#صرخات_غير_مسموعه

#loloaalolo98

#البارت 2

🌹🌹صرخات غير مسموعه🌹🌹
🌱🌱بقلمي ام غايب🌱🌱

درت وجهي علي ....كعد عَل جربايه

شهد لازم هسه .......وسكت

باوعت علي

تعالي كعدي كبالي

لا والله فارس ....خل أصير صريحه وياك

اني مااطيق اسمع حتى صوتك .....صرخة شيرين بذني من اخذتوهه وانت بكل برود تكلي كعدي كبالي  من اتذكر شيرين مستحيل أسيطر على دموعي
غمض عينه بعصبيه

شهدددددد كااافي الموضوع هذا راح كااافي فهمتي لو لا

لا مفهمت وميروح هذا الموضوع

تزوجتج  مجبور علمود سمعةً العائله مااعرف جدي شلون عقله اقتنع انو هالشي ينحل بهالمسأله بس انجبرت اقبل علمود ابوج الي هو عمي اذا رفضتج هسه تحز بكلبه ويكول بسبب موضوع شيرين

شوكت تسافر واخلص منك

كام وتقرب عليه .........وأخذ نفس مسح وجهه بيده  بعصبيه واني اباوعله بأرف مستحيل اكدر أظم مشاعر الكره والحقد واستبدلهن حتى اذا بتصنع

مسح وجهه بيده حيل .....مااعرف شلون راح اتحملج المدة اسبوع وماادري اذا راح أضل مسيطر وما امد  ايدي عليج لان انت كللللش صلفه ولسانج اطول منج وكلامج ميدل على وحده عدهه تربيه للأسف دار وجهه ورجع

وهااااا للاسف عمو ميستاهل هيج بنات

ليش ....لان احجي الي بداخلي والحق معناهه صلفه

ماعندج أخلاق أبداً ومتفرزنين بين الجبير والصغير

لا والله شتريد مثلا شلون احجي ويه الي ذبح اختي ....تعرف شتمنى

شتتمنين بلله

اخلي نفط واحرككم كلكم شلع قلع واولهم جدو

مااحس اله ضربني راشدي قوي ودفعني عَل جربايه جنت اريد احجي سد حلكي اششش لتحجين بعد كااافي

فتحت عيني بكل وسعهن الحد موخر مني  مااريد ابجي كدامه .......عافني وطلع

................................................................................

شيرين/شهد بس اوكفي بالباب عليج الله

ليش
شيرين/خاف يجي احد  نبهيني اريد احجي ويه عمر ....فدوووه ...فدووه😘😘😘

وكفت يم المحجر خاف احد يصعد اكللهه ....فكرت بعقلي شوكت احب اني يا ربي شو كلهه عدهه أحباء حتى صديقاتي خرب حظي

شهد لازم تحبين واحد قيصر اويلي حلو سوي حبيبج بكلبج
بس ولو نسيت خل يولي الحقير يحب وحده عابتله  خوب الاقربون أولى بالمعروف

حسين ...لا ...لا حسين فاهي وعمو سعد كل شويه مرزله  وكرار متزوج وحيدر زعطوط وفارس يدرس بره بس اني موديه كلبي للخارج

يلله ماكو غير فارس  ....شسوي احبه بكلبي لحد ميرجع

فارس منا وهيج انت بكلبي .....راح ابدي أغار عليك منا وهيج واتخايلك حبيبي ....يلله احسن من الماكو

..............................

