بارت21
🌺🌺صرخات غير مسموعه🌺🌺
🌺🌺بقلمي ام غايب🌺🌺
#البارت21
بقيت لازمته ......الحد ما انتهت المكالمة باوعت علي جاب الموطه اجتي رساله من احمد شاكر بس ممبين مضمون الرساله ....اني اعرف الرمز بسرعه فتحت الرمز واني قلقه خاف يوصل مااعرف فضولي خلاني افتح الرساله
احمدشاكر/شنو قصتك فارس تره وصلت حدهه مليت صار اسبوع ماكو اني زوجتك مثل ماهي زوجتك
شهد/ممستوعبه الي شفته .....يعني زواج مره وحده .....يعني مو مجرد خيانه .....احس كلشي بيه كام يرجف غلقته بسرعه وذبيته بالجنطه
بس شنو روحي رادت تطلع ......وعيوني كوه لازمه الدموع عنهه
انطاني الموطه فارس ....وهو مبتسم .......ويضحك ويتشاقى واني روحي مسحونه
مريم/عاشت ايدك فروسي حبيبي
فارس/وايدج حبيبتي مريم .....شهودتي شو متاكلين
مااريد .....عندي لعبان نفس
بقه يباوعلي بحيره ...وقلق......واني أترقب الطريق اريده يخلص .....اباوع من الجامه ....مختنكه حيل .....وأحس روحي بدت تروح ممستوعبه الي قريته ابداً
فارس/شهد ماعت الموطه ...لو ماانتي ردتي موطه
مريم/جيبيهه جيبيهه اني اكلهه
درت على مريم انطيتهه الموطه ......
مريم/شبيج شهد
مابيه شي شبيكم .....بطني توجعني جيل
ماعولت أوصل للبيت .....دخلت مثل العاصفه بسرعه ورحت كبل للحمام وقفلت الباب عليه
وايدي ترجف ........رجعت فتحت الرساله تمعنت بيهه واني ابجي .......اخذتلهه صوره بجهازي .......ودزيتهه الـ...بابا رأساً لان اعرف فارس راح ينكر كلبت بالموبايل اكو مكالمات ويه احمد شاكر بس ميتجاوزن ال٥دقايق أكثرهن ثواني
مااحس اله اندك الباب ......
فارس/شهد شخبارج
مجاوبت
موبايلي يمج مو
واني دموعي يصبن ......زائد عركت من الحمام ......فتحت الباب بنتره هو مثل الانصدم من شافني ابجي
شبيج شهد
هاك .....هذا موبايلك ....الله كشفك يا خاين
شدتحجين انتي
خليت الموبايل بيده ورحت للغرفه ....واني ابجي ....رحت للكنتور كبل
وهو لحكني
عير افتهم شبيج
لتسوي روحك مفهمت ....لان عرفت انت متزوج ....والله جنت حاسه ....بس اكثر شي مخبلني ....نكرانك ومن اشك بيك انت تصير صاحب الحق واني الضالمتك والح وياك ......
كبل دك بابا .....ردت اجاوب جر الموبايل ....عطت ....انطيني خل اجاوب بابا
اوكفي خل افهمج السالفه
كلشي مااريد افهم منك ......انطيني الموبايل ...يلله انطينيا ....اريد اخذه يبعدني بيده
هاي دازه العمي الرساله
اي ....حتى يعرفك شنوو انت
لج بابا خل افهمج السالفه
شفهم ....شفهم فهمني .....كلي انت متزوج لو لا
اي
هو اني اعرف متزوج بس من حجاهه وأكد كلبي راد يوكف كانما توني دريت
يعني متزووووج وابجي.....راد يلزمني ....انزعصت
وخرررر. الله ياخذك ان شاء الله .....هسه توديني البيت اهلي
شهد ....حبيبتي ....والله الموضوع مو بالصوره الي اخذتيهه انتي بس خل احجيلج
مااريد....مااريد .....واعز براسي .....كلشي مااريد اسمع منك .....والله أكرهك .....والله
ماادري شخليت بجنطه عندي صغيره .....وديني
ماااوديجً.....بابا لتفرجين الناس علينه ....خليني احجيلج ووراهه اذا مقتنعتي روحي
مااقتنع بأي شي تحجي ........شهد مستحيل اصدك اي كلمه يحجيهه فارس ....شلت جنطتي ....جرني
متطلعين
بصوت عالي حيل......اطلع ....والله اطلع وخررررر
صوووتج ...ولج
خل يسمعون يلله ....خل يعرفون ابنهم على حقيقته ابتلي احجي حجايه كلهه تكول فارس مستحيل ....وانتي تشكين
لج بابا صوتج لا أكص اللسانج
كصه....يلله شمنتظر والله لو تسمعين جذب فارس غصباً ما عليج لو ينكص اللسانج
مااحس اله ضربني راشدي
اسكتي .....الصمي .....
