#عشك_بصراوي
١٧______١٨

بارت١٧

ريهاام

مقابيل حوشنه دورية شرطة

نزلت اربع جنايز

عليهم ملفوف العلم العراقي

اتراكضنه وامي ضربه روحها وتصرخ

؛؛يماااااات عدددددد وليدي

طلعن مرت عمي وبناتها

وكل ...

نزلت من سيارة خالتي زهرة وبنتها رادين من مستشفى

صاحت

؛؛لا يربي كل شي ولا ولدي

كمشوا مازن على صفحة لشرطة

وكالوله اليوم فجر 

على طريق بغداد كركوك لكوهم

ضاربتهم لوري حمل تابع لداعش ماردهم ومكلوب

بلقوة طلعوهم

مكدروا ينقذون احد فقط بنية

مشمورة من سيارة بعد امتار لكوها مضروب راسها

وجها متشوه وحاليا بالمستشفى

سيارة بعد متعممت على كل دوريات عرفوها تابعه النه

لهذا جابوهن لان علي طالب منهم يجيبون حمزة يردوا النه كلهم معارفة

ولكوا سيارة ابوهم بهل حادث 

عمي بعد رجعته من نجف هوا والزلم

جمعهم  قسمهم كل واحد بصوب

اشر صوب مصطفى

يروح يتكفل بالجنايز يدفنهم يم اسما

اندار صوب علي

گوم يبعد ابوك اخذ بقية زلم و دوروا على عمها

ردوا للولاية عندي شغل ويا

عامر گام يروح وياهم

صاح

انتظر يعامر عندي حجي وياك امره

يروح للمستشفى ايتابع حالة

ريم لان مضروبة ومخيطين راسها ومجبرة اديها

مصاحية من غيبوبة

گاللهم

هاي لبنية انحسبت علينه منا وليغاد

هل لبنية ماالها طلعه من عدنه

يعامر تعقد علها اول ماتصحى

اهلها انهزموا من فصل بس مااسكت عن حقنا

عامر رده ورفع صوته بوجه شيخ

؛؛مااااااازوجها يبوي ومالي نفس بيها اطيها لواحد غيري

هاي لبنية دم اخوي معلك بيها مااخذها

عمي صاح بي

؛؛انجب يولد ولا ترادد ...

گلمتي تكسرها مالك گعده بهل بيت

دنگ راسه

؛؛لا يبوي انه منو اكسر گلمتك بس گلبي ملجوم منهم

واكفة يم باب الديوان اچيبلهم الماي ونحظر نصبلهم الغدا
چايين تعبابه من نجف ..سمعت صوت خالتي وراي
گلبي يرجف عمي گلش عصبي وينافخ وشكلها علگت من دخلت خالتي زهرا ددفعتني وفاتت

صاحت

يبو مصطفى ماعندي اخو ومااريد بنيته لابني لو على  موتي مدخلوها ردوها لعمها من جانت صحيحه ماردتها لابني تالي من تشوهت مصايبي كافية عليه

مااريد ابني فوك گلبه متعوب يتورط بيها

؛؛يزهرة شگلج هاوية طلعين من شوري

گلت هل بنية تچي يعني تچي

غير هل كلام مااريد

طارق شني يعوضني عنه

واحد من ولدي راح بغدر وطيش چاهل

ما تهدءناري االا اشوف وليد يعوضني عن طارق 

ضل ينافخ وصد نظرة عنها

يمره طلعي ولا تدخلين بين زلم

يعلي قبل متروح اخذ امك فهمها خلها تعقل

طلعت وصيح ابني مريض وتعبت عليه

لا تأذي مااريد اخسر واحد لاخ

شافت عامر عصبي خافت على گلبة لا يصير شي بي

ترادد وي عمي وطرده گله مطب للبيت اذا مو وياك

تنافخ وطلع

علي طلع خالتي  وطلب مني اخذها مهدود حيلها بالبجي خالتي زهرة گلبها طيب مااعرف ليش متقبلت هل طفلة

دخلتها للبيت وكامشه بهدومي

؛؛يمه رهاام اخوي ولده ماشفت منهم خير موتوني وانه عايشه  ...

