#صرخات_غير_مسموعه

#بقلم ام غايب

#تكملة_البارت30

فتحت الباب ......شهد ومحمد .....ارتبكت حيل لان ملحكت احذف الرسائل بس ضميت الموبايل

شيرين/ها شنو الأخبار

شهد/هههوف اسكتي وخليهه يبجون الصخر

شيرين/الله يساعدهم

محمد/خطيه والله  الله يعينهم

شهد/اكلك محمد اذا اموت اني هم هيج تنقهرون

محمد/يومي قبل يومج

ضحكت....اوووف محمد لتضحكني  واني حزنانه

يلله بنات اني.رايح هسه قفلت البوب زين وموبايل امي يمكم قريب خلو

بذل قميصه لَبْس اسود وطلع كيك وراح

شهد/شو كشخ هذا اخوج

شيرين/هو انيق .....عفتهه ودخلت للغرفه لزمت الموبايل ومسحت ورجعت حجيت ويه عمر

حبيبي كاعد بعدك

لا حبيبتي

شنو جنت تسوي

جنت كاعد يم إيسون

إيسون منو

صديقتي

وكاعد يمهه وبهيج وقت عمر

حبيبتي تركيا مو عراقيه

لا والله والتركيا شتختلف يعني

تغارين عليه

عمر

روحه وكلبه ودنيتا ونعمته

عمر لتقشمرني بهذا  الكلام .....اليوم اول يوم نحجي وانت تكلي إستون مدري شنو

إيسون

عمر

فدوووه رحت للي تغار ....ولج شيرين كلبي راح يوكف
ليش

لان ممصدك نعمتي رجعت

لتحجي هيج .....عمر ....كل الي صارلك بسببي اني وتكول نعمتي اي نعمه هاي ....دمرتلك حياتك من ورايه كلشي صار بيك لو من حذفت الصور مالتي ومحجيت اني واعترضت جان كلشي من هذا مصار

انتي مالج دخل حبيبتي بالموضوع الي صار هذا كله مكتوب بس اني ندمان على شغله

شنو

اني داخل للنار داخل ....لو كاتل مجيد بدربي مو احسن الي

عمرررر بطل سوالفك لتحجي على جدو
قصص وروايات عراقية كرار صلاح
احجي ونص عساهه بحظه وبخته الحرمني منج ....

يا الله صاير تدعي مثل العجايز

جنت مندمجة اسولف وابتسم دخلت شهد جانت بالحمام
شكوووو شو لازمه الموبايل وتتبسمين

كاعد اباوع مقاطع فديو

مقاطع فديوووو

اي ....ووجع ليش هيج تباوعين

بلله اشوف

ولي شهد دتتجاوزين حدودج هواي

شهدتدرين شكد شفت ناس صلفه بحياتي بس مثل صلافتج مشفت

واوووو منو اليحجي وبعدين ليش يمه

والله العظيم كاعد تحجين ويه هذا السافل عمر

ليش تغلطين علي انتي شكد ادبسز

انطيني الموبايل

ولي شهدد لا اكسر راسج قليلة تربيه ماعندج اي احترامات للأكبر منج

وبلله كاعد احجي ويه عمر وحل يذبحوني شيسون يسون اني تعبت اني احب هذا الانسان وأموت علي .....

اذا انتي سباعيه احجيهه يم ماما حتى مو يم بابا

اي احجيهه من تجي امي اكللهه اني احبه وهو.رايدني بالحلال احنه ممسوين اي جريمه

انطيني الموبايل

ماانطي .....حيري بروحج شهد وعوفيني بحالي ....من ترج مطلكه وتباوعين الأكرم حلال بس شيرين من تحب حرام

شهد/اوووي طبج مرض هالمره يذبحوج صدك

ميخالف خل يذبحوني ويخلصوني ....

