#ﻗﻠﺒﺎﻥ_ﻳﺠﻤﻌﻬﻤﺎ_ﺍﻟﺴﺤﺮ

#ﺍﻟﺒﺎﺭﺕ_ﺍﻟﺨﺎﻣﺲ_ﻭﺍﻟﻌﺸﺮﻭﻥ

ﺑﻘﻠﻤﻲ # ﻧﻮﺭ ﺍﻟﺸﻤﺮﻱ
Noor336
# ﺍﻟﺤﺐ ... ﻋﻨﺎﻕ ...... ﻭﻟﻴﺲ .... ﻓﺮﺍﻕ ....
ﺍﻟﺤﺐ ... ﻫﻨﺎﺀ ..... ﻭﻟﻴﺲ ...... ﻋﻨﺎﺀ ......
ﺍﻟﺤﺐ ... ﺗﻀﺤﻴﺔ .... ﻭﻟﻴﺲ .... ﺗﺴﻠﻴﺔ .....
ﺍﻟﺤﺐ ... ﺍﻫﺘﻤﺎﻡ .... ﻭﻟﻴﺲ .... ﻛﻼﻡ ......
ﺍﻟﺤﺐ .... ﺗﻨﺎﺳﻖ ﺍﻟﺮﻭﺡ ﺑﺎﻟﺮﻭﺡ .... ﻭﻟﻴﺲ ﺍﺳﻰ ﻭﺟﺮﻭﺡ .....
ﺍﻧﺼﺎﻑ : ﺭﺟﻌﺖ ﻟﻠﺒﻴﺖ ﻭﺍﻧﻲ ﻭﺍﺛﻘﻪ ﻣﻦ ﻗﺮﺍﺭ ﺟﻮﺭﻱ ﺍﻟﻲ ﺭﺍﺡ ﺗﺎﺧﺬﻩ ﻻﻥ ﺍﻋﺮﻓﻬﺎ ﻛﻠﺶ ﺯﻳﻦ ﺷﻨﻮ ﺻﺢ ﻣﺎ ﺗﻜﺪﺭ ﺗﺨﺮﺏ ﺣﻴﺎﺓ ﺍﻧﻪ ﻭﺧﺎﺻﻪ ﺍﻧﻲ ﻋﺮﻓﺘﻬﺎ ﺻﺪﻳﻘﺘﻬﺎ ﺑﻠﻤﺪﺭﺳﻪ
ﺑﺲ ﺍﺣﺴﻦ ﻣﻦ ﺗﺰﻭﺝ ﺷﺨﺺ ﺍﺗﻜﺮﻫﻪ ﻭﺍﺿﻠﻤﻪ ﻭﻫﻮ ﻭﺍﺣﺪ ﻣﻠﻌﺐ ﺷﺎﻑ ﻧﻔﺴﻪ ﻣﺎﻳﻜﺪﺭ ﻳﺤﺼﻠﻬﺎ ﺍﺟﻪ ﺧﻄﺒﻬﺎ ﻫﻬﻪ ﻃﺎﻟﻊ ﻉ ﺻﺪﻳﻘﻪ ﺑﺲ ﻳﺠﻮﺯ ﻫﺬﺍ ﺍﺣﺴﻦ ﻻﻥ ﻭﺟﻬﻪ ﻣﺒﻴﻦ
ﻃﺒﻴﺖ ﻟﻠﺒﻴﺖ ﺍﺩﻭﺭ ﻉ ﻋﻤﺎﺭ ﻣﺎﻛﻮ ﺭﺍﻧﻴﺎ ﻧﺎﻳﻤﻪ ﺳﻮﻳﺖ ﺍﻛﻞ ﻟﺒﺎﺟﺮ ﻣﺎﺩﺍﻡ ﻣﺎﻋﺪﻱ ﺷﻲ ﻭﻛﻌﺪﺕ ﺍﺩﺭﺱ ﻭﺍﻧﻲ ﺍﺑﺎﻟﻲ ﻉ ﺍﺑﺮﺍﻫﻴﻢ ﺣﺒﻴﺒﻲ ﺷﻠﻮﻥ ﺍﺑﻘﻪ ﻫﻴﺞ
ﺍﺷﻮﻓﻪ ﺑﻠﺨﺘﻼﺕ ﻭﻳﻮﻡ ﺑﻠﺴﺒﻮﻉ ﻳﺎﻟﻠﻪ ﺭﺣﻤﺘﻚ ﺑﺎﺭﺑﻲ ﻭﺍﻟﻠﻪ ﺻﻌﺐ ﺍﻣﺘﺤﺎﻧﻚ ﻛﻠﺶ ﺻﻌﺐ ﻣﺮﺕ ﻳﻮﻣﻴﻦ ﻭﺍﻧﻲ ﻋﻤﺎﺭ ﻭﺍﺣﺪ ﻳﻨﻀﺮ ﻟﻠﺜﺎﻧﻲ
ﻭﻣﻨﺘﻀﺮﻳﻦ ﺟﻮﺍﺏ ﺟﻮﺭﻱ ﺣﺘﻪ ﻋﻤﺎﺭ ﻳﻔﺎﺗﺢ ﺍﻧﻪ ﺑﻠﻤﻮﺿﻮﻉ ﺍﻛﻴﺪ ﺭﺍﺡ ﻳﻜﺴﺮ ﻛﻠﺒﻬﺎ ﺑﺲ ﺍﺫﺍ ﻫﻲ ﺗﺤﺒﻪ ﺍﻛﻴﺪ ﺗﺮﻳﺪ ﺍﻟﺨﻴﺮ ﺍﻟﻪ ﻭﻣﺎﺭﺍﺡ ﺗﻜﺴﺮ ﻛﻠﺒﻪ ﺑﻠﻴﻞ ﺟﻨﺖ ﻛﺎﻋﺪﻩ ﺍﻭﻛﻞ ﺭﺍﻧﻴﺎ ﻭﺣﺎﻃﻪ ﻛﺘﺎﺑﻲ ﺑﺼﻔﻲ ﺍﻗﺮﻩ ﻭﺍﻭﻛﻞ ﺭﺍﻧﻴﺎ ﺍﻟﻲ ﺗﻠﻌﺐ ﺑﻞ ﺍﻟﻌﺎﺑﻬﺎ
ﺩﻙ ﺗﻠﻔﻮﻧﻲ ﺑﺎﻭﻋﺘﻠﻬﺎ ﺧﺎﻟﻪ ﺍﻡ ﺣﺴﻦ
ﺍﺑﺘﺴﻤﺖ ﺑﻔﺮﺡ ﻭﺭﺩﻳﺖ ﻋﻠﻴﻬﺎ
- ﺍﻟﻮﻭﻭ ﺧﺎﻟﻪ ﺷﻠﻮﻧﺞ
- ﻫﻼ ﺣﺒﻴﺒﻪ ﺍﻟﺤﻤﺪﺍﻟﻠﻪ ﺍﻧﺘﻲ ﺷﻠﻮﻧﺞ ﺍﺧﻮﺗﺞ ﺷﻠﻮﻧﻬﻢ
- ﺍﻟﺤﻤﺪﺍﻟﻠﻪ ﺧﺎﻟﻪ ﻛﻠﻨﺎ ﺯﻳﻨﻴﻦ ﺳﻜﺘﺖ ﺷﻮﻳﻪ ﻭﺑﻌﺪﻫﺎ ﻛﺎﻟﺖ ﻭﻫﻲ ﺧﺠﻼﻧﻪ
- ﺧﺎﻟﻪ ﺷﻮﻓﻲ ﺍﻧﻲ ﻛﺘﻠﻬﺎ ﺍﻟﺠﻮﺭﻱ ﻭﺗﺮﻛﺖ ﺍﻟﺠﻮﺍﺏ ﺍﻟﻬﺎ ﻭﻫﻲ ﺿﻠﺖ ﻳﻮﻣﻴﻦ ﺍﺗﻔﻜﺮ ﺑﻘﺮﺍﺭﻫﺎ ﻭﺍﻟﻠﻪ ﺷﺎﻫﺪ ﻣﺤﺪ ﻣﻨﺎ ﺍﺩﺧﻞ ﻭﺟﺒﺮﻫﺎ ﻉ ﺷﻲ ﻭﻫﻲ ﻗﺒﻞ ﺷﻮﻱ ﺍﺟﺘﻨﻲ ﻭﻛﺎﻟﺖ ﻗﺮﺍﺭﻫﺎ
ﺳﻜﺘﺖ ﻭﺍﻧﻲ ﺳﺎﻛﺘﻪ ﺍﺳﻤﻊ ﺟﻮﺍﺑﻬﺎ ﻭﺍﺑﺘﺴﻢ ﺩﺧﻞ ﻋﻤﺎﺭ ﺿﺤﻜﺖ ﺑﻮﺟﻬﻪ ﻭﻫﻮ ﺭﺩﻟﻲ ﺍﻟﻀﺤﻜﻪ ﻭﻏﻤﺰﻟﻲ ﻭﺭﺍﺡ ﻳﺸﺮﺏ ﻣﻲ ﺳﻤﻌﺖ ﺧﺎﻟﻪ ﺗﺤﺠﻲ ﻭﻳﺎﻱ
- ﻭﻳﺎﻱ ﺍﻧﺘﻲ ﻧﺼﻮﻓﻪ
- ﺍﻱ ﺍﻱ ﺧﺎﻟﻪ ﻭﻳﺎﺝ ﺍﺳﻤﻌﺞ
- ﻳﻤﻪ ﺟﻮﺭﻱ ﺭﺍﺩﺕ ﻳﺎﻣﻦ ﻭﻛﺎﻟﺖ ﺍﻋﺘﺬﺭ ﻣﻨﺞ ﻭﻣﻦ ﻋﻤﺎﺭ ﻻﻥ ﻫﻲ ﺍﺷﻮﻑ ﻋﻤﺎﺭ ﮒ ﺍﺥ ﻓﻘﻂ ﻭﺣﺎﻟﻪ ﺣﺎﻝ ﺣﺴﻦ
ﻣﻦ ﻛﺎﻟﺖ ﻫﻴﺞ ﺣﺴﻴﺖ ﺑﺼﺪﻣﻪ ﻭﻛﻌﺖ ﻋﻠﻴﻪ ﻭﺍﻧﻲ ﺍﺷﻮﻑ ﺍﺧﻮﻳﻪ ﺣﺒﻴﺒﻲ ﻳﺸﺮﺏ ﻣﻲ ﻭﻳﻀﺤﻚ ﻭﻳﺮﻓﻌﻠﻲ ﺣﺎﺟﺒﻪ ﺑﻤﻌﻨﻰ ﺷﻜﻮ ﺷﻨﻮ ﺍﻛﻮﻝ ﺍﻟﻚ ﻳﺎﺧﻮﻱ ﺣﺒﻴﺒﺘﻚ ﺍﻟﻲ ﺟﻨﺖ ﺗﺤﻠﻢ ﺑﻴﻬﺎ ﻣﻦ ﺍﺳﻨﻴﻦ ﺭﻓﻀﺘﻚبيج قصص عراقيه حقيقيه من واقعنا.روعه الطائي
ﻳﺎﻟﻠﻪ ﺷﻨﻮ ﻫﺎﻱ ﻟﻴﺶ ﻫﻴﺞ ﺟﻮﺭﻱ ﻟﻴﺸﺶ ﻭﺍﻧﻲ ﺍﺩﺭﻱ ﺑﻴﺞ ﺷﻜﺪ ﺗﻜﺮﻫﻲ ﻟﻴﺎﻣﻦ ﺣﺴﻴﺖ ﻉ ﺧﺎﻟﻪ ﻭﻫﻲ ﺗﺤﺠﻲ ﻭﻳﺎﻱ
- ﻋﺎﺩﻱ ﺧﺎﻟﻪ ﻣﺎﺻﺎﺭ ﺷﻲ ﻭﺍﻧﻲ ﻛﺘﻠﺞ ﻣﻬﻤﻬﺎ ﻳﻜﻮﻥ ﺍﻟﺠﻮﺍﺏ ﺗﺒﻘﻮﻥ ﺍﻫﻠﻨﺎ ﻭﻫﻲ ﺍﺧﺘﻲ ﻗﺒﻞ ﻻ ﺍﺻﻴﺮ ﺻﺪﻳﻘﺘﻲ ﺳﺪﻳﺘﻪ ﻭﺍﻧﻲ ﺍﺣﺲ ﻛﻠﺒﻲ ﻳﺪﻙ ﺑﺴﺮﻋﻪ
ﺷﻨﻮ ﺭﺍﺡ ﺍﻛﻮﻝ ﺍﻟﻌﻤﺎﺭ ﺷﻨﻮ ﺍﺟﻪ ﻛﻌﺪ ﺑﺼﻔﻲ ﻭﻫﻮ ﻳﻜﻮﻝ
- ﺷﻜﻮ ﺷﺒﻴﺞ ﻣﻨﻮ ﺟﺎﻥ ﻉ ﺍﻟﻔﻮﻥ
ﺳﻜﺘﺖ ﻭﺩﻧﻜﺖ ﻫﻤﺴﺖ ﺧﺎﻟﻪ ﺍﻡ ﺣﺴﻦ ﺍﺑﺘﺴﻢ ﻭﻃﻠﻌﺖ ﺳﻨﻮﻧﻪ ﺍﻱ ﻭﺷﻨﻮ ﺍﻟﺠﻮﺍﺏ
ﺩﻧﻜﺖ ﻭﺍﺩﻣﻮﻋﻲ ﺗﻠﻤﻊ ﺑﻌﻴﻮﻧﻲ ﻭﻫﻤﺴﺖ ﻭﺍﻧﻲ ﺍﻛﻤﺶ ﺍﻳﺪﻩ
- ﺣﺒﻴﺒﻲ ﻋﻤﻮﺭﻱ ﺍﺳﻤﻌﻨﻲ ﻛﻠﺸﻲ ﻗﺴﻤﻪ ﻭﻧﺼﻴﺐ ﻭﺩﺍﺷﻮﻑ ﺍﻧﺖ ﻗﺴﻤﺘﻲ ﺷﻠﻮﻧﻬﺎ ﻭﻗﺴﻤﺖ ﺭﺍﻧﻴﺎ ﻭﻗﺴﻤﺘﻚ ﻭﻳﻪ ﺍﻧﻪ ﻭﺑﺲ ﻳﺎﺧﻮﻱ
- ﺷﻠﻮﻥ ﻣﻔﻬﻤﺖ ﻋﻠﻴﺞ
- ﺩﻧﻜﺖ ﻭﻫﻤﺴﺖ ﺟﻮﺭﻱ ﺭﻓﻀﺘﻚ ﻭﺍﺧﺘﺎﺭﺕ ﻳﺎﻣﻦ ﺻﺪﻳﻖ ﻧﺼﺮ ﻭﻛﺎ
ﺑﻌﺪﻧﻲ ﻣﻤﻜﻤﻠﻪ ﻛﻼﻣﻲ ﺻﺎﺡ
- ﺷﻠﻮﻭﻭﻭﻭﻭﻥ ﺷﻠﻮﻭﻭﻭﻭﻥ ﺗﺮﻓﻀﻨﻴﻲ ﺍﻧﺼﺎﻑ ﻣﺘﺎﻛﺪﻩ ﺍﻛﻴﺪ ﺳﺎﻣﻌﻪ ﻏﻠﻂ ﺧﺎﺑﺮﻱ ﺧﺎﺍﺑﺮﻱ ﺍﺗﺎﻛﺪﻳﻴﻲ ﺳﺎﻣﻌﻪ ﻏﻠﻂ ﺍﻛﻴﺪﺩ ﺍﻧﺘﻲ ﺟﻮﺭﻱ ﺗﺤﺒﻨﻴﻴﻴﻴﻴﻴﻴﻲ ﺗﺤﺒﻨﻴﻴﻲ ﺍﻧﻴﻲ ﺍﻧﻲ ﺷﻠﻮﻥ ﺗﺮﻓﻀﻨﻲ ﺷﻠﻮﻭﻥ
ﺟﺎﻥ ﻋﺼﺒﻲ ﻧﺎﺭ ﻛﺴﺮ ﻛﻠﺸﻲ ﺻﺎﺭ ﻛﺪﺍﻣﻪ ﻭﺟﺮ ﺑﺎﻛﺖ ﺍﻟﺠﻜﺎﻳﺮ ﻭﺳﻮﻳﺠﻪ ﻭﻃﻠﻊ ﺑﺠﻴﺖ ﺑﺠﻴﺖ ﻉ ﺍﺧﻮﻱ ﺍﻟﻲ ﻣﺎﺷﺎﻑ ﺍﻟﺮﺍﺣﻪ ﺑﻴﻮﻡ ﻭﻻ ﺍﺭﺗﺎﺡ ﻭﻻ ﺷﺎﻑ ﺍﻟﺴﻌﺎﺩﻩ ﺍﺑﺪ ﺯﻳﻦ ﺍﺫﺍ ﺗﺤﺒﻚ ﻟﻴﺶ ﺭﻓﻀﺘﻚ ﻳﺎﻟﻠﻪ ﻟﻴﺸﺸﺶ ﺍﺳﻮﻱ ﻫﻴﺞ ﺷﻨﻮ ﻳﺪﻭﺭ ﺑﺒﺎﻟﺞ ﻳﺎ ﺟﻮﺭﻱ ﺷﻨﻮ
ﺑﻘﻴﺖ ﻣﻨﺘﻀﺮﺗﻪ ﻳﺠﻲ ﻭﻣﺎﻛﻮ ﺻﺎﺭﺕ ﺍﻟﺴﺎﻋﻪ 11 ﻭﻧﺺ ﻭﻫﻮ ﻣﺎﻛﻮ ﻏﻔﻴﺖ ﻭﺍﻧﻲ ﺍﻧﺘﻀﺮﻩ ﻭﻣﺎﺩﺭﻱ ﺑﺮﻭﺣﻲ ﻛﻌﺪﺕ ﺍﻟﺼﺒﺢ ﻉ ﺻﻮﺕ ﺑﺎﺏ ﺍﻟﻤﻄﺒﺦ ﻣﻦ ﺗﻨﻔﺘﺢ ﻳﺼﻴﺮ ﺑﻴﻬﺎ ﺻﻮﺕ
ﻛﻌﺪﺕ ﺍﻟﻢ ﺑﺸﻌﺮﻱ ﺍﻟﺼﺎﻳﺮ ﻛﻔﺸﻪ ﻫﻠﻜﺒﺮﻩ ﻋﺒﺎﻟﻚ ﻣﻔﺠﻮﺭﻩ ﺑﻲ ﻗﻨﺒﻠﻪ ﻭﻧﺰﻟﺖ ﺗﺸﻴﺮﺗﻲ ﻭﻛﻤﺖ ﺑﺎﻭﻋﺖ ﻋﻤﺎﺭ ﻃﻠﻊ ﻟﻠﺤﺪﻳﻘﻪ ﺍﻟﻲ ﻭﺭﻩ ﺍﻟﺒﻴﺖ ﻟﺒﺴﺖ ﺟﺎﻛﻴﺘﻲ ﺍﻟﻲ ﺣﺎﻃﺘﻪ ﻭﺭﻩ ﺑﺎﺏ ﺍﻟﻤﻄﺒﺦ ﻻﻥ ﺍﻟﺪﻧﻴﺎ ﺑﺎﺭﺩﻩ ﻭﻟﺤﻜﺘﻪ
ﺍﻟﺴﺎﻋﻪ ﺑـ 6 ﺍﻟﺼﺒﺢ ﺷﻔﺘﻪ ﻳﺪﺧﻦ ﻭﺻﺎﻓﻦ ﻛﻌﺪﺕ ﺑﺼﻔﻪ ﻉ ﺍﻟﻤﺮﺟﻮﺣﻪ ﻭﺣﻄﻴﺖ ﺍﻳﺪﻱ ﻉ ﺭﺟﻠﻪ ﺍﺧﻔﻒ ﻫﻤﻪ ﻣﺠﺮﺑﻪ ﺷﻌﻮﺭﻩ ﻣﺠﺮﺑﺘﻪ ﻛﻠﺶ ﺯﻳﻦ ﻣﻦ ﺍﻟﺸﺨﺺ ﺍﻟﻲ ﻳﺤﺒﻚ ﻳﺮﻓﻀﻚ ﺷﻌﻮﺭ ﺣﻘﻴﺮ ﻭﻗﺎﺳﻲ ﺣﻴﻞ
