#صرخات_غير_مسموعه

#loloaalolo98

#البارت 3

كل عام وانتم بألف خير .🌸🌸🌺مقدماً
البارت اليوم من وكت لان عندي شغل

توقيت النشر 10:00م
تعرفون بالعاده من اكمل انشره اذا عبرت ال ١٠ معناهه عندي ظرف

💘💘صرخات غير مسموعه💘💘
🎀🎀بقلمي ام غايب🎀🎀

اول موصلنه صعد فارس الجنطه وصعدت وَيَا بس طلع فتحت الجنطه مفكره بمكان للموبايل بعدني توني رفعته من الجنطه دخل فارس حسّيت الدنيا افترت بيه

باوع على الموبايل .......وابتسم

اني ظليت واكفه بمكاني اصطكيت

فارس/والله جنت متوقع.....اجه قريب عليه
شمسويه انتي شهد  .....احجيلي قبل مااشوف

سكتت ...اني

جاوبي شهد مااتحمل اذا انتي مسويه شي ........احجيلي عندج علاقه بأحد وضامه هذا الشي

بصياح/لعد ليش تلفين وتدورين عَل موبايل راد ياخذه بعدت ايدي ....ماانطيك الموبايل

دفر الجنطه برجله واجه جره مني

انطيني ......حاولت الزمه حيل بس مكدرت فارس أقوى مني

دفعني وكعد عَل جربايه باوعت كتب رمز انفتح رأساً تخبلت منين يعرف الرمز

رحت بصفه وكفت على راْسه واني ارجف  خليت ايدي عَل شاشه عليك الله لتشوف
وخري ايدج شهد

مااوخرهه والله

دفعني حيل وكعت بالكاع ........دورووخرري

هم راح تذبحوهه .......فارس احجي

ولا كأنما احجي وَيَا

فارس احجي وياكً....هم راح تذبحوهه

اباوع فارس صار وجهه يخوف من العصبيه

فارس جاوبني ولا كأنما احجي وَيَا من كام احس كلبي انقبض ويه كومته ركضت عَل باب

عليك الله فارس لتذبحهه مثل مذبحت شيرين

ً
ولي من كبالي شهد

لزمت ايده واني ابجي .....والله هيه ممسويه مثل شيرين بس صورتين دزتله
وخرري كتلج....

مااوخر

دووخري ......دفعني .....وطلع

تجيت روحي عَل حايط كعدت وخليت ايدي على اذني .......راح يذبحوهه

راح يذبحوهه ....والله ممسويه شي هيه .....راح يذبحوهه كمت اردد بهالكلمات ومخليه ايدي على أذني لا ارادياً كمت اتخيلهه تصرخ كمت اصرخ بعلو صوتي

محسيت غير الكل فوك راسي وفارس جان أولهم ......اول مراد يلزمني

صرخت وبعدت نفسي عنه

قيصر/شبيهه

فارس/مابيهه شي
ام قيصر/شلون مابيهه شي البنيه تصرخ

فارس/يمه بس طلعو انتو اني اهدئهه طبعاً اني بس اصرخ مااكدر استوعب كل الي بعقلي انو مريم هم ذبحوهه

شهد باوعيلي

وخر ....أكرهك ....ذبحتهه مو ...مثل مذبحت شيرين .

الله ياخذك

بس اهدئي يمعوده ممسوي شي ال مريم ذيج هيه بالغرفه

وخر شفتك ....شفت الدم بملابسك بيوم الي اخذتو شيرين

ليش ذبحتوهه ....وهسه مريم هم ذبحتهه

طلع فارس وعافني وراهه دخلت مريم كمت شبكتهه وابجي

مسوالي شي حبيبتي ...شبيج لتخافين
يعني مذبحوج مثل شيرين

لا ....جان يحجي وياي بهدوء بلعكس بس من سمعنه صوتج مقبل اطلع من الغرفه

اهدئي ....جبانه ....ام اللسان

باوعت عليهه وخزرتهه واني وابجي تف عليج خليتي بعقلي راح يذبحوج

كمت وكفت علىً حيلي شيرين طيرت نص عقلي وانتي هسه راح تطيرين الباقي

كعدت عَل جربايه .....دخل فارس يباوع عليه درت وجهي عنه ونمت عَل جربايه ....رادت تطلع مريم