شهد/رحت بست جنات ونمت ......بفراشي
ضليت اتكلب بفراشي وأتذكر زيوني .....كل شقا وكلامه كبال عيني .....من اتذكر هو مات خلاص ماله وجود بحياتنا ابجي وأزيد بالبجي

شيرين/شهد شبيج

كمت كعدت على حيلي .....زيوني ميروح من بالي

الله يرحمه ....خطيه ...صليله واقريله قرآن خطيه

شهد/رجعت نمت بمكاني .....الموت فجأه يجي ....بلله فارس هم صار بي شي .....واني احبه .....ليش منطيته فرصه وهو انطاني اكثر من فرصه ....ليش من هنته سامحني ومن رجع عرف بالموبايل الي انطانييا اثير سامحني واني من اول موقف ويايه مسامحته

من اجه فارس التركيا خلاني افصل مشاعري واعرفهه ....عرفت اني احبه اله والبعد جان خالق مسافه ومانعني وخاصه بموقف جان بعدنا .....خلاني التجأ النظرات اكرم حتى اثبت مو الاحد النفسي انو اني انحب

اني احبك يا فارس ....واذا صارلك شي مستحيل اكدر اشم الهوا ....مجرد ماافكر بهذا الشي اتخبل

بقيت صافنه وافكر بـ فارس وتعبان كلبي .....اريد حل ....احبه وأريده وخايفه خاف أتعذب وَيَا واصلا هو بعد ميريدني
................................

بعد ما استسلمت شهد وعافتني لكيته داز

ها يروحي وينج

الووو عمرري

نمتي حبيبتي لو جنات كعدت

احبج هواي بكد رحمة الله يا عافيتي ونفس ريتي

ام كرش وينج مو شلعتي كلبي

هاي اني ام كرش

- [ ] احلى ام كرش والله من فدددوه رحتله هسه الغزل الي تغزلته بيج كله معجبج ومعلقتي علي ركضتي على ام كرش

عمررر اني ام كرش

اي

عمرررر

اموت عليج دااتخايلج وانتي عصبيه

روح عمر الله يسامحك

عمر/الماعنده كرش ماعنده شخصيه
قصص وروايات عراقية كرار صلاح
عمرررررررررررررررر كااافي والله مااحجي وياك بعد ...ليش تكلي ام كرش تره مصار هواي من جبت

اموت على كرشج والله

تره انت سويتيني كلش  الي يسمعك هسه شيكول

لتلبسين كصيف بعد ومااكلج ام كرش

وين لابسه كصيف

المرتين الشفتج بيهن لابسه فستان ضيق واني مااتحمل احد يباوع عليج .....شيرين انتي مو تعرفين اني مااحب هيج تلبسين ليش هيج تلبسين اذا تحبيني لتلبسين هيج

شو سكتي

اشتاقيت عمر الكلشي ....الـ...حبك والـ غيرتك عليه ً..خايفه من المستقبل الي ميبشر بخير
المشكله نعرف احنه منصير سوه لو شيصير

عادي جنت اريدج يمي .....حلالي .......هسه عادي خليني بس اسمع صوتج ....من بعيد .....اعرف وأدري كلش زين بعد لو شيصير مينطوج الي خاف قبل جان اكو امل هسه شلته هالامل بس شسوي يا شيرين حاولت مكدرت بدونج

عمر وهاي التركيا شنو موقعهه الأعرابي بس لا حبيبتك لو خطيبتك وتريد نبقه نحجي

ولج اني عندي بس حبيبه وحده ....هيه تسكن هالكلب واكلج هذا وعد مني انتي مريتي لو مااريد

بقينه نحجي الحد مغفيت واني اكتبله ....

ثاني يوم كعدت ....على صوت ماما تكعدني .....
شيرين ....شيرين كومي

ها ماما

جنات كاعده واني راح اروح
موبايلي وين

فزيت من مكاني انرعبت تذكرت اني غفيت ماادري جنت احجي ويه عمر كمت جوابه صار

ادري يم شهد

ديلله خلو قريب عليكم مو اخباركم وماكو

شوكت رجعتو

قبل ٣ساعات حظرت جنطة ابوج وهسه راح نرجع من يسافرون ارجع عيب ابقه هنا وهمه حالتهم حاله

زين اني مو لازم اجي

ابقي من يرجعون نم نروح

كمت رضعت جنات .....وعزلت البيت .....