ﻳﺤﺴﺴﻚ ﺍﻧﺖ ﻭﺍﺣﺪ ﻧﺎﻗﺺ ﻣﻮ ﻛﺎﻣﻞ ﺑﻴﻚ ﺍﻟﻒ ﻋﻴﺐ ﺣﻄﻴﺖ ﺭﺍﺳﻲ ﻉ ﻣﺘﻨﻪ ﻭﺍﻧﻲ ﺍﺧﻔﻒ ﺍﻟﻤﻪ ﻭﻫﻤﺴﺖ
- ﺍﺫﺍ ﺗﺤﺒﻚ ﻣﺜﻞ ﻣﺘﻜﻮﻝ ﺍﻛﻴﺪ ﻋﺪﻫﺎ ﺍﺳﺒﺎﺑﻬﺎ ﺍﺳﻮﻱ ﻫﻴﺞ
- ﻫﻬﻪ ﻛﺎﻋﺪ ﺗﻨﺘﻘﻢ ﻣﻨﻲ ﻻﻥ ﺧﻄﺒﺖ ﻭﻋﻔﺘﻬﺎ ﻭﻫﺴﻪ ﻣﻦ ﺍﺟﻴﺘﻬﺎ ﺳﻮﺕ ﺑﻴﻬﺎ ﻣﺜﻞ ﻣﺴﻮﻳﺖ
- ﻻ ﻋﻤﺎﺭ ﻻ ﺟﻮﺭﻱ ﻣﻮ ﻫﻴﺞ ﻭﺧﺎﺻﻪ ﺍﻟﻲ ﻣﺮﺕ ﺑﻲ ﺑﻬﻞ ﺷﻬﺮﻳﻦ ﻗﺎﺳﻲ ﺣﻴﻞ ﻣﺴﺤﻴﻞ ﺍﺗﻔﻜﺮ ﻫﻴﺞ ﻭﺧﺎﺻﻪ ﻳﺎﻋﻤﺎﺭ ﺍﻧﻪ ﺍﺻﻴﺮ ﺻﺪﻳﻘﺘﻬﺎ
- ﺷﻠﻮﻭﻭﻭﻥ ﺷﻨﻮ ﺻﺪﻳﻘﺘﻬﺎﺍﺍ
- ﺍﻱ ﻣﺘﺪﺭﻱ ﺍﻧﻪ ﻭﺟﻮﺭﻱ ﺻﺪﻳﻘﺎﺕ ﺑﻠﻤﺪﺭﺳﻪ ﻭﻛﻠﺶ ﻗﺮﻳﺒﺎﺕ
- ﻻﺍﺍﺍﺍ ﻳﺎﻟﻠﻪ ﻻﺍﺍﺍﺍﺍﺍﺍ ﻏﺒﻴﻴﻴﻪ ﻏﺒﻴﻴﻪ ﺟﻮﺭﻱ ﻟﺞ ﻫﺎﻱ ﺳﻮﺕ ﻫﻴﺞ ﻋﻠﻤﻮﺩ ﺍﻧﻪ ﺍﺥ ﺭﺑﻲ ﻟﺞ ﻟﻴﺸﺶ ﺛﻮﻟﻪ ﻟﻴﺶ
- ﺍﻫﺪﺀ ﺍﻟﻠﻪ ﻛﺮﻳﻢ ﺟﺎﻥ ﻳﺤﺠﻲ ﻭﻳﻀﺮﺏ ﻉ ﺭﺟﻠﻴﻪ ﻣﺎﻣﻘﺴﻮﻣﻪ ﺍﻟﻚ ﻣﻦ ﺍﻟﺒﺪﺍﻳﻪ ﻋﻴﺶ ﺣﻴﺎﺗﻚ
- ﻻﺍﺍﺍﺍ ﻣﻮ ﻗﺒﻞ ﻻ ﺍﺗﺎﻛﺪ ﻭﺍﺳﻤﻊ ﺭﻓﻀﻬﺎ ﻣﻦ ﻋﺪﻫﺎ ﻫﻲ ﻫﻲ ﺍﺗﻜﻮﻟﻲ ﻣﺎﺭﻳﺪﻙ ﻋﻤﺎﺭ ﺍﺭﻳﺪ ﻳﺎﻣﻦ ﻭﻛﺘﻬﺎ ﺍﻋﻮﻓﻬﺎ ﻭﺍﻋﺮﺱ ﻭﺍﻧﻌﻞ ﺍﺑﻮ ﺍﻟﺤﺐ ﻻ ﺍﻟﻲ ﻳﺤﺐ ﺑﻌﺪ
ﻋﺎﻓﻨﻲ ﻭﺩﺧﻞ ﻭﻣﺒﻴﻦ ﻋﺼﺒﻲ ﺩﺧﻠﺖ ﺍﻧﻲ ﻫﻢ ﺑﺪﻟﺖ ﻣﻼﺑﺴﻲ ﻭﺍﺧﺬﺕ ﻛﺘﺒﻲ ﻭﻃﻠﻌﺖ ﻭﻳﺎﻩ ﻭﺻﻠﻨﻲ ﻉ ﺍﻟﺠﺎﻣﻌﻪ ﻭﺭﺍﺡ
ﻧﺰﻟﺖ ﻭﺭﻛﺒﺖ ﺑﺴﻴﺎﺭﺍﺕ ﺍﻟﻨﻘﻞ ﺫﺑﻨﻲ ﺑﺒﺎﺏ ﺍﻟﻤﻌﻬﺪ ﺩﺧﻠﺖ ﺍﺩﻭﺭ ﻉ ﺣﻨﺎﻥ ﻣﺎﻛﻮ ﻭﻳﻦ ﺭﺍﺣﺖ ﻫﺎﻱ ﺷﻮﻳﻪ ﻭﻃﺒﺖ ﺍﺩﺭﺩﻡ
ﻭﻛﻔﺖ ﺍﻟﻬﺎ ﺷﺒﻴﺞ ﻭﻟﺞ
- ﻻ ﺗﺤﺎﺟﻴﻨﻲ ﻻﺍﺍ ﺍﻧﻔﺠﺮ ﻫﺴﻪ ﻫﺬﺍ ﺷﺸﺎﻳﻒ ﻧﻔﺴﻪ ﻫﺎﺍ
- ﻣﻨﻮ ﻭﻟﺞ ﺷﺒﻴﺞ
- ﻫﺬﺍﺍﺍﺍﺍﺍﺍﺍ ﺍﺑﻮ ﻋﺮﻑ ﺍﻟﺪﻳﺞ ﻣﻜﻨﺎﺳﻪ ﺗﻴﻞ ﻣﺎﻝ ﻋﺎﻣﻮﺩ ﻋﺼﻰ ﻣﺎﻝ ﻣﻄﻴﺮﺟﻲ
- ﻫﻬﻬﻬﻬﻪ ﻫﻢ ﺗﻌﺎﺭﻛﺘﻲ ﻭﻳﺎﻩ
- ﻟﺞ ﺧﻴﻪ ﻧﻔﺰﺯﻧﻴﻴﻲ ﻃﻠﻌﺖ ﺍﺩﻭﺭ ﻋﻠﻴﺞ ﻳﻮﻛﻒ ﻭﺭﺍﻱ ﻭﻳﺼﻮﻓﺮ ﻣﻦ ﺍﺧﺰﺭﻩ ﻳﻀﺤﻚ ﻳﻜﻮﻝ ﻫﺎ ﻣﻨﻮ ﻳﺰﺣﻒ ﻫﺴﻪ
- ﻫﻬﻬﻬﻬﻬﻪ ﺧﺮﺏ ﺑﻴﻮﻣﻪ
- ﺍﻧﺠﺒﻲ ﺍﻧﺘﻲ ﻭﻻ ﺍﺿﺤﻜﻴﻦ ﻟﺞ ﺭﺟﻌﺖ ﻛﺘﻠﻪ ﻫﺬﺍ ﺍﻟﺤﺠﻲ ﺍﻟﻴﻴﻲ ﻳﻮﻛﻒ ﻭﻳﺤﻂ ﺍﺩﻳﻪ ﺑﺠﻴﻮﺑﻪ ﻭﻳﻜﻮﻝ ﻻﺍﺍﺍﺍ ﻟﻠﻐﺮﺍﺏ ﺍﻟﻲ ﺷﻔﺘﻪ ﻫﺴﻪ
ﻏﺮﺍﺏ ﺍﻟﻲ ﻳﻐﺮﺑﻚ ﻳﺎ ﺍﺩﺑﺴﺰﺯﺯ
- ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﺷﻨﻮ ﻳﻐﺮﺑﻚ ﻻﺍﺍ ﻻ ﺗﻜﻮﻟﻴﻠﻲ ﻫﻴﺞ ﻛﺘﻴﻠﻪ ﻫﺴﻪ ﺍﻃﻢ ﺭﻭﺣﻲ
- ﻻﺍﺍﺍﺍ ﺣﺒﻴﺒﺘﻲ ﻫﺎﻱ ﺑﺲ ﻛﺪﺍﻣﺞ ﻛﺘﻠﻪ ﺍﻳﻲ ﺍﺟﻪ ﻳﺪﻭﺭ ﻋﻠﻴﻚ ﻻﻥ ﺻﺎﺣﺒﻚ ﻣﻦ ﻳﻮﻡ ﺍﻟﻲ ﺩﺧﻠﺖ ﺍﻟﺠﺎﻣﻌﻪ ﻭﺍﻟﻐﺮﺑﺎﻥ ﺳﻜﻨﻦ ﺍﻟﺠﺎﻣﻌﻪ
ﻫﻮ ﺻﺎﺭﻥ ﻋﻴﻮﻧﻪ ﺑﻜﺼﺘﻪ ﺑﺎﻭﻋﻠﻲ ﻭﻛﺎﻝ ﺳﻠﻤﻴﻠﻲ ﻉ ﺻﺪﻳﻘﺘﺞ ﻻﻥ ﺍﺣﺴﻦ ﻣﻨﺞ ﻭﺗﺤﺘﺮﺍﻣﻪ ﻟﻠﻤﻘﺎﺑﻞ ﻣﻮ ﻣﺜﻠﺞ
ﻟﺞ ﻫﺬﺍ ﺷﺸﺎﻳﻒ ﻧﻔﺴﻪ
- ﻫﺴﻪ ﺩﻋﻮﻓﻲ ﻳﻤﻌﻮﺩﻩ ﺷﺠﻠﺒﺘﻲ ﺑﻲ ﻫﺴﻪ
ﻣﺮﺕ ﺍﻻﻳﺎﻡ ﺑﻴﻦ ﺍﻟﺪﻭﺍﻡ ﻭﺍﻟﺪﺭﺍﺳﻪ ﻭﻣﺴﺆﻟﻴﺔ ﺍﻟﺒﻴﺖ ﻭﻋﻤﺎﺭ ﺍﻟﻲ ﺻﺎﺭ ﺷﺨﺺ ﺛﺎﻧﻲ ﻋﺼﺒﻲ ﻭﺑﺲ ﻳﺼﻴﺢ ﻉ ﺭﺍﻧﻴﺎ ﻭﻣﺮﻩ ﺭﺍﺩ ﻳﻀﺮﺑﻬﺎ
ﻻﻥ ﺗﻠﺢ ﻫﻮﺍﻱ ﺍﻧﻲ ﻣﺘﺤﻤﻠﺘﻬﺎ ﻻﻥ ﺍﺩﺭﻱ ﻣﺮﻳﻀﻪ ﻭﻫﻮ ﺟﺎﻥ ﻳﺘﺤﻤﻠﻬﺎ ﻻﻥ ﻣﺮﻳﻀﻪ ﺑﺲ ﻫﺴﻪ ﻻ ﻛﺎﻡ ﻳﺼﻴﺢ ﻭﻣﺎ ﻳﺘﺤﻤﻞ ﺍﻗﻞ ﺷﻲ ﺟﻨﺖ ﺍﺭﻭﺡ ﻛﻞ ﺟﻤﻌﻪ ﺍﺷﻮﻑ ﺍﺑﺮﺍﻫﻴﻢ ﻭﺍﺑﻘﻪ ﻭﻳﺎﻩ ﻣﺎﺍﺿﻴﻊ ﺍﻟﺪﻗﻴﻘﻪ ﻭﺣﺪﻩ ﺑﺪﻭﻧﻪ
ﺟﻮﺭﻱ ﻣﺎﺭﺣﺘﻠﻬﺎ ﻭﻻ ﻭﺻﻠﺖ ﺍﻟﻬﺎ ﻻﻥ ﺟﻨﺖ ﺧﺎﻳﻔﻪ ﻉ ﺍﺧﻮﻱ ﻭﻣﺸﺎﻋﺮﻩ ﻭﻣﺎﻋﺮﻓﺖ ﺷﻨﻮ ﺻﺎﺭ ﻣﺎ ﺻﺎﺭ ﻭﻳﺎﻫﺎ ﻭﻫﺎﻱ ﻣﺮ ﺷﻬﺮ ﻛﺎﻣﻞ ﻉ ﺭﻭﺣﺘﻲ ﺍﻟﺒﻴﺖ ﺟﻮﺭﻱ ﻭﺧﻄﻮﺑﺘﻬﺎ ﻭﻣﺎﻛﻮ ﺍﻱ ﺧﺒﺮ ﺟﺪﻳﺪ ﺑﻬﺬﺍ ﺍﻟﺸﻬﺮ
ﻟﺤﺪ ﻣﺎ ﺑﻴﻮﻡ ﺍﻟﺠﻤﻌﻪ ﺟﻨﺖ ﻛﺎﻋﺪﻩ ﺍﻟﻌﺐ ﺍﺑﺮﺍﻫﻴﻢ ﻭﺍﺳﺘﻐﺮﺏ ﻣﻦ ﺍﺟﻴﺖ ﻫﻮ ﻣﻮﺟﻮﺩ ﻭﻣﺒﻴﻦ ﺟﺎﻥ ﺑﺎﻳﺖ ﻋﺪﻫﻢ ﻭﺷﻜﻠﻬﻢ ﻛﻠﻬﻢ ﺿﺎﻳﺠﻴﻦ ﻭﻣﺘﻜﺌﺒﻴﻦ
ﻣﻦ ﺳﺌﻠﺖ ﻫﻤﺴﻪ ﺳﻜﺘﺖ ﻟﺤﻴﺖ ﻫﻮﺍﻱ ﻋﻠﻴﻬﺎ ﻟﺤﺪ ﻣﺎﻛﺎﻟﺖ
- ﺍﻟﺒﺎﺭﺣﻪ ﺟﺎﻥ ﻋﺮﺱ ﻋﻤﻮ ﻧﺼﺮ ﺟﺎﻥ ﺳﻜﺘﻪ ﺑﺲ ﺍﺧﺬﻫﺎ ﻭﻟﻠﻔﻨﺪﻕ ﺭﺍﺡ ﻣﺎﻋﺰﻡ ﺍﺣﺪ ﻛﺎﻝ ﺑﻌﺪﻳﻦ ﺍﺳﻮﻱ ﻏﺪﺍ ﻭﺍﻋﺰﻡ ﺍﻟﻜﻞ ﻭﺑﺎﺑﺎ ﺗﻌﺎﺭﻙ ﻭﻳﺎﻩ ﻭﻋﺮﻛﻪ ﺟﺒﻴﺮﻩ ﺍﺧﺮ ﺷﻲ ﺑﻴﺒﻲ ﺍﺗﺨﺮﺑﻄﺖ ﻭﺍﺿﻄﺮ ﻋﻤﻮ ﻳﺎﺧﺬﻫﺎ ﺑﺴﻜﺘﻪ ﻭﺭﺍﺡ ﻟﻠﻔﻨﺪﻕ
ﻭﻣﺎﻣﺎ ﺟﺎﺑﺖ ﺍﺑﺮﺍﻫﻴﻢ ﻭﻳﺎﻫﺎ ﻭﺍﺟﺖ ﺍﺣﺲ ﺟﺴﻤﻲ ﻛﻠﻪ ﻳﺮﺟﻒ ﻭﺍﻟﺼﺪﻣﻪ ﻣﺎﺩﺍﺳﺘﻮﻋﺒﻬﺎ ﺳﻮﺍﻫﺎ ﺻﺪﻙ ﻭﺍﺯﻭﺝ ﺍﻱ ﻟﻴﺶ ﻻﺍﺍﺍ ﺍﺳﺘﺎﺫ ﻧﺼﺮ ﺍﻟﺪﻳﻦ ﻟﻴﺶ ﻻ ﺑﺲ ﻭﺍﻟﻠﻪ ﻭﺍﻟﻠﻪ ﻣﺎﺧﻠﻴﻚ ﺗﺘﻬﻨﻪ ﻭﻛﻮﻝ ﺍﻧﺼﺎﻑ ﻣﺎﻛﺎﻟﺘﻬﺎ
ﻣﺴﺤﺖ ﺍﻟﺪﻣﻌﻪ ﺭﺍﺳﺎ ﺍﻟﻲ ﺭﺍﺩﺕ ﺍﻃﻴﺢ ﻣﻦ ﻋﻴﻮﻧﻲ ﺍﺑﺘﺴﻤﺖ ﻭﺍﻧﻲ ﺍﻗﻮﻱ ﻧﻔﺴﻲ ﺍﻳﻲ ﺍﻱ ﺑﺴﻴﻄﻪ ﻧﺼﺮ ﺑﺴﻴﻄﻪ ﺍﻧﻲ ﻫﻴﺞ ﺍﺳﻮﻱ ﺑﻴﻪ ﻣﺎﺷﻲ ﺗﺪﻟﻞ
ﺑﻘﻴﺖ ﺍﻟﻌﺐ ﺑﺮﺍﻫﻴﻢ ﻣﻜﺪﺭ ﺍﺳﻜﺖ ﺍﻛﺜﺮ ﺟﺮﻳﺖ ﺗﻠﻔﻮﻧﻲ ﻭﻃﻠﻌﺖ ﺭﻗﻤﻪ ﺟﻨﺖ ﻣﺴﻮﻳﺘﻠﻪ ﺣﻈﺮ
ﻓﺘﺤﺖ ﺍﻟﺤﻈﺮ ﻭﺩﺯﻳﺘﻠﻪ ﺭﺳﺎﻟﻪ ﺍﻛﺘﺐ ﻭﺍﺑﺘﺴﻢ ﻣﺎﺭﻳﺪ ﺍﺑﺠﻲ ﻣﺎﺭﻳﺪ ﺍﺿﻌﻒ ﻣﺎﺭﻳﺪ
💬 ﺍﻟﻒ ﻣﺒﺮﻭﻙ ﺍﺳﺘﺎﺫ ﻧﺼﺮ ﺍﻟﺪﻳﻦ ﺍﻥ ﺷﺎﺀﺍﻟﻠﻪ ﺍﻟﻮﻟﺪ ﺍﻟﺼﺎﻟﺢ ﺑﺲ ﺍﺗﻤﻨﻪ ﺍﺗﻜﻤﻞ ﺑﺎﻗﻲ ﺍﺟﺮﺍﺋﺎﺕ ﺍﻟﻄﻼﻙ ﻭﺍﻃﻠﻜﻨﻲ ﻃﻼﻙ ﻛﺎﻣﻞ ﻻﻥ ﻣﺜﻞ ﻣﺘﻌﺮﻑ ﺍﺭﻳﺪ ﺍﺧﺬ ﺣﺮﻳﺘﻲ ﻣﺜﻞ ﻣﺎ ﺍﻧﺖ ﺍﺧﺪﺕ ﺣﺮﻳﺘﻚ