عطت.....مااسكت والله
مااحس اله عمه دخلت مخروعه وقيصر ومريم وأزل واكفات بالباب
ام قيصر/شبيكم هبطتوني....شبيج يمه شهوده
قبل ليحجي فارس
فارس متزوج عليه
دكت على صدرهه كبل ....يمه شبيج تخبلتي شلون متزوج عليج
باوعت قيصر مبين يعرف لان من كلت مستغرب بقه ساكت يعني يدري
ام قيصر/ولَك يمه صدك للي تحجي شهد
شهد متنطي للواحد فرصه يحجي صار ساعه اريد افهمهه ماكو
اني احجي وبابا كل شويه يتصل
من احجي واكول عنده شي يزعل هو مني فوكاهه ويطلعني مخبله مااحس اله فارس موبايلي ركعه بالحايط فلشه اني احجي والموبايل يدك توتر حيل
ام قيصر/فارس انت متزوج لو لا
فارس/اي .....متزوج بس غير الغضب تسمعني شويه لوك ...لوك ....لوك متنطي مجال للواحد يحجي
ام قيصر/للأسف عليك فارس ....للأسف ممتوقعتهه منك هاي السالفه ابداً
يمه انتي هم
طبعاً اني هم ....شلون تتزوج وهاي مرتك شنووو شو حتى بعدكم توكم متزوجين
انوب عمه مثل الشجتني زدت ببجيي
هسه توديني الاهلي
قيصر/ميصير هيج شهد انتي جبيره كعدي ويه زوجج واذا محليتوهه روحي وبعدين اهلج مصارلهم اسبوع من سافرو
حتى اذا توهم سافرو هسه بابا يرجع يأخذني والله بعد ماابقه لحظه وَيَا
فارس/شهد كفي الشر ....وخل نكعد
مااريد اكعد ودوني البيت جدو هسه
فارس.....بعصبيه ....انتي تخبلتي لو تموتين
والله اروح ....والقران .....اخذت جنطتي ونزلت وفارس كب بالصياح سمعت قيصر كله
خل تروح ترتاح شويه وبعدين فهمهه انت
متروح .....هاي خبله شيفهمهه
ام قيصر/انوووب انت تحجي .....الله لا ينطيك فارس على هاي العمله
يمه حتى انتي هووو شفهمتي
شفهمت .....ماكو اي مبرر يخليك تتزوج
يمه
وصمه .....اسكت فارس ....اسكت....وشهد حقهه اي مره بمكانهه متتحمل هذا الخبر وبعدين مرتك شناقصهه
يمه مناقصهه شي واحبهه وأموت عليهه
شهد/دخلت للغرفه واني عيوني وخشمي يصبن .....والله جذاب لا يحبني ولا شي .....كول انجبرت عليهه ومحتملا واني احب وحده ومكدرت مااتزوجهه .....هسه عرفت منو ام التشيرت والي سويت وياهه حادث هيه هاي
قبل ليحجي فارس
قيصر/شهوده يلله مو تريدين تروحين ....امشي خل اوصلج ارتاحي كم يوم واحجو بعدين براحتكم
فارس/متروح والله
والله اروح
مو بكيفج
بكيفي
اجه عليه قيصر صار كباله ...فارس
فارس/يمعود مااريد اسوي شي اريد احجي وياهه بس
مااريد
فارس/وخر قيصر من كدامي
قيصر/فارس لتتخبل
فارس/والله مااريد اسوي شي بس اريد احجي وياهه ....خل احجي وياج ووراهه اذا متريدين تبقين بيدي اوديج
ام قيصر/اسمعي يمه منه
مااريد اسمع حجيتهه بحزن حيل وباوعت علي
كلهم طلعو من الغرفه بقينه اني وَيَا
شهد حبيبتي
انرعصت من كال حبيبتي......لتكول حبيبتي
ماشي....شهد .....تعالي كعدي راح احجيلج كلشي صار ويايه والله مثل مااهوه
....................................