تحجي وتبجي انوب دخلنه وشافت صورة طارق بصواني

حنه وشموع  وينعون للقاسم عليه سلام عريس راح

گامت تطلم وتصيح

وليدي هذا راح موتوني ويا

النسوان بدل ميسكتنها شهكت بالصراخ كل تبجي وياها وينعون

وزعنة شموع صينية وحلويات لبيها
حنة بلاية عريس

هلهولة عرسة ونه

حبيبته دخلت لواحد واحد تعرفه من عدنه تريد تعرف اخبارة

من عرفت سمعنه متخربطه

چادر گبال بيت جدي شكله ماناوي ينشال

كون الله ياخذه لا يرده

خلص ون ولطم خفن نسوان

صبينه لذبيحة

محد اله نفس ياكل

كوم مناسف بقت محد مد ايده توزعت على فقرة لحي

خلص العشا گعدن لبنات كل وحده تذكر سالفة من سوالفه
ونبجي

هاي وحده تكول

وصل اهلي بعرسي واختي شافته

وبمهرها ديشمر لروى سترة قاطه شمرها عليها وشمرتها للكاع داست عليها متدري

وكل كامت تذكره و تبجي

تعبت من ونين گعدت يم چدتي هي وحيده مرتاحه ماتدري بالدنيا شصاير بيها

انام على فراشها تطيني حنية تحجيلي سوالف اهل قبل
جدتي من نسوان اهل گبل وجها دگات خضرة

وسوالفها تريح الگلب

گاعده بغرفتها وكل ماتسمع صياح تگلي

اخ من ولدي كل يوم واحد مزوج على مريتي

وصاگرتنه بعيطة اول شي مظفر وهاي جلال غار من اخو

اسمع كلامها و ابجي اندارت صوبي

يمه نورا ليش تبجين

رجعت نستني

انه هم جاريتها

يماا مابيه شي

اگول بگلبي
بيج قصص عراقيه حقيقيه من واقعنا.روعه الطائي
يي گلشي مابيه هوا شني لبية

شوية لچمات على حروگ لگلب

ودموعي مسبية

صار الفجر وعلي مامنه خبر

بقيت خايف

اتصل عليه ميرد

لوجه صبح ادك عليه وادزله مسجات اريد

خبر عنه راح لكركوك

اخر محاولة اتصل ردني

گلبي يدك بسرعه فتحت خط

احجي مفزوعه

؛؛الووو علي وينك عفية لا تخوفني

؛؛شصاير يرهام حركگتي جهازي بالمسجات شبيج

؛؛كلي شسويت وين انت

؛؛انه شغلة يومين وارد للبصرة بعدني ملاكي

؛؛عفية دير بالك على روحك ..روحي وياك

؛؛يرهام سامع هل حجي منج

ثلج وگع على چمر گلبي

مسحي دموعج ودعيلي

؛؛,يي يعلي ربي يردك سالم

علي گالي يومين وطول سبوع  مامنة خبر گلبنه نار عليه وضع هناك موزين بكركوك وشمال

وهل ايام لبنية غيبوبة

وچان تصحى ريم بعد هل ايام

بالمستشفى خابروا علينه عمي عاف يمها من ولدنه لان محد يمها عامر مراحلها
وحالتها صعبة مثل لفاقده بس  تصرخ

امي تصيحني و حاولت تهرب

شرطة يردون يعرفون حادث
كلشي تكول متذكر

بس تصرخ امي تصيحني اريد اروحلها

خابر عمي الولد گاللهم اذا الاطباء كالو زينه ماكو خطر على حياتها  ردوها للبيت

وكال تبقى حالها حال هل بنات محد يمسها بگلمة هاي يتيمة والله وصانه باليتامه عمي گلبة طيب ميريد اذية ولا يكسر بنية

