#صرخات_غير_مسموعه

#بقلم ام غايب

#البارت34

مساء الخير احبتي الي يسألون ليش البارت قصير

صح قصير بالنسبه للي جنت قبل اكتبه هسه قسمته لان كاعد اتعب لان يومي وبدون ريست وماالحك
واليوم البارت نزلته من وكت لان هسه عندي طلعه

صرخات غير مسموعه
بقلمي ام غايب

كوم احظني بويه
وبوسني اترجاك
بويه شبيك ساكت
هذا مو ملكاك..؟
اتلاكيني جنت
ملكه الطفل للعيد
ها بويه كمت
والموت ما خلاك
روحي وكلبي اخذهن
بويه اخذهن هاك
ما الهن ضرورة
تعلعلن بجفاك
يابويه تعال
البيت مابي روح
شو حتى السوالف
فاهيه بلياك
والبيبان طلعن
حافظات الطول
يوميه ينشدن
وين طولك ذاك

مجيد/ابوك مات وحتى مااكدر أنبه عايف عارنا بدون مينغسل

محمد/الهنا وبس ابويه اليوم ثالث يوم اله جوه التراب وانت هيج تحجي وبعدين مااقبل تكول على اختي هيج

سعد/محمد اختك غصباً ماعليك تجي هنا واذا مجبتهه انت اني بنفسي اروح اجيبهه

الجد/واني هالمره .....اغسل عاري بيدي

محمد/جرب تمد ايدك عليهه واني عايش
قصص وروايات عراقية كرار صلاح
سعد/بصوت عالي ....محمد انت شلون تحجي ويه جدك هيج

الجد/عوفه ابن ستار وبناته ميعرفون للأدب والاخلاق والاصول

هجم محمد بصوته الي رج البيت رج على جدو وعمو سعد ويهدد بيهم
وفارس وقيصر كره يهدئون بي
جنت واكفه وره الباب وعيوني تصب......شسويت اني ....شسويت

بابا مات وهسه شيرين هم راح تموت وبسبي ....

وخرت من الباب بسرعه رحت ادور على مريم .... طلعت للطرمه جانت تغسل بالجدوره هيه ومرت كرار

مريم انتي كلتي مووووو

على شنو

لتغشمين روحج تعرفين شقصد ماكو غيرج يعرف

انتي تخبلتي وكامت على حيلهه

لا متخبلت ماكو غيرج يعرف بهذا الشي

شتتوقعين اني احجي

ااااي.....لان انتي الوحيدة الي تعرفين
اجتي عمه خوله تركض
جرتني ...اششش ولج سكتي

مااسكت ....مااسكت ....ذيج بسببهه ابويه مات .....وبجيت
وهيه تتجول بفاتحته ولا عبالك
وهاي الحقيره هم بسببهه بان هيه تدري

مريم/الله يسامحج مراح احجي شي هسه لان انتي بحاله صعبه وراح اعذرج

اذا مو انتي منو وأزل متدرررري بكل التفاصيل

مريم/لا تعليق احسن خل ادخل

خوله/شهوده حبيبتي كافي تعالي دخلي هو الله كاتبله هذا الشي

مااكدر عمه .......مااكدر والله

مكاعد اكدر ابووووووووويه اريده عطت بصوت عالي
والله مااكددددر شبكتني عمه وكامت تبچي ويايه
قصص وروايات عراقية كرار صلاح
اريددددددد ابويه يا ناااااس وكمت اصيح والطم وعمه شابكتني كعدت بالكاع

ولَك بوووويه كوووووووم تعال ارجعلنه فدددوه

طلعو الولد كلهم

مجيد/دخلوهه جوه اشتهرنه
فارس/جددي

ووجع ما تشوف صوتهه شعلووه دخلوهه جوه لا ننشهر

كومني محمد وشبكني ......لتبچين حبيبتي بصوت مبحوح
لتبچين بابا هسه مرتاح هناك صدكيني ...من تبچين يتأذه ويضل باله عليج اريدج تصيرين سباعيه

يا سباعيه محمد ....لك هذا بابا

منو النه بعده منو يوكف بوجه الي يأذينه بعد منو يحمينا

اني موجود حبيبتي وين رحت ويمسح على راسي

وشيرين هسه يكتلوهه

محد يتجرأ يطخهه وداعتج انتي

شبكته حيل .....وكمت ابچي ....

