#صرخات_غير_مسموعه

#بقلمي ام غايب

#تكملة بارت36

باوعت بحديه ....صار ثاني مره

فارس/وثالث ورابع هم ......انتي مو طبيعيه

وخر فارس عفيه ....مالي خلك لسوالفك

دتعالي بابا تعالي شنو الي مالج خلك اله كاعد امشي وكفني
انتي مو عبالج من اتطلكنه بعد مالي سلطه عليج بابا انتي بت عمي

واني ممسويه شي .....شسويلك اذا انت تتوهم

تووهم

اي تتوهم اشياء ماكو

الزياره وطلعتيلي عذر بس اني مو غبي لج من يباوعلج يعرفج مو هيج كلاوات مجرد انعجب بيج ولتنكرين

ماادرررري كتلك ....وخر فارس

انتي شبيج هااااااااا

اني او انت والله راح اتخبل .....هسه روح احتار بهاي الي تحبهه وعوفني رحت من يمه ....صاح تعالي اكلج

عفته ولا عبالك اسمعه

ولج تعالي

طلعت وعفته جانن مريم وعمه بالمطبخ اني

رحت صعدت الغرفة مريم وطبكت الباب ....والله يا ربي ناقصني انووووب اني بس سوالف فارس

مااحس اله انفتح الباب

مو احجي وياج

شتريد

اخذذ نفس والله ماادري

شنو الي متدري بي فارس

انتي وحده حقيره ......شلون تحجين هيج

شحجيت

تعرفين كلش زين شحجيتي

شحجيت بلله .....فارس انت شدتحجي عفيه وبعدين كله هذا من وره محمد الي خلاني هنا ولا عبالك يعرف

اي بلله شيعرف

شهد/انت

محمد/اني

ايييي

وترني حيل مدري شبي وشديحجي

انتي ليش كاعد تلبسين حجاب كدامي

باوعت هذا شبي

عود شتقصدين بهاي حركاتج ....عود قصدج تكليلي انت غريب عليه مو ....تره اعرف سوالفج مال زعط

ضحكت ....والله يا ربي ماادري شكلك

شو تضحكين......هااااااا متدرين شتكولين وكام يهز براسه

فارس بس لا سمعت كلام جدو وتريد تكسب بيه أجر لان يتيمه

انتي مخبله

سمعت جدو

لج بابا غبيه انتي والله

لا والله

شوكت راح تعرفين فارس زين

انت اصلا الشخص الوحيد الي مستحيل اعرفك

هااااا

عصرت راسي بيدي اخخخخخ والله وترني ....مكاكد افهم منه ولا شغله شيريد ماادري

فارس شتريد مني

بقه صافن بوجهي .....شريد انتي مستحيل تفهمين الي اريده ابداً

شلون يعني

ولا راح تفهمين

انت ليش متصير انسان واضح

راح اسألج سؤال واحد جاوبيني علي بكل صراحه

شنو السؤال

انتي تحبيني لو لا شهد

تذكرت كلام جدو ....ومن هوه يكله مااريدهه ..........ليش هذا السؤال فارس

شنو تستنكفين تجاوبين

سؤالك مو بوقته ابد فارس.....بابا توه توفه ....واني حزنانه علي ....حتى ممستوعبه وفاته بعدني وانت تسولف يوالف مدري شنيه

ليش اذا جاوبتيني عل هالسؤال يعني انتي راح تعتبرين مو حزينه ....انتي شنو عقلج فهميني ....

شهد تحبيني لو لا هاي مره ثانيه اعيد السؤال

سكتت معرفت شجاوبه

براحتج شهد وعافني وطلع من الغرفه

......................