فارس/مريم روحي الغرفتج بعدنه ممكملين كلامنه بحديه

اجه من الجهه الي نايمه بيهه وكف كبالي

باوعت جنه نخله شطوله

شلون صرتي
اني زينه بكل وكت انت بعيد ....ومااشوفك ولا اسمع صوتك

بعصبيه ......ليش

ليش....تكول ليش....أجاوبك خاف متعرف .......لان ذبحت اختي

منو كلج. اني ذبحتهه ........ شمعنا اني ...قيصر وحسن وابوج كلنه جنه هناك ليش لاطشه اني

لان اني شفت. ملابسك بيهن دم

باوع عليه بحديه

عافني وطلع .........وطبك الباب حيل

جذذذاب ....كلاوجي ..

جنت متمدده باوعت عَل دشداشه .....ايه

كمت  اخذت تراكسود من أغراضي وطلعت للحمام

وره دقايق اندكً الباب
شهددد انتي هنا

صوت فارس جان.......شتريد

شتسوين

العب دعبل

انجبي وجاوبي عدل ومن تطلعين من الحمام صيحيلي اني بغرفة مريم

عشتو ...اصيحهً. والله ياربي

تأخرت بالحمام جان عدهم بانيو بس لكيت بي صرصره مدري شنو لعبت روحي جنت محتاجه اكعد بالبانيو للأسف

من طلعت رحت الغرفة مريم ..........بلله خل اسمع شيحجي وياهه

خليت اذني

باعي مريم الحد الان معاقبتج لان مااريد قيصر وامي يسمعون راح انتظر يومين اذا الولد مأجه خطبج تشوفين غير شي .....خل نشوف بلله صدك يريد يخطبجً
هاج خابري كدامي

ها

خابري

مشغول

أيباه....باع اخته شلون ميسويلهه شي حتى مكال الاحد عليهه
وأختي كلهه صارت زلمً. براسهه جنت مخليه اذني بالباب وانقهرت

شو متفهم بس من يم اختي
لا ....ماكو اي تفهم

مااحس اله فتح الباب بهاللحظه تمنيت اندفن ولا هالموقف

جنت جايه آلك .....فززتني توني خليت ايدي عَل يده

باوعلي صفح .......

ونزل ....جوه
هذا شبي مو كال من تخلصين من الحمام اريد احجي وياج

دخلت ال مريم ......ها شكلج

اسكتي شهد .....لتحجين وياي

يااااااااا.....ليش بلله

شنو دتنتقمين الـ شيرين  بيه

شهد/ليش تحجين هيج

مريم/انتي شوفتي ال فارس الموبايل متقصده

شهد/هااااا.....هيج يعني  مريم ....انتي يمكن تخبلتي

مريم/لعد شلون شافه

شهد/لج بابا كاعد اضمه وشافه وبعدين انتي من وراج لحيتي وموعتي اذني
جيبي ....الموبايل جيبي ...خبلتيني

ولج مريم تدرين اول مأخذ الرمز فارس فتحه
غبيه اكيد شيرين من الخوف انطته الهم .....شتكولين باسم يجي يخطبنيً

ان شاء الله .....هو مو كلتي راد يخطبج

اي ...بس كال امي تحجي ويه امج بس لحد ماالكه شغل لان اهلج ميقبلون

اي هسه فارس قبل يعني اكيد يخطبج

بعدنه دنحجي كبت العيطه جوه

مريم/بس لا كال الهم ياربي

طلعنه نركض وكفنه نسمع من المحجر  ....صوت جدي

انت مو رجال .....لو رجال جان مو لهسه مماخذهه

وانت منو كلك ممتقربلهه

نريد دليل

شنو هالتخلف هذا....بيني وبين زوجتي هاي السالفه
هاي عاداتنا وتقاليدنا يلله اثبت انت رجال

انت شدتحجي جدو ....لا ....لا الوضعيه متنحمل

الجد/تعال وين مولي ......اليوم بليل اريد العلامه فهمت يا فارس خل نشوفك رجال لو متدبرهه

