#عشگ_بصراوي

٧______٨

#البارت_السابع

‏الله خلق في صوتك احن نبره
‏تنسيني هموم دنياي ومُرها .️✨

💞💞💞💞💞💞💞💞💞💞💞💞💞💞💞

عهد منقول عن لسان الابطال

_ايام انحرمنه من مي حلو صار حسرة علينه موش شريف يرضى بهل وضع لزمت صحباني وتفقنه نطلع مظاهرات لگن لا حياة لمن تنادي صار ضرب علينه ماله والي وغاز مسيل للدمع عمى عيونه لكن ماوكفنه عن مطالبنه نطالب بأبسط حق للحياة هوا ماي عذب نكدر نشربة للجهال حرك گلوبنه مي اشبه بالزنجار مج مالح مبي رحمه ...لكبار تصمد وتوكف بوجه العطش لكن صغار ماتتحمل ضحايا خسرنه حيل هواي ...شكلنه لا فتات وطلعنه نطالب حكومتنه تعدل وضعها ...لكن فوگ مي ماعدنه انرشينه بمي حار اشتدت المظاهرات وشتد رمي رصاص الحي من قبل مندسين بين قوات للامنية ..

هنا گمت اتشاهد وماخذين العزم لو شهاده لو مطالبنه ..صديقي  مصطفى من ايام طفوله ضحكتنه وافراحنه واحزانه سوا كلها  سوالف لو تنحجي ماتخلص كلها وياي اخوي زودي مو بس صديقي وابن عمي توا عريس مريته حامل ما فرح بشوفت ابنه ... انطلقت چليه من قناص ماحسيت الا واحد دفعني نام عليه سحبته شوي مني ماصدكت الشفته ملابسي غركت بالدم بصفي مصطفى

دفعني واجت الچليه وكعت براس ومات بالعجل صرخت من وجعه اكعد بي منتهي خليت راسه بحضني وحس مابي ..صرخت ولمو الولد علينه

_مصطفى ااااااكعد لسوي هل شكل اتفقنااااا للموت سوااااا ا دخيل ربي افتح عينگ واعدني ازفني بيدگ شون هنت عليگ يخوي اكعد...

التموا علينه الشباب اخذوا شالو وصياح ماله والي وطلق يرمي علينه اجت وحده ثانيه صاوبتني بزندي ...فقدت شعور الوجع منظر مصطفى ماراح من بالي ثانية كل تفكيري طلقة لخ واتمدد بالكاع ردني مغسوله بدم ... الشباب اتصيح ..

_عهدد اتصاوب ومصطفى مات انسحبوا كافي نخسر دم صار صياح ناس تريد تتراجع وناس محترك كلبها ماتتنازل واني بنص لموت ولهبت نار التايرات لحتركت ...

گل بالي يم دانه وامي واختي المن اعوفهم

واني بنص جثث فگري دانه شيصير بيها وراي اموت وماگحلت عيني بشوفتها ولا فرحت وصايرة بجناحي ...الموت يخطف كل مكان

طلعت جهازي گلت اخر انفاسي اريد اسمع صوت دانه يگوي گلبي اتصلت عليها

_عهد هذ انت عهد الله عليك لتخوفني وينك ليش ماكو منگ خبر راح اموت بخوفي اسمعت صوته ردت روحي لكن جاوبني بصوت متعوب

_دانه اذاااا صار علي شي لااا توفگين حياتج انه اااااول مرا انزل عن گلمتي وماجيتج لكن هذ قدري لازم اشوفه وعرفي انتي اااااول رجفت گلب بحشاي اريد اسمع منج هل گلمه گوليلي احبگ

_اسمع گلامه گلبي اتگطع گلبي وصل مدااصدك شديكول كمت اصرخ وضربت وجهي ...