خوله/حبيبتي شهوده كافي يا روح عمتج انتي
جان لابس محمد دشداشه سوده الاول مره ولحيته طالعه حسّيت بحظنته راحه مو طبيعيه

مسح على ظهري .....يلله شهودتي روحي دخلي جوه واليوم بليل راح اخذج نشوف بابا

خوله/ميصلح تروحون اله وره الاربعين

محمد/لا يصير مااتحمل بعد مااروحله ملحكت اشوفه

شهد/اي عليك الله

دخلت حسّيت براحه فدددوه اروحله محمد متوقعته هيج قوي وينطينه قوه

دخلت جوه رحت الغرفة بابا كلشي مفمفروش بيهه معبيهه التراب جانت مقفوله تمددت بجربايتهم هو وماما

قبل وفاة بابا بيوم تذكرت من طلعت من بيت عمو سعد اجه وره شويه هو وجدو دخلو

ستار/شبيهه شهودتي

مابيه شي بابا

جدو راح الغرفته وهو كعد بصفي

علينه اني اعرفج شبيج اعترفي

هيج بس ضايجه تندمت لان اجيت واشتاقيتلهم هناك
قصص وروايات عراقية كرار صلاح
من طول هنا بما انو عمتج تفلشت سالفة خطوبتهه ....

ماشي حبيبي

شهوده اني شويه ضايج منج

ليش بابا

لاحظت كم شغله معجبتني

شنو هنه بابا

اول ماوصلنه بستي قيصر وحجاب مكاعد تلبسين كدامهم

غير ولد عمي

لا حبيبتي حرام ....الله موصي النساء بالستر اهم شي ستر البنيه صح همه مو غربه بس ولد عمج محللين عليج

بابا همه غير متزوجين

حتى اذا حبيبتي يكدرون يتزوجوج انتي محلله الهم بالزواج

بس قيصر اخو فارس

مادام انتي متطلكه من فارس يحله يتزوجج وبعدين حتى وانتي ويه فارس هو يعتبر اجنبي

اجنبي وضحكت

اي اجنبي يعني غريب عليج فهمتي لو لا

ماشي بابا

يعني بعد مااحجي

اي اكيد

ديلله لعد خل انام على رجل بنتي حبيبتي وتسويلي شعري مثل كل مره

جان بابا يحب هاي الفقره ينام على رجلي لو على رجل شيرين ونلعب بشعره

بجيت حيل .....شلون راح اكدر بدونك يا حبيبي

................................

شيرين/ اجاني محمد قبل ليسافر جان منطي الـ ماما حبايه مهدئة ومنوم بنفس الوقت لان تأذت حيل وآخر شي اطرافهه اصطكن وتشنجن كامت متكدر حتى تحركهن من الزمهه جنهه خشبه يابسه

محمد/راح اسافر

شيرين/واحنه لعد انت مو تكول عرفو بيه

اي تريدين اخذج حتى كبل يذبحج جدي

وبابا متشوفه والله ماما تتخبل اذا تدري بيك رايح وين عايفني وحدج

شيرين صيري سباعيه مااكدر ابقه بعد اكثر ابويه اندفن واني مو يمه وشهد هناك وحدهه اخذج وروح ابويه

من حلف بروحه بجيت يعني بابا راح وكمنه نكول وروح ابويه بجيت حيل شبكني محمد وباسني من راسي

محمد اريد اشوفه عليك الله ....خل يذبحوني ابويه مات بسببي اني

اششش لتحجين هيج.....الله كاتبله بهيج يوم يموت تعددت الأسباب والموت واحد .....شيرين انتي جبيره حبيبتي ....لتحجين هيج

سافر محمد وماما من كعدت تخبلت
قصص وروايات عراقية كرار صلاح
راح اخوج وعافني وكامت تلطم

حبيبي ونور عيني اندفن واني مو يمه ......مو يمه وكامت تدك ليش هيج تسوون بيه ليش

ولَك يا ستار شلون تعوفني وتروح وتدك وتلطم

هسه اروح اني وحدي ....اني اروحله ....اروح الحبيبي ابو بيتي وأبو جهالي يمه سوده عليه يمه كل شويه يخابرني يدري بروحه راح يروح
من راحت روحي ان شاء الله ورا

اخخخ يمنه بجنات ولج راح جدج ولج يمووت عليج يا جنه ميكدر ينام بدون ميخليج على كلبه ولج بيبي راح جدج راح

شيرين/اصعب ايّام مرت علينه اني وماما .....بعيدين عن بابا من ودعنا قبل ليسافر ثأري جانت الوداع الاخير

الحد الان ممصدكه منتظره جيته بأي لحظه يدخل

محمد كل شويه يخابر ويطمئن علينه وكل شويه امي تردده لان عافهه وراح

.................................................