شيرين/بقينه خمس أيام ببيت صديق بابا ابو اكرم .......بس اني بقيت محبوسه بغرفة البنات علمود العده بابا سأل قبل لنسافر وكالوله مو شرط تتبوش .....اهم شي تبعد عن الرجال ومتسمع صوتهه ومتضحك ....
صعدت بغرفة البنات وجانت كلش حبابات خلصت ٥أيام يمهن محسيت بيهن ابد ....طلعني من جو الكآبة الي اني بي
وراهه بابا لكالنه شقه جبيره ......وحلوه حيل بيهه ٣غرف نوم وصاله وصيحات ومطبخ جبير ويبكون جبيره ....كولش حلوه ....ونظيفه
وجهزهه من ساعتهه حبست روحي بالغرفه ...مالتي ماعندي قابليه ...الآي شي .....بالي كله هناك ....مو بيدي ....اطلعه من عقلي ....مو بيدي امحي من كلبي .....خاصه الحب اذا صار مستحيل ....يزيد ميقبل
وبابا بعده على موقفه مني .....ميحجي وياي ابد
طلعت حسّيت نفسي جوعانه .....جانت بحدود ال١٢
جانو بابا وماما بالصابه كاعدين
ستار/ميجاوب
رحاب/وشهد ماعدهه اتصال بالنت .....خاف أذاههً انوب
ستار/خل نفتهم السالفه رحاب.....وحق هذا الله الفوكايه تعبت ....منين مااجيبهه مترهم وتجي عدله وياي .....الحظ اله من سافرت يالله طلعت هاي الشغله
خابر على قيصر
محد بيهم يجاوب ......
جنت واكفه وراهم وره القنفه وهمه يسولفون
شيرين/شييهه شهد
رفع راْسه بابا ......والله بابنتي مو شهد اني الي وين مااخليهه تصير عوجه وياي من وراج
سكتت
رحاب/ستار على كيفك
يا كيف مو اني خلص كلبي ....تعبت وحق هذا الله تعبت هاي بتج ذيج مخبله هسه .....تروح تسوي بروحهه شي .....اني لو ما شيرين هم اجي هنا ضال بين نارين ......الله شوكت تاخذ عمري وتخلصني
رحاب/كول يا الله يا عيني انت ....يجوز مشكله بسيطه او فاهمه غلط هيه
لج بابا متعرفين بتج ....هسه تضل تلعلع وتخلي جدهه يكصي بيهه هيه بس اريد الغي وياهه اكلهه متسوين اي شي ولا تحجين الحد مااجي
رحاب/راح تسافر
ستار/طبعاً اسافر .....اذا جان فارس صدك مسويهه اجيب بتي واجي هنا ....بناتي يمي ...لا ازوجهن ولا هم يحزنون والله ياخذهن ويأخذني وارتاح ....ساعة السوده الي تزوجت بيهه وخلفت بيهه
رحاب/يعني ستار متندم لان تزوجتني مووو
شيرين/كمت اباوع عليهم انوب كبت العيطه بيناتهم .....رغم ماامي جبيره ....بس الحب والغيرة والزعل ميعرف ولا يفرق بين جبير وصغير
عفتهم يتكافشون سويتلي لفه صغيره ورجعت الغرفتي ....لان حسّيت الدنيا دارت بيه معرفت شهد شبيهه بالضبط بس الي فهمته متعاركه ويه فارس .....رجعت طلعت رحت الغرفة محمد جبت ورقه وقلم
كتبت عمر بالقلم الرصاص بس خطيته على كبر الورقة وخليتهه على كلبي
ليش كاعد احبك اكثر من قبل .....بست الورقة دخلت امي .....توترت حيل
شتسوين
هااااا
شبيج شنو هاي الورقة وليش فزيتي
تقربت عليه امي واني الوضع ميسمحلي اضمهه او انكرهه ....جريتهه مني
شنووو هاي ....شيرررين انتي متجوزين .....والله يوم بعد يوم تصدميني ولج .....رجلج بعده حتى مطالعه الأربعين مالته ولا العده مكملتهه وتفكرين بغيره ....لج انتي شنو.....وشكت الورقة وذبتهه عليه .....لتعيديهه ليشوفهه ابوج
بجيت اني
انوب تبجين فوكاهه
لج عَل اقل حزني على رجلج شويه
محد يحس بيه ابد .....زوجتوني حسن ومحد سأل عني لا عرفتو شصار بيه ....مااحزن علي ....أصلا اكرهه واكره اليوم الي تزوجني بي
وأحب عمر ....اي احبه .....حرمتوني منه ....ومحجيت ....بس مو بكيفكم اطلعه من كلبي والله
