#لا_ياصديقي

#المحطة_التاسعة_عشر

#بقلمي_سارة_المجيد

علاء ..ماعرف شنو الي ديصير بظهري شنو هل بلاوي .. وتعوذت ابليس وكملت شغلي ..

كملنه التجهيزات كلها تقريبا صار سنة على الخطبة والمهر وبعد الموضوع ما يتحمل تأخير اكثر ..

كعدنه اني وغرور بلشقة .. وكتلها هسه غرور لازم نحدد موعد العرس اكثر من هيج راح تصير مو حلوة .. كافي اريد اكعد وياج بيت واحد واستقر

غرور .. اي حبيبي .. اني هم كلت كافي .. بس انت شسويلك كل سالفة وتريد شاهين يبين .. ومادري شنو .. شاهين وين يبين وهو اصلا اثر ما الو ويجون الله العالم مات ...وانت كاعد تنتظرو

علاء .. اي يا حبيبي شسوي اني هذول الناس خيرهم مغركني .. ولازم اعزمهم على العرس واذا شاهين ما منه خبر شلون اعزمهم بيا وجه .. بس هسه ما زال صار سنة من هوه مفقود بعد ما الهم عذر

غرور .. ديله ماشي .. شتكول اذا على الخميس الجاي

علاء .. اي ماشي .. عجل الاربعاء ااجر جادر للزلم .. والنسوان خليهم بيتكم .. لان همه اكثرهم كرايبج اني منو يجي من كرايبي .. وتعرفين ماكو هسه قاعات اعراس ..

غرور .. شنو يمه .. بيت اهلي ليش .. والاكل والضيافة منين يجيبون اهلي بتلوا بيك

علاء .. على كيفج عيني على كيفج احط بايد امج فلوس تكفي وزايد

غرور .. ديله ماشي عجل اروح للبيت نتحظر .. جيب فلوس مال صالونه

علاء .. اي انتي ما عندج بس جيب .. هاج يابا هاج

غرور .. يله حبيبي اروح اني .. انت الاربعاء جيب الجادر ونصبة يم بيت اهلي

علاء .. ان شاء الله
طلعت غرور .. والعرس يعني بعدلو اسبوع .. لازم شوية استعجل .. خلي اروح على بيت عمي جاسم اعزمهم عيب ..

ثاني يوم افتريت على كرايبي عزمتهم ورحت على بيت عمي جاسم .. سلمت عليهم وعزمتهم ..

وبشروني كالوا واصلهم خبر من شاهين موجود يم الامريكان مسجون .. ومكيفين وذابحين الذبايح .. ومسوين غدة شكبر .. وعازمين ناس جثير .. ومنهم ابويا .. جلبوا بيه الا اكعد اتغدة .. وكعدت بلكوة ..

بس بعيد عن ابويا .. تغديت .. وادحج على ابويا كل شوية يخزرني .. واني ارجع احط راسي بلجفنه .. فضت العزيمه وكمت اريد اطلع .. كضبني عمي جاسم كالي اكعد اريدك بشغلة ..

ضليت كاعد .. راحوا الناس وضلينه شو بس اني وابويا وعمي جاسم .. وعمي ابراهيم اخو كاعدين .. و اخوت شاهين ..

عاد كام عمي جاسم يحجي ويايه ويحجي ويا ابويا .. يريدون يراضونه ..

وابويا داك رجلو .. وحجه عمي جاسم ويا ابويا خوش حجي وعمي ابراهيم هم .. كاله الي صار صار .. عرس ابنك هل اسبوع . وصار سنة انت ويا ما تتحاجون ..وهل شي حرام من تتكاطعون وانتوا أب وابنو ...

ابويا سكت .. عمي ابراهيم كالي كوم بوس راس ابوك واستسمح منو .. كمت بست راس ابويا وراضيتو .. وطلعنه اني وابويا نمشي .. اني احجي ويا هوه ما يردلي .. سكتت .. طلعت ويا على البيت ..

ابو علاء ..شوف علاء .. اني رضيت لخاطر الزلم الحجوا ويايه هسه لان همه الي اتشفعولك يمي ... والا اني حالف للموت ماسامحك ولا احجي وياك ...

بس لخاطر الشيوخ حجيت وياك اليوم وتجي انت اهلا وسهلا .. بس .. عرسك لا اني ولا اهلك نحظرو .. ومرتك ما تعتب باب بيتي .. افتهمت ..

علاء ..حسيت غصة بصدري شلعت كلبي شلع بلعتها وكتلو ماشي يابا صار .. ومشت الايام واني اركض هلكت ..

