#قلبان_جمعهما_السحر

الكاتبه نور الشمري
#مشهد

# ﻗﻠﺒﺎﻥ ﺟﻤﻌﻬﻤﺎ ﺍﻟﺴﺤﺮ
ﺍﻟﻜﺎﺗﺒﻪ # ﻧﻮﺭ ﺍﻟﺸﻤﺮﻱ ‏( # ﻧﻮﺷﻪ ‏)
‏( ﻣــــــــﺸـــــــﻬــــــــﺪ ‏)
- ﻧﺰﻟﺖ ﻣﻦ ﺍﻟﺴﻴﺎﺭﻩ ﻭﺍﻧﻲ ﺍﺑﺎﻭﻉ ﻉ ﺍﻟﺒﻴﺖ ﺷﻜﺪ ﺣﻠﻮﻭ ﺍﻣﻲ ﻭﺍﺑﻮﻱ ﻛﺪﺍﻣﻲ ﻭﺍﻧﻲ ﻭﺭﺍﻫﻢ ﻣﺸﺖ ﺍﻟﺴﻴﺎﺭﻩ ﺍﻟﻲ ﺟﺎﺑﺘﻨﺎ ﻣﻦ ﺍﻟﻜﺮﺍﺝ ﻭﺍﻧﻲ ﻭﺍﻛﻔﻪ ﻉ ﺭﺻﻴﻒ ﺩﻙ ﺑﺎﺑﺎ ﺍﻟﺠﺮﺹ ﻭﻭﻛﻒ ﻉ ﺻﻔﺤﻪ ﻭﺍﻣﻲ ﺑﺼﻔﻲ ﻭﺍﻧﻲ ﻳﻢ ﺍﻟﺒﺎﺏ
ﻣﺎﺩﺭﻱ ﻟﻴﺶ ﺍﺣﺲ ﻛﻠﺒﻲ ﺩﺍﻛﺎﺗﻪ ﺳﺮﻋﺖ ﻭﺯﺍﺩﺕ ﻋﻦ ﺩﻛﺎﺗﻬﺎ ﺍﻟﻄﺒﻴﻌﻴﻪ ﻭﺍﺣﺲ ﻛﻠﺒﻲ ﻣﻘﺒﻮﺽ ﺍﻧﻔﺘﺢ ﺍﻟﺒﺎﺏ ﻭﻃﻠﻊ ﺷﺨﺺ ﻣﻨﻬﺎ ﺟﻨﺖ ﻭﺍﻛﻔﻪ ﺑﺼﻒ ﺍﻟﺒﺎﺏ ﻭﺻﺎﺭ ﺿﻬﺮﻩ ﻋﻠﻴﻪ ﺟﺴﻤﻪ ﺷﻮﻳﻪ ﻣﺘﺮﻭﺱ ﺑﺲ ﻣﻮ ﻫﻮﺍﻱ ﻭﻃﻮﻟﻪ ﺯﻳﻦ ﻻﺑﺲ ﺑﻨﻄﺮﻭﻥ ﺍﺳﻮﺩ ﻭﻗﻤﻴﺺ ﺍﺑﻴﺾ ﻭﻳﻠﻚ ﺍﺳﻮﺩ ﺑﺎﺭﺯ ﻛﻞ ﻋﻀﻼﺕ ﺟﺴﻤﻪ ﺑﻠﺒﺴﻪ ﺍﻟﺮﺳﻤﻲ
ﺍﻧﺘﺒﻬﺖ ﻋﻠﻴﻪ ﺟﺎﻥ ﺍﺻﻠﻊ ﻭﺻﻠﻌﺘﻪ ﺗﻠﻤﻊ ﻟﻤﻊ ﺍﻧﻀﻒ ﻭﺍﻟﻤﻊ ﻣﻦ ﺣﻴﺎﺗﻲ ﺣﺘﻰ ﺧﺮﺏ ﺑﺤﻈﻲ ﺍﺫﺍ ﺭﺍﺳﻪ ﺍﻟﻤﻊ ﻣﻦ ﺣﻴﺎﺗﻲ ﺷﻜﻠﻪ ﺷﻠﻮﻥ
ﺩﺍﺭ ﻭﺟﻬﻪ ﻉ ﺍﻣﻲ ﻭﺳﻠﻢ ﻋﻠﻴﻬﺎ ﺍﻧﺘﺒﻬﺖ ﻉ ﻋﻴﻮﻧﻪ ﺻﺎﺭﺕ ﻋﻠﻴﻪ ﺑﻄﺮﻑ ﻋﻴﻮﻧﻪ ﻣﺠﺮﺩ ﺍﻟﺒﺆﺑﺆﻩ ﺍﺗﺤﺮﻛﺖ ﺑﺘﺠﺎﻫﻲ ﻭﺭﺟﻊ ﺩﺍﺭ ﻭﺟﻬﻪ ﻉ ﺑﺎﺑﺎ ﻭﺍﺷﺮ ﺍﻟﻨﺎ ﺑﺪﺧﻮﻝ ﺿﺠﺖ ﻣﻦ ﺗﺼﺮﻓﻪ ﺑﺮﻏﻢ ﻣﺎﻋﺮﻓﻪ ﻭﻻ ﻳﻌﺮﻓﻨﻲ ﻭﻫﺎﻱ ﺍﻭﻝ ﻣﺮﻩ ﻧﻠﺘﻘﻲ