عمر/شيرين اختفت واني هم من ذاك اليوم قررت هذا هو كلشي انتهى احاول التفت النفسي والحياتي

بس مااكدر امنع نفسي .....كل شويه لا ارادياً ادخل الحسابهه ماكو اتصال ابداً

اجر حسره واعوف الموبايل ....والهي روحي

جنت اريد ابحث بالفيس على صديق انطاني اسم حسابه صار كبالي حساب محمد اني باحث عنه ضغطت علي بالصدفه اشوف اول منشور اله صورة والده

يا وجعة گلبي رحت جسد وبقه صوتك يصدح في اركان البيت وضحكاتك يسمعهه الاطرش قبل السامع

واكلب بصفحة محمد هواي إشارات اله ب انتقل الى رحمة الله

تخبلت .....شيرين هسه شصاير بيهه واني عبالي هيه هم .......والفاتحه بالعراق يعني شنووو شيرين رجعت هناك

تخبلت
بقيت الوب شسوي هسه اني

اتصلت عَل وآت ساب مال امهه .....شيصير خل يصير لازم اعرف اخبارهه

ماكو حاضرتني

رحت عَل ماسنجر هم نفس الحاله

صرت مااعرف الي حاضرني اهلهه لو هيه بس لا اختفت اهلهه كشفوهه وبس لا ابوهه بسبب هذا الموضوع

الف حسبه اجتي ببالي

بقيت محتار

خابرت

أيسون كلتلهه لازم تروح البيت شيرين وتعرف الأخبار ادخليلهم علساس انتي جنتي صديقتهه بالمعهد
قصص وروايات عراقية كرار صلاح
بس كولي إسمح تعرفج هيه وحجيت وياهه ووصيتهه على سوالف تحجيهن الهه

مكالت شي وقبلت بسرعه إيسون صاحبة مواقف رغم ماهيه مو من بلدي بس وكفاتهه حلوه

بقيت انتظر

..........................

شيرين/جنت متمدده وخاله جنات فوكايه نايمه وامي تقره قرآن وتبچي

اندك جرس الباب

كمت وديت جنات امي كامت تفتح الباب بنيه تحجي تركي

اني صديقة شيرين Ben Shereen'in arkadaşıyım

رحت عليهه رأساً مااعرفهه

Ben Ayson Kadane
اني إيسون كادان

من سمعت الاسم إيسون وكادان اسم عمر البلجيكي

Hayatınla atılan Tanrı sabırlı ol
البقيه بحياتكم الله يصبركم

امي سلمت عليهه ودخلت .....دخلتهه بغرفتي

شفت جنات نايمه

Awy Masha Allah
اووي ماشاء الله

وباستهه ودارت عليه

Kadan Alij hakkında endişeli
كادان قلق عليج

Kelilh sona erdi Kalshi Bennatnh sirke Yaovni
كوليله كلشي انتهى بيناتنه خل يعوفني

Kadan, Lech Haig Tsuen Weah'i beğendi
كادان يحبج ليش هيج تسوين وَيَا

سكتت اني تعبانه حيل موت بابا هد حيلي وكله بسبب حبي الملعون قصص وروايات عراقية كرار صلاح
مو حب لعنه صار عليه مااحس اله اتصلت وانطتني الموبايل

Shereen onunla konuştu
شيرين احجي وَيَا

Eason onunla konuşmak istemiyorum
مااريد احجي وَيَا

انطتني الموبايل وراحت ال جنات

عمر/هيج صارت شيرين حتى حجي متريدين تحجين وياي ليش هيج فهميني

مات بابا

واني ردت اواسيج يا شيرين ردت اطمئن عليج مو اكثر

مات بابا عمر مات بسببي اني

ليش شصار فهميني

هناك جدي وبيت اهل حسن عرفو كلشي ومات هناك بالعراق

صدك تحجين انتي .....وانتي شلون بيج شراح يصير

مااعرف عمر

دير بالج ترجعين للعراق شيرين ....دير بالج

قابل هوه بيدي

مستحيل اقبل تروحين للموت برجلج .....لج يكتلوج هذا جدج الطائفي المريض ميعوفج عايشه

