#ﻗﻠﺒﺎﻥ_ﻳﺠﻤﻌﻬﻤﺎ_ﺍﻟﺴﺤﺮ

#ﺍﻟﺒﺎﺭﺕ_ﺍﻟﺜﺎﻟﺚ

ﺑﻘﻠﻤﻲ # ﻧﻮﺭ ﺍﻟﺸﻤﺮﻱ ‏( # ﻧﻮﺷﻪ ‏)

- ﺃﺧﺘﺮﺕُ ﺃَﻥّ ﺃُﺣﺒﻚَ ، ﺭَﻏﻢ ﺭَﻏﺒﺘﻲ ﺑﺎﻹِﻧﻌﺰﺍﻝ ﻋَﻦ ﻛُﻞِ ﺷﻲﺀِِ 🧡 !
ﺃﻧﺼﺎﻑ : ﺻﻔﻨﺖ ﻉ ﻛﻼﻡ ﺍﻣﻲ ﻭﻋﻤﺘﻬﺎ ﺍﻟﺮﺍﻧﻴﺎ ﻭﺳﻮﺍﻟﻔﻬﻦ ﻭﺿﺤﻜﻬﻦ ﻭﺍﻧﻲ ﺑﻌﺎﻟﻢ ﺛﺎﻧﻲ ﺯﻳﻦ ﻣﻌﻘﻮﻟﻪ ﺍﻫﻠﻲ ﻳﺠﺒﺮﻭﻧﻲ ﻻ ﻻ ﺭﺿﻮﺍﻥ ﻫﻢ ﻏﻨﻲ ﻭﺍﻣﻲ ﺍﺗﻜﻴﻒ ﻭﻳﻤﻬﺎ ﺍﻱ ﺍﻛﻴﺪ ﻫﻲ ﺻﺢ ﻗﺎﺳﻴﻪ ﺑﺲ ﺍﻛﻴﺪ ﺍﺗﺮﻳﺪ ﺍﻟﺮﺍﺣﻪ ﺍﻟﻲ
ﺍﺟﺖ ﺭﺍﻧﻴﺎ ﻛﻌﺪﺕ ﻳﻤﻲ ﻭﺻﺎﺭﺕ ﺍﺳﻮﻟﻒ ﻭﻳﺎﻱ ﻭﺍﻧﻲ ﺑﻌﺎﻟﻢ ﺛﺎﻧﻲ ﺳﺎﻋﻪ ﺍﻓﻜﺮ ﻣﻨﻮ ﻫﺬﺍ ﻧﺼﺮ ﻣﻌﻘﻮﻟﻪ ﻧﻔﺴﻪ ﺍﻟﻲ ﺷﻔﺘﻪ ﻳﻤﻪ ﻓﻮﻛﺎﻫﺎ ﺟﺒﻴﺮ ﻭﺍﻛﺮﻉ ﻳﺨﻮﻑ ﺍﺫﺍ ﻋﺼﺐ ﺩﻣﺎﺭﺍﺗﻪ ﻛﻠﻬﺎ ﺗﺒﻴﻦ ﻭﻭﺟﻪ ﻳﺼﻴﺮ ﺍﺣﻤﺮ
ﺧﻔﺖ ﺣﻴﻞ ﺑﺲ ﺑﻘﻴﺖ ﺍﻃﻤﻦ ﺑﺮﻭﺣﻲ ﻣﻮ ﻫﻮ ﻭﺍﻫﻠﻲ ﻣﻴﻘﺒﻠﻮﻥ ﺍﻣﻲ ﻣﺠﺮﺩ ﻛﻠﻤﻪ ﻛﺎﻟﺘﻬﺎ ﻛﺎﻣﺖ ﺭﺍﻧﻴﺎ ﺍﺳﻮﻱ ﺑﻠﻐﺪﺍ ﺷﻮﻳﻪ ﻭﺩﺧﻠﺖ ﺑﻨﻴﻪ ﺗﻄﻠﻊ ﺍﻛﺒﺮ ﻣﻦ ﺭﺍﻧﻴﺎ ﺑﻜﻢ ﺳﻨﻪ ﻭﻭﺭﺍﻫﺎ 3 ﺑﻨﺎﺕ ﻭﻭﻟﺪ ﺍﺻﻐﻴﺮ
ﺳﻠﻤﺖ ﻉ ﻋﻤﺖ ﺭﺍﻧﻴﺎ ﻭﺍﺟﺖ ﻉ ﺍﻣﻲ ﺳﻠﻤﺖ ﻭﺍﻧﻲ ﺻﺎﻓﻨﻪ ﻋﻠﻴﻬﺎ ﺳﺌﻠﺖ ﺭﺍﻧﻴﺎ ﻣﻨﻮ ﻫﺬﻩ
- ﻫﺬﻩ ﺳﻠﻔﺘﻲ ﻣﺮﺕ ﺣﻤﺎﻱ ﺍﻟﺜﺎﻧﻲ ﺳﻨﺪ
- ﻫﺬﺍ ﺍﻟﻲ ﺑﺼﻮﺭﻩ ﻏﻴﺮ ﺑﺎﻭﻋﺖ ﺭﺍﻧﻴﺎ ﻉ ﺍﻟﺼﻮﺭﻩ ﻭﺍﺑﺘﺴﻤﺖ ﻭﻛﺎﻟﺖ
- ﺍﻱ ﻫﺬﺍ ﺍﻟﻲ ﻭﺍﻛﻒ
- ﺍﻻﺻﻠﻊ ﻣﻮ
- ﻫﻬﻬﻬﻬﻪ ﻻﺍ ﺍﻻﺻﻠﻊ ﺍﻟﺠﺒﻴﺮ ﻣﺎﻣﺰﻭﺝ
ﺣﺠﺘﻬﺎ ﻭﻏﻤﺰﺗﻠﻲ ﻭﻣﺸﺖ ﻟﻠﻤﻄﺒﺦ ﻓﺘﺤﺖ ﻋﻴﻮﻧﻲ ﻳﻌﻨﻲ ﺷﻨﻮﻭﻭ ﻧﺼﺮ ﻫﺬﺍ ﺍﻟﻤﺠﺮﻡ ﺩﻛﻴﺖ ﻉ ﻛﺼﺘﻲ ﻓﻮﻛﺎﻫﺎ ﺍﺳﻤﻪ ﻧﺼﺮ ﻣﻨﻴﻦ ﻳﺠﻲ ﺍﻟﻨﺼﺮ ﻳﺎﺧﺎﻟﻪ ﻭﺍﺑﻨﺞ ﻣﺠﺮﻡ ﻭﺑﻮﺍﻙ ﻭﺣﺮﺍﻣﻲ ﺍﺳﻤﻪ ﻋﻜﺴﻪ
ﻛﻤﺖ ﺍﺳﺎﻋﺪ ﺭﺍﻧﻴﺎ ﻭﺣﺪﻩ ﻣﻦ ﺍﻟﺒﻨﺎﺕ ﺍﻟﺠﺒﻴﺮﻩ ﺟﺎﻧﺖ ﺗﻄﻠﻊ ﺍﺻﻐﺮ ﻣﻨﻲ ﺑﺸﻮﻳﻪ ﻃﺒﺖ ﻉ ﺭﺍﻧﻴﺎ
- ﻋﻤﻪ ﺍﺳﺎﻋﺪﺝ ﺗﺮﺩﻳﻦ
ﺑﺎﻭﻋﺘﻠﻬﺎ ﺭﺍﻧﻴﺎ ﻭﻛﺎﻟﺖ ﺍﻱ ﺗﻌﺎﻱ ﺍﻧﺘﻲ ﻭﺃﻧﺼﺎﻑ ﻭﺣﺪﻩ ﺍﺳﻮﻱ ﺍﻟﺰﻻﻃﻪ ﻭﻭﺣﺪﻩ ﺗﺼﺐ ﺍﻟﻠﺒﻦ ﺑﻠﻜﺎﺳﺎﺕ
ﺣﺠﺘﻬﺎ ﻭﻫﻲ ﺍﺻﺐ ﺑﺘﻤﻦ ﺑﻠﻤﺎﻋﻴﻦ ﺍﺟﺖ ﻣﺮﺕ ﺣﻤﺎﻫﺎ ﺍﻻﺧﺘﻲ ﻭﺿﻠﺖ ﺍﺳﺎﻋﺪ ﺭﺍﻧﻴﺎ ﻻﻥ ﺑﻌﺪﻫﺎ ﺟﺎﻳﺒﻪ ﺟﺪﻳﺪ ﻣﺎﺧﻠﻮﻫﺎ ﺗﺸﺘﻐﻞ
ﺑﻘﻴﺖ ﻳﻤﻬﻦ ﺍﺳﻮﻟﻒ ﻭﺍﺿﺤﻚ ﺑﺴﺮﻋﻪ ﺍﻧﺪﻣﺠﺖ ﻭﻳﺎﻫﻦ ﺣﺒﺎﺑﺎﺕ ﻭﺳﻮﺍﻟﻔﻬﻦ ﺣﻠﻮﻩ ﺣﺴﻴﺖ ﺍﺣﺪ ﺩﺧﻞ ﻟﻠﻤﻄﺒﺦ ﻭﺻﺎﺡ
- ﻟﺞ ﺣﻮﺭﻱ ﺷﺪﺍﺳﻮﻳﻦ ﺷﻮﻓﻲ ﺍﻟﺠﺒﺘﻠﺞ ﺗﻌﺎﻱ ﺗﻌﺎﺍﻱ
ﻫﻨﻪ ﺟﺎﻧﻦ 3 ﺑﻨﺎﺕ ﻭﺣﺪﻩ ﺍﺻﻐﺮ ﻣﻨﻲ ﺑﺸﻮﻳﻪ ﻳﻄﻠﻊ ﻋﻤﺮﻫﺎ 14 ﻭﻭﺣﺪﻩ ﻳﻄﻠﻊ ﻋﻤﺮﻫﺎ 10 ﻭﻭﺣﺪﻩ 8 ﻭﺍﻟﻮﻟﺪ 6 ﺳﻨﻮﺍﺕ ﺍﻭ ﺍﺻﻐﺮ ﻣﺎﻋﺮﻑ ﺑﺲ ﺣﻠﻮ ﻭﻣﺪﺑﺪﺏ ﻭﺍﻧﻲ ﻧﻘﻄﺖ ﺿﻌﻔﻲ ﺍﻻﻃﻔﺎﻝ ﺍﻣﻮﺕ ﻋﻠﻴﻬﻢ
ﺩﺭﺕ ﻭﺟﻬﻲ ﻉ ﻣﺼﺪﺭ ﺍﻟﺼﻮﺕ ﺷﻔﺘﻪ ﻧﻔﺴﻪ ﻫﺬﺍ ﺍﻻﺻﻠﻊ ﺷﺎﻳﻞ ﺍﻟﺒﻨﻴﻪ ﺍﻟﺼﻐﻴﺮﻩ ﺍﻟﻲ ﻋﻤﺮﻫﺎ 8 ﺳﻨﻮﺍﺕ ﻭﻳﺸﺎﻭﺭﻫﺎ ﻭﻫﻲ ﺗﻀﺤﻚ ﻭﺗﻜﺮﻛﺮ ﻣﻦ ﺍﻟﻀﺤﻚ
ﺣﺠﺖ ﺍﻟﺒﻨﻴﻪ ﺍﻻﺻﻐﺮ ﻣﻨﻲ
- ﺷﻨﻮ ﻫﺎﻱ ﻋﻤﻮ ﺑﺲ ﺣﻮﺭﺍﺀ ﻟﻌﺪ ﺍﺣﻨﻪ ﺷﻨﻮﻭ
- ﻳﺎﺑﻮﻳﻪ ﻋﻴﻮﻭﻥ ﻟﻮ ﻗﻨﺎﺹ ﺍﻧﺘﻢ ﻫﻬﻬﻬﻪ ﺑﻌﺪﻳﻦ ﻋﻤﻮ ﺍﻃﻴﻜﻢ ﺍﻧﺘﻢ ﻫﺪﻳﺘﻜﻢ ﻏﻴﺮ ﻭﻳﻦ ﺑﻴﺒﻴﺘﻜﻢ
