#عشگ_بصراوي

١_______٢

#بارت_الاول

يتشابه الحب والحرب في شيء واحد ، فقط

كلاهما يحتاج رجالا

اعرفكم عن نفسي ...

ديانا واسمي بلبيت وبين صديقاتي المقربات دانه ..

مواليد ١٩٩٦ تاركه الدراسه من الاعدادي ...

اكبر اخواني واخواتي اختي اصغر مني بسنة خريجة معهد والثانية بثلاث سنوات اصغر طالبه هندسة جامعة بغداد اخويه طالب ثالث متوسط...

عائلتنه صغيره ومتفاهمين... وحياتنه كلش حلوه امي نور عيوني ابويه هو حبيبي وصديقنه قبل ميكون ابونه...

تعبو علينه هواي وكل همهم يوصلونه للي احنه نريده ويفرحنه...

قبل ماترك الدراسه جان حلمي اصير مصممت ازياء وصارت ضروف وتركت الدراسه واني اصلا جنت ماحبها بس رغم تركي للدراسه متركت حلمي الي جنت اتمنى اطمح اله ...

بديت برسم الملابس او كيف تصميمهن وضليت اتابع شلون خياطة الملابس وتعلمت عند خياطين وبديت من الاشياء البسيطه والحمدالله حققت الي جنت اتمنى اصيرله صرت مصممت ازياء بسيطه بس افتخر بي لن حققت الي اريده ...

اني من النوع الي مااختلط ولا عندي صديقات هواي عندي صديقه وحده هيه بنت خالي واقرب شي الي كـ أنو تؤأمي بكلشي احنه سوه ...

بسنه٢٠١٣ فتحت حساب فيس الي وضليت اطلع من خلاله ع هواي اشياء تفيد..

جنت اتابع مصممين ازياء واتعلم منهم واتابع بيجات قرأت القصص والروايات وكتب واقراهن ومن ظمن الكتب قريت كتاب اسمه حب في زمن الفيس بوك للكاتبه مريم كنماتي يحجي محتوا عن علاقات الفيس واستغلال الشباب لضعف البنات تأثرت بي هواي واخذت منه عبر ودرس انو مااثق بأي شخص ع المواقع الاكترونيه واستمرت حياتي بساطه احقق الي اريده وحدي وبمساعدت اهلي وياي خواتي الهنة صديقاتي جانت كل وقتهن بالدراسه بالأعداديه مرت السنين وتخرجن من الاعداديه ودخلن وحده معهد وحدة الكليه جانت فرحتي بيهن متنوصف مرت الايام وكلها ايام حلوه وحيات هادئه تعرفت ع صديقه من الفيس عرفتها هي من محافظة بصرى دائما تحجيلي على اهلها وشكد ملتزمين...وصلت صداقتنه انو تتصل عليه تطمئن واتصل عليها كلش ارتاحيتلها
وصداقتي بيها عادي جنت انشر بحسابي اقتباسات واشياء احبها
جنت يجذبني تعليقات شخص هادء دائما يعلقلها كلش امبين يحبها ويخاف عليها مرا سئلتها عنه من باب الفضول لا اكثر گالتلي اخوها فقط جذبتني طريقة كلامه وياها وتجذبني صفحته وجنت اخذ من صفحته منشورات وانشرهن بحسابي وبنفس الوقت. جان هاذ الشخص هم يراقبني بدون ماادري مرا اتصلت عليها كانت ساده من سبوع ضل بالي مو طبعها تسد حسابها هل مده ..مردت عليه ردني صوت شاب بي خشونه كلامه ولهجته جنوبية بحته هي صديقتي جانت تدرس بغداد وعايشه هنا يم عمتها حتى من اتصل عليها كلامها بغدادي ...

من رد عليه گلبي گام يريد يوكف من خوف مااعرف احجي وي شخص غريب اتصنمت بمكاني واني اسمع صوته ومااكدر ارد وخفت لا ضايع جهازها وماخذي منها لان اخر مرا حاجتني يم عمتها ماعدهم شباب ...فصلت الخط وجهي يذب الوان ضليت خايفه وافكر ياربي شصاير بيها ومنو هذا ردني رجع اتصل واغلقة ..اخر شي دز مسج رهام مريضه واعتذر على رده بمكانها ...

