مساءكم ورد وفل حبايب گلبي هذني  بارتين ۔۔۔ ماكدر بعد انشر مرتين باليوم ابني جالطني من التعب 😴😴 يعني اذا كدرت اكتب بارتين انزلهن سوه

#لا_ياصديقي

#المحطة_الثامنة

#بقلمي_سارة_المجيد

..اخذت تكسي وصلت لبيت غرور دكيت الباب طلعت هيه جانت متحظرة وجاهزة كتلها يله التكسي بالباب ..
صعدنه ورحنه للسوك

ماكو محلات مفتحه هواي بس كم محل للاثاث اخذنه غرفه حلوة نازكه ع كد الفلوس المجمعهن ..ورحنه للشقه ..

ونزلوهن العمال وشدوها الي ورتبوها ..ونطيتهم عمولتهم وراحوا ..بقينه بس اني وغرور بالشقة هيه نزعت الشال والجبة جانت لابسة فستان قصير حصر امبين تضاريس جسمها بقيت صافن اتخردلت اريد ارمش مكدرت اجتي خلت ايدها ع رگبتي كالت شبيك ياحلوو شو صافن 😉
اني فزيت كتلها ها لا هيج ماكو شي يله نرتب الشقة عرسنة بعد كم يوم حتى انلحك ..

غرور ..ممشتاق لحضني يعني ...حطيت ايدي ع لحيتو وبقيت اتلمس وجهو واتدلع كدامو

علاء ..بكلامها ودلعها خلتني اشتعل بنار جسمي رجع يرجف اوووووف خررب حظي هسه وكتك يالمرض ..تلفت اعصابي بنت اللذين ..

كمت اتجاوب وبيها سحبتها عليه وحضنتها وقربت وجهي ع وجها وغمضت عيني كمت اشتم عطرها دفنت راسي برگبتها كتلها افيييييششش حبيبتي عطرج يجنن ..

جانت سوي شغلات اتثيرني كامت اتنزل بسحابة صدرها اني هنا مكدرت اتحمل احتركت حرك اخذتها ونيمتها ع القنفه واجيت فوكاها بقيت ابوسها وهيه تصيح بشهوة اوووويلي ردت اله شوية اغلط وياها ..

رأسا وخرت منها ومسحت وجهي صرت قطعة من مي كعدت كتلها كومي لميلي نفسج ماريد اخذج هسه ونغلط مابقه شي للعرس

غرور ..نزلت ثوبي وسديت سحابة صدري وعدلت روحي كتلو ماشي ولو هوه ماكو فرق هسه او بعدين بس براحتك ..

كمت طبيت للحمام غسلت وجهي ورحت لغرفة النوم رتبتها ورتبت المطبخ ونظفت الصالة والشقة كلها

علاء ...مادري ليش ولاتهتم لنفسها وتسلم نفسها بكل برود ..اووف اصلا نسيت هيه مو بنية وعدها عادي حتى لو نمت هسه وياها مايفرق شي عدها 😣😣

ماكدر ابتعد عنها شنو الي يخليني اريدها بهل قوة رغم الي اعرفو عنها ...
بس يله خطية هيه مظلومة وهل كلب خالد الي غدرها ودمر حياتها وظلمها
كملت تنظيف الشقه ورحت حضنتها من وره وبستها كتلها عاشت ايدج الشقه صارت اتخبل بلمساتج الحلوة

غرور ..هههههه اكيد لان هذا عشنه الي راح نتزوج بي ونكون بي عائلة

علاء ..ان شاءالله حبيبي ..يله امشي ارجعج لبيت اهلج حتى انحدد يوم العرس شوف شوكت يوالمكم ..لان بعد ماتحمل 😉

غرور ..هههههه ماشي ياوحش يله

علاء ..ومشت الايام على هل منوال .. بقيت اني وغرور نتلاكه بيتهم مره ومره بلشقة .. وشكثر مو حاولت تحتك بيه وتجرني وتغريني ..

اني جنت مصر ان ما اتقرب الها الا بعد العرس .. صح هيه مو بنت بنوت بس اني ما اريد اخرب عرسي .. اذا اخذها هسه شيظل للعرس ..