فتحت عيني جنت متمدده عَل جربايه بالبدله ......تف عليج يا شهد عل ساعه الي كلتي بيهه تحبي علساس امداني .....ومسحت دمعتي بيدي حيل
كمت رجعت الكنتور اباوع عَل ملابس الي جايبيهن كلهن مشلتحات

استغفرك يا رب على هاي الملل الله يصبرني  ولازم اللبس دشاديش بان بس الدشاديش مستوره وشلون اللوان مبينات عمه خوله جايبتهن لبست اسوء لون فستقي جان على فسفوري وطلعت شال لونه احمر ....تف على هيج ذوق رحت غسلت وجهي بحيث كبت مفخخه بي الحمره عَل مسكارا لازم مااخلي يتقربلي الحد ميسافر .....واله تخرب الخطه

باوعت موبايله عَل مجرات الي بصف الجربايه ....ركضت علي ....شلون مشفته اني ....اكيد بي الفديو .....فتحته بي رمز

خرب حضي  وغميت روحي ......محسيت غير انفتح الباب

عفت الموبايل. بسرعه بس لكفني

اباوع علي يباوع عليه بأرف .....

شتسوين بموبايلي

ردت اخابر امي
ليش

اشتاقيتلهه

رفع حاجبه ....باجر خابريهه

نمت عَل جربايه حتى بدون ماامشط

شنو راح تنامين هيج

ليش شبيه

بالعصبه والدشداشه ووجهج هذا

شبي وجهي هاي خلقة الله

شهد اعرف علمود مااتقربلج بس ماكو داعي الهل رعب مميت عليج اني بس لازم يريدون علامه

علامة شنو

علامه يعني انو اني تقربتلج

والله لو تموت مااخليج تطخني يا مجرم

تعرفين اني ليش ساكتلج مع العلم واحد غيري جان هسه لزمج كطعج
ليش

هيج حسبه ببالي ....نامي شهد ....ومن هاللحظه ممنوع حلكج تفتحي

بدل ملابسه واجه نام بصفي

جان نايم على ظهره وطابك المخده معليهه ومجتف ايده

هاي وين راح تنام

نامي شهد بدون صوت

باوعت علي بحقد .....اني شلون سكتت وكلت للسيد موافقه ....شسويت
معقوله هذا ... زوجي هسه .....شلون يا ربي جنت خايفه اكره امي وابويه اذا ابقه يمهم مثل مااكره كل الي داير مدايري هسه

دار عليه

راح تضلين هيج تباوعين عليه .....مااعرف انام واحد يباوعلي
باوعت علي .....انت ليش سمعت كلام جدو

اني مو كتلج نامي بدون صوت

انت شلون طبيعي هيج ممتأثر عوفك من سبب كتلكم ال شيرين بس ماكو ضمير بداخلك ....يعني قتلت روح وحياتك مستمره طبيعيه تاكل وتشرب وتكدر تنام

نامي شهد

اكيد كامت تصرخ من ردتو تذبحوهه ....وكامت تتوسل بيكم .

كاااافي شهد ناااااامي

للأسف ماكو ضمير بعدني ممكمله

عااااط .......كاااافي شهد والله اذا سمعت حسج بعد

موكافي

مااحس اله صار فوكايه وخله ايده على حلكي .....اذا حجيتي بعد بهذا الموضوع ادفنج شيرين اخذت استحقاقها انتهى الموضوع سبرة شيرين متجيبيهه كبالي فهمتي لو لا وكافي مااريد امد ايدي عليج نهائياً لتجبريني استعمل أسلوب مو أسلوبي فهمتي شهد
شهد فهمتي .

هزيت راسي ......ب......لا

شهد فهمتي

هزيت راسي ب .....لا

خرررب بــ عنادجً لج انتي شنوووو ..شدعي عليك يا جدي عَل هالورطه هاي

ممممم
أأاااااا
صوتي ميطلع صرت مثل الخرسه خنكني حيل

مااوخر اله تكولين اي

رجعت هزيت راسي لا

بده يرفع بدشداشتي بيده عيوني رادن ينطن
هزيت راسي. واحجي ب لا لتسويهه بس ممفهوم شحجي