من شفته صعد مريم ركضت دخلت الغرفتهه واني دخلت وياهه  بس ميته خوف

مريم لج لحكيلي  بس لا هسه يتقربلي

ولج يعني ممتقربلج  صدك

اي هم عايزتهه اخلي يتقربلي اخوج المجرم

ساعديني مريم

شلون اساعدج

ماادري ......والله اموت

سوي روحج نايمه  هنا ....بعدنه دنحجي اندك الباب كبل غطيت نفسي
فارس/وين شهد

مريم/نامت خطيه تعبانه من الانهيار الي صار بيهه

فارس/شهد كومي منتظرجًً بالغرفه

وخرت الغطه مريم مني ......كومي لج معبرت علي دروحي فضيهه وبعدين ولج مو علساس جنتي تحبي

وين احبه يمعوده  دطيري .....كمت ورحت للغرفه  فتحت الباب لكيت فارس ديلبس تشيرت مال تراكسود

فارس ....انت مراح تسمع كلامً جدو ....مووو

دسدي الباب وتعالي

جاوبني

تعالي كتلج

مااريدك تتقربلي مااتحمل والله....

غير تسد الباب وتحجي .....بعصبيه بعد أخذي مايك وصيحي انتي شبيج مخبله ......شهد أسلوبج مال اطفال عوووفي تره وصلت الخشمي وياج فهمتي لو لا ......مشه باتجاهي وطبك الباب وجرني من ايدي
وخرررررر. والله لو تموت

تعالي كعدي هنا

دعووفني

اللسانج

كعد كبالي .......باعي شهد اني بعد خمس ايّام اسافر

اي الحمدلله يوم عيد هذا

اي صح يوم عيد لان ماشوف خلقتج واستفزازج ...الي يسمعج ميت عليج اني .......لج مشايف بشر مثلج شكد شايف بنات بحياتي بس مثل اللسانج وصلافتج مشايف ......تشترين الاهانه مشتره

شهد هاي اخر إنذار الج ......تحملتج بما فيه الكفاية

متتقربلي فارس ......وبجيت

سمعتي الحجي الي صار عليه .....شهد

مالي دخل اني
هيه مره وحده وبس لتخافين

اني مخايفه بس مااكدر صرخات شيرين بذني وصورتك بعيني من بيك دم وتريد عادي تتقربلي .....اني أصلا

انتي شنو ......خاف انتي هم عندج حبيب شهد
لان ماشاءالله مبدعات

اني بعدني ممحاسبج

على شنو

انتي حالج حالهن الغلط تارسج ......شلون تطمطمين الهن وتساعديهن اذا أذا ماانتي

شهكت .......اني مو هيج فارس

اثبتي ....خليني اتقربلج

والله تحلم ....والله ياربي وكمت مااحس اله جرني وخله ايده على حلكي
خل اشوف منو اليحلم

كمت اعيط وابجي بس ميطلع صوتي لان خال ايده

آش .....الصمي....راح اوخر منج من اشيل ايدي مو تصرخين وتفضحينه
كامً مني سكتت اني

تعالي عود نزلي تغدي

مااريد

طلع وطبك الباب حيل ......طلعت الوصله الي يريدوهه وخبصوه الدنيا

كمت ادور على مكص ماكو

نزلت جوه صرت بأخر درجايه سمعت فارس يحجي

لعبت روحي والله

قيصر/ميخالف تحملهه ....طفله وبعدين لان تحس انت آلك أيد بذبح اختهه فردت فعلهه طبيعيه

فارس/يمعود زهكت ....باجر اروح احجز واولي واخلص
شهد/روحه بلا رجعه ان شاء الله أنوب يشكي ال قيصر الله اعلم شجان يحجي عليه

عبرت من يمهم بدون مااباوع

ام قيصر/ها حبيبتي شلون صرتي

الحمدلله عمه

شتريدين

شلون أخذ السجين يا ربي كدامهم

اريد تفاحه ....طلعت تفاحه من الثلاجة وأخذت سجينه

متتغدين

لا مااشتهي عمه ....عفتهه وصعدت
كعدت عَل جربايه وطلعت ورفعت بجامتي اخاف اجرح رجلي

غمضت عيني وجرحت رجلي تذكرت مسلسل ميرنا وخليل

كمت ابجي انوجعت مسحت الدم بالوصلة ولزمت رجلي وكعدت ابجي
وراهه ضميت الوصله وغطيت روحي وغمضت عيوني