ﺩﺧﻠﺖ ﺍﻣﻲ ﻭﺍﻧﻲ ﻭﺭﺍﻫﺎ ﻭﻫﻮ ﻭﺑﺎﺑﺎ ﻭﺭﺍﻧﺎ ﺍﺳﻤﻊ ﺻﻮﺗﻪ ﺧﺸﻦ ﻭﺑﻲ ﺑﺤﻪ ﻏﺮﻳﺒﻪ ﺍﻛﻴﺪ ﻣﻦ ﺍﻟﺠﻜﺎﻳﺮ ﺳﻤﻌﺖ ﻣﺮﻩ ﻣﻦ ﺑﺎﺑﺎ ﻳﺤﺠﻲ ﻭﻳﻪ ﻋﻤﺎﺭ ﻉ ﺍﻟﺠﻜﺎﻳﺮ ﺑﺲ ﺻﺮﺍﺣﻪ ﺻﻮﺗﻪ ﺣﻠﻮ ﻭﻳﺠﺬﺏ ﺍﻟﺸﺨﺺ ﺍﻟﻤﻘﺎﺑﻞ ﺣﺘﻪ ﻟﺒﺴﺔ ﻭﻛﺸﺨﺘﻪ ﻣﺒﻴﻦ ﺷﺨﺺ ﺍﻟﻪ ﺳﻠﻄﻪ ﻭﻫﻴﺒﺔﺓ ﻋﺸﺘﻮﻭﻭﻭ ﻫﺎﻱ ﺷﺒﻴﻪ
ﺍﻧﺘﺒﻬﺖ ﻉ ﺭﻭﺣﻲ ﻛﺮﺻﺖ ﺯﻧﺪ ﺍﻳﺪﻱ ﺣﻴﻞ ﻛﺎﻓﻲ ﻋﻴﺐ ﺛﻜﻠﻲ ﺷﻨﻮ ﻣﺎ ﺷﺎﻳﻔﻪ ﻭﻟﺪ ﻗﺎﺑﻞ ﺍﺛﻜﻠﻲ ﺍﻧﺼﺎﻓﻮﻭﻭ ﺷﻮﻳﻪ ﺛﻜﻠﻲ
ﺻﺎﺭﺕ ﺭﺍﻧﻴﺎ ﺍﺧﺘﻲ ﻛﺪﺍﻣﻲ ﺍﺑﺘﺴﻤﺘﻠﻬﺎ ﻭﺳﻠﻤﺖ ﻋﻠﻴﻬﺎ ﻭﺑﺼﻔﻬﺎ ﻣﺮﻩ ﺗﻄﻠﻊ ﺍﻛﺒﺮ ﻣﻦ ﺍﻣﻲ ﻋﺮﻓﺘﻬﺎ ﻋﻤﺘﻬﺎ ﺍﻡ ﺭﺟﻠﻬﺎ ﺍﻟﺮﺍﻧﻴﺎ ﺍﺧﺘﻲ
ﺳﻠﻤﺖ ﻋﻠﻴﻪ ﻭﻃﺒﺒﺘﻨﺎ ﺟﻮﻩ ﺟﻨﺖ ﺍﻣﺸﻲ ﻭﺭﺍﻩ ﺍﻣﻲ ﻣﺜﻞ ﺍﻟﻄﻔﻠﻪ ﺍﻟﺨﺎﻳﻔﻪ ﺍﺿﻴﻊ ﻭﺍﺑﺎﻟﻲ ﺍﻟﺸﺨﺺ ﺍﻟﻲ ﻓﺘﺤﻠﻨﺎ ﺍﻟﺒﺎﺏ ﻣﺎﻳﺮﻭﺡ ﻣﻦ ﺑﺎﻟﻲ ﺷﻜﻠﻪ ﻳﺨﻮﻑ ﺑﺲ ﻳﺠﺬﺏ ﻛﻌﺪﺕ ﺑﺼﺎﻟﻪ ﻣﺎﻋﺮﻑ ﺷﻨﻮ ﺑﻴﻬﺎ ﻗﻨﻔﺎﺕبيج قصص عراقيه حقيقيه من واقعنا.روعه الطائي
ﻭﺭﺍﻧﻴﺎ ﻛﻌﺪﺕ ﻳﻢ ﺍﻣﻲ ﺻﺎﺭﺕ ﻛﺒﺎﻟﻲ ﺻﻮﺭﺓ ﺑﻴﻬﺎ 3 ﺷﺒﺎﺏ ﺍﺍﻟﺒﻨﺺ ﺍﻋﺮﻓﻪ ﺭﺟﻞ ﺭﺍﻧﻴﺎ ﻭﺍﻟﻲ ﻉ ﺍﻟﺠﻬﻪ ﺍﻟﻴﻤﻨﻰ ﻣﺎﻋﺮﻓﺘﻪ ﺑﺲ ﺍﻟﻲ ﻉ ﺍﻟﺠﻬﻪ ﺍﻟﻴﺴﺮﻯ ﺟﺎﻥ ﻧﻔﺴﻪ ﺍﻟﻲ ﻓﺘﺢ ﺍﻟﺒﺎﺏ ﺍﻟﻨﺎ
ﻋﺮﻓﺘﻪ ﻣﻦ ﺻﻠﻌﺘﻪ ﺍﻟﺘﻠﻤﻊ ﻋﺪﻩ ﻟﺤﻴﻪ ﺧﻔﻴﻔﻪ ﺷﻮﻳﻪ ﻭﺷﻮﺍﺭﺏ ﺛﺨﺎﻥ ﻧﻀﺮﺍﺗﻪ ﺣﺎﺩﻩ ﻛﻠﺶ ﻭﺣﻮﺍﺟﺒﻪ ﺛﺨﺎﻥ ﺣﺴﻴﺖ ﺭﻭﺣﻲ ﺷﺎﻳﻔﺘﻪ ﺑﻤﻜﺎﻥ ﻫﻠﻌﻴﻮﻥ ﻣﺎﺭﻩ ﻋﻠﻴﻪ ﺑﺲ ﻭﻳﻦ ﻣﺎﻋﺮﻑ ﻭﺍﻧﻲ ﻣﻨﺘﺒﻬﻪ ﻉ ﺍﻟﺼﻮﺭﻩ ﺣﺴﻴﺖ ﺑﻲ ﺩﺧﻞ ﺻﺎﺍﺍﺡ ﺑﻌﻠﻮ ﺻﻮﺗﻪ ﻃﻔﺮﺕ ﻣﻦ ﺻﻮﺗﻪ ﺍﻟﻌﺎﻟﻲ ﻭﺍﺧﺘﺮﻋﺖ ﺑﻨﻔﺲ ﺍﻟﻮﻛﺖ ﻭﺍﺫﻛﺮﺕ ﻭﻳﻦ ﺷﺎﻳﻔﺘﻪ ....