تسكتين
هزيت راسي ......اي ......اي

ومن احجي متراددين

هزيت راسي...اي

تمسحين وجهج المصخم

هزيت راسي....اي

وتنزعين هاي الدشداشه وتحركيهه هم هيه والعصبه

هزيت راسي.......اي

وخر ايده .....ناس متجي اله بالعين الحمره

بقه فوكايه.........وخر كووووم يلله من فوكايه  شنو مصدكت

هاااااااا ......شكلت اني
وخررررررررر

اشو مااوخر

كتلك وخر

رجع مد ايده على دشداشتي

عطت فارس وخر كبل رجع ايده على حلكي

ولج شلون بيج اني متكدرين اذا متعاندين  .......ويرفع بدشداشتي شويه شويه كمت ابجي  وأحرك بجسمي

كبل عافني وخر من فوكايه ودار وجهه عَل جهه الثانيه

اني بقيت مصطكه بمكاني وابجي .....تمنيت الموت بهاللحظه كرهت روحي وكرهت بابا  واسأل ليش هيج بابا مستسلم ال جدو وقراراته

باوعت عَل فارس بس ظهره مبين .....باوعتله بشمئزار الله ياخذك ان شاءالله

درت وجهي عنه غمضت عيني

ماما لتخليهم يأخذوني والله مو اني 

غمضت عيني أقوى  صوتهه بأذني ....-شلون راح اكمل حياتي وانتي انذبحتي مااعرف .....
مااعرف شلون وشوكت غفيت فزيت على صوت الهلاهل ......درت وجهي ماكو فارس .......عرفت انو فارس نازل وهاي الهلاهل مثل ألن عمو سعد من نزل يوم عرسه لكيت دشداشتي واصله الركبتي والعصبه ماكو ومكشفه
فزيت ......عزززه هاي شنوووو

من انام أتحرك .....دائماً اللبس بجايم من انام

كمت بسرعه  باوعت على وجهي جني سعلوه   طلعت كلنكس مرطب ومسحته

بقيت بدشداشتي بما انو فارس ضاج منهه....صح مطايقتهه بس اللبسهه هم عايزه اكشخ أنوب ومخليت مكياج .....نزلت ورا......كامو يهلهلون هو جان كاعد يم قيصر باوعت من الدرج جان يسولف بصوت ناصي من هلهلت عمه ام قيصر باوع عليه وسكت

مبرروك حبيبتي

سكتت مجاوبتهه

مريم/اهلا مرت اخويه الحلوه الجبوبه  وباستني

شهد/انجبي مريم لا هسه الزكج بالحايط  يلله انتي هم مبقالج شي ويزفوج على محمد واتشمت بيج

جنه نحجي بصوت ناصي .....باوعت الساعه ب٨ الصبح
هاي شنو من وكت كاعدين
شهد عود صعدي

ليش

وراحت للمطبخ ......مااحس اله اندك الباب .....طلع فارس  فتحه واشتغلت الهلاهل عمه خوله 

الجد/تعالي بخشم مرفوع ومد ايده متعلمين قبل نبوس ايده .....جنت اموت على جدو .....قبل لا يأمر بذبح شيرين وعادتنه الي جدتي علمتنه عليهه نبوس ايدهه وأيد جدو قبل  لتموت

تقرب علي بستهه من وره خشمي جان يشبكني نفس قبل وباسني من كصتي
حسّيت بالأرف....بوستني عمه خوله

مبرروك حبيبتي

سكتت ...بستهه ورحت للمطبخ  ....أحس طاقتي خلصت انهيار عصبي صار بيه يمكن اذا اخد طخني بعد .....اعيط بي

اجتي ورايه مريم

مريم/شهد الموبايل وين راح اموت  من الخوف من ذاك اليوم الهذا اليوم
هناك بقيته مجبته

صدوك ...ولج بلله لكو

ميلكو  .....اليوم اجيبه

اي خل نفلشه

طبعاً  لا خوب جان فلشته وخفيته اول مصارت حق شيرين يروح

وبعدين ....الرمز منعرفه بلله لكو شهد

ماادري نجرب بعد  بلكي ينفتح

شهد بروح شيرين خل نفلشه اذا تحبيهه

مريم سكتي لتحلفيني بروحهه ماافلشه والله وماانطي الج  تريدين هذا السافل يفلت منهه بس ينفتح ونمسح المحادثه انطيهم الموبايل

شهد

آش مريم ..... دخلت عمه ام قيصر وعمه خوله يسون ريوك  صعدت فوك للغرفه ....

