#عشگ_بصراوي

#بارت٣٦

ريم .....

گلام عمتي تلميح اليه لازم ابتعدعن عامر وماارضخ لضغوطه مااريد طفل وبعدني توني جايبة خفت كلش .....

عدلت ملابسي وگمت على صوت ابني
شلته وحضنته بس اشيله يسگت .....
گعدت ارضعه
دخلت عمتي وشافت علاوي يرضع ...گلتي ....

؛؛ريمااا لا تخلي يوصلج لزموا ارواحكم خلي كم شهر تفوت بعدچ بهل عمر وعمليات تسكطچ حتى بعد بطنج مترجع تخربين ويكوم يدور عليج وتعالي ابجي بوجهنه ولسانچ طلعي ...

.....
يووو يربي داارضع الطفل وانغث رديتها

؛؛عمه شسوي لعامر مااكدرله موتني ؛؛هسا لو ما شافچ چان مراح .....

؛؛سمعي ريمه اذا ماگدرتي تضبي ؛؛چا ابقي چلبي بالطفل ورضعي اذا رضعتي متحبلين .....

يمااا ماي بارد صبت على گلبي .....
؛؛ماشي عمه مااهد ابني ؛؛
خلص رضاعه شميته وبسته اخذته مني تضرب على ظهره اتريعه .....

من اشوفها يماا انام مااحس على نفسي اذب حمل عليها تغسلة كل يوم مسبحته تكول اينشنش الطفل
؛؛
علاوي گلش غير عمتي رغم تعاركت وي عامر على الاسم تريده طارق تسمي واصر علي ؛؛

رغم عدهم هواي علي ابن روى وحماية صغير علي لگن هوا هم راد اسم علي ؛؛گللهم هيبة من ينصاحلي
؛؛ابو علي ؛؛

گعدت الصبح ؛؛ نايمه عمتي فارشة بالگع حراسة يمي لا يجي عامر .....

گمت على اطراف اصابيعي اشوف علاوي گاعد لولا
وچان شفته نايم مثل الملاك ...ومطلع اصبع من لگماط .....بحلگة خاله وخرته وبجى شتله واسكته واناغيله
؛؛يمااا بتي ماتندل حلكها .....
اندلعه بنوته لان شكله مال بنات لاعابتي ؛؛

اشم بي وابوس بخدوده انداريت على صوت فتحت الباب ...عامر دخل يريد يشوف طفل قبل لا يروح للدوام ...

؛؛صباح خير. .. . .

؛؛صباح النور .....

عمتي گعدت على اصواتنه گامت تشكي من ظهرها ؛؛

؛؛اوف يمااا ظهري انكسر من نوم الگيعان ....
؛؛يمااا ريما يمه وانه موجود ليش نمتي هنا چان بقيتيني ورحتي لغرفچ ليش گاسرة ظهرچ.....

گامت شالت مندرلها وتشگي منه ؛؛.
؛؛يي يماا اروح الغرفتي والگاگ نسر محومي عليها ....
؛؛اوف يماا انه مامسوي شي حراام ريمااا مريتي وماردت منها غيرحقي وشفتها مشتاقتلي انه مااردت اوصلها بس صاحتني  ؛؛

يو دنكت راسي وشايله ابني متت خجل ليش گللها هل شكل يبو ولا اريده هوا دبگ عليه ؛؛
صاحت بيه عمتي

؛؛ريمه گعدي راحه واهتمي بأبنج؛؛

ماتحملت تگلي هيج رديتها
؛؛عمه مااريده وهوا غصب عني چفت للغرفة
عض شفايفة يتحلفلي فضحته .....

كلي
؛؛ماشي ريما رايح وانه اعلمج
عمتي صاحت بي

؛؛امشينه روح تعلمني بيك اندارت عليه .....
شسوي اصخمج عمود لا يگرب عليچ .....

هاي مشوهه وميت على ترابچ الله الساتر لو گاملة جان شسوه

......دموعي نزلت تعيرني على اثر جرح لبوجهي واثار لبجسمي صارت عيوب .....حسستني مسويه فضل عليه ابنها وياي باقي

اول ماطلعت .....خذت ابني وصعدت فوك لغرفتي مدااتحمل ابقى وياهم ناس متحبني ولا رايدتني ....شكو باقية بوجهم معاجبها شگلي ماتشوفني ؛؛؛؛؛

شايله ابني وصعدت درج شفت هديل تنظف

وتمسح الگاع بديها .....

