بارت27
#صرخات_غير_مسموعه
#بقلم ام غايب
#البارت27
صرخات غير مسموعه
بقلمي ام غايب...........
شهد/الكل رد السلام مااعرف ليش استحي اباوع على اكرم ....صارت عيني بعينه منً شوفه مدري ليش اتذكر فارس يمكن لان دكتور وهم يلبس مناظر ......اول مره اشوفه يبتسم او اقصد اني مشايفته بس ذيج المره بس بيومهه مبتسم ابد جنه شرطي واكف
من ابتسم برزت عنده غمازه لا ارادياً ضحكت بس ضحكه خفيفه بيني وبين نفسي هو باوع عليه
دنكت
كعد بالكرسي المقابيلي اني تشنج كلشي بجسمي .....خرب حضي تقيدت كمت احس حلكي صارت بس شرجيه من أكل
لا ارادياً كمت كل شويه اباوع علي ......مرات تصير عيني بعينه جان هو ريس الكعده بالكلام
جان يسولف هو على دكاتره ومواقف من كلامه شخص واثق بنفسه يعني ميحجي اي شي مو خاصه مثل اخوو
مااحس اله شيرين ....رجعت راسهه عَل كرسي .....وخلت ايدهه على بطنهه
الكل باوع عليهه
شيرين/شبيكم ريست احس رجل الطفله صعدت على خوانيكي
ابو اكرم/هاي البنوته مبينه وكيحه على خالتهه شهد
كبل باوعت بخجل ......استحيت حتى انت ابو اكرم خررب انه وكأنه
رحاب /اي والله الله يعينه اثنين عرمات
ستار/شهودتي مو وكحه بس تدلع على ابوهه
دوم بابا ميحب يكسر بينه كدام احد وامي اووف يا امي
ابو اكرم /لا ...لا شهوده ورده
شهد/هو انت يا عمو بقيت بيهه ورده بعد
فجأه صارت عيني بعينه من احجي واني مبين الخجل من كلامي واني نفسي ممتعوده اخجل ومتفاجئه من خجلي
زين/والله اني اشهد شهد وكحه
شهد/انت معليك
حجيت بحديه والكل انتبه عليه ...ماادري ليش هيج حجيت بحديه وكانما ردت ازيح الخجل الي ممتعوده علي
يزن/باع ....باع مو اكول هاي الخجولة شهد هسه تمام
ام اكرم/خوب انت متبقي واحد متخلي بالك وَيَا اسكت كافي
وجًعيني راح يخبلني مو كل واحد يتقبل شقا وهو هيج طبعه
زين/امي مملاحظه روحج تقصفين بيه دائماً
شهد/ضجت من هاي الكعده والوجبه كلهه كمت لان اكرم كبالي وساعات احسه يباوع عليه ويراقب آكلي مدري اني الي مخليه بالي يمه واباوع علي هواي
وعبالي هو هم
ام اكرم/شكلتي شهد ....أوف منكم ضوجتوهه للبنيه
شهد/لا خاله شبعت اني
يزن/يا جماعه معقوله هاي الخجولة شهد شو ممستوعب عقلي اني احكم عَل بشر من اول مااشوفهم
شهد/صدوك ...وعرجت حلكي بشعرك الي مكفش
قصص وروايات عراقية كرار صلاح
يزن/مو اكول اللحظه ضنيت روحي متوهم
عفته ورحت للحمام
كمت اغسل واسأل نفسي هو اني شكو مهتمه الهذا المغرور وأحس منطيته اكبر من حجمه واباوع علي
شكووووو لتباوعين علي ...غسلت ايدي واني اسأل روحي
هسه تروحين وولا كانما موجود أصلا هذا الانسان اكيد خاين
وانتي شعليج بي خاين مو خاين انتي شدتحجين غبيه ولا تجوز وبعدين انتي بيج انفصام ساعه تفكرين بفارس وهسه ضفتي واحد جديد عَل قائمه
اني شعليه هيه عيوني تخجل من تباوع علي
انتي زاحفة يعني صايره
حسّيت روحي مخبله احجي ويه نفسي واجاوبهه كرصت اذني وسويت اعوذ بالله ودكيت عَل طبله على كيف باوعت شفته يباوع عليه ابتسملي
درت وجهي ولزمت الريمونت سويت روحي ملتهيه بشي
تقريباً بده الكل يكوم ....كمت ويه البنات لملمت السفره بقت بس حنان تغسل مواعين وباقي البنات اختفن
شو وحدج تغسلين
يمعوده ذني كلشي ميسون .....كلشي براسي
وانتي ليش ساكته ....اني لو منج اكلب الدنيا
اذا اعوفهن امي تصير عصبيه حيل
كامت هيه تغسل واني اشطفهن وياهه ونسولف
خل تصير عصبيه عليهن والله انتي مدري شلونج
حنان/ماما عدهه سكر اخاف عليهه وهنه يستفزن بيهه
شهد/اني هم عندي سكر
حنان/اوووووي يربي بعدج صغيره
مااحس اله زين ....الجاي وين
حنان/صيحهن خل تجي وحده منهن تصب جااي هاي مو حاله
شهد/اي والله مو حاله
ضحكة حنان ....اليوم راح تشيشيني عليهن حيل
اوووي طبج مرض ضلي انتي غسلي...وحدج ....لج بابا هذا استغلال خواتج يستغلنج
مااحس اله اسمع صوت
انتي حاروكه اصلي
هم هووووو اهوووو عضيت شفتي وغمضت عيني ودرت علي
اكلك انت ليش خالك بالك وياي
معجب بيج
فتحت عيني
جذب يمعوده ....لتصدكين ......هو انتي جنج ستار على بس ب حجاب
باوعت عرزززه هذا خبل رسمي .....