لحكتني مريم
بعصبيه.....شهد انتي تفكرين ب شيرين .....شيرين ماتت لتصيرين أنانيه الموبايل  وين كليلي خل اروح أجيبه ونفلشه ونخلص

مااحس اله نفتح الباب فارس........

...................................
يوم مقتل شيرين........الساعه الثانيه ظهرآ

مريم/شيرين دنطيني موبايلج عليج الله

شيرين/انجبي ولج منتظره عمر يتصل وانتي من تلزمين الموبايل تنسين نفسج

والله بسرعه شبيج ٥دقايق

ولي انتي تلزمي خمس دقايق

مريم/من يوم ملكفتني امي والله محجيت وَيَا بعد

شيرين/وهيه امج شدعواهه ليش متقبل بي وهو يريدج بالحلال

مريم/ لان ممكمل دراسه يكول ماكو مستقبل وَيَا عليج الله شيرين بسرعه

شيرين/هاج بس استعجلي

شهد/والله تلعبن اثنيناتجن
شيرين/مريم وين موليه مو كلتي خمس دقايق

مريم/هسه شبيج

وطبكت الباب حيل وطلعت بقيت اباوع على شيرين شكلهه مو طبيعي وتتصفن ضليت اكلب بكتابي وهيه على نفس الوضع

شهد/شيرين شبيج شو احسج مو طبيعيه

شيرين/مابيه شي بعدهي مناطقه مااحس اله انفتح باب الغرفه حيل ....بابا عيونه تجدح

أيا بت الكلب على هاي السالفه مااحس اله سحلهه من شعرهه وهيه تعيط وتصرخ وامي تصرخ واني هم كمت ابجي شنو القصه مااعرف
وبابا. ًً..يصيح....اليوم ادفنج والله بيدي

فجأه صار البيت عباره عن ضوضاء........مااعرف شديصير كل الي اعرفه انو المتهمه هيه شيرين

نزلت حالي من حالهم عاط بيه جدو وكلي اصعد ....صعدت واني عيني على شيرين الي. مخروعه تبجي وعيونهه تتوسل بيهم ...لكيت مريم واكفه ومصطكه من الخوف
شكووو ولج

وج ماادري شديصير

لج موبايل شيرين انقفل واني جنت احجي ويه باسم عَل فايبر

ولي هسه احنا بيا حال

لج بلله اخذو الموبايل وسافر رسائلي والله يذبحوني

خرب ببليسج احجي واني ابجي انطيني الموبايل ......أخذته بوسط هالهوسه وصعدت للمخزن غلقته وخليته بشليف مال ملابس شتائيه

ونزلت اركض اسمع شديصير

كل الي فهمنا اكو فديو ال شيرين منشور على مواقع التواصل الاجتماعي شيحتوي هذا الفديو مااعرف

...............................................................................

فارس/شبيجن تتعاركن

مريم /بخوف وين ممتعاركين .....اني طالعه
شهد/واني هم

طلعنه من الغرفه .....طبكت الباب وكرصتهه ....تف عليج اله شويه ننفضح من وراج

اسكتي شهد للأسف عليج

لج غبيه مستحيل لو على كص ركبتي ماانطيهم الموبايل

لج شهد اذا لكو الموبايل يذبحوني والله

انتي ليش شلحكتي تحجين وَيَا ولج

دزيتله صورتين الي وحجبت ولج مبينه اني

اووف منج يا مريم شفتي شيرين شسوه بيهه عمر بلله انتي هم سوه بيج ذاك هيج غبيه انتي

شهد روحي جيبي الموبايل عمه خوله تحب تفعفس

طلع فارس.....شعدجن انتن اليوم بس تبسبسن

سكتت اني ومريم جاوبته ماعدنه بس دنسولف سوالف نسوان
ليش انتن نسوان واني ماادري مابيجن ريحة انوثه عراكات وتهمشن بشر