جرتني من شعري....الصمي ....الصمي ليسمعج ابوج لو اخوج ....ولج شهالصلافه هاااي وعافت شعري
يمه انتي ليش صايره مو حنينه علينه قبل شويه بابا يريد يرجع للعراق وانتي تكليله تسافر وحده غيرج هيه تلح على رجلهه وتكله اريد اطمئن على بنتي
لج ابوجن راح يموت من القهر والضيم وانتن ولا عبالك ......اختج متعلمين عليهه ....دومهه تتعارك ويه فارس وتضيع حقهه وتكول اريد اتطلك وترجع بس يحجي وياهه كلمه ....تريدين ابوج الي ماعنده فلس يتبهدل عَل فاضي
انتي تدرين ابوج هسه علمودج شكد خسر ....جدج مقبل ينطي شي من المحل غير بس ربع وهو ابوج عنده حصه اكبر منهم كلهم ....كله علمود منووو ....علمودج ...والشقه مطلوب عليهه هسه .....تداين من ابو اكرم
فكرن بي ....ولجن فكرن بابونجن
شمسويه اني هسه حجيتهه بخنكه وغصه
شمسويه فهميني ....لان اكتب اسمه ....لان اخلي اسمه بكلبي ....خليني ....حتى بكلبي تحاسبوني اذا حبيته .....ومسحت دمعتي بيدي .....
كلشي صار بيج من ورا
مو من ورا .....من وره جدي ....لو مو جدي طائفي جان كلشي مصار
انجبي ....انجبي ....شيرين ....حسج مااسمعه ....وهذا عمر الله لا ينطي ان شاء الله لتجيبين اسمه يمي ابد
طلعت وعافتني .....باوعت عَل ورقه مشككه.....حتى باسمه حاربوني
جنت اشك بحب عمر ....رغم مسوالي شي يشككني بي ومستغل حبي اله ابد ....ولا يوم طلب مني شي مخل للأدب حتى صوري ...الي دزيتهن اله من طلبهن كلي دزيلي صورتج بحجاب ..كلشي صار بينه بسببي
عمر/مشتاقلج والله ....الاول مره اكره العطلة واحسب يوم يوم تنتهي
شيرين/جنت بيومهه ضايجه من عمر لان وحده حجت وياي عَل ماسنجر كالتلي عمر يحبني وعنده علاقه بيه وانتي ميحبج وبعدي عنه ومواجهته منتظره تخلص العطلة اريد أكبسه وأشوف الموبايل قبل ليحذف شي
عمر/شبيج شيرين شو مو طبيعيه
عمر انت تضحك عليه مووو......اني بنظرك حالي حال البنات موووو
ليش شيرين ....ليش هيج تحجين ويايه ....شمسويلج اني
انت عندك علاقه بوحده غيري وهم تضحك عليهه مثل متضحك عليه
وواعدهه بالزواج ماشاء الله
اني
اي انت ...هيه حجت وياي
يعني اني عندي علاقه بوحده غيرج ....والله ماادري شكول ....منو هاي انطيني رقمهه خل احجي وياهه كدامج خاف متصدكين بيه
مو برقم عَل ماسنجر
شيرين دومج ماعندج ثقه بحبي الج ....بس باعي اني ماعندي اي علاقه بوحده غيرج ....هاج لزمي موبايلي اذا متصدكين قبل لا اسوي اي شي خاف عبالج احذف
فتحت الرمز اعرفه جان مواليده ومواليدي وأول احرف من أسامينه اعرفه
كلبت بي بكل البرامج دخلت محتى بالحظر مال ماسنجر دخلت للحاظرهم ماكو اي شي غريب ....خجلت ومعرفت شسوي رحت للاستوديو شفت صوري محذوفة ....ردتلي مشكله اني صاحبة حق بيهه لان اذا اعوف الموبايل واني ملاكيه شي شيخلصني من اللسانه
هاي حاذف صوري هاااا حتى حبيبتك متشوفهن مو
انتي مخبله اكيد
لا والله لا مخبله ولا شي بس اني كشفتك ....زين ليش حاذف صوري
مو علساس طلبتهن مني لان تشتاقلي
لان موبايلي مرات جماعتي يطلبو مني ....يخابرون مني
اي خوش حجه
شيرين مو اشوفج تتحججين تريدين مشكله
من ساعتهه من زعلت رجع صوري بجهازه وتفاجئت كال سويت استرجاع المحذوفات بالحاسبه
شكد عقلي صغير....جان .....لو مخليته حاذفهن .....أصلا اني كيفت بوقتهه من حذفهن بس ردت أغطي شكي بسالفة الصور
...................................................