كال تبقى بيت جدي  لحد ماترجع لعقلها وخلي عمها ياخذها ويردلي فلوس الفصل لهذا جان يدور علية وراده يجي ابد مراد يكسرها لحد يصور هوا رجال هيج عقله يأذي هل طفلة صح چان قافل يزوجها لعامر

بس حبه لخالتي زهرا واكف بوجهه يعشگها موت تنازل عن گلمتة مراد يقهرها يخليها عمر گدامها  وتذكر جرح طارق من تشوفها لذا رجع خالتي لبيتها

هوا شيخ و على گل بس مو عليها حارب دنيا عمودها

مانسمع الا شحطت سيارة گبال حوشنه

وهنا جانت صدمة من اكول صدمة يعني صدمة

عامر دخل للبيت ...وكاظ ريمه من ايدها وماشايل عينه عنها
ملابس ملخة عليها مال حادث محد ودالها لبس مانعرف هيج وضعها

وجها جرح مخيط وراسها ملفوف وايدها مجبرة

وهاي زين الله كتبلها عمر جديد

ضلت تباوع بوجوهنه  واحد واحد متعرف احد
وتصيح

؛؛ انتوااا منو وهل رجال ليش جابني هنا

بس تعرف امها متعلقة بيها كلش گلبنه انكسر عليها رغم الاذية لتأذيتها من اختها بس نضل بشر مو حجار تمشي الله طانه گلب طيب لذا هواي عدنه مرض بالقلب عدنه الاخو موش اخو اذا ميفدي روحه لاخو

ودخيل ما يطلع جوعان

ومحتاج نگطع لكمتنه ونطي

هاي تقاليد عشيرتنه صح مانسكت عن كلمن يندك بينه بس كلوبنه باقي بيها رحمة يمكن انتو تتعجبون من گلامي بس هاي شيخ عشيرتنه هيج هوا يحل مشاكل ويرد الزعاله وناس ترجع عليه بزايده وناقصة بيته مفتوح للكل

نرجع للصدمة الاكبر

صاحت بصدمة كظت ايدها وتتأذه وتدفع بعامر

؛؛ انتوااا منو وهل رجال ليش جابني هنا

رچع گظها عليه وعيونه حمر رفع حاجبة و كاللها كدامنه كلنه

؛؛انتي راح تصيرين مرتي وهذ لبيت بيتج

مطلعين منه 

ضلت تدفع بي ضربته بگلبه
و تصيح
مااعرفك ولا ازوجك  ...كمش فاده واتأذه

دفعها علي دخليها يرهام للغرفة گضي عطوبها صفر لا تطلع گبالي

وتبجي بجتني عليها متقبل تجي وياي

عمي صاحه

؛؛لا يعامر عوفها ترد الاهلها من تجي فلوس الفصل بيدي اسلمها لعمها  انت ماتكدرلها
بعدها طفله
وتعبانه رادلها مدارا

ضحك ضحكة مكر ويباعها ماشايل عينه

عرفت موگعته بعشگها

؛؛لا يبوي انه اقتنت بكلامك

اخذ نفس وگال
اخوي موته شعل نار ماتهدء جمرتها الا اشوف وليدي يعوضنه عن طارق

اطيك وعد يبوي وكدامكم كلكم سنة اخوي قبل ماتطلع طارق بحظنك

اطلگها بعد مايجي هل ولد ومنا لذاك لوقت
تتعود علي مااهدها هل لبوة اروضها علي

رهام هدتني وتمشي تتعثر صوب لباب

جرها ماخلاها تطلع گال
بيج قصص عراقيه حقيقيه من واقعنا.روعه الطائي
صار سبوع لا ظن يبوي تركتها كل يوم من يرحون لولد اشوف وضعها و مصاريف علاجها وكع علي 

فكرت بكلامك وانه اعرف مايطون فلوس

ودم اخوي يضيع لذا قررت اعقد عليها اليوم بس يجيب علي عمها خابرته قبل مااجي قريب وصلو