عهددد
عهددددد والله احبگ وللموت مااعوفگ ..اختفى حسى بس صوت رمي وصياح واصيح احبگ والله وهاي اول مرا اكولها اله فقدت اعصابي واصيح

_ طحت صوتها يرن پأذني غابت روحي واسمع دوي الاسعاف وصياح شباب عشيرتنه كلها وادم خيره

طلعت للموت مابقى رجال ماطلع ويانه.. وعيت على روحي بالمستشفى ..

مااكدر اتحرك ...اول ماصحيت ..صحت جهازي وينه دانه اكيد حالتها بالويل و اهلي بالضيم ..طلعلي صاحبي الجهاز

_خوي عهد اتصل بأهلك

_عامر وين مصطفى؟!! ..دنگ راسه بأسف

_والله يخوي راح من ادينه مالحنا وهواي شباب اتصاوبت

_صرخات الوجع گِلها التمت بگلبي ..

يساري متصاوبه ملفوفه بالباندج

اخذت الجهاز بيمناي مكالمات من امي ودانه حيل هواي دگيت على امي شهكت خوف

_يمه عهد ...صاحت ...عهدد يمه وينك گلبي شلعته عليگ وينك يمه ..

_يوم لازم تفرحين .. انتي مخلفه اسد ما يخوفه الموت ..مسحي دموعج انه بخير يلغالية ادعيلي

احجي والوجع داگني صوت رايح بس هاوي اريح بالها

_يمه عهد رد للبيت گافي يمه لا تلجم گلبي عليك يمه مافرحت بعرسك

_يمه وضعي موش تعبان انه گتلج بخير

_يمه ولد عمك ماحد منهم رد وينهم لهل ساعه مامنهم خبر خالتك هنا على اعصابها

_هنا نزلت جهاز عضيت ايدي اوف مااكدر احجي شي بس گتلها ...يمه بشريها مصطفى انزف للشهاده تمنيت ويا اسمعت شهكة امي وصاحت

__لاااا يمه گول غيرها والله تتخبل عليه خالتگ و مريته يمه شنهي لتكوله مصطفى معقوله چتلو ...

_يمه طلعنه واطينه وعد اما نصر او شهاده ومصطفى اول واحد انتصر گون دربي من دربه...

_ يمه لجمتنه رد لدار ..يمه وحيدي ليش هانت عليگ دموع امك

_يمه لا تخافين راجع هسا ..

نهيت الاتصال ..تذكرت دانه اريد اريح بالها عني انطفه شحن جهازي

جمعت قوتي وكمت دايخ وراسي واجعني صوت الرمي يون براسي ..اخذني عامر للبيت خابرنه على علي يجي شباب ماخذين مصطفى گبل طالعين بي للنجف..

... امي تلگتني مالخه وجها وضعها ما يتسولف ..

_يماااا هاي شبيها ايدك ...

وين صرت ليش هلكد تأااااخرت موتتني عليك

_يماا ماكو شي جرح خارجي ...

اعصابي انتهت مامتحمل شي وربي

دخلت بيت فارغ ..وين خالتي ؟!!!

_يمااا شنو متصاوب عزااا ...

_يمه وين لبقيه

_خالتگ اخذها عمك للمستشفى تخربطت ...

عامر...

_,عهد رايح لامي ادمرنه اخ ...

امشينه اجي وياك

_لا تجي انت مالك خلك كافي خسرنا واحد مامتحمل نخسر بعد

_لزمتني دوخه ..امي صاحت بي

_يمااا ادخل غرفتگ ارتاح لا تلوعني

شحنت جهازي وتمددت طلبت من امي تخابر دانه مااريد تسمع حسي تعبان

اتمددت بغرفتي مابي خلك

دانه

خابرت اهله ميعرفون عنه شي محد يعرف عنه شي

المده ١٠ ساعات صارت الدنيه سوده بعيني

الف فكره اجت بالي

معقوله عهد صار علي شي

معقوله بعد مااشوفه نتهيت

الى ان جاني اتصال من اهله فتحت خط حجيت وي والدته ...

_هلا يمه دانه عهد رد بلسلامه بس شويه متعوب متصاوب و صويحبه چتلو چدام عينه وجان بالمستشفى توه رد ...

