ما تطلع منه ..مو كولشي حب والزواج مو بس متعه خيي الزواج انساب خلي بالك

علاء ..شاهين تضحك عليه لو دتقنعني .. اني منو يرضة بيه .. اني مريض وجسمي كلو يرجف ..
وكضيت عمري اني ضعيف وامشي يم الحايط .. ف منو الي ترضة بيه ..
وهاي البنية نطتني حبها ونطتني كلشي اريدو .. قلبي محترك يا شاهين ..

شاهين ..توكل بالله يمعود .. والرجال ما تهزهم مراة .

علاء ..والله يا شاهين .. ما ابطل عن هاي المراة والا ارجع اكرر الموضوع على ابويا مره ومرتين و10
.. الا يوافق ..

شاهين ..والله انت موضوعك ما دافهمو .. ولك علاء هيه هيج حلوة هل عقلك مفتر هل فره وماعاد اتبطل منها ..

علاء ..كتلو باستهزاء ليش ما اشوفك صورتها احسن ..

شاهين ..لا يابا يجوز تشوفني صورتها وتذبحني وراها .. لا خيي لا اشوف صورتها ولا اريد اشوف وجها ..

علاء ..كمت من يمو ورجعت للبيت .. ورجعت كررت الطلب على ابويا .. وابويا يكلب الدنيا من يسمع طاريها ..

ويبقه يصيح ويعيط وبس عوزو يضربني واني احترك بداخلي واموت الف موته ياربي شسوي وين اولي ...وتالي سكتت بس كلت والله ما ابطل الا احطكم كدام الامر الواقع ... سهله ..

في مكان اخر

شاهين ..راح علاء وطبيت للبيت شفتهم دينصبون الاكل رحت للمطبخ شفت شهلاء مطكنرة وكالبه خلقتها يبووو ...
اتقربت منها ونغيتها بخاصرتها كمزت

شهلاء ..اوووي صدك جذب شبيك شنو اصبع لو درنفيس وجعتني

شاهين ..اسم الله عليج حياتي ..بيه ولابيج

شهلاء ..اي اي يله وخر داودي الاكل
شاهين ..اكعدي ماريدج تتعبين بداعتي ..خلي شيماء تودي الاكل شوفيها شسمنها صايره تتحمل التعب 😂

شيماء ..ياااا ليش يمه شكالولك عليه والله يالله ..اشلون يخاف عليها عابتلك 😒..

شاهين ..سبلت عيني بعيون شهلاء وكلت اي اخاف عليها عجل عليمن اخاف اذا ماخاف عليها يممه ..هاي حبيبة گلبي وشمعة تضوي دربي ولج هاي الي وكعت ابن عمج الي محد كدرت توكعو

شهلاء ..دحجت بطارف عيني 🙄 وبقيت مطنكرة ماحجيت ويا ولا ضحكت كتلو يله ابتعد اريد اودي الاكل

شاهين ..ادري دعوفي شبيج خلي احجي وياج وجع هسه قابل وين عفتج مو هياتني رجعت

شهلاء ..اي خوش

شاهين ..حبيبي متعرفين شصاير واني عاذرج هذا خطية صاحبي علاء واكع بمشكلة ويريدني افزعلو

شهلاء ..اي عجل ليش متكول شنو المشكلة ليش اتضم عليه

شاهين ..ماكدر حبيبي ماكدر وداعتج ميصير افضح سرو ..هذا صديقي ..شفتها بعدها ضايجة كتلها وتالي هسه شلون تدرين بيه اضوج اشوفج هيج بداعتي اضحكي

شهلاء ..ماشي ديله وخر العالم بالصالة منتظرين الاكل شلون بله

ام شاهين ...يمه شلحيت وياها دعوفها للبنية خلي تودي الاكل اتأخرنه ابوك وعمك منتظرين الغدة

شاهين ..يمه جنتج خشمها يابس ويرادلو شوية فرك

شهلاء ..ياااا فدوة لله ومنو يكدر يفرك خشمي 😕..دوخر عيني دفعتو ورحت للصالة شفتو عصب خربت ضحك عليه ههههه
والله ياشاهينو اله اطلع روحك واخليك اتوب ع ايدي 🙄

شاهين ..مسحت وجهي واتنفست بقوة لان صدك عصبتني لو ما اهلها هنا لا امردها بيدي بنت ابراهيم ...اشتعلو اهلج ...بس جذب والله فلا گلبي ينطيني اسوي بيها شي هذا كلبي فاين حظو ذلني واني عزيز عند اهلي 😣

رحت للصالة كلت السلام عليكم وطبيت كعدت ع السفرة وجانوا اخوتي كلهم هم كاعدين ...بقت عيني ع شهلاء وهيه تحط الاكل ع السفرة ....

