#لا_ياصديقي

#المحطة_التاسعة

#بقلمي_سارة_المجيد

مساءاً محملاً باريج الورد ينثر عطرهُ ع الغالين ويكولهم مساء التوليب 🌹🌹🌹🌹🌹

علاء ..ما احس واذا سيارة شاهين بلباب مال المزرعة 😨

من شفت سيارة شاهين وكفت بلباب مال المزرعة .. فزيت على حيلي شلون بلوة شراح يسوي هسه لو شاف جايب وحدة بمزرعتو ..

غرور ..خير شبيك جنك واحد شايف جني ..

علاء ..هذا شاهين شجابو هسه .. هوه مو بلكلية واليوم اربعاء .. يعني مو يوم نزولو .. شجابو هسه خررب بالحظ

غرور ..من سمعت مال هذا شاهين .. اني تخربط وضعي .. كلت لا يالله بس لا يشوفني وينكشف كل الي داخططلو .. كتلو علاء فدووة ضمني بمكان ما اريد احد يشوفني هنا .. شيكول عليه ..

علاء .. اني ادحج على الباب المزرعة دينفتح  .. كتلها كومي وسحبتها وطببتها بلسيارة على الكشن الوره وكتلها تمددي هنا .. ولا تتحركين ..

كامت وبسرعة دخلتها بداخل السيارة وسديت الباب .. ورجعت ع سريع كعدت طبب شاهين السيارة مالتو و وصل يم البيت شافني كاعد .. نزل سلم عليه وكعد ..

شاهين .. ها يول علاء .. شو كاعد هين وحدك .. شعندك

علاء .. والله يا خيي تدري اضوج اجي اشتم هوه هنا

شاهين .. هاا .. زين هذا الاكل كلو وهاي الحلويات هذني كلهن لك وحدك .. لو اكو احد وياك جوه بلبيت يول  😉

علاء .. تلعثمت .. كتلو ها .. منو قابل يجي ويايه .. هيج هذني قديمات ونسيتهن ما شلتهن هههه

شاهين .. ضحكت ضحكه قوية .. كتلو يول .. تريد تقشمرني .. اني اشتم ريحة النسوان من بعد كيلو متر .. بس يله غلس شسويلك صاير ما تسولف ههههههه

علاء .. بطل شاهين هذا شقاك .. وكوم اشوفك الاسطبل مال الخيل شلون رتبتو

شاهين .. كمنه وتمشينه باتجاه الاسطبل .. كلت هذا علاء يريد يبعدني عن البيت .. بس يله راح اسايرو يجوز ويا احد ما يريدني اشوفو هههههه ..

واحنه نمشي فتت من يم سيارة علاء .. وشفت جسم بنية مدده على الكشن الوره مال سيارة علاء ..

بس ما شفت وجها .. اني ضحكت بقلبي .. كلت هي هاي علاء .. صاير كلو بنات وكذا كبران يول .. ومشينه شوية للاسطبل اني ما ردت اضوجو وابقى هواي ..

علاء .. اكولك شاهين .. شجابك اليوم شلون نزلت دوامك بعدو للخميس

شاهين .. ولك هاي كل نهاية شهر بلكلية ينطونه يوم نزول هدية .. يعني ننزل من الاربعاء مو الخميس ..

علاء .. هاااا والله مادري

شاهين .. ديله عجل اني امشي

علاء .. ها وين بعد وكت وين رايح

شاهين .. ضحكت .. كتلو لا لا امشي ..ورجعنه نتمشة .. اني طكطكت بايدي ع جامة سيارة علاء اني امشي .. اريد اخرعها للبنية 😂
وصلت سيارتي ..

جريت علاء عليه وجان اشاورو .. كتلو يول زمال .. الي يضم بنية مو يضمها بلكشن الوره للسيارة .. تنشاف .. ظمها المره الجاية بمكان احسن .. وضحكت وركبت سيارتي ومشيت

علاء .. بقيت صافن ورجلية ما تشيلني .. هذا شلون عرف اكو بنية بلكشن الوره .. خرب يومك ساحر خوما ساحر
نزلت غرور .. واذا تكمز وتلطم
كتلها شبيج تخبلتي

غرور .. علاء شافني شاهين شافني .. ولك دك علية جامة السيارة..