خوفي زاد عليها دزيت مسج اعتذرت لان سديت خط وطلبت منه احجي وياها ...نص ساعه وتصلت ..صوتها تعبان متمرضة ومرجعيها للبصرى

بقيت احجي وياها واساندها كلش فرحت بأتصالي ..سمعت صوت امها وصوته يمها من جديد مااعرف الخوف بگلبي زاد اترخصت ونهيت الاتصال

بعد فتره رجعت على تواصل وتنشر بحسابها
وواعلق عليهن وهاذ الشخص بده يرد ع تعليقاتي واتجاهل ردوده ومارد علي زادت تعليقاتي على منشوراتها وزادت ردوده ع تعليقاتي نزعجت منه وحظرته من الفيس وكمت مااعلق صح احبها واريد خاطرها بس اضايق من ولد يردني وستمر الحظر شهرين وره شهرين دخلت القائمة الحظر حته اتذكرته صح اضايق منه بس مااعرف شي يجذبني اله ..وشلت الحظر عنه ودخلت حسابه حته اشوف منشوراته من باب الفظول وكانت منشوراته دائما عن الحب وكيف الوصول للحبيب كلت اكيد عنده حبيبيه ومجنت اعرف هاذي المنشورات يقصدني بيها طلعت من صفحته وكلت مااعلق على اي احد مااريد يعرف شلت حظر عنه سبوع ورجع ينطي لايكات بصفحتي ع منشوراتي كانت اشاره الي انو مناسيج وفتقتج ومجنت اهتمله رجع يسلم عليه اذ يشوفني معلقه ماارده ... بيوم٢٠١٨/٣/١٤ الساعه ب٢ ونص بالليل مااجاني نوم ابد فتحت الفيس حته اشوف شكو ماكو لن ماكدر انام بالصدفه دزت الصديقه الي جنت ضايفتها ع فيس الي هيه رهام ..

...هلوو حبي شلوونج وجان ردي

.. هلو حياتي رهومه تمام انتي شلونج

...دانه الحمدلله صرت احسن عندي موضوع وياج
... 'تفظلي كولي اسمعج
.
..دانه اني مرا سألتج انتي مرتبطه لولا گتيلي لا
....' هههههه يي ممرتبطه ليش
... دانه اخوية عهد تعرفي

...' اممم اعرفه دائما يسلم عليه ليش؟؟
...دانه جيتج بخصوص موضوع يخصه
....مااعرف رجعت گلبي يدگ بسرعه وايدي ترجف...رديتها...... كولي خير ان شالله ...
...عهد معجب بيج ودزني عليج وميريد منج علاقة ومكالمات عهد اخوية ماعنده هل سوالف يريدج بالحلال يريد يتواصل ويه اهلج ويجيكم للبيت ..
...اتصنمت بمكاني مااعرف ارد خايفه ..كلتلي
... عهد يحبج ومستعد يسوي كلشي حته يخطبج
اني' بصدمه وسكوت اطرافي وكفت ماكدرت اكتب كلمه بس اباوع شنو تكتب طلعت من المحادثه بسرعه دخلت الصفحته ..مااهتم لصوره من ينشر فقط اشوف الاقتباسات احبهن لكن من قريت كلامها صار عندي فضول اشوفه شفت صورته ورجف كلبي بالزايد ماتوقعته هل شكل واذكر كلام رهام عنه نفس مواصفاته طلعت بسرعه ورهام تكتب دانة شنو كلتي واذ تردين اخذي وقتج بالتفكير.....

اني بسرعه كتبت واني ارجف مااعرف ذاك الوقت شصار بيه خوف ارتباك ...
لا لا اسفه اني مااحب سوالف الحب والارتباط وبالاخص عرفني من فيس اعتذر حيل وعتذريلي منه ويبقى اخ عزيز
...دانه ..عهد ميريد حب وسوالف ارتباط يريدج زوجه اله خطيبه
اني' لا حبي اسفه واصلا وين اكو حب وحتلو صار شنو اكول الاهلي اعتذريلي منه حيل واني اسفه تصبحين ع خير
....دانة هذا ردج الاخير متاخذين وقت تفكرين
....' لا حبي هاذ كلامي وميحتاج افكر اصلا
...دانة ماشي حبيبتي براحتج واسفه اذ زعجتج بس صدك ردتج مرت اخوية واعجابه بيج اجه من كثر مااحجي بيج ولما واثقين منج مااجي واحجي بس يبقى القرار قرارج هم حقج انتي بعيده علينه بس صدكي ندخلج مو بس بيتنه گلبنه هم ..
راحت وبقيت اني بصدمه وتفكير وبال مشوش دخلت غير عالم من الصدمه اتأمل بكلامها وبنفس الوقت خايفه بقيت كاعده ختنكت اريد احاجي احد صارت ب٤ الفجر كعدت اختي كلتها كومي اريد احاجيج كعدت اختي كولي شنو تحاجيني كلتلها صديقتي هيج كالتلي ع هاذ الولد وهيج طلب كالتلي دانه وكل عقلج صدكتي هاي يريد يلعب عليج عوفيهم معليج بيهم وين اكو حب ع فيس ومن دون ميشوفج ...