فارس/شهد ....اعرف حقج واعرف هسه مراح تفهمين كل كلامي
احجي فارس....مابيه حيل كوه بقيت هسه احجي وخلصني
باعي ....اني قبل لا اتزوجج جانت هاي البنيه مجرد زميله ....بس اني احسهه معجبه بيه ....بس اني ممبادرهه هيه بنيه ويانه بالكليه ارمله
عراقيه
اني يحجي وكلبي يريد ينفجر
من اجيت هنا بالعطلة وتزوجتج وسكتي برجولتي ... ورجعت اجيتج وطلكتج من رجعت حيل ضايج ماادري شلون بلحظة عصبيه وغضب منج تقدمت الهه
شهد/كلبي عصرني ويوجعني حيل ودموعي نزلن حيل
وامهه قبلت ...هيه بس هيه وامهه
شهد/واني امسح دموعي ....هاي نفسهه الي سويت وياهه حادث
عمر/اي
لعد مو كالو مو عراقيه
لا عراقيه
أصلا من سوينه حادث جنت اكللهه اريد اطلكج بس هيه مقبلت وتعاركت وصار الحادث
اي وذاك اليوم سافرت لو جذب سافرت رحت جبتهه وأجيت....لان هيه حامل
اني كلي هيج واني الدنيا دارت بيه وكلبي كام يوجعني حيل كبل تخربطت ....حسّيت بوخه طلعت من اذني ....متحملت ...بعد اكثر....هم خيانه وهم زواج وانوب مرته حامل
فتحت عيني يقيس بضغطي فارس وعمه تفرج برجلي وتبجي
يمه شهوده كومي شبيج شصارلج
كمت ابجي اول مفتحت عيني تذكرت كلشي .....وديني ....عمه وديني مااريد اشوفه ابد
كولي يا الله يمه
مااريد والله .....اريد ماما وبابا
طاقه ماعندي بودّي اركع راسي بالحايط عَل سمعته انرعصت عليهم وكمت أصيح ...وابجي ....هسه تودوني
قيصر كلي كومي .....كمت لبست جبتي فارس محجه شي كاعد عَل جربايه ويباوع عليه طبعاً رجلي ترجف احس مااكدر اذب ثكلي عليهه مصدومه حيل ....احس روحي ضايعه ....ليش سوه بيه هيج ....آذاني حيل
وداني قيصر ......واخابر على عمه تفتح الباب جان جدو نايم
خوله/شهد شبيج يا ستار ....هيه وفارس مووو
قيصر/خليهه تهدء شويه وترتاح ....مشكله بيناتهم خل يرتاحون ويحلوهه
اووف يا فارس وشهد ولا يصفون
دخلت واني اخوط برجلي خوط كوه امشي مكسوره....خذلني فارس حيل كلشي توقعت....توقعت متعرف على وحده ....بس متوقعت واصل مرحلة زواج وطفل
شهد شبيج
مشيت واني امسح بدمعتي هم فارس وهم اهلي مموجودين بالبيت وكفت وخليت ايدي على عيني وكمت ابجي حيل
حوله/يمه حبيبتي سوده عليه هاي هيج متأذايه ....شسوالج فريس ....هالمره شبكتهه وكمت ابجي ......مااكدر احجي خنكه بصدري
كعدتني وكامت تفرج ظهري من جهة صدري ....ارتاحي حبيبتي وراحت جابتلي مي
شربت شويه
شبيج حبيبتي
عمه .......وبجيت حيل مكدرت اكمل
شبيج حبيبتي احجي ....شمسويلج فارس
حجيتهه وكمت اناشغ م...م....متزوج فارررس
يااااا ....يا يمه ودكت على صدرهه ....تتشاقين
وكمت ابجي واناشغ
اووف هاي فارس هيج تطلع منه .....يمه عقلي ميستوعب
حاولت عمه تصبر عليه وإرشادي بصفهه فراش نمنع بالاستقبال لان من فرغ البيت كامت تنام جوه حتى قريبه على جدو ......سوتلي عصير ليمون مقبلت اشربه وكامت تقره على راسي تكلي حتى تهدين وتنامين ..شويه واتصل بابا على عمه
اي هنا يمي
لا لا....ليضل بالك عليهه ....نامت هسه
جنت مغمضه عيني واسمع عمه تحجي ويه بابا
