بارت32
#صرخات_غير_مسموعه
#بقلمي ام غايب
#البارت32
أغنيه تركيا تمثل حال عمر وشيرين الي ميحب يسمع يكدر ينصب ويشوف بس الكلمات
الخاتونه بتج مسويتلهه حساب وتحجي ويه الاستاذ بعدهي
الخاتونه بتج مسويتلهه حساب وتحجي ويه الاستاذ بعدهي
دكت على صدرهه امي ....ولج شيرين صدك يحجي اخوج
دفعني وارد يهجم عليه وامي صارت بالنص
رحاب/اسكت محمد لا ابوك يسمع
محمد/خل يسمع ....خل يشوف بنته الصلفه الي متتوب
قصص وروايات عراقية كرار صلاح
رحاب/اي حتى يروح بيهه وعضت اصبعهه اخخخ ولَك اسكت
بهاللحظه دخلت شهد جانت توهه طالعه من الحمام
شهد/شكو
محد جاوبه واستمر محمد يهدد بيه ويغلط عليه وامي تسكت بي واني ابد ولا فتحت حلكي
محمد/اني اعلمج بس خل يطلع ابويه ....اليوم محد يخلصج مني يا ادبسز
لج انتي شنوو بس فهميني شنو من صلافه عندج .....والله ميلام جدي بيج واني احجي علي ....بسيطه اله اطلع روحج بيدي يا كلبه
شيرين/هنا جاوبته متحملت اسكت بعد والله ياريت وتخلصني اني هم تعبت من الدنيا
اني كلت هيج ومااحس اله هجم عليه مثل الثور الهايج وامي توخره طبعاً من يحجي ويهدد بصوت ناصي علمود بابا ميسمع لان نايم وامي هم نبهته
راد يضربني صارت بشهد مااحس اله شهد رادت توكع وكامت تصيح راسي ....وعيوني مااشوف بيهن
بهاللحظه دخل بابا جان نايم وفز من الصياح
شكووو شبيكم يحجيهه هو ومخروع لان فاز من نومه
شبيهه شهد
كعدهه محمد عَل جربايه وخلاهه تتمدد
رحاب/يمه شهد ....يمه حبيبتي شبيج
يمه مااشوف عيوني تسورب وراسي كام يوجعني
ستار/امشي محمد خل اوديهه للمستشفى
شيرين/اباوع عليهه جسمهه يرجف وتكول راسي وعيوني مااشوف بيهن
محمد/هاي السكر هبط بسرعه جبيو الجهاز
شيرين/ركضت جبت الجهاز وبابا قلق محمد قلق
قصص وروايات عراقية كرار صلاح
محمد/هابط مثل مكلت .....جيبولهه جكليت
رحاب/ها يمه شهد شتحسين.....
شهد/عيني تسورب وراسي راح ينفجر ....مكاعد أشوفكم واضح بس لا راح أصير عميه والله اموت
رحاب/اسم الله يمه حبيبتي ....اسم الله عليج
محمد/ها شهد شتحسين هسه
شهد/الحمدلله احسن
ستار/غير تفهموني شبيهه ليش هيج صار بيهه
رحاب/ديتشاقون ومحمد بالغلط ضربهه
دار على محمد.....انت صدك تحجي .....مو تعرف اختك مريضه طاح حضك ....رزل محمدوكام يحجي شويه شهد صارت احسن ......طلعو من الغرفه بقينه اني وياهه
شيرين/شلون صرتي
شهد/شكتلج يا شيرين ....هسه شلون
شيرين/شيصير هل يصير اني تعبت والله ممرتاحه بكل الاحوال لا اعوفه مرتاحه لان هو ميعوفني ولا ابقه وَيَا ارتاح وهاي هسه انكشفت
شيرين عوفي ميفيدج هذا الانسان
هو اني عفته بأرادتي لو غصباً عني عفته ....شتشوفين هسه شوفة عينج
شويه ورجع محمد فتح الباب اظاهر بابا طلع لان اجه حامي حيل
تعالي ....مو عبالج افوتهه الج يا حقيره واجه جرني من شعري الاول مره محمد هيج يتعامل ويايه
اااخ وخرررر
لج انتي متخافين
اني صارت بنصنه وشهد رجعت
رحاب/ساعة السوده على روسكم ولكم كافي ولَك محمد مافي عوفهه خل نفتهم
شنفتهم هاااا شنفتهم شفت كل الرسائل علي بتج ملاكيه واحد يربيهه واني اليوم اربيهه
كمت اعيط وهو يضرب بيه وشهد امي وخرتهه لان خافت عليهه
شيرين/كافي تعبت اي احبه يلله والله احبه انت مو تحب ليش انت حلال واني حرام
انوووب تحجي وزاد بضربي وامي تدفع بي وتضربه وهو ولا عبالك
رحاب/خل اخابر ابوك احسن هو يجي ومرك يا حقير
انتي عوفي بناتج انتي طلعتي عينهن انتي وابويه
قصص وروايات عراقية كرار صلاح
وخرتني امي منهوصارت كبالي ....لك انت مستهتر متحترمين محمد واني واكفه
فضت السالفه بعد ما امي طلعته ورجعت عليه رزلتني
رحاب/الحجي بيناتنه تستاهلين الضرب ادبسز.