من دنكت وكع شالها وبين صدرها انجنيت هيه رأسا دحجت عليه عرفت طكن فيوزاتي خزرتها بعيني الي صارن دم صكيت سنوني

هيه عسريع وكفت ولفت شالها ع راسها وراحت ركض ..هفففففف الف مرة كتلها لاتدنكين من اخوتي كاعدين مادري شسويلها ابتلي بيها من نعلعلا شيب اهل الخلفوج

شهلاء ..هفففف غير طركاعة شلون وكع شالي وهذا اتخبل هسه شيسكتو يبوووو

رجعت للمطبخ كتلها شيماء انتي كملي النكل ماروح للصالة بعد هذا شاهين صك سنونو وعيونو كامت تجدح اتعصب امبين

شيماء ..اصخام شسويتيلو ولج

شهلاء ..ماسويت شي والله بدون قصد مني وكع شالي من دنكت داخلي الاكل هوه اتخبل لان الولد كاعدين

شيماء ..يالله منج غير تلفين شالج زين حتى مايوكع متعرفين شاهين يغار عليج حتى من نفسو شبيج ..ديله جيبي البلم مابقه شي كلو نكلناهن راح اكعد اتغدة متت جوع

شهلاء ..اني حبقه هنا ماروح للصالة ضجت

شيماء ..والله بكيفج اني ماتحمل بعد راح اتخربط اروح اشفط ههههه

شهلاء .. ام بطن روحي ..راحت شيماء وكلهم التموا ع السفرة بس اني بقيت بالمطبخ كعدت اغسل المواعين الي ع السنك حتى انخفف لان استحيت اطب لان فشلت من خزرني شاهين كدامهم ..

كملت المواعين وكعدت العب ويه بلبل امجد فدووة يجنن ..
بهل لحظة سمعت صوت شاهين عبالك ديزئر خرعني

شاهين ..شفت شهلاء مكاعده ع السفرة سئلت شيماء عجل وينها شهلاء ..كالت متريد اتكول ماشتهي بقت هناك ...
اني ضجت من صدك شبيها هاي بس تتعزز والله موتتني هفففف ...امها كالت حتى ريوك ماتريكت من اجينه

كمت من الاكل ورحت للمطبخ شفتها كاعدة ع الميز الطعام ودتلعب ويه البلبل مال امجد ..صحت عليها كتلها انتي شبيج صدك جذب راح اتخليني اركض وراج امشي شو كدامي ترا اكفشج من شعرج يله تعالي تغدي

شهلاء ..ماريد مو جوعانه ماشتهي والله

شاهين ..ماكو هيج حجي امج كالت حتى ريوك ماتريكت الصبح ..اتقربت عليها هيه كاعدة ع الكرسي دنكت عليها وحظنتها وكمت اشم بيها افيشششش ياهل عطر ..
وهمست بأذنها كتلها كومي اكلي حبيبي حتى تفتحين نفسي ع الاكل ..

هيه بعدتني عنها وكامت خرب عمج اذا صدك ولج شبيج تنهزمين امشي يله كدامي اهلنه منتظرينه عيب ..وشالج لفي ع راسج عدل لا اشلع شعرج

شهلاء ..يبووو ماشي ماشي دروح واني جايه وراك ..

شاهين ..امري لله رايح ..رحت وكعدت وره شوية اجتي تتمايل غزالتي فديتها كعدت مقابيلي ...
هسه عبالك اني اكرصها متجي تكعد بصفي اوووف يكلبي ...

جاسم ..لتنسون تقرون الفاتحة ع روح امي من تخلصون

الكل ان شاءالله

شهلاء ..الله يرحمها لبيبي جانت ماليه علينه الدنيا بسوالفها وضحكتها اوووف دنكت راسي ونزلت دمعتي 😢

شاهين ..كافي شهلاء مو وكت بجي كلنه ع هل طريق محد يعيش للابد ...الله يرحمها ويجعل مثواها الجنة

الكل ..امييين ياارب

في مكان اخر

علاء ..مشى الليل واني اخطط وافكر .. كعدت ثاني يوم .. ورحت على شاهين .. كتلو اسمع .. اريدك تفزعلي بشغلة .. فكرت بيها وكلت محد يكدر يسويها غيرك ..

شاهين .. والله انت صاير مادري شلون تفكر .. بس خلي نسمع منك شعندك .. كول احجي شعندك ..

علاء .. دحج خيي اني راح اخابرها لغرور واواعدها بمكان .. ومن تطلع من بيتهم .. انت تساعدني .. نحطها بلسيارة .. وناخذها .. وتوصلني للموصل ومناك اطفر للشمال ولتركيا .. واطفر اني وياها .. شو اني كلت هيج شو شاهين تخبل .. وكف على حيلو وصرخ بوجهي ..

شاهين ..ولك علاء تريدني اني اخطف مراة .. ولك انت شبيك ما عندك عقل ما عندك غيرة .. عرض الناس هيج سهل عندك ..
اهلها امها ابوها .. ما كلت شحالهم ورا ما تنخطف بنتهم .. ليش انت صاير ما تفتهم ..ول يابه اعقل لا تبقه امدمغ

وافتهم هل بنية مو من ثوبنه اتركها ليش ماتسمع كلام
انت صديقي واخوية ومن واجبي انصحك و اوعيك لان انت واكف ع جرف الهاوية ومحاس ع نفسك راح توكع ...

