#صرخات_غير_مسموعه

#بقلمي ام غايب

#البارت 30

اي ....صدك نسيت اكلج بس لتتخبلين

اصدميني بعد كل شويه وصادمتني بشغله

فنج منو هنا يمنه

منو

غزل
اني هيه حجت هيج واني احس مدري شصار بيه

واني شعليه بيهه تجي تروح ميهمني
وبعدين هذا زوجهه ايه ولا عنده رجوله شلون يخلي مرته تبات يم غربه

شوف هاي والله قديمه انتي غير تطلكت من زمان

والله

اي والله

وانتي ليش كاعد تكليلي مريم اني شعليه اصلاً هيه وفارس يتراهمون ولي يلله صوجي اني خابرتج

سديته وأحس روحي شبت نار اكيد هسه فارس يسوي علاقه وياهه الحقير يبقه خاين متصيرله جاره
قصص وروايات عراقية كرار صلاح
رحت للمطبخ تعبت نفسيتي دورت على إندومي اريد ابجي بدون مااحس يحس بيه ابجي والله اختنكت ملكيت إندومي

ماما اريد إندومي
ولا عبالك احجي وياهه

مو احجي وياج ماما ليش متجاوبين

من تصيرين مؤدبه اجاوبج

عفتهه ورحت دورت على فلفل حار
ماكو

زين الفلفل حار وين

باوعتلي ماما .....بالغساله

ماما احجي صدوك اني

يعني وين الفلفل مثلا

بالكاونتر غير

اي لعد متروحين تشوفي بالكاونتر شكو تسأليني

رحت سويتلي طماطه حمستهه وترستهه فلفل عيوني كامت تصب وخشمي ومعدتي احتركت كمت اشرب مي وابجي
دخلت امي للمطبخ

خبال متوازيه تأكلين فلفل

سكتت وبقيت ابجي ....والله تعبت يارررربي ليش احس نفسي احبه الخاين هذا .....احجي وابجي

دخلت شيرين توهه جايه وهم مبين عليهه ضايجه ....دتشرب مي باوعتلي

شبيج

تعبانه من الدنيا

والي يتعب من الدنيا يأكل فلفل حار باع وجهج صار احمر غبيه

عوفيني بحالي

بقيت الوب ....خابرت مريم رجعت

شخباركم
زينين شنو كل شويه

مدزيتيلي الصور مال كيان ابن قيصر

مريم/يبووو نسيت والله ....هسه ادزهن الج

والبيت شخباره

زين الحيطان مال هول بيهه شويه رطوبه

مررريم عابت

قصدج على فارس وغزل ...ليش متختصرين وتسألين مباشر

اي هسه غير تجاوب

والله فارس ماله علاقه بيهه واصلا عصبي مدري شبي واليوم اصلاً راح يروح الكربلاء يزور ويه جماعته ويبات هناك

هااا خوش وشوكت يطلع
شمدريني

من يطلع كليلي وعينج على هاي الحيه الشكره الحقيره

ياااا والله قديمه ثابته شعرهه احمر هسه

انووووب حمره مو شكره سمانيه اكثر تف عليهه وعلى اهلهه

يا ولج ....يابه شهد ميته ضحك عليج هسه والله

ووجع

جذب اصلاً مموجوده والله بس ردت اشوف ردت فعلج

عود صدوك

اي والله .....هههههههه لقد وقعت في الفخ

ووجع مريم الله ياخذج والله او هسه انتي قريبه عليج دروحي بابا روحي اصلاً اني ادري بيج تتشاقين كلت خل أفرحهه شويه وعلساس مشت عليه اصلاً اني مااريده الـ فارس يتهنا ب غزل وأهل غزل
اي صحيح والله انتي خبله

والله ما غيرج ....وسديته بوجهه وبقيت اني اعطس كل شويه هاجت الحساسيه عندي ججة

بيومهه بابا مأجه اله بليل جنت كاعده بالصاله دخل بابا  كمت رأساً رحتله

شلونك بابا

جان مدنك ينزع حذائه ويرد عليه

اهلا

بابا بعدك زعلان مني

رفع راْسه ....هاي شبي وجهج من شوكت هيج

ابتسمت ....يا الله احلى شي خوفه الي ميكدر يضمه .....خليت بالطماطه شويه فلفل

امشي لبسي بسرعه امشي
وين

اخذج للصيدلية

ركضت بدلت  وطلعت  اسمع ماما تكله هلت العلبه كلهه يا شويه

اني فرحانه وطايره تعبانه بدون اهتمام بابا ....مااتحمل
نزلت كدته ومشيت

بابا والله اسفه

تعبتيني يا شهد

من كال هيج ...تخبلت ولا عبالك عندي اب يعني شنو هو يقرر

مو بكيفه ....يعني انتي شتتوقعين اني اقبل ياخذج انتي مخبله اني عفته يحجي وحده مو بكيفه مادام خشمي يشم الهوا

