تجاهلوا الأخطاء الاملائيه

رواية قسوتك جعلتني افعل ذالك

( البارت الـ 16 )

.

.

" تغيير احداث "

.

.

: اها طيب والحين وش تسوين هنا .

: تعرفين غموض عائلتنا يامرام تصدقين انه انا نفسي مدري وش مهمتي بالضبط .

مرام وهي تناظر الارض الخضراء وتلعب بالارض : آخر توقعاتي انك تجين -لفت عليها بابتسامه - كنت احتاج بنت جنبي ياندى .

ندى ردت الابتسامه : لا تخافين جنبك على طول انا ولا تهتمين لعائلتنا تلقين الكل تأثر بأختفائك وزعل .

مرام : معد اتوقع منهم شي ترا .

ندى : بس يظلون عائلـ .

قاطعتها : منيب مهتمه .

ندى حبت تغير الجو وبغمزه  : ترا حتى اخوي ميت من خوفه عليك .

مرام اندهشت : اها .. رعد ؟؟!

ندى بضحكه : بشحمه ولحمه .

مرام : الا صح وش خباره ؟؟

نرى : عال العال .

مرام : تغير ؟

ندى لفت تناظر الارض بوجع : لساته البارد الغليظ .

مرام ردت بضحكه ساخره : ههههه تراه اخوك مايصير تقولين غليظ .

ندى بغرور : ايه قلتيها اخوي وبكيفي اقول عنه اللي ابيه .

مرام : يازينك لو يسمعك بس !

ندى : تبين انبثر تحت التراب ؟؟!

مرام : هههههههههههههههههه تتشجعين من وراه !

ندى وهي تحط اصبعها على صدرها وتمثل الدهشه : انا ؟!

مرام : لا انا ههههههههههههههههه .

مرام #

قبل لا يصير شي بيني وبين مهند وقبل لا تختلف عايلتي كلها كنت ولازلت احترم رعد كنت احسه يختلف .. نظراته تختلف عن نظرات اولاد عمومي وخوالي الباقيين .. هم يطمعون فيني بس هو يشوفني اخته وبس لجل كذه هو اللي افضله عنهم .

منكر انه مقدر يوقف بوجه ابوي بس انا ادري ومتأكده انه عنده مبرر .

رعد كانت ومازالت له مكانه خاصه بقلبي واتحدى حد ينكر ذا الشي .

اما الأهل

اسوي حالي بكره عايلتي بس بالاخير مثل ما قالت ندى هم يظلون عايلتي بالنهايه وابوي يظل ابوي لو شنو ما صار .

صح صعب اسامحه بس راح احاول .. راح احاول اسامح الكل .

وانت يامهند راح تدفع الثمن غالي .

من بينهم كلهم كنت احترمك وهو مافي شي بيننا من صلة قرابه بس كنت اشوفك اخوي ما كنت ادري ان نظراتك تجاهي نظرات تملك مو اكثر .

لو كنت بس لاحظت الفرق بين نظراته ونظرات رعد لو كنت بس !

اقلها كان دريت انه فرق شاسع .

رعد ما حبني حب تملك رعد حبني حب أخوي ويمكن انا اللي اكن ليه مشاعر حب حقيقيه مدري ولا راح ادري ولا عمري بدري حتى بمشاعر نفسي تجاه احد ولا ابي افكر بحاول انسى واعيش حياتي بعيد على الكل .

حتى لو اطريت اتخلى عن انوثتي لأخر عمري على الاقل منيب عايشه عذاب اهلي .

بس لو كانت امي جنبي الحين كان ارتحت !

الله يرحمها .

ندى : مرام .

مرام : لبيـه .

ندى : بسألك سؤال بتجاوبيني عنه بصراحه ؟

مرام : يمكن .

ندى : لا لو يمكن ماراح اسألك .

مرام تنهدت : امري لله طيب بجاوبك .

ندى : وعد ؟

مرام باندهاش : ندىى .. متى قد كذبت انا .

ندى : طيب طيب لا تعصبين .

مرام : طيب وشو السؤال ؟؟!

ندى لفت عليها بكامل جسمها ورسمت ملامح الجديه على وجهها : الحين من زملائك ماحبيتي حد منهم.

مرام رمشت خمسين مره : ننــددى .