ﺩﺯﻳﺘﻬﺎ ﻭﺍﻧﻲ ﺍﺑﺘﺴﻢ ﻭﺭﺟﻌﺖ ﺣﻈﺮﺗﻪ ﻭﺍﺭﻳﺪ ﺍﺷﻮﻑ ﺷﻠﻮﻥ ﺭﺍﺡ ﻳﻜﻮﻥ ﺷﻜﻠﻪ ﺑﻘﻴﺖ ﻭﻳﻪ ﺍﺑﺮﺍﻫﻴﻢ ﺍﻟﻌﺐ ﻭﻳﺎﻩ ﻭﺧﺎﻳﻔﻪ ﻋﻠﻴﻪ ﻣﻦ ﻣﺮﺕ ﺍﻻﺏ ﺷﻨﻮ ﺭﺍﺡ ﺍﺳﻮﻱ ﺑﻲ ﻫﺎﻱ ﻳﻤﻪ ﺍﺑﻨﻲ ﺧﺎﻑ ﺍﺿﺮﺑﻪ ﻟﻮ ﺷﻮ ﺷﺴﻮﻱ
ﺍﺧﺬﺕ ﺍﺑﺮﺍﻫﻴﻢ ﻭﻛﻤﺖ ﻟﻜﻮﺛﺮ ﻛﻮﺛﺮ
- ﻫﺎ ﺣﺒﻴﺒﺘﻲ ﺷﻨﻮ
- ﺍﺍﺋﺌﺊ ﺍﺭﻳﺪ ﺍﻛﻮﻟﺞ ﺳﺆﺍﻝ ﻣﻨﻮ ﻫﺎﻱ ﺍﻟﻲ ﺍﺯﻭﺟﻬﺎ ﻧﺼﺮ
ﺣﺴﻴﺘﻬﺎ ﺍﻧﺼﺪﻣﺖ ﻭﺑﺎﻭﻋﺘﻠﻲ
- ﻣﻨﻮ ﻛﺎﻟﺞ ﺍﺯﻭﺝ ﻫﻤﺴﻪ ﻣﻮ ﻟﺠﺠﺞ ﻫﻤﺴﺴﻪ ﻧﻌﺎﺍﻝ ﻉ ﺭﺍﺳﺞ ﻭﻟﺞ ﻭﻳﻨﺠﺠﺞ
- ﻫﺎﻫﺎﻫﺎ ﻳﻮﻡ ﺷﻜﻮ ﻫﺠﺠﺘﻲ ﺍﻟﺠﻮﺍﺭﻳﻦ
- ﺍﻧﺠﺒﻴﻴﻲ ﻟﺞ ﺍﻧﺘﻲ ﻛﺎﻳﻠﻪ ﺍﻻﻧﺼﺎﻑ ﻉ ﻋﻤﺞ ﻣﺰﻭﺝ
- ﻻ ﻛﻮﺛﺮ ﺷﺒﻴﺞ ﻣﻮ ﻫﻲ ﻛﺎﻟﺘﻠﻲ ﻋﺮﻓﺖ ﻣﻦ ﺍﻟﻔﻴﺲ
- ﺷﻠﻮﻥ ﻭﺍﻧﺘﻲ ﺣﺎﻇﺮﺗﻪ
- ﻓﺘﺤﺘﻪ ﻫﺴﻪ ﺍﻧﺘﻲ ﺟﺎﻭﺑﻲ ﻭﻋﻮﻓﻲ ﻫﺬﻩ ﺍﻟﻤﻮﺿﻮﻉ
- ﻣﺎﻋﺮﻑ ﺑﻨﻴﻪ ﺻﻐﻴﺮﻩ ﺑﺲ ﺣﻠﻮﻩ ﺗﻄﻠﻊ ﻋﻤﺮﻫﺎ ﻋﺸﺮﻳﻨﻲ ﻫﻴﺞ 24 ﺍﻭ 25 ﺍﺭﻣﻠﻪ ﻭﻣﺎ ﻋﺪﻫﺎ ﺟﻬﺎﻝ ﺍﺯﻭﺟﺖ ﻣﻦ ﺟﺎﻥ ﻋﻤﺮﻫﺎ 22 ﻭﻭﺭﻩ ﺷﻬﺮ ﻣﻦ ﺯﻭﺍﺟﻬﺎ ﻣﺎﺕ ﺭﺟﻠﻬﺎ ﺣﺴﺐ ﻛﻼﻣﻬﻢ
ﺑﺲ ﻣﺒﻴﻦ ﻣﻦ ﺷﻜﻠﻬﺎ ﻫﺎﺩﺋﻪ ﻭﺣﺒﺎﺑﻪ ﺑﺲ ﻣﺴﻴﻄﺮﻩ ﻳﻌﻨﻲ ﺷﺨﺼﻴﺘﻬﺎ ﻗﻮﻳﻪ
- ﻳﻌﻨﻲ ﺗﻜﻌﺪ ﻭﺯﻥ ﻭﻳﺎﻩ ﻣﻮ ﻫﻬﻬﻪ ﺗﻜﻴﻦ ﻭﺍﻟﺘﻘﻮﻭ
- ﻫﻬﻬﻬﻬﻬﻪ ﺍﻱ ﻭﺍﻟﻠﻪ ﻃﻨﺠﺮﻩ ﻭﻟﻜﺖ ﻏﻄﺎﻫﺎ ﺑﺲ ﻋﻤﺘﻲ ﺧﻄﻴﻪ ﺍﺗﺨﺮﺑﻄﺖ ﻭﻭﻛﻌﺖ ﺑﻠﻤﺴﺘﺸﻔﻰ
- ﺍﻟﻠﻪ ﻳﺸﺎﻓﻴﻬﺎ ﻳﺎﺭﻳﺖ ﺍﻛﺪﺭ ﺍﺯﻭﺭﻫﺎ ﺑﺲ
- ﺍﻟﻠﻪ ﻛﺮﻳﻢ ﻳﻼ ﻳﻼ ﻛﻮﻣﻲ ﺷﻮﻓﻲ ﺍﺑﻨﺞ ﻳﺒﺠﻲ ﺷﺒﻲ
- ﺍﻱ ﻫﻬﻬﻬﻬﻪ ﺑﻘﻴﺖ ﻛﺎﻋﺪﻩ ﺻﺎﻓﻨﻪ ﻣﺎﻋﺮﻑ ﺷﺒﻴﻪ ﺍﻛﻮ ﺍﺣﺴﺎﺱ ﺑﺪﺍﺧﻠﻲ ﺻﺢ ﻛﺮﻫﺘﻪ ﺍﻟﻨﺼﺮ ﻭﻃﻠﻌﺘﻪ ﻣﻦ ﻛﻠﺒﻲ ﺑﺲ ﺍﺑﻘﻪ ﻟﺤﺪ ﺍﻻﻥ ﻣﺮﺗﻪ ﺷﺮﻋﺎ ﻭﻫﺬﻩ ﺍﻟﺸﻲ ﺍﺫﺍﻧﻲ ﻻﻥ ﻧﺰﻝ ﻋﻠﻴﻪ ﺿﺮﻩ ﻗﺒﻞ ﻻ ﻳﻄﻠﻜﻨﻲ ﻭﺣﺴﺴﻨﻲ ﺑﻨﻘﺺ ﺷﻜﺪ ﺍﻧﺖ ﺍﻧﺎﻧﻲ ﻳﺎ ﻧﺼﺮ ﺷﻜﺪ ﺍﻧﺎﻧﻴﻴﻲ ﻭﺣﻘﻴﺮ ﻫﻢ
ﻏﻤﻀﺖ ﻋﻴﻮﻧﻲ ﻭﺍﻧﻲ ﺍﺣﺲ ﺭﻭﺣﻲ ﺭﺍﺡ ﺍﻧﻔﺠﺮ ﺷﻨﻮ ﺍﺩﻋﻲ ﻭﺍﻟﻲ ﻭﺭﻩ ﻫﺎﻱ ﺍﻟﺴﺎﻟﻔﻪ ﺍﺧﺬﻥ ﺟﺰﺍﺗﻬﻦ ﻭﺍﻟﻠﻪ ﻋﺎﻗﺒﻬﻦ ﺳﻜﺘﺖ ﺍﻟﻌﺐ ﺑﺮﻫﻮﻣﻲ ﻭ ﺍﻧﺘﺒﻬﺖ ﻋﻴﺪ ﻣﻴﻼﺩ ﺍﺑﺮﺍﻫﻴﻢ ﺑﻌﺪﻟﻬﺎ ﺍﺳﺒﻮﻋﻴﻦ
ﻭﻳﺼﻴﺮ ﻋﻤﺮﻩ ﺳﻨﻪ ﺣﺒﻴﺒﻲ ﻻﺯﻡ ﺍﺣﻀﺮﻱ ﺷﻲ ﺍﻧﺘﺒﻬﺖ ﻉ ﺍﻟﺘﺎﺭﻳﺦ ﻳﺼﺎﺩﻑ ﻳﻮﻡ ﺳﺒﺖ ﺍﻱ ﺍﻟﺠﻤﻌﻪ ﺍﺳﻮﻳﻠﻪ ﺣﻔﻠﻪ ﺣﺒﻴﺒﻲ ﻭﻳﺼﻴﺮ ﻋﻤﺮﻩ ﺳﻨﻪ ﺣﺒﻴﺐ ﺍﻣﻚ
ﺭﺟﻌﺖ ﻟﻠﺒﻴﺖ ﻭﺍﻧﻲ ﺑﺪﺍﺧﻠﻲ ﺍﻧﻜﺴﺎﺭ ﺻﻌﺐ ﻫﺬﺍ ﺍﻟﺸﻌﻮﺭ ﺣﻴﻞ ﺻﻌﺐ ﻛﻤﺖ ﺍﻓﺘﺢ ﺍﻟﺼﻔﺤﻪ ﻣﺎﻟﺘﻲ ﺍﻟﺜﺎﻧﻴﻪ ﺍﻟﻲ ﺳﻮﻳﺘﻬﺎ ﺍﺭﺍﻗﺐ ﺑﻴﻬﺎ ﻧﺼﺮ
ﻣﺮ ﺍﺳﺒﻮﻉ ﻭﺍﻧﻲ ﻉ ﻫﺬﻩ ﺍﻟﺤﺎﻟﻪ ﻭﻛﻞ ﻳﻮﻡ ﺍﺩﺧﻞ ﻟﺤﺴﺎﺑﻪ ﻭﻋﻠﻤﻮﺩ ﺍﺷﻮﻑ ﺷﺒﻲ ﻣﺎﺑﻲ ﻟﺤﺪ ﻣﺎ ﺍﺟﺎﻧﻲ ﺭﺳﺎﻟﻪ ﻣﻦ ﻋﺪﻩ ﻃﻔﺮﺕ ﻭﺍﻧﻲ ﺧﺎﻳﻔﻪ ﻳﻤﻪ ﻫﺬﻩ ﺍﻟﺮﺳﺎﻟﻪ ﻣﻨﻪ ﻣﻨﻴﻦ ﻳﻌﺮﻓﻨﻲ ﻫﺬﺍﺍﺍﺍﺍﺍﺍﺍﺍ
ﻋﺰﺍﺍﺍﺍ ﻭﺍﻟﺼﻔﺤﻪ ﻣﺴﻮﻳﺘﻬﺎ ﺑﺎﺳﻢ ﻭﻟﺪ ﺍﺧﺬﺕ ﻧﻔﺲ ﻭﻃﺒﻴﺖ ﻉ ﺍﻟﺮﺳﺎﻟﻪ ﻣﺎﻟﺘﻪ ﺷﻔﺘﻪ ﺩﺍﺯ ﻋﻼﻣﺔ ﺍﺳﺘﻔﻬﺎﻡ
ﻋﻔﺘﻪ ﻭﻣﺎﺟﺎﻭﺑﺖ ﻋﻠﻴﻪ ﺭﺩﺕ ﺍﻃﻠﻊ ﻣﻦ ﺍﻟﺤﺴﺎﺏ ﺑﺲ ﺭﺟﻊ ﺩﺯ ﺭﺳﺎﻟﻪ
💬 ﻣﻨﻮ ﺣﻈﺮﺗﻚ ﻣﻤﻜﻦ ﺍﻋﺮﻑ
ﻋﺰﺍﺍﺍ ﺻﺨﺎﻡ ﺷﻜﻮﻝ ﻫﺴﻪ ﺍﺷﺠﻌﺖ ﺣﺘﻪ ﻣﺎﺍﺧﻠﻲ ﻳﺸﻚ ﺑﻴﻪ ﻭﺭﺟﻌﺖ ﺩﺯﻳﺖ ﺍﻟﻪ
💬 ﻧﻌﻢ ﻣﻔﻬﻤﺖ ﺍﻛﻮ ﺷﻲ
💬 ﻫﻬﻬﻬﻬﻬﻬﻪ ﻫﻮ ﺍﻧﻲ ﻟﻮ ﺍﻧﺖ ﻣﻨﻮ ﺣﻈﺮﺗﻚ ﻻ ﺻﺪﻳﻖ ﻋﺪﻱ ﻭﻻ ﺍﻋﺮﻓﻚ ﻭﻻ ﺗﻌﺮﻓﻨﻲ ﻉ ﻣﺎ ﺍﻋﺘﻘﺪ ﻭﺗﻄﻲ ﺍﻋﺠﺎﺏ ﻉ ﺻﻮﺭﺗﻲ ﺷﻨﻮ ﻳﺴﻤﻮﻫﺎ ﻫﺎﻱ
ﻳﻤﻪ ﺍﺣﺲ ﺭﻭﺣﻲ ﺻﺨﻨﺖ ﺻﺎﻟﻲ ﺷﻜﺪ ﻣﺎﺣﺎﺟﻴﻪ ﻭﻳﺎﻩ ﺍﺣﺲ ﻛﻠﺒﻲ ﺭﺟﻊ ﻳﺪﻙ ﻣﻦ ﺟﺪﻳﺪ ﺿﺮﺑﺘﻪ ﺣﻴﻞ ﻟﻘﻠﺒﻲ ﻭﺍﻧﻲ ﺍﺳﺐ ﻭﺍﻏﻠﻂ ﺑﻨﻔﺴﻲ ﻭﺭﺟﻌﺖ ﻛﺘﺒﺘﻠﻪ ﺭﺳﺎﻟﻪ
💬 ﻫﺎﺍ ﺍﻋﺘﺬﺭ ﻣﻨﻚ ﺑﺲ ﻃﻠﻌﺘﻠﻲ ﻣﻦ ﺿﻤﻦ ﻃﻠﺒﺎﺕ ﺍﻟﺼﺪﺍﻗﻪ ﻭﺷﻔﺖ ﻭﺍﺣﺪ ﻣﻦ ﺍﺻﺪﻗﺎﺋﻲ ﺻﺪﻳﻘﻚ ﻭﺣﺒﻴﺖ ﺍﻋﺮﻓﻚ ﻣﻨﻮ ﻳﺠﻮﺯ ﺍﻋﺮﻓﻚ ﻭﺑﻠﻐﻠﻂ ﺍﻧﺪﺯ ﺍﻻﻋﺠﺎﺏ
💬 ﻫﻬﻬﻪ ﻣﺎﺻﺎﺭ ﺷﻲ ﺑﺲ ﻧﺼﻴﺤﻪ ﻣﺮﺓ ﺍﻟﺜﺎﻧﻴﻪ ﻣﻦ ﺍﺗﻜﺬﺏ ﻛﺬﺏ ﻛﺬﺑﻪ ﺑﻴﻬﺎ ﺧﻴﺮ ﻻﻥ ﻣﺎﻋﺪﻙ ﺍﺻﺪﻗﺎﺀ ﻭﺻﻔﺤﺘﻚ ﺟﺪﻳﺪﻩ
ﻣﻦ ﺷﻔﺖ ﺭﺳﺎﻟﺘﻪ ﻫﺎﻱ ﺍﺣﺴﺲ ﻧﻔﺴﻲ ﻣﺴﻮﻳﻪ ﺷﻲ ﻏﻠﻂ ﻏﻤﻴﺖ ﺭﻭﺣﻲ ﺧﺮﺏ ﺧﺮﺏ ﻉ ﺍﻟﻐﺸﻠﻪ ﺍﻛﻴﺪ ﺷﻚ ﺑﻴﻪ ﺍﻛﻴﺪﺩﺩ ﺣﺬﻓﺖ ﺍﻟﻀﻔﺤﻪ ﻧﻬﺎﺋﻴﻪ ﺍﻫﻤﺪﺍﺝ ﺍﻫﻤﺪﺍﺍﺝ
ﺍﻟﺼﺒﺢ ﻉ ﺍﻟﻴﻮﻙ ﻛﺎﻝ ﻋﻤﺎﺭ ﺍﻧﺼﺎﻑ ﺣﻀﺮﻱ ﺭﻭﺣﺞ ﺑﻌﺪ ﺷﻬﺮﻳﻦ ﺍﻟﻌﺮﺱ ﻣﺎﻟﺘﻲ ﺍﻧﻲ ﻭﺍﻧﻪ
ﻣﻦ ﻛﺎﻝ ﻫﻴﺞ ﺭﻓﻌﺖ ﺭﺍﺳﻲ ﻣﺴﺘﻐﺮﺑﻪ ﻣﺎﻣﺎ ﻣﺎﺻﺎﻟﻬﺎﺍ ﻫﻮﺍﻱ ﻣﻦ ﺍﺗﻮﻓﺖ ﻭﻫﻮ ﺭﺍﺡ ﻳﺰﻭﺝ ﻗﺒﻞ ﻻ ﺗﻄﻠﻊ ﺩﻭﺭﺓ ﺍﻟﺴﻨﻪ ﻣﺎﻟﺘﻬﺎ ﻟﻴﺶ ﻫﻴﺞ ﺍﺳﻮﻱ ﻳﺎﻋﻤﺎﺭ ﻟﻴﺶ
ﺳﻜﺘﺖ ﻭﻣﺎﺍﻃﻴﺖ ﺍﻱ ﺍﺟﺎﺑﻪ ﻃﻠﻌﺖ ﻭﺭﺣﺖ ﻟﻠﻤﻌﻬﺪ ﻭﻣﺜﻞ ﻛﻞ ﻳﻮﻡ ﻣﺎﺗﺨﻠﺺ ﻧﻜﺮﺍﺕ ﺣﻨﺎﻥ ﻭﻫﺬﺍ ﺍﻟﻮﻟﺪ ﻛﺮﺍﺭ ﺍﻟﻲ ﻛﺎﻡ ﻛﻞ ﻣﺎﻳﺸﻮﻓﻨﺎ ﻳﺠﻲ ﻳﺴﻠﻢ ﻋﻠﻴﻪ ﻭﻳﺒﻘﻪ ﻳﺬﺏ ﻛﻠﻤﺎﺕ ﺍﻟﺤﻨﺎﻥ ﻭﻫﺎﻱ ﺗﺘﺨﺒﻞ
ﻭﺍﻧﻲ ﺍﺿﺤﻚ ﻋﻠﻴﻬﻢ ﺟﺎﻥ ﻛﻞ ﻣﻴﺸﻮﻓﻨﻲ ﻳﺮﻓﻊ ﺍﻳﺪﻩ ﻭﻳﺤﻄﻬﺎ ﻉ ﺻﺪﺭﻩ ﺑﺤﺮﻛﺔ ﺍﻟﺴﻼﻡ ﻭﺍﻧﻲ ﺍﺿﺤﻚ ﻣﻦ ﻳﺴﻮﻱ ﻫﻴﺞ ﻭﺍﺭﺩﻟﻪ ﺍﻟﺴﻼﻡ ﻭﻣﻦ ﻳﺸﻮﻑ ﺣﻨﺎﻥ ﻳﻬﺰ ﺍﻳﺪﻩ ﺑﺴﺘﻬﺰﺍﺀ ﻭﻳﻀﺤﻚ ﻭﻫﺎﻱ ﺗﺘﺨﺒﻞ ﻣﻦ ﺗﺼﺮﻓﺎﺗﻪ
ﻃﻠﻌﺖ ﺍﺷﺘﺮﻱ ﻫﺪﻳﻪ ﻻﺑﺮﺍﻫﻴﻢ ﺑﻤﻨﺎﺳﺒﺔ ﻋﻴﺪ ﻣﻴﻼﺩﻩ ﻣﺎﻋﺮﻓﺖ ﺷﻨﻮ ﺍﺧﺬ ﺍﻟﻪ ﻻﻥ ﺍﺻﻼ ﻣﺎﻋﺮﻑ ﺷﻨﻮ ﻋﺪﻩ ﻭﺷﻨﻮ ﻣﺎﻋﺪﻩ ﺑﺲ ﺟﺬﺑﺘﻨﻲ ﺳﻴﺎﺭﻩ ﺟﺒﻴﺮﻩ
ﻳﺮﻛﺒﻮﻥ ﺑﻴﻬﺎ ﺍﻻﻃﻔﺎﻝ ﻭﻳﻤﺸﻮﻥ ﺑﻴﻬﺎ ﺣﺒﻴﺖ ﺍﺷﺘﺮﻳﻬﺎ ﺍﻟﻪ ﺑﺲ ﺻﺪﻣﺘﻨﻲ ﺳﻌﺮﻫﺎ ﺏ 70 ﺍﻟﻒ ﺷﻨﻮﻭﻭ ﺷﻤﺸﺘﺮﻳﻪ ﺍﻧﻲ ﻫﻲ ﺷﻬﺮﻳﺘﻲ 100 ﺍﻟﻒ