_اسمع كلام امه وگلبي يريد يتگطع احس گلشي مخنوك بيه خايفه علي هواي هواي هل مرا عايش مرا لاخ شيصير بي كل يوم طالع مظاهرات واني ابقى على نار...

...خالتي اكدر احاجي

_حبيبه شوي ويخابرج نايم سوده عليه

_مامتحملة اريد ااسمع صوته لگن من گالت نايم مااريد اتعبه زايد ...

حمدلله الله وشكرته عايش نفسه بالحياة موجود يگفيني ..

تمام خالتي اول ميگعد يحاجيني منتظرته

_ماشي يمه فدوا لگلبج والله خجلانه من اهلج بس هاي وضع يمنه موتمام وابني هيج طبعه يذب روحه للموت ...وهل وقت عدنه عزا ابن عمه انخبت گلوبنه

_دموعي تجري واختنگ ياربي بس ضله سالم مااريد شي ..خالتي اخر الاحزان مقدرين ظروفكم وشوكت متجون هله بيكم

_ماشي يمه متقصرين

_نهيت مكالمه وكعدت على فراشي ابجي واختنگ خايفه حيل لا يضيع مني ومن جهه خايفه لا يرجع يرفضه بابا بسبب خوفه عليه اوضاع لبصرة لتوكف بطريقه ياربي خلها بردا وسلام...

اتصلت برهام گالت خالتي ابن عمه مستشهد خفت لا حبيب رهام ...اتصلت اطس اخبارها ...

_هلا رهوم وين مختفيه

_دانه هاي انتي ...شفتي شصار بينه .. كلتلج ماما على عهد سوده عليه مصاوب وبن عمي چبير انقتل بعده عريس ..

_يي اتصلت بيهم ...اوف سوده عليه
..رهاام خايفه حيل مااگدر اشوف يذب روحه بالموت واضل ساكته

_ يادانه نفس مصيبتي هاي اخوي ولد عمي كلهم هيج محد يهتم لنفسه واضل خاله ايدي على گلبي لا اسمع خبر واحد منهم واليو لجمو گلوبنه والله خوفي اكثر من قبل على علي رجع للبصرة ...

_اوف حبيبتي لا تخافين ضلي ادعيله بگلبج كون يضل سالم ...

_والله بس اهم شي سلامته مااريد شي والله اتحمل غيرته واعصابه بس اريده عايش

_حبيبتي حاسه بيج نفس وضعي

اثناء كلامنه اجتني رساله من عهد
رجعت الروح الي حمدت الله وشكرته الف مره نهيت الكلامي و رهام ..
خابرنب وكالي:..
_تعبان كلش مامحتاج بس اسمع صوتج

_مسحت دموعي وصحت عهد مامصدكه رجعت اسمع صوتگ ... انت موتتني خوف اتريدني اتخبل من وراك عفية لا تروح گلبي ميتحمل قهر بعد

_دانه مااكدر هذا دربي منظر مصطفى حرك گلبي انه لازم ميت موش هوا

.. اجت صوبي دفعني وصابته وفاتت الثانيه من يمي تخيلتها براسي اجت بيدي وكلت راح اموت وممحاجيج شراح يصير بيج وكل تفكيري بيج واني بنص الموت و الجثث ...

تمنيت اسمع صوتچ ..من خابرت حسبتها اخر نفس ...

_جمعت قوتي وگتله ..

:..

عهد مااكدر اعيش من دونك والله اموت اذا صار عليگ شي ...انت متعرف شصار الى ان قنعت اهلي بابا راد يزوجني متت انهاريت بقيت مستشفى

_طفرا من لفراش فز گلبي ..دانه ايصير بيج كل هذا واني وين ليش مااعرف

_ كل هذا مكتلت لان مااريد ااذيك وشيل همي

_دانه بس تطلع اربعين ابن عمي اجي اخطبج بس حاليا مااكدر ازوج الا تطلع سنه

_اهمشي سلامتك وشوكت متجي تلكاني باقية انتظرك وگلي شوق الك مااعوفك

بعد مرور شهرين من معانات وعذاب ليل نهار ادعي يضل سالم ..