ندى عرفت الاجابه بس بغت تتستهبل : يعني تحبين ؟

مرام : حب برص ان شاء الله وانا اللي منتظره السؤال الكبير وجايبه لي مقدمات اخرتها سؤال اهبل مثل وجهك ؟

ندى : وجهي انا ؟؟

مرام تتغابي : لااا اكيد لا .. افااا بس شلون نغلط على حضرتك اخخ الله يهدينا بس لو زعلناك اسفين .

ندى انفجرت ضحك : ههههههههه لو تشوفين وجهك .

مرام : لا تخليني اذكرك بمواقفك - وحركت يدها بالهواء تقريبا مثل ذي الحركه 🙌 - الخيااااليه .

ندى : لا مشكوره ما تقصرين .

.قبل ساعه.

: الــحــيــن شـتــبــيــن مــنــي يا نـــدى لــيــه جــايـه ؟؟ .

بعد انهيار مرام لفت تناظر ندى تبي منها اجابه تطفي نار قلبها .

ندى بعد ما سمعت كلام مرام بتركيز وبلا مقاطعه ابتسمت ابتسامه ظنتها مرام ابتسامة استهزاء بس كان بنظر ندى معنى مختلف.

تقدمت ندى من مرام لدرجه ما تفصل بينهم الا اقل من متر تحت استغراب مرام سحبتها ندى وحضنتها بقوه .

الحضن اللي كانت مرام تبيه .. الحضن اللي بيرجع لها ريحه امها .. حضن كافي يخلي مرام تخرج دموعها والوجع اللي خبته بقلبها .

ثواني قليله مر قدام مرام شريط حياتها مع كل التقلبات اللي صارت وكانت امها موجوده بكل لحضه تذكرتها مرام ذاك الوقت .

قطع افكارها المتشتته صوت ندى الهامس : اشتقت لك يالغبيه .

مرام ابتسمت وسط دموعها الحين ماعادت تبي تبرير تبي بس الحياه ترجع لها .

انفجرت مرام تبكي بقوه اكبر وندى تهديها : اششش خلاص اهدي مافي شي يستاهل .

مرام : ليه تركتوني لييــه ؟؟

ندى : ماحد تركك احنا معك طول ماحنا نتنفس.

مرام : لا تتركوني مره ثانيه .

ندى : انت تامرين امر - وعلشان تضحك مرام - وبعد كونان يشوفك تبكي بيكرهك .

وفعلا مرام ابتسمت ودفت ندى : اجل .. ترا كبرنا .

ندى : ابصم بالعشر انك لسى تتابعيه !

مرام : شويه .

ندى : شفتييين هههههههه .

مرام : لا مغمض عيوني .. الحين بشوف .

ندى : هي ذي مرام اللي اعرفها .

مرام رجعت لبرودها : اهاا طيب الحين وش تسوي هنا ! .

بمكان بعيد عن المدرسه

الولد اللي دمر حياته بيده .. يحسب بجبروته بيملك المستحيل ما درى انه المشاعر عمرها ماكانت تجي بالقوه

# ابي فرصه ثانيه اصحح فيها غلطتي بس شلون .. ابيها جنبي ابيها اللي اللي تفهمني الصح من الغلط مو تتركني وراحت -تنهد- غبيه - اختلفت ملامحه من الطفل البريئ الى ملامح قاسيه ووحشيه - ما تدرين انه كذه بتخليني اكرهك ولو كرهتك نهايتك على بيدي بدم بارد .

. نروح عند البنات .

: ياهوووو بكره اليوم الموعود .

دينا : وش سالفتك انتِ كانك اول مره تخرجين.

شهد : تعرفين ذي المره طولنا بالقعده بالبيت بس صدق متحمسه مدري شلون .

جيني : وش رائيكم ما نطلع بنات ؟! .

نوران حست بشي غريب : جيني متغيره ؟ صار شي ؟؟ .

جيني بتمثيل مدقن : لا مو صاير شي .

عبير : طيب ليه ما نطلع .

جيني : مدري فكرت نروح مكان ثاني تعرفون يعني احنا كبرنا على الملاهي.

مايا : احنا اتفقنا طيب ؟؟

عبير : ليه غيرتي رائيك الحين !.

نوران : لو صاير شي قولي وبنساعدك .

جيني : لا ما صار شي .

نوران شردت " ما تخبين عني ياجيني "

جيني ابتسمت بتصنع : اروح الحمام (وانتو الكرام ) وجيكم .