ﺑﺲ ﻟﻌﻴﻮﻥ ﺍﺑﺮﺍﻫﻴﻢ ﻛﻠﺸﻲ ﻳﻬﻮﻥ ﺍﺷﺘﺮﻳﺘﻬﺎ ﺍﻟﻪ ﻭﺧﻠﻴﺖ 30 ﺷﻬﺮﻳﻪ ﺍﻟﻲ ﻻﻥ ﻋﻤﺎﺭ ﻣﻦ ﻳﺴﺘﻠﻢ ﺭﺍﺗﺒﻪ ﻳﻄﻴﻨﻲ 100 ﺍﺑﻘﻪ ﺑﻴﻬﺎ ﺷﻬﺮ
ﺍﺷﺘﺮﻳﺘﻬﺎ ﻭﺭﺟﻌﺖ ﻟﻠﺒﻴﺖ ﻭﻣﻦ ﺷﺎﻓﺘﻬﺎ ﺭﺍﻧﻴﺎ ﺍﻟﻪ ﺗﺎﺧﺬﻫﺎ ﻭﺍﻧﻲ ﻭﻳﺎﻫﺎ ﻣﻌﺎﺭﻙ ﺍﺧﺮ ﺷﻲ ﺯﻋﻠﺖ ﻭﻃﻠﻌﺖ ﺭﺍﺡ ﺗﺨﺒﻠﻨﻲ ﻫﻠﺒﻨﻴﻪ ﻭﻛﻞ ﻣﺎ ﻧﺎﺧﺬﻫﺎ ﻟﻠﺪﻛﺘﻮﺭ ﻳﻄﻴﻨﺎ ﻋﻼﺝ ﻭﻧﻔﺲ ﺍﻟﺸﻲ ﻣﺎﻛﻮ ﺟﺪﻳﺪ
ﻟﺤﺪ ﻣﺎ ﺍﻟﺠﻤﻌﻪ ﺍﺧﺬﺕ ﺍﻟﺴﻴﺎﺭﻩ ﻭﺭﺍﻧﻴﺎ ﺟﺎﻧﺖ ﺯﻋﻼﻧﻪ ﻭﺗﺒﺎﻭﻋﻠﻲ ﺑﺨﺰﺭﻩ ﺍﻟﻲ ﻭﺍﻟﺴﻴﺎﺭﻩ ﻭﺍﻧﻲ ﺍﺿﺤﻚ ﺍﺧﺬﻧﻲ ﻋﻤﺎﺭ ﻭﻃﻠﻌﻨﺎ ﻟﺒﻐﺪﺍﺩ
ﺍﻭﻝ ﻣﺎ ﻭﺻﻠﺖ ﺍﺗﻠﻜﺘﻨﻲ ﻛﻮﺛﺮ ﺑﻮﺳﺘﻬﺎ ﻭﺑﻘﻴﺖ ﺍﻧﺘﻀﺮ ﻓﻮﻙ ﺍﻟﺴﺎﻋﻪ ﻭﺍﺑﺮﺍﻫﻴﻢ ﻣﺎﻛﻮ ﺑﺎﻭﻋﺖ ﻉ ﻛﻮﺛﺮ ﻭﺳﺌﻠﺘﻬﺎ
- ﻛﻮﺛﺮ ﻟﻌﺪ ﻭﻳﻦ ﺍﺑﺮﺍﻫﻴﻢ
- ﻭﺍﻟﻠﻪ ﻣﺎﺩﺭﻱ ﺧﻞ ﺍﺧﻠﻲ ﻫﻤﺴﻪ ﺗﺨﺎﺑﺮﻩ ﻭﺍﺷﻮﻓﻪ ﻭﻳﻦ
ﺍﺧﺬﺕ ﻫﻤﺴﻪ ﺗﻠﻔﻮﻥ ﺍﻣﻬﺎ ﻭ ﺩﻛﺖ ﻋﻠﻴﻪ ﺭﺩ ﻭﻫﻲ ﺑﻘﺖ ﺗﺤﺠﻲ ﻭﻳﺎﻩ ﻭﺗﺒﺎﻭﻋﻠﻲ ﻫﺰﺕ ﺭﺍﺳﻬﺎ ﻭﻛﺎﻟﺖ ﻣﺎﺷﻲ ﻋﻤﻮ ﺑﺮﺍﺣﺘﻚ
ﺑﺎﻭﻋﺘﻠﻬﺎ ﻭﺍﻧﻲ ﺍﻫﻤﺲ ﺷﻜﻮﻭﻭ ﻟﻴﺶ ﻣﺎﺟﺎﺑﻪ
- ﻃﺎﻟﻌﻴﻦ ﺳﻔﺮﻩ ﻫﻮ ﻭﻋﻤﻮ ﻣﺜﻨﻰ ﻭﻋﺎﺋﻠﺘﻪ ﻭﻣﺮﺗﻪ ﻟﻌﻤﻮ ﻧﺼﺮ ﻭﻣﺎﺧﺬﻳﻨﻪ ﻭﻳﺎﻫﻢ
ﺣﺴﻴﺖ ﺭﻭﺣﻲ ﻃﻠﻌﺖ ﻭﺍﻟﺪﻣﻮﻉ ﻧﺰﻟﺖ ﺑﻌﻴﻨﻲ ﺍﺑﻨﻲ ﺑﻴﻮﻡ ﻋﻴﺪ ﻣﻴﻼﺩﻩ ﻣﺎﻛﺪﺭ ﺍﺷﻮﻓﻪ ﻣﺴﺤﺖ ﺩﻣﻮﻋﻲ ﻭﻋﻔﺖ ﺍﻟﺴﻴﺎﺭﻩ ﻋﺪﻫﻢ ﻭﻭﺻﻴﺖ ﻛﻮﺛﺮ ﺗﻄﻴﻬﻴﺎ ﻣﻦ ﻳﺠﻲ ﻭﺧﺎﺑﺮﺕ ﻋﻤﺎﺭ ﻳﺠﻲ ﻋﻠﻴﻪ
ﻭﺭﺟﻌﺖ ﻟﻠﺒﻴﺖ ﺷﺒﻌﺖ ﺑﺠﻲ ﻟﻴﺶ ﻫﻴﺞ ﺣﻈﻲ ﻟﻴﺶ ﻣﺎﺍﻛﺪﺭ ﺍﻓﺮﺡ ﻭﻻ ﺍﻛﺪﺭ ﺍﻋﻴﺶ ﻣﺮﺗﺎﺣﻪ ﻟﻴﺸﺶ ﻣﻜﺘﻮﺑﻠﻲ ﺍﻟﺤﺰﻥ ﺍﺣﺘﺎﺟﻴﺖ ﺟﻮﺭﻱ ﺻﺎﻟﻲ ﺷﻬﺮ ﻣﺎ ﺷﺎﻳﻔﺘﻬﺎ
ﺍﻭﻝ ﻣﺎﻭﺻﻠﻨﺎ ﺭﺣﺘﻠﻬﺎ ﻣﻦ ﻓﺘﺤﺖ ﺍﻟﺒﺎﺏ ﺧﺎﻟﻪ ﺍﻡ ﺣﺴﻦ ﺳﻠﻤﺖ ﻋﻠﻴﻬﺎ ﻭﻫﻲ ﺿﻠﺖ ﺗﺤﺠﻲ ﻟﻴﺶ ﻗﻄﻌﺘﻲ ﻭﻟﻴﺶ ﺑﻌﺪ ﻣﺎﺗﺠﻮﻥ ﻭﻫﻴﺞ ﺯﻋﻠﺘﻴﻨﻲ ﺍﻧﻲ ﺑﻴﺎ ﺣﺎﻝ ﻭﻫﻲ ﺑﻴﺎ ﺣﺎﻝ ﻛﻮﻩ ﺍﻓﺘﻜﻴﺖ ﻣﻨﻬﺎ ﻭﺩﺧﻠﺖ ﺍﻟﺠﻮﺭﻱ ﺟﺎﻧﺖ ﻛﺎﻋﺪﻩ ﺑﺠﺮﺑﺎﻳﺘﻪ ﻭﺣﺎﻃﻪ ﻛﺘﺒﻬﺎ ﺑﺤﻀﻨﻬﺎ ﻣﻦ ﺷﺎﻓﺘﻨﻲ
ﺑﺠﺖ ﻭﺍﻧﻲ ﻫﻢ ﺑﺠﻴﺖ ﺷﻤﺮﺕ ﺭﻭﺣﻲ ﺑﺤﻈﻨﻬﺎ ﻭﻫﻲ ﺑﺎﺩﻟﺘﻨﻲ ﺍﻟﺤﻈﻦ ﻭﺑﻘﻴﻨﺎ ﻧﺒﺠﻲ ﻟﺤﺪ ﻣﺎ ﺳﻜﺘﻨﺎ ﺍﻧﺘﺒﻬﺖ ﻋﻠﻴﻬﺎ ﺣﺎﻟﺘﻬﺎ ﻣﻮ ﺍﺣﺴﻦ ﻣﻦ ﺣﺎﻟﺘﻲ ﺿﻌﻔﺎﻧﻪ ﻭﺟﻮﻩ ﻋﻴﻮﻧﻬﺎ ﺍﺳﻮﺩ ﻭﻣﺒﻴﻦ ﻋﻠﻴﻬﺎ ﺍﻟﺘﻌﺐ ﻭﺍﻟﻘﻬﺮ
ﺍﻧﺘﺒﻬﺖ ﺍﻛﻮ ﺣﻠﻘﻪ ﺑﻴﺪﻫﺎ ﺍﻟﻠﻪ ﻳﺴﻌﺪﻫﺎ ﻣﺎ ﻣﻘﺴﻮﻣﻪ ﺍﻻﺧﻮﻱ ﺑﺲ ﺧﺎﻳﻔﻪ ﻻ ﺗﺘﻨﺪﻡ ﺑﻌﺪﻳﻦ ﻉ ﻗﺮﺍﺭﻫﺎ ﻻﻥ ﻳﺎﻣﻦ ﻣﺎ ﻳﻨﻮﺛﻖ ﺑﻲ ﺍﺑﺪ
ﻛﻌﺪﺕ ﺍﺣﺠﻲ ﻭﻳﺎﻫﺎ ﻭﺳﻮﻟﻔﺘﻠﻬﺎ ﻛﻠﺸﻲ ﻭﺍﺣﺠﻲ ﻭﺍﺑﺠﻲ ﻣﺤﺘﺎﺟﻪ ﺍﻓﺮﻍ ﻫﻤﻮﻣﻲ ﻭﻣﺎﻛﻮ ﺍﺣﺪ ﻳﺴﻤﻌﻨﻲ ﻏﻴﺮﻫﺎ ﻟﺠﻮﺭﻱ ﻭﻣﺎﻛﻮ ﻭﺍﺣﺪ ﺛﺎﻧﻲ ﻳﻨﺼﺤﻨﻲ ﻏﻴﺮﻫﺎ
ﻛﻤﺸﺖ ﺍﻳﺪﻱ ﻭﻛﺎﻟﺖ
- ﻻ ﺍﺿﻠﻴﻦ ﻫﻴﺞ ﺿﻌﻴﻔﻪ ﺧﻠﻲ ﻋﻤﺎﺭ
ﺍﻧﺘﺒﻬﺖ ﻋﻠﻴﻬﺎ ﻛﺎﻟﺖ ﺍﺳﻤﻪ ﻭﺳﻜﺘﺖ ﻭﺍﻟﺪﻣﻮﻉ ﻟﻤﻌﺖ ﺑﻌﻴﻨﻬﺎ ﻋﺮﻓﺘﻬﺎ ﺗﺤﺒﻪ ﺑﺲ ﺧﻞ ﺍﻓﺮﻍ ﻭﺍﻋﺮﻑ ﻟﻴﺶ ﻫﻴﺞ ﺳﻮﺕ
- ﺍﺣﻢ ﺍﻱ ﻛﻮﻟﻲ ﺧﻞ ﻳﺮﻭﺡ ﺍﻟﻨﺼﺮ ﻭﻳﻄﻠﻜﺞ ﻛﺎﻓﻲ ﺿﺎﻟﻪ ﻫﻴﺞ ﻻ ﺍﻧﺘﻲ ﺑﻠﻜﺎﻉ ﻭﻻ ﺍﻧﺘﻲ ﺑﺴﻤﻪ ﺍﻟﻰ ﻳﻤﺘﻪ ﺗﺒﻘﻴﻦ ﻫﻴﺞ ﺿﻌﻴﻔﻪ ﻛﺎﻓﻴﻲ ﻗﻮﻱ ﺭﻭﺣﺞ ﻭﺍﺑﻨﻲ ﺫﺍﺗﺞ
ﻭﺍﻧﺴﻲ ﺷﻲ ﺍﺳﻤﻪ ﻧﺼﺮ ﺷﻲ ﻣﻦ ﺍﻟﻤﺎﺿﻲ ﺭﺍﺡ ﻭﺍﻧﺴﻲ ﻭﺍﻧﺘﻲ ﻫﺴﻪ ﺑﺖ ﺍﻟﻴﻮﻡ ﻫﺰﻳﺖ ﺭﺍﺳﻲ ﺍﻟﻬﺎ ﻭﺍﻧﻲ ﺍﺳﻤﻊ ﻛﻼﻣﻬﺎ ﺭﺟﻌﺖ ﻛﻤﻠﺖ ﻛﻼﻣﻬﺎ ﻭﻫﻲ ﺗﻜﺢ ﺍﺳﺘﻐﺮﺑﺖ ﻛﺤﺘﻬﺎ ﻛﻠﺶ ﻗﻮﻳﻪ ﻣﻦ ﺳﺌﻼﻫﺎ ﻛﺎﻟﺖ ﻣﻨﺸﻮﻟﻪ ﻭﺻﺪﻙ ﻣﺒﻴﻦ ﻋﻠﻴﻪ ﺧﺸﻤﻬﺎ ﺍﺣﻤﺮ ﻛﻤﻠﺖ ﻛﻼﻣﻬﺎ ﻭﻫﻲ ﺗﺒﺎﻭﻋﻠﻲ
- ﺷﻮﻓﻲ ﺍﻧﺼﺎﻑ ﺍﻧﺘﻲ ﺻﺢ ﺣﺒﻴﺘﻲ ﺑﺲ ﻻ ﺗﻀﻌﻔﻴﻦ ﻛﺪﺍﻣﻪ ﺧﻠﻴﺞ ﻗﻮﻳﻪ ﻭﺍﺻﻼ ﻻ ﺍﺷﻮﻓﻲ ﻭﺟﻬﺞ ﺍﺑﺪ ﻭﺍﺑﻨﻲ ﺫﺍﺗﺞ ﻭﺧﻞ ﻳﻜﻮﻥ ﻫﻮ ﺍﻟﺨﺴﺮﺍﻥ ﻭﺍﻛﺺ ﺍﻳﺪﻱ ﺍﺫﺍ ﻣﺎ ﺍﺗﻨﺪﻡ ﺑﻌﺪﻳﻦ ﺑﺲ ﺍﻧﺘﻲ ﺧﻠﺼﻲ ﻣﻨﻪبيج قصص عراقيه حقيقيه من واقعنا.روعه الطائي
ﻫﺰﻳﺖ ﺭﺍﺳﻲ ﺍﻱ ﺑﺲ ﻋﻤﺎﺭ ﻋﺼﺒﻲ ﻭﻫﺬﺍﻙ ﻋﺼﺒﻲ ﺍﺣﺴﻦ ﺷﻲ ﺍﺩﺯ ﺳﻨﺪ ﻭﻳﺎﻫﻢ ﺑﻘﻴﺖ ﻳﻤﻬﺎ ﺍﺳﻮﺍﻟﻒ ﻭﻛﻞ ﻣﺎﺭﻳﺪ ﺍﺳﺌﻠﻬﺎ ﺍﺗﻐﻴﺮ ﺍﻟﻤﻮﺿﻮﻉ ﺭﺍﺳﺎ ﻭﻛﺎﻧﻤﺎ ﻣﺘﺮﻳﺪ ﺗﺤﺠﻲ ﺑﻲ ﺑﺲ ﻋﺮﻓﺖ ﺍﻧﺨﻄﺒﺖ ﺭﺳﻤﻲ
ﻭﻟﺒﺴﻮ ﺍﻟﺤﻠﻘﺎﺕ ﻭﺍﻟﺰﻭﺍﺝ ﺑﻌﺪ ﻛﻢ ﺷﻬﺮ ﻉ ﻣﺎ ﻳﻜﻤﻠﻮﻥ ﻛﻞ ﺷﻲ ﺑﻘﻴﺖ ﻓﻮﻙ ﺍﻟـ 4 ﺳﺎﻋﺎﺕ ﻳﻤﻬﺎ ﻭﺭﺟﻌﺖ ﻟﻠﺒﻴﺖ ﻭﺟﻨﺖ ﺣﻴﻞ ﺿﺎﻳﺠﻪ ﻭﻣﺒﻴﻦ ﻋﻠﻴﻪ ﺣﺘﻪ ﺑﺲ ﺍﻣﺜﻞ ﺍﻟﻘﻮﻩ ﻭﺍﻋﺮﻑ ﻛﻞ ﻫﺬﺍ ﺗﺘﻼﺷﻪ ﺑﻤﺠﺮﺩ ﻣﺎ ﺍﺷﻮﻓﻪ ﻛﻠﺒﻲ ﺣﻘﻴﺮ
ﺭﺟﻌﺖ ﻟﻠﺒﻴﺖ ﻭﺳﻮﻟﻔﺖ ﺍﻟﻌﻤﺎﺭ ﻛﻮﻟﺸﻲ ﻭﻛﺎﻝ ﺍﻟﻠﻪ ﻛﺮﻳﻢ ﻛﺘﻠﻪ ﺭﻭﺡ ﺍﻧﺖ ﻭﺳﻨﺪ ﻛﺎﻝ ﻻ ﺗﺨﺎﻓﻴﻦ ﺑﺎﺟﺮ ﺍﺭﻭﺡ ﻭﺧﺼﺒﺎ ﻣﺎ ﻋﻠﻴﻪ ﻳﻄﻠﻜﺞ
ﺳﻜﺘﺖ ﺛﺎﻧﻲ ﻳﻮﻡ ﻃﻠﻊ ﻋﻤﺎﺭ ﻣﻦ ﺍﻟﺼﺒﺢ ﻟﻠﺒﻐﺪﺍﺩ ﻭﺍﻧﻲ ﻣﺎﺩﺍﻭﻣﺖ ﻻﻥ ﺍﺻﻼ ﻣﺎ ﻗﺎﺭﻳﻪ ﺷﻲ ﻭﻣﺎﻟﻲ ﺧﻠﻚ ﻭﻧﻌﺴﺎﻧﻪ ﻛﻠﺶ
ﺍﺩﻙ ﻋﻠﻴﻪ ﻣﺎﻛﻮ ﻣﺎﻳﺮﺩ ﻋﻠﻴﻪ ﺑﻘﻴﺖ ﺍﺣﻮﺹ ﺍﺭﻭﺡ ﻣﻨﺎ ﻭﺍﺭﺟﻊ ﻣﻨﺎ ﺻﺎﺭ ﺍﻟﻌﺼﺮ ﻭﻫﻮ ﻣﺎﻛﻮ ﻣﺎﺑﻴﻦ ﺻﻠﻴﺖ ﺍﻟﻤﻐﺮﺏ ﻭﻫﻮ ﻣﺎﻛﻮ ﺑﻘﻴﺖ ﻛﺎﻋﺪﻩ ﻉ ﺍﻟﺴﺠﺎﺩﻩ ﻭﺍﺑﺠﻲ ﻣﺎﺗﺤﻤﻞ ﺑﻌﺪ ﻳﺎﻟﻠﻪ ﺍﺣﻔﻈﻪ ﺍﻟﻲ ﻭﺍﻟﻠﻪ ﺍﺣﺲ ﺭﺍﺳﻲ ﺭﺍﺡ ﻳﻨﻔﺠﺮ