ضلت تدفع بي وصيح

ماازوج لو اموت اخذوني لامي

كظها ودخلها للغرفة صاحني اطيها ملابس من

بنات عمي رغم ولا وحده تطي

طلعت كنتور و ناوشتها

كلهن طلعن من غرفة ويسمعن حجي ماعندج كرامة اخوها تحارش بيج وانتي كاعده اساعديها

بقيت البيت كله اعصاب صحت بيهن انتن صيرن شريفات وطبكت لباب امي جتني فتحتها ودخلت

كمشت ايدها وتبوس بيها وتبجي

الله عليكم خلوني اشرد اهلي اكيد يم عمي

هذولي من وراهم حادثنه صار واهلي مااعرف وين خايفه لا كتلوهم ويكتولني  انه ماناسيه شي بس مااريد ابقى هنا رهام اعرفج گلبج طيب طلعيني ماازوج وارجع لعمي اكيد هناك امي اريد ارجع العب وي اخوية صغير

الله عليكم مااريده مااريد زواج

انصدمت من سمعته شكد فطيرة طلعت

على نياتي

بس هل طفلة عقلها اكبر مني

غيرتلها ملابسها ودموعي تجري ماكتلها اهلها ماتوا

امي رادت تحجي ضلت تحلفنه منكول

لان متريده تريد تروح لعمها

اندكت لباب اسمع صوت عامر
.رهام بدلت اريدها تجي اجه شيخ

لبست فستان مريم بت عمي هي بعمرها بس كلش ضعيفه ريمه مربربة مخصرة عليها ولفيتلها شال

تبجي ومتريد تطلع فتحت لباب

كاللنه طلعو انه احجي وياها

دخلها وسد الباب

اسمع بس مهامس وخطية صيح كذاب

اجاني علي

؛؛رهام ..خالتي ..

وين ريمه اجه شيخ وعمها جبته جان شارد

انفتحت لباب ووجه عامر عركان

ويلهث طلعت

كاللها ويغزرها بنضرة  يله فوتي گدامي وبدون صوت

شعرها مكفش غطيته ولبستها لحجاب عدل

انه مااكدر اطلع عن شور اهلي واعرف عامر زين ماتلكى رجال بحنيته ولو مبين واحد كاتل ثاني

مجاعة شوك بيه ..
وفقر ملگه ..
وطف حنين ..
وحزن مگيود بسبي ...
ادري ياحوت شدعيت
والله سد جوعك نبي
گون الفن روحي على روحگ
مثل مالفت على شريفات العبي
همسة من صوته تكفي
لكن طمع سمعي وحنيني
تطفي دمعة مغربي

يتبع

ارائكم ماذا تحمل لهم الايام من مفاچئات

واكو شغلة هاي مو فصلية لان بنظري ماكو فصليات
وهمه صح هيج طبايعهم وعاداتهم وكالولنه يتيمه وبقوها عدهم وحجولنه على كرمهم وكل تحلف بيهم فطيناهم بنية يعني مجايبة شي مني صح بالفصل رادو بنية لكن فلوس هم ولحد هسا مطالع فلوس الفصل نصه اطو وهاي قبل كم سنة بس الله عوضهم بگمر بلكت يشبه عمه مايشيه ابو لان ابو اسمر وشواربة ولحية مال دواعش طويل  وموحلو
امه تخبل بلكت عليها من يكبر تشبه هل بنية حيل بس شوية اطول واسمن

املاء ممصلحة

#عشگ_بصراوي

بارت١٨

شـمـسوي والنـيران مـتـونـسـه بـيـه

حـرمل صـرت محروگ ڪل مغربيـه  

ريم

دخلني للغرفة وسد لباب

لابس دشداشة سودة ولاف غترة

يفر سبحة ويباعلي من فوگ ليجوا

كلش خفت منه جريت نفسي ليوا  ودرت وجهي عنه گلش خايفه منهم مااكدر ابقى وياهم يطلعون لصار بطارق بيه

همسلي رجف گل چسمني

؛؛ليش من صحتج مطلعتي

دفعته و صحت بي ..