المهم وبقينه نجهز للشقة والعرس والسوك بده شوية شوية يتحرك .. وبده ينشط .. ويوم من الايام احنه كاعد نتمشى بلسوك ..

كاعد ندور ملابس للعرس .. ما اشوف واذا خالد هم كاعد يمشي بلسوك ..

ردت اتحاشاه كتلها لغرور خلي ندخل هذا المحل الي بسدنه ..

غرور ..وهذا المحل شبي يمعود هوه عطار .. شنريد نشتري منو ..

علاء ..هسه نشوف شعندو ما عندو فوتي
هيه ما تدري اني شفت خالد وردت بس اختل منو ..

ما احس واذا واحد يطبطبلي على جتفي .. انداريت واذا خالد .. كمية الرعب الي حسيت بيها مع الخجل مع الغضب مع الفشلة ..

مشاعر مختلطة خلتني ما اعرف انطق شي ..حسيت جمد الدم بعروگي

خالد .. هلوو علاء .. شلونك اخبارك .. هلووو غرور شلونج

علاء .. اني لساني انعكد ولا نفس ولا حركة مني

غرور .. هلو هلو خالد شلونك

خالد .. هاي شنو عيني علاء شدعوة خاطب وكاطع مهر .. وما تكول بذات مو بينه عشرة وصداقة .. على الاقل نفزعلك

علاء .. اي صح .. صارت بساع .. بس مبهوت اني وجامد

خالد .. يله مبروووووك عليك .. ولج غرور مبرووك عليج هم ... شيطانه كدرتي تطيحين الولد😉

علاء ..جنت اتمنى الكاع تنشك وتبلعني جان يحجي ويبسمر وضحك ضحكة خبيثة .. ومشى .. واني اعرف شنو وره هاي الضحكة .. بس بقيت بلاع الموس ..

صافن وما اعرف بشنو شمرت نفسي وشنو الصار .. هذا القدر راح يبقى يطاردني الى ما اموت

غرور .. ها علاء .. اصحة يمعود شبيك

علاء .. دحجت على غرور اشوفها عادي حتى ما خجلت كتلها هاا .. لا ماكو شي يله نمشي بلسوك ندور ملابس

غرور .. ديله يمعود عبالك شايف جني انت دحج وجهك شلون صار كركم

علاء ..كلت بكلبي ..كالت جني .. كولي شفت ابليس .. شفت الشيطان الي راح يطاردني طول عمري .. شفت مستقبلي المظلم
وكان هذا اللقاء الاول الي مع خالد .. وكملنه مشتراتنه رجعنه ذبينه الغراض بلشقة وصلتها لبيتهم ورجعت للشقة حتى ما رحت لمحلي ..

وضليت امدد وعبالك مضروب براسي ما اعرف شبيه .. اداور بالسالفة براسي .. مرة اكول اني شسويت اني بيش ذبيت روحي استغفر الله يا ربي .. ما داعرف شنو البية وشلون اندفعت هل دفعه بدون حتى تفكير ..

احس تصرفاتي مو بكيفي .. وراها كلت بعد ما منها .. لازم اتكيف ويا هل وضع اني عبرت المي ما ترهم هسه ارجع اغرك .. ونمت .. ومشت ايامي واني اخاف لا التقي بخالد بلطريق .. او بمكان صار كابوسي خالد ..

ويوم يجر يوم واحنه نحظر مستلزمات العرس والشقة تقريبا اثثناها .. حنيت لاهلي .. وكلت ازورهم واحجي وياهم بما انو موعد العرس صار قريب .. جيت العصرية للبيت .. ادحج علي كئيب عبالك روح ما بي من بره ..

دكيت الباب فتحلي اخوية .. هوه شاف وجهي ما حجه ولا كلمه سد الباب بوجهي .. رجعت بقيت ادك ادك ادك بلباب واصيح .. انفتح الباب .. بس محد طلع .. عرفت امي فتحت الباب تريدني اطب ..

خافت من الفضايح والهوسة السويتها بره .. طبيت جوه ما اشوف احد .. كعدت بلهول اجتي اختي شبكتني وتبجي بستها من راسها وكعدتها بسدي .. كمت اسئل بيها شلونكم شلون صحتكم .. شلون الدنيا وياكم ..