‏( ﻣــــــــﺸــــــــﻬــــــﺪ 2 ‏)
- ﺟﻨﺖ ﻛﺎﻋﺪﻩ ﺍﺳﻮﻱ ﺍﻟﺰﻻﻃﻪ ﻭﻋﻤﺘﻲ ﻛﺪﺍﻣﻲ ﺍﺗﻜﻠﺐ ﺑﻠﺘﻤﻦ ﻭﺭﺍﻧﻴﺎ ﺍﺗﻨﻴﻢ ﺑﺒﺘﻬﺎ ﺣﺴﻴﺖ ﻉ ﺍﻗﺪﺍﻡ ﺑﺘﺠﺎﻩ ﺍﻟﻤﻄﺒﺦ ﺭﻓﻌﺖ ﺭﺍﺳﻲ ﺷﻔﺘﻪ ﻭﺑﻤﺠﺮﺩ ﻣﺎ ﺷﻔﺖ ﺷﻜﻠﻪ ﺣﺴﻴﺖ ﺑﺤﺮﻛﻪ ﺑﺎﺻﺎﺑﻴﻌﻲ ﻋﻄﺖ ﺑﻜﻞ ﻋﻠﻮ ﺻﻮﺗﻲ
ﻃﻔﺮﺕ ﻋﻤﺘﻲ ﻋﻠﻴﻪ ﺑﺎﻭﻋﺖ ﺍﻳﺪﻱ ﻣﻠﻴﺎﻧﻪ ﺩﻡ ﻋﺮﻓﺖ ﻛﺼﻴﺖ ﺍﺻﺒﻌﻲ ﺑﻠﺴﺠﻴﻨﻪ ﺣﺎﺩﻩ ﺟﺎﻧﺖ ﻫﺴﺘﻮﻫﺎ ﻋﻤﺘﻲ ﺍﺷﺘﺮﺗﻬﺎ ﺭﻓﻌﺖ ﻋﻤﺘﻲ ﺭﺍﺳﻬﺎ ﻋﺎﻣﻮﺩ ﺍﺟﻴﺐ ﺍﻟﻜﻄﻦ ﻭﺳﻤﻌﺖ ﺻﻮﺕ ﺿﺤﻜﻬﺎ
ﺭﺟﻌﺖ ﺑﺎﻭﻋﺖ ﻋﻠﻴﻪ ﻭﺍﻛﻒ ﺑﺒﺎﺏ ﺍﻟﻤﻄﺒﺦ ﻧﺴﻴﺖ ﻛﻞ ﺍﻻﻣﻲ ﻭﻭﺟﻌﻲ ﻭﺭﺟﻌﺖ ﺿﺤﻜﺖ ﻣﻦ ﺷﻔﺘﻪ
ﻋﻤﺘﻲ : ﻳﺎﺍﺍﺍﺍ ﻳﻤﻪ ﻭﻳﻦ ﺭﺍﻳﺢ ﺑﻬﻞ ﺍﻟﻬﺪﻭﻡ ﻫﺎﻱ ﻫﻬﻬﻬﻬﻬﻬﻬﻪ ﺷﻜﻠﻚ ﺟﻨﻪ ﻣﻦ ﻫﺬﻭﻝ ﺍﻟﻤﻄﻴﻮﺟﻴﻪ ﻫﻬﻬﻬﻬﻬﻬﻬﻬﻬﻬﻪ
- ﻣﻜﺪﺭﺕ ﺍﺳﻜﺖ ﻣﻦ ﺳﻤﻌﺖ ﻛﻼﻡ ﻋﻤﺘﻲ ﻫﻴﺞ ﺣﺠﺖ ﻃﻜﻴﺘﻬﺎ ﺑﻀﺤﻜﻪ ﻭﺑﺼﻮﺕ ﻋﺎﻟﻲ ﺑﺲ ﺑﺴﺮﻋﻪ ﺳﻜﺘﺖ ﻣﻦ ﺷﻔﺖ ﺧﺰﺭﺗﻪ
- ﻋﻤﻤﻪ ﺑﺲ ﺍﻟﻤﻄﻴﺮﺟﻲ ﻳﻠﺰﻡ ﻋﻮﺩﻩ ﻫﻮ ﻻﺯﻡ ﺑﻨﺪﻗﻴﻪ ﻫﻬﻬﻬﻬﻬﻬﻬﻪ ﺣﺠﻴﺘﻬﺎ ﺑﺼﻮﺕ ﻧﺎﺻﻲ ﺑﺲ ﻧﻈﺮﺍﺗﻪ ﺍﻟﻲ ﺍﺗﺤﻮﻟﺖ ﺍﻟﻲ ﻋﺮﻓﺘﻪ ﺳﻤﻌﻨﻲ ﺳﻜﺘﺖ ﻭﺩﻧﻜﺖ ﺭﺍﺳﻲ
- ﻣﺸﻜﻮﺭﻩ ﻳﻤﻪ ﺳﻮﻳﺘﻴﻨﻲ ﻣﻄﻴﺮﺟﻲ ﺭﺣﻤﻪ ﺍﻟﻠﻪ ﻭﺍﻟﺪﻳﺞ