لكيت عمر دازلي

دنيتي نامت

عافيتي نايمه

تصبحين على خير دنيتي

ولكيته داز الصبح

الاول مره انام واكعد من النوم مرتاح
والأول مره من وقت طويل احب الدنيا يا دنيتي
قصص وروايات عراقية كرار صلاح
سافر بابا وماما رجعت وبيومهه مرحت للمعهد ومن اجتي ماما دزيتله بعد لتدز مااريد ماما تشك بيه

بقينه نلتقي يوميه من اروح للمعهد واجه اثير الي سمعته من عمر بس ١٠يوم برحله ورجع بعد ماطمن عمر

وعمر رجع الـ كندا

...............................

...............................

شهد/بعد ما سافرو علمود زيوني ....بابا راح وياهم ورجعو ....مرت شهرين فارس مااعرف عنه شي ....تعبت كرامتي متسمحلي اخابره وأتمنى هو يخابر ....

راجعت نفسي وتصرفاتي وَيَا ....ولكيت روحي هواي غلطانه ....يمكن اغلاطي متسمحله يتزوج عليه .....بس سبحان الميغلط

من كعدت ويه نفسي لكيت نفسي مثل الطفله اتصرف بدون عقل ....تحملني هواي فارس واتحمل طفوليتي

والمشكلة اني بعيده عنه هواي ....ماكو شي يقربنا ويسهل عليه السالفه

اما شيرين ....تعبتني هواي....شكد احجي وميفيد .....حتى موبايل سري جابت .....واني من يمي خايفه ....واخاف احجي ....ساعات انقهر عليهه وساعات اضوج من غبائهه بس شسوي مابيدي حل .....جنات غيرت حياتنا كلنه .....فدوه الكلبهه بدت تناغي قصص وروايات عراقية كرار صلاح
وكلبي هم يناغي .....اني شكاعد احجي يا ربي

دوم نروح البيت عمو ابو اكرم علمود البنات وام اكرم ....بابا كال ....وكل مااروح ادخل حالة اكتئاب اتذكر زيوني

وأكرم ابد مملتقيه بي دوم اروح بأوقات دوامه وامي ويايه

الى ان اليوم التقيت بي جنت توني داخلتلهم  وامي لحت عليه بالروحه اني وشيرين  علمود البنات .......شويه واجه

اكرم/السلام عليكم

الكل جاوبه

شهد/وعليكم السلام  ودنكت عيني بقه يسلم على ماما وشيرين وشايل جنات

ويباوع عليه من مرات ارفع عيني اشوفه
شويه وصعد ونزلت حنان لان جانت فوك شيرين صعدت ويه إيلين و.....اني بقيت اخاف اصعد خاف  اكرم اشوفه ماعولت يصعد

كعدت شويه وكالت تعالي اشوفج غيرت ديكور غرفتي

صعدت وياهه ...بس بكلبي شكيت اكرم دزهه لان حسيته من يباوع عليه راد يحجي ومكدرت اكول الـ حنان لا استحيت

وفعلا لكيت باب غرفته مفتوح
بس حنان محسستني هو دازهه

لان دخلتني الغرفتهه وجانت فعلا مغيره بيهه شويه

شويه واجه اكرم

حنان اكويلي هذا القميص

ماشي

جان شكله متغير ضعفان ومبين علي الحزن

شهد شلونج

الحمد لله

شخبارج

زينه

مااحس اله شيرين راحت كالت مااعرف اكوي هنا ....اني توترت اعصابي

كعد على طرف الجربايه واني كمت لان جنت كاعده عَل جربايه صح هو بعيد عليه بس مكدرت استحي

شهد بس اريد احجي وياج بموضوع

شتريد اكرم

صار هواي مفروض اوضحلج

مردت احجي وَيَا خاف يشوش عقلي وارجع على نفس التعب وأحس نفسي بيه انفصام بس هو كبل حجه

كعدي شهد ....تره بعيد عنج

شنو اكرم

شخبارج

كتلك زينه

اعصابج عيني شكتلج اني

واني جاوبته طبيعي

المهم ....اني اسف

على شنو

موضحتلج سوء الفهم الي صار

مصار شي  ماكو داعي سالفه راحت وكمت ردت اطلع

كام وكف كبالي

شنو الي راح اني بعدني اريدج

انصدمت باوعتله

روح اكرم اني مااقبل بيك

ليش ....لان احب وحده قبلج ..انتي هم جنتي متزوجه قبلي واني مباوعت الهذا الشي ابد

لان ردت تتزوج بسرعه وتضوج حبيبتك ....لذلك مباوعت الهاي النقطه بس هيه تره متضوج انت متوهم لان لو تضوج جان متزوجت غيرك