ﻏﻤﻀﺖ ﻋﻴﻮﻧﻲ ﻭﺻﺮﺕ ﺍﺩﻋﻲ ﻭﺍﺑﺠﻲ ﻋﻤﺮﻱ 18 ﻭﺷﻔﺖ ﺍﻧﻮﺍﻉ ﺍﻟﻌﺬﺍﺏ ﻭﺍﻟﺤﺰﻥ ﻭﻣﺎﺭﺗﺎﺣﻴﺖ ﺍﺑﺪ ﻭﺧﻼﻝ ﺳﻨﺘﻴﻦ ﺧﺴﺮﺕ ﻫﻮﺍﻱ ﺍﺷﻴﺎﺀ ﻭﻣﻦ ﺿﻤﻨﻬﻢ ﺑﺎﺑﺎ ﺍﻟﻲ ﺧﺴﺮﺗﻪ ﻭﻟﺤﺪ ﻻﻥ ﻣﺎﻋﺮﻑ ﺷﻨﻮ ﺍﻟﺴﺒﺐ ﻭﻟﺴﻪ ﻣﺎ ﻳﻄﺐ ﺑﻌﻘﻠﻲ ﺭﺿﻮﺍﻥ ﻳﻜﺘﻠﻪ ﻭﻉ ﺷﻨﻮ ﻣﺎﺩﺭﻱ
ﺑﻘﻴﺖ ﺣﺎﻳﺮﻩ ﻟﻠـ 7 ﺑﻠﻴﻞ ﻃﺐ ﻋﻤﺎﺭ ﺣﺎﺟﺒﻪ ﻣﺠﺮﻭﺡ ﻭﺑﻲ ﺩﻡ ﻳﺎﺑﺲ ﻭﻟﺤﻴﺘﻪ ﻫﻢ ﻣﻠﻴﺎﻧﻪ ﺩﻡ ﻳﺎﺑﺲ ﻭ ﺍﻳﺪﻩ ﺗﻨﺰﻑ ﺭﻛﻀﺖ ﻋﻠﻴﻪ ﻭﺍﻧﻲ ﺍﺷﻬﻚ ﻭﺍﻛﻠﺐ ﺑﻲ ﻭﺭﺍﻧﻴﺎ ﻓﻮﻙ ﺭﺍﺳﻨﺎ ﺗﻄﻔﺮ ﻭﺍﺻﻴﺢ ﻋﺮﻛﻪ ﻋﺮﻛﻪ ﻋﺮﻛﻪ ﻋﺮﻛﻪ ﻋﺎﻁ ﺑﻴﻬﺎ ﻋﻤﺎﺭ ﺑﺮﻃﻤﺖ ﻭﺭﻛﻀﺖ ﻟﻠﻐﺮﻓﻪ ﺗﺒﺠﻲ
ﻋﻔﺘﻬﺎ ﻭﻛﻤﺖ ﺍﺩﺍﻭﻱ ﺟﺮﻭﺡ ﻋﻤﺎﺭ ﻭﻫﻮ ﺳﺎﻛﺖ ﺍﻋﻘﻢ ﺑﻴﻬﻦ ﻭﻋﻴﻮﻧﻪ ﺗﺸﺪﺡ ﻧﺎﺭ ﻭﻣﺒﻴﻦ ﻋﺼﺒﻲ ﻛﻠﺶ ﻫﻤﺴﺖ ﻋﻤﺎﺭ ﺷﻜﻮ ﺷﺼﺎﺭ ﻫﻨﺎﻙ
ﻏﻤﺾ ﻋﻴﻮﻧﻪ ﻭﻛﺎﻝ ﻣﺘﻮﻗﻌﺖ ﺑﻴﻮﻡ ﻧﺼﺮ ﻳﻤﺪ ﺍﻳﺪﻩ ﻋﻠﻴﻪ ﻭﻫﻮ ﺻﺎﺣﺒﻲ ﻣﺘﻮﻗﻌﺖ ﺑﻴﻮﻡ ﺍﻧﺪﻡ ﻭﺍﻋﺾ ﺍﻋﺼﺎﺑﻌﻲ ﻧﺪﻡ ﻻﻥ ﺧﻠﻴﺘﺞ ﺗﺰﻭﺟﻴﻦ ﻫﻴﺞ ﺑﺸﺮ
- ﺷﻜﻠﻚ
- ﻫﻬﻬﻪ ﻭﻛﻒ ﺑﻮﺟﻬﻲ ﻭﻛﺎﻝ ﺍﺧﺘﻚ ﻣﺎ ﺍﻃﻠﻜﻬﺎ ﻟﻮ ﻳﺠﻲ ﺍﺑﻮﻱ ﻣﻦ ﻛﺒﺮﻩ ﻣﺎﻃﻠﻜﻬﺎ ﺧﻠﻴﻬﺎ ﺍﺿﻮﻙ ﺍﻟﻲ ﺿﻜﺘﻪ ﺍﻧﻲ
ﻫﻬﻬﻪ ﺟﺎﻥ ﻳﺤﺠﻲ ﺑﻜﻞ ﻓﺨﺮ ﻭﻋﺒﺎﻟﻚ ﻣﺴﻮﻱ ﻓﺪ ﺍﻧﺠﺎﺯ ﻋﻈﻴﻢ ﻣﻦ ﻳﻜﻌﺪ ﻳﻬﻦ ﺑﻴﻪ ﻭﺑﻴﺞ ﺣﺎﻭﻝ ﺳﻨﺪ ﻭﻳﺎﻩ ﻭﻣﺎﻳﻘﺒﻞ ﻭﻣﻦ ﻋﺮﻓﺖ ﺑﻲ ﻣﺰﻭﺝ ﺍﺗﺨﺒﻠﺖ ﺷﻨﻮ ﺣﻼﻝ ﻋﻠﻴﻪ ﻭﺣﺮﺍﻡ ﻋﻠﻴﻨﺎ ﺷﻨﻮ ﺷﺸﺎﻳﻒ ﻧﻔﺴﻪ ﻫﺬﺍ
ﺑﻘﻴﺖ ﺳﺎﻛﺘﻪ ﻭﺍﻧﻲ ﺍﺳﻤﻊ ﻋﻤﺎﺭ ﻳﺤﺠﻲ ﺿﺎﻟﻴﻦ ﻛﻠﻤﻪ ﻣﻦ ﻋﻤﺎﺭ ﻭﻛﻠﻤﻪ ﻣﻦ ﻧﺼﺮ ﻛﺎﻳﻢ ﻋﻤﺎﺭ ﺿﺎﺭﺑﻪ ﻛﻠﻪ ﺍﻟﻨﺼﺮ ﻭﻫﺬﺍﻙ ﻣﺮﺟﻌﻠﻪ ﺍﻟﻜﻠﻪ ﺑﺒﻮﻛﺲ ﻭﺻﺎﻳﺮﻩ ﺍﻟﺒﻮﻛﺴﺎﺕ ﺑﻴﻬﻦ ﻟﻠﺴﺘﺎﺭ ﻭﻛﻮﻩ ﺳﻨﺪ ﻓﺎﻛﻜﻬﻢ ﻭﻛﻌﺪ ﺳﻨﺪ ﻳﺤﺠﻲ ﻭﻳﻪ ﻋﻤﺎﺭ ﻭﻳﻬﺪﻱ ﺑﻲ
ﺍﻟﻰ ﺍﻥ ﻫﺎﺩﺉ ﻭﺭﺍﺟﻊ ﻟﻬﻨﺎ ﺍﺑﺘﺴﻤﺖ ﻭﺍﻧﻲ ﺍﺷﻮﻑ ﻭﺟﻬﻪ ﺍﻟﺤﻘﻴﻘﻪ ﺍﻱ ﺍﻧﺼﺎﻑ ﺍﻛﺮﻫﻲ ﺍﻛﺮﻫﻲ ﺍﻟﺤﺒﻴﺒﺞ ﻧﺼﺮ ﻭﺷﻮﻓﻲ ﺷﺴﻮﻩ
ﻣﺮ ﺷﻬﺮ ﻭﺭﺟﻌﺖ ﺍﺷﻮﻑ ﺍﺑﺮﺍﻫﻴﻢ ﺍﻟﺠﻤﻌﻪ ﻭ ﻣﺮﺍﺕ ﺍﺷﻮﻑ ﺟﻮﺭﻱ ﺟﺎﻧﺖ ﺑﻐﺮﻓﺘﻬﺎ ﻭﻣﺎﺗﻄﻠﻊ ﻣﻨﻬﺎ ﺍﺑﺪ ﻭﺍﻣﻬﺎ ﺍﺟﻬﺰ ﻟﻠﻌﺮﺱ ﻭﻫﻲ ﻭﻻ ﻛﺎﻧﻤﺎ ﻋﺮﻭﺱ ﺷﻜﺪ ﺍﻧﻘﻬﺮﺕ ﻋﻠﻴﻪ ﻭﻛﻞ ﻣﺎ ﺣﺎﻭﻟﺖ ﺍﻓﺎﺗﺤﻬﺎ ﺑﻠﻤﻮﺿﻮﻉ ﺑﺲ ﺗﺮﻓﺾ ﻭﺗﻐﻴﺮﻩ ﺭﺍﺳﺎ
ﻭﻫﺎﻱ ﻣﺮ ﻉ ﻭﻓﺎﺓ ﻣﺎﻣﺎ ﺗﻘﺮﻳﺒﺎ 5 ﺍﺷﻬﺮ ﻭﺭﺍﻧﻴﺎ ﺣﺎﻟﺘﻬﺎ ﻣﻦ ﺍﺳﻮﺀ ﺍﻟﻰ ﺍﺳﻮﺀ ﻭﻋﻤﺎﺭ ﺍﻧﺴﺎﻥ ﺛﺎﻧﻲ
ﺟﻨﺖ ﻛﺎﻋﺪﻩ ﻉ ﺍﻟﺴﺒﺎﺕ ﺍﻗﺮﻩ ﻭﺣﻨﺎﻥ ﺑﺼﻔﻲ ﺗﺎﻛﻞ ﺣﺴﻴﺖ ﺑﺮﺟﻠﻴﻦ ﻛﺪﺍﻣﻲ ﺭﻓﻌﺖ ﺭﺍﺳﻲ ﻛﺮﺍﺭ ﺍﻟﻮﻟﺪ ﻧﻔﺴﻪ ﺍﻟﻮﻟﺪ ﺍﻟﻲ ﺍﺗﻜﺮﻫﻪ ﺣﻨﺎﻥ ﻫﻬﻪ
ﺍﺑﺘﺴﻢ ﻭﻛﺎﻝ ﺍﻛﺪﺭ ﺍﻋﺰﻣﺠﻦ ﻉ ﺍﻟﻐﺪﺍ ﺍﻟﻴﻮﻡ ﺣﻨﺎﻥ ﺳﺒﻘﺘﻨﻲ ﻭﻛﺎﻟﺖ
- ﺍﻱ ﻟﻴﺶ ﻻ ﺧﻞ ﺍﻧﻘﻄﻚ
- ﻫﻬﻬﻬﻬﻪ ﻭﻣﻨﻮ ﻛﺎﻝ ﺍﻟﻔﻠﻮﺱ ﻣﻦ ﻋﺪﻱ ﻛﻠﻤﻦ ﻳﺪﻓﻊ ﻓﻠﻮﺱ ﺍﻛﻠﺘﻪ
- ﻻ ﺑﻼﺍﺍ ﺧﻮﺵ ﻭﺍﻟﻠﻪ ﺩﺭﻭﺡ ﺭﻭﺡ ﺧﻠﻴﻬﻦ ﺍﻟﻚ ﻟﻌﺪ
ﺿﺤﻚ ﻭﺑﺎﻭﻋﻠﻲ ﻫﺎ ﺍﻧﺼﺎﻑ ﻣﻤﻜﻦ
ﺣﺴﻴﺖ ﺑﺮﻭﺣﻲ ﺗﻔﺸﻠﺖ ﺑﺎﻭﻋﺖ ﻉ ﺣﻨﺎﻥ ﻭﻫﻲ ﺑﺎﻭﻋﺘﻠﻲ ﺭﺍﻓﻌﻪ ﺣﺎﺟﺒﻬﺎ ﻫﻤﺴﺖ ﻣﺎﻛﻮ ﺩﺍﻋﻲ ﻻﻥ ﺍﺻﻼ ﺍﺗﻐﺪﺍ ﺑﻠﺒﻴﺖ ﻭﻳﻪ ﺍﺧﻮﺗﻲ
- ﻣﺎﺷﻲ ﻉ ﺟﺎﻱ ﻋﺼﻴﺮ ﻋﺪﻱ ﻣﻮﺿﻮﻉ ﻭﻳﺎﺝ
- ﺍﻭﻙ ﻣﺎﺷﻲ ﻭﺭﻩ ﻫﺎﻱ ﺍﻟﻤﺤﺎﺿﺮﻩ ﻋﺪﻧﺎ ﺭﻳﺴﺖ
- ﺍﻭﻙ ﻳﻌﻨﻲ ﺑﻌﺪ ﺳﺎﻋﻪ ﻭﻧﺺ
ﻫﺰﻳﺖ ﺭﺍﺳﻲ ﻭﻫﻮ ﺭﺍﺡ ﻭﺣﻨﺎﻥ ﺻﺎﻓﻨﻪ ﺷﻴﺮﻳﺪ ﻫﺬﺍ
- ﻋﻠﻤﻲ ﻋﻠﻤﺞ ﺍﻧﺮﻭﺡ ﻭﺍﻧﺸﻮﻑ
- ﻟﺞ ﺍﻧﺼﺎﻑ ﻫﺬﺍ ﻻ ﺑﺲ ﻣﻌﺠﺐ ﺑﻮﺣﺪﻩ ﻣﻦ ﻋﺪﻧﺎ
- ﺩﺍﻧﺠﺒﻲ ﺍﻧﺠﺒﻲ ﺷﻴﻨﻌﺠﺐ ﻣﺘﻜﻠﻴﻠﻲ ﻭﺑﻌﺪﻳﻦ ﺍﻟﻜﻞ ﻳﻌﺮﻑ ﺑﺠﻮﺍﺑﻲ ﺷﻨﻮ ﻛﺮﺍﺭ ﻣﻮ ﺍﻭﻝ ﻭﺍﺣﺪ ﻛﻮﻣﻪ ﺍﺗﻘﺪﻣﻮ ﻭﺭﻓﻀﺘﻪ ﻳﺠﻮﺯ ﺍﻟﺞ ﻭﻏﻤﺰﺗﻠﻬﺎ
- ﺍﻧﺠﺒﻲ ﺍﻧﻲ ﺍﻗﺒﻞ ﺑﻬﺬﺍ ﺍﻟﻤﻜﺮﻭﻩ ﻭﺑﻌﺪﻳﻦ ﻟﻴﺶ ﻳﻌﻨﻲ ﺗﺮﺍ ﺍﻏﻠﺐ ﺍﻟﻲ ﺍﺗﻘﺪﻣﻮ ﺍﻟﺞ ﺟﺎﻧﻮ ﺯﻳﻨﻴﻦ ﻭﻣﻮ ﻣﻦ ﻫﺬﻭﻝ ﺍﻟﻲ ﻳﻠﻌﺒﻮﻥ ﻉ ﺍﻟﺒﻨﻴﻪ
- ﻻﻥ ﺑﺒﺴﺎﻃﻪ ﻣﺎﻓﻴﺪﻫﻢ ﻳﻼﺍﺍ ﺍﻟﻤﺤﺎﺿﺮﻩ ﺑﺪﺕ
ﺩﺧﻠﺖ ﺍﻟﻤﺤﺎﺿﺮﻩ ﻭﺍﻧﻲ ﺻﺎﻓﻨﻪ ﻫﻪ ﺍﺯﻭﺝ ﻭﺍﻧﻲ ﻣﻄﻠﻜﻪ ﻗﺎﻧﻮﻧﺎ ﻭﻣﺰﻭﺟﻪ ﺷﺮﻋﺎ ﺍﻭﻭﻑ ﻳﺎﻟﻠﻪ ﺭﺍﺡ ﺍﺳﻮﺩﻥ ﺷﻜﻮﻝ ﻋﻠﻴﻚ ﻧﺼﺮ
ﺣﺘﻪ ﻟﻮ ﻣﺴﺘﺤﻴﻞ ﺍﺯﻭﺝ ﻣﺎﻛﺪﺭ ﻻﻥ ﺍﺫﺍ ﺍﺯﻭﺝ ﺍﻧﺤﺮﻡ ﻣﻦ ﺍﺑﺮﺍﻫﻴﻢ ﻭﻛﻠﺸﻲ ﻭﻻ ﺍﺑﺮﺍﻫﻴﻢ ﻣﺎﻛﺪﺭ ﺑﺪﻭﻧﻪ ﻭﻫﻮ ﺍﻧﻲ ﺍﺷﻮﻓﻪ ﺑﻠﺴﺒﻮﻉ ﻣﺮﻩ ﻭﻣﻴﺘﻪ ﻋﻠﻴﻪ
ﻃﻠﻌﺖ ﻣﻦ ﺍﻟﻤﺤﺎﺿﺮﻩ ﻭﺿﺮﺑﺘﻨﻲ ﺍﻟﺸﻤﺲ ﺣﺴﻴﺖ ﺑﺪﻭﺧﻪ ﺷﻔﺖ ﻛﺮﺍﺭ ﻣﻦ ﺑﻌﻴﺪ ﻭﻛﻤﺖ ﺍﺷﻮﻓﻪ ﻳﺮﻭﺡ ﻣﻨﺎ ﻭﻳﺮﺟﻊ ﻣﻨﺎ ﻛﻤﺸﺖ ﺍﻳﺪ ﺣﻨﺎﻥ ﻭﺍﺣﺲ ﺑﻌﺪ ﻣﺎﻛﺪﺭ ﺍﺻﺒﺮ ﻉ ﺭﻭﺣﻲ
ﺳﻨﺪﺕ ﺭﺍﺳﻲ ﻉ ﻣﺘﻦ ﺣﻨﺎﻥ ﻭﻏﻤﻀﺖ ﻋﻴﻮﻧﻲ ﻭﻣﺎﺩﺭﻱ ﺑﻌﺪ ﺷﺼﺎﺭ ﺑﺲ ﺿﻼﻡ ﻋﺘﻢ ﻋﻠﻴﻪ ﻭﺻﻮﺕ ﻳﻢ ﺭﺍﺳﻲ ﻭﺑﻌﺪﻫﺎ ﻓﻘﺪﺕ ﺍﻟﻮﻋﻲ
ﻓﺘﺤﺖ ﻋﻴﻮﻧﻲ ﺑﻐﺮﻓﻪ ﺑﻴﻀﻪ ﻭﺍﻛﻮ ﻛﺎﻧﻮﻧﻪ ﺑﻴﺪﻱ ﻭﻣﻐﺬﻱ ﺍﻧﺘﺒﻬﺖ ﺣﻨﺎﻥ ﺑﺼﻔﻲ ﻣﻦ ﺷﺎﻓﺘﻨﻲ ﻓﺘﺤﺖ ﻋﻴﻮﻧﻲ ﺍﺟﺖ ﻋﻠﻴﻪ ﺗﺮﻛﺾ
- ﻫﺎ ﺣﺒﻴﺒﺘﻲ ﺍﻭﻛﻔﻲ ﺍﺻﻴﺢ ﺍﻟﺪﻛﺘﻮﺭ ﻭﺍﺟﻲ ﻋﺪﻟﺖ ﺣﺠﺎﺑﻲ ﻭﻃﻠﻌﺖ ﺻﺎﺣﺖ ﺍﻟﺪﻛﺘﻮﺭ ﺩﺧﻞ ﻭﻛﺮﺍﺭ ﻭﺭﺍﻩ ﻭﻣﺒﻴﻦ ﺑﻌﻴﻮﻧﻪ ﻗﻠﻖ ﻭﺣﺘﻪ ﺣﻨﺎﻥ ﻣﺒﻴﻦ ﺟﺎﻧﺖ ﺗﺒﺠﻲ
ﻓﺤﺼﻨﻲ ﺍﻟﺪﻛﺘﻮﺭ ﻭﻛﺎﻝ ﺧﻠﺼﻲ ﺍﻟﻤﻐﺬﻱ ﻭﺍﺗﻜﺪﺭﻳﻦ ﺍﻃﻠﻌﻴﻦ ﺑﺲ ﺑﺎﺑﺎ ﺍﻧﺼﺤﺞ ﺗﺮﺣﻴﻦ ﺩﻛﺘﻮﺭ ﺧﺎﺹ ﻭﺍﺳﻮﻳﻦ ﺗﺤﺎﻟﻴﻞ ﻛﺎﻣﻠﻪ ﻟﻮ ﺗﺠﻴﻦ ﻫﻨﺎ ﺍﻧﺴﻮﻳﻠﺞ ﺍﺣﻨﻪ ﻫﺴﻪ ﻣﻜﺪﺭﻧﺎ ﻧﺴﻮﻳﻠﺞ ﺗﺤﺎﻟﻴﻞ ﻻﻥ ﺍﻻﺟﻬﺰﻩ ﺗﺤﺖ ﺍﻟﺼﻴﺎﻧﻪ ﺑﺲ ﻻﺯﻡ ﺍﺳﻮﻳﻦ ﺗﺤﺎﻟﻴﻞ ﺣﺘﻪ ﻧﺘﺎﻛﺪ ﻣﻦ ﺳﻼﻣﺘﺞ