حنان/ولَك زيوني عوووفهه تره شهد متحب الشقه
قصص وروايات عراقية كرار صلاح٠
اعرفه يعرفني اتشاقه وَيَا ....وخرت من المغسله ....اني راح اصب جاي وعفته الحقيررر بكلبي مدري شنو طينته تافه بس يتشاقه .....ماعنده تربيه ....مو صوجكً صرح بابا الي جابنه هنا
ادردم بكلبي واصب بالحايط ....ووديته
شهد/هاج خاله بس انطيهم
ام اكرم /حبيبتي انتي وديلهم وباستني بوسه هوائيه
وديته الهم قدمتلهم واحد واحد عمو جان كاعد بالنص مو المقدمه مال قنوات بديت من الجبير الـ عمو وبابا ً....وجان زين كاعد بصف بابا عبرته وديت لـمحمد
وبعدين الـ اكرم من انطيته الـ اكرم ابتسم بوجهي احس نفسي ارتبكت حيل
رجعت انطيت ال يزن ....وكلي مشكوره الوحيد
العفو
وطلعت ....ماما شوكت نروح
ام اكرم/هم ضوجج زين موو اني اعلمه
لا ...لا شعلي .....بس يعني اريد اعرف
دروحي صعدي يم البنات لتكوكفين على راسنه
رحت يم حنان كملت ترتيب المطبخ وصعدنه اني وياهه مااندل بيتهم دخلتنه بغرفه بيهه سرير وجهه كنتور وميز تواليت وضلع كامل بي مكتبه عباره عن كتب
اوكفي بس خل اخذ قميصه اكوي اله
غرفة اكرم هاي
اي ....مبينه من الكتب صح
اي والله
حياته بس كتب
اخذت القميص هسه اجي اوكفي هنا
وكفت باوعت عَل كتب شكدددددد رجعت دخلت حنان جايبه الاوتي
راح تكوين هنا
اي لعد وين
بلله اجه
وميجي
ياااا عيب اني يعني بغرفته ....احنه ماعدنه هيج مثلكم
مثلكم
بس انتي مو اهلج طبيعي ....بابا وابوج أصدقاء طفولته يعني هذا الوضع بين العائلتين عادي
اكلج حنان وين غرفة البنات ....اني مااحب هاي السالفه وهذا اخوج العوينجي خل يبطل سوالفه لان افكس عيونه والله
ضحكت حنان....ولج هو هيج طبعه والله مو قصده
على نفسه كليله تره هاي اخر مره
توني طلعت من الغرفه وطبكت الباب شفت اكرم صعد اخر بايه رفع حاجبه
اني استحيت هسه هذا شعبالج شجنت اسوي بغرفته
جنت يم حنان اختك جوه دتكويلك
مسألتج اني
يعني خاف عبالك جنت وحدي بغرفتك
مو مشكله بلازحمه ممكن شويه اريد ادخل للغرفه
وخرت بس العرك كام يصب من وجهي بعز البرد هذا شبي والله يا ربي ايععععع شكد معقد
هزيت ايدي دمشششششي لك والله ياربي استغفر الله
شفت إيلين فتحت باب الغرفه رحت دخلت يمهن
جانت شيرين متمدده عَل جربايه وتسولف ويه البنات
بقينه يمهن شويه وكالو يلله .....رجعنه للبيت كل واحد طش بمكانه
واني ....يا اني ....مدري ليش اكرم افكر بي ....مصارلي هواي من تطلكت من فارس واني احبه ليش ماعد افكر بغيره
....................