وبعدين اني شايف بعيونج حب اله  ليش تنكري وايش دومج تجفصين وتضيعين حقج والله خايف عليج من هاللسان مالتج اني هسه موجود اذا يصير بيه شي من وره اللسانج تضيعين قصص وروايات عراقية كرار صلاح
بابا لتحجي هيج أموت وراك والله .....والله هاي اخر مره اضوجك بعد مااحجي ابد ولا كلمه

اووف منج يا شهودتي الوكحه هيه تلام امج من تكول عليج عرمه

بابا اصلاً ماما موزينه ويايه والله ساعات اشك هيه مو امي والله كلي هي امي

باوعلي وضحك بابا وضربني على راسي .....اوووف منج شوكت تكبرين

بابا راح اسألك سؤال بس مو تضحك عليه والله مااغار بس هيج فضول

عقج حاجبه ......شنو هالسؤال هذا

تحبني اني اكثر لو جنات .....انت تغيرت من اجتي جنات للدنيا

ضحك بابا ......صدك شهد لا....لا بويه متوقعت هالسؤال
بابا انت ابويه الي

دخلنه للصيدليه توه بابا ديحجي دك موبايله

الووو ها حمودي 

شبي صوتك

لا حوله ولا قوة الا بالله شوكت هاي ...

ماعولت يخلص اتصاله

شكو بابا

لا حوله ولا قوة الا بالله العظيم

منو مات بابا

زيوني

اني كال اسمه وشهكت ....زيوني

طلع بابا مستعجل واني ورا بجيت متحملت ممصدكه
مااعرف شلون بابا يمشي سريع واني وَيَا اول مدخلت فرعهم اسمع صياح هم بتركيا ماعدهم هيج حزن مثلنه
دخلت لكيت البنات بيجن وام اكرم بنصهن

يممممممه وليدددي راااح ولكم راح وليدي وتلطم على وجهه

كتله لتروح ....كتله لتروح مسمع مني ولَك اكررررم وينك ماااات اخوووووك

والبنات داير مدايرهه ويبجن

ااااخ يارويحتي  يا شمعة بيتي ولَك يا ضحكتي ولَك يمه وين .....ووووين عفتني اخذذذني وياك ولَك يمه

ولَك يمه شلووون مفكرت بيه شلووووًًًًن وتصرخ

كلماتهه وصوتهه المبحوح جانن ييجن الصخر وعمو ابو اكرم  يبجي بصوووت يكسر الخاطر الله يساعدهم موقف صعب

وراهه اجه اكرم كالو جان بالعمليات اجه مخروع بحيث اول ما دخل من الباب وكع وكامت عمه ام اكرم علي

لك يمه اكرررم مات اخوووك. زيوووني كتلووو لوليدي  كتلوووو
اكرم شبك  خاله وكام ينحب اني دموعي تنزل عشره عشره

بعدين الي فهمته  جان بحنة صديقه وصاير رمي بيهه وجايه طلقه كاتلته بمكانه

وهو علمود عرس صديقه راح للعراق صارله يومين من وصل جان منظرهم يكطع الكلب

اجتي ماما بسرعه والأصعب من هذا كله ماكو حجز اله باجر وبليل يعني ميكدرون يحظرون دفنته هم الخبر مأذيهم انوب هاي السالفه مال حجز

كامو خطار يجرهم عدهم معارف هواي اتراك وعرب واني وكم بنيه كامن ويايه كمنه عَل مطبخ

وكل شويه عمه ام اكرم تصرخ وتلطم وتحجي حجي يوجع الكلب والبنات كسرن خاطري

واصلا اني ميته قهر ممتخيله زيوني ماكو ....شكد جان شقاوجي واضوج بالبدايه من شقا بس بعدين تعودت علي ....كلبه طيب