- ﻟﻴﺶ ﺩﻛﺘﻮﺭ ﺷﺒﻴﻪ
- ﻣﺎﻛﺪﺭ ﺍﻛﻮﻝ ﺍﻱ ﺷﻲ ﻫﺴﻪ ﻗﺒﻞ ﻻ ﺍﺗﺎﻛﺪ ﻭﺍﺳﺌﻠﺞ ﻛﻢ ﺳﺆﺍﻝ ﻭﺍﻻﻓﻀﻞ ﺗﺮﺣﻴﻦ ﺩﻛﺘﻮﺭ ﺧﺎﺹ ﺟﺮﺍﺡ ﺑﺪﻣﺎﻍ ﻭﻣﺎﻋﺪﺝ ﻏﻴﺮ ﺍﻟﻌﺎﻓﻴﻪ
ﺭﺟﻌﺖ ﻟﻠﺒﻴﺖ ﻭﺍﻧﻲ ﺻﺎﻓﻨﻪ ﻟﻴﺶ ﺟﺎﻥ ﻛﻼﻡ ﺍﻟﺪﻛﺘﻮﺭ ﻫﻴﺞ ﺍﺣﺲ ﺭﻭﺣﻲ ﻣﺮﻳﻀﻪ ﻭﺷﻲ ﺧﻄﻴﺮ ﻳﺎﻟﻠﻪ ﺩﺧﻴﻠﻚ ﺩﺧﻴﻠﻚ ﻣﺎﺭﻳﺪ ﺍﻣﻮﺕ ﻗﺒﻞ ﻻ ﺍﺷﺒﻊ ﻣﻦ ﺍﺑﻨﻲ ﻳﺎﻟﻠﻪ
ﺑﻘﻴﺖ ﺍﺑﺠﻲ ﺑﻠﻐﺮﻓﻪ ﻭﺣﺴﺖ ﻋﻤﺎﺭ ﺍﺟﻪ ﻣﺴﺤﺖ ﺍﺩﻣﻮﻋﻲ ﻣﺎﺭﻳﺪﻩ ﻳﻨﺘﺒﻪ ﻋﻠﻴﻪ ﻣﺮﺕ ﺍﻻﻳﺎﻡ ﺗﺮﻛﺾ ﻛﺮﺽ ﻭﻋﻄﻠﺖ ﻭﻛﻌﺪﺕ ﺑﻠﺒﻴﺖ ﺧﻠﺼﺖ ﺍﻟﺴﻨﻪ ﺍﻻﻭﻟﻰ ﺍﻟﻲ ﻭﻋﺮﺱ ﻋﻤﺎﺭ ﻣﺎ ﺑﻘﺎﻟﻪ ﻏﻴﺮ ﺑﺲ ﺍﺳﺒﻮﻋﻴﻦ ﻭﺻﺮﺕ ﺍﻃﻠﻊ ﻭﻳﻪ ﻋﻤﺘﻲ ﻣﺎﻋﺪﻱ ﻏﻴﺮﻫﺎ
ﻭﺍﺳﻮﻙ ﻭﺍﺣﻈﺮ ﺍﻟﻌﻤﺎﺭ ﺍﻟﻌﺮﺳﻪ ﻭﻋﻤﺎﺭ ﻛﻤﻞ ﺑﻨﺎﺀ ﻏﺮﻓﺘﻪ ﺍﻟﻲ ﺑﻨﺎﻫﺎ ﻭﻛﺎﻡ ﻳﻄﻠﻊ ﻳﺨﺘﺎﺭ ﻏﺮﻓﺘﻪ ﻭﺍﻧﻲ ﻭﻋﻤﺘﻲ ﻧﻄﻠﻊ ﻧﺤﻀﺮ ﺑﻠﺒﻴﺖ ﻟﺤﺪ ﻣﺎ ﺑﻴﻮﻡ ﺟﻨﺖ ﺑﺴﻮﻙ ﻭﻳﻪ ﻋﻤﺘﻲ ﺍﻧﺤﻈﺮ ﺍﻟﻐﺮﺍﺽ ﻣﺎﻝ ﺍﻟﻌﺮﺱ ﻭﺍﺣﺲ ﺍﻟﺪﻭﺧﻪ ﻟﺴﻪ ﻣﺎﺗﺮﻭﺡ ﺑﺮﻏﻢ ﻣﻠﺘﺰﻣﻪ ﺑﻠﻌﻼﺝ ﺍﻟﻲ ﺍﻃﺎﻧﻲ ﺍﻟﺪﻛﺘﻮﺭ ﺻﺎﻓﻨﻪ ﻭﺣﺴﺖ ﻉ ﺩﻙ ﺍﻟﻔﻮﻥ ﻣﺎﻟﺘﻲ ﺍﻧﺘﺒﻬﺖ ﺍﻟﻤﺮﻩ ﺍﻟﻲ ﺍﺿﻞ ﻳﻢ ﺭﺍﻧﻴﺎ
ﺧﻔﺖ ﺭﺍﺳﺎ ﺭﺩﻳﺖ ﻋﻠﻴﻬﺎ ﻭﻫﻲ ﺗﺤﺠﻲ ﻭﺗﺮﺟﻒ
- ﺍﻟﻮ ﺧﺎﻟﻪ ﺷﻜﻮ
- ﺧﺎﻟﻪ ﺭﺍﻧﻴﺎ ﻣﺎﻛﻮ
- ﺷﻨﻮﻭﻭ ﺷﻨﻮﻭﻭ ﻣﺎﻛﻮﻭﻭ ﻫﻲ ﻣﻮ ﻳﻤﺞ
- ﺍﻱ ﻳﻤﻪ ﻳﻤﻲ ﺑﺲ ﻣﺎﻋﺮﻑ ﻭﻳﻦ ﺭﺍﺣﺖ ﺟﻨﺖ ﺑﻠﻤﻄﺒﺦ ﺍﺧﺎﺑﺮ ﻭﻫﻲ ﺑﺼﺎﻟﻪ ﻣﻦ ﺧﻠﺼﺖ ﻟﻜﻴﺖ ﺍﻟﺒﺎﺏ ﻣﻔﺘﻮﺡ ﻭﻫﻲ ﻣﺎﻛﻮ
ﺍﺗﺨﺒﻠﺖ ﺍﺧﺬﺕ ﺗﻜﺴﻲ ﻭﺭﺟﻌﺖ ﻟﻠﺒﻴﺖ ﺍﻭﻝ ﻣﺎﺩﺧﻠﺖ ﺻﺎﺭﺕ ﻛﺪﺍﻣﻲ ﺍﻟﻤﺮﻩ ﻋﻄﺖ ﺑﻴﻬﺎ
- ﻭﻳﻦ ﺭﺍﺣﺘﺘﺘﺘﺘﺘﺖ ﻋﻤﺎﺭ ﻳﻄﻴﺞ ﻓﻠﻮﻭﻭﺱ ﻋﻠﻤﻮﺩ ﺍﺩﻳﺮﻱ ﺑﺎﻟﺞ ﻋﻠﻴﺞ ﻣﻮ ﻳﻄﻴﺞ ﺍﻟﻔﻠﻮﺱ ﺍﺩﻛﻴﻦ ﻣﺨﺎﺑﺮﺍﺕ ﺑﻠﻤﻄﺒﺦ ﻭﻋﺎﻳﻔﺘﻬﺎﺍﺍﺍﺍﺍﺍ
- ﻳﻤﻪ ﻭﺍﻟﻠﻪ
- ﻛﺎﻓﻲ ﺧﺎﻟﻪ ﻛﺎﻓﻴﻴﻴﻴﻲ ﻋﻔﺘﻬﺎ ﻭﻃﻠﻌﺖ ﺧﺎﺑﺮﺕ ﻋﻤﺎﺭ ﻣﻦ ﻋﺮﻑ ﺍﺗﺨﺒﻞ ﻛﺎﻝ ﻫﺴﻪ ﺍﺟﻴﺞ ﺍﻭﻑ ﻳﺎ ﻋﻤﺎﺭ ﺍﻭﻑ ﻣﺎﺗﺮﺗﺎﺡ ﺍﺑﺪﺩﺩ
ﺗﺸﺘﻐﻞ ﻟﻴﻞ ﻭﻧﻬﺎﺭ ﻋﻠﻤﻮﺩ ﺍﻟﺒﻴﺖ ﻭﺭﺍﺗﺒﻚ ﻛﻠﻪ ﻳﺨﻠﺺ ﻉ ﺍﻟﺒﻴﺖ ﻭﺍﻟﺠﻬﺎﺯ ﺍﻟﻌﺮﺱ ﻭﻓﻮﻙ ﻛﻞ ﻫﺬﺍ ﺍﻟﻐﺮﻓﻪ ﻳﺒﻨﻴﻬﺎ ﺍﻟﻪ ﻭﺍﻟﺮﺍﺗﺐ ﻣﺘﺸﻮﻑ ﻣﻨﻪ ﺷﻲ ﻭﻓﻮﻙ ﻛﻞ ﻫﺬﺍ ﺗﻄﻲ ﻓﻠﻮﺱ ﻟﻬﺎﻱ ﺍﺩﻳﺮ ﺑﺎﻟﻬﺎ ﻉ ﺭﺍﻧﻴﺎ ﻭﻣﺎ ﺻﺎﻧﺖ ﺍﻻﻣﺎﻧﻪ
ﺍﻭﻭﻭﻑ ﻳﺎﻟﻠﻪ ﻭﻳﻦ ﺭﺍﺣﺖ ﺑﻘﻴﺖ ﻭﺍﻛﻔﻪ ﺑﻠﺒﺎﺏ ﺍﻧﺘﻀﺮ ﻋﻤﺎﺭ ﻭﻋﺴﻰ ﻭﻟﻌﻞ ﺗﺮﺟﻊ ﺭﺍﻧﻴﺎ ﺑﺲ ﺍﻟﻼﺳﻒ ﻣﺎﻛﻮ
ﺟﻮﺭﻱ : ﺑﻌﺪ ﻣﺎ ﺍﻃﻴﺖ ﻗﺮﺍﺭﻱ ﺍﻻﻣﻲ ﻭﻫﻲ ﺭﺩﺕ ﺍﻟﺮﻓﺾ ﺍﻻﻧﺼﺎﻑ ﺑﻘﻴﺖ ﺍﻟﻴﻞ ﻛﻠﻪ ﺍﺑﺠﻲ ﻭﺍﺣﺲ ﺭﻭﺣﻲ ﻣﺴﻮﻱ ﺷﻲ ﺑﺲ ﻣﺴﺘﺤﻴﻞ ﺍﺗﺮﺍﺟﻊ ﻋﻦ ﻗﺮﺍﺭﻱ ﻻﻥ ﻓﻜﺮﺕ ﺑﻲ ﻫﻮﺍﻱ ﻭﻣﺴﺘﺤﻴﻞ ﺍﻛﺴﺮ ﻛﻠﺐ ﺻﺪﻳﻘﺘﻲ
ﺣﺴﻦ ﺧﺎﺑﺮ ﻳﺎﻣﻦ ﻭﻛﻠﻪ ﺧﻞ ﻳﺘﻔﻀﻞ ﺍﻟﻨﺴﻮﺍﻥ ﻫﻨﺎ ﺣﺴﻴﺖ ﺭﻭﺣﻲ ﺧﻠﺺ ﺫﺑﺤﺘﻬﺎ ﺑﻴﺪﻱ ﻭﺍﻧﺘﻬﺖ ﻭﺭﺍﺡ ﺍﺧﺮ ﺍﻣﻞ ﺟﻨﺖ ﺍﻧﺘﻀﺮﻩ ﻭﺭﺍﺣﺖ ﻛﻞ ﺍﺣﻼﻣﻲ
ﻭﺻﺎﺭ ﻻﺯﻡ ﺍﻃﻠﻌﻪ ﻣﻦ ﺑﺎﻟﻲ ﺍﻳﺎﻡ ﻣﺮﺕ ﻭﺍﻧﻲ ﺿﻌﻔﺖ ﺣﻴﻞ ﻭﺻﺮﺕ ﻣﻮ ﺫﻳﺞ ﺟﻮﺭﻱ ﺍﻟﻘﻮﻳﻪ ﻛﻠﻤﺎﺕ ﺍﻟﻨﺎﺱ ﺟﺎﻧﺖ ﺳﺠﻴﻦ ﺑﻜﻠﺒﻲ ﻭﻛﻞ ﻣﺎ ﺍﺳﻤﻊ ﻛﻠﻤﻪ ﻳﺰﻳﺪ ﻛﺮﻫﻲ ﻟﻴﺎﻣﻦ ﺍﻛﺜﺮ ﻻﻥ ﺑﺴﺒﺒﻪ ﺍﻧﺨﻄﻔﺖ ﻭﺍﻟﻠﻪ ﺍﺷﻮﻓﻪ ﺷﻲ ﻋﻤﺮﻩ ﻣﺎ ﺷﺎﻳﻔﻪ ﻭﺍﺧﻠﻲ ﻫﻮ ﺑﻨﻔﺴﻪ ﻳﻠﻐﻲ ﻛﻠﺸﻲ
ﺑﻴﻮﻡ ﺍﻟﻲ ﺍﺟﻮ ﺍﻟﻨﺴﻮﺍﻥ ﻭﺍﺗﻔﻘﻮ ﻉ ﺍﻟﻌﻘﺪ ﻭﺍﻟﺨﻄﻮﺑﻪ ﻭﻳﺸﻮﻓﻨﻲ ﺟﺎﻧﺖ ﻣﺮﺕ ﺍﺑﻮﻩ ﻭﻋﻤﺘﻪ ﻛﻮﻩ ﺍﻣﻲ ﻛﻌﺪﺗﻨﻲ ﻭﻟﺒﺴﺘﻨﻲ ﺗﻨﻮﺭﻩ ﻗﺼﻴﺮﻩ ﻟﻮﻧﻬﺎ ﺑﻴﺠﻲ ﻭﺗﺸﻴﺮﺕ ﺟﻮﺯﻱ ﻭﻋﻠﻴﻪ ﻳﻠﻚ ﺑﻴﺠﻲ ﻫﻢ ﻣﺸﻄﺖ ﺷﻌﺮﻱ ﻭﺧﻠﺘﻪ ﻣﻔﺘﻮﺡ ﻭﺍﺧﺬﺕ ﻛﻢ ﺧﺼﻞ ﺧﻠﺘﻬﻦ ﺻﻔﺢ ﻭﺿﻔﺮﺗﻬﻦ ﻭﺷﺪﺗﻬﻦ ﻟﻮﺭﻩ ﺻﺎﺭ ﻣﻨﻈﺮﻱ ﻛﻠﺶ ﺣﻠﻮ
ﻛﻌﺪﺕ ﺑﺖ ﺧﺎﻟﺘﻲ ﻣﻜﻴﺠﺘﻨﻲ ﻋﻠﻤﻮﺩ ﻳﺨﻒ ﺍﻟﺴﻮﺍﺩ ﺍﻟﻲ ﺟﻮﻩ ﻋﻴﻮﻧﻲ ﻣﻦ ﺍﺟﻮ ﺟﻨﺖ ﺑﻠﻤﻄﺒﺦ ﺍﺣﺲ ﺭﺟﻠﻴﻪ ﻳﺮﺟﻔﻦ ﻣﺎﻛﺪﺭ ﻣﺎﻛﺪﺭ ﺍﺳﻮﻱ ﻫﻴﺞ ﻭﺍﺧﻮﻥ ﺣﺒﻲ ﺑﺲ ﻫﻢ ﻣﺎﻛﺪﺭ ﺍﻛﺴﺮ ﺑﺎﺑﺎ ﻛﺪﺍﻡ ﺍﻟﻨﺎﺱ ﻭﺍﻧﻲ ﺍﻋﺮﻓﻪ ﺷﻜﺪ ﻓﺮﺡ ﻣﻦ ﻋﺮﻑ ﻗﺒﻠﺖ ﺑﻴﺎﻣﻦ ﺣﺘﻪ ﻳﻜﺴﺮ ﻛﻼﻡ ﺍﻟﻨﺎﺱ
ﻛﻠﻪ ﻣﻦ ﻭﺭﻩ ﺍﻟﻨﺎﺱ ﺍﻟﻲ ﻣﺎ ﺗﺨﻠﺺ ﻛﻼﻣﻬﻢ ﻭﺍﻧﺘﻘﺎﺩﻫﻢ ﺍﺫﺍ ﻫﻮ ﻧﺒﻲ ﻭﻣﺎﺧﻠﺺ ﻣﻦ ﻛﻼﻣﻬﻢ ﺍﺣﻨﻪ ﺍﻟﺒﺸﺮ ﺍﻧﺮﻳﺪ ﻧﺨﻠﺺ ﻣﻦ ﻛﻼﻣﻬﻢ
ﺷﺠﻌﺖ ﺭﻭﺣﻲ ﻭﺍﺧﺬﺕ ﺻﻴﻨﻴﺔ ﺍﻟﻌﺼﻴﺮ ﻭﺩﺧﻠﺖ ﻭﺍﻧﻲ ﺍﻗﻮﻱ ﺭﻭﺣﻲ ﺟﺎﻧﻦ ﺍﺛﻨﻴﻦ ﻧﺴﻮﺍﻥ ﻭﻣﺒﻴﻨﺎﺕ ﺷﺨﺼﻴﻪ ﺧﺎﺻﻪ ﻣﺮﺕ ﺍﺑﻮﻩ ﻣﺒﻴﻨﻪ ﺷﺨﺼﻴﻪ ﻗﻮﻳﻪ ﻛﻠﺶ ﻭﻣﺴﻴﻄﺮﻩ ﻻﺑﺴﻪ ﻣﺎﻟﺘﻮ ﻭﺑﻨﻄﺮﻭﻥ ﻭﺣﺠﺎﺏ ﺟﺴﻤﻪ ﺣﻠﻮ
ﻭﻧﻀﺮﺍﺗﻬﺎ ﺣﺎﺩﻩ ﺑﺲ ﻣﺒﻴﻦ ﺣﺒﺎﺑﻪ ﺍﻧﺘﺒﻬﺖ ﻉ ﻋﻤﺘﻪ ﺟﺎﻧﺖ ﻻﺑﺴﻪ ﺟﺒﻪ ﺍﺳﻼﻣﻴﻪ ﻭﺣﺠﺎﺏ ﻭﻫﻢ ﻣﺒﻴﻦ ﺷﺨﺼﻴﻪ ﻭﻗﻮﻱ ﻛﻠﺶ ﺑﺮﻏﻢ ﺟﺒﻴﺮﻩ ﺣﻴﻞ
ﻣﺠﻨﺖ ﺍﻋﺮﻓﻬﻦ ﺍﻟﻪ ﻣﻦ ﻋﺮﻓﺘﻨﻲ ﺍﻣﻲ ﻋﻠﻴﻬﻦ ﺍﺧﺬﺕ ﻧﻔﺲ ﻭﻗﺪﻣﺖ ﺍﻟﻌﺼﻴﺮ ﻭﻣﺮﺕ ﺍﺑﻮﻩ ﻛﺼﺘﻨﻲ ﻛﺺ ﻣﻦ ﻓﻮﻙ ﻟﺠﻮﻩ ﻛﺎﻧﻤﺎ ﺗﺘﻔﺤﺼﻨﻲ
ﺍﺑﺘﺴﻤﺖ ﻭﻛﺎﻟﺖ ﻭﺍﻟﻠﻪ ﻭﻋﺮﻑ ﻳﺨﺘﺎﺭ ﻳﺎﻣﻦ ﺍﻓﻨﺪﻱ ﻫﻬﻬﻬﻪ
- ﺷﻮﻓﻲ ﺣﺒﻴﺒﻪ ﺗﺪﺭﻳﻦ ﺑﺎﺑﻨﻲ ﻋﺪﻩ ﻣﻌﺮﺽ ﺳﻴﺎﺭﺍﺕ ﻭﻳﺸﺘﻐﻞ ﺑﻴﻦ ﻛﺮﻛﻮﻙ ﻭﺑﻐﺪﺍﺩ ﻭﺍﺑﻮ ﺭﺟﻞ ﻣﻌﺮﻭﻑ ﺑﻮﺯﺍﺭﺓ ﺍﻟﺪﺍﺧﻠﻴﻪ ﻃﺒﻌﺎ ﻳﺎﻣﻦ ﺍﺑﻨﻲ ﺍﻟﻲ ﺭﺑﻴﺘﻪ ﺍﻻﻡ ﺍﻟﻲ ﺗﺮﺑﻲ ﻣﻮ ﺍﻟﻲ ﺍﺟﻴﺐ