شيرين/بعد ماكملنه غده صعدت ويه البنات للغرفه أتمدد لان من جنت اكل حسّيت ب جنات أيدهه مدري رجلهه يمعزايه مدري شنو بس احس اختنكت
بابا جبرني ابقيهه واني مااريدهه ....مو بس لان من حسن ......لان مااعرف مصيري وحياتي شنو .....اني هسه شبه عايشه ....موجوده بس محكومه بالموت .....من تجي للدنيا بدون اب وأم مالهه مصير شنو معناهه .....من اجيبهه بدنيا بيهه ظلم ......وبمجتمع متخلف مهما يكون........ صح احنه بتركيا ....بس هم مصيري مجهول
من تتحرك ببطني ....احس كلبي يدك ....ويحن الهه ....خايفه كلش من المضموم
الايام تمشي وكل يوم يمشي بي اخاف من باجر .......طلعتي قليله بوقت إلحاحه لان بابا يكول لازم العده اله من اجيب وماما تكول العده ٤شهور و١٠يوم واني صاله بينهم ومن سألته هم ناس تكول الحد متجيب وناس تكول نفس ماما واني أصلا مااحب اطلع كاعده وساكته كمت حتى من يروحون البيت عمو ابو اكرم مااروح .....وشهد هم متقبل تروح
اليوم ثاني يوم الي بشهر التاسع
بطني حيل نازله وحيل أذاني الحمل .....تعبت حيل .....اليوم عندي موعد يم الدكتوره
بدلت لبست نفنوف جان لونه ابيض ام اكرم جابته الي اول مره اللبسه بي طول عليه
يلله ماما كوه واكفه والله
ولج بعد منا وهيج راح كله تمشين علمود تجيبين بسرعه .....اوكفي اختج جايه ويانه
شعجب
مو ويانه بس على طريقنه تريد تروح الـ إيلين عدهن كوشه مال عرس ديشتغلنهه سوه
مو علساس اليوم راح يطلعون سفره
إيلين متروح تبقه
هاااا
داستعجليهه يمه شبيج
شهد/اجيت ...اجيت
رحاب/شهد قميصج صاير يطفر شويه شويه
ماما شبي تره مستور
اليوم من ارجع احجي ويه ابوج ....مديعجبني لبسج
قصص وروايات عراقية كرار صلاح
ومن ترجعين احجي وَيَا بطريقج عَل موبايل لان تره مليت ....شغلي أكثره يحتاجله موبايل
موبايلي يمج يعياره
اي اي صحيح يمي ....اكلكم ليش نزلتونه بالدرج تره فحطت
علمود اختج
شيرين/غير امج خبصتني واني فوكاهه النفنوف هذا لابسته
رحاب/ليش لبستي هذا النفنوف شطوله عليج
راح اجيب واني ملابسته ....
شهد/نزلنه تمشين وياهم واني لازم ادخل للفرع وهمه يطلعون كبل
متحمسه لولادة شيرين وفرحانه اكثر منهه سويت ال جنات احذيه اشتغلتهن بالخرز وواحد حياكه وفيونكات الشعرهه واسوارات مال بيبي وحتى الممه زينتهه
فارس ماكو الهذا اليوم لا سامعه صوته ولا أخباره اما اكرم من اشوفه احس اكو نظرات إعجاب منه مااعرف اني متوهمه ....بس اني هم احس اكو شي بداخلي ....مثلا من اروحلهم قبل لا اوصل اباوع على نفسي بالمرايه اسوف نفسي حلوه او لا .....ومن ادخل عيني تدور تريد تشوفه
الشخص الوحيد الي احس نفسي أنثى من التقي بي ....لان احس بالخجل من يباوع عليه من يصير سلام بيناتنه
وصلت يم بابهمدكيت الباب ماكو ........بس لا نايمه ومتسمعني مااحس اله طبكت سياره .....درت ....اكرم
حسّيت كلبي دك
شهد شلونج
الحمدلله ....اجيت الـ إيلين ....علمود الكوشه
فتح الباب وهو ساكت ودخل ......دخلت ورا
صار ساعه أدك بالباب يمكن نايمه
يجوز
دخلت البيت هدوء
ذب السويج عَل ميز ورجع للباب طبكه اني فزيت
بس بلا زحمه كعدهه
إيلين راحت وياهم
فزيت....شنوووو مو متواعده ويايه ......ماادري والله ....احس توترت اعصابي كلش ....لعد ليش مكتلي من البدايه جان مدخلت
كاعد اطلع .....لزمني
متقصد
احس الدنيا سودت بوجهي ......انت شدتحجي
متقصد اريد احجي وياج ....تعبت من النظرات الي بيناتنه ادري بيج انتي هم معجبه ببيه
وخرررر هووف ايدي ....عبالي بس يزن صلف طلعت انت هم
