بارت5
#صرخات_غير_مسموعه
#loloaalolo98
#البارت الخامس
صباح الخير احبتي طبعـاً والله مشتاقتلكم هواي
ثانياً اني بعدني بالشمال وطبعاً من اكعد الصبح الى ان ارجع هلكانه مااكدر اكتبلكم أبداً وانقهر من أوفكم تطلبون مني بارت مفاجئ واني تعبانه
اليوم مطلعت العصر وياهم بقيت ارتاح وهسه كعدت اكتبلكم اعذروني عن التقصير
اما الي يكولون إملائي غلط احباائي هاي سحكات لان كاعد اكتب فوك ال٣٠٠٠كلمه ومرات ماانتبه للقاموس وماعندي مجال اراجع البارت
🌸🌸صــرخات غــير مــسموعه🌸🌸
🎀🎀بـــقلمي امــ غـــايــب🎀🎀
شهد انتي طالك
درت وجهي علي بسرعه .....باوعت بصدمه توقعت يضربني وتوقعته يتقربلي بس ابد متوقعت يطلكني
كمت على حيلي بسرعه وهو راد يطلع لزمته من ايده
فارس انت شدتحجي احجيهه وعيوني تصب دموع
مثل مسمعتي طلكتج
اني غلطت ماشي ....اعترف بس لتسويهه بيه
اسكتي شهد
راد يطلع لزمته قوي
مااسكت متطلكني .....ابويه يموت والله
شهد مااريدج بعد فهميهه
طلع وطبك الباب حيل اني كمت ابجي بعلو صوتي .....اتخايل شكل ابويه من يعرف .....اخخخخخخخخ شسويت بنفسي اني يا ربي ساعدني
سمعت قيصر يحجي بصوت عالي فتحت الباب بسرعه
فارس/بكيفي محد اله دخل بيه
قيصر/لك وعمك متفكر بي
فارس/ماابقي هاي الانسانه على ذمتي مااريدهه بعد
قيصر/لك انت مشفته بذاك اليوم شلون بجه يبجي الصخر
فارس/كلت العندي هاي الانسانه مجرد التفكير بأن هيه على ذمتي اتخبل
لعد ليش تقربتلهه
ليش ......النفس السبب الي خلاني اطلكهه
ام قيصر/فارس اني الحد قبل لتجي وياك بس الهنا وبس هذا عمك ابو محمد مو أي عم تخسره علمود طفله غلطت
فارس/لتكولولي طفله ......سالفتهه الي سوتهه مو يم الطفولة ابد
قيصر/يعني انت عبالك من اطلكهه ترد اعتبارك وتثبت رجولتك
لا طبعاً
قيصر/اي .....احجيهه يم واحد غيري ....فارس استعوذ من الشيطان وفكر ب عمو كافي علي سالفة شيرين لك هو الحد الان مكاعد يكدر حتى يحزن على شيرين
ام قيصر/اصعد المرتك يمه .....واستعوذ من بليس
مو مرتي طلكتهه
قيصر/أولا عصبي ثانياً مبين بعدك مسابح يعني طلاكك الهه باطل
فارس/ولا يهمكم هسه أفوت اسبح وارجع اطلكهه
قيصر/انت مخبل والله
طبكت الباب ونمت بالكاع حسّيت الدنيا سودت بعيوني.........مااريد اسمع اي شي بعد احس شي بداخلي تحطم ......