دخلت الحمام تغسل وجهها بعد ما حست انها شوي وبيكشفوها " من ذا ؟ انا من وين تجيني ذي الرسائل وليه دينا خاصه ليه ما يبيها تطلع ويانا ؟؟! ليـــــه ؟ - نزلت راسها تناظر الارض - انا ضعت اخاف يصير شي واكون السبب وش اسوي الحين .

: وش فيها ذي ؟؟

مايا : كبرنا ومدري شنو ؟ ابصم بالعشر ان عندها مشكله .

عبير : وانا بعد اوافقك والا يا نوران ؟

نوران : غريب امرها بس بنعرف ماتقدر تخبي كثير .

دينا : جيني خاصه ماعهدتها كذه .

نوران كتفت ايدنها لصدرها : يب .

عبير : نلغي الطلعه ؟؟

دينا : لاااااا ليه نلغيها ما عندنا سبب مقنع ؟

نوران تمتمت : حاسه انه مخبي شي وها الشي 

كبيير .

شهد : قلتي شي ؟

نوران ابتسمت : اقول نخرج وربك كريم .

دينا : وانت الصادقه .

نوران بنفسها " متى تبطلين عنادك واعتمادك على نفسك ياجيني .. تحملين نفسك فوق طاقتها ما يصير " .

وقفت وسحبت ندى وراها : برجع بيلاحضوا غيابي .

ندى ابتسمت : بصراحه حبيتهم .

مرام غمزت لها وشهقت بأسطناع : لا تكوني وقعتي بحب واحد منهم .

ندى تحط سبابتها على صدرها : انا ؟؟ احب ؟؟ اقول بطلي حركات البرزان تبعك على اساس ما تعرفيني .

مرام رفعت حاجبها بسخريه : وش نتوقع من اخت الأستاذ القدير وولد خالي العزيز السيد رعد .

ندى : دراميه يابنت هههههه .

مرام : صرت ممثله بارعه من يوم دخلت ذي المدرسه هههههههههه .

ندى: وبعـ

: اها اها متى اجتمعوا الحلوين .

قاطعهم عمر .

مرام : بسم الله خوفتني .

عمر : لا تكون مسوي شي - وغمز لعزام "ندى"- معه من ورانا .

ندى دقته بكس ببطنه : اقول تعرف تسكت قبل لا اهفك كف .

عمر يمسك بطنه بوجع .. ضربه ندى كانت قويه جد : احححح ارحمني يا ولد .

مرام ضحكت وعمر ناظرها نظرات حاده خلتها تسكت .

: كانك متغيب على النادي اليوم ؟

مرام انفت براسها : لالالالا انا مستحيل اغيب رحت وتوني طالع.

ندى همست لها : وبارعه بالكذب بعد .

مرام بنفس الهمس : الحاجه .

عمر : هيييه انت واياه وش تقولوا ؟!

مرام : نفكر نأكل اليوم بالسكن والا بـ

قاطعه عمر : بالسكن اكيد .

وندى فطست ضحك .

عمر : انت شفيك شارب شي ؟

ندى تسمك بطنها من كثر الضحك : ولا شي ولا شي - ولفت لمرام - خلنا نرجع السكن تعبت .

مرام : كلنا راجعين .

: مابي اكل شباب بروح انام وصحوني وقت تتعشون .

زياد : :-اها ذي جديده هذا - ويأشر على مرام ويناظر الشباب - كانه يقول مايبي اكل والا اما غلطان ؟!

تامر : من جده يتكلم .

محمد : روم نام وبنصحيك .

مرام " احسه صار يفهمني " : مشكور .

عزام : اقول مراد من جدك بتنام .

مرام عصبت : لا من عمي اقول تعبان .

مازن : روح يا بعد هلي روح لا تعصب علينا .

مرام ارسلت له بوسه بالهواء وراحت غرفتها قبل لا يبدو الشباب يهاوشوها .

عمر تكتف : لا بالله وش معناها ذي ؟!

مازن : لا تكون غيران .

عمر : صدق نفسه الولد لا يكثر ترا ما يحبك الا عشان اكلك .

مازن : اححخ عموري غيران .

عمر : اقول اذلف من وجهي لاوريك الزعل اصغر عيالك انا تقوالي عموري ؟؟.

الشباب يناظروهم ويضحكوا .