الاربعاء الحنه مال النسوان واسمع الاغاني بطن البيت والناس مكيفة بيت غرور واني جبت ناس نصبوا جادر واركض هنا واركض هنا .. اتحظر لعرسي باجر .. الله .. واخييييرا راح انجمع ويا حبيبتي ..

بعد هاي المئاسي والمصايب الدكت على راسي .. اخيراً راح انجمع ويا حبيبتي .. وصبح الصبح مال الخميس كعدت ورحت للحلاق ..

ورتبت نفسي ورجعت سبحت وكشخت ولبست القاط .. وحظرت نفسي ..نفسيا.. وماديا .. وجسديا لهاي الليلة ههههههه ..

صارت العصرية .. ورحت عاد الهم .. لان العرس العصر بلليل حظر تجوال هههههه .. والزلم كاعدين ..

غرور ..رحت للصالون سلمتها نفسي مثل اي عروس تنظيفات البشرة وصبغ شعر ومكياج وتسريحة ولبست البدلة وحطتلي تاج كرستال ع راسي طلعت اجنن مثل اللعابة

رجعني اخوية للبيت وره شوية سمعنه هوسة وهورنات مال سيارات الزفة طب علاء جان لابس قاطو الاسود طالع يجنن ..

اتقرب مني باسني من كصتي و وكف بسدي والاهل يصفكون ويذبون كولات وهلاهل ..شوية وجان يكولون يله ترا بعد شوية يصير حظر تجوال ..والله زفونه وطلعت صعدنه بالسيارة ..ورحنه لشقتنه ..

نزلنه هم شوية كام يهوسون النه وصعدونه 
وطبينه للشقة .. ومثل كل عرسان وهيج اني خجلانه منه وهوه هم خجلان ...

علاء ..اتقربت منها كتلها مبرووك علينه حبيبي

غرور ..الله يبارك بيك حبيبي ..بس افتحلي السحابة اختنكت من البدلة

علاء ..اي اي انداري شو ..والله نزعتها البركع اول شي وراها مديت ايدي نزلتلها السحابة بين بياض جسمها كدامي خدرت هنا حطيت شفايفي ع ركبتها وبستها وبقيت امرر لساني ع كتافها اشتعلت بنااار نزعتها بدلتها وشمرتها وحضنتها واخذتها ع الجرباية واجيت فوكاها شعور جان دمااااار خلتني اعيش اسعد يوم بحياتي بيها اثارة اتخلي الواحد ينتهي ..

واخذتها لاكن شوية ضجت لان مو بنت بنوت

غرور ..دحجت ع علاء شفتو مو ع بعضو كتلو شبيك حبيبي اشوفك مو فرحان مو جنت تتمنى هل يوم

علاء ..ها لا مابيه شي بس دافكر باجر يجون امج واختج ويردون نيشان مني شنطيهم

غرور ..احم ها مادري والله مافكرت بهل سالفه شنسوي

علاء .. كتلها خليها عليه وين القطعه القماش البيضه

غرور ..دقيقه رحت طلعتها من الجنطة ونطيتهيا

علاء ..كمت اخذت علبه اسعافات اولية وطبيت للحمام وطلعت موس حلاقة وجرحت فخذ رجلي وحطيت الوصله عليه ترستها دم وصحتها كتلها هاج ضميها وباجر من تجي امج انطيهيا

غرور ..عيني غوركت من هيج سوا انكسر خاطري عليه حسيت بسخافة نفسيتي كلت بكلبي هل انسان ميستاهلني ابد يستاهل بنت نظيفه تصونو وتحبو بصدق لان هوه انسان نظيف ....اخذتها من ايدو وضميتها

علاء ..فتحت الدوش شمرت نفسي جواه مادري ليش نزلن دموعي ...حسيت فرحتي مكسورة احساس بداخلي دمرني ...روحي ممرودة

تعبت والله بس لا ابقه حياتي كلها هل كابوس ملاحقني مداكدر اتناسه الوضع الي داعيشو ضمدت جرحي ولفيتو بشاش 
وطلعت لفيت المنشفه ع خصري شفتها نايمه ع الجرباية وعاريه

بس اني لاحظت شي .. لاحظت ان جسمها كلو علامات زركه عبالك مضروبة .. كتلها غرور شبي جسمج ليش هيج ازرك

غرور .. احم ها مو البارحة نومتي مخربطة لان خايفة من العرس وهيج حياة جديدة .. شو كعدت جسمي مزورك ..