ولج انتي شنووو فهميني
احبه يمه احبه انتو شنو ليش متفهمون
اششش الصمي ادبسز
ماالصم لو شتسوين احبه ميروح ابنج يشوف نفسه وسوالفه لو بس شريف براسي يصير
ضربتني على حلكي الصمي ادبسز اني اعلمج والله مااريده يسمعني ويهيح مره ثانيه
طلعت وطبكت الباب
بقيت حلبسه روحي بالغرفه مطلعت منهه ابد وبابا من يسأل عليه اطلع واكله مريضه مالي خلك جنات اكثر الوقت يم ماما تطلعهه بالصاله
واني قررت الأحسن الي هو اطلع عمر من عقلي والتفت الحياتي بس هسه اي شي اريد اسوي ميقبلون محمد حتى الطلعه منعني منهه
سافرت شهد ووصيتهه تحجي ويه عمر من تصيرلهه فرصه
......................
عمر/صار ٥أيام مااعرف شيرين وضعهه بس هو واضح شيرين قررت تعوفني واصلا واضح من كلامهه
استسلمت وعلنت استسلامي هذا خواني بطريق وهيه بطريق
نزلت لكيت بكر كاعد كعدت يمه
عمر/بكر انتو اهلي ومااريد اخسركم اني سكرت على سالفة شيرين
بس اني مااريد اتزوج
ضحك بكر لعد شاون سكرت عَل سالفه
عمر/بكر عوفك من سالفة شيرين ....اني هسه اذا اريد اتزوج .....بأي اسم اتزوج يلله هسه قبلت اتزوج بت خالي من اعقد محكمه غيابي مثل الناس واحد يكفلني شلون وأني مطلوب للدوله فهمني او منو يتزوجهه عمر
عمر لو كادان تتزوج .......يتبع
...............
شهد/جنت بالحمام توني مكمله سبح والعيطه كبت شيرين صرت بنصهم انضربت
حسّيت روحي راح اموت خفت بهاللحظه من ذاك اليوم الي اكتشفت شيرين عايشه وتخربطت وعلساس بيه سكر مصارت بعد هاي الحاله عندي اله اليوم رجعت صارت
محمد شفته حقه بتصرفه ماالومه مو بيدنا شي عليهه هيه صارت هيج وهو من اتهنى بكتل حسن بعد مستحيل احد يكدر يساعدهه بابا اذا قبل بي يصير علج بحلة الناس اذا انكشفت سالفة شيرين بالمستقبل
رتبت وضعي وكلبي راح يبقه يم شيرين لان حيل تعبانه ومبين عليهه
انوب اني حفصتهه اذا انكشفت تصير المصايب على شيرين يركعن
ودعتهه وانطتني حساب عمر كالتلي خاف تصيرلج فرصه حاجي وكوليله كافي الهنا وبس تكول شيرين ....عيش حياتك صحيح احنه مو اول اثنين نفترق هو ممكتوبلنه ننجمع شبيدنا وكوليله اني هم راح اشوف حياتي
يااا انتي مخبله تريدين احجي وَيَا
عليج الله اذا تصيرلج فرصه اني اعرف مراح تصيرلي مره ثانيه فرصه احجي وَيَا
ودعتهم وبوست جنات حبيبتي
سافرت ويه بابا .....كالعاده اخاف من الطياره احس كلبي يريد يوكف
وصلنه لكينه قيصر ينتظرنه بوس بابا ومد ايده عليه باسني
هلو شهد شلونج
الحمدلله انت شلونك
صايره حلوه
انت الاحلى
صعدنه بسيارته.....احس كلبي يدك سريع مااعرف فارس ردة فعله .....من ذاك اليوم ممتشاوفين ...