وينج متحجين

شحجي

شيرين حبيبتي الله يصبرج على فراك ابوج   الله يرحمه حيل انقهرت من شفت الخبر جان ابوج انسان ميتكرر ابداً ونعم الاب

بجيت

لتبجين يا روحي انتي صيري قويه

تعبت يا عمر

ادري بيج والله شبيدي عليج ....ياريت كل تعبج يصير ألي
اخوج شنو رده

محمد ملتهي هناك يتعارك وياهم سوده عليه صار علي حمل ثكيل

شيرين لتروحين هناك لو شيصير 

مو بيدي يا عمر

شيرين لتخليني اسوي شي مو زين

شبيك عمر ...شبيك شتسوي يعني

خليني اجي اخطبج صح مو وكتهه بس اني عندي الجنسية الكندية

عمرررر اني ابويه توه اندفن جوه التراب وانت حاير بروحك

حاير بيج مو بروحي ....مااريد احد يأذيج

محمد اخويه ميعوفني

شيرين  إيسون راح تنطيج موبايل أخذي منهه ماارتاح منا وهيج بدون مااعرف اخبارج

انت تخبلت

شيرين لتخليني  اجي والله واذا اضطر الأمر حتى المجيد اروح

عمر

شيرين عوفج مني مااريد نرجع ....بس خلي الموبايل يمج عَل اقل طمنيني

عمر كافي مو حجينه وكلنه هذا هو

انتي شنو شيرين ....شنووووو انتي حقيره ومتستاهلين ماااشي طبج مرض روحي ولي كااافي الهنا وبس اني هم بعد لو شتصيرين مااريدج فهمتي مااريدج وسده بوجهي
إيسون /İnşallah işler iyi

ان شاء الله الأمور زينه

خلت الموبايل عَل ميز 

إيسون/Bu, Kadan'dan dürüstlüğü
هاي امانه من كادان

تشكرت منهه وطلعت ....اخذته مااعرف ليش كلت مااعرف شراح يصير بالأيام الجايه

ضميته بكنتوري جوه الملابس

رحاب/منو هاي

إيسون بنيه تركيه تشتغل بمعهد تعليم اللغه تعرفت عليهه هناك خطيه سامعه بالخبر

منين سامعته

ها ....والله ماادري يا ماما المهم البنيه اجتني خطيه

رحاب/اخوج مخابر

لا

ماشي يا محمد بس اريد اشوفك اني اعلمه على هاي الدكه الدكهه بيه

....................

شهد/فزيت على صوت مريم جنت نايمه  بجرباية بابا
قصص وروايات عراقية كرار صلاح
شهد ....كومي حبيبتي  الدنيا ليل صارت كومي آكلي شي شويه لأخ راح تروحون للنجف

فتحت عيني بجيت ......مااكدر مريم مااكدر بابا مات بسببي وتكليلي آكلي

مريم/والله مو اني حجيت ....هاي ازل الحقيره ....تعاركت هيه وقيصر الكلبه وطلعت زعلانه ومناك مخابره عمه  حنان وكايلتلهه

كمت كعدت على حيلي .....ومنو كللهه جنات بت هذا النذل

ماادري يجوز من عرفت قيصر مسولفلهه يعني قابل شمدري مرته مو أدميه

وقيصر شسوه

طلكهه بأول يوم مات بي عمو وحلف ميرجعهه

الله لا يوفقهه الكلبه والله من عرفت هيه جانت وياج مرتاحيت كلت هاي كلبه وتسويهه تسويهه وهاي حنان الله لا ينطيهه

مريم/عمه حنان هم مقهوره لتنسين حسن ابنهه
يعني اي ام هم تسوي هيج

لا متسوي اذا هي ام احنه بنات نباوع على ابونا بابا مريض ............وهيه تعرف كلش زين مريض والله ماانسالهيا  ابداً  الحقيره الله يحرك كلبهه مثل ماحركت كلبنه هووو منو حسن منوووو الحقير الناقص غيره

كعدت احجي شويه وابجي نزلتني كوه وياهه حاولت تخليني اكل مكدرت اكل .....

آكلي شهد شبيج مو زين عليج وراج روحه ال عمو يرادلج قوه

يا قوه هاي مااريد ألقوه ابويه ومات بعد شسوي بالدنيا تريديني اكل وبابا اندفن جوه التراب وبسببي

مو بسببج

بسببي اني ....اني لو لازمه اللساني جان بابا هسه كاعد بنصنه اني متت باليوم المات بي بابا ....