خوله/باجر من تكعد اخليهه تخابرك فتحت عيني كلتلهه انطينيا كبل سدته
ليش عمه
ولج خطيه كلبه مطكك عليج وضال باله ....وأدري بيج اول متحجين وَيَا راح تبجين
كبل بجيت .....اريده يجي
اكيد هسه يجي بعد هاي المشكله
نامي وارتاحي هسه انتي
مااكدر انام
انطيج فاليوم انطيني اي شي عمه بس كوّن انام احس عيوني توجعني حيل تحركني نعسانه ومااكدر انام
انطتني حبايه توني بديت اسلهم دك موبايل عمه عبالهه نايمه
ابو البلاوي شتريد
نامت هسه بعد منطيتهه حبايه ....ليش هيج فارس صدك الي حجته شهد
اسكت ....اسكت ....انت تعرف كلش زين عمك ...ضعيف كدام بناته ويكلب الدنيا قبل شويه جان يحجي وياي وكال راح يرجع للعراق
اي ....اي ....عود كل العمك هيج
وراهه طلعت من الاستقبال ماادري شحجو ....مااعول اسكت من البجي رجعت بجيت ....اخر شي محسيت غفيت

ثاني يوم جدي بالعوجيه .....يحركهه على بطني.....فزيت
هاي شهيده هنا .....كومي ....يلله الساعه ب٩كووومي اصحي ريكي جدج مادامج هنا
فزيت عيوني مورمه من البجي لميت شعري وكمت
مجيد/شوكت اجيتي
البارحه بليل
اكيد متعاركه ام اللسان ويه حفيدي وشابعه كلبه
يحاول يستفزني حتى احجي .....بس اني مابيه حيل اجاوب
كعدت عَل ميز بالمطبخ خليت القوري عَل نار ....احس كلبي مقبوض منهارره اريد شي يريحني ....هو خاين براحته ....أصلا ميهمني
اتخايل شلون يغازلهه واصلا يجوز هسه يمهه ......باوعت على بطني .....لعد اني ليش مصرت حامل .....او احسن مصرت حامل خل يتهنه بمرته وابنه مدري بنته بجيت شفت جدو دخل للمطبخ مسحت دموعي
شبيج ممرتاحلج
مابيه شي جدو .
خاف فريس مضوجج اشعل صفحته
دخلت عمه خوله جانت بيت عمو سعد لان مرت عمو متخربطه من القهر على حسن
ها كعدتي
مجيد/شبيهه هاي المخبله.....اسألهه ومتحجي شمسويه من عمله
خوله/حفيدك هالمره الغلطان
مجيد/فريس.....شمسوي هالمعزه
متزوج
فريس متزوجرأساً كمت صعدت فوك .....تعبانه وكلبي خلصان مالي خلك اسمع شي
مجيد/وانتي بويه ليش تبجين ووين رايحه
اصعد فوك
اسمعه يكول ....وليش تبجي الشرع ومحلل اربعه .....رجال ومن حقه يتزوج
متحملت نزلت من اول درجايه
شو كلشي تحلل للولد وتحرم للبنيه
شنو بؤسه تريدين تتزوجين اثنين انتي ....هاي مو انه كايلهه الله هو محرم النسوان ومحلل للزلم
شيرين من حبت واحد ....انذبحت
ومن فارس تزوج عليه تكول حقه
انتبهي الكلامج يبت ستار ....وبعدين شيرين سالفتهه وحد ...لا يم الحب ولا يم الخرابيط .....شيرين حالهه حال الزانيا ....شيرين صورهه بين الشباب وبوضعيات متتسولف ...القارتين وتسويقي عودك ظالم شهد/هو انت ظالم ......ظلمتنه كلنه ..عمه خوله ظلمتهه هم .....موتت شيرين ....وجبرتني اتزوج ....وجبرت فارس حرمتنه اني ومريم من دراستنا .....حسن جبرته قبل يدرس وهو ميريد الدراسه ومفلح بيهه ....كرار جبرته يتزوج وحده ميريدهه....بس قيصر مكدرتله هو ومحمد وتلوب....عليهم ....انت شعليك بينه احنه شنوو مو بشر مشينه على كيفك ليش ..