حسيته يبسمر الي

نزلت وعفته جان مبدل مدري وين يريد يروح

تريكو ماهي وكيمر عشتو مآل عرسان بس اني مليت بيضه ولا اكل من هذا الكيمر والكاهي

شهد/عمه اجي وياج اريد أخذ اغراضي

كلي الرجلج

بودّي اغمً روحي بهاللحظه ....عشتو أنوب لازم أخذ موافقتهه الهذا المجرم

خوله/ولج اللسانج ليسمعج احد

عمه

وغمه .....استجني ولتسويلج سالفه من وره هاللسان الاكشر

والله ياربي ....كام فارس راد يطلع ندهتني بأيدهه كومي كليله مااخذجً والله اذا متستأذني
ردت ابجي عضيت شفتي حيل وغمضت عيني وكمت ورا جان ديشرب مي من البراد

فارس

دار عليه

شكو

اريد اروح البيت اهلي الم اغراضي

من اجي اخذج

اريد اروح ويه عمه خوله

كتلج من اجي ......طلع وعافني عضيت اصبعي ....اااااخ شكد حقير

خوله/ها شكال

يكول من اجي

اي من يجي

عمه
عمه العماج ....كلشي ميعجبج

عمه انتي شبيج وياي شو متغيره

اني لو اللسانج الي مرمرني

امي ليش مأجتي

ابوج مقبل

ليش بلله

ابوج تعبان شهد .....اكبري وفرزني الأمور الي صار مو قليل

اني اكثر وحده بيكم واعيه واعرف ألي صار بس الي صدمني ضعف اني وابويه واستسلامهم ال جدي ولا عبالك هاي شيرين

اوووف يا شيرين سوده عليه

شعجب كلتيهه
الوجع ل بكلبي وكلب امج وابوج متعرفي ابد شيرين روحنه وراحت

اي عمه بس مااشوف ولا واحد بيكم متأثر

حبيبتي متأثرنه مجبورين لان عقلنه ممستوعب الي سوته شيرين

شسوت عمه ....كليلي شنو الفديو حبابه

اسكتي عمه وخليهه ...عوفج من هذا الموضوع

عليج الله عمه

طلعت من المطبخ وعافتني

صعدت فوك تمددت بالجربايه ......ياربي شنو هذا الفديو والله راح اموت اريد اعرفه ....اكيد قيصر هم حافظه الفديو

نزلت شفت قيصر وحده بالهول ديكلب بموبايله وجدو وعمه رايحين

كعدت يمه
ها حنوشه ....يصيحلي حنوشه لان عصبيه على اسم بيبي هيج جانت ام اللسان مثلهه اني

قيصر اريد اخابر بابا

تدلل حنوش

عابت هالخلقه بكلبي حنوش بعينك الله ياخذك يا مجرم
اتصل على بابا وانطانيا كمت من يمه وصعدت وكمت اباوع يباوعلي لان صعدت ابتسمت ....بس اريد احجي ويه ماما بشغله

أخذي راحتج

صعدت حجيت بسرعه ويه بابا وسديته ورحت كبل للستوديو

أوف ....أوف ....أوف وصاير شريف برأس شيرين لكيت بالستوديو كوارث صور حبيباته وخطيبته خوب صوره هو وخطيبته عزززه بعيونكم سخفاء

رحت عَل فيديوهات طلعلي اول فديو بي شيرين صورتهه دخلت علي انصدمت بنيه تحجي كلام سخيف وناعم صوتهه بحيث مبين ال شيرين لو لا لان وحده مبينه تتصنع وصور الهه كلهه صدر وحركات ....احس ايدي كامت ترجف ودموعي ينزلن يعني صور مستحيل يستوعبهه العقل ووحده خلاعي الى درجه بس مو جسم شيرين والله شيرين جسمهه شوي متروس
كمت أبرر ال شيرين مااعرف صدوك خليت ايدي على حلكي وابجي
لا مستحيل شيرين....معقوله جانت تدر ال عمر هيج صور