ﺣﺠﺎﻫﺎ ﻭﺻﺎﺭﺕ ﻋﻴﻨﻪ ﻋﻠﻴﻪ ﻋﻘﺪ ﺣﻮﺍﺣﺒﻪ ﻭﻫﻮ ﻳﺒﺎﻭﻋﻠﻲ ﺩﻧﻜﺖ ﺧﺤﻼﻧﻪ ﻭﺩﺧﻠﺖ ﻳﻢ ﺍﻣﻲ ﺍﺣﺲ ﺧﺪﻭﺩﻱ ﺻﺎﺭﻥ ﺣﻤﺮ ﻭﻣﺎﻋﺮﻑ ﺷﻨﻮ ﺍﺳﻮﻱبيج قصص عراقيه حقيقيه من واقعنا.روعه الطائي
ﺳﻤﻌﺖ ﺻﻮﺗﻪ ﻳﺼﻴﺢ ﺍﻻﻣﻪ ﻛﺎﻣﺖ ﺍﻣﻪ ﺍﻟﻪ ﺑﻘﻴﻨﺎ ﻳﻤﻬﻢ ﻟﻠﻌﺼﺮ ﻭﺭﺍﻧﻴﺎ ﺑﺲ ﺗﺤﺠﻲ ﻭﻳﺎ ﺍﻣﻲ ﻭﻳﺒﺴﺒﺴﻦ ﺍﺭﻳﺪ ﺍﺳﻤﻊ ﺷﻲ ﻣﺎﻛﻮ ﻟﻠﻌﺼﺮ ﻭﻛﺎﻝ ﺍﺑﻮﻳﻪ ﻳﻼ
ﻣﺎ ﺧﻠﻮﻧﺎ ﻧﻄﻠﻊ ﺑﺲ ﺑﺎﺑﺎ ﻣﺎﻗﺒﻞ ﻳﺒﺎﺕ ﻭﻛﺎﻟﻠﻬﻢ ﻭﺭﺍﻧﺎ ﻃﺮﻳﻖ ﻭﻫﻢ ﻳﺎﻟﻪ ﻧﺮﺟﻊ
ﺟﻨﺎ ﻭﺍﻛﻔﻴﻦ ﺑﻄﺮﻣﻪ ﻭﺑﺎﺑﺎ ﻳﺤﺠﻲ ﻭﻳﺎﻫﻢ ﺟﺎﻧﻮ 3 ﻭﻟﺪ ﻭﺍﻛﻔﻴﻦ ﺭﺟﻞ ﺭﺍﻧﻴﺎ ﻭﻫﺬﺍ ﺍﻻﺻﻠﻊ ﻭﻫﺬﺍﻙ ﺍﻟﺜﺎﻧﻲ ﻳﻤﻜﻦ ﺍﺑﻮ ﺍﻟﺒﻨﺎﺕ ﺍﻟﻜﺎﻟﺖ ﻋﻠﻴﻪ ﺭﺍﻧﻴﺎ
ﺣﺠﻪ ﻣﺜﻨﻰ ﻭﻫﻮ ﻳﻀﺤﻚ
- ﻋﻤﻲ ﻣﻮ ﺫﺍﻙ ﺍﻟﻴﻮﻡ ﺑﺘﺖ ﻋﺪﻛﻢ ﺍﻧﻲ ﺍﻧﺖ ﻫﻢ ﺑﺎﺕ ﻋﺪﻧﺎ ﺍﻟﻴﻮﻡ ﻭﻳﻦ ﺍﻃﻠﻌﻮﻥ ﺑﻬﺬﺍ ﺍﻟﻮﻛﺖ ﻭﺍﻟﺪﺭﺏ ﺑﻌﻴﺪ
- ﻻ ﻋﻤﻲ ﺑﻴﺘﻨﺎ ﻣﻨﺎﻙ ﻣﻨﻜﺪﺭ ﻭﺷﻐﻠﻨﺎ ﻏﻴﺮ ﻣﺮﻩ ﺍﻧﺸﺎﺀﺍﻟﻠﻪ
ﻧﺼﺮ ﺍﻟﺪﻳﻦ : ﻟﻌﺪ ﻋﻤﻲ ﺧﻠﻲ ﻣﺜﻨﻰ ﻳﻮﺻﻠﻜﻢ ﻣﺎﺗﺮﺟﻌﻮﻥ ﻭﺣﺪﻛﻢ
- ﻻ ﻋﻤﻲ ﻣﺎﻛﻮ ﺩﺍﻋﻲ ﺍﺣﻨﻪ ﻧﺮﺟﻊ
- ﻋﻤﻲ ﻟﻮ ﻣﺎ ﻋﺪﻱ ﺷﻐﻞ ﺟﺎﻥ ﻭﺻﻠﺘﻜﻢ ﺍﻧﻲ ﺑﺲ ﻫﺎﻱ ﻫﺴﻪ ﺭﺍﺡ ﺍﻃﻠﻊ ﻭﻳﺎﻛﻢ ﻋﺪﻱ ﻭﺍﺟﺐ ﻻ ﺗﺨﻠﻴﻨﻲ ﺍﻋﻮﻑ ﺍﻟﺸﻐﻞ ﻭﺍﻭﺻﻠﻜﻢ
- ﻻ ﻋﻤﻲ ﻫﺬﻫﻮ ﺭﻭﺡ ﺍﻟﺸﻐﻠﻚ ﻭﻣﺜﻨﻰ ﻳﻮﺻﻠﻨﺎ
ﺻﺪﻙ ﻃﻠﻌﻨﺎ ﺑﺴﻴﺎﺭﺓ ﻣﺜﻨﻰ ﺍﺧﺬﻧﺎ ﻭﺍﺑﻮﻳﻪ ﻛﻠﻪ ﺍﺗﺒﺎﺕ ﻋﺪﻧﺎ ﻣﺎﺗﺮﺟﻊ ﺑﻠﻴﻞ ﻭﺣﺪﻙ ﻛﻠﻪ ﺍﻟﻠﻪ ﻛﺮﻳﻢ ﺍﻟﻄﺮﻳﻖ ﻛﻠﻪ ﺍﺑﺎﻭﻉ ﻉ ﺍﻟﺸﻮﺍﺭﻉ ﺍﺷﺒﻊ ﻋﻴﻮﻧﻲ ﻳﻤﻜﻦ ﻫﺎﻱ ﺍﻭﻝ ﻭﺍﺧﺮ ﻣﺮﻩ ﺍﺟﻴﺞ ﻳﺎﺑﻐﺪﺍﺩ ﻣﻨﻮ ﻳﻌﺮﻑ ﺭﺍﺡ ﺍﺯﻭﺭﺝ ﻓﺪ ﻳﻮﻡ
ﺍﻣﺸﻲ ﻭﺍﺣﻔﻆ ﻛﻞ ﻣﻜﺎﻥ ﺑﻴﻬﺎ ﺣﺒﻴﺘﻬﺎ ﻭﺣﺴﻴﺘﻬﺎ ﺩﺧﻠﺖ ﺍﻟﻜﻠﺒﻲ ﻣﺜﻞ ﺣﺐ ﻭﺍﺳﻂ ﺑﻜﻠﺒﻲ ﻣﺜﻨﻰ ﺍﻟﻄﺮﻳﻖ ﻛﻠﻪ ﻳﺸﺎﻗﺎ ﻭﻳﻪ ﺍﺑﻮﻳﻪ ﻭﺍﻣﻲ ﻛﻠﺶ ﺣﺒﺎﺏ ﻭﺳﺒﻮﺭﺗﻲ ﺑﺲ ﻫﻮ ﻣﺸﻜﻠﺘﻪ ﻳﺼﺮﻑ ﻭﻳﺒﺬﺭ ﻫﻮﺍﻱ
ﻭﺻﻠﻨﺎ ﻭﺑﺎﺕ ﻣﺜﻨﻰ ﻋﺪﻧﺎ ﻭﺛﺎﻧﻲ ﻳﻮﻡ ﺭﺍﺡ ﺍﻟﺼﺒﺢ ﻛﺎﻋﺪﻳﻦ ﻧﺘﺮﻳﻚ ﻛﻠﻨﺎ ﺣﺠﺖ ﺍﻣﻲ ﻭﺍﻧﻲ ﻏﺼﻴﺖ
- ﺍﺑﻮ ﻋﻤﺎﺭ ﺍﻟﺒﺎﺭﺣﻪ ﺍﻡ ﻧﺼﺮ ﻛﺘﻠﺖ ﺭﻭﺣﻬﺎ ﻉ ﻧﺼﻮﻓﻪ ﻣﻦ ﺷﺎﻓﺘﻬﺎ ﻭﻛﺎﻟﺖ ﺍﺫﺍ ﺍﺧﻄﺒﻬﺎ ﺗﻨﻄﻮﻫﺎ
ﺍﺑﻮﻳﻪ ﻋﻘﺪ ﺣﺎﺟﺒﻪ ﻛﺎﻝ ﺍﻟﻤﻦ ﺗﺨﻄﺒﻬﺎ ؟؟
- ﺍﻟﻤﻦ ﻳﺎﺭﺟﺎﻝ ﻏﻴﺮ ﺍﻻﺑﻨﻬﺎ ﻧﺼﺮ ﻛﻠﺘﻠﻬﺎ ﺍﺗﻜﺒﻌﻮﻥ ﻭﺗﺎﺧﺬﻭﻥ ﺍﻧﺘﻢ ﻧﺎﺱ ﺫﻫﺐ ﺑﺲ ﻏﻴﺮ ﺍﺳﺌﻞ ﺍﺑﻮﻫﺎ ﺍﺧﻮﻫﺎ
- ﺑﺲ ﻳﺎﻣﺮﻩ ﺍﻟﻮﻟﺪ ﺟﺒﻴﺮ ﻣﻮ ﻣﺎﻝ ﻋﻤﺮﻫﺎ ﻫﻮﺍﻱ ﺍﻛﻮ ﻓﺮﻕ ﺑﻴﻨﻬﻢ ﻭ
- ﻳﺎﺍﺍ ﺷﺒﻴﻚ ﻳﺎ ﺭﺟﺎﻝ ﻉ ﻛﻴﻔﻚ ﻣﻮ ﻟﻬﺪﺭﺟﻪ ﻫﺎﻱ ﻭﻫﻢ ﻛﻠﻤﻪ ﻛﺎﻟﻮﻫﺎ ﻭﺍﻟﻨﺎﺱ ﻣﺎﻳﺮﻓﻀﻮﻥ ﻭﻭﻳﻪ ﺍﺧﺘﻬﺎ ﺍﺗﻌﻴﺶ ﻣﻠﻜﻪ ﻭﺍﻟﻌﻤﺮ ﻣﻮ ﻣﺸﻜﻠﻪ
ﺑﺎﻭﻋﻠﻲ ﺍﺑﻮﻳﻪ ﻭﻫﻮ ﻳﺒﺘﺴﻢ ﻛﺎﻝ ﺍﻟﻠﻪ ﻛﺮﻳﻢ ﺧﻞ ﺍﺻﻴﺮ ﺻﺪﻙ ﻭﺍﺳﺌﻠﻮ ﻧﺼﻮﻓﻪ ﻭﻫﻲ ﺻﺎﺣﺒﺔ ﺍﻟﻘﺮﺍﺭ ﺣﺠﻪ ﻛﻠﻤﺎﺗﻪ ﺍﺑﻮﻳﻪ ﻭﻛﺎﻡ ﻋﻤﺎﺭ ﺳﺎﻛﺖ ﻳﺒﺎﻭﻋﻠﻲ
ﻛﺮﺹ ﺧﺪﻭﺩﻱ ﻭﺻﺎﺡ ﻫﺎﺍﺍ ﻭﻟﺞ ﺍﻡ ﺍﺭﺑﻊ ﻋﻴﻮﻥ ﻛﺒﺮﺗﻲ ﻭﺭﺍﺡ ﺍﺗﻌﺮﺳﻴﻦ ﺳﻨﻔﻮﺭﻩ