غفيت حسّيت على فارس على راسي وأيده حاوطت جسمي ....جنت احس ببرد بس من حضني دفيت .......حسيته باسني بخدي

فزيت من النوم ومريم فوك راسي ....يلله عروسه كعدي تره هاي لان بالبدايه امي ساكتتلج

فتحت عيني باوعت مكان فارس فارغ  معقوله حلم

فارس وين

طلع غير

شوكت

قبل ساعه تقريباً ....كشخ وطلع ....يجوز يودع حبيبته قبل ليسافر

شوف هاي ....شتريدين هسه

كومي خطار يمعوده وبس يسألون عليج
كمت ....كمت

مكيجي امي تكول ولبسي كلبيه

ماشي

طلعت من الكنتور كلبيه مبينه مو ذوق عمه خوله مبينه ذوق عمه ام قيصر

لونهه زيتوني لبستهه بس طويله شويه نزلت
كعدت يم النسوان واني ببالي الحلمً شكد دفيت من جان يمي امداني اي والله

ها شهد خيرج ماعولت يروحون الخطار كمت نظفت ويه مريم وصعدت

اجه فارس لابس مناظر اظاهر رايح جايبهن لان اول مأجه من السفر انكسرن  وهو ميكدر بدون مناظر

وقبل ليجي خليت الوصله عَل مجرات

هاي شنو شهد

مو يريد جدو دليل ....مواله تتقربلي
اجه كعد .....هاي شمسويه

جرحت رجلي

انتي مخبله والقرآن مخبله وخله ايده على راسي بمكان العقل بس فهميني هناااا شنو

بلله شوفيني شلون جرحتي روحج

طلعت رجلي لان جنت لابسه دشداشه ميدي

طاح حضج اي والله

كام من الجربايه وطلع وراهه رجع

نام بصفي بعد مابدل ملابسه .....درت وجهي عنه

وهو هم دار وجهه عني

فارس

اسمعج
منين تعرف رمز شيرين

بحديه ......مالج دخل انتي

وين موبايل شيرين  أريده

مااسمع صوتجً ابد

فارس

اااااااااالصمي لتحجين  صوتج مااريد اسمعه

والله ياربي حجيت بصوت ناصي وسكتت

كعدت ثاني يوم باوعت الساعه ب١٠نزلت فارس طالع تريكت ونظفت ويه مريم

شبيج مريم

باجر اخر موعد خابرته وكال اكل الامي ومرجع اتصل باسم

يجوز عنده ظروف
باجر اخر فرصه الي مااعرف فارس شيسويلي

لتخافين ماكو شي شكد حجيت وياجن انتي وشيرين

وحد احنه عن البنات

دنجبي ليسمعوج جنت احجي دخل فارس من بره كال السلام عليكم من وره خشمه

مريم جاوبته ....صعد فوك رأساً

اني ظليت يم مريم صار الغده عمه كالت صيحوً فارس

مريم صعدي انتي

ومتصعدين انتي

دصعدي لج

راحت مريم صاحته نزلًً مبدل غير ملابس  همً كشخه

ام قيصر/شنو متتغده

لا تندي شغله لازم اروح هسه
شنو الشغله

يعني أوراق لازم اكملهن قبل لا اسافر

الظهر

اي الظهر

وهااا نسيت تعالي اشاورج

اباوع شديشاور أمه شو تبتسم

من طلع كالتلي عمه

مبروك حبيبتي

على شنو

ضحكت عمه

هاي شبيهه بكلبي .....كملت غدايه وصعدت ....كلت خل اشوف شنو هذا الدفتر مال شيرين
فتحت اول صفحه رجعت قريتهه

الى أطفالي المستقبلين ......أمكم شيرين .

باوعت هاي شبيهه شيرين شدتكتب والله دوختني

كلبته عَل صفحه الثانيه
.................................................................
هلو أولادي أو بناتي اني أمكم شيرين وآبوكم المستقبلي عمر
راح اكتبلكم اول متعرفت على أبوكم

...............................................................