بقيت للصبح ابجي ابد مكدرت دموعي توكف من البجي ولا تغفه مااعرف وين نام فارس مأجه للغرفه بعد بس كل الي اعرفه تمنيت ميته لو تمنيت ممسويه هذا الشي مو لان طلكني لو ضربني
لان حسّيت بنفسي حالي حال الي سوه بــ شيرين هالدكه
شيرين انفضحت وتشكك بشرفهه واني فضحت وشككت برجولة فارس
ضليت ابجي ....بحركه وبصوت غفيت واني افكر بمصيري .........فزيت ميته برد وجسمي يوجعني كوه سحلت بروحي سحل ونمت عَل جربايه
بسرعه غفيت لان جنت تعبانه وعيوني تحركني من البجي
فزيت .....كبالي الساعه باوعت ب١١ونص الظهر .والكلوب باقي مفتوح .....جسمي مكسر ويوجعني باوعت صاير خريطه وطبع الحزام بيدي وبجسمي كله
سحلت بروحي سحل ودخلت للحمام فتحت المي بالبانيو ......وتمددت وأبد مكدرت ابجي كل مااتذكر من كال انتي طالك ومن نزل ويتوسلون بي وهو رافض نار وتشب بكلبي
مريم/شهدد .....شهد انتي زينه
جاوبتهه واني بالبانيو......زينه
راح اروح اسويلج ريوك بين متطلعين
سكتت ......بقيت شويه وطلعت لكيت مريم بالغرفه تنتظرني
مريم/سوده عليه هاي مسوي بيج
كعدت عَل جربايه.....فارس وين
جوه بالاستقبال ...
ماشي .......ورجعت نمت عَل جربايه
كومي تريكي ولج
كعدت بصفي ...........أذاج
عوفيني مريم ......تعبانه مالي خلك احجي
دكومي تريكي ......أصلاً فارس أحسه يلوب وضايج
مريم ....سكتي .. وغمضت عيني
راح ابقي الصينيه ......تريكي
شهد/تعالي شيليهه .....نزليهه .....مااريد ....منو جوه
مريم/يعني منو ....امي وفارس وقيصر بالدوام
ليش تسألين
مريم طلعي لا اكسرج .....ولي منا
بعد مطلعت مريم ضليت بين تفكير اروح اعتذر منه عن الي سويته وبين لا ....وكرامتي
كمت .....مشيت صرت كبال المرايه اباوع ايدي مطبوع عليهه الحزام بس تذكرت بجيت
وراهه صورة بابا صارت بعيني من دنك وبجه
طلعت من الغرفه ونزلت بدون تردد ......واني انزل صار بوجهي فارس طالع من الاستقبال ........كمل طريقه ولا كانما شافني وراح للمطبخ تباطئت بنزلة الدرج اريد احجي وَيَا بالاستقبال وحدنه مو يم عمه وكفت يم اخر بايه ماكو
مريم/ها ولج شو نزلتيً
سكتت مجاوبتهه ......دخلت للأستقبال ....كعدت انتظرته اسمع صوته بالمطبخ يحجي ويه عمه ويتشاقه
ام قيصر/وين رايح مو راح اصب غده
فارس/هسه اجي
طلعت من باب الاستقبال سبقته ......من شافني باوعلي بملل
ها شهد
فارس
شكو
اريد احجي وياك
.....اريد اطلع هسه
من تجي نسولف
الله كريم ......وعافني وطلع
رجعت صعدت للغرفه نمت واني افكر من البارحه لليوم كم مره انهانت كرامتي ......
مااحس اله فتحت الباب مريم
شهد/ولج شصعدج جنج زيبك ساعه هنا وساعه هنا دكومي امي تكول خل تنزل تتغده ويانه فارس ماكو
متدري بيج جنتي واكفتله بالباب
ولج احجي شتريدين منه
شهد/وانتي شعليج لازم تنبصين روحج بكلشي
مريم/ولج هيج صارت اكو اسرار تضميهه عني ....بسيطه شهد ....بسيطه
شهد/مريم ولي والله مالي خلك المزاجج
مريم/دتعالي تغدي
شهد/مااريد ....كلشي مااشتهي
عابت حتى ريوك متريكتي
بقيت عَل جربايه الدرجة حسّيت نفسي نفسه كثر ما نمت عليهه جنت غافيه حسّيت بالباب انفتح بقيت مسويه روحي نايمه بس شويه فاتحه عيني
وكف كبالي ....وكام يباوع عليه
كومي .....متبطلين سوالفج مال تسوين روحج نايمه .
فتحتهه ....بس اني جنت نايمه صدك من فتحت الباب فزيت
شردتي مني .....اريد اطلع وبلبل اليوم راح اسافر
كعدت على حيلي ....اليوم راح تسافر
مجاوب وكعد عَل جربايه صرت ورا اني
اسمع
فارس.....اني اسفه والله متندمه
سكت
خلصتي ...