- ﻋﻤﺎﺍﺍﺍﺭ ﺣﺠﻴﺘﻬﺎ ﺑﻐﻀﺐ ﻭﻛﻤﺖ ﻫﻢ ﻋﺒﺎﻟﻬﻢ ﺧﺠﻠﺖ ﺑﺲ ﺿﺠﺖ ﺷﻨﻮ ﻳﺰﻭﺟﻮﻧﻲ ﻟﻤﺠﺮﻡ ﻫﺬﻭﻟﻪ ﺷﺒﻴﻬﻢ ﻻﺯﻡ ﺍﻛﻮﻝ ﺍﻟﻌﻤﺎﺭ ﻫﺬﺍ ﻣﺠﺮﻡ ﻭﺣﺮﺍﻣﻲ
ﺍﻛﻴﺪ ﺭﺍﺡ ﻳﺮﻓﻀﻮ ﻭﺭﺿﻮﺍﻥ ﺍﻱ ﻣﻦ ﻳﺠﻲ ﻳﺘﻘﺪﻡ ﻳﻮﺍﻓﻘﻮﻥ ﻋﻠﻴﻪ ﻻﻥ ﺯﻳﻦ
ﻃﻠﻌﻮ ﻛﻠﻬﻢ ﻉ ﺍﻟﺸﻐﻞ ﻭﺍﻧﻲ ﻫﻢ ﻛﻤﺖ ﺍﻧﻀﻒ ﻭﺑﺎﻟﻲ ﻣﻮ ﻳﻤﻲ ﺑﺲ ﺍﻃﻤﻨﺖ ﻣﻦ ﺑﺎﺑﺎ ﻛﺎﻝ ﺍﻟﻘﺮﺍﺭ ﺍﻟﻲ ﻣﺤﺪ ﻳﻜﺪﺭ ﻳﺠﺒﺮﻧﻲ
بيج قصص عراقيه حقيقيه من واقعنا.روعه الطائي
ﻧﺼﺮ ﺍﻟﺪﻳﻦ : ﻃﺒﻴﺖ ﻟﻠﺒﻴﺖ ﻣﻴﺖ ﺗﻌﺐ ﺻﺤﺖ ﻳﻮﻭﻡ ﻳﻮﻡ ﻭﻳﻨﺞ ﻣﺎﻛﻮ ﺷﻔﺖ ﺭﺍﻧﻴﺎ ﻣﺮﺕ ﺍﺧﻮﻳﻪ
- ﺭﺍﻧﻴﺎ ﻭﻳﻦ ﺍﻣﻲ
- ﺭﺍﺣﺖ ﻟﺒﻴﺖ ﺳﻨﺪ ﻛﺮﺍﺭ ﺍﺑﻦ ﺳﻨﺪ ﻣﺮﻳﺾ ﻭﻣﻜﺪﺭﺕ ﺍﺗﻌﻮﻓﻪ ﻭﺣﺪﻩ
- ﻫﺎﺍ ﺷﺒﻴﻲ
- ﻣﺎﻋﺮﻑ ﻳﻤﻜﻦ ﺍﻓﻼﻭﻧﺰﺍ ﻻﻥ ﻣﺎﻛﻞ ﻣﻮﻃﻪ
- ﺧﻮﺵ
ﻋﻔﺘﻬﺎ ﻭﺻﻌﺪﺕ ﻓﻮﻙ ﺍﺗﻤﺪﺗﺖ ﻭﺍﺟﺖ ﺍﺑﺎﻟﻲ ﺍﻓﻜﺮ ﻣﻌﻘﻮﻟﻪ ﺍﻟﺒﻨﻴﻪ ﺍﻟﻲ،ﺍﺟﺖ ﺫﺍﻛﻠﻴﻮﻡ ﻭﻳﻪ ﺑﻴﺖ ﺍﺑﻮ ﻋﻤﺎﺭ ﺟﺎﻧﺖ ﺍﺧﺖ ﺭﺍﻧﻴﺎ ﻣﺎﺗﺸﺒﻬﻪ ﺍﺑﺪ ﻭﻻ ﻳﻤﻬﺎ
ﻳﺠﻮﺯ ﻛﺮﺍﻳﺒﻬﻢ ﻟﻮ ﺷﻲ ﻋﻴﻮﻧﻬﺎ ﻣﺎﺗﺮﻭﺡ ﻣﻦ ﺑﺎﻟﻲ ﻣﻦ ﺩﺧﻠﺖ ﺍﻟﻤﻄﺒﺦ ﻭﺷﻔﺘﻬﺎ ﻳﻢ ﺑﻨﺎﺕ ﺍﺧﻮﻱ ﺷﻠﻮﻥ ﺗﺒﺎﻭﻋﻠﻲ ﻣﺎﺷﺎﻳﻔﻪ ﺿﺮﺑﺖ ﺭﺍﺳﻲ ﻫﺎ ﻧﺼﺮ ﺷﻮ ﺟﻨﻚ ﻛﻤﺖ ﺍﺗﺒﺼﺒﺺ ﻉ ﺑﻨﺎﺕ ﺍﻟﻌﺎﻟﻢ ﻳﻤﻜﻦ ﻋﺪﺍﺍﻧﻲ ﻳﺎﻣﻦ
ﺩﺧﻠﺖ ﻟﻠﻐﺮﻓﻪ ﻟﺒﺴﺖ ﺗﺮﺍﻛﻲ ﻭﻧﻤﺖ ﻣﻴﺖ ﺗﻌﺐ ﺍﻟﺒﺎﺭﺣﻪ ﺍﻟﻴﻞ ﻛﻠﻪ ﺳﻬﺮﺍﻥ ﺑﻠﻮﺍﺟﺐ ﻛﻌﺪﺕ ﺑﻠﻴﻞ ﻟﻜﻴﺖ ﺍﻟﺤﺠﻴﻪ ﻣﻮﺟﻮﺩﻩ
ﺳﻠﻤﺖ ﻋﻠﻴﻬﺎ ﻭﺑﺴﺖ ﺭﺍﺳﻬﺎ ﻭﻛﻌﺪﺕ ﻳﻤﻬﺎ ﻣﺮﺕ ﻣﺜﻨﻰ 24 ﺳﺎﻋﻪ ﺑﻐﺮﻓﺘﻬﺎ ﻟﻮ ﻃﺎﻟﻌﻪ ﻭﻣﺜﻨﻰ ﻣﺎﻧﺸﻮﻓﻪ ﻏﻴﺮ ﻭﻛﺖ ﺍﻻﻛﻞ ﻭﺍﻟﻨﻮﻡ ﻭﺍﻧﻲ ﺷﻐﻠﻲ ﻭﻫﻲ ﺿﺎﻟﻪ ﻭﺣﺪﻫﺎ
ﻣﺮﺍﺕ ﺍﻧﻘﻬﺮ ﻋﻠﻴﻬﺎ ﺍﻛﻠﻬﻪ ﺭﻭﺣﻲ ﻳﻢ ﺑﻴﺖ ﺳﻨﺪ ﻣﺎﺗﻘﺒﻞ ﺍﺗﻜﻮﻝ ﻫﺬﺍ ﺑﻴﺘﻲ ﻣﺎﻋﺮﻑ ﺍﻛﻌﺪ ﺍﺫﺍ ﻣﻮ ﺑﻲ ﻫﻢ ﺣﻘﻬﺎ ﻭﻫﻨﺎ ﺿﺎﻟﻪ ﻭﺣﺪﻫﺎ ﻛﺎﻋﺪ ﺍﻛﻞ ﺣﺠﺖ ﺍﻣﻲ ﻭﻫﻲ ﺗﺒﺘﺴﻢ
- ﻳﻤﻪ ﻧﺼﻮﺭﻱ ﺫﺍﻛﻠﻴﻮﻡ ﻣﻦ ﺍﺟﻮ ﺑﻴﺖ ﺍﺑﻮ ﻋﻤﺎﺭ ﺷﻔﺖ ﺑﻨﻴﺘﻬﻢ ﺍﻟﺼﻐﻴﺮﻩ
ﺑﺎﻭﻋﺖ ﻉ ﺍﻣﻲ ﻫﺎﻱ ﺗﻠﻤﻴﺤﺎﺗﻬﺎ ﺍﻋﺮﻓﻬﺎ ﻛﻠﺶ ﺯﻳﻦ
- ﻻ ﻳﻤﻪ ﻣﺎﺷﻔﺘﻬﺎ ﻣﺎﻧﺘﺒﻬﺖ ﻋﻠﻴﻬﺎ ﺗﺪﺭﻳﻦ ﺑﻴﻪ ﻣﺎﺑﺎﻭﻉ
- ﺍﻱ ﻳﻤﻪ ﺍﺩﺭﻱ ﺑﻴﻚ ﺷﺎﻟﻊ ﻛﻠﺒﻴﻲ
- ﻟﻪ ﻟﻴﺶ ﻫﻴﺞ ﻳﻤﻪ ﻫﺎﻱ ﺗﺎﻟﻴﺘﻬﺎ ﺍﻧﻲ ﺷﺎﻟﻊ ﻛﻠﺒﺞ
- ﺍﻱ ﺷﺎﻟﻊ ﻛﻠﺒﻲ ﻳﺎ ﻳﻤﻪ ﺷﻮﻛﺖ ﺍﺷﻮﻓﻚ ﻋﺮﻳﺲ ﻭﻣﺮﻳﺘﻚ ﻳﻤﻚ ﻭﺍﻭﻻﺩﻙ ﺑﺤﻈﻨﻚ ﻗﺒﻞ ﻻ ﺍﻟﻠﻪ ﻳﺎﺧﺬ ﺍﻣﺎﻧﺘﻪ ﻭﺍﻟﻠﻪ ﺍﻣﻨﻴﺘﻲ ﺍﺷﻮﻑ ﺟﻬﺎﻟﻚ
- ﻳﻤﻪ ﺷﺴﻮﻳﻦ ﺑﺠﻬﺎﻟﻲ ﻫﺎﻱ ﺍﺫﺍ ﺻﺎﺭ ﻋﺪﻱ ﻣﻮ ﻫﺎﻱ ﺳﻨﺪ ﺣﺎﻃﻠﺞ 4 ﻳﺨﺒﻠﻮﻥ ﻭﻫﺬﺍ ﻣﺜﻨﻰ ﻫﻢ ﺟﺎﺑﻠﺞ ﺛﻨﻴﻦ ﻳﺨﺒﻠﻦ ﺍﻟﻪ ﺍﻧﻲ
- ﻳﻤﻪ ﺍﻧﺖ ﺑﺠﺮﻱ ﻭﻣﻦ ﺣﻘﻲ ﺍﻓﺮﺡ ﺑﻴﻚ ﻭﻓﺮﺣﺖ ﺟﻬﺎﻟﻚ ﺗﺨﺘﻠﻒ ﻻ ﺗﻜﻮﻝ ﻫﻴﺞ ﺍﻧﺖ ﺳﻴﺪ ﺍﻟﺸﺒﺎﺏ ﺑﺎﺟﺮ ﻋﻜﺒﻪ ﺗﻜﺒﺮ ﻣﻨﻮ ﺍﻟﻚ ﺍﻧﻲ ﻣﺎﺩﺍﻳﻤﺘﻠﻚ ﻣﻨﻮ ﺗﺨﺪﻣﻚ ﻭﺗﻜﻮﻡ ﺑﻮﺍﺟﺒﻚ ﻧﺴﻮﺍﻥ ﺍﺧﻮﺗﻚ
ﻟﻮ ﺍﺧﻮﺍﺗﻚ ﺍﻟﻲ ﻛﻠﻤﻦ ﻣﻠﺘﻬﻴﻪ ﺑﻌﻴﺎﻟﻬﺎ ﻳﺎﻳﻤﻪ ﺍﻧﻌﻞ ﺍﻟﺸﻴﻄﺎﻥ ﻭﺍﻧﺖ ﺑﺲ ﺍﺍﺷﺮ ﺍﺟﻴﺒﻠﻚ ﻭﺣﺪﻩ ﺍﺗﻜﻮﻝ ﻟﻠﻜﻤﺮ ﻛﻮﻡ ﻭﺍﻧﻲ ﺍﻛﻌﺪ ﺑﻤﻜﺎﻧﻚ