علاء .. لا بربج .. و شاف وجهج

غرور .. لا لا ضميت وجهي .. بس بداخلي جان رعب لا يشوف وجهي

علاء .. يله لا تخافين شاهين اخوية وما يحجي بشي ابد والله وما يكول كلشي اعرفو

غرور .. بقلبي اكول ولك انت تعرف شي واني اعرف شي .. يبووووو ..كتلو علاء .. رجعني بعد ما ابقى هنا رجعني ..

علاء ..اوك ماشي ماشي .. يله امشي ..
ركبنه السيارة .. ومشينه .. بلطريق كتلها شوكت اجيج المره الجاية نفس الموعد غير ..

غرور ..لا علاء .. اعذرني بعد ما اطلع .. خابرني اليوم ونتفاهم

علاء ..انصدمت من حجيها .. بس سكتت وصلتها ورجعت لبيتنه .. بلليل اجاني شاهين .. و رحنه وكعدنه نتعلل بديوانهم .. وكل التعليلة هوه يصنف عليه .. ويبسمر ..

شو على غفلة كاعدين ولد عمامو و مادري منو .. هوه يحب يشاقي هيج ويضحك .. وجان يكول اسمعوا يلربع .. الكل سكتت ..

شاهين ..ما تدرون .. اليوم رحت على المزرعة .. كالوا اي .. وجان الكه علاء كاعد .. ويدحج عليه ..وفاتح عينو عبالو راح افضحو ههههه

علاء ..اني ضعت بهدومي كلت لا يالله راح يفضحني .. وسفة عليك شاهين .. كالوا اي ..

شاهين ..يابا واشوف علاء حاط بلسيارة ركية ..بس شلون ركية يابة .. ريانه جديدة .. تلمع😂.. الكل صفنوا شنو ركية ..

علاء ..اني من حجة هيج شو اجاني الضحك كلو .. خربت ضحك .. كالوا اي وشنو يعني شايل ركية ..

شاهين ..شو كتلو يابا علاء ضوكنه من ركيتك شوية ما قبل .. ترضوها يلزلم .. يعز عليه ركية 😂 .. كلهم دحجوا علي كلولو شدعوة علاء ما تنطي من الركية ..

علاء ..اني ضليت ما اعرف شحجي .. هذا ولا يجوز من حجاياتو .. كتلهم يابا .. الركية مو مثل ما انتوا و شاهين متصورين .. هاي ركية زرع بيت .. وما تكفي غير نفر واحد .. مو جمعية مثل ما يتصور شاهين .. هنا شاهين ضحك ..

شاهين ..لا يابا عجل معذور .. اني ظني راح بعيد  . واعتذر حبيبي علاوي لا تضوج هههههه .. ضحكنه وانسد الموضوع الى هنا

..خلصت التعليلة تقريبا بل11 بالليل مكدرت ارجع للبيت رحت بوجهي لبيت عمي ابراهيم ..
جنت مشتري سلسلة ذهب لشهلاء كلت انطيهيا وارجع للبيت

اول شي خابرتها حتى تطلعلي بالكراج اشوفها لان جديتي مخليها الحارس الشخصي مالتها ماكدر اتنفس من هيه موجوده هههههههه

والله وصلت لبيتهم دكيت الباب ع كيفي راسا فتحتو هيه طبيت وسديت الباب ادري متنطيني اي شي بخيله بس غافلتها وخمطت بوسه من شفايفها وعضيتهن هيه انجنت كامت اتضرب بيه 😂

شهلاء ..من باسني شاهين اتعصبت حيل ضربتو ع صدرو كتلو وجع اشكد مكروه ترا والله بعد ما اخليك اتشوفني وحدنه بطل هاي سوالفك