سمعت صوت حنان عاطت ركضت
ولج ماما اررريد اخووويه ....مااكدر مااكدر اتخايل زيوني ماكو

انوب رجعت ام اكرم وامي تهدي بيهه
يعني مات ......انتهى راح بعد مموجود بهاي الدنيا.......شلووون أعيش بعدددد فهميني ....فهمووووني والله مابيه أعيش الحياة بدونه ولج هذا زيوني الحنين عليه ينام على صدري مثل الطفل ومن ازعل منه يتخبل

كليلي خيه شلون أعيش

بيومهه بجيت بجي  يعني صعب جان الموقف بشكل مو طبيعي انوب بعيد عليهم حتى ميكدرون يودعو

خابرني ....خابرني يكلي يمه احس نفسي اشتاقيتلج حيل عيوني تشوفج بكل مكان بودّي هسه ارجع والله خوما بعدج زعلانه مني لان اجيت

ولكم خابرني قبل ساعه والله ودزلي صورته يكلي يمه حظري روحج حتى تزفيني اريد اتزوج كافي بعد
ويكلي ما الله يهديج وتجين تخطبيهه الي انتي وابويه

ولَك يا يمه راح اجي بس راح ادفنك بيدي يرووويحتي 
يمه وينك وين رايح خليني أزفك يوليدي  تعال خل ازفك على بت خالك ييمه

رجعت بيومهه بليل كلش بابا كال لان شيرين وحدهه وماما بقت يمهم

........................................
شيرين/بعد مرجعت من الدرس جنت منهاره ومقهوره وخايفه على عمر شلون حجيت هيج وَيَا

تمددت بجربايتي تعبانه حتى مأكلت شي بس شربت مي
محتاره اثير كلي لهي اني رحت طفشته بلله رجع للعراق

بقيت بفراشي مكمت منه وماما بيومهه التهت ب جنات

مااحس اله توني غفيت كعدتني ماما تبجي

فزيت مخروعه ...شصاير ماما

اووف يا شيرين زيوني خطيه مات كومي خل اروح الام اكرم الله يعينهه

يا يمه ....عزززه زيوني شموته

والله ماادري ممفتهمه بعدني ديري بالج على جنات مو ترضعيهه وانتي نايمه كومي كعدي على حيلج

بجاني هذا الخبر ....زيوني يختلف عن اهله كلش ....يعني مااعرف شلون حيصبرون على فراكه بجيت من كلبي علي وكعدت صليتله وقريتله قرآن طول الوقت الاهلي رايحين بي
وراهه باوعت عَل موبايل دزيت رسائل ال اثير
اثير اليوم عمر زعل مني وماادري وين راح واني خايفه علي هسه احجي وَيَا وطمني علي وياريت لو تنطيني رقمه

شويه ودز اثير/شكلتيله شيرين ....عمر ميجاوب عليه

يعني متصل هو

اي متصل ....

حجيتله الي صار

صدك تحجين انتي شيرين ....عمره الي صار بي كله علمودج وتالي هيج تحجين وَيَا كتلج بس لهي بتركيا بين مااجي ....اخاف علي يرجع الكندا  لو يجي للعراق كتلج انتي لهي هنا لان بس انتي تكدرين تخلي يبقه ليش هيج

انوب خلاني احس بتأنيب الضمير بالزايد كمت ابجي دزلي رقمه عليك الله

دزه الي رأساً اتصلت علي مجاوب

اني شيرين جاوبني عمر

طلعت مرئي ومجاوب
وينك انت هسه

نفس الحاله يشوفهه وميجاوب

عمر حبيبي اني اسفه والله متندمه ....بس اسمعني مره وحده ووراهه وين متروح روح

جاوبني بأي شي

.................
عمر/بعد الكلام الي سمعته من شيرين سودت الدنيا بعيني .....الحب مو نهاية العالم بس نهاية العالم من شخص تذب روحك علموده بالنار والجحيم وتالي يكلك انت مريض

كل حبي الهه ميسوه عدهه شي

جنت ضايج حيل وإكسون استقبلتني ببيتهه عدهم عادي كلشي مقبلت بالبدايه بس اصرت رحت وياهه شويه واجه واحد وعرفتني علي خطيبهه حتى خطيبهه استقبلهه بروح رياضيه 