افكار تروح وتجي وكل مايخطر اسمه ابالي كلبي يدك بسرعه من جهه اريده ومن جهه ارفضه اكول اهلي مايقبلون مستحيل ينطوني لمكان بعيد هل شي خلاني ارفض حبه وارفض اتعلق بي وظروف تمنع ...اول مرا اجرب هل شعور ومااعرف صح لو غلط بس شي غريب ومجنت رايدته يكبر بگلبي واتأذه...

اني اريدگ وارفضگ بأن واحد ...خشيتا من خذلان ؛؛من كسر قلوب ؛؛من خداع المشاعر ...

#عشگ_بصراوي

#البارت_الثاني

اليعشگ بحر يغرگ بي

وانه عاشگ ندى #وغركان

حبيتگ حب فطرة

انه حبيتچ حب #عميان

شفت بيگ گمر الله وهوا

چم گمر يتمنى صيتچ يلچنچ هلال #رمضان

💞💞💞💞💞💞💞💞💞💞💞💞💞

العراق ....البصرة ....حيانية قبل عامين نهاية ال ٢٠١٧

عهد....

_كاظ بيدي صورة ابوي الله يرحمه واحاجيها ...

ابوي گبرت الامانة لعفتها برگبتي ..وليوم ماخذها لبغداد تگمل حلمها واوصلها لرايده...

مسحت طرف عيني جريت نفس وطرحته ..

...اخ يا بوي ماشفتها صغيرونت هل بيت گبرت وصارت مثل گمر ..دخلتها جامعة ...مثل ما طيتگ وعد تبقى بالحفظ وصون ...

رجعت الصورة مشيت لغرفتهة اكعدها گالعاده نايمه وناسية روحتها لبغداد ...صحتها اجر غطا وترجعه ..هاي موش بس اخيتي الگعده هاي بنيتي

_رهااااام گافيج نوم گومي ...

_عهد خمس دقايق واكوم

_رهوم سمعي ولا دقيقة گومي لا ارشچ ماي واصحيج

_ئف كمت ...كمت.. بهل بيت ماكو راحه راده لعمتي هناك مدللتني ...

_ هاي لمدلله مانگدر گلمه وياها ماكلتنه وشاربتنه ... بس كافيج لغو ولسانج ضمي ..انتظرج برا لامه غراضج ولاحكتني تاكلين ...

_اجاها مسجات كثرانه هل ايام خوفي عليها هواي مااريد يلعبون بعقلها ...كل مااحاجيها صديقتها اشوف اخرها وياها لازم اعرف منو هل لبنية اصلها وفصلها ...

_يمه عهد ....رهوم صبيت الريوگ اكلو گبل لطلعون طريقكم بعيد

__قربت منها شمعة بيتنه لمنورة حياتنه شميت راسها وبسه ...يمه يلغالية

_,يمه گلبي وربي راضي عليگ

_گلنا جلسنه حول السفرة اصد لرهوم تهد النقال

....ناوشيني استكان جاي راسي وهدي من ايدج

_تأمرني ...

دقايق وخلصنه ريوگ ...وبدت عيون لوالده تغرگ

بالدموع اعرفها ماتتحمل فرگة رهام لفت فوطتها تمسح دموعها اخذتنه لحظنها تشمنه وتودعنه ...

طلعنه ورش ماي ورانه ...لسلامه كل مانروح لبغداد نفس ااطقوس ادعية السلامه وترش كاسة ماي سديت لباب واني اكول ...الله اكبر الله اكبر بإالله اخرج وعلى الله اتوكل ...

دانة ...