- ﻫﻬﻬﻬﻬﻬﻪ ﻻ ﻳﻤﻪ ﺣﺸﺎﻙ ﺩﺍﺷﺎﻗﻪ ﺑﺲ ﻭﻳﻦ ﺭﺍﻳﺢ ﺍﻟﺠﻨﻄﻪ ﻭﺍﻟﺒﻨﺪﻗﻴﻪ ﻭﺍﻟﺸﻤﺎﻍ ﻭﺍﻟﺪﺷﺪﺍﺷﻪ ﺷﻨﻮ
ﺻﺮﺕ ﺷﻴﺦ ﻭﺍﻧﻲ ﻣﺎﺩﺭﻱ
- ﻫﻬﻬﻬﻪ ﺛﺒﺘﻲ ﻟﻮ ﺷﻴﺦ ﻟﻮ ﻣﻄﻴﺮﺟﻲ ﻫﻬﻬﻬﻬﻬﻬﻪ ﻻﺍ ﻳﻤﻪ ﺑﺲ ﺷﻐﻞ ﻭﺗﺪﺭﻳﻦ ﺑﺸﻐﻠﻲ ﺑﻌﺪ ﻳﻄﻠﺐ ﺍﻟﺒﺲ ﺍﺷﻜﺎﻝ ﻭﺍﻟﻮﺍﻥ ﻫﻬﻬﻬﻪ ﻳﻼ ﻣﻊ ﺍﻟﺴﻼﻣﻪ ﺍﻭﺩﻋﻨﺎﻛﻢ ﻳﻤﻤﻪ ﺗﺮﺍ ﺍﺗﺎﺧﺮ ﻣﻮ ﺗﺒﻘﻴﻦ ﻛﻞ ﺳﺎﻋﻪ ﺗﺘﺼﻠﻴﻦ
- ﺍﻟﻠﻪ ﻭﻳﺎﻙ ﻳﻤﻪ ﻣﺤﺮﻭﺱ ﺍﻟﻜﺎﻇﻢ ﻳﺤﻤﻴﻚ ﻳﻤﻪ ﻭﻳﺤﺮﺳﻚ ﻣﻦ ﻋﻴﻦ ﺍﻟﺸﺮ
ﻃﻠﻊ ﻭﻣﺎﺑﺎﻭﻋﻠﻲ ﻭﻻ ﻋﺒﺮﻧﻲ ﻋﺒﺎﻟﻚ ﻭﻻ ﻣﻮﺟﻮﺩﻩ ﺿﺠﺖ ﻋﻔﺖ ﻛﻠﺸﻲ ﻭﺻﻌﺪﺕ ﻟﻐﺮﻓﺘﻲ ﻭﺍﻧﻲ ﺍﺫﻛﺮ ﺷﺼﺎﺭ ﻗﺒﻞ ﻳﻮﻣﻴﻦ ……
‏( ﻣـــــــــــﺸــــــــﻬــــــــﺪ 3 ‏)
- ﺻﺎﻓﻦ ﻉ ﺍﻟﻄﺮﻳﻖ ﻭﺍﻟﺠﻜﺎﺭﻩ ﺑﺤﻠﻜﻲ ﻭﻳﺎﻣﻦ ﺑﺼﻔﻲ ﻳﺴﻮﻕ ﺍﺣﺲ ﺭﻭﺣﻲ ﺿﻌﻴﺖ ﻛﻠﺸﻲ ﺳﻨﻴﻦ ﻣﺎﺣﺴﻴﺖ ﺑﻬﺬﺍ ﺍﻻﺣﺴﺎﺱ ﻭﺍﻟﻴﻮﻡ ﻣﻦ ﺷﻔﺘﻬﺎ ﻭﺷﻔﺖ ﺍﻥ ﻛﻠﺸﻲ ﺭﺍﺡ ﻭﺍﻧﺘﻬﻰ ﻭﻣﺎﺑﻘﺖ ﺍﻟﻲ ﻭﺭﺍﺡ ﺍﺻﻴﺮ ﺍﻟﻐﻴﺮ ﺑﻌﺪ ﻛﻢ ﻳﻮﻡ ﻣﺠﺮﺩ ﺍﻟﻔﻜﺮﻩ ﺑﻬﻴﺞ ﺷﻲ ﻳﺨﻠﻴﻨﻲ ﺍﻓﻮﺭ ﻧﺎﺭ
ﺫﺑﻴﺖ ﺍﻟﻜﻄﻒ ﻣﺎﻝ ﺍﻟﺠﻜﺎﺭﻩ ﻣﻦ ﺍﻟﺠﺎﻣﻪ ﻭﻃﻠﻌﺖ ﺍﻟﺠﻜﺎﺭﻩ ﺍﻟﺴﺎﺩﺳﻪ ﻣﻦ ﺭﻛﺒﺖ ﺍﻟﺴﻴﺎﺭﻩ ﻟﺴﻪ ﻭﺍﻟﺠﻜﺎﺭﻩ ﻣﺎﻓﺎﺭﻗﺘﻨﻲ ﺍﺫﺏ ﻭﺣﺪﻩ ﺍﺷﻴﻞ ﻭﺣﺪﻩ