عتني من ايدي وقربني علي ....يزن شمسويلج ليش
يتشاقه بدون حدود وانت
اني احبج ولج
باوعت هذا الثكيل صدمني ......عووف ايدي وخرررر
مااعوف ايدج
وخر اكرم مدري كرم ....وخر يمعود دعوف ايدي
متعرفين اسمي
وخرررر كتلك عوف ايدي احجي بدون متلزم ايدي
مو مااريدج تروحين
واكفه اني بس انت احجي بدون متلزم ايدي
ماشي اوكي.....اني احبج شهد
باوعت انصدمت ياربي هذا شارب شي ....مو عبالك اكرم الي ديحجي مااعرف احسه مو طبيعي
اكرم
اني اريد اتزوجج
واذا قبلتي هذا الشهر نتزوج
صدمني كلش .....مااعرف شجاوب هذا تخبل مدري شصارله
والله صدمتني
ها شكلتي
يعني انت هسه صدفه شفتني وتكلي هسه والله ماافهم شي
ها شهد شكلتي
ماادري والله فاجئتني يعني اني انت تدري بيه قبل جنت متزوجه
اي ادري
مااعرف خل افكر
مااخليج تطلعين منا اله اعرف جوابج
شكيت بي شارب شي لان تصرفاته ممتعوده عليهه دوم اشوفه رزن وحتى محمد من يسولف عنه يمدح بي
قصص وروايات عراقية كرار صلاح
اكرم .....الزواج مو سرعه قرار الزواج يحتاجله تفكير واني الي مريت بي مو سهل
يعني هسه شنو
فجأه احبج وفجأة طلبت ايدي وتريد نتزوج بسرعه فهمني القصه
ماكو اي قصه ....انتي تعجبيني.....وصار فتره افكر بيج وقررت اتزوجج
واهلك
اكيد يفرحون تعرفين علاقة اهلي واهلج شكد قويه
مااعرف بس خليني افكر احس عقلي فجأه كام يوجعني
ماشي ....روحي للبيت وفكري براحتج ....خليني اوصلج
اني اروح وحدي
ابوج شعجب يقبل
بابا ميمانع وعنده ثقه بيه
ميخالف خليني اوصلج
طلعت .....صعدت الي وره
شنو هاي اكو احد كلج اشتغل سايق عندج تعالي صعدي اليكدام
لا عفيه
دتعالي صعدي
نزلت من السياره ....لا عفيه مااكدر ممستأذنه بابا على هذا الشي اني رايحه مشي
رحت وعفته سمعت صوت السياره انطبك
طول الطريق افكر ....اشو جنت احس روحي معجبه بي بس هسه لا ....من صار شي صدوك لا ...خوف اكو بداخلي
رجعت للبيت بعدهم ماما وشيرين بس محمد جاي
شنوو وين جنتي
رحت الايلين وطلعت ماكو
وحدج رحتي
اي
اشوف ابويه هالايام كلشي حلل شنو القصه
محجيت شي دخلت للغرفه تمددت على جربايتي وكعدت افكر ....بكلام اكرم
مااحس اله فتحت الباب شيرين ....اجتي من الدكتوره
شيرين/ها شو رجعتي مو علساس تسون الكوشه
طلعت إيلين رايحه وياهم وانتي شنو شكلتلج الدكتوره
كالتلي هو والده طبيعي شوكت مااجيب اجيب بعد ووصتني أتحرك هواي ....شبيج انتي شو مدري شبي وجهج
اكلج تدرين اكرم طلب ايدي
اكرم .....هاي شوكت
اليوم من رحت
بس الي اعرفه اكرم يحب وحده علساس
منو كلج
ماادري سامعه مدري من منو
شهد/ماادري والله
واني هم ماادري يجوز متوهمه اني .....وكامت شيرين كووه
اووف ياربي شوكت اجيب والله تعبت واختنكت لج اباوع على بنات حوامل ولا مبينه بطنهن مدري اني بطني شبيهه
شتكولين هسه فارس من يسمع شيصير بي
شهد/فارس .....ميهمني
خل يولن .....اله أوصله اريد اسوف ردة فعله شنو
اني محجيت ....صدك انمنى يسمع ......واعرف ردة فعله يمكن محتاجه بعد شي يثبت فارس محبني ابد ....اسأل نفسي ليش مهتمه الهذا الشي مو جنتي معجبه بأكرم
مشن يومين ماالتقيت ب اكرم ولا احد خابرت إيلين كالت تعالي اليوم
شنوتضحكين عليه ذاك اليوم اجيت وملكيتج
مو دزيت رساله عل ماسنجر مال خاله شسويلج انتي ماعندج موبايل
وين اكو رساله
والله دزيتلج لان العرس تأجل وكلت عندي وقت هواي ودزيتلج رساله.....هسه شنو شهد تجين او لا لتشلعين كلبي
اي اجي يلله شويه واجي .....رحت كبل الـ بابا جان متمدد على جربايته توه كاعد العصر
بابا
باوع عليه ....