شافتني .....ذبت الوصلة وگلتلي

؛؛شصعدج مو عمليتج خاف درج يأثر عليج

؛؛لا هديل ميأثر دااكدر اتحرك راح يصير فوك ال١٠ايام
تعبت متهجولة بعيده عن غرفتي

؛؛سوي ليريحج اني احجي لمصلحتج صدتني وفاتت من يمي دخلت لغرفتي
مهجورة تخوف و الجامة مكسرة

نيمت ابني بفراشة وطلعت ملابسة سفطتهن واشم بيهن ياربي كل شي مااريد بس ابني يمي
.....شفت بينهن شريط ازرك كان مشدود بيده من جابو الي مثل الساعه

مكتوب بيها علي ابن ريم
يي انت ابني
وكل حياتي .....
اول شي يسجل بأسمي ....
ملاكي وملگي  .....
كملت ترتيب غراضة ....طلعت اغراضي رتبتهن ...كمت اضم ملابس عامر وصخه مطشرها بالكاع خليتهن بسلة ملابس وصخة
والباقي رجعته بالكنتور  شفت تراب بجيس على رف الاخير

كلش خفت منه تذكرت اول مجبت علاوي كل اجه وبنات عمه هم مااعرف گلبي ولا يرتاحلهن

راويته لهديل ....كلش خافت گلتلي ...اطي خبر لعمتي لان مصطفى من رجع من بيت جده لكت بجيوبه هم هيج جيس بعد اصغر من نفظت ملابسه وكع وبعدين طلع سحر واخذو لشيخ اطاه حبوب وعلاجات وكامت تمسح بالخل وملح واطاها حرز دكته بالغرفة جان ميدخل للغرفة كله بغرفة اطياف ينام لحد مااخذ علاج

قاطعنة صوت علي يبجي گتلها تنزله لعمتي لان وجها ثكيل وياي وماتتقبل مني
اخذته ورحت رضعت ابني واقرا المعوذات حاظنتة وابجي ....فتحت لباب عمتي وراها هديل

شايله الكيس والايد الثانية خل وصلة
جتني خايفة ...صاحت بيه
؛؛ولج ريما وين لكيتي هل جيس عزا العزاهن شوكت خلنه هذا تراب نجف يسون بي سحر
..... سديت ملابسي وخليت علي على لفراش
كمت اشرتلها مكانه وخرت ملابس ومسحت الكنتور بالخل ومي ورد وتقرا ايات

وتلعن بيهن .....

تريد عامر تاخذه يقراله رقية شرعية ويطي علاج مثل مصطفى

لكن وين عامر گلتله وقافل يكللها مصدكه بهل سوالف

وميقبل يروح .....حجيت ويا رزلني اني هم وتعارك وياي وطلع من غرفة

وبقى كل تنصحه وميتقبل من اي احد امه شافته هيج كالت لاعبات بعقله

وبقت تقرا براس عمي جلال ياخذه گام كل ميصعد فوك ماكو هل غرفة صارت كابوس لو يضربني لو نبقى نذابح وطفل بينه لدرجه جان نايم يمي عامر ماسواها بحياته ينام بالطارف ...كام فوك ينام طارف

روى حجتلها كالت مازن هم هيج ومذابح ويابس هي اخوتها سباع محد يجرء يحاجيها كلمة

وعلمتني شون ارجعه الي كمشت صبغتلي شعري كتلها ميقبل يحب شكاره كلتلي كله مهلس كصته عدل وصبغته وميشته وخلت مكياج كالت اخلي ميشوف غيرج اجاني بالليل يماا شحجي شافني انصدم بيه طبك لباب واقترب مني يوخر ماشات شعري وصاح بيه هاي شنو منو صابغه
خضني خض واني مصار اقل من شهر عملية بعد الاربعين مطالعه

گطع شعري لان صبغته ومكتله وصريخ طفل واني اشبع ضرب دفعته اروح لابني اسكته جرني من ملابسي وشكها عليه ولطمني راشدي فر وجهي وصرخت بي لميت كل اهله

يدكون لباب ويحلفو ميضربني

هدني ودخل گلي نفسي لعبت منج

صاح بيهم
رووووحووووا مالكم دخل بمرتي

اندار عليه فادوج من صبغولج ...
احجي فادوج من تكطع شعرج.....
يما وگعت للكاع ابجي وابني يبجي احترك حليب مااكدر ارضعه .....

دخل للحمام ....واني اريد اوكف لابني مااكدر ....