ﺑﺎﻭﻋﺖ ﻳﺎﻣﻦ ﺷﻐﻞ ﺍﻟﺮﺍﺩﻳﻮ ﻃﻠﻌﺖ ﺍﻏﻨﻴﻪ ﺍﻭﻝ ﻣﺎﺷﻐﻠﻪ ﺣﺴﻴﺖ ﻛﻠﻤﺎﺗﻬﺎ ﻣﺴﺖ ﻛﻠﺒﻲ ﻳﻤﻜﻦ ﺍﻟﻘﺼﻪ ﻣﺎﻝ ﺍﻻﻏﻨﻴﻪ ﻣﻮ ﻣﺜﻞ ﻗﺼﺘﻲ ﺑﺲ ﺣﺴﻴﺖ ﺍﻥ ﺩﺍﻳﻌﺎﻧﻲ ﻣﺜﻠﻲ ﻣﺜﻞ ﻣﻌﺎﻧﺎﺗﻲ ﺑﻠﺤﺐ ﻛﻠﻤﺎﺗﻬﺎ ﻣﺴﺖ ﻛﻠﺒﻲ ﺳﻤﻌﺖ ﻳﺎﻣﻦ ﻛﺎﻡ ﻳﺮﺩﺩ ﺑﻴﻬﺎ ﺻﻮﺗﻪ ﻛﻠﺶ ﻫﺎﺩﺉ ﻭﺣﻨﻴﻦ ﻭﻛﻠﻤﺎﺕ ﺍﻻﻏﻨﻴﻪ ﻛﻌﺪﺕ ﻭﺯﻥ ﻭﻳﻪ ﺻﻮﺗﻪ
- ﺷﻔﺘﻬﺎ ﻳﺎﺳﻌﻮﺩ ﺻﺪﻓﻪ ﺑﻌﺪ ﻣﺎ ﻣﺮﺕ ﺳﻨﻴﻦ !!!!!!
............ ﻋﻨﺪ ﻗﺴﻢ ﺍﻟﻤﺨﺘﺒـﺮ ﻭﺳﻂ ﻣﺸﻔﻰ ﺍﻟﺠﺎﻣﻌـﻪ
ﺟﻴﺘﻬﺎ ﺛﻢ ﻗﻠﺖ ﻣﻤﻜﻦ ﻓﻲ ﺳﺆﺍﻟﻲ ﺗﺴﻤﺤﻴـﻦ
. ..................... ﻧﺎﻇـﺮﺕ ﻓﻴﻨـﻲ ﺑﺪﻫﺸﻪ ﻧﻈﺮﻩ ﻣﺘﻮﺍﺿﻌـﻪ
ﻣﺎﺣﺴﻴﺖ ﺑﺮﻭﺣﻲ ﻣﻦ ﺻﺤﺖ
- ﻃﻔﻴﻬﺎﺍﺍﺍﺍﺍﺍﺍﺍﺍﺍﺍﺍﺍ ﺍﺳﻜﺘﺘﺘﺘﺘﺘﺘﺖ
ﻳﺎﻣﻦ : ﺷﺒﻴﻜﻜﻜﻚ ﻣﺘﻜﻠﻲ ﺷﺒﻴﻚ ﻛﺒﺎﻟﻚ ﻃﻔﻞ ﺍﺻﻴﺢ ﺑﺮﺍﺣﺘﻜﻚ ﻟﻚ ﺍﺻﺤﺤﺤﻪ ﺍﺻﺤﻬﻪ ﻛﻢ ﺷﻬﺮ ﻣﺮ ﻭﻛﻢ ﺳﻨﻪ ﺻﺎﺭ ﻭﺍﻧﺖ ﻉ ﻫﻠﺤﺎﺍﺍﻟﻪ ﻫﺎﺍﺍﻱ
ﺭﺍﺡ ﺗﺨﺴﺮ ﺭﻭﺣﻚ ﻭﺗﺨﺴﺮ ﺍﺑﻨﻚ ﻭﺣﺘﻪ ﻫﻲ ﺭﺍﺡ ﺗﺨﺴﺮﻫﺎﺍﺍﺍﺍﺍ ﻛﺎﻓﻴﻴﻴﻴﻲ ﺍﻧﺴﻪ ﺍﻟﻤﺎﺿﻲ ﻭﻋﻴﺶ ﺣﻴﺎﺗﻚ ﻣﺤﺪ ﻣﻌﺼﻮﻭﻡ ﻣﻦ ﺍﻟﻐﻠﻄﻂ ﻣﺤﺪﺩﺩ ﺍﻟﻜﻞ ﻳﻐﻠﻂ ﻛﺎﻓﻲ ﺍﻧﻚ ﺑﻌﺪﺗﻬﺎ ﻋﻦ ﺍﺑﻨﻬﺎﺍﺍﺍﺍ ﻭﺻﺒﺮﺗﺘﺘﺖ ﻛﻞ ﻫﻠﻤﺪﻩ ﻳﺎﻣﺎ ﺍﺗﺨﻠﻴﻬﺎ ﺍﺗﻌﻴﺸﺸﺶ ﻳﺎﻣﺎﺍﺍﺍﺍ ﺗﺮﺟﻌﻬﺎ ﺍﻟﻚ ﻓﻜﺮ ﺑﻜﻼﻣﻲ ﺯﻳﻦ ﻧﺼﺮ