شاهين ..ههههه شسويلج ماكدر اخذها اله بالغصب ولج موتيني شسوي ..المهم ولج جبتلج سلسلة ذهب مكتوب اسمج عليها ان شاءالله تعجبج

شهلاء ..طلع السلسلة اتجنن جانت اسمي بالانكليزي مرصع بالاحجار والزاركون فدشي تخبل عجبتني كتلو شكرا حبيبي عاش ذوقك اتخبل

شاهين ..يعني عجبتج

شهلاء ..اتجنن وهنا وكعت عيني ع رقبتو شفت سلسلة ذهب لابسها بيها آية الاكرسي وبيها حجر ازرك ..كتلو هاي منيلك ماذكر شايفتها ع ركبتك

شاهين ..لايالله شلون نسوه يبوووو شراح اكولها منيلي هاي خررب ..كمت اتلعثم بالكلام كتلها شسمه هذا

شهلاء ..شاهينوووو ..احجي منو منطيتها الك هدية ..من بنية مو اعترف

شاهين ..ولج انتي شنو الخاطر الله شلون تقرين افكاري حتى نيوتن مايلحكج بالذكاء

شهلاء ..لاتفر السالفه احجي منيلك هل سلسلة كوووول لاوالله اعوفك واطب جوه

شاهين ..هسه اوك اوك ع كيفج خلينه نتفاهم شبيج دومج تكمزين .. مانكر هل سلسلة مال وحدة صاحبتي هدتها الي حتى تحفظني من الطريق 😁

شهلاء ...شنوووو عيني شنووو وتكولها بوجهي صاحبتك عجل شعندك يمي شو هاك هاي سلسلتك واطلع من بيتنه وبعد ماريد اشوفك ..درت وجهي ردت اعوفو واطب ..جرني من ايدي وجتفني

شاهين ..يمعودة اوكفي شبيج من خررب حظي جريتها وحييل جتفت ايدها حتى لتنهزم ..كتلها خبله صاحبتي قبل قبل مو هسه يعني قبل والله وداعتج عفتها وصفيت بس انتي بگلبي وماكدر اشوف غيرج عميتي عيني مدري شسويتي بيه ليش هيج جنت قبل متونس وطير طاير شكد حلوو هسه ماكدر اتنفس 😭

شهلاء ..امممممم محد جابرك روح العب بكيفك وعوفني 😏

شاهين ..والله امداه الكلبي الي جابرني لو ماهوه هسه تلكيني ويه رنا لو دينا لو سوسن الله شلون ايام جانت 😍

شهلاء ...احترك دمي خررب يومك شو وخر ردت افلت من ايدو مكدرت جان محكم قبضة ايدو بقوة يحجي ويداهرني ويضحك عليه من يشوفني شايطة والغيرة حركتني ...كتلو شاهين تبطل مداهرتك لو والله بعد ماخليك تشوفني ...

شاهين ..😂 يمممه امووت عليج من اشوفج محتركة بالغيرة فديييت مريتي الغوارة ..ولج كافي اركدي لتدفعين بيه تعبت

شهلاء ..وخر كتلك وهاي سلسلتك ماريدها روح انطيها لصديقاتك ..

شاهين ..بس ماعندي صديقة اسمها شهلاء 🤔 ..لازم ادورلي ع وحدة بهل اسم حتى اصادقها واهديها الها شتكولين

شهلاء ...اهووووووو استغفر الله ياربي ولك كافي ترا احرك الدنيا هسه ليش اتشعوطني

شاهين ..😂 ماشي ماشي كافي كافي ..