ندى " لا تكوني يامرام تحبي مازن ذا .. لا لالا مب معقول "

تنهدت وقامت : شباب وانا بعد بروح غرفتي برتاح .

مازن : طيب وبعد تعال نسهر ونتعشى سوا صرت من شلتنا الحين .

ندى : اوك ما تقصر بس ورا ما تسهروا  بتخرب على الدوام  .

تامر : بكره جمعه وتراها اجازه مافيها شي نسهر يوم  .

ندى : اوك يله باي .

تامر : في امان الله  .

ندى ابتسمت وطلعت على غرفتها حست انها ارتاحت للشباب ما كانها معاهم من يوم بس.

قعدوا الشباب بالصاله يسولفون ومرام وندى كل واحده راحت على غرفتها يرتاحوا .. ولان مرام تعبت حيل من سالفه ندى وانفعلت فراحت بنوومه عميقه .

صاحت عليها على المغرب وخرجت وقعدت مع الشباب وتعشوا وكملوا سهرتهم سوالف ووناسه لين الفجر صلوا وكل واحد سكها نومه .

فتحت عيونها وابوها جنبها يمسح على راسها بحنيه فزت بقوه وخوف : مـ من انت ؟

طلال ابتسم : مرومه هذا انا !

مرام بأنفعال : تكفي روح ابي اعيش ما بي اتزوجه اتركني اصلا وش جابك هنا ما ابيك روح روووح .

طلال بنفس الابتسامه : حبيبتي تتزوجي مين ؟ افاا بس انا اخليك تتزوجين وتتركيني ؟ وبعد ليه تبيني اروح مو انا ابوك ؟

مرام ضاعت .. اسلوبه .. كلامه .. حنيته .. مو ذا ابوها اللي تعرفه ما تدري ليه حست بدموع حاره بوجهها لحظات وصارت وتبكي بصوت مكتوم : ليه عذبتني ليه كنت قاسي واياي ليه ضيعتني وضيعت احلامي ليه تكرهني يبه ليييه ؟

مسح ابوها على شعرها بحنيه وضمها اكثر : سامحيني كنت غبي وما راح اعيدها ما كنت بوعيي عميني الطمع انعميت بكل شي وضيعتك وضيعت غلاي .

مرام : سامحتك يبه سامحتك يالغالي .

طلال : افاا شكل مودك مب زين ؟

مرام ابتسمت : يب .

طلال : وانا موجود - وقف - قومي جهزي حالك نطلق نروق شوي .

مرام : صددق ؟ واياك ؟ ما تمزح .

ضحك : وش فيك ماصدقتي اقول يله والا اغير رائي ؟

مرام : لا لا الحين واجيك .

طلع وظلت مرام تجهز حالها مب مصدقه انها اخيرا بترجع تعيش مع ابوها : بس لحظه وين الشباب هذي بيتنا ماهي بشقتي اللي بالمدرسه وش اللي قاعد يصير - وبلا مبالاه - يمكن كانوا حلم .

خرجت وشفته كاشخ : يخس يبه لا تكشخ حيل بعد ياخذوك البنات .

طلال :ههههههه من يقدر يقرب عليي .

مرام : يا شين الغرور .

وطلعوا يستونسوا ولأول مره من سنوات يخرجوا مع بعض .

كانت واقفه جنبه وفجئه وبدون مقدمات جاء شخص ملثم بيده سكين وطعنه 3 طعنات ورى بعض ومرام متصنمه ماهي قادره تتحرك من الصدمه ابتسم الشخص وقال كلمات سمعتها مرام وراح .

شافته طاح وهو ماسك مكان الطعنات وابتسم بوجع وغمض عيونه ودخل بنومه مالها رجعه

: يبه يبه يبههههههههههه.

صار تحضنه وتقلبه بهستيريه مب مصدقه اللي تشوفه تلوم نفسها هي السبب هي اللي خلته يخرج معاها هي اللي خلته يخرج بدون حراسه هي السبب برحيله مره والا الابد .

فتحت عيونها بقوه وجسمها مبلل وقلبها بيطلع من الخوف وتشاهق وتبكي وتصرخ : لا تموت وتتركني لا تمووووووت

بنفس الوقت كانوا الشباب يسوفون بعد ما جاهم (عزام ) ومستونسين على الاخر وطبعا صاحيين من قبل مرام بس ما هان عليهم يصحوها صلوا وقعدوا يسولفوا .

الا ويسمعون صراخ .