اختي ..ليش علاء سويت هيج .. والله ابويا كل شكم يوم يتخربط ونركض بي ع المستشفيات .. وامي مرضها زاد عليها .. ويادوب تمشي .. ليش هيج سويت .. ليش هيج اذيتنه ..

علاء ..ما ينفع هسه الحجي الي صار صار ... ليش محد يطلع احجي ويا .. كالت ابويا طالع وامي واخويه بغرفهم .. خلي اكوم اسويلك جاي ..كامت تسوي جاي واني كاعد ..

محد طلعلي .. كمت دكيت الباب ع غرفة امي .. كالت منو .. كتلها هلو يوم اني علاء .. سكتت .. كتلها اطلعي امي بس اريد اسلم عليج مشتاقلج .. ضليت الح عليها .. وجان تطلع ..

ام علاء ..هم الك عين تجي ودوس بيت ابوك وره الي سويتو .. حيفن عليك رجال ربيتك وتعبت عليك .. والله حيفن على الايام والليالي السهرتهن عليك .. حطيت راسنه بلطين ولك .. ما كلت سمعة اهلي سمعة خواتي .. خليت سيرتنه ع كل لسان الي بالديرة ...

ما حطيت ابالك هل شي .. اختك خطيبها عافها من سمع بيك خاطب هاي الملعونه .. يكوللها ما يشرفني اناسبكم .. ولك ليش هيج هدمت حياتنه .. والله ما اسامحك ولا قلبي يرضى عليك الى يوم القيامه ..

علاء ..اني سمعت امي هيج تحجي .. انهاريت بلبجي ونزلت على رجليها ابوس بيها .. واكوللها سامحيني يا امي .. والله ردت بخاطركم اخذها ..

بس عارضتوني وكسرتوا جناحاتي .. ما ردت تزعلون عليه .. اترجاج سامحيني .. طبطبت على راسي وكالت كوم وليدي كوم اشرب جايك ..

كمنه وكعدنه بلهول اني وامي واختي جابت صينية الجاي حطتها كدامي .. بعد ما مديت ايدي ع الاستكان .. اسمع الباب انفتح وصوت ابويا .. اني جمدت بمكاني ..

ما اعرف شنو ردت فعلو اذا شافني وشنو راح يتصرف .. اسمعو يصيح لامي وامي ساكته تخاف من الي راح يصير ..

طب للهول شافني .. عبالك ما اعرف شنو شاف .. انجن ..

ابو علاء ..من شفت علاء كدامي فار دمي واحترك اتعصبت ركضت عليه وكتلو ولك والك عين تدخل بيتي يلخنيث ..

علاء .. اجه ابويا يركض وضرب الطبلة بجلاق وطارت الطبلة والاستكان انلزك بلحايط .. ولزمني من يخاتي .. وسحلني سحل ... اكولو بس خلي احجي وياك .. يكولي ما بيني وبينك حجي ..

وطلعني بلشارع شمرني والعالم ادحج علي .. وسد الباب .. اني ضليت من فشلتي كاعد بلشارع ومدنك راسي .. وعيوني تصب دمع ..

تمالكت نفسي وكمت وكفت على حيلي بس جسمي كل يرجف .. اخذت تكسي وطلعت على الشقة ..

فتت وضليت ابجي ..ما اعرف على شنو ابجي كمت احس ان اني خسرت كلشي لخاطر غرور .. ضيعت كلشي حياتي كلها ضاعت لخاطرها ..

مادري تستحق مادري لا .. والله مليت من التفكير خلص كلبي يا رب بلكت تموتني وتريح الدنيا مني .. واعتكفت بلشقة شكم يوم .. الى ان اجت غرور تسئل عليه ..

غرور ..ها يمعود وينك .. شو لا جيت ولا سئلت .. صار شكم يوم حتى المحل ما مفتحه شنو قصتك ..

علاء ..والله شوية ضايج وتعبان .. ومالي خلك

غرور ..ليش شكو صاير شي ..

علاء ..بس مريت على اهلي ردت اراضيهم وطردوني ..