هزيت ايدي اوووف يا شيرين مصدكه يتزوجهه جانت شوفي هل غدر بيج

سمر/شيرين ولج هذا كطع روحه عليج

شيرين/ادري لج خبلني وين مااروح الكا ورايه من ذيج السنه

سمر/خطيه رحمي بحاله
شيرين/كوه قنعت بابا عَل موبايل وتعارك ويه جدو مااريد أجازف

سمر/كوليله لو تجي تخطبني اذا تريد لو لتلحك ورايه

-شيرين/جنت مرحله ثانيه وابوكم من اول سنه يلحكني
سمعت كلام سمر ورحت ال عمر

اكلك انت شتريد مني اني مو من ذني البنات

عمر/ادري بيج لذلك حبيتج

تريد ادليك باب بيتنه تخطبني

ابتسم ....يعني تقصدين لو تخطبني لو اروح

اي

بس اني بعدني ثاني مرحله

لعد من تصير جاهز للزواج  يالله تلحكني
مر شهر وهو على نفس الوضع يباوع عليه ...واني ممنطيته مجال شكد دز بنات وحاول ومقبلت مصره على موقفي

هو ويايه بنفس القسم  .....من مقبل يخطبنيً حسيته ملعب وبقيت مصره عَل رفظ الى ان بيوم جنت كاعده ويه صديقاتي سمر وحوراء وملك ....بس صديقات عندي جان شرط بابا ومحمد وجدو انو ممنوع زملاء والتزمت بوعدي الهم

عمر/شيرين بس لحظه

فاجئني .....بجيته  الي يم صديقاتي .....باوعت عليهن وعلي ترددت أكوم بس كلت خل اشوفه شيريد

كمت وهو جان يمشي كدامي وكف فجأه

شيرين اني صادق وياج مااريد العب ومن سوالف الولد بهذا الوقت بس كل ما بالأمر توني مرحله ثانيه

عمر ...كلت ال عندي اني مااكدر اسوي علاقه وياك اهلي مو سهلين

ماشي ....موافق شوفي بأي وقت امي تجي على اهلج
صفنت

اني احبج والله ......ورايدج بالحلال وأكثر شي احبه بيج هو اخلاقج من اول يوم شفتج لليوم مراقبج

ابتسمت

عاد تسمحيلي اكلج ابتسامتج حلوه

زادت ابتسامتي

رجعت يم صديقاتي الابتسامه تريد تشك حلكي وهو يباوع من بعيد ويغمزلي

سمر/ها ولج استسلمتيله

ملك/خررب وبس تحمين علينه

شيرين/انجبو ولكم هو استسلم مو اني .....

حوراء/والله عمي عندج حظ اكثر ولد جامعتنه ملعبين
رجعت للبيت فرحانه حيل 

شهد/شو اليوم الابتسامه ماليه حلكج شكوو

شيرين/وانتي شعليج لازم تدخل روحهه حنوش

دولي ولي

رحاب/الأم/ولج شهد لتتجاوزين على اختج اكبر منج

شهد/شحاجيه اني والله يا ربي ....شتحجي شهد لازم تطلعوهه تتجاوز

شيرين/ماما جدو وبابا وين

الأم/طالعين

شيرين /شعجب .....يلله بعد احسن

شهد/شعندج

شيرين/اهووووو هم دخلت روحهه  امشي صعدي اريد احجي ويه امي

شهد/لا بـــلله عشتووو والله اني كاعده هنا الي يريد يحجي هو يكوم

شيرين/كفختهه على راسهه عابت ام اللسان الله يساعد الي ياخذج

ماما

كولي شيرين شعندج سطرتني انتي واختج 

ماما اكو شاب حجه ويايه

كبل امي دكت على صدرهه شنوووو  ولج شيرين ليجي احد ويسمعج ستري علينه وعمتج فوك الصمي

ماما منطيته مجال وكتله اذا تريد تعال اخطبني وهو حيدز أمه

شهد الحقيره نطت .......يمه جذاااااابه تلكيهه مسويه علاقه وَيَا اعرف دروبهه مثل بنات بمدرستي

..............................................................................

من كاتبه شهد الحقيره ضحكت
اوووف يا شيرين والله مشتاقتلج ضايعه بدونج حيل
تخايلت شكلهه بعيوني  تشبه عمه خوله حلوه بيضه وصاحبة خدود وشفه ملمومه وعيونهه مو كولش كبار وخشمهه حلو يصيحولهه ام خشم المخروط

وكصيره عكسي اني اطول منهه وجسمهه ناعم حتى يكولون مبينه اصغر مني  ......جان بابا يموت عليهه حتى أغار من علاقته بيهه هيه من النوع الي تشبك بي وتبوسه كل شويه عكسي مستحيل اكدر اسوي هيج حتى اذا ابويه

رجعت كملت قرايه بمذكراتهه
.........................