جمعت قوتي وكمت سويتله ممه وخليت كمادات تنشف حليب غرگني وابجي واصيح بي

حرمت ابني من امه الله يحرم عليك العافية احجي بشوغه دااموت اني مو عايشة ميته سمعته يتقيء بصوت عالي ....خفت كلش ....ذبيت طفل وكمت ادك باب الحمام .....شبي جان مثل ضبع ينهش بيه شخربطه ....طلع يمسح بالخاولي وعيونه حمر گلي وخري من يمي لا صيرين بصدي

كتله شبيك ....احجي شنو سمعته ....

لصمني ...
اششششش سكتي ابنج ولي. .  

....صحت بي صار ابني مو ابنك هاي معقولة عامر يحجي .....شلت ابني واسكته
وصحت
عاااااامر اصحى اوعى على نفسك مو طبيعي ......

؛؛نايم حس مااسمع لا تاكلين راسي ولا تعاندين بعد يطيح حظج

؛؛ماشي يطيح حظي هوا حظي طايح ...خوش لعد اكول لعمتي شسويت وعمي جلال يصرف ....

كام اخذ طفل من ايدي خلا بالفراش وانهد عليه من فكوكي لازمني

؛؛لج تهدديني انت منو تهدديني ...
لو امبين نسيتي منو وصلني لهل وضع .....

ريمااااا انتي غيرتيني الوحش الكدامج انتي صنعتي بأفعالچ ولسانج الطويل لچ اني گل ماابوسج لو احضنچ صورت ذاك دفتر بعيوني سجين تذبحني ....انت خبث معده

لج اني دااموت منج

عامر اني خبث معده ....دموعي نزلت وباوعتله بأنكسار .... يعني كل حبك كذب وانت متكدر تسامحني حتى من صار طفل بينه   ...

.....؛؛هواااا عموده مبقيج والا من جبتي جان جورتج لشارع .....

؛؛هاا هيه اشمرني لشارع لان هذا مكاني اليتيم مااله احد مكانه شارع يلفي .....
مااريدك حتى لخالي مااروح ....اريد ابقى بالشارع بلكت سيارة تكتلني ... اني مو خوش ام ....
يكبر ابني ويصير رجال تعيره امك حابه واحد ومصادقته ومتحارش بيها واحد

؛؛انه مااحجي هل شي وعدتج للكبر اخذ هل سر وياي
وتبقين هنا تربين ابنج مااريد يصيحون لابني ابن الدايحه

؛؛وكعت للكاع ابجي دمرت نفسي وابني .....
عامر انتهينه من گلبه ماعنده اي حب الي ....

نام وعافني دموعي مغرگتني شلت ابني وابجي ونايم بحضني .....

اتلفتت بالغرفة هاي احلى يوم ردت ايصير بينه ونفتح صفحة جديدة .....اتحول صفحة سودة بحياتي

كعد صبح بدل وطلع .....

حتى ابنه مشافه .....مااعرف شبي من صعدنه لهل غرفة تغير وصار يتقيء

ضغط عليه عمي جلال الا ياخذه لشيخ سحلو مصطفى وعمي ....

بقيت على نار لا يأذوا ...جابو وجها اصفر ...قبله لزرك واعصاب نار .....اكه وجها اصفر .....بقى نايم جوا مااعرف شمسويله بس يباوعلنه وصافن

بقينه يماا دايخ ومريض .....ويعرك كلش تجي عمتي تشربه دوا وتمسح بالخل وتخلي اطراف غرفة مي ورد الريحة خفت مال خل

ويبقى عامر نايم واجيبله اكله وشربه صار عندي جهال اثنين اهتم بيهم علاوي وابو
اسوي ممه لعلي واگعده ياكل
قبل مياخذو لشيخ چنت كلش اشوغ مارضعت بعد عمتي مقبلت افطم بس كتلها ديحترك اوكل ابني سم اتعاركت وياي بس اصيريت افطمة شهرين بس رضع الباقي ممه

احسن مااذي هل طفل جابولي حبوب فطام وشوي شوي نشف حليب بس اموت من لشيله ويحن يمااا اطك بجي

فتره وگام عامر وصار كلش قليل كلام وماايحجي على كد السؤال

ودائما يگلي
؛؛ريماا تعبان ....
رغم گل شي سوا لكن گلبي ينكسر من اشوفه ذبل

عمتي گلتلي فتحي كل يوم سورة بقرة بالغرفة وعلكوا ايات

عشنى كم شهر مرتاحين ماكو مشاكل سوا جهازه الميقبل نهائي اطخه ولا اي احد

جان قلقي الوحيد...