- ﻫﻬﻬﻬﻬﻬﻬﻪ ﻻ ﻳﻤﻪ ﻻ ﻣﺎﺭﻳﺪﻫﺎ ﻫﻴﺞ ﺣﻠﻮﻩ ﺑﺎﺟﺮ ﻋﻜﺒﻪ ﺗﻨﻐﺮ ﺑﺮﻭﺣﻬﺎ ﻭﺗﻌﺎﻝ ﻳﺎ ﻧﺼﺮ ﺍﻟﺪﻳﻦ ﺷﻴﺨﻠﺼﻚ
- ﻫﺎﺍ ﻳﻤﻪ ﻫﺬﻫﻮ ﺍﺧﻄﺒﻬﺎﺍﺍ ﻳﻌﻨﻲ
- ﻳﺎ ﻳﻤﻪ ﻣﻨﻮ ﻫﺎﻱ،ﺷﺒﻴﺞ ﻣﻮ ﻛﺎﻋﺪ ﺍﻛﻞ ﻟﻴﺶ ﺍﺳﻤﻤﻴﻦ ﺍﻛﻠﻲ
- ﻟﻌﺪ ﺷﻮﻛﺖ ﺗﺰﻭﺝ ﻫﺎﺍﺍ ﻛﺎﻓﻲ ﺻﺎﺭ ﻋﻤﺮﻙ 35 ﺳﻨﻪ ﻛﺒﺮﺕ ﻳﺎ ﻭﻟﻴﺪﻱ ﻭﺍﻧﻲ ﻣﺎﺩﺍﻳﻤﻪ ﺍﺭﻳﺪ ﺍﻓﺮﺡ ﺑﻴﻚ ﻛﺎﻓﻲ ﻋﺎﻳﺶ ﺑﻤﺎﺿﻴﻴﻲ
- ﻳﻤﻪ ﻣﻨﻮ ﻛﻠﺞ ﻋﺎﻳﺶ ﺑﻤﺎﺿﻴﻴﻲ ﺷﻬﺪ ﺷﻠﺘﻬﺎ ﻣﻦ ﺑﺎﻟﻲ ﻣﻦ ﻳﻮﻡ ﺍﻟﻲ ﺧﻄﺒﺘﻬﺎ ﻭﺭﻓﻀﺖ ﻭﻣﺎﻓﻜﻜﺮﺕ ﺑﻴﻬﺎ ﺑﺲ ﻳﺎﻳﻤﻪ ﻛﺮﺍﻣﺘﻲ ﻣﺎﺗﺴﻤﺤﻠﻲ ﺍﺯﻭﺝ ﺑﻌﺪ ﺍﻻﻫﺎﻧﻪ ﺍﻟﻲ ﺍﻛﻠﺘﻬﺎ ﻣﻦ ﻋﺪﻫﺎﺍﺍﺍ
- ﻭﺍﻟﻠﻪ ﺍﻧﺖ ﻋﻜﺲ ﺍﻟﻨﺎﺱ ﻳﻌﻨﻲ ﻣﺎﺗﻜﻠﻲ ﻏﻴﺮﻙ ﻣﻦ ﺳﻤﻊ ﻛﻼﻣﻬﺎ ﺍﻟﺸﻬﺪ ﻣﻦ ﺛﺎﻧﻲ ﻳﻮﻡ ﻳﺰﻭﺝ ﺍﻟﻪ ﺍﻧﺖ ﺻﺎﻟﻚ ﺳﻨﻴﻦ ﻣﺎﺗﻘﺒﻞ ﻳﻤﻪ ﺍﻛﺴﺮ ﺧﺸﻤﻬﺎ ﻟﺸﻬﺪ ﻭﺍﺛﺒﺖ ﻟﻠﻌﺎﻟﻢ ﻭﺍﻟﻬﺎ ﺍﻧﺖ ﻣﻮ ﻣﺜﻞ ﻣﺎ ﻛﺎﻟﻮ ﻋﻠﻴﻚ
ﻭﺗﻜﺪﺭ ﺍﺗﺨﻠﻒ ﻋﺸﺮﻩ ﻣﻮ ﻭﺍﺣﺪ
- ﺍﻫﻮﻭﻭﻭﻭ ﻳﺎ ﻳﻤﻪ ﻳﻌﻨﻲ ﻣﺎ ﺍﺭﺗﺎﺡ ﻣﺎﺍ ﺍﺳﺘﻘﺮ ﻳﻌﻨﻲ ﻻﺯﻡ ﺗﺴﻤﻤﻴﻨﻲ ﺑﻜﻼﻣﺞ ﻛﻢ ﻣﺮﻩ ﻛﺘﻠﺞ ﻣﺎﺭﻳﺪ ﺍﺳﻤﻊ ﻫﺬﺍ ﺍﻟﻜﻼﻡ ﻛﻢ ﻣﺮﻩ ﻛﺘﻠﺞ ﺍﺳﺪﻳﻦ ﻫﺬﺍ ﺍﻟﻤﻮﺿﻮﻉ ﻭﻣﺎﺗﻔﺘﺤﻲ ﻭﺍﻧﻲ ﻣﻦ ﺍﺭﻳﺪ ﺍﺯﻭﺟﺞ ﺍﺟﻲ ﻭﺍﻛﻠﺞ
- ﺷﻮﻭﻛﺖ ﻣﺎﺗﻜﻠﻲ ﺷﻮﻭﻛﺖ ﻣﻦ ﺗﺪﺧﻞ ﺍﻻﺭﺑﻌﻴﻦ ﻟﻮ ﺍﻟﺨﻤﺴﻴﻦ ﻭﺷﻜﻮ ﻭﺣﺪﻩ ﻣﻄﻠﻘﻪ ﻟﻮ ﺍﺭﻣﻠﻪ ﺗﺎﺧﺬﻙ ﻭﺗﺒﻘﻪ ﺗﺘﺸﻤﺖ ﺑﻴﻚ ﺷﻬﺪ ﻭﻏﻴﺮﻫﺎﺍﺍ
- ﻳﻤﻤﻤﻪ
- ﻭﻏﻤﻤﻤﻪ ﻣﻦ ﺍﻟﻠﻪ ﻳﺎﺧﺬﻧﻲ ﻭﺍﺧﻠﺺ ﻋﻠﻴﻤﻦ ﻋﺎﻳﺸﻪ ﺍﻧﻲ
ﻋﺎﻓﺘﻨﻲ ﻭﻛﺎﻣﺖ ﻭﺍﻧﻲ ﺍﻟﻨﺎﺭ ﺑﺼﺪﺭﻱ ﻋﻔﺖ ﺍﻟﺼﻴﻨﻴﻪ ﻭﻃﻠﻌﺖ ﺷﻔﺖ ﺭﺍﻧﻴﺎ ﺑﻠﻤﻄﺒﺦ ﻋﺮﻓﺘﻬﺎ ﺳﻤﻌﺖ ﻛﻠﺸﻲ ﻋﻔﺘﻬﺎ ﻭﻃﻠﻌﺖ ﻟﻠﺤﺪﻳﻘﻪ ﻛﻌﺪﺕ ﺍﺩﺧﻦ ﻭﺍﺣﺲ ﺷﻴﺎﻃﻴﻨﻲ ﻛﻠﻬﺎ ﻣﺘﺮﺑﻌﻪ ﺑﺮﺍﺳﻲ ﻭﺍﻓﻜﺎﺭ ﺗﺠﻲ ﺑﺒﺎﻟﻲ ﺑﺲ ﺍﻟﻠﻪ ﻳﻌﻠﻢ ﺑﻴﻬﺎ
ﻻ ﺍﻧﻲ ﺍﻟﻤﺮﺗﺎﺡ ﻭﻻ ﺍﻧﻲ ﺍﻟﻤﺎﻣﺮﺗﺎﺡ ﺍﺍﺍﺥ ﺍﺍﺥ ﻣﻨﺞ ﻳﺎ ﺷﻬﺪ ﻏﻤﻀﺖ ﻋﻴﻮﻧﻲ ﻭﺍﻧﻲ ﺍﺩﺧﻦ ﺍﺫﻛﺮ ﻛﻼﻣﻬﺎ ﺍﻟﻲ ﻣﻦ ﺭﺣﺖ ﺍﺧﻄﺒﻬﺎ ﺟﺎﻥ ﻋﻤﺮﻱ ﺑﻮﻛﺘﻬﺎ 26 ﺳﻨﻪ
ﺟﻨﺖ ﺍﺣﺒﻬﺎ ﻣﻦ ﺍﻧﻲ ﻭﺻﻐﻴﺮ ﻭﻣﺎﺻﺪﻛﺖ ﺍﺗﺨﺮﺟﺖ ﺣﺘﻪ ﺍﺩﺯ ﺍﻫﻠﻲ ﻳﺨﻄﺒﻮﻫﺎ
ﺑﺲ ﺍﻟﺼﺪﻣﻨﻲ ﺭﻓﻀﻬﺎﺍ ﻭﺍﻧﻲ ﺍﺑﻦ ﺧﺎﻟﺘﻬﺎ ﻭﻣﻮ ﺑﺲ ﻫﻴﺞ ﺍﺑﻮﻫﺎ ﻳﺼﻴﺮ ﺍﺑﻦ ﻋﻤﻪ ﺍﻻﺑﻮﻱ ﻳﻌﻨﻲ ﻣﺜﻞ ﻋﻤﻲ ﻭﻫﻲ ﺑﻤﺜﺎﺑﺖ ﺑﺖ ﻋﻤﻲ ﻫﻢ ﺍﻟﺠﺮﺡ ﺍﻟﻲ ﻧﺒﺖ ﺑﻜﻠﺒﻲ ﺑﻬﺬﺍﻙ ﺍﻟﻮﻛﺖ ﻣﺎﺍﻧﺴﺎﻩ ﻟﻠﻤﻮﺕ
ﺟﻨﺖ ﺍﻋﺸﻘﻬﺎ ﻭﺍﻧﺘﻀﺮﻫﺎ ﺗﻜﺒﺮ ﻳﻮﻡ ﻳﻮﻡ ﺣﺘﻪ ﺍﺻﻴﺮ ﺑﺒﻴﺘﻲ ﻭﻣﻦ ﺧﻄﺒﺘﻬﺎ
ﻭﻛﻔﺖ ﻛﺪﺍﻡ ﺍﻣﻲ ﻭﺑﺼﺎﻟﻪ ﻭﺻﻮﺗﻬﺎ ﻭﺻﻞ ﺍﻟﻲ
- ﺷﻨﻮ ﺧﺎﻟﻪ ﺍﻧﻲ ﺷﻬﺪ ﺍﺯﻭﺝ ﻧﺼﺮ ﻻ ﺧﺎﻟﻪ ﻻ ﻣﺎﺭﻳﺪ ﺷﻨﺎﻗﺼﻨﻲ ﻭﺍﺯﻭﺟﻪ ﺍﻟﻨﺼﺮ ﻭﺑﻌﺪﻳﻦ ﺍﻧﻲ ﻉ ﻋﻼﻗﺔ ﻭﺍﺣﺐ ﻭﺍﺣﺪ ﻭﻳﺎﻱ ﺑﺠﺎﻣﻌﺔ ﻭﻳﻨﺘﻈﺮ ﺍﻟﻮﻛﺖ ﺍﻟﻤﻨﺎﺳﺐ ﺣﺘﻪ ﻳﺨﻄﺒﻨﻲ
ﻋﺬﺭﻳﻨﻲ ﺧﺎﻟﺘﻲ ﺑﺲ ﻧﺼﺮ ﺍﻟﺪﻳﻦ ﻛﻠﻨﺎ ﻧﻌﺮﻑ ﺑﻲ ﻣﻦ ﻳﻮﻡ ﺍﻟﺤﺎﺩﺙ ﺍﻟﺼﺎﺭ ﻳﻌﻨﻲ ﻋﺬﺭﻳﻨﻲ ﺧﺎﻟﺘﻮ ﺑﺲ ﻫﺬﻩ ﺍﻟﺤﻘﻴﻘﻪ ﻳﻌﻨﻲ ﻧﺴﻴﺘﻲ ﻛﻼﻡ ﺍﻟﺪﻛﺘﻮﺭ ﻣﻦ ﻛﺎﻝ ﻧﺼﺮ ﻣﻴﻜﺪﺭ ﻳﺨﻠﻒ ﺑﻌﺪﺩ ﻳﻌﻨﻲ ﻋﻘﻴﻴﻴﻴﻢ
ﻭﺍﻧﻲ ﻣﺎﻧﺎﻗﺼﻨﻲ ﺷﻲ ﻣﻦ ﺣﻘﻲ ﺍﺯﻭﺝ ﻭﺍﺧﻠﻒ