انتي عندج سكر

اي عساني اموت والحك ابويه

بهاللحظه دخل محمد مريم صاحتله....محمد تعال  كول الشهد تاكل متقبل تاكل

اجه عليه ....شهد حبيبتي ليش متاكلين هسه مو اني وياج اكل واشرب ميصير نعترض على امر رب العالمين

مااكدر اكل

اذا متاكلين مااخذجً وياي اليوم

محمد

آش مااحجي راح اروح هسه للخطار شويه وارجعلج اريد الكاج مأكله

أكلت لكمتين ومكدرت اكمل
صارت الساعه ب٢ونص بليل  بدلت وطلعنه  بسيارة فارس فارس يسوق وقيصر كاعد بصفه واني ومحمد كعدنه وره

صعدت بالسياره بدون مااسلم كعدت وتجين راسي عَل جامه ممستوعبه راح اروح ازور ابويه بكبره بس اني احجي بدون مااسمع صوته

فارس/البقيه بحياتج شهد

حياتك الباقيه  رجعت تجيت روحي وأتذكر كلام بابا الدنيا ظلمه وحياتي صارت بعد بابا اظلم منهه

محمد/اذا تعبت فارس اني اسوق

قيصر/اي تعال مبين ديغفي 

فارس/لا يابه

قيصر/متوازي واني شويه هم وأتبادل ويه محمد اذا تعب

محمد/منعسان اني

بسبب الفاتحه والخطار كلهم تعبانين مبين عليهم ....اااخ ياريت لو يصير حادث وأموت والحك بابا  وكف السياره ومحمد اخذ مكان فارس وفارس رجع وره يمي باوعتله من صعد  ودرت وجهي عنه

مشت السياره شويه ودرت وجهي لكيته غافي ومتجي راْسه عَل جامه
اني هم تجيت راسي عَل جامه وغفيت .....حسّيت على فارس

شهد .....شهد .....يلله كومي وصلنه

فزيت باوعت الكشاف كاشف   ردت انزل

فارس/حجابج عدلي

محمد وين

نزل بسرعه راح للحمامات هو وقيصر لان متوازي حيل
قصص وروايات عراقية كرار صلاح
نزلت مشينه اني وفارس نلحكهم  احس نفسي كوه امشي

ها شبيج شتحسين

مابيه شي

فارس يمشي سريع واني اسحل بروحي سحل تعبت حيل ماعندي طاقه

فارس ...اوكف

هااا دختي

لا بس تعبت حيل ....معلى كيف امشي

ماشي

مشينه لكيت محمد واكف ديشتري مي ورد وبخور

فارس/بعده بس تراب  الاسبوع الجاي يالله يكمل القبر هسه تصير طينه

محمد/ميخالف

وصلت الكبر بابا جان فعلا بعده بس تراب ذبيت روحي علي
ومحمد هم كبالي

ياااااااااابوووووويه يا يابه  يحجيهن ويبچي وصوته عالي

شكد بقينه نبچي على كبره .......وفارس وقيصر هم اسمعهم يبچون اجه واحد كام يقرا قران  ال بابا صوته حلو
وكل شويه يجي واحد وفارس لو قيصر بنظرهم فلوس

بابا حبيبي تسمعني والله مو قصدي .....يا بابا والله
وينك زعلان مني مو اكيد زعلان اصلاً اني مااسامح روحي

حسّيت بابا زعلان مني

كمت اصيح لتززززعل مني.....والله مو قصدي 
أخذني يمك بابا وشتسوي بيه سوي بس اريد اشوفك

كوه كوموني من كبر بابا

مشينه قيصر كال ....نروح نتريك

فارس/اي اني بطني كامت تصيح من الجوع شتكول محمد وبعدين نروح نزور

محمد/يلله هم شهد عدهه سكر لازم تتريك

اني امشي وساكته .....واسحب بروحي سحل

دخلنه من الكراج مشينه انوب مسافه طويله

محمد/تعبتي

هزيت راسي لا

تروحين للحمام

اي

رحت دخلت للحمامات وهمه ينتظروني

وراهه طلعنه دخلنه بمطعم محمد كعد بصفي وفارس صار كبالي

مااحس اله محمد حجه

شهد ليش جنتي تصيحين بابا زعلان مني وسامحني بصوت ناصي
مااتحمل بعد مااسألج

.......يتبع