كبل خلت عمه خوله ايدهه على حلكهه وكامت تأشرلي اسكت
مجيد/انتي لو بت ابوج اوكفي بمكانج
شهد/جدو هاي الحقيقه
انعل ابوج ....يابو الخلفج انه اعلمج اليوم يا بت ستار شلون تتأدبين وتحترمين يا جليلة الحيا وركض عليه واني ركضت صعدت فوك
وماادري شصار مصار طبكت بابا الغرفه مال بابا وقفاته وتمددت على جربايتهم .....وينكم يا بابا وماما محتاجتكم والله
بقيت بغرفتهم بعدين اندكت الباب فتحته فارس ردت أسده دفعه
لتصيرين زعطوطه
لا زعطوطه ولا شي .....شتريد مني
اريدج الج واني مااريدك ....روح المرتك وللطفل الي ببطنهه .....
لتصيرين مخبله
انت شتررريد مني
كتلج اريدج .....اني احبج الج والله ومااكدر بدونج لتصيرين مطيه
انت شدتحجي .....روح فارس ....لو تصير نبي هم مااريدك بعد
شهد ....بس تجيب اطلكهه
لتطلكهه ولا هم يحزنون روح عيش حياتك وياهم ....أصلا اني جنت مزهكتك بحياتك وراحتك يمهه
والله راحتي انتي
اي صحيح والدليل بس احجي تروح تركض الهه لترسمين بعقلج اشياء مموجوده والله العظيم كل راحتي انتي ....بكل حالاتج ....بخبالاتج بكلشي يخصج احبج
فارس ....روح .....والله ماارجعلك بعد واله اتطلك منك
انتي مخبله مااطلكج
تطلكني والله
شهد ....والله العظيم اطلكهه لتسوين هيج
فارس....اختصرلك الطريق اني ماارجع الك
بقه يحجي واني قافله يجي بابا اخلي يطلكني منه وأسافر وياهم
راح فارس بعد ماأيس مني
خابرني بابا وكلي ٣يوم ويجي ووصلني مااحجي اي شي بدون علمه ومنتظرته
.....................................
شيرين/بابا حجز ورجع للعراق علمود شهد......مااعرف شنو مقرر يسوي ......بس اكو احتمال يجيبهه هنا اذا ملكه حل المشكلتهه ....فرحانه حيل صح انانيه ....بس اتمناهه تجي كلبي مطكك عليهه جنه كاعدين اني وامي دخل محمد
سافر ابويه
اي سافر ابوك وين ميروح يلحكه الضيم
شيرين/محمد انت تدري ب فارس متزوج
محمد/ليش تسألين
لان من سمعت متفاجئت
اني ادري .....طبعاً لا
رحاب/بس لا يا محمد تدري وتغطي على ابن عمك ومتفكر بأختك
لا يابه شنو هاي السمعه ....أصلا تفاجئت اني ....شيرين حبيبتي عوفج من السوالف وكومي سوي لكمه الأخوج الجاي تعبان وجوعان
كمت ...
............................................
شهد/اول موصل بابا شويه ارتاح ودز على فارس ....وقبل جدو يحجي بالموضوع ......يتبع ...........................
حدث من البارت القادم
عطشاان .......أنطوني مي .......كاعد اكلكم عطشااااان
تريد مي تدلل من عيوني
معلكيني من ايدي برنجيل صار يومين بدون مي ويضربون بيه .....بدون رحمه .....رجلي أريدهن بس يلوحن الكاع واكعد .....تعبت حيل
اشوف الموت بعيوني .....بس مااموت
هسه شنووو كتلي تريد مي
يصب المي بالكاع بمسافه بعيده عني ......اشوفه بس شووف مااكدر الوحه ويضحك وساعه يقربه وساعه يبعده
الذله صعبه
Bạn đang đọc truyện trên: Truyen247.Pro