ﻳﺎﺧﺎﻟﺘﻲ ﺗﺮﺿﻴﻬﺎ ﻉ ﺑﺘﺞ ﻳﻌﻨﻲ ﺗﺰﻭﺝ ﻭﺍﺣﺪ ﻋﻘﻴﻢ
ﺭﺩﺕ ﺍﻣﻲ ﻭﺑﺼﻮﺗﻬﺎ ﺍﻟﺤﺰﻥ ﻭﺍﻟﻘﻬﺮ
- ﻣﺸﻜﻮﺭﻩ ﻳﺎﺑﻨﻴﺘﻲ ﻫﺎﻱ ﺍﻧﺘﻲ ﺑﺖ ﺧﺎﻟﺘﻪ ﻭﺑﺖ ﻋﻤﻪ ﻫﻢ ﻫﻴﺞ ﻋﻴﺮﺗﻲ ﻫﻮ ﻟﻮ ﻣﺎ ﺍﻟﺤﺎﺩﺙ ﺍﻟﺼﺎﺭ ﺟﺎﻥ ﺣﺎﻟﻪ ﻣﻦ ﺣﺎﻝ ﻛﻞ ﺷﺎﺏ ﻭﺍﺻﻼ ﻛﻼﻡ ﺍﻟﺪﻛﺘﻮﺭ ﺟﺎﻥ %60 ﻭﻣﻮ ﺍﻛﻴﺪ ﻋﻘﻴﻢ ﻳﻜﺪﺭ ﻳﺘﻌﺎﻟﺞ ﻭﻳﺨﻠﻒ ﻭﻫﻮ ﻳﺤﺒﺞ
- ﺍﺳﻔﻪ ﺧﺎﻟﻪ ﺑﺲ ﺍﻧﻲ ﻣﺎﺍﺷﻮﻑ ﻧﺼﺮ ﻏﻴﺮ ﺍﺧﻮﻳﻪ ﻋﺬﺭﻳﻨﻲ ﻣﺎﻛﺪﺭ ﺣﺘﻪ ﻟﻮ ﻣﺎﻛﺎﻥ ﺍﻛﻮ ﺍﺣﺪ ﺑﺤﻴﺎﺗﻲ ﻣﻨﻮ ﻳﻜﻮﻝ ﻳﻜﺪﺭ ﻳﺘﻌﺎﻟﺞ ﻭﺍﻧﻲ ﺍﺭﻳﺪ ﺍﺻﻴﺮ ﺍﻡ ﺣﺎﻟﻲ ﻣﻦ ﺣﺎﻝ ﺍﻟﺒﻨﺎﺕ
- ﻣﺸﻜﻮﺭﻩ ﺑﻨﻴﺘﻲ ﻣﺎﻗﺼﺮﺗﻲ ﺍﻃﻴﺘﻴﻬﺎ ﺑﻮﺟﻬﻲ ﻭﻣﺎﺟﺬﺑﺘﻲ ﻭﺍﻧﺸﺎﺀﺍﻟﻠﻪ ﺍﺑﻦ ﺍﻟﺤﻼﻝ ﺍﻟﻲ ﺗﺤﺠﻴﻦ ﻋﻨﻪ ﻳﺠﻲ ﻳﺨﻄﺒﺞ ﻭﻭﺗﻌﻴﺸﻴﻦ ﺣﺎﻟﺞ ﺣﺎﻝ ﺍﻟﺒﻨﺎﺕ
ﻃﻠﻌﺖ ﺍﻣﻲ ﺑﻮﻛﺘﻬﺎ ﻭﺍﻟﺪﻣﻮﻉ ﺍﺗﻼﻟﻲ ﺑﻌﻴﻮﻧﻬﺎ ﺍﺷﺮﺕ ﺍﻟﻬﺎ ﺗﺴﻜﺖ ﻭﻋﺮﻓﺖ ﺳﻤﻌﺖ ﻛﻞ ﺣﺮﻑ ﻛﺎﻟﺘﻪ ﺍﻟﻨﺎﺭ ﺍﻟﻲ ﺟﺎﻥ ﺑﺪﺍﺧﻠﻲ ﺑﺲ ﺍﻟﻠﻪ ﻳﻌﻠﻢ ﺑﻴﻬﺎ ﺑﻬﺬﺍ ﺍﻟﻮﻛﺖ ﺍﻫﺎﻧﺘﻬﺎ ﺍﻟﻲ ﻭﻛﻼﻣﻬﺎ ﺧﻼﻧﻲ ﺍﻛﺮﻩ ﺭﻭﺣﻲ ﻣﻴﺖ ﻣﺮﻩ
ﻗﺒﻞ ﻻ ﺍﺭﻭﺡ ﺍﺧﻄﺐ ﺷﻬﺪ ﺑﺴﻨﻪ ﺻﺎﺭ ﻭﻳﺎﻱ ﺣﺎﺩﺙ ﻭﻣﻦ ﻳﻮﻣﻬﺎ ﺍﻟﺪﻛﺘﻮﺭ ﻛﺎﻝ ﺍﻛﻮ ﻧﺴﺒﺔ 60 % ﺍﻟﻤﺮﻳﺾ ﻳﺼﻴﺮ ﻋﻘﻴﻢ ﺣﺎﻭﻟﻮ ﺍﺳﻔﺮﻭ ﻭﺗﻌﺎﻟﺠﻮ
ﻛﻼﻡ ﺍﻟﺪﻛﺘﻮﺭ ﺍﻟﻲ ﻣﺎﺟﻨﺖ ﺍﻋﺮﻑ ﺑﻲ ﻏﻴﺮ ﺑﻌﺪ ﺍﺷﻬﻮﺭ ﻣﻦ ﺍﻟﺤﺎﺩﺙ ﻫﻮﺍﻱ ﺣﺎﻭﻟﺖ ﺍﺗﻌﺎﻟﺞ ﺑﺲ ﺟﺎﻥ ﺍﻟﻮﺿﻊ ﻣﺎﻳﺴﺎﻋﺪ ﺍﺳﺎﻓﺮ ﻭﺍﺗﺮﻙ ﺍﻫﻠﻲ ﺑﻮﻛﺘﻬﺎ ﺍﻟﻄﺎﺋﻔﻴﻪ ﻭﺍﻟﺴﻘﻮﻁ ﺻﺎﻳﺮ ﺍﻣﺮﻳﻜﺎﻥ ﺑﻜﻞ ﻣﻜﺎﻥ ﻣﻜﺪﺭﺕ ﺍﺗﺮﻙ ﺍﻫﻠﻲ ﻭﺍﺳﺎﻓﺮ
ﻛﻠﺖ ﻣﻦ ﺍﺧﻄﺒﻬﺎ ﺍﺧﺬﻫﺎ ﻭﺍﻃﻠﻊ ﺑﺮﻩ ﻭﺍﺗﻌﺎﻟﺞ ﺑﺲ ﻣﺎﺍﺻﻮﺭﺕ ﻭﻻ ﺍﺗﻮﻗﻌﺖ ﺭﺍﺡ ﺍﺳﻤﻊ ﺍﻟﻜﻼﻡ ﺍﻟﻲ ﺳﻤﻌﺘﻪ ﻣﻦ ﻋﺪﻫﺎ ﻣﻦ ﻳﻮﻣﻬﺎ ﻭﺍﻧﻲ
ﻛﺮﻫﺖ ﺍﻟﺰﻭﺍﺝ ﻭﻋﺰﻟﺖ ﻋﻦ ﺍﻟﺰﻭﺍﺝ ﺟﺎﻥ ﻫﺬﺍ ﺍﻟﻤﻮﺿﻮﻉ ﺍﻛﺜﺮ ﻣﻮﺿﻮﻉ ﻳﻨﻔﺰﻧﻲ ﻭﻳﻤﻮﺗﻨﻲ ﻗﻬﺮ ﻭﺍﻣﻮﺕ ﺍﻟﻒ ﻣﺮﻩ ﺑﻠﻴﻮﻡ ﺑﻤﺠﺮﺩ ﻣﺎ ﺍﺫﻛﺮ ﺣﺎﻟﺘﻲ
ﺳﺎﻓﺮﺕ ﺍﻧﻲ ﻭﺳﻨﺪ ﺑﻌﺪ ﻣﺎﻫﺪﺕ ﺍﻻﻭﺿﺎﻉ ﻭﻛﺪﺭﺕ ﺍﺗﻌﺎﻟﺞ ﻭﺍﻟﺪﻛﺘﻮﺭ ﺑﺸﺮﻧﻲ ﺑﻨﺠﺎﺡ ﻛﻠﺸﻲ ﺑﺲ ﺑﻘﻪ ﺍﻟﺨﻮﻑ ﺑﺪﺍﺧﻠﻲ ﺧﺎﻳﻒ ﻣﻦ ﻛﻠﺸﻲ ﻟﻬﺬﺍ ﺟﻨﺖ ﺍﻛﺮﻩ ﺳﺎﻟﻔﺔ ﺍﻟﺰﻭﺍﺝ ﻭﻣﺎﺣﺐ ﺍﺣﺪ ﻳﻔﺘﺤﻪ
ﻛﺪﺍﻣﻲ ﻭﺍﻋﺼﺐ ﻣﻦ ﻭﺍﺣﺪ ﻳﻜﻠﻲ ﺍﺯﻭﺝ ﺻﺢ ﺍﺗﻌﺎﻟﺠﺖ ﺑﺲ ﺍﻛﻮ ﺧﻮﻓﻪ ﺑﺪﺍﺧﻠﻲ ﻭﻫﺬﺍ ﺍﻟﺸﻲ ﺻﺎﺭ ﻣﻦ ﻭﺭﻩ ﺷﻬﺪ ﻭﻛﻼﻣﻬﺎ ﻛﺮﺍﻣﺘﻲ ﺧﺴﺮﺗﻬﺎ ﻭﺍﻧﻬﺎﻧﻴﺖ ﺑﻤﺎ ﻓﻴﻪ ﺍﻟﻜﻔﺎﻳﻪ
ﻣﺎﻋﺪﻱ ﺍﻟﻄﺎﻗﻪ ﺑﻌﺪ ﺣﺘﻪ ﺍﻧﻬﺎﻥ ﺍﻛﺜﺮ ﺧﻠﻴﻨﻲ ﻫﻴﺞ ﻣﺮﺗﺎﺡ ﻋﺎﻗﺒﺖ ﺭﻭﺣﻲ ﺑﺸﺨﺼﻴﺘﻲ ﺍﻟﺒﻨﻴﺘﻬﺎ ﻣﻦ ﺟﺪﻳﺪ ﻣﻦ ﻛﻼﻡ ﺷﻬﺪ ﻭﻛﺪﺭﺕ ﺍﻛﻮﻥ ﺭﻭﺣﻲ ﻣﻮ ﺑﺲ ﺷﺨﺼﻴﺘﻲ ﻻ ﺣﺘﻪ ﺷﻜﻠﻲ ﻏﻴﺮﺗﻪ
ﻣﻦ ﺯﻳﻨﺖ ﺷﻌﺮﻱ ﺻﻔﺮ ﻭﺑﻘﻴﺖ ﻫﻴﺞ ﺍﺳﻨﻴﻦ ﻣﺎﺭﻳﺪ ﺍﺭﺟﻊ ﻧﺼﺮ ﺍﻟﺪﻳﻦ ﺍﻟﻘﺪﻳﻢ ﺍﻟﻲ ﺍﻧﻬﺎﻥ ﻣﻦ ﺣﺐ ﺣﻴﺎﺗﻪ
ﺍﻧﺼﺎﻑ : ﺟﻨﺖ ﻛﺎﻋﺪﻩ ﺑﻠﻐﺮﻓﻪ ﻭﺳﻤﻌﺖ ﺍﻣﻲ ﺗﺤﺠﻲ ﺑﺘﻠﻔﻮﻥ ﻛﻤﺖ ﺳﻤﻌﺘﻬﺎ ﺗﺤﺠﻲ ﻭﻳﻪ ﺭﺍﻧﻴﺎ ﺻﻮﺕ ﺗﻠﻔﻮﻧﻬﺎ ﻋﺎﻟﻲ ﻛﻠﺶ ﻳﻌﻨﻲ ﻛﺪﺭﺕ ﺍﻋﺮﻓﻬﺎ ﺭﺍﻧﻴﺎ ﻣﻦ ﺻﻮﺗﻬﺎ ﺑﺲ ﻣﺎﺍﻣﻴﺰ ﺍﻟﺤﺠﻲ ﺯﻳﻦ ﻣﻦ ﻭﺭﻩ ﺍﻟﺴﻤﺎﻋﻪ ﺍﻟﻲ ﻣﻠﻔﻮﻓﻪ ﺑﺘﻴﺖ ﺍﻟﻒ ﻟﻔﻪ ﺍﻟﻪ ﺍﺗﻘﺪﻡ