قصص وروايات عراقية كرار صلاح
صعدنه بسيارته.....احس كلبي يدك سريع مااعرف فارس ردة فعله .....من ذاك اليوم ممتشاوفين ...
اباوع من الجامه بس فكري مو بالشارع ابداً
وصلنه البيتنه ....الله .....مشتاقه المنطقتنه والكلشي بالعراق صح هناك تغيرت حياتنا وهواي فرق عن وجودنه هنا بس مااعرف تختلف ....حلو كلشي هنا احسه
بس جدو لا مستحيل اشتاق لسوالفه
اول مدخلنه اجتي عمه خوله شبكت بابا
وكامت تبجي باسهه من كصتهه
رجعت عليه عمه
اجتي ام اللسان
هاي شنو عمه تره ارجع
رجعي
شبكتهه مشتاقتلج والله عمه
والله اني هم مشتاقه اتعارك وياج ماكو احد اللسانه طويل غيرج
عمه هذا غير اشتياق والله تره ارجع
هسه غير ترجع وتخلصنه
زعلت والله
دتعالي تعالي وشبكتني
رحت على جدو جان واكف هله بأم اللسان
خرب حضي غير سمعه عليه
هلو جدو
هله بيج وباسني ....شلونج شخبارج امج واخوج شلونهم
چا انت ليش ما جبت رحاب وياك بقت عليهه
يابه محمد هناك هم مستشفى وهم عياده
چا هو مامتعود يبقه وحده
عَل جايات ان شاء الله انت شخبارك صحتك
هاااا علساس تهمك صحتي ......مرتك أخذتك هناك وارتاحت وحتى متكلف روحهه تجي
يابه كل مااجي نفس السيره
شهد/بكلبي اهوووو رجعنه لسوالف جدو مجيد ولا عبالك بابا رجال جبير والي يقهرني يحجي يم اي واحد يعني قيصر كاعد ويكله انت وره شور مرتك يقصد مبين على بابا ضاج حيل
بس الحمدلله مبين جدو ميدري ....يعني مطالعه الشغله
كمت يم عمه خوله لان تنرفزت
خوله/شخباركم شهوده
شهد/والله الحمدلله عمه
امج شلونهه صار اسبوع ممخابرتني ليش
والله عمه ماادري ملتهيه
شعجب اجيتي ولج
علمود خطوبتج
من حجيت هيج باوعتلي رفعت حاجب ....انجبي ماكو خطوبه
شلون
خلصت الحمدلله
لعد مو بابا اجه علمود الخطوبه مالتج
اي بس البارحه ششت على جدج كتله مااتزوج والله اذبح روحي
وشكلج
كلي طبج مرض ذبحيهه بعد احسن
قصص وروايات عراقية كرار صلاح
ضحكت .....والله توقعتهه من جدو بس شلون اقتنع متتزوجي
لان اني من اجه الولد كتله مااريد اتزوج
ياااا ....صدوك عمه
ووجعه .....لعد شنو اتزوج واحد مااريده
وحبيبج
ووجع حسج ....ولج انتي تريدين يكتلني السلطان مجيد اليوم انتي مخبله
سكتت عمه تره ميسمع ملتهي بـ بابا اليوم
وداعتج آذاني ماعت يوميه يحجي على ابوج
واني واكعه بيهه ....دروحي بدلي خل اصب غده
رحت بدلت .....حسّيت روحي اشتاقيت الـ جنات ....فدووه الكلبهه
بدلت ورحت نزلت ساعدت عمه صبينه غده
قيصر بقه يسولف ويه بابا وجدو يبسمر بـ بابا
كل شويه واني عيني عَل باب
كل مااسمع صوت عبالي فارس يجي بقيت بقلق
انفتحت الباب مال مطبخ كلبي كام يدك سريع دنكت اكل وعشت اللحظه تالي يدخل كرار ابن عمو سعد
كمت سلمت علي ورجعت اتغده
خوله/شبيج عيونج تركص
باوعت عليهه ....شتركص عمه وين لاكيتهه
اي ....علينه سيدي
كملنه غده ونظفت المطبخ اني اجه عمو سعد سلمت علي
منو جوه
بابا وقيصر وجدو وكرار
اهاااا خوش وامجً شعجب مأجتي
ماما بقت يم محمد
دخل ....يمهم ....اني كملت مواعين وكاعده كلهم اجوي اله فارس حتى مريم اجتي وعمه