ﻓﻜﺮ ﺯﻳﻦ ﺍﻣﻚ ﺍﺑﻨﻚ ﺍﻧﺖ ﻃﻠﻴﻘﺘﻚ ﻭﺣﺘﻪ ﻫﻲ ﻛﻠﻜﻢ ﺿﺤﺎﻳﺎﺍ ﻭﺣﺪﻩ ﻣﺘﺨﺎﻑ ﻣﻦ ﺍﻟﻠﻪ ﺿﺤﺎﻳﺎ ﺳﺤﺮ ﺟﺎﻥ ﻣﺤﺘﻠﻚ ﺑﺲ ﻻ ﺗﻨﺴﻪ ﺑﻔﻀﻞ ﻫﻠﺴﺤﺮ ﻗﻠﺒﻚ ﺭﺟﻊ ﻳﻨﺒﺾ ﻣﻦ ﺟﺪﻳﺪ ﻭﻻ ﺗﻨﺴﻬﻪ ﻫﻲ ﻣﻦ ﺧﺎﻃﺮﺕ ﺑﺮﻭﺣﻬﺎ ﺣﺘﻪ ﺍﺗﺨﻠﻴﻚ ﺗﺮﺟﻊ ﻣﺜﻞ ﻗﺒﻞ ﻣﺎﺧﻠﺖ ﺍﻣﺎﻡ ﻭﻣﺎﺧﻠﺖ ﺷﻴﺦ ﻛﺎﻓﻲ ﻓﻜﺮ ﺑﺮﻭﺣﻚ ﺷﻮﻑ ﺷﻜﻠﻚ
ﻫﺬﺍ ﺷﻜﻞ ﻧﻘﻴﺐ ﺑﻼﺳﺘﺨﺒﺎﺭﺍﺕ ﻫﺎﺍﺍ ﺍﺣﺠﻲ ﻫﺬﺍ ﺷﻜﻞ ﻋﺴﻜﺮﻱ ﺍﺳﺘﺨﺒﺎﺭﺍﺗﻲ ﺷﻜﻞ ﺷﺨﺺ ﺑﻠﺴﺘﺨﺒﺎﺭﺍﺕ ﺍﻟﻪ ﻫﻴﺒﺘﻪ ﻭﺍﻟﻜﻞ ﺍﺩﻛﻠﻪ ﺍﻟﺘﺤﻴﻪ ﻫﻤﻠﺖ ﺭﻭﺣﻚ ﻋﻤﻠﻚ ﺍﺑﻨﻚ ﺣﻴﺎﺗﻚ ﺭﺍﺡ ﺗﺨﺴﺮ ﻛﻠﺸﻲ ﻣﺜﻞ ﻣﺎﺧﺴﺮﺗﻬﺎﺍﺍ ﻣﺜﻞ ﻣﺎﺧﺴﺮﺕ ﺍﻻﻧﺴﺎﻧﻪ ﺍﻟﻀﺤﺖ ﺑﻜﻠﺸﻲ ﻋﻠﻤﻮﺩﻙ ﺭﺍﺡ ﺗﺨﺴﺮ ﻛﻞ ﺷﻲ ﺗﻤﻠﻜﻪ ﺣﺘﻪ ﻋﻤﻠﻚ
ﻳﺎ ﺣﻈﺮﺕ ﺍﻟﻨﻘﻴﺐ ﻧﺼﺮ ﺍﻟﺪﻳﻦ ﻳﻌﻘﻮﺏ ......
ﻳﺘﺒﻊ ... ﻭﻣﻦ ﻫﻨﺎ ﺗﺒﺪﺃ ﺣﻜﺎﻳﻪ ﻭﺭﻭﺍﻳﻪ ﻟﻘﺼﺔ ﺣﺐ ﻏﺮﻳﺒﻪ ﺟﻤﻌﻢ ﺍﻟﺴﺤﺮ ﻭﻓﺮﻗﺘﻬﻢ ﺍﻻﻳﺎﻡ ﻫﻞ ﻗﻠﺒﺎﻥ ﻫﺬﺍﻥ ﺍﻟﻌﺎﺷﻘﺎﻥ ﺳﻴﺮﺗﺒﻄﺎﻥ ﺍﻟﻰ ﺍﻻﺑﺪ ﻣﻊ ﻭﺟﻮﺩ ﺫﺍﻟﻚ ﺍﻟﺴﺤﺮ ﺑﺮﻏﻢ ﻣﻦ ﻛﻞ ﺍﻟﺼﻌﻮﺑﺎﺕ ﺍﻟﺘﻲ ﺳﻴﻮﺍﺟﻬﺎﻧﻬﺎ
ﺍﻡ ﺍﻥ ﻟﻠﺤﻴﺎﺓ ﺭﺋﻲ ﺍﺧﺮ
ﻗﻠﺒﺎﻥ ﺭﺑﻄﻬﻢ ﺍﻟﺴﺤﺮ ... ﻗﻠﺐ ﺍﻧﺜﻰ ﺻﺪﻗﺖ ﻭﺳﺎﺭﺕ ﺧﻠﻒ ﻛﻼﻡ ﺍﻗﺮﺏ ﺍﻻﺷﺨﺎﺹ ﺍﻟﻴﻬﺎ ﻟﺘﻜﻮﻥ ﺿﺤﻴﺔ ﺣﻘﺪ ﻭﺗﻤﻠﻚ ﻭﺍﻧﺎﻧﻴﺔ ....