علاء ..هه واني صدكت الغبي .. لكن الحقيقة مو هاي الحقيقة راح تعرفوها بعدين .. تجيكم ويا احداث القصة ..

نمنه تعبانين محسينه ع نفسنه والا الباب تندك فزيت شفت غرور هم كعدت كتلها ساعة ابيش هسه

غرور ..مادري دحجت ع الساعة جانت بل10 الصبح كتلو ساعة بل10 هاي ماما يمكن

علاء ..ماشي دكومي لبسي ملابسج اني راح اروح افتح الباب

غرور ..ماشي حبيبي

علاء ..كمت لبست تراك مالتي ورحت فتحت الباب جانت امها واختها وخالتها جايات وجايبين وياهم صينينه متروسه اكل مال الصباحية سلموا عليه وباركولنه ودخلوا جوه

كعدوا وطلعت غرور لابسه سيت نوم ابيض

غرور ..طلعت ورحت للصالة حضنت امي واختي وخالتي بوستهم وكعدنه شوية

ام غرور ..يمه جبتلكم ريوك الصباحية بس سويلنه جاي حتى نتريك كلنه ع الواهس

غرور ..اي ماما صار هسه ثواني والجاي يجهز ..كمت رحت للمطبخ طلعت القوري وحطيتو ع الطباخ وجان تجي امي وراية

ام غرور ..ها بنيتي شسويتوا البارحة احجيلي شلون جانت ليلتكم بشري

غرور ..احم ..اي ماما الحمدلله تمت ع خير

ام غرور ..يعني اخذج

غرور ..ههه اي ماما كتلج تم ع خير

ام غرور ..اي عود جيبلي النيشان حتى اخذو ويايه من اروح

غرور ..جسمي كام يرجف بوويه الحمدلله الي علاء نقذني خطية رحت للغرفة طلعت النيشان حطيتو بكيس ونطيتو لامي ..

اخذتو امي وخلتو بجنطتها رجعت خليت جاي بالقوري وهدرتو وحضرت الكوابه والشكر واخذتهن للصالة فرشت سفرة وحطيت الاكل الي جايبي جان صمون حار وكيمر وعسل وجبن وكاهي ...صبيت الجاي وكعدنه اتريكنه كلنه سوا

في سجن بوكا

شاهين ..جنت نايم وحسيت مخنوك عبالك شي طابك ع صدري حسيت جسمي ديهتز فزيت شفت نزار صديقي ديكعد بيه كتلو شكو شصاير

نزار ..خويه خوفتني عليك شفتك اترافس مثل الواحد الي تريد تطلع روحو خفت جاثم عليك الخناس جنت اتون بنومك

شاهين ..اعوذ بالله من الشيطان الرجيم ..لا مو خناس بس جان كابوس فضيع

نزار ..خير ان شاءالله شحلمت

شاهين ..حلمت بصديقي علاء ديصيح وهوه داخل حلقة من نااار دتشتعل وكل شوية تشتعل هل حلقة وتكبر اكثر وجان ينشمر بوادي عميق ويستغيث محد يمو ...ولك نزار صديقي واكع بمحنه ومحد يساعدو شسوي دبرني

نزار ..والله يشاهين الو الله شنو البيدك وانت محبوس بين 4 جدران هل سجن الاغبر ادعيلو ربنه يوكف بجانبو وينقذو

شاهين ..حسيت نفسي مجتف وعاجز اساعد صديقي مثل كل وكت من يوكع بشدة او مصيبة اني انقذو منها

اااااه ياعلاء هسه منو يمك منو الك شديصير وياك يارفيق دربي 😔
واتذكرت حبيبتي شهلاء شصاير وياها مكدرت اكعد كمت طبيت للحمام وضربت الحايط بوكس اتكسرت اصابيعي انعل ابو الوكت الي خلاني عاجز ومجتف مابيدي حيله ..

حسيت بركان بداخلي ديغلي واتفجر ..مدري شسوي اريد اطلع اريد اصرخ بعلو صوتي تعبت واني مخنوك واني بهل سجن ومادري شديصير باهلي وصديقي بره ااااخخخخخ يادنيا شسويتي بشاهين غدرتي وكسرتي كسرة مالها جبرة

..
#وللحكاية_بقية ...

وكأني مدينة هُجرت منذ زمن ، مات سُكانها من الهلاك ، مدينة اصبحت رماد لم يعد احد يعيشُ بها ، مدينة كان أسمها إنتماء وأصبحت بكماء هادئة.

#يتبع ....

#سارة_المجيد🌹