اهلي راعوا ظروفهم ..بابا كان متردد بس اصراري عليه وتقنيع اهلي قبلو يجي يخطبني ..

وبدت تتحسن البصره بدو يرجعون لحياتهم الطبيعيه رجع النت ورجعت روحي تحدد الموعد يجون ٢٠١٨/٧/٢٥ وجنت ممصدكه مااعرف شلون اوصف احساسي

واجه هذ اليوم اليوم الي نولدت بي راح اشوف

فرحت عمري راح اشوف حبيب كلبي ورفعت راسي وفي بعشگي
واني ممصدكه اليوم اول مره راح اشوفه بلحقيقه

ويشوفني بعد معانات

معقوله اني بحلم ماريد اصحه منه معقوله راح

اشوفه خابرني عهد الساعه ب٤ الفجر كال وصلنه

بغداد هسه اني وامي وراح نزور الكاظميه ونكعد يم عمتي نرتاح ونجيكم ب٢ الظهر وراسل امي وكاللها

نفس الكلام اني ممصدكه مااعرف شنو اسوي اباوع

للساعه اريدها بس يمشي الوقت حضرت الضيافه

الهم وجنه مخبوصين واني ممصدكه ابد ابد امشي

واحجي كانو بدون وعي صارت الساعه ب١٢ صعدت

حته احضر نفسي لبست فستان طويل ماروني

وخليت مكياج خفيف ولبست حجاب تركي وجان

لوون بيج وكعب مو كلش عالي بيج ومردت يشوفني بلا حجاب جانت هاي اول شوفه اله

مشايفني هو ابد رغم مراسلاتنه وكلامنه بس مجنت

اخلي يشوفني لن جنت اخاف حيل صارت الساعه ١

ورسلي كال طلعنه ساعه واحنه يمكم صارت ب١

ونص وكالي مبقه شي كلتله ممصدكه عهد والله ممصدكه
انت راح اشوفك كالي:..

اي اني وعدتج واجيتج وها كد الوعد لو لا

صارت ٢ وندك بابنه وطفر كلبي ويا جمد

كل طرف بجسمي ماكدر اتحرك ماعرف من الفرحه

من تلخوف نخبطت مشاعري فتحو الباب وسلمو

واني فوك مااكدر انزل سمعت صوت عهد يسلم ع

ابويه وبجيت وكل الايام والتعب مر مثل الشريط

كبالي واشوفها واكول معقوله هسه هو بيتنه اجت

اختي كالت دانه كومي نزلي بسرعه اجوي نزلت

وماحس بشي جنت واكفه يم باب الصاله الي

كاعدين بيها واسمعهم يحجون ويضحكون وكلبي

يرجف اسمع صوته مادري شيصير بيه

وتمنيت هاي اللحظه لكل ثنين حبو حب شريف وره

نص ساعه اجت ماما كالتلي :..

_تعاي يله مقبلت ادخل لان ارجف ماما ضحكت

وكالتلهم متقبل اجه بابا دخلني دخلت مدنجه

ماشوف احد كعدت بصف والدته ورهام بنصهم مكعدت كباله

كالولي كومي كعدي كباله نغتني رهام اگوم وهمستلي ..

دانه مدااصدك شفتج ..

_اني مربوط لساني من خوف كل ماارفع راسي الكا مبتسم بوجهي

والدته كالتي ..

غير يشوفج وتشوفي كعدي گباله ...

