منقولة بالله اقروها كاملة

"والمره هادي قصتناّ من مدينه سبها."
كنتْ سامعه بالقصه هادي من اكثر من السنه
وحاولتْ اكثر من مره نوصل لي صاحبة القصه ونسمع منها كل شيء بالتفصيل بسْ كل مره المحاوله تفشل..!!
ومره بعد مره نجحت المحاوله وقدرتْ نوصل لي صاحبه القصه وشكراًيامريم" علي المساعده💛
وصلتْ فيها كلمتها وقتلها نبيّ نعرفْ قصتك
وانّ نكتب في قصص ليبيه وشرحتلها هدفي وكل شيء .، بعد ترددْ وافقتْ وبدتْ تحكيلي..
________________________
في بدايه حياتي كنت عايشه مع هلي وامي وبويا وخوتي وخواتي زي اي عيله ليبيه وكنت اني ترتيب 3في العائله كنت نقرا وقررت بعد مانتم مرحله لاعدادي نقرا معهد طبي وكان المعهد مش في نفس منطقتناّ..،
فبعد ماكملت مرحله لاعدادي قررت اني واهلي ان نمشي نسكن في حوش جدي باحكم المعهد كان قريبْ عليهم
وحولت بديت نقرا وحمد الله يوم بعد يوم كان فيه ولد كل مانمشي يمشي معايا الموقف تكرر اكثر من 10مرات كل مره كنت نصنع في مبرر ليه بسْ كل شيء وصل حده!
واني الخوف سيطر عليا فغيرت طريقي
وقاعد الولد نفس شيء لكن المره هادي وقف وكلمنيّ..!
_ممكن دقيقه
_تفضل ...
_اكيده انتي ملاحظه ان ليا وقتْ نتابع فيك
وان كل يوم نمشي ونجيك وكل هدا بس يابنت الناسّ في شيء شدني ليك
_بحكم اول مره يصير معايا هكي فكانت الرعشه مسيطره عليا وومفيش ولا رد منيّ.!
_ عارف صدمه ليك وعارف مش عارفه شن تقولي بسْ اني حبيت نوضحلك كل شي ونبي اي طريقه نوصل فيك
_نبي نمشي للمعهد ممكن.
ف كملت طريقي ومشيت ..
والولد نفس شي وبعد شهر واسبوع بزبط وقفلي
وكلمني..شن صار قررتي يافاطمه..!
حسيتْ بشعور اول مره نحسه وشبحت فيه وقتلا وين تعرف اسمي
فضحك وقالي واني شن اللي مانعرفه عليك كا شيء في دنيتك نعرفه
فرحت هلبا بكلامه بسْ في نفس الوقت خفت
فمشيت وسيبته يوم وراء يوم وهو الولد نفس شيء مره يكلمني ومره يشوفلي واني من داخل فرحانه بيه ونستنا في الصبح يصبح باش نشوفه واستمرينا علي حال هدا لعند اخر اي في ايام القرايه ،وقف عليا وقالي
(فطومتيِ لعند امتا تقعدي تعذبي فيا هكي)
واني مع كلمته هادي قلبي طلع من مكانه وفرحت وبدون إراده قتلا باهي شن تبي اندير
قالي خودي رقمي وقت تحصلي فضوه اتصلي بيا، خديت الرقم وكنت نشوف لي دنيا واني فرحانه ونستنا امتا نوصل للحوش،وصلت غيرت وكسدت وكنت نستنا الحوش يفضا باش نكلمه بحكم وقتها ماكنتش عندي نقال
وحنكلمه علي لارضي،
والعشيه جت وكل حد في مكان شديت الهاتف واتصلتْ بيه رد ولما سمع صوتي صكر وعاود عليا وهدرزنا تعرفنا(كانت احلي مكالمه في حياتي❤️)
ويوم بعد يوم أطورنا وفتح المعهد ونشوف فيه
ويشوف فيا ومرو 4سنوات بكل شي حلو فيهم ومريناّ بي مشاكل وهلبا شيء بسْ حبناّ كان اقوا., وتخرجت وجي اليوم اللي بنرجع فيه لي منطقتي هدرزنا وقالي راه بنجي نخطبك لايام جايه،
فرحت فرحه الدنيا كلها وكان يوم حلو معاه،
روحت ويوم وراء يوم اتصالات واهتمام وكل شيء قنين ايصير بين اي اثنين,
ويوم كلمني قالي راه اليوم بنجوكم واني كلمت عمتي وقتلها تتصل بي حوش جدك تاخد رقمكم وتكلم امك باش ماتشكش في شيء
كلمتنا واتفقو والخميس العشيه وتيتْ روحي وضمينا وهكي مع المغرب جونا ماما لما تسلم تغير وجها وكأن نصدمت بشيء،بس حاولت نتغضا عنها ويهدرزو وهكي وقتلها فلان لي فلاني طالب يد بنتك فاطمه ,
وامي هنيّ دمعتها نزلتْ وقاتلها هو يكون ولد امال كذا,اللي امه توفت وهيا تجيب فيه
قتلها اي هدا هوا،
واهني امي قعدت تبكي بالعبره وتقولها هدا زمان لوليد لما اما تجيب فيه ماتت وكانت اني جايبه ولدي البكر اللي توفا ودورو حد يرضعا
واني كنت اقرب وحده وكيف جايبه فكلموني ورضعته،
وهو معنها خو صغاري برضاعه ومانقدرش نعطيه بنتيّ،
كنت نسمع في الدوه ومش مصدقه,كنت نشوف فيهم ونكدب في روحي,
ماقدرتش نقول اي حرف عيوني استسلمو لي دموع وقلبي زادت نبضاته من الصدمه.!
روحو واني ماقدرتش ندير اي ردت فعل
امي تقولي عادي نصيب وتو يجي نصيبك
وهيا ماتندريش ان حب دنيتي هوا
ماتندريش ان اكثر شيء تمنيته في دنيا هوا
يوم وراء يوم واني نحاول نجمع قوتي وفي يوم ليل مؤخر اتصلت بيه..
اول خمسه دً كل حد فينا ساكتْ,وبعدها قالي كل شيء كنت متوقعه الا انك تطلعي اختي
وقعد يبكي واني نبكي وقالي كل مصيبه ليها حل االا اللي اني فيه ماليه حل وصكر،
وتبعدنا عن بعضْ وكل حد شاف حياته
واني اتزوجتْ بسْ مفيش طعمه الحب اللي كانت معاه،مفيش هداك الشعور اللي قنين اللي كنت نحس فيه😔
بس كل شيء في الدنيا نصيب..
.

بجد اثرت فيا هالقصه 💔😔
منقول #