الأم/يعني الولد يريد يجي ....يتقدملج

شيرين/والله ماعندي اي علاقه بي ويريد يتقدملي

شهد/شسمه

شيرين/انتي الصمي

شهد/وليش متكولين  اسمه

شيرين/عمر ارتاحيتي

شهد/يااااا سني يعني .....يلله السنه اوسماء

شيرين/ماادري شدتدرسين بالمدرسة انتي

ضحكت امي باستهزاء .....شيرين يعني سني

اي ماما وشنو يعني

عمتج خوله ليش الخد الان ممتزوجه برأيج

شهد/ندري ماما جدو مقبل تتزوج حبيبهه السني

رحاب/جاوبتج اختج
...............................................................................

شهد/اندك الباب .....بتوتر سديت الدفتر وضميته جوه الدوشك  ورحت فتحت الباب لان جنت قافلته

فارس/شكو قافله الباب

جنت ابدل

شو مااشوفج مبدله نفس ملابسج

ابدل يعني ......أشياء استحي اكولهن

هااااا .....زينه الأخبار

فارس

نعم وهو دينزع تشيرته

اريد موبايل شيرين

دار عليه ......ليش

شفت الفديو الي كتلتو شيرين علموده

فتح عينه بكل وسعهن .....شوكت شفتي ومنو سمحلج شلون تباوعين علي

ليش

بي اشياء مو مال عمرج ....وين شفتي

شفته

وين كتلج

شفته يعني تحقيق هو اني شفته بعد ....فارس هذا عمر الي مسوي الفديو مبين مو اختي هذا الحقير الي دزتله الصور

مالج دخل انتي بهاي السوالف

وعمر راح تعوفو

لا طبعاً

اي ذبحو النذل الله ياخذه. عَل اقل سوو شي بي خير

اجاني رفعني من تشيرتي .......لج اللسانج راح يجيب اخرتج بيوم من الايام

أيدك وخرهه

عافني  حضريلي اغراض سفري مبقه شي الي

لا والله واني شعليه

انتي مرتي  وواجبات عليج تجاهي

هم كال مرتي

محسيت غير ضربني راشدي

ارتاحيتي ......هسه ......هل اسمع حسج بعد ولسانج يطلع متلومين اله نفسج شهد .....كافي .طاقتي خلصت احترمي نفسج

باوعت علي بحقد

عيونج شهد لا افكزهن ....يعني والله العظيم حاولت أتحمل اللسانج هواي بس انتي اللسانج اطول منج .....بابا شبيج

طلعت من الغرفه وعفته دخلت للحمام كعدت ابجي .......ولازمه خدي

خلص اليوم ومحد يباوع بوجه الثاني

صبحت ثاني يوم على صوت مريم تبجي .....ركضت طلعت من الغرفه ثأري قيصر يضربهه وفارس يوخره منهه

قيصر/انتن شنوووووو فهمني ذيج تدر صور وانتي ....الآي مرحله واصلات انتن  ماكو رجال يتزوج وحده تدزله صورهه هذا مجتمعنا احنه بالعراق بابا فهمن بالعراق

لعب وبس ....يلله وينه

مريم/هو كال امي تحجي ويه امج  بس ماما مقبلت كال بين مالكه شغل

قيصر/ولج بابا هذا درب كل الولد يسوو وانتن قشمر تتقشمرن

مريم هاي السنه متكمليهه ممنوع الطلعه الج فهمتي ممنوع كلشي الج حتى مصرف ممنوع

خلصت من مريم وفارس وقيصر استلمو عمه لان من كاشفتهه مكايلتلهم

فارس/يمه شفتي شيرين بعينج لو صاير ال مريم مثل شيرين  استغفر الله

شهد/دخلت مريم الغرفتهه ودخلت وراهه

مريم/الحقير ....الله ياخذه من صارت صدك اختفه النذل

اباوع عليهه وساكته الحمدلله مسويت مثلجن يا حب يا بطيخ توني كلت اريد احب عشتو وكلت خل احب فراس صارت هاي السالفه