سكتت ....
مااقبل اسفج......
كمت وكفت كباله
راح تطلكني .....فارس وبابا
باوعلي....يعني دتتأسفين مني علمود مااطلكج وعلمود ابوج وضحك
لا
اي
والله لا أتأسف منك لان غلطت بحقك وهذا الموضوع لازم احجي وياك بي لان راح تسافر
هسه المطلوب مني شنو شهد
باوعت مااعرف شحجي
شهد انتي مستحيل تصيرين مره الي
كتلك غلطت واعتذرت منك فارس
كام بعصبيه ......شنو الي اعتذرتي .....لج انتي الي سويتي هيج سهل عندج .....لج كل مااتذكر حجيتي بهيج موضوع انتي تلعب روحي منج .....لج ذني سوالف مال بنات شوارع
دنكت من جان يحجي ....ماعندي أي جواب آو اي تبرير النفسي
شهد اني مااريدج بعد انتي ......
كبل خليت ايدي على حلكه .....لتكولهه مره ثانيه عليك الله
وخر ايدي.......اذاعلمود عمي .....ابقي هنا ومن ارجع روحي ........
هاي خلصتج مني مو جنتي تتمنين اطلكج واخلصج ومن هذا الزواج الي جبروج علي هاي كافئتج على عملتج بيه ......يلله اهم شي راحتج يا بت عمي
مااريد تطلكني
ابتسم باستهزاء وطلع
طلع من يمي واني حايره وابجي شسوي هسه اكول ال بابا لو شنو رجعت للجربايه الي اكرهه وغطيت نفسي
كلبي يوجعني وإعلانه اذا بابا سمع شراح يسوي بيه ابجي واحجي ويه نفسي
واني ليش احس روحي مخنوكه مو علمود بابا ....احس كلبي يوجعني وين راح حقدي علي .....ليش اختفه
فجأه
انفتح الباب ....وخرت الغطه رأساً......باوعت مريم .....اهوووووو......رجعت غطيت روحي
مريم/ولج شهيده شبيج تبجين ....شكلج فارس
سكتت .....
راح يروح هسه ....وجان مفروض بليل وهسه كال عندي شغل قبل لا اروح
شهد محتجين
شحجي مريم......بعد ميريدني فارس
مو جنتي تريدي يطلكج وتحجين علي .....انتي شتريدين بالضبط ذاك اليوم تنهزمين منه وتغلطين علي وهسه تبجين لان راح يطلكج
علمود سمعتي وابويه وجدو شراح يسوون بيه
شهد انتي من حجيتي هيج يعني شتتوقعين
مريم كوميي من يمي عفيه تعبانه وسوالفج تعبتني بالزايد
مريم/دروحي احجي وَيَا بعد قبل ليروح
شهد/ احجي وابجي......لا احجي ولا شي....كتله لتطلكني وأتوسلت بي واعتذرت شنو أبوس ايده تلكي هو جان متمنيهه يريد يخلص مني الله اعلم يجوز يحبله وحده واجته من الله هاي السالفه حتى يطلكني .....
مريم/يجوز.....جانت اكو بنيه تحجي ويه امي دائماً
شهد/والله ..