_اجمل الله حياتنه وفرحة مالية بيتنه اختي صغيرة

دخلت كلية وفرحتنه ..اباوعلها من بعيد تجهز ملابس

الدوام وعاجبها مديل تنورة وصتني اخيطها الها لان

شغلي احلى من جاهز فأي مديل يحبو خواتي اشتغله الهم عندي مكينه صغيرة ... وافرح بشوفتهم فرحانات

اخذت تصميمه وفصلته .....وكفتها وخذت طولها وضحكتنه مالية دنيا دخلت علينه ماما ...

_حبيبتي تعبناج ويانه انتي زهرة شبابي وسندي

__ماما اذا ماساعدكم المن اساعد واداري ماعندي غيركم انتو حياتي

رجعت للمكينة واشتغلتلها احلى تنورة سعادتهم تكفيني ...

سمعت صوت دگت جهازي مسج من صديقتي اضاف لسعادتي سعادة اخرى ...صديقتي دازتلي

_دانه راجعة لبغداد طلع قبولي يمكم

_حبيبتي الف مبرووك ...فرحتلها من گلبي وكتبتلها

اتمنى زيارتها لبيتنه اشوفها بالحقيقه مو فقط مراسله

ابنية تدخل للگلب ..كتلها تطمني من توصل ...

مرت ساعات بين شغل وخياطة ...بأنتظار تطمئني

عليها شفت مجاني مسج منها دزيتلها شافتها و مردت ..كلت خاف مشغولة مكدرت تحاجيني عفت جهاز

عهد ...

خذتها لبغداد بعد تعب طريق دام لخمس ساعات

متواصلة سياقة لگن شوفت عمتي وضحكتها ..فرحها لوجودنه نستني تعب ...

_فوتوا يمه لبيت بيتكم ...جلسنه وريحة لبيت فايحه بالطبخ

_يلغالية ليش تعب انتي مريضه

_يمه عهد صحت لجيرتنه كيفت من كتلها جاييني جت طبخت وساعدتني بالتنظيف ....

_صوت رهوم وتركيع لجدورة مثل قطط راحه على

الاكل ماتقاوم اكل عمتي

_يمه كايمة اصب

...لتفتت رهوم عايفه جهازها على طاولة ويركع مسجات ...خذني لفضول اشوف منو يگلمها

خذت جهاز سجلت عندي اسم لبنية وصفحتها وكلشي يخصها لازم

اعرف كلشي عنها لا تطلع ولد هاي رهوم فطيرة ماتدري وين مصلحتها ...لا تضحك عليها حسبتلها بنية

سمعت صوت رهام اقترب... سديت جهازي رجعت جهازها ...

دائما اخوتي اراقبهم من بعيد من دون مااجرحهم بگلمة هيج لوالد رباني اطيهم ثقة

لكن ضمن ايطار شوري وعيوني واي احد يمسهم يلگاني خنجر بظهره ....

هاي لبنية تحاجي رهام ..ضلت ابالي طلعت صفحتها

وكلبت منشوراتها بحوشت بصفحتها موش بنية من

لخفاف هل شي من زينات ...بس لازم اعرف اكثر عنها مااطي ثقة لغريب ...گطع شرودي صوت عمتي

_گوم يمه اكل هد المبايل ...

_عگد حاجبي بوجهه عهد هاي لو اني وگت الاكل مطلعة مبايل جان زمخني ..

_كعدت حول الاكل ..وسوالف عمتي نفسها

_ها يمه شوكت نفرح بيگ ...

_بعدت نظري عنهم بالي هل فترة مو يم لموضوع

_عمتي عهد شيقنعه ويزوج شوفي اتجاهل لموضوع من الاساس

_,ليش يمه هم شاب ومن حقك معقوله ماعندك وحده بالك.

_عمتي من يجي وكته اول وحده يوصلج خبر وتزفيني بيدج...گطع كلامنة صوت جهاز رهام ..

_عمتي كايمه اشوف جهاز ..شفت خط مكالمة من

ماما طمنتها وصلنه بالسلامه گلبت رسائل من دانه

اوف ماگتلها وصلت ..هاي منو فاتح رسائلي ..انداريت على عهد ..

_انت لاعب بجهازي ..

_دنجت راسي اكل ...لا مكامشه ...

_گعادته ينگر لكن نظراته تذب الوان اعرف ينغبش بجهازي ويشوف ويامن احجي متأكده بده تحقيق عن لبنية ..