كمت وواني مااعرف شنو احساسي كعدت كباله

بس هو مدنج واني مدنجه وكانو مااعرفه

وجانت كلبي وايدي وجسمي وكلي ارجف بابا كاللهم

هاي دانه هاي الي ودتها وتعبت عليها

وكالي هذ عهد شكد بجيتي علي يله رفعي راسج شوفي يسولفون همه واني مدنكه مااشوفهم صدفه

رفعت راسي بس حته اشوفه لان مشايفته شفت

ملاك شفت قطعه من كلبي كاعد كبالي تمنيت اروح

واكعد بصفه وابجي واكله تعبتني تعبت حيل حيل

وبنفس اللحظه شفته يباوعلي وضحك واني رجعت نزلت راسي شافوني كلش خجلانه الا شويه يغمى عليه كالو يله احنه نكوم نخليهم يحجون وحدهم لان اول مرا يشوفني وبعيونه حجي هواي هواي

بقينه وحدنه اني شفتهم كلهم طلعو جيت اكوم اطفر وياهم ماحسيت الا جر ايدي

عهد ...

..ما بقى عقل بالراس ما تصورتها بهل حلا اول مراا گحلت عيوني بشوفتها بلهفت عشگ كمشت اجفوفها وترجف بين اجفوفي

..وجيتج يبت الناس شراي ..موش بفلوس جايج ..جاي وجايب گلبي وياي.. بعشگج وفه..وصار الج عهد الباقي عل عهده وياچ لاخر نفس نبقى مگفى بمگفى متلاكين مانتفارق...

..رايد اسمع ردچ ..موافقه علي لو ارد لهلي خايبه ضنوني ...

دانه..

گلبي يدگ بسرعه صار فتراا نحجي فقط مراسلات واشوفه بالصور ماشايفته حقيقه وممصدگه حقيقه اگبالي ..الفرح مالي گلبي طايره فرح لا لا اني فوگ الغيم كمش ايدي نشف گل دم بجسمي حرارة ايده لسعت گلبي ...يحجي واول مرا اسمع صوته بلحقيقه فقط من يتصل يهمسلي بحبه الي كلماتة احلى من عسل رغم اختلافه عني احسه قطعه مني ..لكن مااكدر اعبر عن لبداخلي كدامه فقط نظرات الخجل اسرتني بين ادي

...رفعت وجناتها حمراا والخجل ماليها هاي الرادها گلبي وللموت هاويها

...عهد

...رجفت شفاها بكول اسمي رجفت گلبي السبع ما مال لغيرها ولا يميل ..عيني بصوب عينها

.يا گلب عهد شني گولچ عني

_عهد مدااصدك انت ويايه هنا وبيتنه ..دااحس روحي بحلم ..خدودي تعرگ مسحهن يهديني

_هل حلم موش عهد ابن شيخ مظفر يخليج تصحين منه

يتبع....

  💞💞💞💞💞💞💞💞💞💞💞💞💞💞

...

#عشگ_بصراوي

#بارت_الثامن

كل ما في الامر ان تفاصيله الصغيرة عمرها
ما كانت صغيرة بالنسبة لي 💙.
دانه ..

كاعد يمنه بيتنه ممصدكه عبالك حلم گدامي ..مااعرف شصار بيه گلبي يريد يطير فرح عيوني دمعت ..  ماكدر ارفع عيني بعينه

عهد

_دانه رفعي عينچ اريد اشوفج ..متصدكين شكد جنت متمني هل يوم الاشوفج گبالي

_عهد ...عهد

_كولي يگلب عهد

_اترجاك لتعوفني بعد انت متعرف شزرعت بگلبي

_كون الموت ياخذني ولا اعوفج لا تحجين هل شكل گلمة اعوفج مااسمها الى اخر نفس عندي

_عهد لا تحجي بالموت گلبي ينمرد مااتحمل ..

لحظات واقترب مني گلبي دگاته مااكدر اسگتها گلش اخجل منه ..طلع علبة صغيرة من جيبه وگام فتحها   جايبلي قلاده قلب منحوت  اسمي واسمه عليها

انصدمت بي معقوله لهل درجه حبني وهوا ولا شايفني ..معقوله گل هل فتره حبيته وبس بالصور اعرفه ...

فتحها ولبسني من فوك شال ..
و گالي هاي الج جايبتها من جنت بالعمره

واني جنت محضرتله هديه وهم نطيتهيا تذكار شي بسيط مني يحتفظ بي

گاطعنه صوت لباب ..