اي
وجانت تحجي
شمدريني
شهد/واني اكول من جنت مااريد يتقربلي يعوفني ميلح عليه طلع حضرته يحب وحده
مريم/جذب .....جذب....هههههه بس ردت اشوف ردت فعلج
اكثر شخص وترني بهالفتره انتي ......امشي طلعي بره لا اكسرج
راح يسافر حبيب الكلب هسه روحي وهو ديطلع شبكي من وره مثل المسلسلات
انجبي مريم وطلعي بره
بكيفج ....راح يروح الولد من ايدج
وأخويه وسيم حيل مااضمنلج متخطفه وحده منج
باع هاي ......دروحي بابا منا
اول مطلعت طلعت وراهه وكفت عَل محجر اسمع شوكت يروح بس ماكو صوت
وراهه سمعت
ام قيصر/دنتظر اخوك يجي حتى يوصلك
لا رايح البيت الحجي ومناك اخلي حسن يوصلني
ام قيصر/يمه دير بالك على روحك يا بعد أمك
والله تعبنه هسه غير تخلص السنه
مبقه شي وداعتج
رحت ركضت على غرفة مريم عَل شباك لان يطل عَل طرمه والشارع وخرت البرده ماادري شكالتله عمه وضحك ابتسامته تخبل لا إرادياً ابتسمت الابتسامته
ذبت ورا دولكة مي عمه وراح ......هسه اني شنو ابقه لو اروح الاهلي لو شنو وضعي اووف يا فارس كمت تتعيقل عليه
طلعت من عرفتهه قبل لتصعد مالي خلكهه
وره ساعتين تقريباًدك الباب عليه قيصر
ها قيصر
اريد احجي وياج ......دخل للغرفه
كعد عَل جربايه .......تعالي كعدي شهد
كعدت كباله
قيصر/فارس توه طلع من يم بيت جدي جنت هناك .....خليتي بموقف صعب حيل
اعرف
ارتاحيتي هسه
لا .....وبجيت
فارس ميريدج بعد ......وكال ال جدي وال عمي هالحجي وابوج تخربط ....ليش هيج سويتي بنفسج وبأبوج شهد
بابا..ضاونه هسه ....ماادري والله تندمت مااعرف شلون هيج سويت بس تندمت
هاي انتي الخسرانة الوحيدة شهد بعملتج هاي لان فارس مصر ميريدج .......المهم راح يبقه الوضع كما هو الحد ميرجع فارس
شلون يعني
تبقين هنا ومن يجي الله كريم بلكي الله يهدي وشويه ناسي السالفه
بكلبي يعني مصيري صار بيد فارس .....حجيت زين وبابا
اخر شي كوه قنعته انو فارس يريدج بس لان عصبي هيج يحجي
سكتت بس كلبي يحركني.....ويوجعني .....شكد صعب من شخص كدام الكل يصيح مااريدك ......ميفكر بيه ابد
غلطت واعترفت بغلطي ولو جان يحبني ولو شويه جان سامحني
مرن أسبوعين ........واني تعبانه حيل ........تعبت بدونه ......هو مسيطر على كل تفكيري .....احس روحي تشتاقله .....وأحس مجرد تفكير مصيري بيده وهو ميريدني اتأذه حيل
مالي خلك كلشي .....كوه انظف .....اكل قليل ......كل ماالزم دفتر شيرين أطبكه مالي خلك كلشي ....ابويه اجه بيوم الي سافر فارس رزلني وسمعني كلام لو ميته ولا سامعته ومن يومهه مشفته
جنت اريد اصب غده ال مريم لان مريضه فلاونزه ودوم تداريني من اتمرض وعمه دتصلي ....شويه رجعت احسن وياي مو مثل اول ايّام
دك موبايلهه بالمطبخ جان ....رحت علي لكيته فارس
مكالمة فديو .....كلبي كام يدك ....ركضت وديته ال عمه
بعدهي تصلي
عمه فارس
كامت تأشرلي مفهمت الحد منكطع
انكطع عمه
عفته يمهه ورحت كملت صب ال مريم وصعدته الهه
ورجعت نزلت سمعتهه تحجي وَيَا
ام قيصر/شخبار حماده
فارس/زين يسلم عليج
شخبارك بالامتحانات
والله زين
شو والله زين ......جنت واكفه وره الباب اسمع صوته من يحجي ويه عمه ......