ﻭﺍﻧﻲ ﺭﺑﻴﺘﻪ ﻣﻦ ﺟﺎﻥ ﻋﻤﺮﻩ 8 ﺳﻨﻮﺍﺕ ﻭﺻﺮﺕ ﺍﻟﻪ ﺍﻡ ﺣﺘﻪ ﻣﻦ ﺑﻌﺪ ﻣﺎ ﺟﺒﺖ ﺑﻨﺎﺗﻲ ﻭﻭﻟﺪﻱ ﺑﺲ ﺑﻘﻪ ﻳﺎﻣﻦ ﻋﺰﻳﺰ ﻛﻠﺒﻲ ﻭﻫﻮ ﻣﻮ ﺍﺑﻨﻲ
ﺩﺍﺋﻤﺎ ﺟﻨﺖ ﺍﺗﻤﻨﻪ ﺍﺯﻭﺟﻪ ﻭﺍﺟﻴﺒﻠﻪ ﺍﺷﻜﺎﻝ ﺍﻟﺒﻨﺎﺕ ﺑﺲ ﻳﺮﻓﺾ ﻟﺤﺪ ﻣﺎ ﺍﺟﻪ ﻭﻛﺎﻝ ﺭﻭﺣﻲ ﺧﻄﺒﻴﻠﻲ ﻻ ﺍﻧﻲ ﻭﻻ ﺍﺑﻮﻩ ﺻﺪﻛﻨﻪ ﻭﻓﺮﺣﻨﺎ ﻭﻃﺮﻧﺎ ﻣﻦ ﺍﻟﻔﺮﺡ ﻻﻥ ﻛﻞ ﺭﺑﻌﻪ ﺍﺯﻭﺟﻮ ﻭﺧﻠﻔﻮ ﺍﻟﻪ ﻫﻮ ﺷﻠﻊ ﻛﻠﺐ ﺍﺑﻮﻩ ﻭﻛﻠﺒﻲ
ﻭﺍﻟﻠﻪ ﻋﺮﻑ ﻳﺨﺘﺎﺭ ﻭﻣﺎﺷﺎﺀﺍﻟﻠﻪ ﻋﻠﻴﻬﺎ ﺍﻟﻤﺤﺮﻭﺻﻪ ﻣﺎﻟﺘﻜﻢ ﺟﻤﺎﻝ ﻭﺍﺩﺏ ﻫﻮﺍﻱ ﺳﺌﻠﻨﺎ ﻋﻠﻴﻜﻢ ﻭﻛﻠﻬﺎ ﺗﺤﻤﺪ ﺑﻴﻜﻢ
- ﺗﺴﻠﻤﻴﻦ ﺍﻡ
- ﺍﻡ ﻳﺎﻣﻦ ﻛﻮﻟﻲ ﻻﻥ ﻳﺎﻣﻦ ﺍﺑﻨﻲ
- ﻭﺍﻟﻠﻪ ﻭﺍﻟﻨﻌﻢ ﻣﻨﺞ ﺍﻡ ﻳﺎﻣﻦ ﻉ ﺍﻟﺮﺍﺱ ﺍﻧﺘﻢ ﻭﻓﻀﻞ ﻳﺎﻣﻦ ﻋﻠﻴﻨﺎ ﻫﻮﺍﻱ ﻻﻥ ﻣﺎﻧﻨﺴﻪ ﺍﻟﻲ ﻳﻘﺪﻣﻪ ﺍﻟﻨﺎ ﻭﺍﻧﺘﻢ ﺗﻌﺮﻓﻮﻥ ﺟﻮﺍﺑﻨﺎ ﺍﻡ ﻳﺎﻣﻦ
- ﺍﻱ ﺩﺍﺩﺍ ﻭﺍﻧﻲ ﺟﺎﻳﻪ ﺑﻄﻠﺐ ﻣﻦ ﻳﺎﻣﻦ ﻭﻛﺎﻝ ﺷﻴﻔﺼﻠﻮﻥ ﺍﺣﻨﻪ ﻧﻠﺒﺲ ﺧﻞ ﻧﺘﻔﻖ ﺣﺘﻪ ﺑﺎﺟﺮ ﺍﻟﺠﻤﻌﻪ ﺗﺠﻲ ﻣﺸﻴﺔ ﺍﻟﺰﻟﻢ ﻭﺑﻌﺪﻫﺎ ﻧﺎﺧﺬﻟﻬﻢ ﻳﻌﻘﺪﻭﻥبيج قصص عراقيه حقيقيه من واقعنا.روعه الطائي
ﺻﻔﻨﺖ ﺷﻨﻮ ﻋﻘﺪ ﻓﺪ ﻣﺮﻩ ﻻﺍﺍ ﻳﺎﻟﻠﻪ ﺩﺧﻴﻠﻚ ﺭﺑﻲ ﻭﺍﻟﻠﻪ ﻣﺎﻋﺮﻑ ﺍﺫﺍ ﻛﺎﻋﺪ ﺍﺗﺼﺮﻑ ﺻﺢ ﻟﻮ ﻻ ﺍﻧﺖ ﺳﺎﻋﺪﻧﻲ ﻳﺎ ﺍﻟﻠﻬﻲ ﺍﺗﻔﻘﺖ ﺍﻣﻲ ﻭﻳﺎﻫﻢ ﻉ ﻛﻠﺸﻲ ﻭﺭﺍﺣﻦ ﻭﻫﻦ ﻳﺒﺘﺴﻤﻦ ﺍﻟﻲ
ﻭﺍﻧﻲ ﻋﻔﺖ ﻛﻠﺸﻲ ﻭﺩﺧﻠﺖ ﻟﻠﻐﺮﻓﻪ ﺷﺒﻌﺖ ﺑﺠﻲ ﺩﺧﻠﺖ ﺍﻣﻲ ﻭﻫﻲ ﺗﻬﺰ ﺑﺮﺍﺳﻬﺎ
- ﺗﻌﺎﻱ ﻳﻤﻪ ﺗﻌﺎﻱ ﻻ ﺗﺘﺼﻮﺭﻳﻦ ﺍﺑﺪ ﻭﺣﻴﺪﻩ ﺍﻧﻲ ﻭﻳﺎﺝ ﻭﺍﻟﻠﻪ ﺍﺧﺬﺗﻲ ﺍﺣﺴﻦ ﻗﺮﺍﺭ ﻻﻥ ﻳﺎﻳﻤﻪ ﻋﻤﺎﺭ ﻣﺎﻳﻔﻴﺪﺝ ﻣﻮ ﻻﻥ ﻣﻮﺯﻳﻦ ﻻ ﻭﺍﻟﻠﻪ ﻛﻠﻬﺎ ﺗﺸﻬﺪ ﺑﻲ ﻭﺍﻧﻲ ﺍﻭﻝ ﻭﺣﺪﻩ
ﻭﺭﺑﻴﺘﻪ ﻉ ﺍﺩﻳﻪ ﻭﺍﺑﻨﻲ ﺣﺎﻟﻪ ﺣﺎﻝ ﺣﺴﻦ ﺑﺲ ﻳﺎﻳﻤﻪ ﺍﻟﺮﺟﺎﻝ ﺧﺎﻃﺐ ﻭﺍﻟﻀﺮﻩ ﺗﻜﺴﺮ ﺍﻟﻀﻬﺮ ﻭﺍﻧﻲ ﺍﺩﺭﻱ ﺑﻴﺞ ﻣﺎﺗﺘﺤﻤﻠﻴﻦ ﻭﻳﺎﻣﻦ ﺍﻧﺴﺎﻥ ﺯﻳﻦ ﻭﺍﻟﺨﻄﻮﺑﻪ ﺭﺍﺡ ﺍﻃﻮﻝ ﺍﺗﻌﺮﻓﻲ ﻋﻠﻴﻪ ﻭﺷﻮﻓﻲ ﺍﺫﺍ ﻣﺎ ﻳﻌﺠﺒﺞ ﻭﻣﺎﺭﺗﺎﺣﻴﺘﻲ ﻭﻳﺎﻩ ﺑﺲ ﻛﻮﻟﻴﻠﻲ ﻭﺍﻟﻠﻪ ﺍﻧﻌﻞ ﺍﺑﻮ ﺍﻟﻨﺎﺱ ﻭﻛﻼﻣﻬﻢ
ﺍﻫﻢ ﺷﻲ ﻣﺮﺗﺎﺣﻪ ﻣﺎﺷﻲ ﺑﻨﻴﺘﻲ
- ﻫﺰﻳﺖ ﺭﺍﺳﻲ ﻭﻫﻤﺴﺖ ﺑﺲ ﺭﺍﺡ ﻧﻌﻘﺪ ﺷﻠﻮﻥ
- ﻋﺎﺩﻱ ﻋﻘﺪ ﺳﻴﺪ ﺑﺲ ﻋﻠﻤﻮﺩ ﺗﻜﺪﺭﻳﻦ ﺍﺷﻮﻓﻲ ﻭﻳﺸﻮﻓﺞ ﺑﻠﺤﻼﻝ ﻭﻣﻦ ﺗﺘﻔﻘﻮﻥ ﻭﻗﺒﻞ ﺍﻟﻌﺮﺱ ﺑﺴﺒﻮﻉ ﺗﻌﻘﺪﻭﻥ ﻣﺤﻜﻤﻪ
ﻫﺰﻳﺖ ﺭﺍﺳﻲ ﻭﻋﺎﻓﺘﻨﻲ ﻭﺭﺍﺣﺖ ﺍﺭﺗﺎﺣﻴﺖ ﻻﻥ ﻛﺎﻟﺖ ﻫﻴﺞ ﻭﺛﺎﻧﻲ ﻳﻮﻡ ﺍﻟﺠﻤﻌﻪ ﺍﺟﺖ ﻣﺸﻴﻪ ﺷﻜﺒﺮﻫﺎ ﺍﺗﻤﻨﻴﺖ ﺍﻧﺼﺎﻑ ﻳﻤﻲ ﺑﺲ ﺍﻋﺮﻑ ﻫﻴﺞ ﻳﻮﻡ ﻫﻲ ﺑﺒﻐﺪﺍﺩ ﺍﺷﻮﻑ ﺍﺑﻨﻬﺎ ﻭﺣﺘﻪ ﻟﻮ ﻫﻨﺎ ﻣﺎﺗﺠﻲ
ﺍﻋﺮﻑ ﺑﻴﻬﺎ ﻭﺗﻌﻮﻑ ﻋﻤﺎﺭ ﻭﺣﻤﺪﺕ ﺭﺑﻲ ﺍﻟﻒ ﻣﺮﻩ ﻻﻥ ﻋﻤﺎﺭ ﻣﻮ ﻫﻨﺎ ﺑﺒﻐﺪﺍﺩ
ﻣﺮﺕ ﻳﻮﻣﻴﻦ ﻭﺭﺣﻨﺎ ﻋﻘﺪﻧﺎ ﺟﻨﺖ ﺍﺭﺟﻒ ﻭﺧﺎﻳﻔﻪ ﻣﺠﻠﺒﻪ ﺑﺎﻣﻲ ﻭﻣﺎ ﺗﺤﺮﻙ ﺑﻌﻴﺪ ﻋﻨﻬﺎ ﻭﻫﻮ ﺟﺎﻥ ﻛﻞ ﻣﺎ ﺍﺻﻴﺮ ﻋﻴﻮﻧﻲ ﺑﻌﻴﻮﻧﻪ ﻳﻐﻤﺰﻟﻲ ﻟﻮ ﺷﻮ ﺷﻴﺴﻮﻱ
ﻭﺍﻧﻲ ﺍﻣﻮﺕ ﺧﺠﻞ ﻭﻛﺮﻩ ﻣﻦ ﻳﻤﻲ ﺑﻄﻼﻉ ﺍﻟﺮﻭﺡ ﺧﻠﺼﻨﺎ ﻭﺭﺟﻌﻨﺎ ﻭﺻﺮﺕ ﻣﺮﺗﻪ ﺍﻟﻴﺎﻣﻦ ﺍﻟﻲ ﻣﺎﻋﺮﻑ ﻋﻨﻪ ﺍﻱ ﺷﻲ ﻏﻴﺮ ﻭﺍﺣﺪ ﻧﺴﻮﻧﺠﻴﻲ ﺷﻠﻮﻥ ﺭﺍﺡ ﺍﻋﻴﺶ ﻭﻳﺎﻩ ﻣﺎﺩﺭﻱ
ﺭﺟﻌﺖ ﻟﻠﺒﻴﺖ ﻭﺍﻟﻌﺼﺮ ﺳﻮﻭ ﺣﻔﻠﻪ ﺍﻟﻲ ﻟﺒﺴﺖ ﻓﺴﺘﺎﻥ ﺟﺎﺑﺘﻪ ﻣﺮﺕ ﺍﺑﻮﻩ ﺍﻟﻲ ﻣﻦ ﺑﻐﺪﺍﺩ ﺟﺎﻥ ﻗﺼﻴﺮ ﻭﺻﺪﺭﻩ ﺗﻮﺭ ﻭﻣﻠﻴﺎﻥ ﻧﻤﻨﻢ ﻭﻧﻘﺶ ﻭﻣﻦ ﺟﻮﻩ ﻧﻔﺶ ﻣﻦ ﻳﻢ ﺍﻟﺨﺼﺮ ﺟﺎﻥ ﺗﻮﺭ ﺧﻔﻴﻒ ﻃﺎﻟﻌﻪ ﺑﻄﻨﻲ ﻣﻨﻪ
ﻭﻣﻦ ﻭﺭﻩ ﺿﻬﺮﻱ ﻛﻠﻪ ﻃﺎﻟﻊ ﺍﺳﻮﺩﻧﺖ ﻭﻣﺎﻗﺒﻠﺖ ﺍﻟﺒﺴﻪ ﻛﻮﻩ ﻗﻨﻌﺘﻨﻲ ﺍﻣﻲ ﺍﻟﺒﺴﻪ ﻭﺍﺣﻂ ﻓﻮﻛﺎﻩ ﺷﺎﻝ
ﻻﻥ ﺍﻟﺘﺴﺮﻳﺤﻪ ﺟﺎﻧﺖ ﻣﺮﻓﻮﻋﻪ ﻭﻃﻠﻌﺖ ﻛﻞ ﺿﻬﺮﻱ ﺟﺎﻧﺖ ﻟﻮﻧﻬﺎ ﺳﻤﺎﺋﻲ ﻓﺎﺗﺢ ﻛﻠﺶ ﺣﻠﻮ ﺣﻄﻴﺖ ﺷﺎﻝ ﺍﺑﻴﺾ ﻉ ﺿﻬﺮﻱ ﻭﺍﺩﻳﻪ
ﻭﺻﻮﺕ ﻛﺮﺍﻳﺒﻪ ﻣﻦ ﺩﺧﻞ ﺭﻥ ﺍﻟﺒﻴﺖ ﺭﻥ ﺑﻠﻬﻼﻫﻞ ﺩﺧﻞ ﻫﻮ ﻭﺍﺑﺘﺴﺎﻣﺘﻪ ﺍﻟﻤﺴﺘﻔﺰﻩ ﻉ ﺷﻔﺎﻳﻔﻪ ﻣﺘﻮﻗﻌﺖ ﺑﻴﻮﻡ ﺍﺯﻭﺟﻪ ﻟﻬﺬﺍ ﺍﻟﺤﻘﻴﺮ ﺍﻟﻲ ﺑﻴﻮﻡ ﻣﻦ ﺍﻻﻳﺎﻡ ﺍﺗﻬﻤﻨﻲ ﺑﺸﺮﻓﻲ ﻭﺿﺮﺑﻨﻲ ﻭﻫﺪﺩﻧﻲ ﻭﺍﻧﻲ
ﻫﺎﻱ ﺍﻧﻲ ﻣﻮ ﻣﺮﺗﻪ ﻭﻫﻴﺞ ﻟﻮ ﺻﺮﺕ ﻣﺮﺗﻪ ﺷﻠﻮﻥ ﺧﻔﺖ ﺍﻛﺜﺮ ﻭﺍﺗﻨﺪﻣﺖ ﻉ ﻗﺮﺍﺭﻱ ﻫﺬﺍ ﻛﻌﺪ ﺑﺼﻔﻲ ﻭﻫﻮ ﻳﻬﻤﺲ ﺑﺎﺫﻧﻲ ﻣﺒﺮﻭﻙ ﻋﻠﻴﺞ ﺍﻧﻲ ﻭﺿﺤﻚ
ﺑﺎﻭﻋﺘﻠﻪ ﺑﻨﺺ ﻋﻴﻦ ﻭﻫﺰﻳﺖ ﺭﺍﺳﻲ ﺷﻨﻮ ﻫﺎﻱ ﺍﻟﺜﻘﻪ ﻳﺎﻟﻠﻪ ﻫﻤﺴﺖ ﻭﺍﻧﻲ ﺍﺑﺎﻭﻋﻠﻪ ﺑﻨﺺ ﻋﻴﻦ
- ﺷﻨﻮ ﻫﺎﻱ ﺍﻟﺜﻘﻪ ﺍﻟﻌﺎﻟﻴﻪ ﻫﺎﺍ ﻟﻌﺪ ﻣﺎﺩﺍﻡ ﻫﻴﺞ ﺧﻞ ﺍﻛﻮﻟﻚ ﺭﻭﺡ ﺍﺣﺠﺰ ﻣﻜﺎﻥ ﺑﻤﺴﺘﺸﻔﻰ ﺍﻟﻤﺠﺎﻧﻴﻦ ﻣﻦ ﻫﺴﻪ ﻻﻥ ﺭﺍﺡ ﺍﺳﻮﺩﻥ ﺣﻴﺎﺗﻚ
ﺿﺤﻚ ﺑﺼﻮﺕ ﻋﺎﻟﻲ ﻭﻛﻠﻬﺎ ﺑﺎﻭﻋﺖ ﻋﻠﻴﻨﺎ ﻭﺗﻀﺤﻚ ﻏﻤﻀﺖ ﻋﻴﻮﻧﻲ ﻏﺒﻴﻴﻲ ﻫﺴﻪ ﻋﺒﺎﻟﻬﻢ ﺍﺗﻐﺰﻝ ﺑﻲ ﻭﺿﺤﻚ ﻫﻮ ﺩﻧﻚ ﻳﺤﻚ ﺑﻠﺤﻴﺘﻪ ﻭﺍﺗﻘﺮﺏ ﻳﻬﻤﺲ ﻳﻢ ﺍﺫﻧﻲ
- ﻣﻨﻮ ﺍﻟﻮﺍﺛﻖ ﺑﻨﻔﺴﻪ ﺍﻧﻲ ﻟﻮ ﺍﻧﺘﻲ ﻫﻬﻬﻬﻪ ﺣﺒﻴﺒﺘﻲ ﺍﺧﺎﻑ ﺍﻟﺤﺠﺰ ﻳﺘﺤﻮﻝ ﺍﻟﺞ ﻣﻮ ﺍﻟﻲ ﻻﻥ ﺗﺪﺭﻳﻦ ﺑﻲ ﺍﺧﺒﻠﺞ ﻭﺍﺧﺒﻞ ﻋﺸﺮﻩ ﻣﺜﻠﺞ
ﺣﺠﺎﻫﺎ ﻭﻏﻤﺰﻟﻲ ﺣﺴﻴﺖ ﺍﻟﻨﺎﺭ ﺻﻌﺪﺕ ﻋﺪﻱ ﻣﺘﺤﻤﻠﺖ ﺭﺩﺕ ﺍﻛﻮﻡ ﺻﺎﺣﺖ ﻣﺮﺕ ﺍﺑﻮﻩ
- ﻫﺎ ﻣﺎﻣﺎ ﻭﻳﻦ ﺧﻠﻴﺞ ﺧﻞ ﻳﻠﺒﺴﺞ ﺍﻟﺬﻫﺐ
ﺳﻜﺘﺖ ﻭﻛﻌﺪﺕ ﻭﻫﻮ ﻳﻀﺤﻚ ﺍﺧﺬ ﺍﻟﻜﻼﺩﻩ ﻣﻦ ﺍﻳﺪ ﻣﺮﺕ ﺍﺑﻮﻩ ﻭﺍﺗﻘﺮﺏ ﻳﻠﺒﺴﻬﺎ ﺍﻟﻲ ﻏﻤﻀﺖ ﻋﻴﻮﻧﻲ ﻭﺍﺣﺲ ﻣﺴﻮﻳﻪ ﺷﻲ ﻏﻠﻂ ﺧﺎﻳﻨﻪ ﺍﺣﺲ ﺭﻭﺣﻲ ﺍﻫﻤﺪﺍﻧﻲ ﺍﻫﻤﺪﺍﻧﻲ ﻟﻌﺒﺖ ﻧﻔﺴﻲ ﻭﻛﻮﻩ ﺻﻠﺮﺕ ﺭﻭﺣﻲ