مسحت دموعي وعدلت گعدتي سوا مجال بيناتنه

خجلانه من بابا دخل علينه وي خاله ام عهد والبقيه ..اجتي خالتي ام عهد ..لبستني خاتم گلش استحيت گتلها خالتي سويت زحمة عليكم

_لا يمه انت الاختارها عهد وحبها وگلنه اهلج منا وجاي لا تصحيلي خاله يمه انه مثل امج ..شمحلا اتصحيلي يمه ..

بابا گال لبنية بنتكم صارت ..

ماما تباوعلي وعيونها كلها فرح

وكالو يله احنه هم يله نرفع زحمه ...

وان شالله خير وهاي هدايه دانه ..

جان جايبلي فساتين واكسسورات

وراحو راسلني وهو بالسياره كالي:..

_ ممصدك جنتي اگبالج واسمعج نفس متخيلتج  ابالي واحلى  والخجل وكلشي نفسه

معقوله تحقق حلمنه معقوله راح تصيرين مرتي ...تعرفين ابالي ما ارد للبصرة ابقى هنا  الى ان تصيرين الي اروح للبصره وانت وياي ايد بأيد

اريد ابقه يمج مكدرت احاجيج كلتله

:..اني الي ممصدكه اذ حلم لا تصحوني منه عهد .. شفتك اليوم معقوله..سمعت صوت بابا ودعته ونهيت اتصال ...
اجه بابا وكالي :..

مبروك عليج والله يتممها بخير اختاريتي ونعم الاختيار ولد خجول ومحترم واخلاق وان شالله هو يخفف البعد عنه وان شالله يسعدج  وباسني من راسي ...

صار الليل وصل عهد والدته ورهام للبصره وخابر ع

ابويه وكاله مااكلك عمي تسمحلي اصيحلك بابا لان

فقدت ابويه وانت ابويه وبابا كاله وانت ابني ونعم الابن تفق ويا يجون وره شهر عهد  وخواله والدته

حته ينطرح الموضوع ع عمامه واعمامي وباقي اهلي انو خال عهد هو صديق ابويه وطلب من ابويه مره الابن اخته لان منكدر نكول من النت لان محد راح  يتفهم وراح يحجون

رهام ...

رديت للبصره وي امي وعهد .. بعد مده عدت اشهر مشايفه محافظتي احس ابتعدت عنها احس سنين هواها يرد روحي ..رغم گل شي مرت بي هل مدينه لكن تبقى احلى مدينه بنظري .....

ومن جهه مشتاقه لعلي حيل هواي من شهرين مامنه خبر يحاجيني مرا ويختفي گلبي ممرتاح ..

وصلنه للبيت وگل ماليته الفرح الا اني اضحگ وياهم وگلبي كله خوف مو من طبع علي يكون هلكد بارد اتجاهي گل هل شهرين ماااتصل بس كم مره وبلكوا يطلع الحجي
عهد ...

وصلت للبيت گل فگري يمها ماكادر انتظر شهر بعد

صارت الساعه ب١٠  باليل خابرتها ...

دانه مااتحمل شهر لخ تتأجل خطوبه هل يومين احجي وي خوالي خالي كلش متفهم راح احلها ويا ونقنع عمومتي ونجيكم

_اسمع گلامه گلبي يدك بسرعه ياربي معقوله هل سرعه راح نكون لبعض اليوم يله شفته ..بس محبيت ااكسر گلمته ..

عهد اي موعد تجي بي موافقه اهم شي نكون لبعض ..

_دانه يا محلا كلامج وطيبة گلبج ..صدكي لوما احزانه بعدنه جان اول مااعقد عليج ازفج بعرس هوساته مالها والي ..

_عهد متفهمه ظروفك .. مااريد هوسه وعرس جبير كفي اتكون وياي ...