فارس/هاي محمد يريد يحجي وياج
سمعت محمد يحجي ويه عمه رحت للمطبخ صاحت عمه عليه
اجيت اركض .....هاج شهوده هذا محمد
محمد/الوكحه الاموره مشتاقلهه هواي
هسه معرفت وكحه اني لو اموره
انتي الاثنين .....اني زعلان منج هواي ....بس من ارجع اسولف وياج هاي وحده
والثانيه
مشتاقلج هواي ......شخبارج
زينه
متأكده
هزيت راسي ......لا
شبيهه الوكحه
محمد
شبيج شهوده
اشو انت هم متأثرت
ب شنو
بكتل شيرين
سدي الموضوع هذا شهد .....شيرين اخذت جزاتهه
انت هم
اي اني هم لان الي سوته مو قليل ....يلله ديري بالج على نفسج
ماشي.....وكطع الاتصال بعدني لازمه الموبايل وعمه رجعت تكمل صلاته اتصل مره ثانيه عبالي محمد نسه يحجي شي جاوبت فارس
باوع عليه .....انطيني امي
كاعد تصلي
من تكمل خل تخابرني.....زين مريم وين
مريم مريضه
شبيهه مريضه
فلاونزه
انطينياهه
واني احجي وَيَا لمحت بدي وردي مشرور عَل باب
فارس ذاك البدي الوردي المن
دار وجهه عَل بدي .....ورجع دار عليه وانتي شعليج
لا .....يعني لونه وردي ولا انت ولا محمد تحبون هاي الألوان وبعدين الوردي مال بنات
وانت شدخلج يلله انطيني مريم
مالي علاقه اني .....مااوديلهه الموبايل
يلله باي
باي.....وسده كبل .......جان يحجي ويايه وهو شايل خشمه
ايااا حقير ورحت ال مريم
مريم .....مريم
ها يمعوده
تدرين بشقتهم اكو تشيرت وردي .....ومبين مال بنات
بيا شقه
ولج شقتهم
ولج يا شقه
فارس ومحمد .....يعني واحد منهم يجيب بنات
واني شعليه
يعني محمد راح يصير زوجج متضوجين
اني هسه مااريد شي من رب العالمين غير بس تفكني الصخونه لان رجلي وظهري موتني
ضليت افكر بالبدي .....رب فارس وبـ شيرين وبكلشي داير مدايري
والله مشتاقه الـ ماما وبابا وحتى عمه خوله ....اخذت حسره ونزلت انطيت ال عمه موبايلهه وصبيتلهه غده
ام قيصر/وانتي لعد
شهد/مااشتهي عمه
ام قيصر/ضجتي لان فارس محجه وياج
شهد/لا .....هيج مااشتهي شبعانه .....راح اصعد انام شويه
رحت الـ مريم اشوفهه جانت نايمه حتى ممتغديه من طلعت سمعت عمه تخابر ب فارس
ولَك يمه على كيفك وياهه جان حجيت وياهه
مااعرف شجان يجاوبهه بس هيه جانت تكله
ماشي براحتك .....يااااا
-شنو القصه مااعرف بس مبين جان جوابه مو زين
رحت للغرفه طلعت دفتر شيرين احاول الهي روحي
.........///................................
عمر/ابويه متوفي واني صغير
شيرين/يااااا الله يرحمه
ضلينه بيومهه نسولف عن اهلنه اخر شي الح عليه انطي الرقم ......ترددت بس بالنهايه مااعرف شلون فجأه راح الخوف مني وتشجعت انطي رقمي
من رجعت للبيت ضليت خايفه خاف يتصل بيه واني جوه سويته صامت
صعدت فوك بعد ماتغديت مكدرت انام واني متعوده من ارجع تعبانه حيل الف راسي وأنام
عيني عَل موبايل ومسويته صامت من خوفي حتى واني بغرفتي .....صار رجاج باوعت رقم ....كمت قفلت الباب جانت شهد جوه
بصوت ناصي
الووو
عمر/الله وأخيراً سمعت هالصوت
ابتسمت.......شلونك
عمر/مادام اسمع صوتج اني زين
راح اسد الخط
عمر/ليش
لان دتخجلني هواي
ياالله فدووه للتخجل .....شيرين اني احبج تعرفين بهذا الشي
سكتت
ليش تسكتين
مااعرف ....بلله كاعد تضحك عليه
شيرين......اني احبج والأيام تثبتلج ومستعد اسوي اي شي يريحج ويخليج تطمئنين .......هم حجيتي ويه امج بعد
لا
ليش شيرين.....ليش احسج متريدين اتقدملج وتتحججين اول مره مقبلتي بيه وتحججتي تريدين اتقدملج ومن ردت اتقدملج تحججتي اهلج ميقبلون
شيرين/عمر والله متوهم بلعكس
بعدني كاعد احجي اخد حاول يفتح الباب ووراهه اندك الباب سديته بوجهه كبل
وفتحته اكيد شهد
شهد/شكو قافله الباب
جنت ابدل
من شوكت تقفلين الباب من تبديلين
قافلته ....شنو تحقيق
شهد/زين ليش موبايلج صامت
وين اكو هيج
هاي ديطلع بس كلوب
انتي شعليج .....شنو تحقيق
شهد:"/ممممممم كلتيلي ماعندج علاقه بالوسيم
شيرين/شهد طلعي بره
شهد/عفواً .....انتي ناسيه انو هاي غرفتي مثل ماهيه غرفتج ..