ﺧﻠﺺ ﻭﺍﺧﺬ ﺍﻳﺪﻱ ﻟﺒﺴﻨﻲ ﺍﻟﺤﻠﻘﻪ ﻭﺍﻟﻤﺤﺒﺲ ﻭﺍﻟﺴﻮﺍﺭ ﻭﺑﻌﺪﻫﺎ ﺭﺍﺡ ﻳﻠﺒﺴﻨﻲ ﺍﻟﺘﺮﺍﺟﻲ ﻣﺨﻠﻴﺘﻪ ﻻﻥ ﺟﺎﻥ ﻃﻮﻝ ﻣﺎ ﻳﻠﺒﺴﻲ ﻳﺤﺎﻭﻝ ﻳﻠﻤﺲ ﺍﻳﺪﻱ ﺑﻄﺮﻳﻘﻪ ﻣﻮ ﺣﻠﻮﻩ ﻭﻳﻐﻤﺰﻟﻲ
ﻛﻮﻩ ﺧﻠﺼﺖ ﻧﻔﺴﻲ ﻣﻨﻬﺎ ﻭﺭﺩﺕ ﺍﻛﻮﻡ ﺍﻏﺴﻞ ﻛﺎﻟﺖ ﻋﻤﺘﻪ
ﻛﻮﻡ ﻳﻤﻪ ﺧﻞ ﺗﺎﺧﺬﻙ ﻣﺮﻳﺘﻚ ﻟﻠﻐﺮﻓﻪ ﻭﺗﻌﺎﺭﻓﻮ ﺍﺣﺠﻮ ﺳﻮﻩ ﻣﻦ ﻛﺎﻟﺖ ﻫﻴﺞ ﻓﻜﻴﺖ ﻋﻴﻨﻲ ﻭﺑﺎﻭﻋﺖ ﻉ ﺍﻣﻲ ﻫﻴﺞ ﻫﺰﺕ ﺭﺍﺳﻬﺎ ﺑﺎﻱ
ﺻﺒﺮﺕ ﺭﻭﺣﻲ ﻭﻣﺸﻴﺖ ﻭﻫﻮ ﻭﺭﺍﻱ ﻓﺘﺤﺖ ﺍﻟﺒﺎﺏ ﻣﺎﻝ ﺍﻻﺳﺘﻘﺒﺎﻝ ﻭﺍﺷﺮﺕ ﺍﻟﻪ ﻳﺪﺧﻞ ﺿﺤﻚ
- ﻻ ﺍﻟﺴﻴﺪﺍﺕ ﺍﻭﻻﺍﺍ
ﺣﺠﺎﻫﺎ ﻭﻳﺒﺎﻭﻋﻠﻲ ﻣﻦ ﻓﻮﻙ ﻟﺠﻮﻩ ﺧﺠﻠﺖ ﻭﺑﻨﻔﺲ ﺍﻟﻮﻛﺖ ﻛﺮﻫﺖ ﺭﻭﺣﻲ ﻛﻤﺖ ﺍﻧﺰﻝ ﺑﺜﻮﺏ ﻭﻫﻮ ﻳﻀﺤﻚ ﺩﺧﻠﺖ ﻭﺩﺧﻞ ﻫﻮ ﺷﻬﻜﺖ ﻣﻦ ﺷﻔﺘﻪ ﻳﻘﻔﻞ ﺍﻟﺒﺎﺏ ﻭﺩﺍﺭ ﻋﻠﻴﻪ
- ﺍﻧﺖ ﺷﺪﺍﺳﻮﻱ ﺍﻓﺘﺢ ﺍﻟﺒﺎﺏ ﻻ ﺍﺻﻴﺢ ﻭﺍﻟﻠﻪ
- ﺻﻴﺤﻲ ﻣﺮﺗﻲ ﻭﺍﻧﻲ ﺣﺮ ﺑﺲ ﺧﺎﻑ ﻳﺮﺣﻮﻥ ﻳﻔﺘﻬﻤﻮﻫﺎ ﻏﻠﻂ
ﺣﺠﺎﻫﺎ ﻭﻏﻤﺰﻟﻲ ﻭﻛﻌﺪ ﻉ ﺍﻟﻘﻨﻔﻪ ﺭﺟﻞ ﻉ ﺭﺟﻞ ﺍﺗﻘﺪﻣﺖ ﻭﺍﻧﻲ ﺍﺭﻓﻊ ﺍﺻﺒﻌﻲ ﺑﻄﺮﻳﻘﺔ ﺍﻟﺘﻬﺪﻳﺪ
- ﻻ ﻋﺒﺎﻟﻚ ﺧﺎﻳﻔﻪ ﻣﻨﻚ ﻭﻣﻮ ﻟﺴﻮﺍﺩ ﻋﻴﻮﻧﻚ ﻭﺍﻓﻘﺖ ﻋﻠﻴﻚ ﻻﺍﺍﺍﺍ ﻻﻥ ﺍﻟﻀﺮﻭﻑ ﺣﻜﻤﺖ ﺍﺧﺘﺎﺭ ﺍﻟﻨﺤﺎﺱ ﻭﺍﻋﻮﻑ ﺍﻟﺬﻫﺐ ﻣﻮ ﻋﺒﺎﻟﻚ ﻣﺎﻋﺮﻑ ﺑﺴﺒﺒﻚ ﺍﻧﺖ ﻭﺻﺪﻳﻘﻚ ﺍﻟﻌﺎﺭ ﺍﻟﻲ ﻋﺎﻑ ﺻﺪﻳﻘﺘﻲ ﻭﺍﺗﻬﻤﻬﺎ ﺯﻭﺭ ﺑﺴﺒﺒﻜﻢ ﺍﻧﺨﻄﻔﺖ ﻭﺍﺗﻌﺬﺑﺖ ﻭﺭﺩﺕ
ﻣﻜﺪﺭﺕ ﺍﺗﺤﻤﻞ ﺣﺴﻴﺖ ﺑﺨﻨﻜﻪ ﻭﺍﻧﻲ ﺍﺫﻛﺮ ﻫﺬﺍﻙ ﺍﻟﻴﻮﻡ ﺍﻻﺳﻮﺩ ﻛﻌﺪﺕ ﻭﺍﺩﻣﻮﻋﻲ ﻧﺰﻟﺖ ﻭﻫﻮ ﻭﻛﻒ ﻭﻣﺒﻴﻦ ﻋﺼﺐ
- ﺗﺮﺍ ﺯﻭﺩﺗﻴﻬﺎﺍﺍﺍ ﻫﺬﺍ ﺣﺠﻴﺞ ﺍﻛﺒﺮ ﻣﻦ ﺭﺍﺳﺞ ﻭﺍﻛﺴﺮﻩ ﺍﻟﺮﺍﺳﺞ ﺍﺫﺍ ﻋﺪﺗﻲ ﺑﻌﺪ ﻓﺎﻫﻤﻬﻪ ﺑﻄﻮﻝ ﺍﻟﻨﻌﺎﻝ ﻭﺗﺤﺠﻴﻦ ﺣﺠﻲ ﺍﻛﺒﺮ ﻣﻦ ﺭﺍﺳﺞ
- ﻻ ﺗﻐﻠﻄﻄﻄﻄﻄﻂ ﻓﺎﻫﻢ ﻻ ﺗﻐﻠﻄﻄﻂ ﺷﻨﻮ ﺣﺠﻴﺖ ﺷﻲ ﻏﻠﻂ ﺍﻧﻲ ﻫﺎﺍﺍﺍ ﺍﻧﺘﻲ ﻭﺻﺎﺣﺒﻚ ﺍﻛﺒﺮ ﻋﺎﺭﺍﺕ ﺷﻔﺘﻬﻢ ﺑﺤﻴﺎﺗﻴﻴﻴﻴﻲ
ﺑﻌﺪﻧﻲ ﻣﻤﻜﻤﻠﻪ ﻛﻼﻣﻲ ﻣﺎﺣﺲ ﻏﻴﺮ ﺻﺎﺭ ﻓﻮﻛﻲ ﺷﻤﺮ ﺍﻟﺸﺎﻝ ﻣﻦ ﻋﻠﻴﻪ ﻭﺧﺰﺭﻧﻲ ﻭﻓﺎﺗﺢ ﻋﻴﻮﻧﻪ ﻛﻞ ﻋﻴﻦ ﺷﻜﺒﺮﻫﺎبيج قصص عراقيه حقيقيه من واقعنا.روعه الطائي
- ﻛﻤﻠﻲ ﻛﻤﻠﻲ ﺣﺘﻪ ﺍﺷﻜﻪ ﺍﻟﺤﻠﻜﺞ ﺑﺖ ﺍﻝ ﺍﺳﺘﻐﻔﺮﺍﻟﻠﻪ ﺟﻮﺭﻱ ﻟﻴﺶ ﺍﺗﺨﻠﻴﻨﻲ ﺍﻋﺼﺐ ﺑﻌﺪﻳﻦ ﺷﻘﺼﺪﺝ ﺑﻌﻔﺘﻲ ﺍﻟﺬﻫﺐ ﻭﺍﺧﺘﺎﺭﻳﺘﻲ ﺍﻟﻨﺤﺎﺱ ﺍﻋﺮﻑ ﻋﻤﺎﺭ ﺧﻄﺒﺞ ﺟﻨﺘﻲ ﺗﻘﺼﺪﻱ ﻣﻮ
ﺑﺎﻭﻋﺘﻠﻪ ﺑﺒﺘﺴﺎﻣﻪ ﻭﻫﺰﻳﺖ ﺭﺍﺳﻲ ﺑﺄﻱ ﻭﻫﻮ ﺻﺎﺭﻥ ﻋﻴﻮﻧﻪ ﺣﻤﺮ ﻣﺎﺣﺴﻴﺖ ﻏﻴﺮ ﺑﺸﻔﺎﻳﻔﻪ ﻉ ﺍﺷﻔﺎﻳﻔﻲ ﺻﺮﺕ ﺍﺩﻓﻊ ﺑﻲ ﻭﻫﻮ ﻣﺎﻛﻮ ﻣﻴﻮﺧﺮ ﺍﺣﺲ ﺍﻟﻨﻔﺲ ﺍﻧﻜﻄﻊ ﻣﻨﻲ ﺍﺗﺨﺒﻠﺖ ﺗﺨﻴﻠﺘﻪ ﻭﺧﺮ ﻭﻫﻮ ﻋﻴﻮﻧﻪ ﻧﺎﺭ
- ﻋﻴﺪﻱ ﻫﺬﺍ ﻛﻼﻣﺞ ﻭﺷﻮﻓﻲ ﺷﺴﻮﻱ ﺑﻴﺞ ﺗﻨﺴﻴﻦ ﺷﻲ ﺍﺳﻤﻪ ﻋﻤﺎﺭ ﻻ ﺍﻛﺴﺮ ﺭﺍﺳﺞ ﻓﺎﺍﺍﺍﻫﻤﻪ
ﺣﺠﻪ ﻛﻠﻤﺎﺗﻪ ﻭﻓﺘﺢ ﺍﻟﺒﺎﺏ ﻭﻃﻠﻊ ﺣﻈﻨﺖ ﺭﺟﻠﻴﻪ ﺧﺎﻳﻔﻪ ﺍﺭﺟﻒ ﺣﺴﻴﺖ ﺑﻬﺬﺍﻙ ﺍﻟﻮﺣﺶ ﻓﻮﻛﻲ ﻣﻮ ﻳﺎﻣﻦ ﺍﺗﺨﺒﻠﺖ ﻛﻠﻬﻢ ﻧﻔﺲ ﺍﻟﺸﻲ ﺑﺲ ﻋﻤﺎﺭ ﺍﻟﺰﻳﻦ ﻭﺧﺴﺮﺗﻪ ﻣﻦ ﺯﻣﺎﻥ ﻻﻥ ﻣﻮ ﻗﺴﻤﺘﻲ
ﻣﺮﺕ ﺍﻻﻳﺎﻡ ﻭﺍﻧﻲ ﺍﺣﺲ ﺭﻭﺣﻲ ﻣﻴﺘﻪ ﻭﻫﺬﺍ ﻳﺪﻙ ﺑﻠﻴﻮﻡ ﺍﻟﻒ ﻣﺮﻩ ﻭﻣﺎ ﺍﺭﺩ ﻋﻠﻴﻪ ﻏﻴﺮ ﺑﺲ ﻣﺮﻩ ﻭﺣﺪﻩ ﻭﺍﺳﺪﻩ ﻭﻫﻮ ﻳﺘﻮﻋﺪ ﺍﻟﻲ ﺍﻛﺮﻫﻪ ﻳﺎﻋﺎﻟﻢ ﺍﻛﺮﻫﻪ ﺍﻧﺼﺎﻑ ﺍﺟﺘﻨﻲ ﺣﺎﻟﺘﻬﺎ ﻣﺪﻫﻮﺭ ﻉ ﻓﻘﺪﺍﻥ ﺍﺑﻨﻬﺎ
ﻭﻫﺬﺍ ﺍﻟﺤﻘﻴﺮ ﺍﻟﻲ ﻣﺎﻳﻘﺒﻞ ﻳﺤﺮﺭﻫﺎ ﻭﻳﺨﻠﻴﻬﺎ ﺗﺮﺗﺎﺡ ﺑﻘﻴﺖ ﺗﺒﺠﻲ ﻭﺍﻧﻲ ﺍﺑﺠﻲ ﻭﻳﺎﻫﺎ ﻭﻛﺪﺭﺕ ﺗﺮﺟﻊ ﻋﻼﻗﺘﻲ ﺑﻴﻬﺎ ﺟﻨﺖ ﺧﺎﻳﻔﻪ ﻻ ﺗﺘﺮﻛﻨﻲ ﻻﻥ ﺭﻓﻀﺖ ﻋﻤﺎﺭ ﺍﺍﺥ ﻳﺎﻋﻤﺎﺭ
ﺳﻤﻌﺘﻪ ﻣﻘﺪﻡ ﺍﻟﻌﺮﺱ ﻭﻣﺎﺑﻘﺎﻟﻪ ﻏﻴﺮ ﻛﻢ ﺍﺳﺒﻮﻉ
ﺑﻴﻮﻡ ﺟﻨﺖ ﻃﺎﻟﻌﻪ ﻭﻳﻪ ﺍﻣﻲ ﻭﺣﺴﻦ ﻣﺎﺧﺬﻧﺎ ﺑﺴﻴﺎﺭﺓ ﺻﺪﻳﻘﻪ ﺭﺟﻌﻨﺎ ﺍﻟﻀﻬﺮ ﻭﺍﻟﺪﻧﻴﺎ ﺣﺎﺭﻩ ﺑﺎﻭﻋﺖ ﻣﻦ ﺍﻟﺸﺒﺎﻙ ﺍﻧﺘﺒﻬﺖ ﻫﺎﻱ ﺭﺍﻧﻴﺎ ﺻﺨﺎﺍﺍﺍﻡ ﻭﻳﻦ ﺭﺍﻳﺤﻪ ﻛﺎﻣﺸﻪ ﻟﻌﺒﺘﻬﺎ ﻭﺗﺮﻛﺾ ﺑﺘﺠﺎﻫﻪ ﻣﻜﺎﻥ ﻫﻴﺞ ﻭﺭﻩ ﺑﻴﻮﺕ ﺍﻟﻤﻨﻄﻘﻪ ﻭﺍﻃﻔﺮ ﻭﺷﻌﺮﻫﺎ ﻃﺎﻟﻊ
ﻳﻮﻡ ﺣﺴﻦ ﺍﻭﻛﻔﻮ ﺫﻳﺞ ﺭﺍﻧﻴﺎﺍﺍ ﻭﻛﻒ ﺣﺴﻦ ﻭﺍﻧﻲ ﻧﺰﻟﺖ ﺍﺭﻛﺾ ﻭﺍﻣﻲ ﻭﺭﺍﻱ ﺳﻤﻌﺖ ﺷﻬﻜﺖ ﺍﻣﻲ ﻭﻫﻲ ﺗﻜﻮﻝ ﻭﻟﺞ ﻫﺎﻱ ﺭﺍﻧﻴﺎ ﺷﺴﻮﻱ ﺑﻬﺬﺍ ﺍﻟﻤﻜﺎﻥ
ﺑﺎﻭﻋﺖ ﻉ ﺍﻣﻲ ﻭﻫﻤﺴﺖ ﻟﻴﺶ ﻣﺎﻣﺎ ﺷﻜﻮ
ﻭﻟﺞ ﻳﻤﻪ ﻫﺬﺍ ﺍﻟﺒﻴﺖ ﻟﻮﺣﺪﻩ ﻣﺸﻌﻮﺫﻩ ﺍﺳﻮﻱ ﺳﺤﻮﺭﻩ ﻭﺍﻋﻤﺎﻝ ﺍﺳﺘﻐﻔﺮﺍﻟﻠﻪ ﺍﻟﻠﻪ ﻏﺎﺿﺐ ﻋﻠﻴﻬﺎ ﻭﺣﺘﻪ ﺟﺴﻤﻬﺎ ﻣﺤﺮﻭﻙ ﻭﻣﺸﻮﻫﻪ ﺍﺗﺸﺸﻮﻩ ﻫﺎﻱ ﺷﻌﺪﻫﺎ ﻫﻨﺎﻙ
ﺍﻣﻲ ﻣﺎﺗﻌﺮﻑ ﺑﺮﺍﻧﻴﺎ ﻭﺧﺎﻟﻪ ﺍﻡ ﻋﻤﺎﺭ ﻭﻋﻤﻠﺘﻬﻦ ﺍﻟﻲ ﺳﻮﻧﻬﻨﺎ ﺑﺎﻧﺼﺎﻑ ﺭﻛﻀﺖ ﺍﺟﻴﺐ ﺭﺍﻧﻴﺎ ﻭﺣﺴﻦ ﻭﻳﺎﻱ ﻫﻲ ﺍﺻﻴﺢ ﻋﻮﻓﻮﻧﻲ ﺍﺭﻳﺪ ﺍﻟﻌﺐ ﻭﺣﺴﻦ ﻳﺠﺮﺟﺮ ﺑﻴﻬﺎ ﻭﻭﻫﻲ ﺗﺼﺮﺥ ﺍﺭﻳﺪ ﺍﻟﻌﺐ ﻭﺧﺮ ﻭﺧﺮ ﺍﻧﺖ ﻳﺎ ﻛﻠﺐ ﻭﺧﺮ
ﻭﺣﺴﻦ ﻳﻀﺤﻚ ﻭﻳﻬﺰ ﺍﻳﺪﻩ ﻭﻳﺠﺮ ﺑﻴﻬﺎ ﺍﺧﺬﻧﺎﻫﺎ ﻟﻠﺒﻴﺖ ﻭﻛﻮﻩ ﻻﺯﻣﺘﻬﺎ ﺍﻧﻲ ﻭﺣﺴﻦ ﻭﺍﻣﻲ ﻭﺭﺍﻧﺎ ﻟﻜﻴﺖ ﺍﻧﺼﺎﻑ ﻭﺍﻛﻒ ﺑﻠﺒﺎﺏ ﻭﻋﻤﺎﺭ ﺑﺼﻔﻬﺎ ﻣﻦ ﺷﺎﻓﻨﻲ ﺑﻘﻪ ﻳﺒﺎﻭﻉ ﺑﻌﻴﻮﻧﻲ ﻭ ……… ﻳﺘﺒﻊ
،،،،،،،ﻭﻟﻠﺤﻜﺎﻳﻪ ﺑﻘﻴﻪ ،،،،،،،
ﻗﺮﺍﺋﻪ ﻣﻤﺘﻌﻪ ﺍﺣﺒﺘﻲ
ﺍﻧﺘﻀﺮﻭﻧﻲ ﺑﺒﺎﺭﺕ ﻏﺪﺍ ﻣﻠﻴﺊ ﺑﺎﺣﺪﺍﺙ ﻣﺸﻮﻗﻪ ﺟﺪﺍ ﻭﺭﺑﻤﺎ ﺳﻮﻑ ﺗﻜﺘﺸﻒ ﺍﻟﺤﻘﻴﻘﻪ ﻓﻤﺎ ﻫﻮ ﻣﺼﻴﺮ ﺍﺑﻄﺎﻟﻨﺎ
ﺗﻮﻗﻌﺎﺗﻜﻢ ﻭﺗﺼﻮﻳﺘﻜﻢ ﻭﺗﻌﻠﻴﻘﺎﺗﻜﻢ
# ﻧﻮﺭ ﺍﻟﺸﻤﺮﻱ
# ﻧﻮﺷﻪ