صاح قيصر علمود موبايله ....طلعت من الفديو بسرعه وصادفت مريم انطيتهه الموبايل

شبيج تبجين

سكتي عني هسه ...هاج ودي ال قيصر يريده وكليله انطتنيا من زمان بس جنت بالتوابيت أو ابدل اي شي

ماشي ....نزلت وهيه صافنه عليه دخلت للغرفه ممصدكه الي شفته معقوله شيرين هيج تسوي وتحجي المشكله الصوت مال وحده مغيرته تتماوع يعني محد يكدر يفرزنه

ظليت نايمه عَل جربايه وابجي صعدتلي مريم ولحت اكللهه شبيه ....اخر شي حجيتلهه الشفته انصدمت ....

لا ...انجبي معقوله هيج تسوي شيرين وتدر صور جسمهه وبوجهه

ماادري ....ماادري ولج والله عقلي راح يوكف
صاحتهه عمه ونزلت ظليت اني ابد منزلت ومندد عليه عمه لان تعرفني طكه ونص وانوب مجبوره عَل زواج بس كالت العصر يجون الخطار لازم تنزلين

جنت نايمه وابجي دخل فارس

باوع عليه اني درت وجهي عكسه

يلله تروحين

لا مااريد

براحتج

كام يبدل ملابسه اسمع حركه وراهه كعد عَل جربايه

شبيج تبجين

شعليك بيه انت

استغفرك يا الله حجاهه بعصبيه وطلع

وره ساعه تقريباً صعدت مريم تطمئن عليه وتصيحني لان اجوي خطار
مو كالت امج العصر يجون

شمدريني اجوي بعد يلله نزلي

اكلج مو اجه قيصر شو مرحتي

مالي خلك

شهدددددددد انتي شهالبرود هيج مااهمج لج عمه خوله متعرفيهه انتي هسه تلكيهه مسويه حمله اذا متروحين تجيبي بعد لا اعرفج ولا تعرفيني والله

ماشي ....هسه اروح لتلحين

نزلت للخطار شويه وكمت رحت ال فارس جان بالاستقبال كاعد يتبسم بالموبايل

فارس تكدر تاخذني هسه

شنو اشتغل على مزاجج مو قبل شويه كتلج ومقبلتي

سكتت وردت اطلع صاح
روحي لبسي يلله

لبست جبه ورحت البيتنه بوست امي وابويه .....امي شبكتني وكامت تبجي ولطشت يمي واني اريد اطلع الموبايل الى ان فرجت وصاحتهه عمه خوله

رحت لمجر الكتب ادور ماكو متت طارت الكتب توترت حيل ردت ابجي الى ان تذكرت بيوم الحنه من خلصت ردت اجرب باكي ينفتح اندك الباب وتوترت جنت كاعده على جرباية شيرين وتوترت وخليته جوه الدوشك

شلون نسيتي بلله لكووو خررب ببليسج شهد ....رفعت الدوشك كله لكيته ....يمه الحمدلله

وشفت دفتر .....صاير جوه الدوشك من جهة المخده ....شلته فتحت اول صفحه

الى أطفالي المستقبلين ......أمكم شيرين ....انصدمت وصاح فارس من جوه يلله يمعوده

اخذت الدفتر وعدلت الدوشك ونزلت بسرعه

فارس/هنه ذني اغراضج

اي
جنت خالتهه بجنطه شالهن فارس جنه رايحين مشي لان قيصر طالع بسيارته وبيت اهلي بالفرع الورانه قريبين مشينه عَل صامت

اول مواصلنه صعد فارس الجنطه وصعدت وَيَا بس طلع فتحت الجنطه مفكره بمكان للموبايل بعدني توني رفعته من الجنطه دخل فارس حسّيت الدنيا افترت بيه

باوع على ............يتبع