بعد مطلع كلتلهه بس بالانكليزي
يعني صدك هذا الشي

جاوبتني ....شنو
كلتلهه عافج وراح عادي

عنده ثقه بيه وبعدين انت صديقي صرت

يعني عدكم عادي

طبعاً مو كل الأتراك هيج هم بيهم اكو ناس محافظين واكو ناس كلش فري مثل إيسون وخطيبهه

انطتني غرفه دخلت تمددت بيهه جنت تعبان تفسياً اكثر من التعب الجسدي

اتصل عليه اثير جاوبته

همزين اتصلت ....بشرني حجزت

اي حجزت

عمر/شوكت تسافر  اثير
اسبوع او ١٠يوم

انت مخبل

غير تطلعلي الفيزا

دمرهه اكيد اكو عرف يستعجلوهه

ماعندي

انت ماعندك مااصدك احجيلي من الاخير اثير ....لتعبني ممرتاح اني وانت هناك بالخطر بسببي

عمر والله ماعليه شي

لتكول ماعليك شي اثير عجلهه فددوه اروحلك اريد ارتاح والله تعبت كمت حتى الموت اتمنا ....ممرتاح وانتو حبايبي بسببي مهددين

جايك يا خوي جايك والمحروكات كلهه عليك تره من هسه اكلك اني حافي

اي تعال المحروكات كلهه من مطعم بكر وزوجته
ضحكنه

احسك مو طبيعي عموري

مابيه شي تعبان

شفت شيرين

اي شفتهه

شلونهه وشلون صار لقائكم

حلو .....حيل .

اي وشنو

راح ارجع باجر الكندا

ليش

اطمئنان عليهه بعد شكوو
بيك شي خوما ضجت من شي

لا يمعود

ماشي يلله اني اروح هسه

مااحس شويه واتصل رقم مجاوبت  وراهه رسائل شيرين

منين جابت رقمي شيرين وعل وآت ساب هم دزت رسائل

بقت تدز رسائل واني مااجاوبهه محروك كلبي منهه

سكتت بطلت تدز  وشويه ورجعت

علساس تحبني .....الي يحب مبكره عشتو ولا يحقد ويحن كلبه عَل يحبه

دزيتلهه ....الله وتنطين محاضرات بالحب

احبك والله .....والله متندمه عمر
آش شيرين ماريد تحجين اني كلب وحقير لان حبيتج اكثر من نفسي حتى عكس حبجً انتي

حقك والله ....عمر يعني انصدمت والله ومستوعبت

كافي شيرين روحي

مااروح

روحي شيرين ماكو شي ينحجي بيناتنه هو على كولتج أيست احنه بعد حتى مو مال أحلام

عمر

شكو

لتسوي هيج

هسه شتريدين مني انتي

لتروح

ومرحت ....شيتغير وبعدين شنو اليوم شبح شيرين جان يحجي
عمر

شكو شيرين ....شكووو اني مجرم شتريدين مني ...ها بأي لحظه وبدون حتى ميرفلي جفن اكتل بشر ....شتريدين من واحد مجرم

أريدك ....والقرآن أريدك عمر .....انت متدري ولا يوم غفت عيني بدون ماشوفك كبالي بعيوني متقبل تروح منهن لو بيدي والله ماابقه بعيده عنك يوم واحد

اكدر اخابرج

اي  ماكو احد

رأساً خابرني ......شكد حقيره انتي ....بسرعه قشمرتيني ليش مااكدر اعوفج فهميني

شيرين/ماادري

الله يا شيرين مجنت متوقع يجي يوم بعد وارجع اسمع هذا الصوت
جنت احجي وَيَا بجت جنات ...لحظه عمر  جنات تبجي

من كالت جنات تبجي كلبي وجعني ....شويه وحجت

انطيتهه ملهايه

شيرين ....كليلي شنو

مفهمت

يعني جنات شنو موضوعهه

شلون يعني

فهميهه مااكدر احجيهه من فددوه رحتلج

من حسن

شلون

لان ذاك السافل .......

كافي كاااافي لتحجين .....مااريد اسمع بعد .....اخخخخخخخ

جنت احجي وَيَا اندك الجرس

ارتبكت ....عمر اجوي اهلي  وروح

ماشي حبيبتي وبنيتي وكليلي وكلشي الي احبج شيرين

سديته ........يتبع

اسفه مكدرت اكمل البارت تعبت لان البارحه مكتبت واضطريت اليوم اكتب الصبح وهسه هم رجعت كتبت فتعبت حيل