جاوبي
رقم غريب
يعني مو عمر
اهوووو شهد لحيتي شبيج تخبلتي
بيومهه لطشت شهد بالغرفه ومنزلت اضطريت أخذ الموبايل للحمام واخابر عمر جان ماعندي رصيد رمشتله وهو خابرني
عمر/شنو قصتج شيرين صدك تحجين
شيرين/اختي دخلت واضطربت أسده بوجهك
حجينه اني وَيَا بالربع ساعه
مر شهر واني وَيَا اتصالات بعد ماحاولت اكثر من مره ويه ماما وماما تحجي ويه بابا ....بابا مقتنع بس جدو قافل الى ان اخر مره امي مقبلت تحجي ويه بابا ....لان كام يشك الولد يعرفني واعرفه فاضطرينا نسكت
اما شهد تلوب وتحاول تعرف اني عندي علاقه ب عمر لو لا
واني ابد مااريحهه اخليهه تلوب ادري بيهه متحجي بس اريدهه تبطل فضول
بيومهه رحت للكليه اجتني بنيه اول موصلت جنت كاعده يم البنات
مااحس اله وحده اجتني انتي هيووو
احنه صفنه بوجهه تقصد منو بينه مع العلم هيه تباوع عليه بس مشايفتهه
انتي اي ....كاعد احجي وياج
ويايه
اي وياج
شكو شو هيووو.....اني اعرفج
لا اعرفج ولا تعرفيني بس جيت انبهج
تنبهني بشنو
تبعدين عن عمر
شنوووو .....انتي منو
اني حبيبته وخطيبته بالمستقبل
جنه واكفين اجه عمر.........
.....................،..،،،،،،،.............،.
شهد/محسيت غير اندك الباب ضميت الدفتر بسرعه وفتحته عمه خوله
عمه وأخيراً احد اجاني....شبكتهه
أيا لوكيه......ولو اني ضايجه منج الحد الان بس اشتاقيتلج
بابا شلونه هو وماما شنو من كلب عليهم لا شيرين من كتلوهه حزنو عليهه واني بسرعه تبرؤ مني
باوعتلي عمه ......لشوكت تفسرين الناس بأحساسج
مو احساس هذا واقع شفته .....مااحسهم حنان علينه
ياااا ولج ابوج ماعنده حنيه عليكم .....تخبلتي
والله مقهوره منهم عمه .....بابا تخلى عني
ولج يا زمووو ليش الي سويتي قليل
اي افتهمت غلطت ....فارس مصدك يطلكني وبابا مصدك هم عافني هنا
خوله/ام اللسان من جهه سالفة شيرين وراهه سالفتج صارت من يرجعج بالبيت وابن عمج مو غريب الي يطلكج شيكولون الناس .....ميبقون كلمه ميحجوهه على شرفه
وبعدين انتي متحاولين ويه فارس قبل ليجي بلكت الله يهدي عليج
شحاول عمه ....فارس ميريدني والله موتوني شنو اني ماعندي كرامه
بقينه نتناكر اني وعمه خوله الحد مراحت وراهه طبعت دفتر شيرين اكمل لان الفضول كتلني وعمه اجتي بوقت مو مناسب
خل نشوف منو هاي الجكمه حبية مدري خطيبة المستهتر .....اكيد طلعو عنوانه وكتلو من أخذ فارس الموبايل عساك بجهنم الحمرا
..................................................مذكرات شيرين
عمر/فرح هاي شنو شجابج هنا وابتسم
اني هنا تخبلت فتحت عيني بكل وسعهن وخزرته
فرح بت خالتي طالبة اثار مرحله أولى
وهاي شيرين حبيبتي وان شاء الله خطيبتي مبقه شي
انصدمت مبين علي مرتبك بس هيه من كال حبيبتي وخطيبتي تخبلت وعرفهه على البنات الباقيات صديقاتي شويه وراحت
عمر/شبيج حبيبتي شو اشوفج مو على بعضج