مريم/تعالي فهميني لا اموتج
شفهمج
انچبي احجيلي على شيرين
انجبي اششش شحجي اخاف هنا احس اذان جدو بكل مكان ستري علينه واحجيلي ازل خوما تحقر
لا يمعوده قيصر كم مره هو وفارس نبهو عليهه
سكتت هو وين فارس
موجود بالبيت
بعصبيه....لعد ميجي مو عمه هنا
شمدريني اكيد يجي
دخلنه بغرفة جدو كلنه كعدنه وعمه تسولف واجتي عمه ام قيصر هم وضحك وسوالف
شويه وسمعت صوت فارس ....يايمه كلبي كام يدك
كمت الوب مدري شبيه واستحي اطلع
بقيت كاعده يمهم واذني يم الهول
خوله/اكو ناس كامت تلوب
باوعت عليهه ....بعصبيه ....ولا عبالك كلهم كاعدين
ومن ضمنهم عمه ام قيصر
ووجع ليش تباوعلي هيج حقيره
انوب فشلتني بالزايد
كلت الـ مريم .....امشي خل نصعد احسن
طلعت وشفت فارس باوعت علي جان يسولف استحيت اسلم علي حسّيت من اسلم علي كلهه تباوعلي
صعدت رأساً
مريم/غبيه ليش مسلمتي على فارس
شهد/شمدريني استحيت
يااااا انتي استحيت امداج عيب كدام الولد
شمدريني ....انزل هسه اسلم
نزلي
استحي
مريم/اكلج شو مكاعد اعرفج انتي تستحين
قصص وروايات عراقية كرار صلاح
شمدريني من وراهم احس الكل مركز وياي وويه فارس
متوهمه انتي محد بحالكم
هسه شنووو شسوي
نزلي وكليله مشفتك
باوعت علي
شمدريني بيج جان سلمتي وفضيتيهه
ماادري شبيج ....اوي هسه شنو وأذا اصلاً احنه متطلكين بقيت فوك اني ومريم سولفتهلهه عن كلشي صار ويايه وعن شيرين
صارت قريب المغرب صاحت عمه خوله على مريم
ولج مريم يلله اهلج راح يروحون
شهد/وين موليه مريم ابقي عليج الله
ماادري خل اكول الـماما
نزلنه لكيت فارس رايح والكل رايح بس عمه ام قيصر باقيه
خوله/ولجن وين وليتن صعدتاًوالصعده صعده
شهد/بابا وين
راح ويه عمج سعد وجدج ماادري وين
عمه خل تبقه مريم يمي حبابه
لا عمه اليوم خطار عَل عشه اهل ازل جايين من السفر وعازميهم
باوعت الـ مريم ....وبكلبي خرررب مجري اله من اني اجيت
بوستني مريم وحجيت بصوت ناصي الحيه هم تجي
ماادري
ووجعه لعد منو يدري
طلعو واني ضجت حيل ....وتندمت على جيتي هنا امدداني اي والله هسه اني شجابني هنا
اي عمه شخبارج ليتها العاشقه
ووجعه وين عاشقه
اهااااا وحبيبج اخو ابو المولده والله اني من اجيت واكول شنو هاي السحب عبالك وطني حتى متلمض ثأري الواسطة قويه
ووجع شهد لتخليني الزمج وانتف الكم شعرايه الي باقيتلج بشعرج
لملمت البيت ويه عمه وكعدت بالحديقه وعمه لزمت سجادتهه وتقرا قرآن
ضجت دخلت تمددت يمهه عَل قنفه
شهد شخبارج
شنو عمه تذكرتيني هسه توج دتقرين قرآن
اقصد وضع فارس ولو انتي متحبي قبل بس يعني من اشوفج ساعات احسج تلوبين على فارس وساعات احسج لا عادي
سكتت ليش عمه
ماادري كاعد أسألج خطر ببالي
لا مااحبه حجيتهه دوم كبريائي يسبقني
هااا خوش لعد ....خل اكلج فارس حاجي ويه امه يريدهه تخطبله وحده
اني حجت هيج واني كمت من القنفه .....والله
اسم الله شبيج اخترعتي وخرعتيني
والله عمه راح يخطب فارس
بعده مخاطب يمعوده
بس حاجي على بنيه
اي ....اكلج انتي بيج انفصام شو الولد كتل روحه عليج راحتج التركيا ومرجعين وَيَا والله من سافر ملت هاي هسه ترجع انتي شتريدين بالضبط