حياتي السلسة متلوك لغير هل ركبة الي جنها مرمر البسيها بداعتي ولا اكولج تعالي اني البسها الج انداري بس لتنهزمين حبابة

شهلاء ..ماشي يله عسريع اريد اطب للبيت انداريت وجان يحط السلسلة ع صدري وشلت شعري وسدها من وره وجان يدنك ويبوس ركبتي ابو الدكايك ماستغربت ادري ميفوتها
كرصتو بقوة من زندو كتلو بطل هل حركات ترا تخسرني

شاهين ..ولج والله كلبي نارررر عليج ارحميني شبيج

شهلاء ..ماكو وكتلك لو تموت ..المهم انزع هل سلسلة الي لابسها يله

شاهين ..شتسوين بيها ولج مو اشتريتلج وحدة هاي الي مالتي لتصيرين طماعة

شهلاء ..اريدها ميخصك  ماريدها بركبتك تبات اليوم يله انزعها ترا والله انزع سلسلتك

شاهين ..ولج انتي شكد گوية عين شنو محد يكدرلج اشو مانزعها وابقيها بركبتي شتكدرين تسوين يعني

شهلاء ..صدك اخليك تنسه شي اسمه شهلاء .. والله ماخليك تشوف شعره مني .. يله خلي سلسلة صاحبتك تفيدك عن اذنك ..عفتو طبيت جوه لحكني ..

شاهين ..وجع اوكفي خررب يومج ولج انتي شنو اوكفي مو داحجي وياج شبيج

شهلاء ..قبل لافتح باب الاستقبال وكفت كتلو نعم شرايد ..

شاهين ...نزعتها للسلسلة وسحبت ايدها وحطيت السلسلة بيدها ..كتلها حكم فرعون ماكدرلج حرام والله

شهلاء ..هههههههه اي عفيه هيج اريدك ..وابد لتسألني عليها ماشي لان راح تختفي هل سلسلة وللابد

شاهين ..عجل جيبلي وحدة بمكانها لو متخافين عليه من الطريق مثل صاحبتي 😒

شهلاء ..امده صاحبتك العوبة ...ماشي تدلل اصلا ناوية بعيد ميلادك اشتريلك وحدة ...ولتجيب طاري صاحبتك ع لسانك ترا اخنكك واموتك

شاهين ..ههههه لا ماجيب طاريها بعد .. زين حبيبتي انتي تعرفين شوكت عيد ميلادي

شهلاء ..ايييي بشهر التاسع 9 بي ..وانت تعرف شوكت عيد ميلادي 🙄

شاهين ..شلون ماعرف هذا ميلاد حياتي وعمري كلو ..وازيدج من الشعر بيت ..عيد ميلادج بعد اسبوع ها مو صحيح 😏

شهلاء ..هههههه يممه منك شمدريك ولك

شاهين ..ماكو شي ينضم ع شاهين 😉
يله سلميلي ع اهلج ارجعي واقفلي الباب وراية اتأخر الوكت ولو مانطيتيني بوسة بس يله الله كريم مصيري اخذها منج 😤

شهلاء ..تحلم ياذيب 😏
اني غمضت عيني ومترهاية داحجي اشو هذا هم خمط بوسه مني وركض طلع بره وسد الباب وراه ههههههههه حطيت ايدي ع شفايفي وضحكت خررب يومك ولا يكعد راحة ..

• آريدكِ قُربي دومآ فَـ حيآتِي .
• آصبحِحْت كُكٰلهآ أآنـــتِ ..❤

في مكان اخر ..

علاء ..رجعت للبيت .. واتصلت على غرور اريد اتفاهم وياها .. جاوبت ...
هلوو حبيبي شلونج

غرور .. هلاو علاء مو زينه

علاء .. ليش حياتي ليش مو زينه
غرور .. علاء الي صار اليوم كلش خوفني .. واني لازم اصارحك

علاء .. اوك احجي

غرور .. علاء .. اني ما اكدر اكمل وياك هشكل .. سمعتي خاف انفضح وانت تعرف وضعي .. ما اكدر اني

علاء ..لا غرور ارجوج .. ليش هيج تحجين اني ماكدر بلياج ..

غرور ..لا علاء لازم نحط حد اني بعد ما اتحمل .. اني احبك اي .. لكن انت تعرف اني مو بنية .. 

واذا طلع عليه حجي واهلي اكتشفوا اني مو بنية راح انذبح .. وما اكدر اجازف بحياتي وياك اكثر علاء اترجاك تتفهم موقفي ..