عمر هاي تحبك موو
منيه
لتسوي روحك متدري اقصد منو
فرح قصدج
اي فرح اكو غيرهه ليش
والله ماادري يعني ليش هيج حجيتي مااعرف
لان اجتي هاده عليه
فرح
اي فرح .....عمر هاي تحبك طبعاً
والله اول مره اعرف منج هذا الشي ابد ممبينه الي هذا الشي واصلا علاقتي ويه بيت خالتي سطحيه بس بالمناسبات نلتقي
عمر
ها حبيبتي
ماادري كالت خطيبتك بالمستقبل
شيرين حبيبتي انتي خطيبتي وبعدين اني اليوم أتفاهم وياهه واحاسبهه على هجومهه عليج
ستحاسب
شتريدين لعد شيرين
كلشي مااريد .....هذا هو عمر
شنو ال هذا هو شو فجأه كليتي خلقتج وفجأة هذا هو ومن اشرحلج متقتنعين شتريدين انتي
سلامتك عمر
رجعت من الكليه طافره روحي وزهكانه لان تعاركنه مدري هو يتحجج مدري اني الي اتحجج بس بت خالته مدري خاله نرفزتني حيل
............................................................................
ضل يتصل عليه واني مااجاوبه اخر شي ٠"جاوبته بدون مااقفل الباب
شتريد عمر
انتي ليش سويتيهه قصه
ماادري مرتاحيت احسك تضحك عليه
لج انتي شنووو .....شنو اضحك عليج بابا شبيج مو ردت اخطبج اكثر من مره شسويلج بعد فهميني
ماادري بس تعبت
شيرين السالفه يمج مو يمي .....
شسوي يعني
شنو شتسوين كوليلهم احبه ويحبني وخصمي السالفه
ميت مره كتلك اهلي اذا عرفو يذبحوني
بهالاثناء دخلت شهد سديته كبل
شهد/كملي....كملي .......لكفتج يا جذابه .....اله اكول ال بابا
ركضت عليهه .....شهد تخبلتي
ليش متكليلي لعد .....هاااا
لان وحده غثيثه
هااااا .....هاي عليه ......بسيطه خل اكول الـ جدو لعد
جريتهه .....شهد والله مالي خلكج وتعبانه حيل
شبيج تعبانه
مليت من اهلج ....يعني شنو معناهه ميقبلون بــ عمر
حجيت ال شهد بس على موضوع رفض جدو محجيتلهه الي صار ويايه وبيوتهم تصالحنه اني وعمر
مر شهرين على علاقتنه بديت ادزله صور وبده يزيد تعلقي بي
...........................................................................
شهد/مرت شهر ونص على سفر قيصر لا اتصال ولا اي اخبار اعرفهه عنه
مرات اسمع صوته من يحجي وياهم كامرا ....وأبد ميسأل عني مطلعني من قاموس حياته
خلك ماعندي الأي شي حتى مذكرات شيرين قليل اقراهن تعبانه نفسيتي ....وحتى مريم تكلي صايره مو مثل قبل كئيبه بابا وماما صالحتهم أخذني قيصر مره وحجه ويه بابا وحاول يخلي يسامحني
قيصر ...زين بس ماانسى ابد انو هو واحد منهم ....واحتمال هو الي كاتلهه مو فارس ......المشكله مااكدر انسه شيرين حتى مرات احقد على فارس واحول احسن عافني ومبين مرقفه تجاهي راح يعوفني
بهالفتره ديحضر قيصر الزواجه ......جنت كاعده يمهم كلهم اتصل ب فارس كامرا
شلونك اخي
يا هلا بالعريس
شوكت تجي
مااكدر اجي مابيك مجال تأجلهه أسبوعين
لك اهلهه راح يسافرون
شعدهم مستعجلين
هاي بعد ......