بابا تره والله هاي مو حاله .....اني شغلي هواي يرادله موبايل
شهد الموبايل ....ممنوع حاجي بالمسألة هاي قبل ....ل
بابا انت هيج ماعندك ثقه بيه.....شيرين غلطت اني شنو ذنبي
قصص وروايات عراقية كرار صلاح
ذنيج اختهه ....مااكدر اجيبلج موبايل وشيرين ماعدهه
اشتري الـ شيرين موبايل
حجيت شهد بالموضوع قبل هاي موبايل امج يمج وموبايلي
بابا والله ياربي
امشي ولي
رايحه اني ...راح اروح الـ إيلين علمود الكوشه
وليش متجي هيه هنا
بغرفتهه اريح النه جبيرهوهواي اغراض إضافيات عدهه
ماشي خل اخوج يوصلج
همه هياتهم
ميخالف اذا موجودين احنهه نوصلج
وصلني محمد .....سلمت عَل بنات وعلى ام اكرم البنات استقبلني مثل كل مره بس ام اكرم لا حسّيت بيهه شي
صعدت بصعدتي شفت اكرم ....طلع من غرفته
باوعلي ابتسم
اهلا منورتنه اليوم
هلو اكرم جانت ورايه حنان
تعالي اريدج بشغله
باوعت على حنان استحيت .....هذاتخبل رسمي
احجي هنا
دتعالي ودخل للغرفه
وكفت بالباب وحنان راحت الغرفتهه ....اكرم والله مكاعد افهم شي شكد عيب يم حنان
اي عادي مو يدرون بالسالفه ......مرجعتيلي الجواب شنوو
مااعرف
هو شنو الي متعرفين وبعديندخلي شنو نحجي يم الباب
مااكدر ادخل احجي هنا
جرني من ايدي .....شهد شنو قصتج اني طالبج بالحلال مو كاعد اتملعب وياج حتى هيج تخافين هيه كلمتين لو اي لو لا وخصمي السالفه
ليش
شنو هاي الليش ....كلتي الاهلج
لا
ليش
لان محسيت شي جدي مااعرف ليش
يعني لان حجيت وياج مباشر بدون مااخلي والدي يطلب ايدج من والدج اذا على هاي سهله بس ردت اعرف ردج بالبدايه قبل لا اخطي هاي الخطوه
اني ......ماعندي مشكله
مااعرف شلون حجيتهه ....هو ابتسم
ماشي
طلعت رأساً من غرفته رحت الغرفة إيلين بلشنه بالكوشه واني كل شويه اغلط بشي لان بالي مو يم الشغل ....مااعرف اني غلطت لو شنو بالضبط شو فجأه كلشي صار وخايفه خاف اني لان فارس هيج سوه كاعد أميل الـ اكرم
إيلين/شهدد اليوم شبيج
شهد/هاا
باعي شسويتي
درت الصمغ زايد بحيث بين هواي ....يبوووو
شبيج اليوم
مابيه شي راسي يوجعني
إيلين/اني اكول اخذيلج ريست وروحي شربيلج جاي وجيبيلي وياج جاي
نزلت واني انزل من الدرج سمعت صوت اكرم وأمه
مااقبل والله
يمه اني اريدهه شعليج انتي
شنووو شعليه ابني دكتور وأول زواج اله يأخذلي وحده مطلقه ...صح احب البنات بس مو الهلدرجه كتلك ذاك اليوم شيل هاي الفكره من عقلك
امي اني جبير ....وواعي واعرف شريد أماكن داعي الهلكلام اني كاعد أبلغكم
انت مخبل والله لو تموت وغصباً معاليك اني أتدخل بزواجك مو عبالك انت دكتور ....دكتور على نفسك مو على امكً ......كلت شهد لا يعني لا والله ياربي انوب هاي العايزه أزوج ابني الوحده مطلقه
بنتج مو ارمله
الأركان تختلف وبعدين إيلين بس مخطوبه ممتزوجه قبل
اكرم كلت العندي
حيل انقهرت من كلام ام اكرم....صدمني كلامهه
بحكم الميانه نزلت اسوي چاي لان علاقة العائلتين دوم تتطور واني اجي يمهم دائم بابا هم يأمن عليه يمهم لان يدري بيهم مؤدبين ....صح زين اللسان بس الكل يعرفه بس كلام وبالفعل من تعودت على كلامهه هو هيج طبعه ويه الكل ....ماعنده حدود وميقصد شي
صعدت رجعت للغرفه
إيلين/ها وين الجاي
جنت بالحمام ....مااريد واصلا مالي خلك مريضه يمكن ....مااكدر اساعدج بهاي الكوشه اذا تريدين عوفيهه للباجر قصص وروايات عراقية كرار صلاح
ولج شلون بعد يومين لازم تكمل وين الحك وحدي لو ادري بيج متسويهه وياي جان مسافرت وياهم ....اني هسه اسويلج جاي وليمون وكلشي بس صحصحي فددوه رحتلج
بقيت لليل اني وايلين مشتغل اتصل بابا على إيلين وحجه عليه لان تأخرت وكال راح يجيني يأخذني
اجتي حنان كالت يلله عمو ينتظرج جوه نزلت لكيته بالحديقه وأكرم يمه
كملت بابا