اريددددد اروح لامي اخذوني لامي مااعرفكم

رجع همسلي برودة اعصاب اتموت
لتخافين بعد لزواج راح تعرفيني زين 

دفعت وصحت بي
ماازووووجك ماااا اريدك اريد  اهلي

ااريد ايتأكد مااعرفت و يكولون عني فقدت عقلي
ويعوفني بحالي
ضليت اصيح بي وادفعه
دفعني على حايط

وعاگد حاجبة همسلي

اشش
صوتچ مترفعي بوجهي ...خوش والله زعطوطه تمشي كلامها عليه
كمشني من ايدي لدفعته بيها
شايفة ايدج هاي لمكسرة اكسرلج الثانية
اذا مديتيها

صحت بي مااريدك ولا اريدكم ومااعرفكم انت خطفتني ..رجعني لامي دموعي نزلت گلبي مقبوض احسهم يردوني
ضليت اصيح بي
وديني الها ودددديني
چرني عليه وكع شالي وسد حلكي

؛؛اسمعي ولچ تردين امج اوديچ الها
بس بشرط اتوافقين على زواج اخذج الها افتهمتي لولا
جريت ايده ..
وصحت بي انت كذاب متوديني تريد تكتلني انتوا مجرمين خطفتوني منها

زمخ بيه

,اطيج گلمة رجال اذا سئل شيخ موافقة وگلتي نعم باجر اخذج الها الى ان شبعين من شوفتها

ظليت مدنكة وابجي

واصيح انتوا كذابين الله ينتقم منكم

هد شعري وراسي مخيط عطت

اااااااخخخخخ هدني

؛؛احلفلج ابروح اخوي اذا لسانج كرر كلمة كذاب اكصة
انه من اطيج كلمة يعني سيف اذا رجعت عنها يرجع يكص ركبتج

صحت بي يعني تاخذني

؛؛كتلج اخذج احترمي نفسج وتعالي وراي

استسلمت اله حسيت صادق وياي
بس خايفه خيل گلبي يرجف
مااكدر اوكف على رجلي
هدني وفتح لباب

صاح بية طلعي

كالي ويغزرني  بنظرة  يله فوتي گدامي وبدون صوت

رهام

شعرها مكفش غطيته ولبستها لحجاب عدل

انه مااكدر اطلع عن شور اهلي واعرف عامر زين ماتلكى رجال بحنيته ولو مبين واحد كاتل ثاني
كمشت ايدي وتبجي ...

صاح بيها عامر

تعالي

علي كالي

؛؛عوفيها تروح ويا ابوي صار ساعه كاعد وي شيخ وخالي هوزان

ريم

مشيت ورا ودموعي موكفت
خوف بقلق مااعرف شنو مصيري
دخلني لغرفة وكالي من اصيحج تجين
انصدمت بعمي گاعد

شافني دموعه تجري اريد اركض لحضنه ابجي مااكدر خاف يعرفون اني مفاقدة ذاكرتي وبس اذكر امي

عمي تقدم عليه ضليت اباوع عليه واصد نظري شكله يقطع القلب ضعفان حيل هواي وجسمه هزيل المرض ماكل عمرة فوك هذا يقويني

ريم بابا اهلج يمي لا تخافين
عمج ابو مصطفى يريدلج خير من يزوجج ابنه
ي بابا لا تبجين انت قوية

رهام

علي كالي فهم عمها يكول اهلها عنده
لان ميريد يفجعها فوك اذيتها تعرف خسرت كل اهلها
محجينالها شي ولا كتله هي تذكرنه
وعمها وافق مياخذها لان حجه وضعه لعمي ماعنده امكانية يدفع فلوس فصل وعنده علاج كيمياوي ومصاريف هواي حالته صحية تعبانه  عمي كاله
ينزل من فلوس الفصل عنده قطعة ارض بكركوك
اطاها لعني ينزل من فصل بس عمي كله هاي الارض اخذها لريم من تكبر توصل لسن قانوني تسجل بأسمها