ماااريد شي ...مااريد خل يتزوج شعليه بي اني
كمت طلعت حيل حصرتني البجيه .....اني جيت مناك مشتاقتله وهو يريد يتزوج هو غلط اصلاً بحقي اكثر بسيطه يا فارس الخاين
بجيت متحملت بقيت كاعده بالحديقه دخل كرار
ها شهد شكاعد تسوين هنا وحدج
كاعده اشم هوى
دخلي العمه خوخه بسرعه كليلهه لتسوي عشه اليوم عشاكم يمنه مستعجل اني
ماشي ....دخلت العمه كلتلهه لبست عباية راس وكالت يلله
واني بيش اروح
لبسي عباتي مال صلا همه بصفنه
يااا عمه
عيني ام تركيا لبسي العبا لتتعيقلين وبعدين شنو جنتي تبجين
لا
اي مبين والله بربوك وتتعيقلين وبيج انفصام
عمممه
وعله
هاي اول يوم هنا أني وانتي هيج
دمشي لبسي بسرعه
لبست عبائته وحولنا البيت عمو سعد
اجوي بابا وعمو وجدو وكرار جاب العشا .....صارت بوجهي اول مدخلت صورة حسن شكد تمنيت انفل علي الحقير دمر اختي النذل
وحسيت بابا من دخل وشاف صورته حيل ضاج ....الي سوا حسن مو سهل ولا ينسي
جنه كاعدين اندك الباب كام علي ابن كرار عمره بال٨سنوات فتح الباب دخل فارس
مبين تفاجئ بينه
سعد/تعال فارس ويانه
مباوعلي ....وكال هو اني اجيت يمكم اتعشى لان خطار يمنه ومالي خلكهم
مباوعلي ....وكال هو اني اجيت يمكم اتعشى لان خطار يمنه ومالي خلكهم
مفرحت ميفيد هو بالحالتين حاجي على بنيه .....
واني واكل صارت عيني بعينه .....دنكت مطايقته
قصص وروايات عراقية كرار صلاح
ضَل يأكل وأني هم بقيت اكل ....لان من اضوج مدري شبيهه نفسيتي تنفتح عَل اكل عكس الناس
كام راح يغسل وجنت بعدني اكل ....كمت ورا رأساً مااتحمل بعد. جان يغسل
فارس انت راح تخطب
باوع عليه .... وعليكم السلام
فارس جاوبني
وانتي شعليج هاااا انتي شكووو
براحتك
اي طبعاً براحتي ....لعد براحة منو
عفته ورحت .....بكلبي ان شاء الله تتزوج ومتتهنى يا فارس
كمت شلت المواعين واني عاقچه وجهي حتى بابا انتبه اليه واحسه يسألني بعيونه
غسلت ويه مرت حيدر المواعين وصبيت چاي من حركة كلبي فمرت ابدي الچاي علي بس تراجعت
عمه انطيني المفاتيح
ليش
اريد اروح
ابقي كاعده هنا شعندج وحدج هناك
احسن اريد ارجع
براحتج بالسله مال مواعين تلكي
رحت للسلع أخذته وردت اطلع
ستار/ها بابا وين رايحه
بابا نعست راح اروح هناك
يلله اني بس اشرب استكان جاي اجي وراج
قصص وروايات عراقية كرار صلاح
رحت للبيت رجعت ....غميت روحي لان رحت حاجيته امداني متسرعه متصيرلي چاره ابد
شايف روحه .....على شنو ماادري ....هو غلط بحقي هواي واني تطلكت منه
اي لعد متنجبين وتستكين
شمدريني كلبي يفكر بي اقصد عقلي
كااافي شهد كافي اخخخ امداني اجيت للعراق على شنو اجيت ماادري
تمددت بالهول خلص اليوم عادي
وثاني يوم نفس الحاله .....اني وعمه خوله ساعه حبايب وساعه نتحاجه مشكلة عمه تحجيهه الكلمه بدون متحسب مشاعر الشخص المقابيلهه
جنت متمدده اكلب بالريمونت مااحس اله عمه ام سعد دخلت هاده
وينه اخوووج وينه ....الـ عمه خوله تقصد بابا اني فزيت من مكاني ......يتبع
...............
Bạn đang đọc truyện trên: Truyen247.Pro