صاحني فارس .....غلست  ولا جني اسمعه

اجه فتح الياب

مو اصيحج

مسمعت

تعالي

رحت ورا .....صراحه خفت شو عصبي خاف يضربني ومااكدر أدافع عن نفسي وأحس بالاهانه تجاه نفسي

شنو

حضرتيلي جنطتي

لا

ليش

نسيت
شنووووو نسيتي اليوم بليل طيارتي

ابتسمت......يعني راح تسافر

خزرني .......اي. واخلص منج

باوعتله صفح ......بكلبي عشتو أنوب هو يخلص كوّن يارب توكع بيك الطياره

طلع الجنطه وكام يطلع بأغراضه واني واكفه

اشو واكفه ويأمن احجي

هو مو انت دتصفط اني شسوي بلله فهمني

تعالي انتي صفطيهن ليش تباوعين

اجيت بصفه ....انطيني

حان شايل تشيرت انطا ألي

شهد/جدو شاف الشسمه

فارس/شنو هذا الشسمه

الشسمهه شبيك

فارس/اي الشسمهه شنو اسمهه يعني مابيهه اسم لو هيه اسمهه الشسمه

شهد/العلامه

فارس/اي مو وصيت امي  توصله

شهد/هاااااا اكول عمه كالتلي شسمه

والله خبصتيني اليوم كله شسمه كعد عَل جربايه ويباوع. عليه ارتبكت حيل

كام بدل وطلع مدري وين يروح   ومدري ليش قرب سفره مفروض بعدله ٤يوم

خلص النهار واجه موعد روحته جان ديمشط واني مسويه روحي نايمه من اول مرجع بليل لان بقه نهار كامل بره
كل شويه افتح شويه بالبوكه اشوفه شديسوي

رجعت غمضت محسيت غير شي مثل الخيال فوك واسي حاولت ماافتح عيني  مااحس اله ريحته صارت قريبه عليه فتحت عيني بسرعه شفته جان يريد يبوسني

خررب ببليسج فززتيني

اني لو انت .....استغلالي .....تستغل نومتي

لتجذبين مجنتي نايمه .....اشوفج من تفتحين

هاي جنت احلم واني من احلم عيوني ترمش وافتحهن

مااحس اله باسني بؤسه قويه وسريعه من شفتي

ضربته على جتفه ومسحت بوسته

كام هو غمزلي وأخذ جنطته وطلع

حقيرررر .....مسحت شفتي مجرم واستغلالي لو تموت مااحبك

رجعت.......تمددت ضليت الليل كله منايمهً  فمرت بطريقه انتقم منهه من فارس تذكرت جدو من حجه وَيَا

ضحكت ماعولت يطلع الصبح ويكعدون

نزلت اول مسمعت صوت  

عمه وصل فارس

اي لكيت محمد اخوج داخلي رساله لان اني وصيته من يوصل فارس يطمني لان فارس ميطمني اله من ينام ويكعد

ممممم خوش .....عمه اريد اروح البيت اهلي

وره الريوك اخذج

ماشي  عمه ....ركضت حضرت روحي فرحانه حيل .....خل اشوف وجهك يا سيد فارس من تعرف .....حتى اذا تكتلني بس اهم شي انتقم منك وأخذ جزء من حق اختي وميهمني الباقي  لان كل مااشوفك تنام براحه اموت قهر

رحت البيت اهلي عمه كعدت شويه  وراحت وراهه كعدت ابجي
خوله/شبيج شهوده

مابيه عوفوني

يااا شبيج تخبلتي

امي وعمه ضلن يتوسلن بيه شبيج الى ان سمع جدو واجه

الجد/شبيج تبجين احجي

هو هذا الي زوجتني اله

ولج لتحجين على فارس هيج

طلعت رجلي .....شوف .....شوف شسوه حفيدك الي خابصني بي

الجد/شنو هذا

متقربلي يكول مااكدر عندي مشاكل صحيه ومجرح روحه جرحني حتى يشوفكم علامه  :............يتبع

التصويت قليل جداً والمشاهدة قليله  بعدهه لان وعفت الإعلان فتره سووو تاكات الصديقاتكم يلله حبابين🥰🥰🥰🥰🥰🥰🥰🥰🥰🥰