لا ياصديقي لاتنجرف وره السراب ترا تندمر وذاك الساع محد يكدر يخلصك ....علاء اصحه اترجاك اني هل مره ..عوفها لهاي البنية ترا تضيع بسببها والله

علاء ..جنت اسمع كلام شاهين واحس ضربات وصفعات ع وجهي وحسيت بليئس .. كتلو ما اعرف شسوي والله يا شاهين تعبت .. و كعدت بلكاع وكمت ابجي .. هوه انقهر عليه .. واجه كومني ..

شاهين ..يا علاء . يا اخوية عوفها لهاي البنية وانساها والله انت ترتاح واهلك يرتاحون .. انساها وعوفها بطريقها وانت بطريقك ..

علاء ..والله ياخيي مو بيدي اكو شي بداخلي ديغصبيني يريدها داتعذب حتى الليل مدانامو من وره هل سالفه تعبت اريد احد يساعدني حموت

شاهين ..كول يالله يمعود الخلق غرور ماخلق غيرها شبيك ..
ول يابه عوفها ليش تعاند محد راضي عليها

علاء ..رجعت واني مدنك راسي وعيوني حمر .. طبيت للبيت ما سلمت على احد لكيتهم كاعدين .. طبيت بوجهي على غرفتي ..

قبل لا افوت سمعت ابويا يصيحلي .. رجعت واني ما ارفع عيني عليهم .

ابو علاء ..ها علاء .. بعدك تريد تتزوج ..

علاء ..اني من كال هل شكل حسيت شلون واحد ذب على قلبي مي بارد .. كلت يا الله .. الله هداهم .. كتلو اي ابويا اي اي .. اكيد اريد اتزوج ..

ام علاء ..عجل مبارك حبيبي .. باجر حظر نفسك وترتب نروح نخطبلك ..

علاء ..اني حرت شنو احجي من فرحتي انعكد لساني .. وكتلها طبعا امي احسن لبس البس .. وطلعت اركض للغرفة .. بعدني ما طالع من الاستقبال ..

وجان ابويا يكول وين ولك  انت شو لا كلت منو البنية  بنت من .. اني هنا تكهربت ... انداريت ..كتلهم ليش انتوا المن تقصدون ..

كالوا بنت خالتك فلانه .. اني من كالوا هشكل .. شلون برق ظرب گلبي ما عاد اعرف شسوي .. كتلهم والله على جثتي .. والله ما اخذ غير غرور .. لو اموت احسن

سمعتوا لو ما سمعتوا ..لو ابقه عمري كلو بدون زواج اموت وماخذ غيرها غرور حب عمري وانتوا تريدون تحرموني منها ابويا وكف على حيلو وخزرني وصرخ بوجهي

ابو علاء ..امشي اطلع من بيتي انت لا ابني ولا اعرفك يالله بره ..ياكلب انت ماعندك لاشرف ولاغيرة 

علاء ..اني طالع ولا اشوفكم ولا تشوفوني بعد .. صعدت لغرفتي .. وشلت شكم فلس عندي وطلعت امشي وامشي امشي .. رحت للكراج وركبت وطلعت لبغداد .. ما عندي اي احد ابغداد ..

بس كلت هاي هيه اعيش شلون ما جان .. واعوفهم واعوف غرور واعوف الدنيا كلها ..يعني كفرت حبيت خما كفرت ....

قابل شرايد منكم ياهلي هيه هل بنت اختاريتها تكون زوجتي وبالحلال ليش خذلتوني وكسرتولي گلبي 😔

مشت بينه السيارة طريق طووووويل بقيت صافن وحاط راسي ع جام السيارة ...شنو المضموم اليه واني بهذا وضعي ..شراح يصير بيه واني رايح للمجهول حياتي اتدمرت والسبب اهلي ليش بس اني ديصير هيج وياي شنو الذنب الجنيتو ااااااه احس ناااار بداخلي دتنهش بأحشائي ..

ماعرف شسوي شنو الخل لهاي المصيبة
وهسه غرور شتكول عليه وين اختفيت
اووووف شنو السويتو وهيج يصير وياية ..

وصلنه
ونزلت بغداد وما اعرف وين اروح .. امشي بلشوارع وما اعرف اني وين .. شارع يشيلني وشارع يحطني .. منطقه تشيلني ومنطقه تحطني ..

شنو القدر المجهول الي منتظرني اااااااه يادنيا
......

وبدت مئسات علاء وراح انشوف شراح يصير بي من انقلاب بحياتو بهل فترة ..انتظروني باجر ان شاءالله وراح انشوف الاحداث المشوقه الجاية

واذا شفت تفاعل قوي انزللكم بارت اضافي بالليل شدوا حيلكم 😘

#وللحكاية_بقية ...

صديقي أنا هُنا بجانبك ، عندما يسكُن اليأس
عيْنيك وتذبُل روحك من معارك الحياة ، إلتفت
إلي ، فصدري سماءُ يحتضن أوجاعك.

#يتبع ....

#سارة_المجيد🎀