بيبي كل مااتصل عليها احجيلها تكلي صبري ولتخسرين رجلج

بس هل شي يغلي بيه مايشاركني كل شي يصير ويا

راحو سفرة كل شباب اخذوا وياهم للحبانية وي علي خذهم لان عنده روحة لبغداد ناقلي ويردون  يغيرون جو خايفين الشغل ياخذ علي وميطلعون بعد ومن جهه عامر يطلعوا من گأبة رجع اسئلة يابه شصار وياكم شون سفرتك....ساكت كلشي ماكو يكلي الحمدلله رحنه والجو حلو ماكو شي ...

كلش انقهرت مصطفى من رجع بقى يومين يسولف ويضحك ويا كل وفرحانين وسابحين ونسه ليش عامر. مشاركني فرحته مو من  حقي افرح زوجي فرح وتونس .....لا الظاهر سفينه مو وياي....

حاججته سويتوا صير مثل مصطفى سولفلي

جرني على لفراش گعدتي وگالي
؛؛,يبنت الناس رحنا اني ومصطفى ومروان  بسيارة وسيارة ثانية مازن وعهد والبقية
وبعدين سبحوا انه مسبحت ...
جيت اسئل ليش سكتني
اعرف راح تسئلين وتلحين سمعي للاخير

جنت اشوي كباب وي مازن وجريت شيش من دون ميدري واكلته وانجويت وضحكوا عليه
حركت ايدك ومصطفى طلع شورت وفالينه منكوع مي يگلي ابو بطن مصبرت يستوي لبقية

وكتلهم جوعان ماانتظر وتعاركت وياهم لان كل بحجة شقى طولو لسان وياي

ورجع مصطفى يضحك عليه وانه طارت ونستي تجاوزو وياي ......

هااا بعد عندج استفسار

كمت اضحك شي ميسوى وتعارك زين مو بس وياي

كلي
؛؛شفتي ليش محجيتلج لان هم تضحكين عليه واني منكسر واهسي.....

سمع صوت جهازه ....اخذه ويجقجق

كتله عوفه وارتاح ....كلي بلكير ومااعوفه كلشي ولا جهازي

كتله على الاقل شيل علاوي ....هنا عمر ست اشهر ويناغي امه ....اول مرا گال ابه وينفخ حلگه ويرهول .... كتبه شيله حضنه ذب جهازه وشاله عبالك مجبور .....

گعده بحضنه ويلعبه ويگله ....

با با اشتاقيتلي واخذه شمه وباسه حيل

شم ريحته گلي مسويها بدليله خجلت كلش مصار هواي من مبدل اخذته غسلتله جلف مثل متغسلة عمتي فرك حيل

وطلعته تجنن يماا افيش وليدي  ريحته اجنن
عيونه نفس عيون عامر صفر بس شكار عليه

ابدله واغنيلة
.....علاوي بتي الله اتاني نيه حوه وين اضمها اضمها باليزونه لا يبوكها الحلامي ؛؛حقيلات حلامي مااطي علاوي

عامر انداريت صافن يگلي ولا اكدر انام ومااافهم شتلغين ....ماتعرفين تسكتين على الاقل احجي مثل الاوادم
؛؛هاي اني وهاي گلامي معاجبك سد اذنك ابني وراضي .....وانداريت على علاوي

مو هيج ماما .....

ضل يستغفر ويكول الله يصبرج ياروح

نزلنه لعمتي سئلتني دااطي حبوبة كتلها مدياخذ عاركتني وصعدت حجت عليه وكام ياخذهن يخلص منها

يگلي انت وعمتج نفس الملحة حباية وانفشكت نصين

عمتي تخلص منه تروح لهديل يتشاوشون
حارت بالعلاجات اشهر الى ان كامت تذبل وتتخربط يأس مصطفى تحبل الى ان استغلت طالع
طلعت عمتي

من دون علم مصطفى  جايبه تحليل حمل لهديل

وقت زيارة چان وناذره اذا حبلت هديل تودي خروف بين حرمين تذبحة .....
هل وقت چان  مصطفى  بالزيارة

همه سريات بينهن بس تسوي تحليل لان گامت ميبقى شي بطنها

گتلها صار وياي هل شكل بس خافوا من مصطفى  سر سوها

وسوت تحليل كالت الا يجي مصطفى وتكللنه 

.....يتبع
#حيدور