ريم

كعدت بصف عمي طمئني اهلي يمه ارتاح گلبي مسحت عيني وكتله انت منو تعرفني كلي

؛؛كلي عمو شون ماعرفچ انتي گليبي و روح بيتنه 

طلع شيخ جلال من غرفة المقابيلنه صاح بينه

يله كومي يبوي الشيخ يريدج

امشي ورا عمي وبالقوا واكف
گلبي انكسر علي
كلامة اكد كلام عامر
ياربي اريد اشوف ادم كل فكري خاف اتأذة احد

قطع شرودي

عمي كالي تعالي كعدي

كعدت بصف عمي وشيخ بقربة
الغول وشيخ جلال اكبالي

ويغزرني بنظرة واصده

بده شيخ بالعقد دموعي خانتني ونزلت شون بدون بابا وامي اعقد معقولة ميريدون يشوفوني

الشيخ ثلاث مرات كرر علية ريم داود
توافقين على عامر جلال ثلاث ردها عليه

اخر مرة وطلعت مو من گلبي موافقه رفعت عيني اجت بعينه يباعلي منتصر عليه
وعمي وافق وجهله السؤال وافق بدون ميرف جفن على حالتي

دموعي تجري وافقت خلص عقد عيون عمي تصبرني
كمش ايدي ..

حبيبتي لا تبجين عيونج حلوة ميلوكلها الا فرح
يحجي واعرف بقلبة مرايد هل زواج

شيخ راح ويا عامر وشيخ جلال يوصلو للباب
بيج قصص عراقيه حقيقيه من واقعنا.روعه الطائي
عمي مسح دموعي وكالي
هذا بيتج وحياتج جديدة اذا تردين ماما وبابا ميزعلون منج لا زعلين عمتج زهرا
وتذكري دائما بابا يحبها ويحب اولادها

مسحت دموعي ورديته

؛؛ماشي عمو ماازعل ماما

محسيت شكلت عرف مناسية شي حضني ودموعه نزلت

؛؛حبيبتي عمج ماكدر يساعدج

راد يكلي شي وزمخ بي عامر

؛؛هاااا خالي محتاج شي لو نوصلك لبيتك

؛؛لا ي عامر سلمت الامانة الك راجع لبيتي

اندار علية
نظراته كومة حجي لكن عامر واكف بينه 

طلع وعافني وي قهري وجعي وخوفي

عامر كالي ياخذني الهم ياربي كون لا يكذب علي

قرب مني يله تعالي

اني مااعرف شراد مني وخايفه منه

ضليت جامدة بمكاني صحت بي وين اجي

صاح بيه ويمسح فادة اني ضربته هواي وهوا مريض
كالي
امشي فوك افهمج

ريهاام

صال ليل اجه عهد ياخذنه للبيت خلصت لفاتحة

عمي ماقبل كاله خليهم هل ايام يم ريم لان تعبانة ويعرف لكاعدين هنا شنو بدون رحمة بنات عمي جاسم الله يرحمة عكارب هنه وامهن خاف لا يسمن هل طفلة
كتلها لامي قرار عمي مارضت نبقى نغتني وكظت فوطتها 

؛؛يمه رهوم مااريد ابقى هنا كلها زلم ولنه لازمة عدة

؛؛صفت مدري اضحك مدري ابجي
؛؛يمه هسا قابل انتي كلولج لا تزوجين مكلولج لا طلعين على احد

؛؛لا يمه هاي عاداتنه الارملة بالعدة ماتطلع لرجال
وانه خايفه لا عمج ..