محمد : ما كأنه مراد .

فزوا الشباب فزه واحده ودفوا الباب بقوه وفتحوه خافوا من المنظر اللي شافوه كانت مرام تبكي وتشاهق بهستيريه وتقول : مب ميت صح ما راح صح قولوا لي ما راح ما تركني .

مازن بيروح لها ندى راحت ومسكت يده ودفته بخفه وراحت قعدت جنب مرام واخذتها لحضنها لعل وعسى تهدي صح كانت مستغربه من حالة مرام بس بذيك الساعه كان كل همها تهديها .

ومرام لسى على حالتها بس ثواني ولفت للشباب : انتو مين انتو ما كنتوا حلم ؟ قولي لي شلون رجعتوااااااا .

راح لها مازن وقعد مقابلها وبحنيه : مراد اهدي احنا اصدقائك ومحد مات احنا جنبك كلنا شوف ناظرتهم وصارت تقنع نفسها انه مجرد حلم  وانحرجت من انفعالها قدام الشباب .

: اخرجوا وبجهز واجيكم .

ندى : بس انت

قاطعتها مرام بغسل وجهي واجيكم .

فهمت ندى انها تبي ترتب افكارها بروحها فخذت الشباب وخرجوا وكان وقت يتغدوا فما انتظروه كثير الا وشافوها طالعه من الغرفه مبتسمه .

قعدوا يسولفوا كل واحد مع اللي جنبه الا مرام وندى وحده شارده والثانيه تناظرها

بس انتبهت وهم يقولون .

عمر : شباب سمعتوا اخر الاخبار ؟؟.

زيار والاكل بفمه : لا وش ؟

عمر :سمعت انه طلال تعرفه رئيس شركـ

زياد قاطعه : اخلص وش فيه ؟

تامر : قايلين انه بالمشفى وفي اشاعه تقول ان حالته خطير

ماكمل كلامه الا ويشوف مرام طايحه وندى تحاول تصحيها صاح مازن : هـاتـوا مـووويــه

اما عند البنات اليوم الموعود

كانوا مستعدين يطلعوا وكل واحده كاشخه احلى من الثانيه خاصه دينا لانها تبي تغير حياتها وتنسى ياسر مره وللأبد <<هذا وجهي اذا نسته هههه .

كل البنات كانوا متحمسات ومبسوطات بطلعتهم بس جيني ونوران كانوا بعالم ثاني جيني اللي تفكر بالرسائل الغربيه اللي توصلها وخايفه يصير شي وتصير السبب ونوران اللي ملاحظه شرود جيني وخايفه من سالفه ثانيه بعد .

عبير : مممم .

زينب : وش ؟!

عبير : انتو طالعين تستونسوا والا تصيدوا شباب ؟

دينا غمزت :هههههههههههههه الاثنين.

نوران : عن المصاخه عاد .

عبير : عااااااااااااا .

ميرا : يماااا وش في .

عبير : ههههههه ولا شي بس وصلنا .

طبعا كانوا البنات طالعين بسياره ليموزين كبيره .

شهد : الله ياخذك قولي امين .

عبير : مع بعض ان شاء الله هههههه .

قضوا احلى ساعتين بحياتهم وضحكوا واستونسوا لين صار شي محد كان مسوي حسابه .. *القلب مهما حاول ينسى اللي حبه ما يقدر وحتى لو قدر يكون حد ثاني حل محله احد ابطالنا حاولت تنسى وحاولت تنبسط بس الي مكتوب عليه الحسره ماله الا الصبر .. يمكن كلمه من شخص تغليه تسبب لك حزن والم عمر اجل لو ...........*

وقفت متجمده بمكانها وثواني وطاحت بكبرها لفت عبير تناظر محل ما ناظرت تمتمت : حقير ما تتغير .

: دينااااااااا

كانت ثواني بس بالنسبه للبنات حسوا انها ساعات محد منهم عرف سبب طيحتها كل اللي شافوه صديقة عمرهم طايحه قدامهم .

اتصلت نوران بسواقها يجي ياخذ دينا للمشفى : انا بروح معاها انتوا ارجعوا لبيوتكم .

جيني : بجي معك .

بدون نقاش وافقت نوران والبنات رجعوا بيوتهم على كثر ماهم خايفين على دينا كانوا واثقين ان نوران بتتصرف بروحها .

<<<

" للكاتبه جيسيكا بارو "