علاء ..غرور اني احبج ما اكدر اعيش بدونج .. اوووف شاهين منين طلعتلي .. الله لا ينطيك .. دوم مدمر حياتي ودوم مدمر فرحتي ..

غرور ..ما اعرف علاء ما بيدي شي .. الحل بيدك انت ..

علاء ..شنو الي اكدر اسوي اني الج حاظر اني ..

غرور ..كل اثنين يحبون بعض .. شنو نهاية حبهم .. وسكتت ..

علاء ..اني صفنت .. كتلها غرور .. تتزوجيني .. اني اريد اتقدملج تتزوجيني .. هيه سكتت شوية ..

غرور ..اني احبك صح .. بس علاء انت تعرف كلشي عني .. خاف باجر تعيرني ..

علاء ..اني راضي بيج شلون ما انتي .. واعرف انتي مضلومه .. ما الج ذنب بشي ..

غرور ..ماشي .. تعال تقدملي واني عليه اخلي اهلي يوافقون .. فدوة حبيبي .. وبعد لا تكولي تطلعين وياي .. اني ما اطلع وياك بعد اذا مو خطيبتك .. يله لازم انام .. وسديت التلفون ..

علاء ..بقيت اني اداور بلسالفة بعقلي ... وعقدت العزيمة لازم اتزوجها .. بس شلون راح اقنع اهلي واني ما عندي شغل ثابت .. هففففففف ..

ضليت افكر افكر .. كلت باجر اشور شاهين .. واشوفو شيكول وهم ينصحني .. احسن ما اروح اسئل ابويا ويظل يحجي عليه ما افتهم منو كلشي ..

ثاني يوم العصر طلعت ورحت على شاهين .. وكالي تعال نطلع نفتر شوية .. ركبت ويا بلسيارة .. وطلعنه نفتر .. كتلو شاهين اريد رأيك بموضوع ..

شاهين ..اي كول ..

علاء ..شاهين .. اني تعرف لازم اتزوج .. هوه ضحك كال اي طبعا خوما تريد تضل كاعد كتلو اي .. بس مو هنا المشكلة ..

شاهين .. وين عجل ..

علاء ..لازم يصير عندي فد عمل ثابت اكدر اقنع اهلي بي .. يعني يكولن صدك انت عندك شغل ثابت ..

شاهين ..ليش شبي شغلك ويايه ..

علاء ..ما بي شي .. بس انت تعرف من صارت ذيج الزعلة البينه .. اهلي ما عاد يثقون بيه ابقى بلشغل وياك .. هوه سكت شوية ..

شاهين .. اممممم زين .. اني احلها الك .. ناخذلك محل من عمارة بيت عمي .. ونسوي محل مال تأجير كراسي وجوادر وامور ومستلزمات مال فواتح .. وانت تكعد بي عامل .. وتبقى على شغلك .. وهم تكدر تكول لاهلك .. ان انت عندك سبوبه شغل ..

علاء ..اني صفنت كلت خوش فكرة .. بس ليش مال فواتح .. ميصير غير شغلة 😂 ..

شاهين .. اني ضحكت وكتلو لا يصير هذا مثال بس .. انت بكيفك ..

علاء ..صفنت اني 🤔🤔 .. كتلو زين ليش مو مال منزلية يعني مواعين وتحفيات وهيج شغلات ...

شاهين ..هاي هيه يجرالك ..

علاء ..زين .. هذا شكد يكلف ..

شاهين ..ما ادري نسئل ونشوف ..

علاء ...بس اني ما عندي هواي جوه ايدي ..

شاهين ..انجب احسن .. اني اخذلك المحل من عمي .. واحطلك البضاعة بي .. وانت من الربح وفيني ... خوش ولا تحجي حجي زايد ..

علاء ..اني فرحت صدك فرحت

وللحكاية بقية ..

‏ربما لا أخبرك بشعوري تجاهك لكن أنا
محظوظ لأن الله اختارك لي أنت بالذات
لتكون صديقي"♥️"

يتبع ...

#سارة_المجيد🌹