يلله حبيبتي ....وكام
تمشينه اني وَيَا وكام يحجي عليه
ليش هيج تأخرتي شهد
غير إيلين حصرتنه بهذا الوقت
ميصير هيج بنتي اذا هيج تتأخرين بطلي من هاي الشغله لو اشتغلي وحدج بيتنه اشياء بسيطه
اي ومنو يبيعهن الي هيه عدهه بيج اني حتى موبايل ماعندي
ميت مره كتلج اكو موبايل امج
بابا هو اني اخذه شويه تضل تدردم ماما
لزمت بابا وكملت مشي
بابا
ها حبيبتي
اني احبك .....ومااتخايل حياتي بدونك انت اب مو طبيعي
ليش هيج تحجين
لان انت هيج
شهوده ....انتي صرتي جبيره وواعيه راح اسألج سؤال
شنوه بابا اسأل احب الاسئله
خوش مادام تحبين الاسئله جاوبي ....فارس بعدج تحبي
انصدمت بسؤاله متوقعته توقعت راح يحجي على اكرم
ليش بابا
هيج سؤال انتي مو كلتي احب الاسئله
لا .....مااحبه من حجيتهه حسّيت خنكه بكلبي مااعرف افسرهه
هز راْسه ماشي
ليش سألت
هيج شغله ببالي
شنيه الشغله
اهااااا راح تلطش ام اللسان
رجعت للبيت اول مدخلت اشتغلتني امي
بعددد وكت خاتونه متنطين مجال
جنه نشتغل وايلين لحت اله نكمل
عندج اهل مفروض تحسبين حسابهم بعد ممنوع تروحين وهذا الشغل هم ممنوع
ماما
وعله بكلبج لتحجين .....عايفتني من العصر الهسه وحدي وهاي اختج مامنهه فائده حامل وبطنهه واصله الحلكهه
ماما هو عشه سويتي شنو قصتج
وانوب تجاوبني الأدبسز
شهد/بابا شنيه احجي شي
رحاب/يااااه تهدديني بابوج ولج هاي اخرة تنطيهه مجال ستار ميت مره كتلك هاي مو مال واحد ينطيهه مجال
تأكله واجتي عليه ختلت وره بابا
يااا شبيج يمه
ووجعه شعندج هناك هااااا
ماعندي شي والله غير نسوي كوشة مال عرس
ستار/رحاب كافي عوفيهه فهمته بعد بالوضع وكتلهه ممنوع تتأخر
طلعت شيرين تبجي
ستار/ها بابا حبيبتي شبيج
بطني ....بطني توجعني مدري شبيهه
رحاب/ولج توج دخلتي بالتاسع جان كلت تطلك
ماادري عندي وجع ....قوي
راح عليهه بابا هو وماما
ستار/اوديج للمستشفى
ماادري ....ماادري موجوعه
رحاب/هاي غازات عندي اظاهر
ستار/خل نوديهه للمستشفى محمد وين
رحاب/طالع
ستار/بعصبيه .....هذا الولد ميكعد بالبيت اربعه وعشرين ساعه طالع شنو دوره بالبيت ماادري خابري بسرعه خل يجي
شهد/انتبهت شيرين وكع شي منهه
يااااا عزززه شيرين بلتي على روحج
رحاب/يمه هاي مي الرأس راح تجيب
امي حجت هيج وشيرين كامت تصرخ وتبجي
وبابا احتار يروح منا ويجي منا الكل ارتبك
وشيرين تصرخ
رحاب/اصبري
ماااريد اجيب اخاف والله ....اخاف ....ااااخ بطني
رحاب/ولج شهددد ولي جيبي الأغراض مال طفله
شهد/وين هنه
بالكنتور مال اختج
رحت ركضت جبتهه وجبت الحذاء ألي اني سويته
هذا شكووو جبتي
حتى نلبسه الهه من تطلع
اااخ يا كلبي ....اخخخ رجعي تريدين تضحكيهم علينه
أجر بابا تكسي واجه سوده عليه انخبص وشيرين تصرخ صعدنه بالسياره
رحاب/عجيب توج دخلتي بشهرج
شيرين/يعني شنو راح اموت
لا يمه اسم الله
ستار/ام محمد اسكتي راح تخبليهه للبنيه
وصلنه للمستشفى ودخلوهه للغرفه ونسمعه تصرخ امي تدعي واباوع على بابا عيونه مدمعه احسه يريد يبجي
قصص وروايات عراقية كرار صلاح
يوم بعد يوم اشوف حب بابا النه ....شكد أذينا اتمنى شيرين تشوف كلبه المفرفح عليهه
احسه دوم هو ابونه وأمنه صح ماما هم حنينه بس متوصل شعرايه الـ بابا ....حتى من جنه اطفال من تسولف عمه خوله اذا بجينه بليل هو يفتر بينه وبنص الليالي يطلعنه بره حتى نسكت واذا تمرضنه سولته تصير بينه ....يضل يطلع ويطب ويراقب حرارتنه
سكتت شيرين ....ستار/رحاب شو مالهه حس
دخلوهه جوه يجوز
خاف صار بيه شي يمعوده دخلت خايفه
لا مابيهه شي
وره ربع ساعه طلعو جنات احنه ممصدكين انطتهه ال ماما
يالله تخبل ماما عززززه عليج الله خل اشيلهه اني
اوكفي ....خل اشوفهه اول
اخذتهه الممرضة من ماما كالت مسؤليه
.................