ﺑﻘﻴﺖ ﻭﺍﻛﻔﻪ ﺍﺳﻤﻊ ﺍﻣﻲ ﺍﺗﻜﻠﻬﺎ
- ﻳﻌﻨﻲ ﺷﻨﻮ ﻭﻟﺞ ﻣﺎﻓﻬﻤﺖ ﻋﻠﻴﺞ ﻣﺎﻳﺮﺩﻭﻫﺎ ﺍﻻﺧﺘﺞ
ﻳﺎﺍ ﻭﻟﻴﺶ ﻣﺎﻳﺮﻳﺪﻫﺎ ﺷﻨﻮ ﺷﻨﺎﻗﺼﻬﺎ ﺍﻧﺼﺎﻑ ﻭﻳﺮﻓﻀﻬﺎ ﻫﺬﺍ ﺣﻤﺎﺝ ﻣﻐﺮﻭﺭ ﻭﺷﺎﻳﻒ ﺭﻭﺣﻪ ﺑﺲ ﻫﻮ
ﻣﻔﻬﻤﺖ ﻗﺼﺪﺝ ﺭﻭﻳﻨﻪ ﺷﻨﻮ ﻳﻌﻨﻲ ﺍﺗﺨﻠﻲ ﻳﻮﺍﻓﻖ
- ﺍﺗﻘﺪﻣﺖ ﺍﻛﺜﺮ ﺣﺘﻪ ﺍﻋﺮﻑ ﺭﺍﻧﻴﺎ ﺷﺘﺤﺠﻲ ﻭﻳﻪ ﺍﻣﻲ ﺳﻤﻌﺘﻬﺎ ﺍﺗﻜﻮﻝ
- ﻳﻤﻪ ﺍﺫﺍ ﻧﺼﺮ ﺍﺯﻭﺝ ﺍﻧﻲ ﺍﻧﺘﻬﻲ ﺗﺪﺭﻳﻦ ﻋﺎﻳﺸﻪ ﺑﻔﻠﻮﺳﻪ ﻭﻛﺎﻳﻠﺘﻠﺞ ﺑﺲ ﺍﺫﺍ ﺗﺰﻭﺝ ﺍﻧﺼﺎﻑ ﻫﺎﻱ ﺍﺧﺘﻲ ﺍﻛﺪﺭ ﺍﻗﺸﻤﺮﻫﺎ ﺑﺤﺠﺎﻳﺘﻴﻦ ﻭﺍﻧﻌﻴﺶ ﺍﻧﻲ ﻭﻳﺎﻫﺎ ﺍﻣﻴﺮﺍﺕ ﺑﻬﺬﺍ ﺍﻟﺒﻴﺖ ﺍﺫﺍ ﺍﺯﻭﺟﻬﺎ
ﻭﻣﺤﺪ ﻳﻜﺪﺭ ﻳﻤﻨﻊ ﻧﺼﺮ ﺍﻧﻲ ﺧﺎﻳﻔﻪ ﺍﺫﺍ ﺍﺯﻭﺝ ﻣﺮﺗﻪ ﻫﻲ ﺍﻟﻲ ﺍﺗﻤﻨﻌﻪ ﻭﻳﺠﻮﺯ ﺣﺘﻪ ﻣﻦ ﺍﻟﺒﻴﺖ ﺗﻄﺮﺩﻧﺎ ﺑﺲ ﺍﺫﺍ ﺟﺎﻧﺖ ﺍﻧﺼﺎﻑ ﻣﺎﺳﻮﻳﻬﺎ ﻻﻥ ﻛﻠﺒﻬﺎ ﻃﻴﺐ ﻭﺍﺧﺘﻲ
- ﺑﺲ ﻳﺎﻳﻤﻪ ﺷﻠﻮﻥ ﺭﺍﺡ ﺍﺗﺨﻠﻴﻨﻪ ﻳﻮﺍﻓﻖ ﻭﺍﻧﺘﻲ ﻫﺴﻪ ﻛﻠﺘﻲ ﻣﺎﻗﺒﻞ ﻣﻦ ﻋﻤﺘﺞ ﻓﺘﺤﺖ ﺍﻟﻤﻮﺿﻮﻉ ﻭﻳﺎﻩ
- ﻣﺎﻋﺮﻑ ﻣﺎﻋﺮﻑ ﺑﺲ ﻻﺯﻡ ﺑﻜﻞ ﺍﻟﻄﺮﻕ ﺍﻧﺤﺎﻭﻝ ﺍﻧﺨﻠﻲ ﻳﻮﺍﻓﻖ ﻳﺰﻭﺝ ﺍﻧﺼﺎﻑ ﺑﺎﻱ ﻃﺮﻳﻘﻪ ﻋﻮﻓﻴﻨﻲ ﻫﺴﻪ ﺍﻓﻜﺮ ﻭﺑﻌﺪﻳﻦ ﺍﻛﻠﺞ
ﺳﺪﺗﻪ ﺍﻣﻲ ﻭﺍﻧﻲ ﺭﻛﻀﺖ ﻟﻠﻐﺮﻓﻪ ﺧﺎﻳﻔﻪ ﺷﺮﺍﺡ ﺍﺳﻮﻱ ﺭﺍﻧﻴﺎ ﺭﺍﺡ ﺍﺗﺨﺮﺏ ﺣﻴﺎﺗﻲ ﺍﺗﺮﻳﺪﻧﻲ ﺍﺯﻭﺝ ﻣﺠﺮﻡ ﻳﻤﻤﻪ ﻫﺎﻱ ﻣﻮ ﺻﺎﺣﻴﻪ ﺯﻳﻦ ﻭﺍﻧﻲ ﻣﺎﺍﺣﺒﻪ ﺷﻠﻮﻥ ﺍﺯﻭﺟﻪ
ﻻ ﻻ ﻫﺎﻱ ﺭﺍﻧﻴﺎ ﺍﺗﺨﺒﻠﺖ ﺍﺣﺴﻦ ﺷﻲ ﺍﺧﺎﺑﺮﻫﺎ ﻭﺍﻛﻠﻬﺎ ﺍﻧﻲ ﺍﺣﺐ ﺭﺿﻮﺍﻥ ﻭﺍﺭﻳﺪ ﺍﺯﻭﺟﻪ ﺍﻳﻲ ﺍﺣﺴﻦ ﺣﺘﻪ ﺍﺗﺒﻄﻞ ﻣﺎﺍ ﺍﺯﻭﺟﻨﻲ ﻏﺼﺐ ﺍﻧﻲ ﻣﺎ ﺍﺣﺒﻪ ﻟﺮﺿﻮﺍﻥ ﺑﺲ ﻣﺠﺮﺩ ﺍﻋﺠﺎﺏ ﻟﺴﻪ ﻣﺎﻭﺻﻞ ﻣﺮﺣﻠﺘﻪ ﺍﻟﺤﺐ ﺑﺲ ﻣﺎﺭﻳﺪ ﻫﺬﺍ ﺍﻟﻤﺠﺮﻡ
ﺍﺧﺬﺕ ﺗﻠﻔﻮﻥ ﺍﻣﻲ ﻣﻦ ﻃﻠﻌﺖ ﺗﺨﺒﺰ ﻭﺧﺎﺑﺮﺕ ﺭﺍﻧﻴﺎ ﻭﺍﺩﻳﻪ ﻛﻠﻬﺎ ﺗﺮﺟﻒ ﺭﺩﺕ ﻭﻋﺒﺎﻟﻬﺎ ﺍﻣﻲ
- ﻫﺎ ﻳﻤﻪ ﻣﻮ ﻛﺘﻠﺞ ﺧﻠﻴﻨﻲ ﺍﻓﻜﺮ
- ﺭﺍﻧﻴﺎ ﺍﻧﻲ ﺍﻧﺼﺎﻑ
- ﻫﺎ ﺻﻮﺻﻪ ﺷﺒﻴﺞ ﻣﺤﺘﺎﺟﻪ ﺷﻲ
- ﺍﻱ
- ﺷﻨﻮ ﻓﻠﻮﺱ ﻟﻮ ﻣﻼﺑﺲ ﻟﻮ ﺷﻨﻮ
- ﻻ ﻣﺤﺘﺎﺟﻪ ﺣﻴﺎﺓ
- ﺷﻨﻮﻭ ﺷﺒﻴﺞ ﻭﻟﺞ ﻣﺼﺨﻨﻪ ﺷﺎﺭﺑﻪ ﺷﻲ،
- ﺳﻤﻌﻲ ﺭﺍﻧﻴﺎ ﺍﻧﻲ ﻣﺎﺭﻳﺪ ﺣﻤﺎﺝ ﺍﻧﻲ ﺍﺣﺐ ﺭﺿﻮﺍﻥ ﻫﺬﺍ ﺍﻟﻲ ﺑﻤﻨﻄﻘﺘﻨﺎ ﺍﻟﻲ ﻳﺸﺘﻐﻞ ﺍﺑﻮﻱ ﺑﺒﺴﺘﺎﻧﻬﻢ ﻭﻫﻮ ﻭﻋﺪﻧﻲ ﺍﻟﺸﻬﺮ ﺍﻟﺠﺎﻱ ﻳﺠﻲ ﻳﺨﻄﺒﻨﻲ ﺣﺒﺎﺑﻪ ﻻ ﺍﺗﺨﻠﻴﻦ ﺣﻤﺎﺝ ﻳﻘﺒﻞ ﺑﻴﻪ
- ﺷﻨﻮﻭﻭ ﺷﻨﻮﻭ ﻭﻟﺞ ﺷﺘﺤﺠﻴﻦ ﺍﻧﺘﻲ ﻣﻦ ﻛﻞ ﻋﻘﻠﺠﺞ
- ﺍﻱ ﻣﻦ ﻛﻞ ﻋﻘﻠﻴﻴﻲ ﺳﻜﺘﺖ ﺷﻮﻳﻪ ﺭﺍﻧﻴﺎ ﻭﺍﻧﻲ ﺍﻓﺘﺮ ﺧﺎﻑ ﻭﺍﺣﺪ ﻳﻄﺐ ﻟﻠﺒﻴﺖ ﻭﻳﺴﻤﻌﻨﻲ ﻭﺍﺭﺟﻒ ﺳﻤﻌﺘﻬﺎ ﻛﺎﻟﺖ
- ﺳﻤﻌﻲ ﻧﺼﻮﻓﻪ ﺷﻮﻓﻲ ﻫﺬﺍ ﻭﺍﺣﺪ ﻣﻠﻌﺐ ﻭﺟﺬﺍﺏ
- ﻻﺍﺍﺍ ﻣﻮ ﺟﺬﺍﺍﺍﺏ ﻛﺎﻝ ﺍﻟﺸﻬﺮ ﺍﻟﺠﺎﻱ ﺍﺩﺯ ﺍﻫﻠﻲ
- ﻟﺞ ﻳﺠﺬﺫﺫﺏ ﺷﻮﻓﻴﻲ ﺗﺬﻛﺮﻳﻦ ﻣﻦ ﺟﻨﺖ ﺑﺴﺎﺩﺱ ﻭﻋﺪﻱ ﺻﺪﻳﻘﻪ ﺍﺳﻤﻬﺎ ﺭﺳﻞ
- ﺍﻳﻲ
- ﺍﻱ ﺭﺳﻞ ﻫﻢ ﻣﺜﻠﺞ ﺍﺟﺎﻫﺎ ﺭﺿﻮﺍﻥ ﻭﻛﺎﻟﻠﻬﺎ ﺍﺣﺒﺞ ﻭﺭﺍﺡ ﺍﺩﺯ ﺍﻫﻠﻲ ﻭﺍﻟﻴﻮﻡ ﻭﺑﺎﺟﺮ ﻭﺍﻟﻴﻮﻡ ﻭﺑﺎﺟﺮ ﻭﻣﺎﺩﺯ ﻟﺤﺪ ﻣﺎ ﺿﺤﻚ ﻋﻠﻴﻬﺎ ﻭﺟﺎﻥ ﺩﺍﺋﻤﺎ ﻳﺸﻮﻓﻬﺎ ﻭﻳﻀﻞ ﻳﺴﻮﻟﻒ ﻭﻳﺎﻫﺎ ﻭﺍﺧﺮ ﺷﻲ ﺿﺤﻚ ﻋﻠﻴﻬﺎ ﻭﺧﻄﻴﻪ ﺍﻫﻠﻬﺎ ﻛﺸﻔﻮﻫﺎ ﻭﺯﻭﺟﻮﻫﺎ ﻻﺑﻦ ﻋﻤﻬﺎ