_خلصت غدا طلعت للأستقبال اتصلت بأبن عمي علي ملازم بالجيش...اطقس عنه على هل لبنية اطيته رقمها يدگه يمهم.

_تدلل اليوم كلشي عنها اعرفه وادزه ...بس مكتلي منو هل بنت اكو شي مااعرفه

_بداعة غواليگ لا تشمر حجي بنية اريد اعرف كم شغله عنها وخلاص ..

_لا مادخل بعقلي ...مااصدك تضم علي ...

_اوف ماخلص من لسانگ ..هاي بنية مصادقة رهام اريد اعرف كلشي عنها

_صديقة رررهااام ....گلبي فز من فرحة رهام محتاجتني بخصوص رهام وماالبي ..:تدلل انت ورهام ...همست بصوت مخنوگ بس وافق لا اشعل عشرة شمع

_علوش رهام شيلها من تفكيرك لتخرب صداقتنه كتلك ماازوجها الا تفگ من دراستها هاي وصيت ابوي اامن على مستقبلها

_يبعد اخوگ ..شگلك ماتأمنها وياي لو غلطان

_لا تحجي هل شكل بس اعرفگ ماتخليها تگمل تنتظرها لتخرج ازوجها الك ..هاا وسمع الا بموافقتها

رهام...

_خلصت غدا دورت على عهد ضنيته راح سمعتة

يحاجي علي بن عمي عليه ...ياالله متت خجل وگلبي

صار دمام ..خطبني اكثر من مرا ومقبل عهد الا اكمل

دراستي خايف لا اصير مثل بنات عمي ماكملن عافن دراستهن بعد زواج ..

دانة...

دزتلي رهام مسج مقهورة ..وحايرة من جهه حبها ومن جها دراستها واكعة بين اثنين ...كتلها

_صدكي اليحبج يبقى ينتظرج ميهمه الوقت ولا مسافة ولا بعد

_دانة كلامج حلو انتي حابة قبل لو ممجربة هل شعور

_لا والله ما مجربته ومااعرف اذا اجربة بحياتي بس شفت تجارب ناس اليحب يضحي اصبرو والله يعوضكم

_حبيبتي راح يجي يوم وجربين هل الاحساس كلش حلو مجرد ميخطر على بالج راح تكونين طايرة غير. عالم واحلى شعور ممكم تحسي

_كلام رهام كلش حلو بس دائما احس روحي ممستعده واخاف من فشل بالحب مااحب اتقربله ...خلصت حديثنة مثل كل يوم ...

فتت لحسابي اكلب واتصفح شفت منشور منها

شخص يعلقلها وموجود بأكثر الصفحات الدااعلق

بيهن تكرر نفس الاسم جوا تعليقي شي جذب

انتباهي دخلت لصفحته كلبت بيها عجبتني منشور منها حلوات منشوراته نسختها ونشرته عندي

عهد

_بقيت بيت عمتي مالي خلك ارجع للمغرب دزلي علي

كم معلومه عنها موش وحده تعبانه طلعت صفحتها

جذبت انتباهي اول مرا بنت تجذب انتباهي مدري

خذتني ايدي لصفحتها ماحسيت شداسوي ...صرت

كل ما الكي تعليق الها اعلق جوا قاصدها لكن مااعتقد انتبهت ...

سمعت رهوم تحاجي وحده عرفت تحاجيها ..تسمعت لمكالمتها ..من كلامها مبين خوش بنية ماحسيت واكف ردعني صوت عمتي ...

_عهد يمه ليش مانايم ...

_عمتي ماجايني نوم ..

_يمه دربگ بعيد نام ارتاح ...

_تأمرني يلغالية رايح انام بس مااوصيج على رهوم بالج يمها وراقبي دراستها لا تلتهي بالمبايل تشوفنه ماكو صوبها
_لا يمه لاتوصي حريص رهوم بتي ربت على ايدي

_عمتي اترخص منج رايح بلكت اغفى

_يي يمه اخذ راحتگ

_رجعت لغرفتي ماجاني نوم كلامها يفر براسي يعني معقوله ماعدها شخص بالها .....صرت اردها على تعليقاتها اشوف تجاوب وي شباب لكن ماشفت منها رد واحد

بعد رجوعي للبصرة ...استمرت ايام لحدود شهرين بين شغل وتفكير بيها شاغله بالي وكثر صفناتي ...صرت اراقب كل حساب يخصها يجذبني كلشي تسوي وتنشرة .....