عَل عموم يا دكتور اكرم اني هم احب زوجي

زوجج

اي رجعنه  بس مسافر هسه علمود دراسته هو هم دكتور

اعرف تره دكتور 

يلله مع السلامه دكتور كرم مدري اكرم
قصص وروايات عراقية كرار صلاح
باوعلي وضحك .....مااصدك متعرفين اسمي

لا جديات شهد مااريد تأثر هاي السالفه على علاقة العائلتين
ليش  تأثر ....عادي ماكو نصيب

طلعت وعفته.....كله من وره امي ااااخ واح تموتني بحجة البنات تجيبني هنا عبالهه مااعرف سوالفهه والله بعد لو شيصير مااجي نزلت بسرعه

يلله ماما خل نروح

ام اكرم/بعد وكت

رحاب/لا نروح هسه يجي ابو محمد تعبان وهم ورا سفر

ام اكرم/وين

رحاب/للعراق . والله عمي شويه تعبان ويريد يروح

تفاجئت اني صدك لو دتجذب امي ولا اعرف
صحت شيرين وطلعنه

شهد/ماما صدوك راح بابا يروح للعراق

رحاب/اي ليش مكلتلكم
شيرين/لا

شهد/السلطان مجيد  دومه تعبان وكلشي ماكو

رحاب/طايحة الحظ شلون هيج تحجين على جدج وبعدين جذب مو جدج تعبان عمتج خوله خطوبتهه راح تصير

شهد /والله عمه خوله والمن الحبيبهه لو للارمل الكالت علي مريم

رحاب/اوووف من اللسانج

شهد/يعني عمه راح تتزوج

ماما...انطيني موبايلج حبابه

شكوووو

اريد اخابر بابا

بالجنطه متشوفيني شايله جنات وبعدين شتريدين من ابوج
هسه تعرفين

أخذته وخابرت بابا

بابا حبيبي

ها حبيبتي

اريد اروح وياك للعراق

شنوو

ستار /لا بابا

عليك الله بابا الله يخليك

هسه مو وكتهه  من اجي نسولف

امي دارت عليه .....باوعت عليه وهزت راسهه اووف منج

متروحين

يمه عمه راح تنخطب ووالله مشتاقتلهم هناك

رحاب/عبالهه لعبه الروحه هيه غير فلوس يرادلهه وابوج ماعنده وبعدين شتسوين تروحين شهد

يمه اريد اشوف عمه خوله ومريم كلبي مطكك عليهم يعني عمه اذا تزوجت بعد وين اشوفهه

باوعتلي صفح ....والله ياربي ماادري شحجي

كملنه الطريق واني فرحانه اروح للعراق والله مشتاقتلهم حيل ....... اول مارجعت ماما من شافت بابا كالتله دير بالك تمشي كلامهه ستار

ضحك بابا

ها ستار دومك تمشي كلامهه وتكسر كلامي

سكت بابا ودخل للغرفه ....ودخلت ماما ورا واسمع امي صارت عصبيه وبابا هم صار عصبي

شيرين/مترتاحين اذا متسوين مشكله

شهد/اني لو ماما الي حسره عليه اريد شي تطلعه من خشمي
جان موبايل ماما يمي خابرت مريم

جاوبتني عمه ام قيصر لان على موبايلهه
قصص وروايات عراقية كرار صلاح
حجيت وياهه شويهً وانطتني مريم

مريم/ها ولج

شهد/ررراح اجي للعراق

مريم/عليج الله همزين والله مشتاقتلج

اني الاشوق صدوك عمه راح تنخطب

اي للارمل جدو بعد صدر الأمر

وهيه فرحانه

لا ضايجه ومتتحاجه

شو دفتحي كامرا

فتحت كامرا وكعدت اسولف وياهه شوفتني كيان ابن قيصر 
اوووي جنه جنات من يلملم حلكه وشيرين من ابوسهه من حلكهه تكوم تصيح

مريم/شيرررررين شنوو

هنا اني.......يتبع