شيرين/ممرتاحه ابد .....احس شي مو طبيعي مااعرف اني مبالغه .....معقوله محمد راح يزوجني عمر .....يعني اني وعمر باجر نتزوج ....هذا الحلم المستحيل راح يتحقق

باوعت على جنات جانت نايمه .....وانتي يا روحي يريدون ياخذوج مني ....ميعرفون اني اموت بدونج .....شلون اكدر اعيش بدون ملاكي
وقوتي .....انتي الي تنطيني القوه حتى اعيش بهاي الحياة يريدون يحرموني منج

بعد ما طبع محمد ماما حجت وياي .....وكالت سمعي كلام اخوج ....مابيه حيل ....تعبتينه يا شيرين ....يوميه مشكله ومصيبه بسببج .....ابوج مات وبقه الهم عليه وعلى اخوج .....ريحينه

شلون اعوف جنات ماما

اذا معفتيهه هسه هم. راح تموتين وتعوفيهه

يمه يعني جدو صدك يحجي اني شسويت

اسكتي شيرين اسكتي.....ولج لو متعرفين عقلية جدج واهلج شلووون تحبين وتسوين علاقات

يمه اني حبيت حالي حال البنات

عضت اصبعهه امي .....ولجج اخخخ يا صلافتج طاح حض هيج حب
شحصلتي من ورا ولج ....لج اني والله ممخبلتني غير بس صلافتج اسكتي ليسمعج اخوج

هو اخويه مو راح يزوجني اله لو شنووو

ولي شيرين من كبالي وروحي انطمري .....لان راح ضغطي يصفر من وره صلافتج وامشي وره اخوج

دخلت الغرفتي .....نومت جنات ....شبكتهه وكمت ابجي ....معقوله اعوفهه اني .....مااتحمل هذا الشي ابد .....وبنفس الوقت من ابقه يمهه هم انحرم منهه عل اقل محمد كلي اني اجيبلج بنتج بس سمعي كلامي

طلعت بليل لكيت امي داخله نايمه ومحمد مموجود بالمستشفى لان بسبب الاجازه عنده شغل فراح بات بالمستشفى باوعت الموبايل عل قنفه مال ماما

اخذته .......ودخلت للغرفه وقفلت الباب .....فتحت الحظر من عمر دكيت علي عل ماسنجر

جاوبني بسرعه

شبسرعه جاوبت

عمر/الموبايل بيدي جان

شخبارك

زين وانتي

اني هم زينه

شنو وين انت

ببيت صديقي شويه وراح اروح للمطار شعجب خابرتي

عمر ضايج مني

اخذ نفس .....شتكولين انتي

مبين ضايج مني

اي وحيل الدرجة اليوم حسيت بروحي مااريد اخطي هاي الخطوه

والله

بس بعدين طلع هيج مجرد احساس لان ضايج منج .....شيرين انتي تحبيني لو لا

اذا ممتأكد من حبي الك ليش راح تجي

ليش مااحسج تحبيني

انت غلطان يا عمر ....والله احبك بس شيوي للظروف

مو اخذتي الموبايل ليش متصلتي منه

لان اخذته للاحتياط عمر لتنسه انت هم عفتني

معفتج اني بسهوله اله من أيست انتي متتحركين

عمر شكلك محمد

هو اتفقنه نتزوج اني وياج واخذج

وجنات بنتي وبجيت

لتبجين حبيبتي خل نتزوج اول واني الكه حل الهاي السالفه

شلون تلكه حل

خليهه على الله والله يحلهه

عمر مااكدر اعوفهه والله

شتسوين يا حبيبتي وبعدين هيه راح تبقه يم امج مؤقتاً

سكتت وهو سكت

راح اطلع اني هسه

يلله روح حبيبي ....عمر اني احبك حيل ووالله فرحانه لان راح يتحقق حلمنه بس موضوع جنات مأذيني

لتسدين الخط خليني احجي وياج اذا تكدرين الحد مااوصل للمطار مشتاقلج حيل ومشتاق الصوتج