ﻭ ﻗﻠﺐ ﺭﺟﻞ ﻏﻠﻖ ﻛﻞ ﺍﻟﻄﺮﻕ ﺍﻟﻤﺆﺩﻳﻪ ﺍﻟﻰ ﻗﻠﺒﻪ ﻟﻜﻦ ﺑﻔﻀﻞ ﺫﺍﻟﻚ ﺍﻟﺴﺤﺮ ﺍﻟﺬﻱ ﺃﺻﺎﺑﻪ ﺍﻧﻔﺘﺤﺖ ﻛﻞ ﻃﺮﻕ ﻗﻠﺒﻪ ﻟﺘﺪﺧﻞ ﺑﻪ ﺗﻠﻚ ﺍﻻﻧﺜﻰ ﻟﻜﻦ ﻫﻞ ﺍﻟﺬﻱ ﺳﻴﺼﻴﺒﻪ ﻣﻦ ﺫﺍﻟﻚ ﺍﻟﺴﺤﺮ ﺳﻮﻑ ﻳﻜﻮﻥ ﻧﻬﺎﻳﺔ ﻫﺬﺍ ﺍﻟﺤﺐ ﻭﺍﻟﻌﻼﻗﺔ ﺍﻡ ﺳﻴﻜﻮﻥ ﺑﺪﺍﻳﺘﻬﺎ .. ؟؟
ﻗﺼﺔ ﻓﺘﺎﺓ ﻣﺮﺍﻫﻘﻪ ﻭﺭﺟﻞ ﺛﻼﺛﻴﻨﻲ ﻟﻴﺠﻤﻌﻬﻢ ﺍﻟﺴﺤﺮ ﺍﻟﻠﻌﻴﻦ ﺍﻟﻌﺎﺷﻖ ﻛﻤﺎ ﺍﻃﻠﻘﺖ ﻋﻠﻴﻪ ﺑﻄﻠﺘﻨﺎ ‏( ﺍﻟﻠﻌﻴﻦ ﺍﻟﻌﺎﺷﻖ ‏)
ﺟﻤﻴﻌﻨﺎ ﻧﻌﺮﻑ ﺍﻟﺴﺤﺮ ﻭﺟﻤﻴﻌﻨﺎ ﻧﻌﺮﻑ ﻣﺌﺴﺎﺕ ﺍﻟﺴﺤﺮ ﻭﺳﻠﺒﻴﺎﺗﻪ ﻭﺍﻣﺮﺍﺿﻪ ﻓﻜﻢ ﻣﻦ ﺭﻭﺡ ﻓﺎﺭﻗﺖ ﺍﻟﺤﻴﺎﺓ ﺑﺴﺒﺐ ﺍﻟﺴﺤﺮ ﻭﻛﻢ ﻣﻦ ﺣﻠﻢ ﺍﻧﻜﺴﺮ ﺑﺴﺒﺒﻪ ﻭﻛﻢ ﻣﻦ ﻗﻠﺒﺎﻥ ﺍﻧﻜﺴﺮﺍ ﺑﺴﺒﺒﻪ ﻭﻛﻢ ﻣﻦ ﻗﻠﺐ ﻣﺎﺕ ﺑﺴﺒﺒﻪ ﻭﻛﻢ ﻣﻦ ﺍﺧﻮﺓ ﺍﺻﺒﺤﻮ ﺍﻋﺪﺍﺀ ﺑﺴﺒﺒﻪ ﻟﻜﻦ ﺍﻟﻴﻮﻡ ﺳﻴﻜﻮﻥ ﺍﻟﺴﺤﺮ ﺿﻴﻔﻨﺎ ﻟﻜﻦ ﺳﻴﻜﻮﻥ ﻓﺎﻋﻞ ﺧﻴﺮ ﺑﻨﻈﺮﻱ ﺍﻧﺎ ...
ﻟﻮﻻ ﺍﻟﺴﺤﺮ ﻣﺎ ﺍﻧﺠﻤﻊ ﻫﺬﺍﻥ ﺍﻟﻘﻠﺒﺎﻥ ﺑﻌﺪ ﺍﺭﺍﺩﺓ ﺍﻟﻠﻪ ... ﺍﻟﺴﺤﺮ ﻳﻜﻮﻥ ﻓﺎﻋﻞ ﺧﻴﺮ ﺑﺠﻤﻊ ﻫﺬﺍﻥ ﺍﻟﻘﻠﺒﺎﻥ ﺗﺤﺖ ﺳﻘﻒ ﻭﺍﺣﺪ ﺑﻜﻞ ﺳﻠﺒﻴﺎﺗﻪ
ﺳﻴﻌﻴﺸﺎﻥ ﻫﺬﺍﻥ ﺍﻻﺑﻄﺎﻝ ﻛﻞ ﻣﺴﺎﻭﺀ ﺍﻟﺴﺤﺮ ﻭﻣﻊ ﻛﻞ ﺳﻠﺒﻴﺎﺗﻪ ﻟﻜﻦ ﻫﻞ ﺳﻴﺴﻄﻴﻌﺎﻥ ﺍﻥ ﻳﺘﺨﻄﺎ ﻛﻞ ﺍﻟﻤﺮﺍﺣﻞ ﺍﻟﺘﻲ ﺳﻴﻤﺮﺍﻥ ﺑﻬﺎ ﻭﻛﻞ ﺍﻣﺘﺤﺎﻧﺎﺕ ﺍﻟﺨﺎﻟﻖ ﺳﺒﺤﺎﻧﻪ ﻭ ﺗﻌﺎﻟﻰ ﺍﻡ ﺍﻥ ﺳﻴﻜﻮﻥ ﻧﻬﺎﻳﺘﻬﻤﺎ ﻓﻲ ﻣﻨﺘﺼﻒ ﺍﻟﻄﺮﻳﻖ