ﺳﺴﻤﻌﻲ ﻣﻨﻲ ﻧﺼﻮﻓﻪ ﺗﺮﺍ ﺭﺿﻮﺍﻥ ﺍﻛﺒﺮ ﺟﺬﺍﺏ ﻭﻣﻠﻌﺐ ﻻ ﺍﺳﻤﻌﻴﻦ ﻣﻨﻪ ﺍﺑﺪ ﻭﺑﻌﺪ ﺍﺫﺍ ﺷﻔﺘﻲ ﻛﻮﻟﻲ ﺍﻟﻌﻤﺎﺭ ﺯﻳﻦ ﻭﺗﺮﺍ ﻧﺼﺮ ﻣﺎﺗﻠﻜﻴﻦ ﻣﺜﻠﻪ ﻟﺞ ﺍﺗﻌﻴﺸﻴﻦ ﺍﻣﻴﻴﻴﻴﺮﻩ ﻭﺍﻟﻠﻪ
ﻓﻜﺮﻱ ﺯﻳﻦ ﻭﺑﻌﺪﻳﻦ ﺍﺣﺎﺟﻴﺞ
- ﺳﺪﺗﻪ ﻣﻦ ﻋﺪﻱ ﻭﻋﺎﻓﺘﻨﻲ ﻣﺼﺪﻭﻣﻪ ﻣﻦ ﻛﻼﻣﻬﺎ ﺷﺸﻨﻮ ﻳﻌﻨﻲ ﺭﺿﻮﺍﻥ ﺟﺬﺍﺏ ﻣﺎﻳﺪﺯ ﺍﻫﻠﻪ ﺑﺲ ﻳﺮﻳﺪ ﻳﻀﺤﻚ ﻋﻠﻴﻪ ﻟﻴﺶ ﺷﺴﻮﻳﺘﻠﻪ ﻭﻫﻴﺞ ﻳﺴﻮﻱ
ﺧﻠﺺ ﻫﻤﺰﻳﻦ ﻣﺎﺣﺒﻴﺘﻪ ﻭﻣﺠﺮﺩ ﺍﻋﺠﺎﺏ ﺑﺲ ﺍﻟﺤﻤﺪﺍﻟﻠﻪ ﺷﻜﺪ ﺣﻘﻴﺮ ﻟﻌﺪ ﻫﻮ ﺍﺻﻼ ﻣﻮ ﺻﻮﺟﻪ ﺻﻮﺟﻲ ﺻﺪﻛﺖ ﺑﻲ ﻭﺍﺩﺭﻱ ﺑﺤﻈﻲ ﺍﻧﻲ ﻳﻌﻮﻑ ﺑﻨﺎﺕ ﺍﻟﻤﻨﻄﻘﻪ ﻳﺨﺒﻠﻦ ﺟﻤﺎﻝ ﻭﻓﻠﻮﺱ ﻭﻳﺠﻲ ﺍﻟﺞ ﺍﻧﺼﺎﻑ
ﺑﻘﻴﺖ ﻛﺎﻋﺪﻩ ﺍﻓﻜﺮ ﺯﻳﻦ ﺍﺫﺍ ﺍﺯﻭﺝ ﻫﺬﺍ ﺍﻻﺻﻠﻊ ﺍﺧﺎﻑ ﺧﺎﻑ ﻳﻜﺘﻠﻨﻲ ﻣﺜﻞ ﺍﺑﻮ ﺍﻟﻤﺤﻞ ﺍﻭﻑ ﻳﺎﻟﻠﻬﻲ ﺯﻳﻦ ﻫﻮ ﺟﺒﻴﺮ ﺍﺫﺍ ﺍﺟﻪ ﺑﻜﺒﺮ ﻋﻤﻲ ﺷﻠﻮﻥ ﺍﺯﻭﺟﻪ ﻭﻫﻮ ﺟﺒﻴﺮ ﻋﻠﻴﻪ ﻭﻳﻦ ﺍﻟﻌﺪﻝ ﻣﻮ ﻣﻦ ﺣﻘﻲ ﺍﺧﺬ ﻭﺍﺣﺪ ﻋﺸﺮﻳﻨﻲ ﻭﺑﻌﻤﺮﻱ ﻣﻮ ﻭﺍﺣﺪ ﺑﻌﺪ ﻛﻢ ﺳﻨﻪ ﻳﺪﺧﻞ ﺍﻻﺭﺑﻌﻴﻦ ﺍﻫﻤﺪﻩ ﺣﻈﺞ ﺍﻧﺼﺎﻑ ﻫﺎﻱ ﺗﺎﻟﻴﺘﻬﺎ ﻫﻢ ﻣﺠﺮﻡ ﻭﻫﻢ ﺷﺎﻳﺐ ﻭﻫﻢ ﺍﺻﻠﻌﻌﻌﻌﻊ
ﻛﻌﺪﺕ ﺿﺎﻳﺠﻪ ﻃﻠﻌﺖ ﺩﻓﺘﺮﻱ ﻭﻛﻤﺖ ﺍﻛﺘﺐ ﺧﻮﺍﻃﺮ ﺑﺪﻓﺘﺮﻱ ﺍﺣﺐ ﺍﻛﺘﺐ ﺍﻟﺨﻮﺍﻃﺮ ﻣﺎﻋﺮﻑ ﻣﻦ ﺍﺿﻮﺝ ﺍﻃﻠﻊ ﺩﻓﺘﺮﻱ ﻭﺍﻛﻮﻡ ﺍﻛﺘﺐ ﺷﻨﻮ ﻳﺠﻲ ﻉ ﺑﺎﻟﻲ ﻭﻳﺼﻒ ﺣﺎﻟﺘﻲ ﺩﺧﻞ ﻋﻤﺎﺭ ﺷﺎﻓﻨﻲ ﺿﺤﻚ
ﺟﻨﺖ ﻻﺑﺴﻪ ﻣﻨﺎﺿﺮﻱ ﻭﺣﺎﻃﻪ ﺍﻟﺪﻓﺘﺮ ﻭﺍﻛﺘﺐ ﻣﻦ ﺷﺎﻓﻨﻲ ﻛﺎﻝ ﻫﻼ ﺑﺸﺎﻋﺮﺗﻨﺎ ﺷﻠﻮﻧﻬﺎ
- ﻳﺎ ﻋﻤﺎﺭ ﺳﻮﻳﺘﻨﻲ ﺷﺎﻋﺮﻩ ﻫﻬﻬﻬﻪ ﻟﻚ ﻣﺠﺮﺩ ﺧﻮﺍﻃﺮ ﻣﻮ ﺍﺷﻌﺎﺭ ﻫﻬﻬﻬﻪ
- ﻋﺎﺩﻱ ﻳﺎﺍﺧﺘﻲ ﻳﻼ ﺍﻡ ﺍﻟﺨﻮﺍﻃﺮ ﺍﺳﻔﻴﻦ
ﺷﻜﻮ ﻣﺎﻛﻮ ﺍﻣﻲ ﻭﻳﻦ
- ﺑﻮﺭﻩ ﺍﻟﺒﻴﺖ ﺗﺨﺒﺰ ﺗﻠﻜﻴﻬﺎ ﻭﻳﻦ ﻳﻌﻨﻲ ﺍﺍ ﻋﻤﺎﺭ ﺍﺭﻳﺪ ﺍﺳﺌﻠﻚ ﺳﺆﺍﻝ
- ﻛﻮﻟﻲ ﻧﺼﻮﻓﻪ
- ﺋﺌﺊ ﺷﺴﻤﻪ ﺷﻮﻑ ﻫﺬﺍ ﺍﻟﻲ ﺣﺠﺖ ﻋﻨﻪ ﺍﻣﻲ ﺣﻤﺎﻫﺎ ﺍﻟﺮﺍﻧﻴﺎ ﺷﻴﺸﺘﻐﻞ
- ﻫﺎﺍ ﺑﺪﻩ ﺍﻟﺘﺤﻘﻴﻖ ﻭﻟﺞ ﻫﻬﻬﻪ ﻣﻮ ﺟﻨﺞ ﺫﺑﻴﺘﻲ ﻣﻴﺎﻧﻪ ﻭﻳﺎﻱ
- ﻳﺎﺍ ﻫﺴﻪ ﺍﻧﻲ ﺷﺴﺌﻠﺖ ﻭﺧﺮ ﺯﻋﻠﺖ
- ﺗﻌﺎﺍﻱ ﺍﺷﺎﺍﻗﻪ ﻭﻳﺎﺝ ﻭﻟﺞ ﺷﻮﻓﻲ ﻫﻮ ﻣﺤﺪ ﻳﻌﺮﻑ ﺷﻐﻠﻪ ﻻﻥ ﺣﺴﺎﺱ ﺑﺲ ﺍﻫﻠﻪ ﻭﻧﺎﺳﻪ
ﻓﺘﺤﺖ ﻋﻴﻮﻧﻲ ﻋﺰﺍ ﺑﻌﻴﻨﻲ ﻫﺬﺍ ﺻﺪﻙ ﻃﻠﻊ ﻣﺠﺮﻡ ﻣﺎﺩﺍﻡ ﺷﻐﻠﻪ ﺳﺮﻱ
- ﺍﻳﻴﻲ ﻛﻤﻞ ﺷﻴﺸﺘﻐﻞ
- ﺷﺒﻲ ﻭﺟﻬﺞ ﺍﺻﻔﺮ ﻭﻟﺞ ﻫﻬﻬﻬﻬﻬﻬﻬﻪ ﻻ ﺗﺨﺎﻓﻴﻦ ﻣﺎ ﻳﺴﻮﻳﻠﺞ ﺷﻲ
ﻫﻮ ﺿﺎﺑﻂ ﺍﺳﺘﺨﺒﺎﺭﺍﺗﻲ ﻣﻼﺯﻡ ﺍﻭﻝ ﻭﺷﻐﻠﻪ ﺣﻴﻞ ﺣﺴﺎﺱ ﺩﺍﺋﻤﺎ ﺗﻠﻜﻲ ﺑﻤﻜﺎﻥ ﻻﻥ ﻳﻌﺘﻤﺪﻭﻥ ﻋﻠﻴﻪ ﻫﻮﺍﻱ ﻫﻮ ﻭﺻﺪﻳﻘﻪ ﻻﻥ ﻳﺤﺒﻮﻥ ﺷﻐﻠﻬﻢ
- ﻓﺘﺤﺘﺖ ﻋﻴﻮﻧﻲ ﻣﺼﺪﻭﻣﻪ ﺿﺎﺍﺍﺑﻂ ﻭﺍﺳﺘﺨﺒﺎﺭﺍﺕ ﺻﺨﺎﻡ ﻋﻤﺎﺭ ﻳﺤﺠﻲ ﻭﺍﻧﻲ ﺻﺎﻓﻨﻪ ﻋﺰﺍ ﺑﻌﻴﻨﻲ ﺷﻜﺪ ﺍﺧﺬﺕ ﻏﻴﺒﺘﻪ ﻟﻌﺪ ﺍﻧﻲ ﻳﺎﺭﺑﻲ ﺳﺎﻣﺤﻨﻲ ﻣﻮ ﻗﺼﺪﻱ ﻭﺍﻟﻠﻪ ﺍﻛﻴﺪ ﺟﺎﻥ ﺑﺸﻐﻠﻪ ﺍﻭﻑ ﻳﺎ ﺣﻈﻲ ﺳﺎﻣﺤﻨﻲ ﻳﺎﻟﻠﻬﻲ