حجيت لعلي عنها اريد احاجي رهام عليها رحب بالفكرة بس ضل گلبي مامرتاح خاف ترفض .....

اخر شي قررت افاتح رهام بالموضوع ..اتصلت عليها انصدمت بكلام عمتي مريضه ...خذت سويج سيارة وبوجهي لبغداد ارجعها گبال عيوني ...هاي نظرها ...رجعنه للبصرة سوت كافة تحاليل ماكو شي خطير من ارهاق دراسة وتعب ..بقت امي يم راسها ...وبقت نايمه ترتاح

سمعت جهازها يدگ ...گلبي اول مرا دگ ويا فتحت الخط ..اطمنها ...واريد اعرف شتصرف وياي من احاجيها ...سدت بوجهي ..اتصلت ترفضه ..تأكدت ضني بمحله ..دزيتلها مسج اريح بالها و

كعدت رهام تخابرها ...حجت وياها ...واكف يمها اريد المح صوتها لو من بعيد ...
بقيت فترا مااصارحها الا اتأكدمن مشاعرها تجاهي صرت اعلقلها واردها لكن متجاوبت وياي عرفت بنت اصل ماتطي مجال ...سمعتها فديوم تحاجي رهام

خلصت مكالمتها ...اخذت العزم اگللها مشاعري توضحت گدامي

_رهوم هاي صديقتج ...اريد احاجيج عنها

_يا خير شبيها لتكلي عرفت شي موخوش عنها لبنية اعرفها صار كم شهر بس طيب منها لا لا مااسمحلك تحجي عليها

_رهوم شني قصتج سمعتي من گلمة موخوش..دااريدج تحاجيها بغير موضوع اخذتني حاصل فاصل

_شنو شبيها ؟!!

_بصراحه عاجبتني

_خذت شهكة شني رد شكلت ...عهد عاجبتگ لبنية منين تعرفها

_هي مو نفسها لتعلقلج ..

_يي وانت جنت تلحكها مراقبتك حتى لبنية قبل كم يوم سئلت عنگ ضايجه حسيتها

_هي گلتلج ضايجه مني ..

_لا بس من سؤالها فهمت ...

_باعي رهوم اوكفي وياي هل مرا وحاجيها شوفي رايها تقبل لولا بس سؤال سئليها گليلها رايدها وشاريها

_والله مااعرف بس هي من بغداد مااعتقد اهلها يقبلون لهنا بس احاول

_يله لبعد اخوج باجر صبح رايد منج لبشارة

_تأمرني يخوي امر

دانة ...

بعد مازادت تعليقاتي وردوده وملاحكته لصفحتي

حضرته ...بس مرات اسئل رهام من باب فضول منو

وشنو علاقته بيها گالتلي اخوها ...شلت حظر عنه رجع يطي لايكات بصفحتي ويعلقلي ....مجاني نوم

الليل كله اتگلب من جهه تندمت شلت حظر ومن جهه فاجئني رهام بطلبها ..وكان جوابي خوف حسيت كسرت فرحتها

_عهد...

_معرفت شون طلع صبح گلبي بقلق وبحيرة ..سمعت صوت رهام خارج غرفة ضربت لفراش انفاسي تتسارع وي خطواتي وجهت رهام بدون صباح خير لان سعادتي متوقفه على رد لبنية ....همست ..

_هاا رهوم بشري ...ماعجبتني تصرفاتها تعدل جرجف لميز وتهرب نظرها عني ...رهوم وين صفنتي اشجان ردها ...

_عهد مااعرف شكول بس ...

_شنو بس شكول لبنية ...

_ما وافقت خايفة من اهلها ومتردده من هل خطوا

_لا تخاف اخذ اعمامي لبابها اذا موش موافق ابوها اهد الكاع واخذها اهمشي رايها شكولها عني لباقي حله يمي ..

_مااعرف شكول..بس رافضه لفكرة

_كوليلها ارد احاجيها

دانه ...

_جاني مسج من رهام يريد يحاجيني گلبي وكع بين رجلي

يتبع

ارائكم مع توقعاتكم ماذا تحمل لهم الايام من مفاجئات
#روووعه

اضافه للمكتبه❤

تصويت👇