شيرين/جنت متمدده بالغرفه فجأه حسّيت بوجع خفت حيل كمت ....جانو يتعاركون فجأه طكت مي الرأس كلشي صار بسرعه
جنت خايفه حيل .....واني اطلك جوه كالت اوكفي على كيفج راح يلتف الحبل السري طبعاً جانت اكو مترجمه جوه لان اني كلشي ماافهم بالتركي هنا حسّيت نفسي خفت عليهه ....حسّيت نفسي اريدهه صرخت طلكت شفت الموت كلشي ماافكر بي بهاللحظه بس افكر بيهه طلعوهه مبجت ....ولا طلعت صوت
نزلت دمعتي ....بتي بيهه شي
ضربوهه برجلهه جان تبجي صوتهه من سمعته تخبلت كمت ابجي ....واضحك الحمدلله ياربي قربتهه عليه .....بستهه وشميت ريحتهه كلشي حجيته تبخر وراح .....شلون فكرت اموتهه ماادري
طلعت ودوني للغرفه بكرسي متحرك لان جانت ولادتي سهله
فرحانه حيل دخلوني للغرفه بيهه سرير اطفال وسرير ألي
رحاب/هاااا بعدج متريديهه
وينهه اريد اشوفهه
شالتهه ماما من سريرهه
حجو وياهه بالتركي تراجعت
ها ماما
يكولون خل تنام بجربايتهه وبعدين انطيهه الهه
باوعت الفرحه على وجوهم دخل محمد رزله بابا
ابن القندرا ....وينك الهسه
طبكت اختك وجابت وانت ماكو
هاي اجيت هسه
بعد وكت
كبل اجه عليهه .....هالي شنوتخبل جنهه لعابه
شهد/اوكف وكف خل اشوفك شعرهه لعد ووخرت العصبه اله تخليهه امي والله عليهه سوالف
رحاب/الطفله راح تخبليهه وخري منهه خل ترضعهه اختج
شهد/دوكفي بس خل اشوفه شعرهه
رحاب/اختج تعبانه ولج وخري من فوك راسهه
يمه شنيه شبيج
وعله بكلبج ابه تخليني صوتي يطلع .....وخري منا
ستار/شهد بابا عوفي اختج ترتاح
هسه اني يم اختي ...والله ياربي متخليني اسوف جنات عبالك بس الهه والله ياربي
تقرب على شيرين بابا وأخذ جنات منهه وكام يأذن بذنهه
حبيت اللقطه وصورتهه بموبايل ماما
شيرين/جنت تعبانه واضحك على شهد شلون تستقتل واباوع على بابا من يأذن بذنهه
ماما
ها حبيبتي
شو بطني بعدهي
اي عادي هسه تروح شويه شويه ....خوما توجعج
لا
شوكت نطلع من المستشفى
نبقه اليوم
ليش
والله ماادري يعني شعندج خل نطمئن عليج وعل طفله يالله نروح خوما موجوعه
اي موجوعه
هسه تطيبين
ستار/شبيهه شيرين
مابيهه شي كاعد ندردش
شهد/شويه واجتي ام اكرم وأبو اكرم ووراهم اجه زين
استغربت اكرم ماكو
رحت للحمامات من طلعت شفته اجه باوع عليه ابتسم
مبروك صرتي خاله
الله يبارك بيك
اكيد ملحك ابوج يحجي
بشنو
مممم تسوين روحج متدرين
انت كتله
اي مو اخذت الاوكي منج
اكرم وأمك سمعتهه اليوم
باوع عليه جنه نمشي بالممر
اني مالي علاقه بأمي
شلون مالك علاقه
شهد انتي مو كلتي موافقه خلص انتهت السالفه مالج دخل بعد عليج بالصافي
حسّيت روحي تسرعت من كتله ....شنو موافقه اني تخبلت يمكن
دخلنه سوه اني وأكرم صارت بوجهي امه مثل الي خزرته وبين عليهه ضاجت بارك الـ شيرين والأهلي وكل شويه يباوع عليه ويغمزلي
اني استحي .....ادور وجهي منا ومنا من الخجل
محمد اليوم عندك خفر لتنسه
محمد/مناسي
يلله مع السلامه اني
واحنه هم خل نروح ابو اكرم
باست شيرين وماما ومسلمت عليه .....مبينه علنت الحرب ضدي
طلعنه شيرين من المستشفى وجنات نورت بيتنا صح بعدهي صغيره بس هواي تغير بيتنه ضاقت اله طعم ....الكل مهتم بيهه حتى محمد متخبل عليهه اول ميدخل البيت جنات وين
مرت ١٠يوم تقريباً بابا سجل جنات على اسمه واسم ماما يعني صارت اختنا بالجنسية
ومشفت اكرم ابد بس بابا اجه فتح الموضوع ابو اكرم حاجي وَيَا وكال الـ ماما فرحت حيل
رحاب/عجيب البارحه ام اكرم شفتهه ابد محجت وجابتلي سيره ....شهد شو مالج حس مكلتي شنو رأيج
ماادري والله
شنووو المتدرين هو هذا الشي يرادله واحد ميدري شفايتلج وين تلكين هيج قسمه وانتي مطلكه
ماما انتي ليش دوم ضدنه
الرجال صار يومين من كال الابوج وابوج اليوم يالله حجه عيب هسه شيكول الولد مموافقين بي
اني موافقه بس خايفه
بس لا من فارس .