سكتت

وانتي ممشتاقتلي

مشتاقتلك والله وممصدكه راح نصير سوه

راح نصير شيرين .....تدرين اني هم ممصدك

احبج شيرين والله

عمر

عيونه

اني احبك حيل ....بس

بس شنو

خايفه ماادري ليش ....طلعت

اي طلعت وبالسياره صاعد خل نحجي رسائل هسه
سدينه الخط وكمنه نحجي

ها حياتي اكو واحد صديقي عراقي ويايه بالسياره مااكدر اخذ راحتي بالحجي

شوكت تجي للبيت

من اوصل راح اروح ال إيسون ووراهه العصر اجيكم

اوووف هم إيسون

شلون بيج مخبله ماعندي غيرهه وبعدين شبيج ويه البنيه كلش حبابه وهيه مجرد صديقه

عمر من نلتقي ماكو صديقات

هاي شنو

اي عمر ماكو اي صديقه انت تقبل يصيرون عندي اصدقاء

هاي شنوو
اي لعد شعبالك منا وهيج راح اصير زوجتك ويمك

الله يا شيرين معقوله

اسكت عمر هو اني هم ممصدكه بس عليك الله اوعدني جنات تجيبهه الي

اوعدج اذا اني عايش وموجود بحياتج اسوي المستحيل علمود تصير جنات بحضنج

عمر من انت وياي والله العظيم احس بالأمان

اموووت عليج يا روحي انتي ....شيرين لتضوجيني بعد ولو هو بس بعدنا جان الي مضوجني منج

تحجي الي يسمعك يكول بسببي

مو بسببج بس اني هم مستسلمه كلش هذا الي مضوجني منج

بعدك ضايج

لا

متأكد

اي والله ولج هو انتي غير روحي
شيرين احبج والله العظيم وهواي

شنو وصلت للمطار

اي وصلت

روح يلله

لا بعد اريد اشبع منج

ليش انت غير راح نلتقي باجر

اي بس حبيت اسمع صوتج يلله راح اخابرج

خابرني جاوبته بسرعه بصوت ناصي

اااااااحبج

ابتسمت واني هم

سمعت واحد حجه ويا بلغه مفهمتهه

شيرين حبي بعدين اتصل بيج

ليش شكوور

الووووو

عمرررررر

انكطع بقيت خاله الموبايل اكبالي واباوع علي صارت الخمسه الصبح وهو ممتصل ولا عنده اتصال بالنت ....اكيد سافر  هسه

مهلي احذف كلامه مااعرف ليش بس مضطره احذفه

حذفت المحادثه ورجعت الموبايل المكانه ورجعت للغرفه كوه كدرت عيني تغفه

كعدت متأخره الساعه بالوحده الظهر رحت ركض عل موبايل مال ماما اخذته ودخلت للحمام

اخر ظهور اله قبل دقيقه

دزيتله ها حبيبي شخبارك وصلت التركيا لو بعدك

طلع مرئي ومجاوب

دزيتلهه ها حبي طمني

هم مرئي وماكو وراهه حظر انطاني شنو القصه مااعرف

كلبي نغزني

طلعت من الحمام مسطوره وبيدي الموبايل

حت جان باب غرفة محمد مفتوح وراجع دك موبايله اني رحت الجنات شلتهه جانت نايمه ردت اكعدهه

تمت

والله شبيك....... اي هنا

اكيد راح يرجعو

حسيت الدنيا دارت بيه ......معقوله ديحجي على عمر
احس كلشي بيه كام يرجف

دخلت ل محمد جان يحجي بالموبايل بقه مستمر يحجي
شويه ونهه المكالمه

شبيج هيج دخلتي

عليك الله الي جنت تحجي علي عمر موووو

باوعلي ....شنووو

عمر والله عمر

لا يابه شبيج تخبلتي

والله عمر

هاي شبيج شيرين يا عمر كاعد احجي على حاله عندي بالمستشفى وبعدين غير احنه متفقين اليوم يجي شبيج

ماادري شو حسيت الي دتحجي علي عمر

ليش سامعه شي ليش يعني الي احجي علي عمر

مااعرف ....طلعت وعفته بس شنو كلبي يوجعني بحيث مكدرت اركز على اي شي

بقيت انتظر جية عمر ....مشت الساعه وصارت ٧:٠٠م وهو ماكو
بجيت هنا متحملت

رحاب/شبيج تبجين

والله العظيم ..........يتبع

غداً موعد البارت الاخير ....