ﺍﻟﻘﺼﻪ ﺍﺟﺘﻤﺎﻋﻴﻪ ﺭﻭﻣﻨﺴﻴﻪ ﻛﻮﻣﻴﺪﻳﻪ ﻭﺍﻛﺸﻨﻴﻪ ﻫﻬﻬﻬﻬﻬﻬﻬﻪ ﻳﻌﻨﻲ ﻉ ﻛﻢ ﻏﺰﻝ ﻉ ﻛﻢ ﺑﻮﻛﺲ ﻉ ﻛﻢ ﻣﻮﺿﻮﻉ ﺻﺮﺍﺣﺔ ﻛﻠﺶ ﺣﻠﻮﻭﻭﻩ ﻭﺍﻧﻲ ﻋﺸﺖ ﺍﻳﺎﻣﻬﺎ ﻭﻳﻤﻜﻦ ﺍﻟﻲ ﺩﻭﺭ ﺑﻴﻬﺎ ﻫﻬﻬﻬﻬﻬﻬﻪ،ﺑﺲ ﻣﺎﺭﺍﺡ ﺍﺫﻛﺮ ﺷﻨﻮ ﺩﻭﺭﻱ ﻻﻥ ﺭﺍﺡ ﻳﻨﻜﺸﻒ ﺍﻟﻤﺴﺘﻮﺭ ﻭﺗﻨﻜﺸﻒ ﻛﻞ ﺍﻟﺸﺨﺼﻴﺎﺕ
ﺍﻟﻘﺼﻪ ﻫﻮﺍﻱ ﺑﻴﻬﺎ ﺍﺣﺪﺍﺍﺍﺙ ﻭﻣﻮﺍﻗﻒ ﻭﻫﻮﺍﻱ ﺻﺎﺭﺕ ﺑﻴﻬﺎ ﻣﺸﺎﻛﻞ ﻛﻢ ﻣﺮﻩ ﺭﺩﺕ ﺍﺑﻄﻞ ﻧﺸﺮﻫﺎ ﺑﺲ ﺍﺭﺟﻊ ﻋﻠﻴﻬﺎ ﻻﻥ ﺍﺣﺲ ﻣﻮﺿﻮﻋﻬﺎ ﺟﺪﻳﺪ ﻭﺣﻠﻮ ﻭﻣﺎﻣﻄﺮﻭﻕ ﺑﻠﻮﺍﺗﺒﺎﺩ ﻭﻳﻤﻜﻦ ﻣﻄﺮﻭﻕ ﺑﺲ ﺑﻘﻠﻪ
ﺍﺑﻄﺎﻟﻨﺎ ﻣﻮﺟﻮﺩﻳﻦ ﻭﺩﻳﺘﺎﺑﻌﻮﻥ ﺍﻟﻘﺼﻪ ﻟﻬﺬﺍ ﻣﻦ ﻫﺴﻪ ﺍﻛﻠﻜﻢ ﻣﺎﺭﻳﺪ ﺍﻱ ﻏﻠﻂ ﻉ ﺍﺑﻄﺎﻟﻨﺎ ﻭﺧﺎﺻﻪ ﺍﻻﻫﻞ ﻭ ﺍﻛﻮ ﺑﻴﻬﻢ ﺑﺮﺣﻤﺔ ﺭﺑﻬﻢ ...
ﻭﻫﺎﺍ ﺍﻫﻢ ﺷﻲ ﺗﻔﺎﻋﻠﻜﻢ ﻫﻮ ﻣﺼﺪﺭ ﺍﺳﺘﻤﺮﺍﺭﻱ ﺑﻠﻜﺘﺎﺑﻪ
ﺻﻮﺭﺓ ﻣﻘﺮﺑﻪ ﻟﺮﺍﻧﻴﺎ ﺍﺧﺖ ﺑﻄﻠﺘﻨﺎ ﻭﺍﻟﻬﺎ ﺩﻭﺭﺭ ﺍﺳﺎﺳﻴﻲ ﻭﻣﻬﻤﻤﻤﻤﻤﻢ ﺑﻠﻘﺼﻪ ﺍﺗﻜﺪﺭﻭﻥ ﺍﺗﻜﻮﻟﻮﻥ ﺍﻟﻘﺼﺔ ﻛﻠﻬﺎ ﺗﻌﺘﻤﺪ ﻋﻠﻴﻬﺎ ﻫﻬﻬﻬﻬﻬﻬﻪ
ﻭﻫﺴﻪ ﺍﺭﻳﺪ ﻣﻦ ﻋﺪﻛﻢ ﺗﻔﺎﻋﻞ ﺣﺘﻪ ﺍﻛﻤﻞ ﺍﻟﻘﺼﻪ
ﺍﻃﻮﻧﻲ ﺭﺋﻴﻜﻢ ﺑﻠﻤﻮﺿﻮﻉ ﻭﺍﻥ ﺷﺎﺀﺍﻟﻠﻪ ﻫﻼﻳﺎﻡ ﺍﻧﺸﺮ ﺍﻟﺒﺎﺭﺕ ﺍﻻﻭﻝ ﺿﻴﻔﻮﻫﺎ ﻟﻠﻤﻜﺘﺒﻪ ﺣﺘﻪ ﻣﻦ ﺍﻧﺸﺮ ﻳﺠﻴﻜﻢ ﺍﺷﻌﺎﺭ ﻭ ﻣﻨﺸﻮ ﻟﻠﻲ ﻳﺤﺐ ﻳﻘﺮﺍ ﻗﺼﺺ ﺣﺘﻪ ﻳﻜﻮﻥ ﺍﻟﻲ ﻭﺍﻫﺲ ﺑﻴﻬﺎ ﻻﻥ ﻣﻦ ﻫﺴﻪ ﺩﺍﻋﺎﻧﻲ ﻣﻦ ﻋﺪﻫﺎ ﺍﺫﺍ ﺷﻔﺖ ﻣﺎﺑﻴﻬﺎ ﺗﻔﺎﻋﻞ ﺍﺣﺬﻓﻬﺎ
ﺍﺣﺒﻜﻢ ﻛﻜﻮﺍﻳﺎﺗﻲ
ﺍﻟﻜﺎﺗﺒﻪ : # ﻧﻮﺭ ﺍﻟﺸﻤﺮﻱ
# ﻧﻮﺷﻪ