رفعت حاجبي
؛؛يي شبي عمي

؛؛يمه خاف تخلص عدة و..اوف يمه

تنافخت رديتها
اوووو شنو

و يسوي بيه مثل خالتج سعاد

لا يمه خل اسكت انه مرا شكبرني

نغيتها بشقة هههه
لا يمه لا خالتي سعاد عمي توب منها  مايعيدها

وشغلة لخ چانت صغيرة من مات عمي جاسم
وعدها ٣جهال فزوجها بس يمه مااتمنى هل شي الاحد خالتي زهرة من يوم تزوجها عمي لسعاد لبست الاسود هي جانت حبة

؛؛يي يمه اول ماجبابها داعيت ريمه تلعب وي جهال
كتل روحه عليها ..
بس يمه يضل رجال ماجان خلف من سعاد هاي سعلوة طيوف حية على امها

عمي جاسم انظلم وي هل مرا جرته لبغداد بالطائفية٢٠٠٦
ونچتل هناك كله منها تالي صكرها عمي وسحلها لبصرة انخرست بس عمي جلال دوها

يمه گلبنه شايط منها ام لسحورة..

اندكت لباب علينه

مريم بت عمي صاحتنه على عشى

زلم وحد تاكل ونسوان وحد سئلتهم على ريمة ليش ماكو على الاكل اليوم كله مأكلت وتعبانه

تنافخت ندى بت عمي وشمر حجي لامها

يمه شفتي هاي لفطيرة تسئل على ذيج حية

اختها ماكدرت لعلي وهي حصلت عامر ولفته وراها

خرستها

؛؛يندى سكتي عيب عليج لسانج لا يرحم احياء
ولا موته سلمت منج

انتي ضلي دافعي عليها هاي عوبة جانت بالمدرسة الولد لاحكيها وتتمسكن عساس بريئة

امي صاحت بيهن

؛؛سعاد سكتي بتج عيب هل حجي

؛؛لا حميدة مو احنه لنسكت تالي تلف الاول وتالي هل زعطوطة

اجتنه لعوبة لخ طيوف ركضت لمها جاهلة لو مصيبة ٨سنوات عمرها
كعدت يم امها وتحجي وتلهث

؛؛يمه لحكي ذيج لعوبة دخلت وي خوي عامر ويمكن دكها اسمع صراخها تصيح هدني لا اكتل روحي
فوك بالطابق ثالث صعدها كعدها بغرفة اخوي محمد

؛؛يا فلك طرها غرفت ابني اخذتها بسلا كاعدة على كلبنة متروح لعمتها هسا الزمة لجلال واكله ياخذها مامحتملة مخبلة علية

ياكلن ويحجن على عالم ومابقن ستر عليها وهي شافت من عمرها انه صح جرح اخوها بگلبي لكن هل طفلة ماالها شغل هي هم مكسورة مااكدر انسى شكل چنايز گبال باب حوش

ماسمعنا الا صوت طلقات

من خوف لفيت شالي وطلعت اركض شفت علي اكبال لباب ودخل عامر من حوش عركان وينفخ بارود  سلاحة
بيج قصص عراقيه حقيقيه من واقعنا.روعه الطائي
انه نكلبت احوالي يربي خاف كتل لبنية
جيت صوب علي احجي وخايفه
ارجف

علي شبي عامر ليش رمى طلقات شصار

گرب صوبي و همسلي

؛؛يرهام اخوتي كلها ضربت طلق
شوكت دوري
؛؛دفعت وشتقصد يعلي مافاهمة بنك حاجه

؛؛يرهام كفي تثاولين كدامي و لا تسئليني هل سؤال

گلبي مفرفح عليج

صديته ودخلت للغرفة
اضوج من يحاجيني هل شكل
كلت لامي على شفته
؛؛يمه هل طلق عامر طلقه

خالتي سعاد گاطعتنه تهز بيديها وتنافخ

؛؛ئئئئئىف  امدا حضي  بعد العوبة  تربعت بهل بيت ياهو يطلعها

يتبع مفاجئة طبعا مااحبيت اكسر گلب اي احد وامنع القصة مو طبعي

نشرت وكسرت گلمتي لان اني قابل شيخ

حتى شيخ يكسر گلمته لخاطر احبابة .

اني منو مااكسر گلمتي

يتبع…

#انتضروني

تصويت ومتابعه للحساب فديتكم❤

#حيدور