ﻫﺴﻪ ﻻﺯﻡ ﺍﺧﻠﻲ ﻳﺒﺮﻳﻠﻲ ﺍﻟﺬﻣﻪ ﻻﻥ ﺣﺮﺍﻡ ﺣﺠﻴﺖ ﻋﻠﻴﻪ ﻭﻫﻮ ﻣﻴﺪﺭﻱ ﻋﻔﺖ ﻋﻤﺎﺭ ﻭﺑﻘﻴﺖ ﺻﺎﻓﻨﻪ ﻳﻌﻨﻲ ﻣﻮ ﻣﺠﺮﻡ ﺑﺲ ﻳﺨﻮﻑ ﻫﺴﻪ ﻟﻮ ﻣﺎ ﺍﺻﻠﻊ ﺧﻮﺵ ﺑﺲ ﺻﻠﻌﺘﻪ ﺗﺨﻮﻑ ﻭﻟﺤﻴﺘﻪ ﻭﺷﻮﺍﺭﺑﻪ ﻛﻠﻬﺎ ﺑﺠﻬﻪ ﻭﺻﻠﻌﺘﻪ ﺑﺠﻬﻪ
ﻣﺮﺕ ﺍﻳﺎﻡ ﻭﺍﻣﻲ ﺍﺷﻮﻓﻬﺎ ﺗﺤﻮﺹ ﻭﻣﺪﺭﻱ ﺷﺒﻴﻬﺎ ﺍﺣﺴﻬﺎ ﺧﺎﻳﻔﻪ ﻭﺭﺍﻫﺎ ﺷﻲ ﻟﺤﺪ ﻣﺎ ﻓﺠﺌﻪ ﺍﻧﺪﻛﺖ ﺍﻟﺒﺎﺏ ﻃﻠﻌﺖ ﺍﻣﻲ ﺗﻔﺘﺤﻪ ﻟﻜﺖ ﺭﺍﻧﻴﺎ
ﺍﺳﺘﻐﺮﺑﺖ ﺷﻌﺠﺐ ﺟﺎﻳﻪ ﻭﻣﺎﺻﺎﺭﻟﻠﻨﺎ ﻫﻮﺍﻱ ﻣﻦ ﺟﻨﻪ ﻋﺪﻫﻢ ﺫﺑﺖ ﺑﻨﺎﺗﻬﺎ ﻋﻠﻴﻪ ﻭﺑﻘﺖ ﻫﻲ ﻭﺍﻣﻲ ﻳﺪﺭﺩﻣﻦ ﻭﺍﻧﻲ ﺍﻟﻌﺐ ﻭﻳﻪ ﺭﺯﺍﻥ ﻭﻏﺰﻝ ﻭﺍﺷﺎﻗﻪ ﻭﻳﺎﻫﻦ ﺭﺯﺍﻥ ﻋﻴﻮﻧﻬﺎ ﻣﻠﻮﻧﻪ ﻣﺪﺭﻱ ﻋﻠﻴﻤﻦ ﻃﺎﻟﻌﻪ ﻣﺤﺪ ﻋﺪﻧﺎ ﻋﻴﻮﻧﻪ ﻣﻠﻮﻧﻪ ﺑﺲ ﻫﻲ ﺍﻟﺨﺒﻴﺜﻪ ﻫﻬﻬﻪ ﺻﺎﺭﺕ ﻃﻔﺮ ﻋﺪﻫﺎ
ﺻﺮﺕ ﺍﻋﻀﻌﺾ ﺑﻴﻬﺎ ﻭﺍﻣﻲ ﻭﺭﺍﻧﻴﺎ ﻣﻦ ﺍﺟﺖ ﻟﺴﻪ ﺑﻠﻐﺮﻓﻪ ﻭﺳﺎﺩﺍﺕ ﺍﻟﺒﺎﺏ ﻋﻠﻴﻬﻦ ﻛﻤﺖ ﺳﻤﻌﺖ ﺍﻣﻲ ﺍﺻﻴﺢ ﻉ ﺭﺍﻧﻴﺎ
- ﺷﺘﺤﺠﻴﻦ ﻭﻟﺞ ﻻﻻ ﺭﺍﻧﻴﺎﺍﺍﺍ ﻓﻜﺮﺗﺞ ﺍﺗﺨﻮﻑ ﺧﺎﻑ ﻳﺠﻲ ﻳﻮﻡ ﻭﻳﻨﻜﺸﻒ ﻛﻠﺸﻲ
- ﻳﻤﻪ ﺷﻴﻨﻜﺸﻒ ﻣﺎﻛﻮ ﻏﻴﺮ ﺣﻞ ﻣﺤﺪ ﻳﻌﺮﻑ ﺑﺲ ﺍﻧﻲ ﻭﻳﺎﺝ ﻫﺴﻪ ﻛﻮﻣﻲ ﻛﻮﻣﻲ ﻟﺒﺴﻲ ﻋﺒﺎﺗﺞ ﺧﻞ ﻧﻄﻠﻊ ﻳﻼﺍ ﺷﻮﻳﻪ ﻭﻃﻠﻌﺖ ﺭﺍﻧﻴﺎ ﻭ
ﺍﺟﺖ ﻳﻤﻲ ﺗﺤﺠﻲ ﻧﺼﻮﻓﻪ ﻗﺮﺭﺗﻲ ﻣﻮ
- ﺑﺎﻭﻋﺖ ﻋﻠﻴﻬﺎ ﻭﺳﻮﻳﺖ ﺭﻭﺣﻲ ﻣﺎﻓﻬﻤﺖ ﻋﻠﻴﻬﺎ ﻭﺷﻮﻳﻪ ﺷﻐﻠﺖ ﺍﻟﻐﺒﺎﺀ ﻋﺪﻱ ﺷﻨﻮ ﺷﻘﺮﺭ ﻋﻠﻴﻤﻦ
ﺩﻛﺖ ﻉ ﻛﺼﺘﻬﺎ ﻭﻛﺎﻟﺖ ﺷﺒﻴﺞ ﻟﺞ ﺛﻮﻟﻪ ﻉ ﻧﺼﺮ ﺣﻤﺎﻱ
ﺑﺎﻭﻋﺖ ﻋﻠﻴﻬﺎ ﻭﻛﻠﺘﻠﻬﺎ ﺷﺒﻲ ﺣﻤﺎﺝ
- ﻟﺞ ﺭﺍﺡ ﺍﻛﻮﻣﻠﺞ ﻭﺍﻟﻠﻪ ﺷﻬﻠﻐﺒﺎﺀ ﻫﺬﺍبيج قصص عراقيه حقيقيه من واقعنا.روعه الطائي
- ﻳﺎ ﻏﺒﺎﺀ ﺷﺒﻴﺞ ﻭﺍﻟﻠﻪ ﻣﺪﺍﻓﻬﻢ
- ﺩﻭﻟﻴﻴﻲ ﻏﺎﺳﻠﻪ ﺍﻳﺪﻱ ﻣﻨﺞ ﺍﻧﺘﻲ ﺛﺎﻧﻲ ﻳﻮﻡ ﻳﺮﺟﻌﺞ ﻉ ﺍﻫﻠﻲ ﺍﺫﺍ ﺍﺧﺬﺝ ﻧﺼﺮ ﻏﻴﺮ
ﺣﺠﺘﻬﺎ ﻭﺩﻙ ﺗﻠﻔﻮﻧﻬﺎ ﺭﺩﺕ ﺷﻔﺘﻬﺎ ﺍﻧﺨﻄﻒ ﻟﻮﻧﻬﺎ ﻭﻛﺎﻟﺖ
- ﻟﻴﺶ ﺷﻜﻮﻭﻭ ﻣﺜﻨﻰ ﻳﺎﺍﺍﺍﺍﺍﺍ ﺻﺪﻙ ﺗﺤﺠﻲ ﻳﻼ ﺍﻧﺸﺎﺀﺍﻟﻠﻪ ﻣﺎﺑﻲ ﺷﻲ ﺧﻮﻓﺘﻨﻲ ﻋﺒﺎﻟﻲ ﻧﺼﺮ ﺑﻲ ﺷﻲ ﻳﻼ ﻣﻊ ﺍﻟﺴﻼﻣﻪ ﺍﻟﻠﻪ ﻭﻳﺎﻙ
ﺳﺪﺗﻪ ﻭﺑﺎﻭﻋﺘﻠﻬﺎ ﺍﺟﺖ ﺍﻣﻲ ﻛﺎﻟﺖ ﺷﻜﻮ ﻭﻟﺞ ﺷﺒﻴﺞ
- ﻣﺎﻛﻮ ﻳﻤﻪ ﺑﺲ ﺣﻤﺎﻱ ﻧﺼﺮ
ﺣﺠﺖ ﻫﻴﺞ ﻭﺑﺎﻭﻋﺘﻠﻲ ﺑﺎﻭﻋﺘﻠﻬﺎ ﺷﺒﻴﻬﺎ ﻫﺎﻱ ﺗﺒﺎﻭﻉ ﻋﻠﻴﻪ ﻳﺎﺍ ﺍﻟﻴﺸﻮﻓﻬﺎ ﻳﻜﻮﻝ ﻋﺪﻱ ﻋﻼﻗﻪ ﻭﻳﻪ ﺣﻤﺎﻫﺎ ﺭﺍﻧﻴﺎ ﻣﻮ ﺧﺎﻟﻴﻪ ﺍﺑﺪ ﺣﺠﺖ ﺍﻣﻲ ﻭﻫﻲ ﺧﺎﻳﻔﻪ
- ﺷﻜﻮ ﻭﻟﺞ ﺷﺒﻲ ﺣﻤﺎﺝ
- ﻣﺎﺑﻲ ﺷﻲ ﻳﻤﻪ ﺻﺪﻳﻘﻪ ﻳﺎﻣﻦ ﻣﺴﻮﻱ ﺣﺎﺩﺙ ﻭﻣﻠﺘﻬﻴﻦ ﺑﻲ ﻣﻦ ﺩﻛﻴﺖ ﻋﻠﻲ ﻣﺎﺭﺩ ﻫﺴﻪ ﺧﺎﺑﺮﻧﻲ
- ﺧﻄﻴﻪ ﺍﻟﻠﻪ ﻳﻜﻮﻣﻪ ﺑﺴﻼﻣﻪ
ﺷﻮﻳﻪ ﻭﺍﺟﺖ ﺍﻣﻲ ﻛﺎﻟﺖ ﺍﻧﻲ ﻭﺍﺧﺘﺞ ﻃﺎﻟﻌﻴﻦ ﻋﺪﻧﺎ ﺷﻐﻠﻪ ﻣﺎﻧﻄﻮﻝ ﺩﻳﺮﻱ ﺑﺎﻟﺞ ﻉ ﺑﻨﺎﺕ ﺍﺧﺘﺞ ﻓﺎﻫﻤﻪ ﺣﺠﺖ ﻫﻴﺞ ﻭﻃﻠﻌﺖ ﻫﻲ ﻭﺭﺍﻧﻴﺎ ﻭﺑﻘﻴﺖ ﺍﻧﻲ ﻭﺑﻨﺎﺕ ﺭﺍﻧﻴﺎ ﺑﻠﺒﻴﺖ ……… ﻳﺘﺒﻊ
،،،،،،ﻭﺗﺴﺘﻤﺮ ﺍﻟﺤﻜﺎﻳﻪ ،،،،،،،
ﻗﺮﺍﺋﻪ ﻣﻤﺘﻌﻪ
ﺗﻮﻗﻌﺎﺗﻜﻢ ﻟﻠﺒﺎﺭﺕ ﺍﻟﻘﺎﺩﻡ
ﺗﺼﻮﻳﺖ ﻭﺗﻌﻠﻴﻖ ﺣﺒﺎﻳﺐ ﻛﻠﺒﻲ ﺗﻔﺎﻋﻠﻜﻢ ﻭﻳﻨﻪ ﻳﺎﻫﻞ ﺍﻟﻐﻴﺮﻩ ﻭﻳﻨﻜﻢ ﻣﺨﺘﻔﻴﻦ ﺍﺭﻳﺪﻛﻢ ﺍﻃﻠﻌﻮﻥ ﺍﻓﻜﺎﺭﻛﻢ ﻭﺗﻮﻗﻌﺎﺗﻜﻢ ﺷﻴﺼﻴﺮ ﻫﻬﻬﻬﻪ
# ﻧﻮﺭ ﺍﻟﺸﻤﺮﻱ
# ﻧﻮﺷﻪ