فارس/والله عندي امتحانات
اني يحجي وكلبي يدك
قيصر/يلله اصورلك العرس وأدزه آلك ....عاد محمد ميجي
فارس/مااتوقع والله خوب محمد مأجل امتحانات يعني صايره هوسه علي
قيصر/هاي شهد تريد تحجي وياك
جنت كاعده تفاجئت من كال هيج قيصر ......ارتبكت
فارس/مااكدر هسه مستعجل ولد جماعتي منتظريني جوه
اني هو هيج كال.....ومسيطرت احس دمعتي راح تنزل مااعرف شلون أسيطر عليهه وقيصر خجل من يمه .....سده منه
مستعجل .....من يرجع يخابرج كال
لا عادي.....كوه حجيتهه وصعدت واني عَل درج نزلت دمعتي ......شكد حقير ......علساس اني ميته عليك ....صعدت طلعت دفتر شيرين ألي مااقره بي هواي بسبب سوالف فارس ....طول الوقت يخليني افكر
..................................................مذكرات شيرين
وره هالفترة بدن صديقاتي يبعدن عني وحده وره الثانيه تخبلت اني الى ان رحت ال سمر متحملت
سمر .......سمر اوكفي
ها شيرين
شنو قصتج
سمر/مابيه شي
شيرين/ليش انتي والبنات ابتعدتن
شيرين.....صراحه طلعت عليج سمعه بالكليه
شنووووو
اي والله انو انتي تروحين ويه عمر البيته
................................................
شهد/عزززه بعيني.......هاي شصاير وياج يا شيرين من وره هذا الساقط ......معقوله شيرين جانت تروح للبيت ......لا يمه لا مستحيل والله شيرين متسويهه
رجعت اكمل قرايه واني خايفه .....كل مااكمل صفحه كل ماالخوف يزيد مااريد أنصدم بــ شيرين هيه الصفحه مجانت تكتب بيهه هواي كاتبتهن على شكل مواقف
...................................................مذكرات شيرين
شدتحجين .....سمر انتي تخبلتي
والله كل الولد ديحجون هيج
وانتي تصدكين
اني اشوفج وَيَا اربعه وعشرين ساعه الله اعلم
ويجوز عمر طشهه
عمر
اي لعد كل الولد هيج رجاءاً شيرين لتحجين يمي مااريد سمعتي تخرب
هيج يعني ......سمر ولج اني شيرين
بيومهه حسّيت نفسي انهاريت رحت ادور على عمر ودموعي تصب
عمر/شيرين شبيج تبجين
انت شنو كايل عليه اروح وياك البيتك
.....................................................
شهد/اندكت الباب مريم .....ودخلت رأساً سديت الدفتر بسرعه
شنو دتقرين لو تكتبين
هيج اشخبط
ماما تصيحج وعمه خوله وامجً جوه هم نزلت ومن ساعتهه ملحكت بعد الزم الدفتر اصعد هلكانه بسبب تحضيرات البيت للعرس من تنظيف ومشتريات وعمه ام قيصر طايره من الفرح
صعدت هلكانه بيومهه كبل نمت .......باجر الحنه وعمه خوله وبيت خوالهه وخالاتهم وكل الكرايب جايين بايتين بببيت عمو
صعدت قبل الكل نمت لان تعبانه وضغطي هبط من التعب وعلساس عمه خوله تصعد يمي بس بقت يم خوات عمه ام قيصر سوالف وضحك
حسّيت الباب انفتح جنت دايره وجهي .....مدرته لان اذا افتح عيني تضل تسولف عمه خوله واني راسي يوجعني
حسّيت حركه بالغرفه والمناور انفتح .....كلت يجوز عمه دتعلك ملابسه
اخر شي فزيت من صوت الكحه مو مال عمه خوله مال رجال
فزيت وكعدت على حيلي.........يتبع
Bạn đang đọc truyện trên: Truyen247.Pro