غرور ...اوووي يمعود اهلك هذول عقليات قديمه .. وشسوي بيهم كولي بيش فادوك .. اشو طول عمرك تخلي بجيوبهم .. من احتاجيتهم شالوك و زتوك بلشارع ..
يمعود عيش حياتك وانساهم لا خلف الله عليهم

علاء ..اني سكتت مكدرت ارد لان نفسي مكسورة ..

غرور ..اجيت كعدت يمو ع الجرباية ومديت ايدي ع صدرو وبقيت امسد بصدرو وحجيت بدلع كتلو كوم كوم انزل شوف شغلك ..

محد يفيدك لا اهلك ولا صديقك شاهين .. محد يفيدك غير جيبك واني شريكة عمرك .. الي اساندك بكلشي .. خلي يولون ذولي كوم شوف شغلك ..

علاء ..كلامها ويايه شوية نطاني قوة وتصرفاتها مثل الدوه عبالك الي انتفضت من مكاني وهيه حضنتني وباستني من شفايفي رادت اكثر بس بعدتها كتلها خلي اكوم اسبح واطلع لشغلي ...

غرور ..احم ماشي حبيبي براحتك يله كوم

علاء ..والله كمت طبيت للحمام سبحت وبدلت ورجعت لشغلي .. وما اعرف شنو الي خلاني اقتنع بكلامها .. واشوفو هوه هذا الصحيح محد يفيدني وصدك زتوني اهلي ..

خلي منا ورايح حياتي بس الها لان هيه بس الي اجتي دورلي من اني ما نازل لشغلي ..

ورجعت اشتغل .. وتأخر العرس شكم شهر لان مثل ما كتلكم المحلات قليلة ويادوووب نكدر نلكي الغراض هلكنه هلاك يله جمعنه الغراض ..

واني كاعد بلمحل الصبح بعدني ما مستفتح .. كاعد ارتب بلغراض وامسحها .. ما اشوف واذا خالد داخل على محلي .. اني تعوذت الشيطان .. كلت يا ربي استفتاحية خير .. هذا منين طلعلي هسه من الصبح هفففففففف

خالد .. علاء شلونك

علاء .. هلا خالد انت شلونك

خالد .. الحمدلله تمام .. شأخبار رفيجك شاهين .. محد عرف عنو شي

علاء .. لا والله محد بعد يعرف عنو شي .. انت منين تعرف شاهين

خالد .. شلون .. شاهين ابن ديرتنه وخوش زلمه .. ماكو احد بتكريت ما يعرفو .. وبعدين جاني بشغلة

علاء .. حجيت بأستغراب شغلة شنو !!

خالد .. احجي وما تزعل .. لو اسكت احسن شحجي هسه

علاء .. اني قلبي لزمني .. كتلو احجي شعندك

خالد .. شوف علاء .. غرور ما تفيدك .. وانت خوش ولد وحباب وطيب .. وهاي والله شيطان .. ثق بالله تدمر حياتك .. وشاهين خويك .. يعرف كلشي .. ما كالك ع الي عرفو

علاء .. من كال هيج اني اشتعلت بنار واتعصبت .. كتلو احترم نفسك ولك .. ولا تتجاوز هاي مرتي .. اني اعرف نيتك شنو وليش تريدني اترك غرور ..

اني خلصتها منك ومن اشكالك.. واطلع بره المحل .. تفضل اطلع و وجهك ما اريد اشوفو بعد

خالد .. اي علاء طالع اني .. والله جيت انصحك .. واضح مقشمرتك حيل زين وكدرت اتطيحك ...واسئل عود شاهين اذا رجع بسلامه وهو يحجيلك كلشي

علاء ..طلع خالد واني كعدت انضربت براسي .. هذا شكاعد يحجي .. شنو شاهين .. شنو الي يعرفو شاهين وما كالي .. اوووويلي يا ربي ..

عجل ليش شاهين ما اجه عليه ويحجيلي الي يعرفو بقيت بصراع ويه نفسي ماعرف شنو الي ديصير بظهري شنو هل بلاوي .. وتعوذت ابليس وكملت شغلي ...