لا ....بس اريد اكعد ويه اكرم قبل لتصير الخطوبه
رحاب/يعني موافقه ....شتريدين منه كليلي
هيج ماما ...يعني لازم نحجي
خابر بابا ابو اكرم وكله نخليهم يكعدون سوه بالبدايه يتفقون ويسولفون لان هذا زواج مو لعبه وحدود باجرنطلع واسمع بابا كله نروح وياهم وأبو اكرم اعترض
لا مو مسألة ماأمن باكرم
يلله يابه خليهم وحدهم
رحاب/وحدهم يطلعون.....ليش يعني
ستار/احنه شكو رايحين وياهم على كولة ابو اكرم
ستار شو انت كلش فري صاير
مابيهه شي خليهم يسولفون براحتهم ليش نروح وياهم ونربكهم اني لو عندي مكان ببيتي جان خليتهم هنا بس شقتنه مابيهه استقبال معزول
بدلت واحتاريت شختار وشيرين تساعدني اخر شي لبست بنطرون وستره
شيرين/احسه رسمي حيل لبسي شي طبيعي
لا حبيت هذا هو احنه كاعدين نحجي بشي رسمي
خبال اي والله
شهد/دنكت على جنات اووويلي يربي افيييش ريحتهه تجنن شنو رأيجج يخالتج
شيرين/حلوه والله يلله ولي دوختينه من العصر
قصص وروايات عراقية كرار صلاح
شهد/مسألتج الج سألت جنات باوعت على روحي بالمرايه قبل لا اطلع وطلعت
رحاب/شكو لابسه هيج رسمي
ستار/حلو....يمعوده عوفيهه الولد صار ساعه مشتول جوه
نزلت وبابا ويايه ....فاجئني بابا سبورتي حيل صاير
نزل اكرم سلم على بابا وبابا مدري شحجه وَيَا
صعدت بالسياره
صعد مبتسم اكرم
شلونج
زينه
دوم ان شاء الله
ليش طلبتي نكعد سوه
اكرم امكً حقهه
بس لا علمود هذا الموضوع
اي
من كل عقلج هذا الموضوع كتلج مالج دخل بي
شلون
شنو شلون ...اني مالي دخل بأحد هاي حياتي
وأمك بلله
مخلاني اكمل ....شهد مااحب هاي السوالف لتباوعين هذا حجه وهذا كال ....احنه راح نكعد هسه ونحجي على حياتنا الجايه وشنسوي منسوي غير هذا الشي منحجي بي
كعدنه وحجينه بخطوبتها وكال سهر ونتزوج
ليش مستعجل مكاعد افهم
وليش نتأخر اذا كلشي كامل عدنه
رجعني للبيت جنت فرحانه على خايفه على تفكير بـ فارس ليش افكر بي بعدني ماادري
بابا سألني ...كتله هذا هو بابا
فرح حيل هو وماما
كالعاده الليل تصحصح جنات وتفتح عيونهه ونتناوب عليهه اني وشيرين .....
بس بيومهه بس تبجي غازات بيهه حتى بابا كاعد ويانه
دك تلفون بابا محمد....استغرب بابا لان خفر محمد جاوبه
ها حماده
ها حجي اني جاي للبيتًمااريد أدك الجرس خاف نايمه جنات وتفز
هيه كاعده شتفز .....شنو متسمع صوت بجيهه
لا والله مو بعدني توني وكفت كبال العماره
دك الجرس محمد رحت فتحته اني انصدمت .بـ فارس وَيَا.......فيتبع
Bạn đang đọc truyện trên: Truyen247.Pro