بقينه نحجي للصبح محد حاجاني من اهلي لان وفى بوعده الي وراح نتزوج ..مصدكت صار صبح گلت لماما وبابا ..اتفاجئوا انخبصنه بالتحضيرات ومرت يومين واني على نار كلبي ..انشغلنه بالتحضيرات

صارت بال١٠بالليل خابرني عهد ..
  كال نجمعنه احنه والناس الي ويانه راح نطلع من كراج البصره اني جنت مخبوصه بتجهيز الكوشه

والبيت حجزت كوشه وجانت تجنن نصبت الميز مال المهر مالتي وجان كله شغل ايدي وبكلشي جان اكو

قصه وكلام كاتبته طبعت شموع صورنه بيهن وطبعت بوستر وكتبتله كلام بي دائما يكوله اليه

وكلشي سويت وجانت امي تكلي راح تفضحينه بهذا ميزج مال مهر لن كلشي كاتبه بي 😂 وكملت كلشي

ساعه ب٣ الفجر من التعب غفيت شويه صارت ب٤  الفجر خابرني عهد كال دخلنه بغداد راح نزور الكاظميه ونروح البيت عمتي نرتاح حته نجي نصدق العهد ...

جنت ممصدكه ياربي معقوله كعدت رحت سبحت

وصليت وشكرت الله وقريت قران وبقيت كاعده اذكر الايام والتعب صار الصبح تريكت ورحت

للصالون لن حجزي ب8 ودخلت الصالون انتظر يوصل السره الي وكلبي يرجف

خابرت والدت عهد وكالت راح اجيج للصالون

انطيج غراض دزهن عهد  واجت واول ماادخلت سالتها ع عهد

كالت بالحلاق كاعد يتحضر اني حظنتها وبجيت بجي فرح وتعب وهموم 8 اشهر غيرت حالي وتعبتني

نخلطت مشاعري بهاذ اليوم وكملت من الصالون

الساعه ب2 الضهر رغم تاخرت بالصالون وجانو

الناس ينتضرون اجي حته يجون يعقدون رجعت من

الصالون وجنت طالعه اميره ولابسه بدله للون  اوف وايت ومكياج يجنن شعري بقيته ممصبوغ لكن نزلتي خصر منه ..اني عيوني گبار عسلي حنطيه رشيقه مااحب سمن كلشي ولا اسمن

عهد ملامح حنطي عيونه بنية على سواد  مو كلش طويل متوسط طول كلش  متراهمين يشبهونه بگمال ونيهان

وصلنه واشوف صديقاتي والكل فرحانه بيه واني كل تفكيري بعهد معقوله اليوم راح يصير ملكي وحدي

معقوله راح يصير خطيبي ودخلت المشيه اختي همستلي ..

رياجيل كوم معكلين بالاستقبال واهل

عهد والشيخ طلبني حته يعقد جنت مدنكه ماشوف احد ولا احس بأ شي

الشيخ سأل عهد موافق ع زواج  وكله موافق ورد سئلني موافقه هنا دمعتي بطرف عيني ياربي شون مااوافق .. واني بغير عالم مااحس بأي شي بس اسمع صوته وكلبي يرجف فرح وخوف ورهبه وكلشي وكالي ديانا موافقه عهد كلتله موافقه وعلت صوت

الهلاهل والاغاني وهنا حسيت نولدت من جديد

فرحتي متنوصف دخلي عهد

وطلبت منهم من يدخل عهد يخلولي اغنيت وعد وعد لهيبت البدر

لان جانت اول اغنيه يرسلي ياها وبدخلته اشتغلت

الاغنيه ومحسيت بس الدموع  تنزل من عيوني من شفته وهو هم تفاجيء من شافني والكل تفاجات

شنو سبب البجي

اني ويا وضلو حايرين اقترب مني همسلي ..

ها كد الوعد كلتله كدها وتمت الخطوبه بعد معانات وصبر وتضحيه وياربي يرزق كل ثنين يحبون بعض وتم فرحتهم ع خير...

وزواجهم ان شاءالله عن قريب ان شاءالله ربي يسعدهم

يتبع
#حيدور

تصويت ومتابعه الحسابي❤